عــيــدنـــا أحــلـــى مـــن عــيــدكــم... بــوحــه..

السلام عليكم ورحمه الله وبركاته

صباحكم/ مساكم عيد وافراح

بدش في الموضوع على طول<<فيسي العملي.. بما ان دندونه الله يسامحها ورطتنيه<<فيس حطها في البلاك لست يبت لكم.. احداث وصور عيدنا..





طبعا قبل كل شي كلنا انش من غبشه وقبل العصافير.. ونروح نصلي العيد في المصلى.. بس هالمرة ما رمت اروح لانيه يلست عند خواتيه <<فيس الاخت العوده..





وخلاف نرد ونتيمع كلنا في بيت عميه العود.. بس هالمرة دام الكل مروحين الحي "الحج".. فتمعنا في بيتنا لان امايه العوده "يدتيه" في بيتنا ..




شرات ما قلت قبل هالعيد غير لان اكثر هلنا هب موجودين<<فيس متعقد من هالسالفه.. هي صح نسيت طبعا الاضيحيه وكلنا بها الهلال الاحمر.. يعني ما بتجوفون الدبش قبل لا يتنقلون لرحمه الله<<فيس مطلع ضروسه..




زين شوي ونحط الريوق.. طبعا ريوق العيد عندنا يكون عيش ولحم وهريس وهالسوالف<<فيس ما يعرف الحكمة من هالشي.. بس ما احب اتريق وياهم لانيه ما احب اتريق غدا<<فيس يهز راسه..

عسب جي صورت لكم تفاحة العيد بس<<فيس يستهبل

طبعا بما ان صور العيد اكثرها صور شباب هلنا المفلعين<<قيس ينقد عليهم.. ولا بناتنا.. قررت انزل لكم هالصورة بدال صورهم<<فيس مبتسم







زين ونحن يالسين جفت خوالي انفتحت عندها قريحة الكتابه وسرت اصور ابداعاتها.. عاد فديتها<<فيس يبوس خوالي.. متازمه لان قوم ابويه مسافرين.. ويلست تعبر عن شوقها ..






زين لين يخلصون ريوقهم المعجزة قررت اخذ جوله في البيت<<فيس ما يعرف ييلس.. وهاي صورة بتعيبكم<<فيس مستانس عليها







وخلاف جفت اليهال يلعبوون بالشلق<<فيس استانس عليهم.. وسرت انقع شلق وياهم.. بس الله يهديهم ما يابو وااايد<<فيس هزبهم لانهم يايبن شويه.. مع انهم شردو يتحرونيه بهزبهم لانهم مشترين شلق<<فيس مستغرب



وهاي كيكه العيد.. كنت بنزل الصورة كامله بس قضو عليها.. بدور في الصور جان حصلتها بنزلها في مدونتيه<<فيس طييب

نكمل<<فيس حس عيدهم طووويل.. وخلاف بدت الوفود توصل.. واكثرهن العيايز ربيه يحفظهن.. والله انهن فنتك.. حليلهن يالسات ف الصالة وكل وحده ترمس ف سالفه ما يخصها في سالفه ربيعتها<<فيس يضحك خخخ

عاد الوفود ما خلصت الا ع الساعه 12 تقريبا.. الله يهديهن عيايزنا اختربن وبدن يسهرن<<فيس ينقد عليهن.. الله يرحم ايام قبل<<فيس عيوز متجسحه.. المهم.. لانيه طيبه بكمل اليوم الثاني<<فيس ملاك..

اليوم روحنا البر<<فيس مستااانس.. بس طبعا طلعنا متاخرين من البيت عقب ما خلصو الوفود<<فيس عيبته الكلمه

وهاي صورة برج خليفة.. ترى الصورة صورتها من الشارجه.. بس عسب تعرفون انه اطول برج<<فيس الاعلان






وهذا المسيد اللي صلينا فيه قبل لا نوصل للبعقه للي يسلنا فيها.. طبعا ما اروم انزل صور البر لانيه مستحيل احصل صورة ما طلع فيها حد من المفلعين اللي ويانا<<فيسي اللي ينقد عليهم من الصبح.. جنه الا حد قال لهم انهم مشهورين<<فيس يهز راسه






هالصورة للبيوت اللي سونها بناتنا ف البر.. حليلهن يا انهن فقدنا الذاكرة.. ولا انهن خاطرهن يروحن البحر<<فيس قرر يحل مشكلتهن






وطبعا اخر شي توقيعي .. كتبته حقبه خوالي فديتها<<فيس يبوس اخته



وبجي خلاص .. خلصنا ثاني ايام العيد..

يلا استودعكم الله على امل اللقاء بكم في عيد ثاني<<فيس مذيع