كاتب الموضوع :
دهــن الــعــود
المنتدى :
الارشيف
السلام عليكم
اهداء خاص لاختي حنين الذكرى
البارت الخامس والاربعون
..................................
حصه وهي تجلس بجانب والدتها:ليه يمه ولدي نفس ولد شاهه الاسود
الجده بعصبيه وتحيز:اقطعي واخسي ماعاد الا ولد شاهه ولطام الاسود ولدش والمخنز ولدش
شاهه بتشفي:تستاهلين الكسحه توني برد عليش بس عقب اللي جاش كسرتي خاطري
حصه وهي تضحك:ههههههههه كلتني
ثم اردفت:يمه وانا صادقه ابيه الله يخليه لعين ترجيه اسود سواد مهوب هين
الجده بعصبيه:قده ازين من الجحش اللي عندش
شاهه:يالله عاد الا لطام اقطعش تقطيع
اتاهم صوت آخر اسكتهم:احم احم ياعرب
الجده بصوت خافت غاضب:قومي انقلعي داخل الرجال جاي
اتجهتا حصه وعليا للدور العلوي
امسعد بحب:ادخل فديتك
دخل بوقاره الخاص به
دخل وعيناه تبحث عنها حتى رآها تجلس ببطنها المتضخم بشده:سلام عليكم
الجميع:وعليكم السلام
اتجه ليقبل جبين جدته وام شاهه:شلونكم
الجميع:طيبين
الجده:وشلون امك يابوي
لطام وهو يتنهد بألم حين تذكرها:اليوم اشوا بس انها تبكي ماتبي تروح معي
الجده وهي تبكي:مالومها يامك بتاخذها في ديرة ماتعرف فيها احد وتبعدها من اهلها وقصراها
لطام:يايمه انا باخذها ابيها تسج شوي من المرحوم هي ذالحين في البيت تشوفه في كل مكان حولها وانا قدني ذال عليها تنجن
الجده وقد اشتد بكاءها:جعل ربي يزيله من قلبها وعقلها مثل مازاله من عينها
الجميع:آمين
ضيدان وهو يتجه للطام:لطام
لطام وهو يمسك به:لبيه
ضيدان برجاءه البريئ:ابي اروح معاك
لطام باستغراب:وين
ضيدان وقد بدأت تظهر عليه علامات البكاء:ابي فحاد
لطام بابتسامه موجوعه:الحين ادق عليه واخليه يجي
ثم اخرج هاتفه ليكلم فهاد
لطام:الو
فهاد بصوته الجامد الذي يخالطه الحزن:هلا
لطام بهدوء:تعال مر بيت ابي لطام ضيدان يبيك
فهاد بحنين لهذا الصغير:ان شاء الله جاي
اغلق الهاتف ليقول:هذا هو جاي الحين
اتجه للاعلى بفرح:علوي علوي يالله لبثيني نعاني ابي الوح مع فحاد
لطام وهو ينظر لها برفرفة قلبه التي تعصيه حين يراها:ها خلصتي شناطش
شاهه بهدوء وعينيها في عينيه:ايه وخليت الخدامات يودنها لسيارتك
لطام:ترا الساعه سبع بنظهر للمطار
شاهه:ان شاء الله
ام سعد بتعب:ياوضحه يامش تعالي عاونيني بروح لحجرتي
شاهه وهي تحاول الوقوف:انا اعاونش يمه
ام شاهه بحزم:اقعدي في القاع انتي فيش حيل تحركين
ثم اتجهت لتعاون ام سعد لتذهب لغرفتها
حين اختفوا عن انظارهم وجه الكلام لها:شلونش اليوم
شاهه:الحمدلله
لطام بقلق:ودي انش ماتخاوينا
شاهه بعتب:افا مايكفيك اني قد لي شهرين عند اهلي
لطام بعتب مماثل:وانتي هاقيه اني مابيش انا ذال عليش وعلى اللي في بطنش
شاهه وهي تقف بصعوبه وتتجه لتجلس بجانبه:ماعليك مني انا دامني معك انا بخير وولدي مثلي
لطام بابتسامة خبث:يعني ولد
شاهه:هههههههه مانيب معلمتك
لطام بخبث:اكيد
شاهه بدلع:ايه
لطام وهو يمسك عضدها:كم مره اقولش لاتسوين كذا وحنا عند احد
شاهه باستنكار كاذب:وش ســــويت يعـــــــــــــ ...............
بعد ان قطع حديثها ابتعد عنها ليرى خديها المتوردين وخجلها الذي شكل هاله جميله حولها:ها عرفتي ذالحين وش سويتي
دخلت ام شاهه:لطام يامك ماتخلي عندي ذا الخبل والله يامك يالله تشل عمرها
لطام بحيره:والله يمه توني اقولها بس عيت
ام شاهه بعصبيه:خبل وغبيه
ضحك بشده وهو يرةى ملامح العصبيه على وجهها:هههههههههههههههههههههه
شاهه وهي تلكزه:ايه عجبتك
ام شاهه باستغراب:وش فيكم
لطام:بنتش يمه ماتداني احد يقولها غبيه
ام شاهه بضيق:ان كانه صدق بقعد كل شوي اقولها غبيه
شاهه:يمه وش فيش علي اليوم
............................................
في منزل ابو نهار
كانت تلبس نقابها وجلالها لتتجه مع والدتها وثمينه لمنزل خالها
منذ ان مات وهي تشعر بتأنيب الضمير بسبب ماقالته له وقد وضعت ماء سبيل باسمه في احد الشوارع
دون ان يعلم احد واخرجت العديد من الصدقات احتساباً لاجرها في ميزانه
نوره بحزن:الله يغفر ويجعله في الجنه
دخلت ثمينه:صباح الخير
نوره بمحبه:صباح الورد شلونش اليوم
ثمينه:الحمدلله
ثم اردفت:امي صيته تقول يالله
نوره:يالله مشينا
ثم نزلتا للاسفل متجهين لمنزل ابولطام
....................................
في منزل ابو لطام ليلاً
ام سعد:انتي تسمعين يانوره وش ذا الخبل تقول
ام لطام بقليل من الراحه:وش تقول يمه
ام سعد وهي تنظر لحصه التي تجلس بجانب والدتها:تقول لطام اسود جعلها تسود ايام العدو
ام لطام بابتسامه مكسوره:انها صادقه لطام جعلني قبله مدري من هو غادي له اسود مع انه كلنا بيضان
الجده بغضب:حتى انتي قده ازين منكن جعلني قبله
ام نهار بحب:جعلني قبله حتى سواده يجيب العافيه
ام لطام:مزينه الغلا وانا اختش
ام نهار:حرام عليش يانوره والله ان لطام مزيون
ام شاهه بصدق:اي والله جعل ربي يخليه لش مع سواده مزيون
الجده بغير اقتناع:ماعندكن سالفه لطام اسود الا ابيض
ضحكن جميعهن
ثمينه:جعلني فداه الا اسمر مهوب اسود بس حنا نشوفه اسمر حيل عشان هو الوحيد اللي اسمر فينا كلنا
ام شاهه بضحكه:لبى دلول جعلني قبلها هي بعد سمرا وابي يموت فيها مايسميها الا امي يقول ذي تشبه امي حتى بسوادها
ام سعد:انه صادق ام لطام جعلها في الجنه سودا مع ان الشايب جعله في الجنه ابيض جدا
عليا:عشان كذا الطفره هذي في لطام ودلول
ام سعد:قدهم ابرك منش يالبقره
عليا:ههههههههههههه عودت علي
حصه:احمدي ربش اليوم بغت تصكني بالدله
ام سعد:الا وضحه يامش هم ماحددو عرس نايف
ام شاهه:والله يمه يتنون تكمل سنه على دفنة المرحوم ويحددون العرس
ام لطام:ليه هم لاتنو سنه بيعود مهوب جعله في براد الجنان عطيني ام ناصر اشوف وش ذا الخبال ماحنا بمعترضين على حكمة ربي
ثمينه:يمه جعلني قبلش مايصير المرحوم توه ميت ونحتفل
ام لطام بحزم:وش حزنا بينفع به
ثم تكملت بتنهد:ماهوب نافعه كون الدعا جعل ربي يجمعني به في مقر الرحمه
البقيه:آمييين
ام سعد باعجاب:والله يامش ماحد نفع فيه تربيتي الا انتي جعلني قبلش
ام لطام بحب:عقب عمر طويل فديتش انتي امي يوم راحت امي ضميتيني وسنعتيني لو انها غيرش كان حذفتني على خوالي
ام لطام:جعل ربي يخلي لش ماعطاش وتقر عينش بشوفة عوالهم
ام لطام:آميين يارب
ثم اردفت:ثمينه دقيلي على ام ناصر
ثمينه وبعد اتصلت برقم ام ناصر مدت الهاتف لها:سمي يمه
ام لطام وهي تأخذ الهاتف:سم الله عدوش
ثم اردفت:الو
ام ناصر:يامرحبا
ام ناصر:المرحب باقي فديتش شلونكم.......
وبعد السلامات
ام لطام:ياام ناصر صدق اللي سمعته
ام ناصر:ويش هو فديتش
ام لطام:انكم ماحددتو عرس نايف الى ذالحين عشان المرحوم
ام ناصر باحراج:ياخيتش والله ان حنا حزانا عليه مثلكم ولا حنا بمحتالن نفرح وهو توه متوفي
ام لطام بحزم:ها اسمعي والله ثم والله ان تحددون العرس وقريب بعد الحزن مهوب راده جعله في الجنه توكلو على الله الحداد اكثر من ثلاث ايام مايجوز
ام ناصر بخجل:جعل ربي يثبتش وانا اختش والعرس ان شاء الله بنحدده عشانش ولا والله ان حنا مانبيه ذالحين
ام لطام:جعل ربي يوفقهم ويرزقهم الذريه الصالحه
ام ناصر:آميين
ام لطام:ها يالله مع السلامه وانا اختش
ام ناصر:الله يسلمش
ثم انتهت المكالمه
.........................................
في المجلس الذي اصبح هادئ نوعاً ما
فلاح الذي يجلس بجانب عساف:عساف ابي لطام يحاكيك
عساف الذي ملأه الحزن واغلق جميع ابواب الراحه في وجهه:سم يبه
ابو سعد وهو يعلم بتعلقعساف ببداح:تعال عندي يابيك
عساف وهو يجلس بجانب جده:لبيه
ابوسعد بحزن:ياولدي تو فيصل صاك مني ويقول انهم حددو عرس نايف ماودك اجوزك معه
عساف ببسمة الم:تحسبني بسلى منه
الجد بضيق:آآآه ه ه والله مانسلى منه كلنا غار الدنيا ماوقف يابيك وانت مانت بصغير قدك ابو الثلاثين
عساف وهو يقف حين شعر بالعبره تداعب حنجرته:اللي ودكم سووه
ثم خرج من المنزل ليتجه لاي وجهه ليفرغ طاقة الحزن التي اسرته منذ شاهد خروج روح شقيقه الذي لم تنجبه امه
وقف امام مكان الحادث ليتذكر مامضى
عساف بصرخه:بددددداااااحححح الشاااااااااااحنه
بداح بصراخ:حول حول ياعساف
ثم فتح الباب وقذف به لينجو عساف ويموت هو
انقلبت السياره عدة مرات لتستقر اخيراً اتجه يركض رغم آلامه
حين وصل وجده لازال حياً
امسك به ووضع رأسه في حضنه ليضربه بخفه على خده بهستيريا:بداح بداح تسمعني
نظر له مبتسماً ليقوله:تكفى ياعساف ياخيك الله الله في امي .... ثم شخر..... تراني دريت انك تبي عليا لاتخليها اخذها واحرص عليها ...... وابتسم وهو يقول.....بيح مني وخلهم بيحون مني كلهم وجهني للقبله ياعساف
عساف وهو يوجهه للقبله وقد حار الكلام بسبب دموعه وعبراته المتواليه:تكفى ياخيك لاتخليني بداح يابداح لكن لم يسمع سوى تشهده وبعدها فارق الحياه ليصرخ هو
بصوت مدوي:ببببببببدددددددااااااااااااااااااااح ح ح ح
عاد للواقع وهو يشعر بحرارة الدموع على خده
مسح دموعه:تسابقت الدموع عقب فرقاك يابداح ياليت ماعلي عيب لابكيت والله ان ابكيك عمري الجاي كله
................................................
في صباح اليوم التالي
الساعه السابعه
ام شاهه وهي تضم ابنتها وقد انحدرت دموعها حزناً على فراقها:يابنتي طيعيني واقدي
شاهه وهي تقبل جبين والدتها:يمه فديتش خلاص قدني بتوجه للمطار
ام شاهه بحزن:جل ربي يحفظش
اتجهت لجدتها لتنحنل وتقبل رأسها وكفيها:مع السلامه يمه
الجده وهي تكفكف دموعها:يابنتي يكفيني فرقا بداح والله ماعاد قلبي بمتحمل
شاهه وهي تضمها بصعوبه:يمه فديتش لاتحزنيني قبل اروح
الجده وهي تضع يدها على بطن شاهه المتضخم:اللهم اني استودعتك اياها هي والله في بطنها
ثم اتجهت لتودع عليا التي ضمتها بقوه:الله يحفظش ويردكم بالسلامه
شاهه بحب:مع السلامه فديتش احرصي على امي وابي وجدتي وجدي
عليا وهي تشير لعينيها:في عيوني
شاهه وهي تعاود تقبيلها:جعلني ماخلا من ذا العيون
ثم توجهت لحصه الباكيه:يالله يابنت الحلال ارحمي ذا المسيكين اللي في بطنش اخلعتيه مابعد جا كل شوي وانتي باكيه
حصه وهي تضمها:وش اسوي قلبي يوجعني لاتذكرت انش بتغيبين ثمان شهور
شاهه:هههه غمضي عين فتحي عين الا هي ماره
حصه:يارب
ابوضيدان الذي لتوه يدخل:يالله ياشاهه رجلش ينتظرش في السياره
شاهه وهي تنزل برقعها:يالله يالله
مرت على والدها لتضمه بقوه فهمس لها:ان سوا بش شي ولا علمتيني مهوب اشوالش
ابتعدت عنه وهي تضحك:ههههههههه الله لايخليني منك يبه
ثم خرجت لزوجها
.
.
.
.
.
.
.
.
.
في السياره بعد معاناه ركبت:السلام عليكم
لطام وام لطام:وعليكم السلام
لطام:خلاص نمشي
شاهه:توكل على الله
اتجهوا للمطار
ليتركوا خلفهم ام شاهه التي تبكي خوفاً على تلك الصغيره
ابوضيدان:يابنت الحلال وش يبكيش
ام شاهه:ياناصر بنتي بزر ومتغربه وحامل وحملها صعب وبتولد مهيب عندي ولا عندها وماتبيني ابكي
ابوضيدان يابنت الحلال شاهه مهيب بزر هذا شي ومهيب اول وحده تحمل والدكتوره طمنتها وقالت لها عادي تسافر هذا ثاني شي ولاربت انا بوديش لها وش تبين بعد
ام شاهه ببكاء:مااقدر مااقدر قلبي يحاتيها
ام سعد:جعل ربي يحفظهم كلهم
ام شاهه:آمييين
ضيدان الذي لتوه يستيقظ:وين ماما
ابوضيدان وهو يحمله ليسليه:تبي اوديك عند فهاد
ضيدان بعبره:لا ابي ماما
ام شاهه:خله يجيني ناصر
انزله ليتجه الصغير لها ويجلس في حضنهاروهو خائف ان لايراها:ماما وضحه وين ماما
ام شاهه بحب:شوف ماما سافرت عشان تجيب لنا بيبي حلو يلعب معاك
ضيدان بفرح:ماما تجيب بيبي
ام شاهه:اي حبيبي يالله امش نبدل وناكل هم عشان تروح مع فهاد الالعاب
ثم اتجهت به للاعلى
....................................
بعد مرور شهرين
استقرت اوضاع لطام ومن معه
ام شاهه اصبحت على وشك ولاده وابوضيدان بجانبها
نهار وثمينه لقد عادت السعاده لهم في انتظار مولودهم القادم فقد اخبرتهم الدكتوره ان ثمينه تحمل في بطنها صبياً
فلاح وحصه يعيشون بين دراسة حصه التي تتكاسل بها وبين (وحامها) لابد انها خفت لكنهم مازالوا يعانون منها فحصه تريد ان تأكل رمل مبلول وفلاح مرعوب من حالتها ويقول لها:ويقولون عني مصدوع لو يسمعونش بيحملونش اللقب مع مرتبة الشرف
عليا في تفوق مستمر في دراستها
الجده قلقه على لطام وشاهه
الجد يبحث عن عروس مناسبه لعساف لقد وجدها لكنه في تردد بسبب قلقه بأن لاتعجب عساف
ابولطام وفهاد:رجال لامرأه لهم يعيشون في حياه بارده بين بيتهم وبيت الجد
ابو ناصر وام ناصرنايف يجهزون لعرس نايف
ناصر ووضحه يترقبون ذلك الصغير الذي يحلمون به فهي تكن داخلها صبياً لكن وضحه تقوم بعمل مضاعف فهي تذهب لتجهز دلال المتوتره بشده وتجهز لولادتها
دلال في حالة توتر قصوى لقد بقي على زواجها اسبوعين فقط
ام وضحه حزينه بشده فالمنزل سيخلو عليها بعد ذهاب دلال
ابوفيصل يشارك شقيقه في مخططهم
....................................
في منزل ابونهار
فلاح وهو غاضب:وبعدين معش متى بتعقلين تراب مانيب جايب تبين تذبحين البزر
حصه بضيق:فلاح ترى اذا ماجبت لي تراب بيصير في ولدك شي
فلاح بعصبيه:ان عاد سمعتش تقـــــــــــ .................
اصمتهم طرق الباب
فلاح وهو غاضب:زين زين
اتجه ليفتح للباب
حين فتح الباب:هلا يمه
ام نهار بقلق:وش قومكم تصيحون
فلاح بضيق:ابد يمه بنت اخيش المجنونه تبي تاكل تراب
ام نهار:ههههههههههه وش تبيها تسوي هذا وحامها
فلاح باستغراب:يعني عادي
ام نهار:اي بالله عادي
حصه من خلف فلاح:اي تكفين يمه قولي له تقطعت كبدي على رمل
ام نهار:اسم الله على كبدش ذالحين اروح واجيب لش رمل نظيف
حصه بفرح:ياجعلني ماخلا منش
فلاح وهو يدخل لغرفة النوم:انا الخبل اللي مصدقكم
ضحكتا على عصبية فلاح
......................................
في منزل ام وضحه
دلال القلقه:يمه والله اني ذاله اكون ساجه من شي
وضحه التي تجلس بجانب والدتها بتعب:يابنت الحلال ماخلينا شي اصلاً الحمدلله جهازش ذاللحين جاهز
ام وضحه بحنان:هاريحي عمرش ذالحين قدش واصله
وضحه بتعب:مااقدر ذالحين ببدا اشتري لها الاغراض الخاصه
دلال باحراج:يعني لازم
وضحه:اقول خلي مني الخبال كم مره قلتلش ايه لازم
ام وضحه:يالبى روحش يادلول قدش بتروحين وتخليني
وضحه وهي تفاجئ والدتها:يمه انا بقولش شي
ام وضحه:ويش هو يامي
وضحه:يمه نايف يقول بيسكن هو ودلال عندش
دلال وهي تقاطع والدتها:يمه قبل تقولين شي ترا ان ماقعدنا عندش مانيب معرسه وتعرفيني اسويها يمه
ام وضحه بعتب:يابنتي وليه تعسرين رجالش اقعدو في بيت عمش وانا مابيني وبينكم الا الطوفه
وضحه:ولو يمه لازم يقعدون عندش مايصير ترقدين في بيت لحالش يجي عدوش شي مااحد بداري
دلال وهي تقبل كف والدتها:يمه جعلني قبلش قلبي مهوب مطاووعني اروح واخليش
ام وضحه:يابناتي لن كان ربي كاتب لي شي والله ان يصير لوانكن قدامي
وضحه:ندري يمه بس انتي تبين بعد اللي يرد عليش الصوت
ام ضحه بابتسامة:عشان كذا نايف يبني في الملحق واقوله وش هو له ويقول بنفتح بينا وبينش باب
وضحه مازحه:هذا راي ناصر مهوب نايف
ام وضحه:هههههه يويه والله مهوب اطيب من نايف فديته
وضحه:يالله دلول ابدي رايش في سي السيد
دلال بخجل:وضحححه
وضحه:ههههههه ليت علوي تشوفش والله تمصخرش
................................................
في شقة نهار وثمينه
كانت تحمل القهوه التي حضرتها في مطبخها التحضيري
وقف نهار ليأخذها منها:يامرحبا بالحامل والمحمول
ثمينه وهي تجلس بجانبه:المرحب باقي فديتك
نهار وهي يضع يده على بطنها:ها وشلون الذيب
ثمينه بتعب:الذيب ذبح امه بالترفس والمطامر
نهار:ههههههههه هذي سواة الذيب
ثمينه:الا الثعل وانت الصادق
نهار:بصرش انتي وولدش انا الي شغل فيكم
ثمينه وهي تضم عضده:لا انا مالي ولد ورجل واخ وحياه وروح في ذا الدنيا الاانت
نهار وهو يقبل جبينها:جعل من لامني في حبش يبلاه ربي فيما بلاني
ثمينه بتذكر:نهار ماقلت لي وش بنسميه
نهار بفرحه عارمه:طبعاً سلطان
ثمينه:امممم سلطان بن نهار يجنن
نهار:فديت انا ام سلطان
ثمينه وهي تختبئ في احضانه:جعلني مااذوق حزن ابوسلطان
............................................
في منزل ابوسعد
ام شاهه بتعب:سلام عليكم
ام سعد وعليا التي تدرس في الصاله:وعليكم السلام
ام سعد:يابنتي كان ريحتي عمرش
ام شاهه:يايمه تعبت من المقعاد فوق
ام سعد:جعل ربي يهون عليش
ام شاهه:علوي فديتش جهزتي اغراض البزر
عليا:ايه يمه حتى اغراضش خلصتها
ام شاهه:جعلني اجهزش لعرسش
ام سعد بصدق وتمني:آميييييين
دخل ضيدان غاضب:عليا علييييييااااا
عليا:نعم نعم هذا انا وش تبي
ضيدان بعصبيه:لبسيني نعاني
ام شاهه:وش قلني حنا قلنا الرجال يلبس نعاله بنفسه
ضيدان متذمراً:انذين وينها
ام شاهه:هناك (تشير لمكان مخصص للاحذيه)اكرمكم الله
ذهب بخطوات غضب
عليا:ليه زعلان
ضيدان وهو يرتدي حذاءه:فحاد حانقني
عليا:ههههههه احسن وليه خانقك
ضيدان:قالي ليه تطلع بدون نعان
ام شاهه:ثاني مره مااخليه يشتري لك لعبه اذا طلعت بدون نعال
ضيدان وهو يجري للخارج:عادي انا اقوله يشتري لي
ام شاهه بصدمه:ههههئئئئ شفتو
ام سعد:هههه لبى روحه قده رجال ويفهم
ام شاهه لعليا:متى امتحاناتش
عليا:باقي عليها اسبوع
ام شاهه:الله يوفقش
لكنها اردفت بألم وهي تضع يدها على بطنها:آآآآه ه ه
ام سعد بقلق:وش فيش
ام شاهه:مدري من اليوم وهو يضربني وجع كنه طلق
ام سعد:قومي نروح الطبيب
ام شاهه:لا يمه شـــــــ...... آآآآآآآآآآ ه ه ه
عليا وهي تقفز لوالدتها:يمه شفيش
ام شاهه وهي تتألم بشده:عليا دقي على السايق خليه يجهز السياره
ام سعد وهي تقف بقلق:وجيبي عباتي بسرعه
عليا بقلق:يمه شاهه خليش انا بروح معها
ام سعد بغضب:مانتي بعارفه شي انا اللي بروح معها اعجلي يالله
ذهبت عليا
جلست ام سعد بجانب ام شاهه:اكثري من الاستغفار يامي عشان الله يهون عليش
ام شاهه وهي تكبت صرخاتها
بعد عشر دقائق كانت ام شاهه وام سعد يركبن السياره
ابوضيدان وهو يساعد ام شاهه على ركوب السياره:لا ولدت دقي علي يمه
ام سعد: ابشر يابوي
همس لها بقلق:تبيني اروح معش
ام شاهه بألم سيطر عليها:لا والله ماتروح
ابوضيدان وهو يضغط على كفها:الله يقومش بالسلامه
اغلق الباب وقلبه معها
....................................
في شقة فلاح
حصه وهي تقف بصدمه:متتىى؟
عليا بقلق:قبل شوي حصوص روحي لها انا مااقدر بقعد عشان ابي وضيدان
حصه باستعجال:ان شاء الله يالله مع السلامه
عليا:مع السلامه
فلاح بقلق:شفيش
حصه وهي تتجه للشماعه وتسحب عباءتها:تكفى فلاح ودني المستشفى امي تولد
فلاح:يالله اخلصي ووديش
بعد نصف ساعه كانت تمشي في الممر متجهه لغرفة والدتها
دخلت الغرفه:سلام عليكم
الجده:وعليكم السلام هلا يامي اربهم ماروعوش
حصه وهي تنظر لوالدتها التي تتألم:لا يمه بس هي شلون وضعها
ام سعد:تو الدكتوره ظاهره تقول كل شي زين بيجون يجهزونها
حصه برعب:يمه هي ليه تسوي كذا
ام سعد بحزم:اظهري انتي من الحجره
حصه:ليه يمه
الجده:بس روحي الاستراحه وانا لادخلوها جيتش
حصه:ابشري
ام سعد بتحذير:لاحد يدري وقولي لعليا لاعاد تعلم احد
حصه باستغراب ليه يمه
الجده:عشان ماتعسر ولادتها
حصه وهي تخرج:ان شاء الله
بعد ساعه تم ادخال ام شاهه لغرفة الولاده
..............................................
في استراليا
كانت تسير بصعوبه شديده بعد ان حذرتها الطبيبه من كثرة الحركه
ام لطام بقلق وخوف:يالله ان تهون عليها يالله
لطام وهو يضحك:تعالي تعالي كانش كوره
شاهه بتعب شديد وهي تستند على يده لتجلس:انا كوره
لطام باستغراب:وانا صادق بطنش يخلع
شاهه وهي تضع يدها على بطنها:الله يزين الامور يارب
ام لطام:والله يامش مابعد شفت كبر بطنش
شاهه بقلق:الله يستر
ام لطام بتطمين لشاهه: سهالات وانا امش ماتاخذين الا هو مالي ايديش ان شاء الله
شاهه برجاء:يارب
شاهه:لطام خلنا ننزل زياره ابي اشوف اهلي
لطام:هههههههه من صدقش اصلاً لو بنعود انتي بتقعدين
شاهه بصدمه:لييييه
ام لطام:وش ليه يامش انتي فيش حيل
شاهه بحزن:يمه والله قدني شفقه عليهم
لطام:اني قلت لش اقعدي بس عندتي الا تروحين
ثم اردف:بعدين حنا ماصار لنا الا شهرين وتقولين كذا
ام لطام:اما انا يامك قدني ابي ولدي وشايبي
لطام:هههه حنيتي لشايب
ام لطام بخجل:يامك من بار باهله مافيه خير
لطام وهو يقبل جبينها:ابشري بدق على فهاد واخليه يخجز هو وابي وياتون
..............................................
بـــــــــــــــقـــــــــــ شـــــــــــــــادن لـــــــــــــــم
|
27-07-11, 04:44 PM
جديد مواضيع قسم الارشيف
العرض العادي
