السلام عليكم
كل الشكر لمن لم يسعني الوقت لشكرهم والاعتراف بجميلهم
وآسفه على تأخير البارت بس توني استقريت بشقه جديده بالكويت عشان كذا ماكنت ادخل دايماً على المنتدى
اتمنى لكم قراءة ممتعه


البارت السابع والثلاثون
....................................
في اليوم التالي
في جناح نهار
كانت لتوها تخرج من الحمام اعزكم الله بعد استحمام امتد لساعه وربع
اتجهت لغرفة التبديل لترتدي فستانها البسيط وتتزين
بعد ان مر الوقت خرجت بفستانها الفيروزي وقد تزينت بكحل داخل عينيها وملمع زهري
نظرت له بحب حيث كان يتمدد على السرير نائماً وهويأخذ مساحة السرير بتمدد يديه
اقتربت منه لتقف بجانبه فتهمس بخفوت:نهار
نهار:.........
ثمينه وهي تقترب اكثر من السرير:نهاااار
نهار بخموول:هممممم
ثمينه بخجل شديد:يالله قوم ترا اذن الظهر من زمان
فتح عينيه ببطئ ليقول لها وهو ينظر لها بعشق وبابتسامه ساحره:
يسعد صباحك .. ليلنا تو ماجا
الشمس غابت واشرقت عندنا شمس
ويسعد صباحك يابعد كل ماجا
وماراح من عمري وانا في رجا الشمس
ابتعدت منه خجلاً من غزله الدائم منذ لقائهم الاول
نهار وهو يتمدد على ظهره ويضع يديه تحت راسه:ههههههههههههههههه وين طقيتي
ثمينه من داخل غرفة التبديل:اجهز الاغراض عشان نمشي
نظر للساعه ليراها قد تجاوزت الواحده فنهض بسرعه ليتجه للحمام
...................................
في جبهه اخرى في جناح فلاح
انعقد حاجبيه من ازعاج الهاتف الذي يرن باصرار
مد يده باحثاً عن الهاتف دون ان يفتح عينيه
اخذ الهاتف ليجيب بصوت ملؤه الخمول والكسل:ألووو
الطرف الاخر:هههههههههه معرسنا عفن في فراشه
فلاح:ههههههه وش عليك مني انا مااكلم عزابيه
الطرف الاخر:هههههههه تنكرت يامعفن
فلاح وهو ينظر لمن جعلت يده وساده لها:كم السلاعه فهاد
فهاد:الساعه قدها ثنتين الا ربع
فلا بصدمه:انت صادق
فهاد بجديه:اي بالله حتى جدي ضايق الرياجيل اكتملوا وانتوا ماجيتوا
فلاح:ليه نهار ماجا
فهاد:لا بس يالله استعجلوا
فلاح:يالله مع السلامه
فهاد:مع السلامه
اغلق الهاتف ليلتفت لها فيقول لها بصوت خافت:حصه حصوص
حصه بعدم صحوه:همممم بس ياعليا
فلاح وهو يهزها بخفه:اي عليا قومي انا فلاح
فاجأته بنهوضها السريع العنيف وهي تقول:انا وش جابك هنيا
فلاح وهو يتمدد براحه اكثر:خطفتش امس وجينا هنيا
ثم اردف:اسكتي امس امش وابيش وجداني مبلغين علينا والشرطه تدور علينا يالله قومي بسرعه قبل لايدلون مكاننا
وقفت لتذهب للاستحمام بخجل شديد دون ان تنظر له
تعالت ضحكاته بقوه:ههههههههههههههههههههههههه
....................................
في منزل ابوسعد اجتمع الجميع بعد ان قاموا بزيارة شاهه منذ الصباح
ام سعد وهب تتحدث لاحدى النساء المسنات:ايه وشلونكم وشلون العوال والبنات
المرأه:والله ابشرش فديتش كلنا طيبين ولاعلينا
ثم اردفت بلؤم: الا ياام سعد هو صحيح اللي سمعناه
ام سعد وقد فهمت مغزاها:وش اللي سمعتيه
المرأه:ولد سعد مطلق بنت ناصر
ام شاهه بفرحه وخبث:مالش لوا الا عنده وحويمل بعد
المراه الاخرى بحسد:اييييه الله يرزقها عاد لابغيتي الصدق بنت ناصر ماشاء الله ماتناعف كل مامنها يشتري من النسوان عشر
ام سعد بنفسها:اهب ياوجها بتقطع قلب بنتي قل اعوذ برب الفلق
ثم اكملت بصوت عالي:ياعليااااا ياجواهر
جواهر وهي تتقدم من الجده:لبيه يمه
ام سعد بضيق:دقي على ثمينه وحصه جعلهن الجدري وانا استغفر الله ابطن وش قومهن
جواهر وهي تلتقط هاتفها لتتصل بهن:ابشري فديتش
ثم اتجهت لاحدى الغرف بعيداً عن الازعاج
المرأه وهي تنظر لجواهر:ماشاء الله من ذا الترفه
ام سعد بضيق من تلك المرأه:هذي جواهر بنت فيصل
المرأه بدهشه:ماشاء الله قد بنت فيصل ذا الكبر
ام سعد وهي تقوم لتشرف على الطعام الذي سيقدم:اعذرني بروح اشوف وش سون ذا البني
ثم اتجهت للمطبخ لتجد فيه عليا ودلال ووضحه الصغيره ووضحه الكبيره ونوره المتألقه بشده اليوم رغم بساطة جمال ملامحها
ام سعد وهي تدخل بحذر للمطبخ:سلام عليكن يالله اصلحهن يالله
عليا وهي تضع السلطات في الصحون:يمه جعلني قبلش وش جايبش هنيا تزلقين
ام سعد وهي تتقدم لداخل المطبخ:ماعليش مني يالبقره شوفي شغلش
ثم اردفت وهي تنظر لوضحه بغضب:وضيحه وسلال فال العدو وش مدخلش هنيا وتشلشلين الصحون بعد برا برا
وضحه بابتسامه:يمه فديتش الصحون خفيفه وانا لابسه نعال اكرمش الله واطيه
ام سعد وهي تسحبها باصرار لخارج المطبخ:اقول خلي مني الحكي واظهري خواتش يشوفن شغلهن
عليا:وانتي اظهري معها
ام سعد باستهزاء:ياتالية الخيبه قدش تطرديني من مطبخي
عليا:مانيب اطردش جعلني قبلش بس اخافش تطيحين
ام سعد وهي تعود للاشراف على الاكل
دلال وهي تهمس عليا بمرح وهن يجهزن بقية الاغراض:انش ماتدرين تبي الشايب لاجا يشوفها تحوف الغدا
ضحكن بصوت خافت
ام شاهه بهمه:اخلصن علي لاتضحكن اشتغلن
ماان اكملت كلمتها حتى سمعت صوت النساء المتعالية بالخارج:ككككككككككلللللللللللللللللللللووووووووووووووششششششش ش
ام سعد وهي تخرج:حدا البنات جات
عليا:شوفو شوفو من اليوم وانا احايلها تظهر ومعيه ويوم جت حدا العرايس ظهرت
جواهر وهي تسكب الهريس في الاطباق:بنات ولاعليكن امر وحده منكن تكمل الباقي بروح اعطي امي دواها
ام شاهه:الحمدلله رب العالمين تستشيرينهن روحي ولاعليش منهن
نوره بعياره:لا لا ظلم حنا نشتغل وهي تروح في البراد
عليا وهي تمثل البكاء:يابنت الحلال يسوون فينا كذا عشان حنا عنيس ولاغيرنا مدلع ومبقط
ام شاهه وهي ترفع برقعها لتهوي على نفسها بسبب الجو الحار بشده:ياكبر جورش يامش ياقرد من هدفتي عليه
ضحكن البقية
اتتهن دلال بعد ان اعطت والدتها الدواء:بنات ترا ثمينه جات
ام شاهه:وحصه ماجات
جواهر:لا يمه
اتاهن صوت ثمينه الخجل:سلام على الحلوات
اتجهن لها جري ويتسابقن لها
عليا ويه تدفعهن جميعهن:وخر خلوني اقبصها يمكن فيه منحوس ياخذني
ثم بدان السلام عليها وتعليقات مخجله تحت تهديد ام شاهه
طرق باب المطبخ ليأتي صوت مرتفع:ياوولللددد
ام شاهه:يالله بنات روحن داخل خلاص كل شي خالص
اتجهن جميعهن الا ثمينه
ام شاهه:حياك
دخل بوجهه المتعب:سلام عليــــــ
لم يكمل وهو يبتسم لتلك الواقفه باناقتها:اوووه يالله حيها يالله حيها
ثمينه وهي تضمه بقوه:الله يحيك فديتك
هو بابتسامه:ها بشري ارب نهار ماقالش شي ترا ذالحين اثور فيه
ثمينه بخجل:ههههه لا مسالم
ضمها له بفرح:هههههههههه الله يهنيكم
ثم اردف لام شاهه:ها يمه كل شي خالص
ام شاهه وهي ترفع حاجبها استنكاراً لكلمة(يمه):ايه خالص
لطام بتعب شديد:خلاص اجل خليش جاهزه بنحط الغدا وبنمشي
ثمينه باستغراب:وين بتروحون
ام شاهه:شاهه تعبت امس ودخلوها الطبيب
ثمينه بحزن:اسم الله عليها وليه ماعلمتونا
ام شاهه بحنان:ماله داعي نخلعكم كلها سهالات وانا امش
ثمينه:بشروني منها ذالحين
ام شاهه:ابشرش ذالحين احسن
ثمينه براحه:الحمدلله
لطام:هايالله ادخلن عشان يدخلون الهنود يشلون الصحون
دخلن ليكملوا الخدم بحمل الاطباق
...............................................
في صالة النساء
ماان دخلت حتى رأت صغيرتها الخجله تدخل
تعالت الاصوات:ككككككككلللللللللللووووووووووشششششششش
اتجهت لصغيرتها لتسلم عليها
ثم اتجه الجميع للسلام عليها وهي في قمة حرجها
عليا وهي تهمس لها تحت اسماع البنات فقط:انا قلت على ذا التأخير بنشوفش تعرجين ولا وجهش مشقق بس الحمدلله طلعتي سليمه
تضاحكن عليها وهي تضرب عليا بخفه:ياقليلة الادب
عليا:وجع لاتضربين ولا مستقويه بفلاح
ثم اكملت:ترا انا عندي امي وابي وجدي وجدتي وعمـــــ...
دلال وهي تدفعها:بس بس ياكثر حكيش جبتي العايله كلها
عليا بخبث:ايه دزيني عشان تسألينها وتاخذين العلوم منها
دلال باحراج من جراءة عليا:وجع وجع صدق ماالومهم لاقالو مايسلم منش احد
ضحكن البقيه عليها
حصه وهي تبحث بعينيها:وين شاهه
بان الحزن على وجوههم
عليا بضيق:شاهه امس تعبت شوي وودوها الطبيب
حصه بجزع:وهي ذالحين شلونها
عليا وهي تطمنها:لا الحمدلله الحين احسن بواجد
حصه بعتب وحزن عميق:وليه ماعلمتوني
عليا وهي تريد تغيير مودها:قلنا ما نتعبش وانتي تعبانه اصلاً
ابتعدت عنهن بخجل
البقيه:ههههههههههههههههههههههههههههههه
..............................................
في مجلس الرجال
فلاح وهو يدفع نايف بعيداً عنه:روح روح هناك يالبزر
نايف بنظرة الاستهزاء:ياعمي طير زين بزر وبزر والمصيبه انت اللي بزر
فهاد:هههههههههه انا لومنه ماقول لاحد بزر عشان مايفشلوني
فلاح بكبر كاذب:البزر اللي مهوب عاجبكم اعرس قبلكم
فهاد:اخ في هذي صادق
نايف:اهب ياوجيهم انا الحمدلله في قائمة المتزوجين مع وقف العمل
ضحك الاثنان:ههههههههههههههه
فلاح:يووه ماجاك شي قطعو كبدي قبلك
فهاد وهو يمثل الرعب:اجل مانيب معرس
نايف:اقول اعرس قبل ياخذون عليك توكيل ويجوزونك
تعالت الاصوات من ضحك
في جبهه اخرى
كان يرسل لها رساله حين نغزه ناصر
ناصر بابتسامه خبث:ها وش تسوي
نهار باحراج:اكلم واحد من الشباب
ناصر:هههههههه ترانا سبقناك عليها
نهار باستنكار كاذب:ويش هي؟
ناصر:اكلم واحد من الشباب ..... اسمحولي الدوام طالبيني وغيرها وغيرها
نهار و قد زاد احراجه:يارجال فضحتني
ناصر:هههههه مااحد فاهمك انت وذاللي يضحك الا انا
نهار:وش رايك ابوفيصل في ذا الصيفيه نصيف كلنا مع بعض
ناصر وقد اعجب بالفكره:والله ماهيب شينه بس خلنا نشوف الجماعه
نهار:اللي ودك
ثم اكملوا حوارهم في مواضيع مختلفه
........................................
كانت ترتدي عباءتها بعد ان مسحت زينتها لتتوجه للمستشفى
حصه بحزن:يمه تكفين حبيلي خشمها
ام شاهه:يوصل............ يالله مع السلامه
عليا لحصه:ترا حنا بنروح عقب شوي لها
ثمينه بعد ان قرأت رسالة ذلك الذي سلب قلبها منذ ليله:صدق اجل انا بروح معكم
ام لطام بحزم:قولي لرجلش اول
ثمينه وهي تتجه لغرفه جانبيه:ابشري
عليا بخبث:اجري اجري لايطق نهار ويخليش
ام سعد وهي تحاول ان تقوم وهي تقول بغضب:تكفون قضبوني شوشتها
عليا وهي تقترب من جدتها:ههههههههههه الا انا اللي جيتش بس بتصملين فيني
ام سعد وهي تضربها بخفه:سلقه تدري قلبي مايطاوعني فيها
ضحك الجميع:هههههههههههههه
ام سعد وقد عادت لغضبها:انتي وش تاكلين من وراي انتي منفقعه ذا الايام
دلال بانتقام:يمه قبل شوي كلت من الغدا الين ظهر مع خشمها(ظهر من خشمها=كنايه عن كميه هائله)
ام سعد بيأس:انا يامش ايست منها قطعت كبدي ابيها تخف ذا الشحوم وهي كل يوم تزيد جعلها الوهم
عليا:هههههههههه يمه وش اسوي يعني اموت من الجوع
الجده بغضب:ايه موتي من الجوع ابرك منش وانتي ترتجين
ضحك الجميع
ام نهار بحب:يمه ماعاد الا علوي فديتها
اتجهت عليا لعمتها وهي ترى ثمينه تجلس بعد مكالمتها لنهار
عليا وهي تجلس بجانب ام نهار:يافديت اللي يحبني
ثم اكملت وهي تمثل الخجل:ها رضا نهار على الموضوع اللي بالي بالش
ثم نظرت لثمينه التي تتوعدها بقهر
ثمينه بغبن:وش موضوعه
الجده بعصبيه:بنتي صاقه وش الموضوع اللي بينكن
عليا وهي تخفض صوتها بخجل كاذب:ابد امي صيته واعدتني تقنع نهار ياخذني والحمدلله وافق
ثمينه:هئئئئ بتجاوريني يالخاينه
الجده بغضب:ييييييييييييييييييو والله ياللي يجيبها لي له مابغى
سارعت دلال وحصه وجواهر ليدفعاها للجده
عليا وهي تصرخ:هدوني بتذبحني يامتخلفات والله اضحك عليكم
ثمينه وهي تعلم بكذبها منذ البدايه فحبت الانتقام
ثمينه بصوت باكي:اهئ اهئ اهئ ليه ليه كذا ياعلا علي هذا وانا اختش
الجده بغضب اكبر:وتبكين اختش بعد
ثم اكملت:ايه ايه قربنها مني ايه بعد
ماان مسكتها حتى قامت بضربها بالعصا على كتفها :هذي على قلة حياش ياخطابة الرياجيل
ثم ضربتها مره اخرى:وهذي عشان ثمينه
عليا وهي تبتعد وتفرك كتفها:يمه والله اضحك عليش
ام نهار وهي تضحك بشده كحال البقيه:ههههههههههههه يمه والله انها تكذب
الجده وهي تنظر لها بنظرة شك:صدق ولا
عليا وهي تقبلها:لا صدق بس انتي اللي ودش بضربي
الجده:انتي اللي تجلبين البلا على عمرش
واستمر الحال بين ضحك وحديث
...........................................
في المستشفى
دخل ووالدتها تتبعه
لطام بصوت هادئ:سلام عليكم
شاهه بابتسامه مرهقه ومتعبه للغايه:وعليكم السلا
ثم اقتربت والدتها لتقبلها:ها بشري منش ذالحين
شاهه:الحمدلله
جلس بالكرسي الذي بالجهه اليمنى لها
لطام وهو يمسك بيدها كنوع بالمؤازره رغم جمود ملامحه للغايه:ها ماقالو لش شي
شاهه وهي تنظر له بحب انكرته عينيه:لا مااحد مر الى ذالحين
ام شاهه وهي تخرج عصير وتسكبه في كوب لتقدمه لها:بيمرون ذالحين ويقولون مافيش الا العافيه ووليدش طيب
الاثنان:آمين
ام شاهه بجمود:لطام اصب لك قهوه
لطام بنبره احترام غريبه في حنجرة لطام:ايه ولا عليش امر
سكبت له فنجال ومدته له ثم جلست مقابله له
لطام وقد تغيرت بنرة الصوت لديه:ام شاهه انا في خاطري شي ودي اقوله
ام شاهه بجمود:اسمعك
لطام وهو يقف ليتقدم لها ثم يفاجأها هي وابنتها وهو يقبل رأسها
ام شاهه وهي تدفعه بخفه وهي جزعه وخجله:والله ماتدنق علي والله
لطام وهو يبتعد قليلاً عنها بعد ان قبل رأسها:اجل صومي ثلاثة ايام
ثم اردف باحترام لايليق الا به:هذا مهوب حقش يابنت ناصر غار السموحه مماجرى وصار وادري انه مهوب مكفيش الحكي عشان كذا حجزت لعشرين شخص للعمره في ثوابش وعشرين لحجة ذا السنه وكرامتش على باب بيتش اول مانعود والله ماتقولين كلمه
الجمها خجلها منه ومن اعتذاره المميز الغريب المرضي دنيا وآخره
شاهه بابتسامه يملؤها التعب:جعل ربي يزين الامور قولو آمييين
الاثنان:آميين
ام شاهه باحراج من كرمه:جعله يكثر خيرك وحبة الراس تكفي وانا امك ترا مابيني وبينك الا عتب والغالي مايعتب الا على الغالي وانت ولدي من عادك تاتيني كل يوم قبل المدرسه تلاعب شاهه
لطام باحراج وهو يتذكر تأكيد الجميع للخبر:والله يايمه اللي سويته فيش ماله غفاريه والله اني مستحي منش لكن انا طالبش ان تبيحين مني وتحلليني فيما سويته
ام شاهه بسرعه:ياولدي ربي سبحانه غفار وشلون حنا مانغفر وتراني بايحة منك يلطام ابن نوره دنيا وآخره
قاطعهم دخول الدكتوره
الدكتوره:السلام عليكم
الجميع:وعليكم السلام
الدكتوره وهي تتقدم من شاهه:ها شاهه شلونج اليوم ان شاء الله احسن
شاهه بقليل من الفرح:لا الحمدلله اليوم احسن
الدكتوره وهي تبدأ بشرح الوضع الصحي للأم والجنين:شوفي شاهه امس وصلتي كنت في حاله حرجه جداً بسبب المرض صار فيج نزيف لكن اليوم بعد التحاليل اكتشفنا ان حالتج تمام
ام شاهه بفرح ولطام:الحمدلله
ثم اكملت بمزح:هههه الظاهر ولدج متعلق فيج
شاهه بفرح شديد:انا اللي متعلقه فيه يادكتوره
الدكتوره:الله يخليه لج ان شاء الله وتشوفينه وحولينه عياله واحفاده ان شاء الله
الجميع:ان شاء الله
الدكتوره وهي تخرج:يالله ياشاهه اتمنى لج الصحه والعافيه انتي والجنين
.......................................
بـــــــــــــــقـــــــــ شـــــــــادن لـــــــــم

السلام عليك ورحمالله وبركاااته

الحمد لله على السلامه بشريني عنك عسلللك بخير

تسلمين يالغلا جعل ربي يهدالك الخير والبخت الزين والي عندي تبوس يدك
على الهديه

[COLOR="Purple"]نهااااااار وثمينهياعيني يا عيني حتى وانت قاااااعد من النووووووم جااالس تتغزل يابختك يا ثمينه
بهالرجاااااااال من يحصل له جعل ربي يهنيكم لالايقيييييين على بعض

فلالاح وحصوص
عسسسسسسسل هالاثنين اما خاااطفهااااا الصرااااحه قويه لاتاااااخذ عليهاااااا توهااااا جااااالسه
من النوم وانت ماااا قصرت فيها يالبى قلوبكم مخبل لايقييين على بعض اجل يافلييح ما صرت بزر خلالاص تاهلت
وصارت عندك عااائله يالبى
وحصوص خلي منك الحي ترااااه مااينفع مع فلاح لازم تعطينه مثل جووه

عليااااااااا
يالبىىىىى قلب هالبنت والله انها احلا وحده بروااايه يكفي خفة دمها جعلني ماااعدم زولهااااااا
ما حركاااااتهاااااااا مع الجده رهيييييييييييبه بس ياااااخوفي انه على ضحكها ووسااااااااعه صدرهااااااااا
ياخذهااااااا واااااااااحد ما ينطااااااق وما ادري لييييه حاااسته صقر

ام شاهه وشاهه ولطااااااااام
كفو والله يااااالطااااااااام انا اشهد انه عداااااااااك العيب رجااااااااال والله حركتك حق ام شااااااااهه تثبت مدى معدنك الطييييييب جعل الرخوووووووم فدووووووةلك بحركتك هذي ذووووبت الجلييييد الي بينك وبين ام شااااااهه وخليت
ماااالهااااااا مجااااال انها تتجااااهلك
ورفعت من معنويااااااات شاهه
والحمدلله الي سلم لك شااااهه والصغيرشدوووونه يالغلا جعلني مااااعدم طلتك ياااااارب مااا قصرتي جعل ربي
ماااا يقصر بعمرك[/COLOR]

اول شي مبروك شذونة على تثبيت الرواية تستاهلين يالغلا ........... ثاني شي تسلم ايدك على البارت جدا حلو


عليا هي سكر الرواية وعاطية جو رهيب للاحداث وخصوصا حركاتها مع جدتها والجدة والله موتتني من الضحك على تعليقها على جسم عليا المسكينة خخخخخخخخ

بس ماادري ليه حاسة انو هالامتلاء وهالضحك بيتغير وبيختفي من عليا وان شاء الله يكون ضني مو في محله والله اتمنى كل الخير لعليا وياهناه الي بياخذها


معاريسنا الحلوين الله يسعدهم ويهنيهم نهار ذايب الرجال ورايح فيها الله يعين ثمينه على غزله اما فلاح مافيه غير الرجة والله يصبر حصة عليه هههههههههه


عقبال نايف ودلال نبغي نشوف كيف بتكون حياتهم وبدايتهم هل بيحبون بعض والله بيكونو بالبداية متباعدين


بداح لحد الحين ماخطب نورة من بعد ماكلم فهاد يمكن يكون قريب .......... وعقبال الباقي


ام شاهة ماخافت تكون حامل وهي ماتدري تشيل وتحط بهالصحون والله خفت عليها ............ ان شاء الله قريب تفرح ابو ضيدان بحملها


لطام ماقصر والله وهذا مو شي في حق ام شاهة وتستاهل كل الي سواه لها لطام لانو ظلمها وظلم بناتها بس طلعت احسن من بنتها وسامحت لطام بمجرد انو اعتذر عن الي سواه وبين لها ندمه ................

ياليت بحكمتها تنصح بنتها وتعقلها وتصلح بين الاثنين لانو الي صار مو بسيط على لطام والله يلوم الي يلومه اذا فقد ثقته بشاهة لانها غدرت فيه

اهم شي انو حالتها تمام والجنين وضعه ممتاز وعقبال مايفرحون بشيلته بعد الولادة ان شاء الله ................


في انتظار البارت الجاي على نار

تسلم ايدينش شدون على البارت وحياكي ف دار اخو مريم داركي الثانيه نورتي الغاليه
نهار وثمينه وفلاح وحصه حلوكم يا المعاريس اللله يكتبلكم التوفيق
لطام حلو الاعتراف بالحق طريقه اعتذارك جد رائعه راقيه
نايف متى ناوي تتحرك
عاليه قايله انتي حلو البارتات الله يرزقش

السلام عليكم
ألف مبررررررررررررررررررررررروك عزيزتي فأنت تستحقين الأفضل
البارت ممتع طول الوقت وأنا مبتسمة الله يدوم علينا وعليكي
ياترى شوصار مع بداح متى راح يحكي مع جده وأبوه؟؟
وباقي عليا وجواهر وفهاد وعساف مين راح يكون من نصيب مين؟؟؟ولا صقر راح يكون له رجوع؟؟؟
بانتظارك ياجميل