السلام عليك ورحمه الله

ياهلا والله وغلا بشدووون جعله مبارك عليك الشهر يارب

بااارتك رووووعه وقمه مثلك ياقلبي

بو ضبدان وام شاهه مبرووك ماجاكم يتربى بعزكم ان شااااااء الله

ضيدان فدييييت الي يغاارون والله يسلم قبله ايد يغار لانه عاش وهوالوحيد والمدلل
والحين بيجي الي بياخذ الدلال منه

ونايف يسلم لي يناااوي بس تعوذ من الشيطاااان رح جعل دربك خضر وربي يسهل لك
وان شاااااءه دليل تموت فيك ولا تقدر تستغى عنك

شاهه فالك العافيه يارب يسهل عليك ويهونها احس كاني انا الحامل موشاهه هههههههه


تسم يدينك شدونه جعل كم صوامه الشهر وقوامه وساامحيني على التاخير والله حدي مضغوطه

السلام عليكم

آسفه على التأخير حبايبي بس مافضيت الا بعد ماختمت القرآن الفال لكم ان شاء الله بس وعد راح ينزل بكره بارت ان شاء الله
بارت اليوم قصير بس بارت بكره طويييل باذن الله
اتمنى كم قراءة ممتعه


البارت السابع والاربعون
.....................................
في منزل ابومحمد آل دبيس
ام محمد:ياغزيل يانوف وينكن تعالن اخذن ذا البزران مني
غزيل وهي تسرع بخطواتها:لبيه لبيه يمه
ام محمد بغضب:شلي البزران مني اجعوني في راسي
غزيل وهي تسحب ابن نوف وابنتها المشاغبه:تعالو روحو غرفة الالعاب فوق يالله
فرح بغضب:سنو حنا بيبي نقعد فوق عند الالعاب
غزيل وهي تضربها:انتي اسكتي يالملكعه
فرح بتذمر:اف اف كله فوق كله فوق
ثم صعدا للاعلى
غزيل بتعب وهي تجلس بجانب الجده:يالله وش ذا التعب
الجده:وش متعبش يابنتي
غزيل:متعبني يمه البزران فرح الله يصلحها تبي لها مقابل وحمد نفس الشي وابيهم وراهم والله يعين
الجده بحنان:يابنتي اصبري بما صبرنا به
تقدمت نوف وهي تحمل ابن غزيل حمد الذي يبلغ من العمر خمسة شهور:غزيل وينش ولدش مات من الصياح فوق
غزيل وهي تحمل الصغير وتقوم بتقبيله:لبى عنونه ليه يبه تبكي ليه
دخلت ام صقر من المطبخ:سلام عليكم
البقيه:وعليكم السلام
غزيل:يمه فديتش المطبخ مليان خدم وش هو له تروحين انتي
ام صقر بحزمها المعتاد:مالش شغل فيني
ام محمد:يابنتي ريحي عمرش
ام صقر باحترام:يمه انا مرتاحه كذا
صقر من الخارج:ياعرب
ام محمد :تعال يابوي
دخل صقر:سلام عليكم
الجميع:وعليكم السلام
صقر بهدوء:يمه غزيل انتي وامي تعالو في المقلط ابيكم في موضوع
ام محمدوهي تقف:ابشر يالله يامزنه حياش
اتجهوا جميعهم للمقلط
ام محمد بقلق:خير يابوي
صقر وهو ينظر لوالدته:انا وجدي اتفقنا على شي بس انا قلت مايصير الا عقب مااستشيرش انتي وامي
ام صقر بحزم:وش عندك ياصقر
صقر بترقب لردة فعل والدته:انا بخطب من آل لطام
وقفت بجزع غاضب:وش هو
صقر وهو يقف ويمسك بكتف والدته الثائره:يمه خلـــــ.........
ام صقر بغضب عارم:آل لطام آل لطام ياصقر
صقر:يمه اسمعيني خليني افهمش
ام صقر الغاضبه:اللي ذبحو ابيك ياصقر
صقر بهدوء:ابي اللي تعدى على عرضهم
نظرت له بفاجعه:اقطع الله يقطعك من الدنيا
ام محمد بحزن:هو صادق يامزنه ابيه اللي تعدى على عرضهم
ام صقر:انتو بتجننوني
صقر بنرفزه:يمه حنا اتفقنا وخلصنا
ام صقر بغضب تصاعد للذروه:والله ياان خذيت من بناتهم ياصقر ان اقطع وجهي من وجهك
صقر بغضب:يمه لاتصدعيني كافيني اللي فيني
ام صقر وهي لاترى لغضبها العاصف:اسمعني نسوان آل لطام مايدخلن علي
لطام وهو يخرج من الباب متوجهاً للمجلس:يمه اعذريني حنا رايحين نخطب
صرخت قهراً وغضباً:صصصصقققققققررررر
دخلت غزيل مرعوبه:يمه شفيش
ام محمد بغضب:مافيها شي
ام صقر بعصبيه:اخيش راح يخطب من آل لطام
غزيل وقد عرفت سبب صرخت والدتها:يمه هذا اتفاقنا من قبل وش اللي تغير
ام صقر بغضب:حتى انتي
غزيل:يمه جاوبيني وش اللي تغير
ام صقر:تغير اني من اول مانيب راضيه ويوم ردوهم قلت خلاص خلصنا تفارقنا لكن ذالحين يتطلفون عليهم وش هو له
غزيل وهي تعلم انا والدتها قويه عنيده:خلاص يمه هم سايرين في دربهم
ام صقر وهي تعدل برقعها وتهم بالخروج:ان ماثنيتهم مانيب بنت ابي
غزيل وهي تمسكها:يمه اذكري الله
ام صقر وهي تبعد يد ابنتها بشراسه:انقلعي مني وراش
ثم توجهت للمجلس
............................................................ .
في منزل ام نوف الذي بجانب فلة والدها حيث يسكن الجميع
ام نوف بغضب:ليه قلو بنات الجماعه
نوف:يمه الله يهديش حنا مبتلشين في ام صقر وانتي تصيرين اعبر منها
ام نوف:مالومها قومها الشين ردونا اول مره نروح نشحذهم مره ثانيه
نوف باقناع:يايمه لا عيب ولا حرام
ام نوف بغضب:الا هدر كرامه لنا
نوف:هدر كرامه عشان حنا نخطب
ام نوف:انتي مامنش فايده
شيخه:يمه الله يرضا لي عليش صقر رجال ويعرف مصلحته
ام نوف:لا مايعرف مصلحته لو انه يعرف مصلحته كان ماراح لهم مره ثانيه
ساره:يمه هذا صقر ولدش وانتي تعرفينه صقر عقله يوزن بلد ولو انه مايدري ان له مصلحه كان مااقبل
نوير:بعدين بناتهم ما شاء الله بنات صديقش
ام نوف:انا ماقلت فيهن شي بس مابي ولدي يهين عمره لهم
نوف:يمه الرياجيل خلصو وقدهم متوجهين للعرب
ام نوف وهي توشك على البكاء:جعل ربي يكتب له التوفيق وين مالقا وجهه صقر ولد مزنه
الجميع:آميين
..........................................................
في منزل ابو سعد
ابو محمد:ها وش قلت ياخيك
ابو سعد وهو ينظر لفهاد:شوف وانا اخيك اما تناسب ناصر ولا فيصل ولا سلطان
ابو محمد:كلهم نسبهم يشرف
ابوضيدان بغضب:ماعندي احد للعرس
ابوسعد بغضب:ناااصر
ابوضيدان::وانا صادق انا نسابتي مع سلطان وسعد
انقبضت القلوب فذلك يعني بأنه اعطى ابنته اما فهاد او عساف
لكنه اردف ليعطيهم الخبر اليقين:شوفتي في وجهك يافهاد
صدمه الجمت الجميع
لكنه تلاحق الموقف:تاج على راسي بنت ناصر
وعادت الراحه للقلوب حين قال ابونهار:وشوفتي في وجهك ياصقر
ابومحمد بفرح:وشوفتك في العين ياابو نهار
ابونهار بغموض:ابيها من صقر
صقر باحترام:شوفتك شعره من شعر شاربي
ابوسعد بفرح شديد:اجل مبروك على الجميع
وبدأوا بالتهاني لبعضهم
.................................................
في استراليا
كانت تشعر بالم منذ الصباح لكنها الان غير قادره على الاحتمال
كانت تمشي في الغرفه منذ ساعتين
لطام الذي شعر بحركتها في الغرفه:شاهه شفيش
شاهه وهي تمثل الهدوء:مافيني شي فديتك ارقد
لطام وهو يتجه لها:لا مانيب راقد وانا اشوفش كذا
شاهه وهي تمسك ببطنها:تعبانه شوي
لطام بشك"بس وجهش يقول انش تعبانه حييل
شاهه بصرخه مفاجأه:آآآآآآآآآ ه ه ه
امسك بها ليسندها:شفيييش
شاهه بتألم:صوت لامي بسرعه
اجلسها على السرير وذهب ليخبر والدته
دخل على والدته التي كانت تصلي قيامها:يمه
ام لطام بقلق:شفيك يابوي
لطام:يمه شاهه تعبانه وتبيش
ام لطام وهي تسرع بخطاها متجهه لغرفة ابنها:الله يستر
دخلت لتجدها تعبه بشده
اقتربت منها:شجرا لش يابنتي
شاهه ببكاء:الظاهر اني بولد
ام لطام بهدوء:معليه وانا امش مابه الاالعافيه اذكري الله
شاهه وهي تضغط على يد ام لطام:يمه تكفين ابي اكلم امي
ام لطام:يابنتي امش ذالحين راقده ان دقيتي عليها بتخلعينها
شاهه باصرار:لا لازم اكلمها
دخل لطام
لطام بحزم:لا مانتيب داقه على احد تمرجينهم على الفاضي امي عندش خلاص
رن هاتفها فجأه ليلتقطه لطام
ام لطام:من هو
لطام:غريبه امي شاهه
اجابها:الو
ام سعد بحب:لبى الصوت
ثم اردفت:شلونكم
لطام باستغراب:حنا طيبين انتو ارب مافيكم شي
ام سعد:لا جعلني قبلك بس قلبي موجعني قلت ادق عليكم اوسع صدري
لطام بابتسامه لقلب تلك المرأه:اجل يمه هاش شاهه تبيش
شاهه:الو
ام سعد بحنين شديد:لببببى الصوت شلونش يامي
شاهه:طيبه يمه انتي شلونش
ام سعد بقلق:شاهه شفيش
شاهه:مافيني شي
ام سعد بحزم:ان ماعلمتيني خليت ابيش يجيبني عندش
شاهه وقد انهارت قواها:يمه فديتش مافيني الا ان الطلق هاجدني
ام سعد بفزع:الطلق ارب نوره عندش
شاهه:ايه يمه
ام سعد:لاتروحين الين يشتد عليش الطلق
شاهه بألم:ان شاء الله ان شاء الله
ثم اردفت:يمه عطيني امي
ام سعد:ابشري بس لاتعلمينها
شاهه:اممممم
اتاها صوت تعشقه:امي انا
شاهه وهي تخفض صوتها:هلا يمه
ام شاهه:شلونش
شاهه باستعجال فهي لاتستطيع تمالك نفسها:طيبه يمه اكلمش عقب شوي مشغوله
ام شاهه باستغراب مصاحبه قلق:مع السلامه
ثم اغلقت الهاتف وهي تحمل القلق والخوف في قلبها
لطام:الله يهديش اقلقتيها
شاهه وهي تكتم الالم:ييممه تكفين خلاص مااتحمل
ام لطام:لطام عاوني عليها
ثم بدأوا بالتجهيز للذهاب للمشفى
.................................................
في الدوحه
ام سعد:يابنت الحلال مابه الا العافيه
ام شاهه:لا يمه ماسمعتي صوتها قلبي يقوللي ان فيها شي
ام سعد:تعوذي من الشيطان ورضعي البزر
تنهدت والقلق يداعب قلبها
ام شاهه:حصه عطيني اخيش
حصه وهي تمد الصغير لوالدتها:سمي يمه
ام سعد بغضب:انتي ليه ماتسوين مثل اختش
حصه:وش فيني يمه
ام سعد:اختش اربع وعشرين ساعه وعينها في الكتاب اوانتي اما مقابله الخبيله اللي عندش في البيت ولا عندنا
حصه بمزح:يعني ماتبيني يمه
ام سعد بغضب:انا قلت مابيش انا ابيش تجتهدين وتخلصين الدراسه
حصه بصدق:يمه والله مالي خلق
ام شاهه بعصبيه:ترا ان رسبتي ذا السنه مهوب احسن لش انا مااجاهد واتعب وانتي تقعدين ترسبين
حصه:خلاص ابشري بدرس وانجح ان شاء الله
ام سعد:وضحه ناصر ماسمى الصبي
ام شاهه:ماقال شي
ابوسعد القادم من مجلسه:احم ياعرب
ام سعد:حياك
دخل بوقاره
ابوسعد:سلام عليكم
الجميع:وعبيكم السلام
ابوسعد وهو يجلس بجانب حصه:يالله حي بنتي اللي قطعت فينا
حصه وهي تقبل كتفه:اللي يقطعني من الدنيا ان قطعت فيك
ابوسعد:لا اسم الله عليش
ام سعد:لطام ماسميت ولد ناصر
ابوسعد بحزن:جينا بنسميه بداح وحلف سعد الا نسميه فيصل
ام سعد بحنين:جعل الميت في الجنه والحي يطول عمره
ثم اكملت:اجل مبروك فيصل ياام فيصل
ام شاهه:لا يمه انا ام ضيدان
ابوسعد:الله يخلي لش ضيدان وفيصل
ام شاهه:آمييين
..................................................
في احد مستشفيات استراليا
كانو قد بدأوا بتجهيزها للولاده
شاهه بألم عظيم:يمه بقولش شي
ام لطام بعدم مبالاه:يابنتي ريحي نفسش اول ولاولدتي قولي اللي تبين
شاهه:لا يمه لازم اقولش ذالحين
ام لطام:ويش هو
شاهه وهي تعتصر الماً:يمه انا في بطني اكثر من واحد
ام لطام بصدمه:هاه
شاهه وهي تبكي:تكفين خلاص ماعاد اتحمل
ام لطام وقد بدا الخوف عليها فالمهمه ليست بسهله:هانت هانت انا امش
اقبلت الممرضه لدفعها لغرفة الولاده
....................................................
في صباح اليوم التالي
عليا التي تنزل من الدرج مستعده للمدرسه:صباح الخير على الحلوين
الجميع:صباح النور
ام سعد:تعالي تريقي
عليا وهي تضع حقيبتها وتتجه للسفره:ابشري
عليا وهي تنظر لوالدتها بقلق:يمه شفيش
ام سعد:فيها انها مارقدت ليلها كله
عليا:لييييه
ام سعد:تحاتي اختش
عليا برعب:شفييها
ام سعد:مافيها شي بس امش موسوسه
ام شاهه بقلق وتوتر:انا متأكده ان بنتي فيها شي
رن الهاتف مقاطعاً الجميع
ام سعد بتوتر بان رغم ارادتها:اكيد هم عطيني التلفون
عليا وهي تمد الهاتف لجدتها:منهم يمه
ام سعد:عطيني وانتي ساكته
اخذت الهاتف وهي تهمس:يالله بالعلم الزين يالله
ام سعد:الو
لطام:صبحها بالخير
ام سعد بسرور:بشرني
لطام:ابشري لش برجالين
ام سعد بفرحه لامثيل لها:كللللللللللللللللللللللوووووووش
ام شاهه وعليا:؟؟؟؟؟
ام سعد:اربها طيبه
لطام:ابشرش مافيها الا العافيه
ام سعد بفرح:والله لايدرون اللي عندي ان ياتونك زاحفين
لطام بسرور:ههههههههههه وحنا بنطق منهم
ام شاهه:يمه هذا لطام
ام سعد:ايه لطام
ام شاهه برعب:شاهه ولدت؟
ام سعد:ابشري لش برجالين
ام شاهه:اربها طيبه
ام سعد:ايه طيبه وعوالها طيبين
لطام:يمه مع السلامه بروح اكمل الاجراءات
ام سعد:حافظك ربي انت ومن معك
عليا بفرح:يالبى الام والبزران
ام سعد:لاتنشرون الخبر الناس ماتعطي خير
ام شاهه:انا لازم اروح لها
ام سعد بصدمه:وين تروحين وانتي نفاس وولدش صغير وفي حاجتش
عليا:يمه ماعليش انا اللي بروح لها
ام شاهه باصرار:لا انا اللي بروح لها والصبي يقعد عندكن
ام سعد:والله ماتسيرين بتروح لها اختها
ام شاهه وهي تبكي:جعل عدوها السلال ماطاعتني وقعدت عندي
دخل ابو ضيدان:السلام عليكم
عليا:ابشر لك برجالين
ابوضيدان بفرحه تملكته فجأه:بعدي من هو عليه
عليا:على لطام
ابوضيدان بفرحه مضاعفه:جعله مبارك وامهم اربها طيبه
ام سعد:ابشرك طيبه ولا عليها الا العافيه
ابوضيدان:ماشاء الله شاهه اللي تلعب في حضني امس قدها اليوم ام
ام سعد:ياصغرها على ذا كله
عليا بمزح:يارب مايطلعون مثل ابيهم
ام سعد بغضب:وجع يوجعش ليه هو به مثل ابيهم
ابوضيدان بضحكه:وهي صادقه ابيهم شين
ام سعد:والله يامن قال في لطام شي ان اقوم واخلي لكم المقعد
ابوضيدان وهو يقبل جبينها:تمت ياام سعد ماعاد حنا بقايلين فيه شي
ثم التفت لام شاهه:ها شفيش زعلانه عشانش عجزتي وصرتي جده
ام سعد:لا تبي تروح لبنتها وتخلي البزر وراها
ابوضيدان:ان كانه مايضرها وديتها
ام سعد بعصبيه:مامحق منها الا انت
ضحك الجميع على غضبها
.................................................
بـــــــقــــــــــ شــــــــادن لـــــــــــــــــم

يسلمو شذونة على البارت الحلو ......... اجل عليا صارت من نصيب فهاد الله يبارك لهم بس ياخوفي انو فهاد ماتكون عليا عاجبته .........

يعني صقر بيزوجونه اشين بناتهم مسكين ليه عاد مالقو الا نورة كان خطبوا له جواهر على الاقل ازين من نورة شكلها بيتدبس فيها عساف

صقر ماراح يرتاح بزواجه لانو امه زعلانة منه وانا اشوف الحق معها مهما كان الي بينهم كبير وماينسى كيف صقر قبل على حاله احس انو نورة ماراح ترتاح بزواجها لانو الحريم مو متقبلينها وبنشوف هالشياب المخرفين كيف بيحلوها مسكين بداح مات بدون مايحقق حلمه بسبب صقير وال دبيس الشاذين ماادري كيف يأمنو على بناتهم ويزوجونهم لعيلة مثل ال دبيس ان شاء الله هالزواجة ماتتم



شاهة توقعت من كبر بطنها انها بتجيب توؤام واكيد بيكون واحد منهم اسمه بداح على اسم عمه ....... فرحة لطام كبيرة وان شاء الله يكونو هالتؤم وجه خير على الجميع


في انتظار البارت الجاي

هلا بك يالله انك تحييها
ما قصرتي
كنت انتظر البارت لكن معذورة عارفين رمضان و مشاغله حنا النت ندخله سرقات

مبروك الف الف مبروك لشاهه كنت متوقعه التوأم من كبر حجم بطنها
يا فرحتك يا لطام

ام شاهه معذورة تبي تطير لبنتها اللحين اذا صارت معها قلبها يوجعها عليها وشلون وهي بديرة غربة
ان شاء الله ام لطام تسلى عن بداح بالصغيرين

عليا صارت لفهاد وما يصح الا الصحيح

اما صقر و ال دبيس الا غصب بيدخلون بهم قاهريني تراه
و ابو سعد هذا لا تعليق
ابعد عن الشر و غني له


اللحين البنات مالهم كلمة ابد و بس بنتي بوجهك و قضينا لو البنت عايفته تعنس ببيت اهلها ؟؟؟!!!

طيب ما عرفنا راي البنات بالموضوع


انتظر القادم