السلام عليكم
اسمحولي على التأخير بس جهازي جاه فايروس للمره المليون ووقف مع اني والله كنت ناويه انزل لكم البارت بس ماقدرت
هذا بارت اليوم وعشان التأخير فيه بارت الليله او بكره لو ماقدرت ان شاء الله


البارت الأربعون

....................................
في المزرعه وبعد وصول الجميع ماعدا لطام وشاهه
ام سعد وهي تجلس على السجاد الموضوع فوق الثيل:يابنات هاتن القهوه
ةضحه بضيق شديد لامها:يووووه يمه والله تعبت
ام وضحه بحنان:يامي كلها كم شهر ويروح ذا كله
وضحه:ماعاد احتال اتحمل ذا الرقاد
الجده بأمر:روحي ارقدي ولاعليش منا
وضحه:يمه انا جيت استانس مهوب ارقد
عليا وهي تضع القهوه امامهم:وضوح كم صار لش الحين
وضحه وهي تضع رأسها على فخذ والدتها:صار لي شهر
عليا:يوه يعني تولدين مع امي وشاهه
وضحه وهي تنظر لأم شاهه:يمه انتي تحسين كذا بخمول
ام شاهه بضحكه من ضيق وضحه الغير طبيعي من الخمول:لا انا بس لوعه
دلال وهي تجلس بجانب عليا وتهمس لها:علوي قومي برويش مكان طحت عليه
عليا بهمس:وينه فيه
دلال:ورا البيت
وقفن لتقول ام وضحه باستغراب:وين بتروحن
دلال:دقايق وبنجي
ثم اتجهن لمكان خلف المنزل
عليا بقلق:دلول ووجع وين جابتنا مافيه احد هنيا
دلال بمغامره:تعالي ولا عليش
ابتعدن عن المنزل بمستفه ليست قليله
عليا وهي تمسك بيد دلال بخوف:دلال ترانا ابعدنا وماحولنا احد
دلال وهي تششير لحقول امامها خاليه من البشر ومليئه بالجمال:شوفي هناك
عليا بانبهار:هههئئئ ماشاء الله
دلال بفرح:حياش
واتجهن للحقول لكن هناك مااوقفهن
عليا بهلع:دلال تسمعين اللي اسمعه
دلال بقليل من الخوف:ايه صوت كلاب
لم يكملن حديثهن حتى سمعن الصوت الغاضب:يابنت انتي وهي
التفتن بصدمه كاسحه لمصدر الصوت لكن لم يرين اي بشر
عليا بجراءه:من هو؟
الصوت:عودن لاهلكن
دلال بهمس لعليا:عليا خلينا نعود اخاف ان المكان فيه سكون
عليا وهي تلكزها بقوه:اص ولا كلمه هماش اللي تسببتي علينا
الصوت بغضب:قسم بالله ياان عديت الى الخمسه وعينت وحده فيكن هنيا لاامحق عليها واعلم رياجيلها
اصابهن الرعب من كلامه
الصوت بنبره عاليه:وااااحد .... اثنيييييين .... ثلللااااثه
هربن الاثنتان وكانت عليا متقدمه عن دلال التي كانت تركض وتنظر للخلف
لكن هناك من امسك بها وكتم صوتها
هو بابتسامه:يالله حيها
كانت تنظر له بصدمه
هو:لا تصيحين لان حتى خويتش طقت وان سمعش احد بيذبحش
افلتها بحذر وهو ينظر لعينيها التي تنظر له برعب
همست بخوف:ناييف
نايف وهو يبتسم بفرح:ايه نايف وش جايبش هنيا
.................................................
وقفت السياره امام السجاده المفروشه
ثمينه وهي تقف بفرح:يالبببيييه لطام جا
لكن صدمهم نزول الطرف الاخر الذي معه
الجده وهي تحاول ان تقف بفرحه:ياااامرحبا
ثم اردفت:قوموني قوموني
اسندتها حصه وثم تبعت البقيه للداخل
ام سعد وهي تضم شاهه:الحمدلله على السلامه يامي
لطام بابتسامه:وانا سجيتي مني يوم عينتي بنتش
ام سعد وهي تضمه لها كعادتها حين تراه:جعلني قبلكم كلكم
ثم عادوا للجلوس بعد السلام
لطام وهويبتعد عنهم:يالله تبون شي
الجميع:سلامتك
اتجه هو للمجلس وخرجن الفتيات مسرعات للسلا عليها
حصه:الحمدلله على السلامه ياام سعود
شاهه بابتسامتها الفاتنه:الله يسلمش والفال لش
ثم ابتعدت لتقترب نوره لتضمها:الحمدلله على السلامه يااحلى ام
شاهه بفرح:هههه الله يسلمش يااحلى نوره
ثم تتابعن في السلام عليها
بعد مرور الوقت
شاهه باستغراب:عليا ودلول وينهن
ام شاهه بقلق:اي والله انا ماعاد شفتهن عقب ماراحن
اصمتهم قدوم عليا التي تلف جلالها الذي ارتخى من جريها
ام شاهه بعصبيه:عليا وينش انتي والخبل الاخرى
عليا بتوتر وهي تسلم على شقيقتها:رحنا قريب وجينا
ام وضحه بقلق:يامش اختش وينها
عليا:جايه ذالحين
ثم التفتت لشاهه بارتباك:شلونش وشلون كريشتش
شاهه بجمود:طيبين
ثم اقتربت منها لتهمس لها بعد انشغال الجميع:وش سويتي في بنت خالش
عليا بخوف:شدراش
شاهه بغضب:جعلش السلال يعني مسويه فيها شي
عليا بصدق:ايه بس والله مهوب انا
شاهه وهي تقف بحذر وبطئ وتسحبها معها:تعالي وديني لها
ام سعد:وين بتروحن
شاهه:بروح ارتاح فديتش
ثم اتجهن لمكان دلال
في طريقهن وتحت غضب شاهه وشتمها لعليا:انتي بهيمه ماتفهمين تخلينها في الخلا وتاتين
عليا وهي تحاول ان تشرح لها:شاهه اسمعيني
شاهه بغضب عارم:قولي من اليوم وانتي اسمعيني واسمعيني
عليا بهدوء:انا خليت دلال عقب مامسكها واحد
صرخت شاهه وهي تضرب صدرها:وش هو واحد؟
عليا:رجلها والله انه رجلها حتى سمعتها تقوله نايف
شاهه بخوف اكبر:رجلها
ثم تركتها لتسرع بخطواتها وهي تمسك ببطنها حذرأ وخوفاً على صغيرها:انتي متخلفه
وقفت وهي ترى نايف يمسك بدلال لتصرخ كتنبيه له:يادلللللللااااااالل
رأته وهو يبتعد عنها ثم اتجه لمكان الرجال لتقترب منها
شاهه وهي تمسك بدلال الهادئه:دلول فيش شي
دلال بنفس الهدوء:لا مافيني شي
ثم اكملت:يالله خلونا نعود
شاهه بتأكيد:دلال فيش شي
دلال وهي تذهب عنهن:لايابنت الحلال مافيني شي
تبعنها باستغراب لمكان اجتماعهم
.............................................
في الصاله
هي بصوت عالي:ههههههههههههههههههههههه
هو برومانسيه:لببىى الضحكه
هي بدلع:فلاااح
فلاح وهو يصرخ:ياهوووه روحي عند جدتي انا جاي
سمعت صوت جدها خلفه:فلييح ومرض انثبر
حصه:هههههههههههههههههههههههه
فلاج بصوت منخفض:انا بعرف ليه مقيمين علي الحد اليوم
ثم اردف:حصووووص اطلعيلي انا في السياره بنروح نتمشى
حصه:اول علم جدي ولاسجيت اليوم يوم فشلنا وش قال
فلاح وهو يتذكر الذي حدث:الله لايعودها انا بعرف شلون درا بنا
حصه باحراج عميق:يووووه تمنيت القاع تنشق وتبلعني
فلاح بحيره:انا اول مامسكت ايدش الا هو ملتفت علي ويقولي وجع ياالخبل مالك بيت يضمك انت وهي
حصه وقد اشتد احراجها:بس بس تكفى فلاح لاتذكرني توبه توبه ماعاد اركب وياك السياره ومعنا احد
فلاح:والله ان تركبين وتركبين لو امة لااله الا الله معنا
ثم اكمل وهو ينظر لساعته:شفتي الهيتينا يالله تعالــــــــ.......
انقطعت كلماته لتسمع بعدها صوت جدها الغاضب:حصيص ووجع ان عاد دقيتي عليه مهوب اشوا لش
اغلقت الهاتف بسرعه خجلاً فظيع وبكاء شديد من كلام جدها
الجد بغضب: تلفونك على اذنك دايم كنك مرة(ن) تنقل الحكي ماتستحي
فلاح باحراج:يبه جعلني فداك وش قومك علي
الجد بعصبيه ثائره:وش قومي قومي اليوم الامحق ركبت معك في السياره قلت يمكنه يستحي ولااستحيت ماخذيت الا انت مجودن ايدها وراي ووصلنا وانت ماهديت تلفونك من جينا قد حاكيتها مرتين(مجودن=ممسك)
فلاح وهو يحاول ان يهدئ جده:يبه ريح عمرك خلاص اعادني بمحاكيها ارتحت
الجد بعناد:لا ثم اخذ الهاتف واتجه به للمجلس
فلاح وهو يركل الزهور:يالله شلون بكلمها ذالحين ياوالله النشبه
.............................................
في ذاكرة دلال
دلال بعصبيه:عيب عليك اللي تسويه
نايف ببرود يريد به اغاضتها:لا مهوب عيب مرتي مافيها شي
دلال وهي تخفي حرجها:نايف هدني خلني اعود
نايف وهو ممسك بكفها الناعمه:وان ماهديتش وش بتسوين يعني
دلال بصرامه:اوصل اللي صار لابي ناصر وابي فيصل وانت داري وش بيسوون
نايف ولا زال على بروده:ماهمني احد دامني ماسويت الحرام
دلال بلاشعور:هدني بروحي ماادانيك
تركها بسرعه حين سمع كلماتها التي شعر بهن من قبل
نايف بهدوء لايخلو من الغضب:وش اللي خلاش توافقين علي وانتي ماتدانيني
دلا بنفس نبرته اكنها تميل على الندم لتسرعها:كلمه وطلعت
ثم همت بالذهاب لكنه امسك بها الى ان آلمها:وين رايحه ؟
ثم اكمل باستهزاء:مابعد خلصنا حكينا
دلال:مابينا حكي تعوذ من الشيطان وخلني اروح
نايف بصدق:دلال انا كنت حاس انش ماتبيني عشان كذا واجهتش
دلال بنبره تميل للبكاء:نايف انا مااشوفك الا اخي
نايف:وانا مااشوفش الا اختي
ثم اكمل وهو يمسح دمعات تناثرت على خذها:لاتبكين وانا حي مالش الا اللي يرضيش يابنت محمد بس خلينا على ذا الوضع لان حنا ذالحين مانقدر نتراجع بس عقب العرس كل شي بيدينا انا وانتي
دلال:نايف انا ماابي اوجع ابي ناصر وابي فيصل تراني ماوافقت الا عشانهم
نايف بابتسامه حنونه:وعد مني اني اسوي اللي يرضي الجميع وش لش بعد
دلال بخجل:جعلك تسلم بس خلــــ..............
قاطعهم صوت بعيد قليلاً:دلللللللللاااااااالللل
نايف وهو يبتعد عنها:يالله روحي مع النسوان ولاعاد تروحين لمكان خالي كذا
ثم تركها لتعود مع شاهه
....................................
بعد العصر
لتوهم يعودون للاجتماع والحديث سوياً بعد ان اخذ الجميع قيلولته
ام سعد:ثمينه
ثمينه:لبيه يمه
ام سعد دقي لي على اخيش لطام خليه يجيني جعلها ماتجيني فيه
ثمينه وهي تهمس للبنات:اموت واعرف لطام ذا ساحرها ولا وش مسوي فيها
عليا:عطيني شي من اثرها واثره وانا افك لش السحر
ضحكن جميعهن
ثمينه وبعد ان اتصلت بشقيقها:الوو
لطام صاحب الصوت الضخم الغليظ بسبب النوم:الووو
ثمينه:صح النوم ياشيخ
لطام:صح بدنش
ثمينه:لطام تعالي امي شاهه تبيك
لطام:يالله شوي واجي مع عماني وجدي وابي
ثمينه:يامرحبا
ثم انهت مكالمتها لتقول لجدتها:يمه كلهم بياتون عقب شوي وبياتي معهم
بعد مرور نصف ساعه كان صوت الجد يدوي في الصاله:احم اح ياوولد
دخلن الفتيات جميعهن ماعدا شاهه التي تجلس طوال اليوم بجانب جدتها
دخل ابوسعد وابو فيصل ولطام
ام سعد:الباقين وينهم
ابوسعد:في المجلس
لطام وهو يجلس بجانب الجده:وش عندش طالبتني
الجده وهي تقبل خده:يويلي جعلني قبلك مبطية منك
لطام وهو يضمها له:ههههه لبى روحش يمه
صمتوا عند سماع صوتها الخافت حين قالت وهي تنظر لعينيه:
ظـلـمــتــنــي والله قـــــــــوي يـــجـــازيـــك
بالـلـي بـلانـي خـالـق الـنـاس يـبـلاك
شابهـت عدوانـي وانـا طامع(ن)فيـك
اقرب قريب(ن) لي هقيت انـه ايـاك
الـلـي جـرالـي مـنـك مـاهـوب خافـيـك
روحي على حد الخطر من سواياك
والله مــاغـــيـــرك بــقــلــبــي يــــوازيـــــك
اغلى من الدنيا علـى الخـد ماطـاك
أشفق على اللايم إلى جاب طاريك
ودي يطول الشرح في حال طريـاك
الشاهـد الله مـن كـثـر مـانـي أغلـيـك
فـي سبّتـك لـو راحــت الــروح تـفـداك
ابوسعد وهو يعجبه الوضع:صح لسانش
شاهه وهي تخفض نظرها:صح بدنك
اجابها بروح تذوي لفعلتها فهي شديدة الخجل لم تقل هكذا امامهم الا لشدة ثورة مشاعرها:
الحـزن فـي صوتـك ازعـج ساكـنـي
لين صار الكون من حولي حزين
غصب عني حزن صوتك هاجني
ليـن خـلّـى عـاصـي المعـنـى يلـيـن
وامتـثـل حـــرف القـصـيـد وعـادنــي
وانسكب شعرك على حزني حنيـن
شلـت انـا صوتـك وحـزنـك شالـنـي
اكـتــم الـصـرخـه ويـنـسـاب الأنـيــن
شفـت حزنـك كيـف حـزنـك شافـنـي
كيـف داهـم خلـوتـي فــي لحظتـيـن
طـيـر انــا مثـلـك زمـانـي ضـامـنـي
جرحـتـنـي مـثـلـك سـيــوف السـنـيـن
صابـك اللـي مـن زمـانـي صابـنـي
فــي معالـيـق الحـشـا جـرحـه دفـيـن
كــلّـــمـــا ودعــــــــت هــــــــم زارنـــــــــي
مــن عــذاب الـوجـد بـيــاح الكـنـيـن
رفع نظره ليرى ردة فعلها لكنه صعق حين رأى دموعها التي تحاول مداراتها عن الجالسين
ابوفيصل بابتسامه:ابرك عصريه جا فيها قصيد خالد الفيصل
ابوسعد بقليل من الترقب:عاد ذا الثنين يموتون على خالد الفيصل
اصمتهم مره اخرى ابياتها التي آلمته:
ياللي تعرفون الهوى لا تلومـون
يلومني من لا درى ويش حالـي
الحب يودع عاقل الناس مجنـون
يودع كبير السـن مثـل العيـال
وأهل الكرم والجود لأجله يذلون
يشحذ عزيز النفس فيه الوصـال
إن ساعد العشاق حـظِ يسجّـون
اسعد ليالي العمر هـاك الليالـي
وان عاكست سود الليالي يموتون
الحب غربـال مـن أول وتالـي
ام سعد بنغزه:وش جرا لكم ياعوالي تالي ذا النهار
فدوة عيونك لو غدت روح مغليك
وش عاد لو راحت لعينك عشاير
ابيع ما يغلى على الكون و اشريك
و اسوق لَى جتني علومك بشاير
و ازعّل جميع الناس بالحيل و ارضيك
و اصبر ولو دارت علَيّ الدّواير
و آخذ من ايّامي لك ايام واعطيك
وان راح عمري لك فلا هو خساير
احب انا شوفك و صوتك و طاريك
دايم وفكري فيك هايم وحاير
بالصمت اهوجس بك و بالصوت اناديك
و الله عليم البيّنه و السّراير
انا و قلبي و الهوى بين اياديك
عندك مفاتيح الهنا للضماير
من روحي احبك ومن روحي افديك
يامن غرامه و الحسن فيه ثاير
.............................................
بـــــــــــــقــــــــ شــــــــــادن لــــــــــــم

الله يعافيكم


أي رد لا يحوي على توقع أو تحليل لــ شخصيات الرواية


يعتبر مخالف و راح يحذف


الرجاء الالتزام بــ قوانين القسم




بياض الصبح

..
..
..

قسم بالله قهرتيني ابي اعرف وش راح يصير بس كن العرب كلهم فالينها والقصايد تجنن بس شاهه وشلون جاتها الجرائه وقالت القصايد قدام جدانه يمكن هذا اشي الوحيد الى برد لطام لها علشاانها اهنته قدام اهلها وردت كرامته قدامهم
اما المسكين فلاح وحصه كسرو خاطري نشبو الشيبان بحلوقم وصكو عليهم صكه
اما دلال الله يهديها وتغير وجهة نظرها بنواف
بليز لاتاخرين بالبارت ابي اشوف وش بصير بلطام وشاهه
الف الف الف شكر على البارت الروعه

بليز بليز بليز بليييييييييييييييييييييييييييييييييييييييييييييييييييييييييي يييز

نبي بارت الليله

ماأصدق تطلع من شاهه ذي الجراءه وتقول قصيد قدام أهلها وجدانها

وترد على لطام بعد >> لووووووووووووووووووول

اتوقع بعد هذا المشهد التراجيدي لطام يفز ويطلبها له حليله مره ثانيه

من جده وعمه

اما نايف ودلول من جد أبو الحماااااااااااااااااااااااااااااااااس

متى رح يتزوجون ؟؟؟؟؟؟؟

وياويلي ويلاااااااااااااااااااااااااااااااااه على عليا وفهاد

متى يجي دورها بس

يسلمو شونة على البارت الحلو بس مافيه احداث ملموسة مرة هادي نبغي شي حماس شوي ...............


شاهة شكلها متفقة مع جدتها لانها تبغي ترجع لطام لها مثل ماطلبت الطلاق قدام الكبار والله العلم اذا كان لطام بيستسلم بسهولة والله باقي انا من رايي يخليها تتقلى بجمرها لانها الي فكرت تفكير غبي من البداية وخليها تتعب شوي الين تنال الرضا من لطام ......................



دلال ماعجبني الي قالته دامها ماتبغيه كان ماربطت ولد الناس تفكيرها جدا غبي وبتندم عليه بعدين لان مشاعرها بتتحرك بس هل فعلا نايف يعتبرها مثل ماقال والله لا بس يسايرها وله تخطيط بينفذه بعد الزواج



فلاح وحصة شفيهم انقلبو مرة وحدة وخصوصا حصة ماعجبتني شخصيتها صارت اعظم من عليا اختها مهما كان الحيا حلو على الانثى .............وزين ماسوى فيهم الجد يمكن يركدون شوي


عليا متى بتبتدي حياتها مثل خواتها ومتحمسة لصاحب النصيب وباقي نورة وبداح العنيد


في انتظارك ياعسل