كاتب الموضوع :
شغف الامارات
المنتدى :
الارشيف
شًغْفْ آلآمُآِرآٌتّْ
شًرٍبٌتّْنْيَ مًنْ آلعًذَآبٌ كَوٍآبٌ ... صٍآرٍ دًوٍرٍكَ تّْشًرٍبٌ يَآخٌليَ لوٍ كْوبَ
البارت الثاني عشر
!!
!!
طق طق طق
صلبت عمري وعدلت شعري : ادخل
طل حمد براسه والابتسامه محليه ملامحه : واعيه
بادلته الابتسامه : حياك
دخل ويلس على كرسي التسريحه : ابا اشاورج بشي
غريبه شويبا مني حمد خفت شوي : امر شوتبا
حمد اتسعت ابتسامته : ابا افتك منج
ظهرت علامة استفهام عوده على راسي ششويعني يبا يفتك مني
==========
عفرى
==========
بااال شوهالصوت ... اخخخخ ياراسي مصدعه بضمير احس راسي بينفجر وغير جذي مادري بلاها امايه تصارخ مادري هالعلل الخدامات شومسويات .. خلني اغير هالقميص مافي المتخلفين ايتمون يهازيون لبست قميص نص كم عليه قلب احمر ملفوفه عليه سلاسل وقفل .. هالقميص دوم يذكرني بسيف , مطر يابلي اياه من لندن ولبست برمودا حمرا ونزلت الصاله ... خيييبه من وين ياي كل هالغراااش .. جفت امايه واقفه عند باب المطبخ وويها مخبوص
وقفت على اخر دري قلت وانا اطالع الاغراش المتناثره على الارض : شو مستوي امايه ووين الطاوله
ام مطر بعصاب ونرفزه : هاالعله كسرتها
عفرى : تيكت ايزي موووم شو رايج انغير ستايل الصاله مره وحده
ام مطر تصارخ : عفرووه انجلعي من جدامي لا اطلع كل زياريني عليج
شردت المطبخ قبل لا تدفني ترى عادي امي تسويها .. ادريبها تحبني لاكنا ذا عصبت تنى منو جدامها وعادي تجرح بالكلام او حتى تضرب ويمكن تذبح خخ كل شي جائز رغم انها هاديه اكثر اوقاتها لا كن الله لايقول تعصب ومطر ماخذ هالطبع منها ... ههههههههههههههه ..
مره كان عمره 18 قبل لايسافر لندن, كان مايحب حد يتعبث باغراضه لو الموت مرة تراهنت ويا ثاني انه اذا دخل حجرة مطر برمس ابويه تاخذله دراجه لان انا مستجابه طلباتي طبعا .. وكان فيه فضول شو خاش فحجرته .. المهم .. دخل ثاني حجرة مطر وهو كان مب موجود ...
قالي لقا خواطر واشعار هههههههه هالمطور خطير ... وعاد على حظ ثاني دخل مطرالحجره وشو مايزخلكم ثاني من شعره ويستلمه طراقات وبكسات لين مادخل ابوي الله يرحمه على صوت صريخ ثاني ... ههههههههه لو اتجوفون شكل ثاني وهو ظاهر من الحجره ووشعره منكوش وشفايفه مطروره وينزل منها دم ههههههههه اطالعني بنظره حسيته بيذبحني بس حليله نص ساعه وسار اعتذر من ثاني ورمس ابوي ياخذله دراحه ....
: حوووو وينج
انتبهت للي واقف جدامي : هههه توني افكر فيك
ابتسم وقال : شو نازل عليج
: ههههههه ماشي اتذكرت سالفة ثاني يوم نبش حجرتك , بعدك ماتحب حد ينبش فحجرتك
مطر وهو يسحب كرسي وييلس على الطاوله : هيه
: عيل بسير بنبش بجوف شو خاش
مطر بنظرة تحذير : بايعه عمرج سيري , بتسيرين عرس اخت سهيل صح
ابيييه اليوم بشوف سيف شو بسوي اممم لقيتها : هيه بسير , انت اليوم ماسرت الشركه
بصوت هادي مخلوط بملعقتين عدم اهتمام قال : العصر بسير
ترنننق>> مال ام ام اس البلاك بيري خخ
لا هالمره مو انا هالمره الشيخ مطر كان يطالع البلاك بيري عيونه ناعسه بس نظراته حاده هاشي يميز مطر بملل رده على الطاوله ويكمل شرب حليبه بهدووء
قلت اكسر الصمت الممل : شو العرس البارحه ومنو المعرس قلتلي
مطر : عرسهم ماعليه كلام العياله شلت البقعه واليويله ماقصروا والمعرس من قوم ال ....ي
قلت وفي حسد وغبره : خيبه شومن حظ عليها
رن تيلفوني بس كان على صامت جفت المتصل مهره
عفرى : الووه مرحبا الساع بالقاطعه
مهره : مرحبتين السموحه منج الشيخه اذريبي مقصره شحالج وعيدج مبارك وعساج من عواده
: بخير وسهاله الله يبارك فيج وياج الغاليه وانتي شعلومج
: عله مديم علوم الخير , الا عفاري بتنشدج بما اتج ذويقه
عفرى : امري
: اليوم عندنا عرس ومحتاره شقايل اسوي الميكب مائي ولا عادي
: مائي الغاليه بدون تفكير حتى
مهره بتردد : يعني هاذا الشوور
عفرى بثقه: هيه غاليه لاتحتارين
: مشكوره غناتي تعبتج ويايه
: لا تعب ولا شياته مامن بينا هالرمسه
...
ومر الوقت على ابطال قصتنا حتى غذا الليل الساعه تسع وربع
.. باك توعفرى ..
توني راده من الصالون سويت تان اقين وسويت هايلايت لشعري وبروحي مكيجت عمري ماحب مكياج الصوالين مايمكيجون علكيفي المهم رسمت عيوني بالجحال وشدو اسود واحمر وروج احمر فاقع .. ولبست بدي احمر علاقي وسكني جنز اسود ..وكعب احمرلبست عباتي السوده المفتوحه وشيلتي التور الحمرا .. وخذت شنطتي دولس جنقبانا الحمرا
.. طبعا امي راحت ويا ام احمد العرس مايعيبها اتي ويايه ..ومطر فالشركه وثنوي عند ربعه ..
ركبت سيارتي وطلعت من الفلا وجهتي كانت .. لا مو البوم .. وجهتي كانت باركنقات برجمان ... دورت رقم السيارة اللي حافظتنه اكثر من اسمي .. لقيته ... و وقفت سيارتي حذال سيارته الفتك
.. سبحت عمري بالعطر .. وزدت على الروج وحطيت قلووس ونزلت من سيارتي وجفته نزل من سيارته ..
ياصوبي والابتسامه شاقه حلجه : آآآآآآآ ه عالجمال كم بعيش انا
ابتسمتله وانا اطالع عيونه يالبي هالعيون السود .. واتوايهنا وحضني شوي وهمس فذني : تولهت عليج
احس جسمي تطلع منه حراره .. ابتعد عني .. فتح لي باب السياره اللي جدام وركبت ... احس بعمري بطير من الوناسه ... اموت يوم هو جريب مني ... تاملت ملا مح ويهه وهو يلف على السياره
هو حبيبي
هو عشيقي
هو ملك روحي
... ركب فمكان اللي يسوق...
لف جسمه صوبي ونظراته كلها حب وشوق واحس بنظراته تحرقني
قلت وانا احس بدقات قلبي وصلت المليون : سيفاني لا تطالعني جي استحي
: هههههه فديت اللي يستحون ياربي ... وين المفاجأه اللي خبرتيني عنها
ابتسمت له وحطيت ايدي على راسي انزل الشيله على جتفي بدلال وفتحت قبضة شعري وخليت شعري يتناثر على جنافي بأريحيه .. رفعت راسي اجوف ردت فعله
كانت نظراته غريبه عض شفايفه للي تحت
عقب ماجاف شكلي ابتسم بعذاب : ياااالييييل الشقا ياسيف حرام انك اليله مابتبات دامك رييت هالريم
نزلت راسي بحيا وقلت بغنج : سيفااانيي
حطى ايده تحت ذقني .. رفع راسي ولفني صوبه ...جرب مني حتى لصق خدي بخده ... حسيت انفاسه الملتهبه تحرق رقبتي ... احس بشفايفه عند اذني يوم همس بنبرة واحد متعذب : عفاري ريحة عطرج خبلت بي
==========
مطر
=========
: اوكي عبد الحميد اجوفك باجر فالشركه ولا تنسى اوراق اجتماع اليوم
: حاضر يا فانم .. يلا السلام عليكووم
: وعليكم السلام
آآآآآه توني مخلص عشاء عمل والحمدلله مشى الموضوع مثل ماكنت متوقع
.. نزلت للبيسمنت .. سيارتي ويين .. هيه هاذيه .. رن تيلفوني وانا ساير صوب سيارتي ماتبرضت ارد .. ركبت سيارتي شغلتها رفعت راسي اطالع جدامي ...
تيبست ..
تجمدت ..
انشلت اطرافي عن الحركه ..
مستحيل ..
اللي اجوفه مستحيل ..
انعدمت الرؤيا في عيني وماعدت اجوف الا
...عرضي وشرفي ...
يالسه ويا واحد فالسياره بليا شيله وفوق كل هاذا يالس يبوس رقبتها وهي لاويه عليه بذراعها ..
=======
عفرى
=======
مابا ابتعد مابا ... شعور تملكني ... اباه قربي ..اشم ريحته .. اتنفس هواه .. يتملكني .. يعشقني .. يـــ
انسحب سيف من ذراعي,, رفعت راسي ,, جفت الكرسي اللي حذال فاضي .. استغربت كاني سمعت صوت مطر ... شهقت .. لا هاذا مطر يالس يسب ويلعن بسرعه لبست شيلتي بأهمال ونزلت من السياره
.. شهقت بخوف من المنظر ..
مطر يالس على بطن سيف ويالس يضربه على ويهه ويسبه ويلعن
خفت خفت ريولي تنتفض بيموت سيف بيموت وانا بنذبح
.. بنذبح ..
اتجدمت مسكت مطر من ذراعه ابا ابعده, عن يذبح سيف
دزني بدفاشه ... يكمل ضرب
وانا طحت على الارض.. رجعت وقفت بعيد وانا خايفه ايي دوري من هالضرب ... بس بعد ماهان علي سيف
قلت ودموعي خطت طريجها على خدي : مطر دخيلك هده
وكان مطر استوعب اني موجوده وانه لي بعد جزء من هالعذاب اتجدم صوبي ويهه يخووف من العصبيه
يامسكني من ذراعي يسحبني وياه سيارته ...
لاكن وقف وهو يسمع سيف يقول بصوت تعبان : هاي مريلتك
صديت انا ومطر صوبه .. كان يحاول ييلس ..شكله يخوف خشمه يصب دم وغيزنه وارمه .. والغتره طايحه من على راسه وعقبم كندورته مفتوحه ..
مطر ترك ذراعي وسار له بسرعه ومسكه من ياقت كنتدورته وقفاه ودزه على سياره وزخه من رقبته وهو يقول بعصبيه غريبه علي : شو قصدك عيل انت ريال
سيف وكان يبا يغايض مطر لانه ماقدر عليه جسديا فقال بيعوضها بالكلام : هيه انا ريال ادري بخواتي وين سايرات وين رادات مب شراتك لو انت ريال جان ماخليت اختك على هواها شرى ال*****ه
شرى ال*****ه
شرى ال*****ه
شرى ال*****ه
طحت على الارض من الصدمه .. انا يا سيف انا ... انا عقب ما اهديتك قلبي اتشبهني بهالحقيرات ... ليش ياسيف بشو نقصت عليك ... عسب تغدر بي جذي . .. انا شرى ال*****ه
... انا...
ياخساره قلبي فيج ياسيف
ياخسارة قلبي فيك ياكلب
ياني مطر وسحبني وداني سيارته عقب ماترك سيف وراه جثه ماتوم تتحرك الا تون من العذاب
مطر : ركبي الله يلعنج
مسك شعري : اااااااي مطر دخيل كانا مايخصني اييي يعوراييييي اهئ اهئ
قال بصريخ وهو يزيد من شد شعري ويضرب براسي فدريشة السياره : جااااااااااااب ولا كلمه علج الحرق ياجلبه ياعديمة الحيا
------------
وفي مكان عكس هالاجواء الكئيه
طفوا الليتات
استعدادا لدخول العروس
دخلت شيوم على غنية بأسمها كاتبنها ريلها غناها حسين الجسمي
مشت بين الناس كانها ملاك
فستانها كان مميز ضيج عليها امبين مفااتن جسمها وعاري الاجتاف وبليا حملات وكان على صدر كله كرستالات ... وعلى الاطراف بطنها ... قطعه شيفون عليها لمعه ذهبيه يناسب مع بشرتها الببيضا... وذيله ماكان طويل وايد ..والطرحه كانت اطرافها المزينه على شعرها البني المرفوع بتسريحه فخمه ... وميكابها كان بسيط كانها حوريه نازله من السما الجحال راسم عيونها الناعسه لتبروز بؤبؤها البني والشدو الذهبي يتماشا مع لمعة فستانها والبلشر العنابي زين خدودها ... والروج احمر فاقع طالع غراام على بشرتها البيضا
مشت لين وصلت كوشتها الفخمه بلون ذهبي المميز
======
شيما
======
قلبي يدق على كلمات الغنيه ...يالبي قلبه ... ابتسمت يوم جفت امايه فديتها امايه من زفوني دمعتها ماوقفت ... علني ماخلا منها... ماتنلام ... رفعت راسي اجوف العاش بفستانها الاسود المخصر والمزين بكرستالات يايه مع مهره اللي لابسه فستان ليموني هالانسانه يعيبني ثجلها ووراهم فطيم بفستانها العنابي المنفوش وكل وحده منهن شي يميزها ... وصلن عندي ووايهوني وقعدوا حذالي
العاش : هاشوشعورج وانتي عقب شوي بتودرين العزوبيه
شيما : هههه قلبي بيطيح
فطيم : انتي ما جفتيه من زمان صح
شيما : لاء لانه كان مسافر بس كان بينا تيلفون
العاش : عااشوا على رومنسيه
ضحكت بحيا وقلت : عقبالكم
فطيم : اميين
انا والعاش ومهوه :هههههههههه
شغلوا غنية ياطير حسين الجسمي
مهره : بنات نشو بنرقص
فطيم : شيوم اهداء
ونشن ثلاثتهن
وكانن يرقصن بتناغم مع الكلمات واللحن وثلالثتهن مع بعض بشكل خلا الكل يطالعهم وخصوصا امايه تطالع مرت ولدها المستقبليه ...ونشن خوات المعرس ورقصوا وياهم وستوى العرس ربشه
مر الوقت بسرعه المعرس بيدخل .. غطوني لان اخوه بيدخل وصوت زفت المعرس علت وعلى اثرها دخل انا ماجوف شي بس حسيت بلي يوقف حذالي ... قلبي يدق ... احس باصابع ايده تلتحم بأصابعي .. رص عليها ... يحسسني بوجوده ... احسه يحس بانتفاضة ايدي سمعت اصوات تبارك ماعرفت منو... سمعت صوت امه وهي تقول يلا ارفع الطرحه
حسيت به يوقف جدامي ... والطرحه ترتفع ... ماقدرت اقاوم ما ارفع راسي ... جفته وشو جفت ... عيون شرى عيون الصقر بحدتها .. وخشم سليل شرى سلت السيف ... وويه طويل ... زين فكه سكسوكه مميزه ...
حسيت به يبوس راسي ... نزل وباس خدي ... همس فاذني : مبروك
وابتعد بسرعه ...رجع وقف حذالي
لاحد يسال عن حالي ... حرارتي صكت المليون ... كل شي استوى بسرعه كانه حلم ... نزلت نظراتي لاحضن بها الارض ...
هو حذالي
هي هو
قربي
ملكي
حلالي
مبتغاي
لي وحدي
لي انا
ومحد يقدر يقول لي شي ..
مر الوقت بسرعه .. دخلنا غرفه عسب نتصور ... كل صوره ... اوقح من الثانيه ... استحييت ... حسيت هو عايبه الوضع لانه كان يسو ي اي حركه تطلب منه المصوره الايرانيه ...
ركبنا السياره ... ودانا سهيل فندق قراند رجنسي .. كان حاجز جناح مطل على الخور روووعه ... وصلنا سهيل الجناح وكان يسولف وبضحك ويا ريلي ... هههه حلوه ريلي ... بس انا ماكنت وياهم ابدا دقات قلبي كانت هي اللي ماليه اذوني ... خليتهم فالصاله وانا دخلت الغرفه .. يلست على الكرسي اللي جدام الشبريه الفخمه ... اصلا الغرفه كلها فخامه .. غالب عليها اللون العنابي والارضيه رخام ابيض
رفعت راسي للباب اللي انفتح ... دخل بطوله المهيب ... وجماله الغريب
وقف جدامي مسكني من جتافي ووقفني
هو انا ماعرف انا القصيره ولا هو اللي طوله خيالي خخخ
ماحسيت الا وانا مقيده بذراعه
.. حضني ..
... رص علي ... حسيت انه ضلوعنا دخلت فبعض ... فلتت مني تنهيده ... خلته يخف علي بس ما بتعد ... احس بلمسة شفايفه على جتفي ... رفع راسه لين وصل لاذني ...
همس : واخيرا ياشيومه واخيرا
======
ثاني
======
دخلت البيت كان فاضي ومافي حد
سرت المطبخ ... حصلتلي موزه ... خذتها وطلعت الصاله شغلت التلفزيون وانسدحت على الغنفه ... كانه تهيألي صراخ ... لا مايتهيالي ... لان صوت كل ماله يقترب ... انفتح باب الصاله دخل مطر وحالته لله والغتره مب على راسه وهو يسحب عفرى من شعرها جنها عنزه.... وهي بعد حالتها حاله عباتها مفتوحه والجحال نازل شكلها يزيغ . شوي تمشي وشوياطيح وهو يسحبها.. وهي تقاوم واتصارخ ... فرها على الارض فنص الصاله ...
عدلت عمري وقلت : شو مستوي
عفرى تمت على الارض اتصيح ومطر قال وهو يمسح شفايفه بكم كندورته : اختك المصون يالسه فالسياره وياواحد
: هه توكم حسيتوا.. توكم عرفتوا ..ياما قلتلكم محد سمعني .. خل تنفعكم الفضايح
وقمت سرت حجرتي لان هالحيوانه من يوم سمعتها ترمس بتيلفون وتتفدا لاهي اختي ولا انا اعرفها... ماقدرت اقاومه ... يوم مريت حذالها رفستها على ظهرها طلعت من صرخه ماظهرت حرتي بس خلها تولي ماالوث ايدي بهالاشكال ... الله ياخذها
=====
مطر
=====
يريتها من شعرها اسحبها حجرتها .. وهي تصارخ مستويعه ... فريتها على شبريه ... خذت الاب توب ومبايلها وسويج السياره
وقبل لا اطلع لفيت عليها : من اليوم وساير تيلفون ماشي لاب ماشي وظهره من البيت ماشي والجامعه انسي ... ولو فيج خير راويني ويهج ... جلبه
طلعت من حجرتها مريت حجرتي فريت اغراضها فحجرتي ونزلت الصاله ... فريت عمري على الغنفه ... مسكت راسي بين ايدي ...شو هالمصيبه اللي طحت فيها يامطر ... اوووف كلماته مب طايعه تطير من راسي .. الله ياخذج ياعفرى .. سويتينا لبان فحلوج الناس ...
لو انت ريال جان ماخليت اختك على هواها شرى ال*****ه
لو انت ريال جان ماخليت اختك على هواها شرى ال*****ه
لو انت ريال جان ماخليت اختك على هواها شرى ال*****ه
اوووف .. انا السبب .. انا ... لاكن والله ياكلب لا اصيحك دم على سواتك والله
قطع علي تفكيري الايد اللي نحطت على جتفي ... رفعت راسي كانت هي امي هي الحضن الحنون
يلست حذالي وقالت بحنان : بلاك فديتك مضايج
قلت بتعب نفسي : فضحتنا يمايه عفرى فضحتنا
ام مطر بخوف : ليش شو سوت
مطر : اااااه يمايه ... ليتني ماسكت ... ليتني ... وقفتها عند حدها من قبل ... انا سبب ... ابوبه وصاني انا ...امني انا ... بس انا مب قد الامانه .. الله ياخذج ياعفرى
ام مطر: شومستوي
مطر : جفتها يالسه مع واحد فسيارته ولاوي عليها ..!!
======
العاش
======
طلعت من الحمام عقب مااخذتلي شور انعنش عقب العرس .. طلعت من حجرتي ... سرت عند حمد ... دقيت الباب
: ادخل
دخلت وعيوني تحتظن الارض وابتسامه خجوله : امممم حمد انا موافقه على سيف !!
ترقبوا الاقوى فالياي
|
29-12-10, 08:27 PM
جديد مواضيع قسم الارشيف
العرض العادي
