صباح الخيرات والليرات ...........يازوزو شهالمطبات من صباح ربي ........يعني لازم ترضين فضولك بس انا ادري مو منك من ام كشة هموس الا تبي تقلد ستايلي يادافع البلا هالبنت من حبها لي صار عندها هوس كل يوم طالعة لي بسالفة يوم شنطتي وشداخلها مرة غرفة نومي شموديلها والله الخوف بكرة تحطون لي عدد رموش عيوني خخخخخخخخ

المهم برد على اسئلتكم وياويل اشوف وحدة موطوطة لي بالخاص بمطب عاد بشغل لكم جنياتي الزرق ومايخصني بالي بيجيكم ...فيس التهديد


- كم مرة تغيرين لبسك باليوم .. ؟

والله مالي مرات معينة بس الاغلبية من مرتين الى ثلاث وخصوصا اذا دخلت المطبخ لازم بعد مااخلص على الدوش طوالي

واوقات الجو مايكون الجو زفت ورطوبة مااتحمل ابد كل شوي اغير واذا انا متمللة اعرض ازياء كل شوي خخخخخخخخخ......

وحدة ملابسها كثيرة




2- لبسـك تكررينه أو لا .. ؟ وليش .. ؟

اكيد اكرره حرام البسه مرة وارميه حتى فساتين المناسبات اكرر لبسها لانو مرة تكون المناسبة عند اهلي ومرات عند اهل زوجي ومرات عند صديقاتي فعادي البسها والملابس العادية اكيد اكرر لبسها لاني مااشتريتها الا عاجبتني ومادام ماصار فيها شي يمنع لبسي لها ليه لا مااحب التبذير واللعب بالنعمة وغيرنا يتمناها بصراحة

3- بالبيت تحبين تلبسين قميص البيت أو بيجامة أو ملابس كاجوال .. ؟

الاغلب بيجامات بس اذا ماعندي شغل او اي شي البس فساتين او بناطيل او برمودات مااجلس دايم بملابس البيت بعد من حق زوجي اقابله بشي من الي اشتريهم وخصوصا انو من النوع الي بكل شي يدقق ويحب التغيير مثلي ويشجعني على اللبس وحتى اغلب لبسي من اختياره هو

3- تحبين البنطلون أو التنورة .. ؟ جنز أو تفضلين أقمشة أخرى .. ؟

اكثر لبسي البنطلون او البرمودات الجينز .......بس البس تنانير وفساتين ناعمة بس الغالب البنطلون

4- جزمتك تحبينها شبشب واطي أو كعب عالي أو سبورت .. ؟

بصراحة انا انوع يعني البس سبورت اذا بتسوق او بطلع مكان بمشي فيه خصوصا في السفرات لانو اريح بالمشي والبس كعب وسط وكعب عالي على حسب الاماكن الي بروحها واللبس الي لابسته اكثر شي احبه الصنادل اموت عليها



5- وش الألوان اللي تفضلينها .. ؟

اغلب الالوان لانو بشرتي فاتحة جدا بس افضل الاسود والاحمر والوردي بدرجاته والتركوازي والموف والابيض هذي اغلب الالوان بس مااتقيد فيها احب اجرب الالوان الثانية بس مااحب الالوان الصارخة الفسفورية ولا جربتها ابد

6- اكسسواراتك تحبينها شويه هادية ونعومة او كثيرة وخرشة شوي يعني كيف تحبينها .. ؟


لا احب الناعمة لانها تناسبني اكثر مااحب الفوضى والاشياء الغير مرتبة ..... اصلا ماتناسبني ابد الا الاشياء الناعمة وتكون بارزة في نفس الوقت



7- تحبين تحطين مكياج أو لا .. ؟

اممممممم احب المكياج بس مااحطه على طول اخاف بشرتي تخرب بس احب الكحلة والقلوس شئ اساسي بس بالمناسبات او لما يخطر ببالي احط شوية مكياج

8- كيف يكون مكياجك للطلعات العادية يعني يكون ثقيل ولا خفيف .. ؟


لا مكياجي يكون خفيف جدا واكثر شي قلوس وكحل داخل العين بس



9- مكياجك للزواجات تحبينه نعوم أو صارخة ألوانه .. ؟

انا احب المكياج يكون ناعم وبارز بنفس الوقت مااحب الالوان الصارخة ابد ولا احب اغير من شكلي واصير كأني علية الوان متحركة ........لذلك ماارتعامل مع اي صالون الا ومتأكدة انو عارف لتقسيمات وجهي ويحط الاشياء الي تبرز ملامحي بدون مبالغة في تغيير لون بشرتي لاني مااحتاج كثير ........قبل اسبوع كان عندنا زواج وفستاني كان اسود ناعم وهالشي خلى الكوفيرة تسوي لي مكياج كان جدا رائع وبنفس الوقت بارز اهم شي رسمة الكحلة للعين اما الارواج مااحب الا الالوان الفاتحة وحتى البلاشر مااحب الالوان الغامقة ابد لانو احس بشرتي فاتحة مو حلو لها الغوامق


10- وش لون شعرك الأصلي وبعد الصبغة .. ؟

شعري لونه بني وسط ومااحط صبغة لانو اخاف يتلف او ماتناسب لنو وجهي بس حطيت من قبل خصل ثلجية وطلعت حلوة ومناسبتني كثير بس ماحب اكثر من الاصبغ اخاف يخشن شعري او يتساقط



11- الماركة المفضلة عندك .. للملابس .. المكياج .. العطور .. الجزم .. الاكسسوار .. ؟

اممممممم مو دايم امشي على الماركات اي شي يعجبني ويدخل مزاجي ويرضي ذوقي اشتريه يعني مو كل مشترياتي ماركات الا المكياج ومستحضرات التجميل مااجازف فيها

الماركات الي اخذ منها لويس فيتون ........ قوتشي ....ديور ... وغيرها


12- اللون المفضل لك بالنسبة للمناكير .. ؟

العنابي والوردي الفاتح والفوشي والبني




13- حطي لنا صورة لبس معجبك ويناسب ذوقك ..






14 - وأخيرا وليس آخراً وش رايك بالموضوع وتقييمك له


موضوع ممتع ومسلي استمتعت بالاسئلة كثير ومشكورين على الفكرة الحلوة



*

*

*

أتوقع الأسئلة واضحة مرة .. ؟

اي واضحة وجميلة جدا

عواااافي زيزوووو

اناقتك مررررره حلوووه
وذوقك رااااقي بالفسااتين..

منووووره الحته ياااعسل..