كاتب الموضوع :
دهــن الــعــود
المنتدى :
الارشيف
السلام عليكم
بارت اليوم هادئ لكنه يحمل الحزن واعترف بأنه قصير لكن اعدكم في تاريخ 9\اغسطس راح يكون فيه بارت طوييييييييل
بس اعذروني لاني را انقطع عنكم طول هالفتره
اتمنى لكم قراءة ممتعه
البارت الرابع والاربعون
.......................................
هــــــــــــــــــاقـــــــــــــــد مــــــــرت خـــــــــــمــــــــــــســـــــــــــة شـــــــــــــــــــهــــــــــــــور عــــــــــــــلى رحـــــــــــــيــــــــــــــلــــــــــــــــه
.....................................
في منزل ابولطام الذي خيم عليه الحزن
لطام الذي يسكب لوالدته فنجال القهوه:كيف اصبحتي ياام لطام
ام لطام بصوت اذهبه الحزن:اصبحت اشوف وجه المرحوم عقب ماامسيت اشوف وجهه
لطام بضيق على حال والدته الذي لم يتغير منذ خمسة شهور:جعله في الجنه
ام لطام بحنين:آميييين
ام لطام بحزن اكبر:يامك عادك مصمل تروح وتخليني
لطام وهو يقبل كفها:كم قلت لش مانيب رايح الا انتي معي
ام لطام بمحاوله:يامك انا مااحتال افارق ذا المكان
ثم اردفت ودموعها تنسكب بحراره:هنيا ربى بداح جعله في بارد الجنان
لطام بحزن:آمييين بس انا بعد مااقدر اخليش هنيا
ام لطام وهي تمسح دموعها:يامك اروح واخلي اخوانك وابيك؟
لطام وهو يضم كتفيها:ماعليش من احد كلاً شال(ن) عمره
ام لطام بحزن عميق:يامك اختك حامل وتبي م يداريها لاولدت وفهاد مابه احد يسنعه وابيك يبي من يباشره ويشوف وش هو يبي وانت جعلك تحيا يتقعد تسع شهور لاشهر ولاشهرين
لطام بتصميم:لاولدت بنتش عودي لها واقعدي عندها ولاشدت حيلها تعودين لي وابي واخي عندهم الخدامه
دخل ابولطام الذي انهكته الفاجعه وكسرته بشده:سلام عليكم
ام لطام ولطام:وعليكم السلام
ابولطام وهو يجلس بجانب ام لطام:وين فهاد
لطام:في حجرته
ابولطام بهدوء وهو يأخذ الفنجال من لطام:عاده راقد
اجابهم صوت فهاد القادم من الاعلى وهو يرتدي زي العمل(الجيش):لا بالله مانيب راقد
اقترب ليقبل رؤوسهم جميعاً:صباح الخير
الجميع:صباح النور
ابو لطام بصوت هادئ:عادك بتاخذ امك معك
لطام باحترام:ايه يبه بعد اذنك
فهاد بنرفزه لاتخلو الاحترام:يالطام خل امي عندنا وش ذال عليها منه
لطام بحزم:مانيب ذال عليها من شي بس ابيها معي ثم غمز لهما دون ان تراهم
ام لطام وهي تبكي بحراره:تكفى ياسعد قله مابي اروح معه ابي اقعد هنيا عشان اشوف بداح حولي عشان اقابل الباب في رجا انه يدخل علي وارقا حجرته واشوفها واشم ريحه فيها
ضمها شقيق دربها لصدره بألم فهو يشعر بماتشعر به فهو يراه في اعين اشقائه الاحزان عليه يراه حين يدخل المجلس ويرى مكانه فارغ يراه في حزن عساف الذي يميت قلوبهم
.............................................
في منزل ابو نهار
كانت تخرج ملابسه الخاصه بالعمل حين خرج هو من الحمام(اعزكم الله)
نهار:صباح الخير
ثمينه بحزن لم تتجاوزه منذ وفاة شقيقها:صباح النور
نهار وهو يضمها:وش قلنا حنا
ثمينه وهي تبكي بشده في احضانه:مااقدر مااقدر يانهار كل ماغمضت عيني شفته
نهار وهو يبعدها ويمسح دموعها:ياثمينه اللي مثلش يقوى عشان تقوين امش اللي حالها مايسر لاعدو ولاصديق
ثمينه بحزن لحال والدتها:الله يمسح على قلبها اللي ماعادهو بمتحمل من صواديف الدنيا شي
نهار وهو يتجه ليرتدي ملابسه:آميين
بعد مرور ربع ساعه كانا ينزلان من الدرج
نهار وثمينه:سلام عليكم
الجميع:وعليكم السلام
ثمينه وهي تجلس بجانب عمتها بعد ان قبلت رأسها ورأس خالها:يمه متى بتروحين لبيت اهلي
ام نهار بحنان:عقب شوي بس تنزل حصه ونروح.... ليه؟
ثمينه بتعب:لاني تعبانه وابي اريح شوي وخالي بيروح ذالحين قلت اروح معكم
ام نهار بقلق:اربه مايوجعش شي
ثمينه:لا يمه بس جسمي مكسل شوي
ابو نهار وهو يقف:يالله ياثمينه
ثمينه وهي تضبط نقابها:يالله يبه
ثم خرجا متجهان لمنزل ابو لطام
لكن نهار امسك بثمينه ليهمس لها:احرصي على عمرش وعلى اللي في بطنش ولاتشلين شي مثل ذاك اليوم
ثمينه:ابشر
ثم تركها لتخرج مع خالها
...............................................
في منزل ابوسعد
ام سعد التي تملكها الحزن بشده على فراق ذاك الشاب
عليا وهي تجلس بجانب جدتها الحزينه:يمه يالله تريقي
ام سعد يهدوء:شليه مابيه
عليا وهي تقبل كتفها بحزن:يمه جعلين قبلش لاتذبحين عمرش حزنش ذا ماعاد هو براده
ام سعد وقد خرت دموعها:آآآآآ ه ه ه ياليت الحزن يرده يامش والله ان احزن عليه عمري كله
عليا وهي تضم جدتها التي تحطمت نفسيتها:افا يمه تجزعين من امر الله
الجده:لا ان شاء الله مانيب جازعه غار قلبي اللي انكسر وش عاد يجبره
عليا:يجبره ان شاء الله اللي كسره يمه ادعي له وتصدي له وان شاء الله ان الله يغفر له ويزيح همش
الجده:آميييين ياربي وجعل اللي شله من عيون نوره يشله من قلبها
عليا بحزن:آميييين
دخلت ام شاهه ببطنها البارز:سلام عليكم
ام سعد وعليا:وعليكم السلام
ام شاهه وهي تقبل رأس ام سعد:شلونش اليوم يمه
ام سعد بحزن:الحمدلله
ام شاهه وهي تجلس بجانب ابنتها:وش فيها امي ماكلت ريوقها
عليا:عيت منه
ام شاهه وهي تقرب الاطباق من ام سعد وتقترب هي:لا لا لا لازم انها تاكل عشان الدوا
ام سعد:يابنتي مالي فيه
ام شاهه وهي تقطع الخبز وتقدم لها اللقمه:الا ان شاء الله بتاكلين
ثم رفعت برقعها لتدخل اللقمه في فمها:ايه كذا الله يرضا عليش
عليا وهي في رجاء ان ينزاح القليل من هم جدتها:كذا ياشاهه تاكلين منها وانا ماتبين
الجده بحب:جعل ربي يخليلها عوالها ويسهل عليها مااحد بجاي مثل وضحه
عليا:آمييين يارب
ثم اخذت الجده تتناول القليل من الفطور
عليا:يمه ابي اروح اشتري اغراض الدراسه ماعاد باقي الا يومين
ام شاهه بتعب:يامش خليها العصر لاني ذالحين تعبانه
عليا:ماعليه يمه حتى لو بكره عادي
الجده:متى تداومين انتي
عليا:مثل قبل من الصبح الى الظهر
الجده:الله يوفقش
ام شاهه:آميين كلاً بيدرس الا حصه
الجده:ليه وش فيها
ام شاهه بتعب:عجزت فيها بالغصيبه وافقت تدرس وذالحين اقولها روحي اشتري اغراضش تقولي مااقدر اتوحم وتعبانه ورجلها عاجبه كسلها
الجده:دقولي عليها
ام شاهه:اي والله يمه تكفين انفضيها خليها تعدل هي الوحيده اللي باقي لها ثلاث سنين
عليا وهي تمد الجهاز لجدتها:هاش يمه
الجده:الو
حصه بصوت يملأه النعاس:هلا يمه
الجده بقليل من الغضب:عادش راقده قومي ياخبيله
حصه وهي تفيق بتعب وكسل:لبيش
الجده بامر حازم:قومي ذالحين والبسي وانا جايتش بنروح السوق نشتري اغراض المدرسه
حصه بتذمر:يمه والله مافيني حيل تعباااانه
الجده بعصبيه:قومي جعلش الوهم اخلصي علي انا جايتش
حصه وهي تشارف على البكاء:ابشري يمه ابشري
اغلقت الجده الخط:عليا يالله قومي اجهزي
ام شاهه بصدمه:يويلي والله ماتودينهن انا بوديهن العصر
الجده بجزع:يابنتي استغفري انا قاعده فاضيه وانتي تعبانه خليني اوديهن
ام شاهه:لا والله ريحي عمرش انا اوديهن العصر انا بعد بروح اشتري اغراض عشان دوامي
ام سعد:بصرش
عليا وهي تنظر لشاهه التي تقترب منهم بعد ان خرجت من المصعد:يالله ان تهون عليها جاتكم تدربا
شاهه بتعب:سلام عليكم
الجميع:وعليكم السلام
شاهه بعد ان قبلت جبين والدتها وجدتها:علوي جعلني قبلش خلي الهنديات يظهرن شناطي
عليا وهي تقف وهي ضاحكه:يعني انتي بروحش يبيلش احد يشلش على ذا البطن تقومين تسافرين
ام شاهه بقلق:اي والله يامش اقعدي عندي الين تولدين وعقبه روحي له
شاهه وهي تأخذ نفسها:الحكي ذا ماعاد منه فايده كل شي خالص وبكره السفر
ام سعد بقلق شديد:يابنتي من الله خلقني ماشفت كبر بطنش كم باقي لش
شاهه بتعب:باقي ثلاث شهور وكبر بطني يمه يقول الدكتور ماي البزر واجد ويمكن يولدني قبل موعدي بعد
ام شاهه بغضب:بعد تبين تسافرين اقعدي عندي
شاهه وهي تضع المخده خلف ظهرها:يمه فديتش لاتاكلين قلبي
ام سعد:انا بحاكي ذا المصدوع اللي شايفش كذا وبياخذش معه
شاهه برجاء:لايمه بروحه فيه اللي مكفيه بعدين انا اللي اصريت اروح معه
الجده بغضب:اقعدي في مكانش وش حاجتش في المراويح قري عشان الله يثبت اللي في بطنش
شاهه بضيق:يمه فديتش انا مابي رجالي يروح وانا مانيب معه
الجده بعصبيه:ذاله يعرس عليش ارتاحي مهوب في حال شي ذالحين
ابوضيدان الذي لتوه ينزل:صباح الخير
الجميع:صباح النور
ابوضيدان وهو يقبل يد والدته ويجلس بجانبها:كيف اصبحتي ياام سعد
الجده:بخير ولله الحمد
ام شاهه وهي تمد كوب الشاي لابوضيدان:ناصر سم
ابوضيدان وهو يأخذ منها الكوب:سم الله عدوش
ثم اردف وهو ينظر لابنته التي في حاله يرثى لها:ها يابيش ارب اغراضش جاهزه
شاهه بابتسامه وهي تقبل جبين والدها:ايه فديتك
عليا التي تنزل من الدرج:ودو الشناط لسيارة بابا لطام
اتجهت لهم لتقبل جبين والدها:صبحك بالخبر
ابوضيدان:صبحش بالنور والرضا
ازعج هدوئهم دخول ضيدان الذي توجه لشاهه:ماما
شاهه وهي تضمه:لبيه
ضيدان وهو يدعك عينيه:ابي اكل
شاهه بسرعه وهي تقف بصعوبه:لعنبا الجوع تعال
عليا وهي تقف:وين وين اقعدي انا بروح اريقه انتي اقعدي
ضيدان باصرار:لا ماما سويني كورن فليكس
شاهه وهي تتجه به للمطبخ:لا ماتسمعينه يقول ابي ماما تسويلي
الجده بغضب:هذي صديع ماتحرص على عمرها
فاجأهم دخول حصه الكسوله:سلام عليكم
ثوجهت لجدتها ووالديها لقبيل رؤوسهم
الجده بغضب:مابغيتي
حصه بضيق:ها يمه هذا انا خالصه يالله مشينا
ابوضيدان:وين
حصه:للسوق بنشتري اغراض الدراسه
الجده ببرود:لا اجلناها
حصه بقهر:حرام عليكم ماخليتوني ارقد وارتاح
ام شاهه:مالش شر ان شاء الله تريقي معنا
حصه بقهر:لا بروح ارقد
ابوضيدان وهو يقف:يالله تبون شي
الجميع:سلامتك
وقفت ام شاهه لتتجه معه
وقفا بجانب الباب:ابوضيدان وهو يبتسم لها:ها وين رايحه
ام شاهه بنفس ابتسامته:بوصلك
ابو ضيدان وهو يضع يده على بطنها المتضخم:ريحي عمرش ادل الدرب
ام شاهه:وش اسوي قلبي معك وين ماسرت
ابوضيدان وهو يقبل جبينها:لبى قلبش يالله تبين شي
ام شاهه بحب:سلامة عمرك
ابوضيدان وهو يخرج:الله يسلمش
خرجت شاهه من المصعد بعد ان ابدلت ملابسه واطعمته:يالله قول صباح الخير
ضيدان بوجهه البريئ:ثباح الخير
الجميع:صباح النور
حصه التي حلفت جدتها ان لاتنام:يوووه لبى الزين ياعرب
ضيدان وهو ينظر لشاهه:ماما تعورني
شاهه:حصه خليه فغصتيه
تركته وهي تخلع نقابها وعباءتها:من زينه
اخذته واتجهت به للجلسه
ام شاهه:تعال عندي ضيدان
ضيدان وهو يجلس بحضنها:ماما وضحه
ام شاهه:لبيه
ضيدان وهو يضع يده على بطنها:هنيه ثنو فيه
ام شاهه بضحكه:هههههههه كل يوم يسألني نفس السؤال
شاهه وهي تشير لبطنها:هنيه شنو فيه
ضيدان بفرح:فيه دادا
شاهه:ماما وضحه في بطنها دادا
ضيدان وهو يحسب على ايده:يعني يثير عندنا اثنين دادا
الجده:لا وانا امك ثلاثه دادا على قولتك
حصه وهي تجلس بجانب والدتها:ليه يمه ولدي نفس ولد شاهه الاسود
الجده بعصبيه وتحيز:اقطعي واخسي ماعاد الا ولد شاهه ولطام الاسود ولدش والمخنز ولدش
شاهه بتشفي:تستاهلين الكسحه توني برد عليش بس عقب اللي جاش كسرتي خاطري
حصه وهي تضحك:ههههههههه كلتني
ثم اردفت:يمه وانا صادقه ابيه الله يخليه لعين ترجيه اسود سواد مهوب هين
الجده بعصبيه:قده ازين من الجحش اللي عندش
شاهه:يالله عاد الا لطام اقطعش تقطيع
اتاهم صوت آخر اسكتهم:احم احم ياعرب
.................................................
بـــــــــــــــــــــقــــــــــــ شــــــــــــادن لـــــــــــــــم
|
23-07-11, 05:49 AM
العن ام الغزل يعمي ولا لشايب يداري خاطرها
وان بنتضار البارت الجاي
القصه لها من يتبعها ويتحرالها كل يوم الف شكر
جديد مواضيع قسم الارشيف
العرض العادي
