البارت 19

=====
مطر
=====
اعوذ بالله من الشيطان الرجيم ... مب رايم ارقد وسبه هالمهره ... ماعرف شولي خلاني اخذ تيلفوني من على الطاوله واجوف صورتها ...اللي لين الحين مامسحتها من تيلفوني ... جفتها ... ويلست اتامل ملامحها ... عيون سودا لوزيه وسيعه ... خشم صغير و فم ناعم صغير ..خدودها مليانه وموردات ... وقذلتها سودا طايحه على ينب ويها ... ملامحها ملامح طفله ... رغم الميكاب اللي حاطتنه ... ما اتخيل اني ظلمت هالبريئه بسبت اخوها .. بس. اوووف شو اسوي ياربي ... مب رايم انام ... ولا ايلس ... شو الحل ...رجع صوت سهيل فاذني ..." مهره كانت دوم تستحي من الاولاد "... وهي صغيره هاذا طبعها ... وانا اللي لعبت بشرفها ... ورخصت بسمعتها ... انا ماطرشت الصورة حق كل حد... يعني انا ماسويت فيها شي ... مابيستوي شي ... بس يمكن تنضرب كم ضربه تادبها ...
تادبها !!
البنت شو سوت عسب تنضرب ... ياااربي ... الحقد اعماني ... بغيت اشوف سيف منزل راسه يوم يمشي من بين العرب ... لاكن مافكرت انه هالفقيره شو بيستويبها ... سامحني يارب ...
مارمت اتم اكثر على شبريه.. استحيت ادعي ربي وانا نايم على شبريه .. نشيت توضيت ... وصليت ركعتين ابغي ربي يرحمني من هالذنب اللي احس به ... صليت ركعتين ... حسيت ابا ارتاح اكثر .. صليت بعد ركعتين ... فسجود الاخير ... دعيت ربي ... انه يغفرلي ... عرفت انه هالحاله اللي انا فيها اكيد من دعواتها .. انا ظلمتها ... ودعاء المظلوم مابينه وبين الله حجاب ... استغفر الله ربي اني ظلمت نفسي فغفر لي فانه لايغفر الذوب الا انت ... رحت فريت عمري ع الشبريه ... واول ماغمضت عيني نمت

======
سيف
======
من البارحه وانا فالاردن ... وباجر بنبدا الدوره ... لاكن انا اخر تفكيري الحينه الدوره ... مهره ... الله ياخذج ... على هالفضيحه اللي حطيتينا فيها ... قمت اخاف ادش ميلس اجوف حد يرمس عنج ... امايه فديتها ... انهارت موليه والسبه هالجلبه ... على قد ماضربتها ... بعد احس انه فيه حره ما انطفت ... المشكله .. ماعرف ليش العاش مصدقتنها ... العاش ... من يومين ماسمعت صوتها ... اخر مره يوم كنت نايم على ريولها ... ابتسمت على هالذكره ... خذت التيلفون واتصلت بها ...
كانت حاطه قصيده
نفسي عزيزه وعزّّتها تساوي الكون
ومقدارها لي شراتك صعب يوصل له
ماني بحرباء لها في كل يوم ٍ لون
وماني بمن لا لفاه النّاسم يشلّه
ما ألتفت للّي تحتي وما أرتضي بالدون
وإنته مقامك تعرفه زين .. وإتدلّه
أصغر ف عيني من إنّي أناظرك بعيون
أو إنّك بيوم قلب الولهه تحتلّه
ما أهتم بك لو تعيشه هالعمر مغبون
وما أهتم بك لو تلاقي للشقاء كلّه
وعن لا تفكّر بإنّك صاير ٍ مزيون
ف الزين دربك محال بيوم ٍ إيدلّه
ما تسوى عندي ولو جزء ٍ من المليون
ولا تسوى حتّى قناد ٍ طاح من دلّه
رد عليه صوت كله نوم : الوووه
غمضت عيوني وقلت : آآآآه علني افدا هالآلووووه اللي ظاهره من ثمج
عاشه : هاااه شو تبا
سيف : وهوا ان شالله في وحده ريلها يتصل بها جي ترمسه
عاشه وهي تبتسم وتستهبل عليه : وفي ريل مستخف يتصل الساعه 3 نص الفليل
سيف : العاش موليه مافيج رومنسيه ... جامليني شويه ...عله تراج
عاشه : منوالعله
سيف بغيت اعاند : انتي بعد منوه
عواش : اوكيه ... سامع صوت القطار
طووووط طوووووط طووووووط
سيف : هههههههههههههههههههههههههههههههههههه ... الله ينطبج .ههههههههههههههههههههههه

رجعت اتصل فيها وماردت ورجعت اتصل كمن مره ردت علي فالمره الخامسه
العاش معصبه : شووو تبا مب تراني عله شو تبابي
سيف : ههههههههه العاش لا تستهبلين احشمي شوي ريلج انا
العاش : انا بعد حرمتك
سيف : قولي والله
العاش وهي تخلي صوتها صوت واحد يستعبط : والله
سيف : هههههههههه ... العاش تعرفين شو يعني اعشقج
العاش سكتت وغمضت عيونها مستمتعه بتأثير الكلمه على قلبها وتمت مبتسمه ..
سيف : بتمين ساكته
العاش بصوت هادي ونبرة اول مرة سيف يسمعها : شو اقول
سيف غمض عيونه مستمتع بصوتها : قولي احبك
العاش : مابا
سيف : ليش
العاش : لان يوم بيي وقتها بقول
سيف : والحين مب وقتها
العاش بصوت يالله ينسمع : لا
سيف : آآآآه .. يالله عطني صبر .. شهرين ... والله يالعاش ودي الوي عليج لين ادخلج بين ضلوعي ومحد يروم يظهرج
العاش تمت ساكته مستحيه ونم سيف بعد ساكت وكل واحد يتريا الثاني يرمس
فقال العاش : شو الاردن
سيف وهو ينسدح على شبريه ويطالع السقف : والله لين الحين ماسرت مكان ... من المطار على الشقه على طول ... انتي شو دبي وانا محد فيها
العاش : ولا احلى
سيف : ههههههههههه ... ماعليه مردج بتكونين وياي فبيت واحد ... بغلمج كيف اتقولين هالرمسه عدل
وتمينا نرمس لين الصبح
====
ام سيف
====
من يوم ما عرفت بان مهره امسويه سواتها .. اختيه ما ودرتني ... شاركتني فمحنتي .. خففت عني ... وخصوص انه سيف مسافر ومافي ريال فالبيت ... آآآآه يابوسيف ... وينك اتشوف .. بنتك كيف نزلت براسنا فالارض ... خلتنا نمشي بين العرب ... ماندري وين انسير وسبه فضيحتنا ... امسات يتنا ام عبيد يارتنا ... تنشد عن مهره ... اكيد عرفت بسواد ويهها ... ساعات ودي ابطل الباب واحط ايديه على رقبتها .. واطلع روحها .. البنت اللي اتنزل راس اهلها موتها ابرك من حياتها
:ام سيف فديتج ادهنلج الخميره بجين ... ولا اخليها بتاكلينها عادي
اطالعت اختي اللي ماسكه الخمير فايديها وتطالعتني وقلت : والله ياختيه مب فخاطري العيشه ... من بعد سوات مسودت الويه ...
ام سعيد : اقلعيها عنج ... ولاتفكرين وايد ... خلها تولي ... كلي انتي الحينه
ام سيف رجعو دموعي نزلةا وانا اقول : شقايل خبريني شقايل .. الناس يوم بيرمسون شو بيقولون ... بيقولون امها ماربتها ... بو سيف يوم بيغرف شو بيقول ... ياغير انه بيطلقني ... وسبه اني ماربيت بنتي عدل
ام سعيد : الله يهداج يختيه ... بوسيف يحبج .. وهو يدري انج مربتنها زين ماوين ... ياغير انها هي جليلة حيا ... ترمس شباب .. واطرشلهم صورها
ام سيف قلت وانا صاكه ع اسناني :والله انه الود ودي اسدحها وادوس بطنها لين ما تظهر روحها .. الجلبه
ام سعيد : ماتنلامين يختيه ,,ماتنلامين ... اللي سوته بنتج ... مب شوي
ام سيف : آآآآآآآآآآآآآآآه .. لاتزيديني يختي لاتزيديني
ام سعيد : طبي عنج هالسالفه ... واندوج كلي هالخميره انا مسوتنها ,, وودري عنج هالسالفه
======
فطيم
======
امتحانات اخر السنه ورى باجر ... الله يعين ... عاد لويبت 60% بعد يحمدون ربهم ... كل مابطلت كتاب الفيزيا ... احل المعادله .. كل معادله ناتها يطلع غلط ... وسبه سهيل ... الهرم مالقا وقت ثاني يخطبني الا وانا فالثنويه العامه ... ولا المشكله الثانيه .. مهروه فديتها ...مايندرى شو حالها ... اللي اعرفه انه سيف مسافر ... صح فكره ليش ما انسير عندهم ... نقزت صوب حجرة العاش اخبرها بالفكره ...دخلت طبعا من دون ما ادق الباب ... طبعا الاخت جامعه ويأجزون قبلنا ... والله اتصدقون زين انه مهره سالفتها ما استوت فنص الكورس ولا بتضطر انها اتعيد ... طع انا فشو افكر ... اندوووكم ... طع هاااي ... اونها اتصمم بالفوتو ... ولا حاطرة حرف s
قالت وهي تطالعني معصبه : ماتعرفين ادقين الباب
اطالعتها امد لها لساني : لا اختي ماعلمتني
العاش وهي ترجع عيونها على الاب توب : سخيفه
فريت عمري على شبريتها وقلت : طوفي انسير بيت خالوه نطمن على مهره
العاش : منو بيودينا
انسدحت على ينب اطالعها : ويا حمد ولا بناخذ حمدان وبنسير ويا الدريول
العاش وهي اتصكر الاب : يلا عيل بنشاول ابويه وبنظهر
نزلنا تحت وانصدمت برد ابوي : ان سرتن بيت خالتكن بزوالكن
قلت وانا مستغربه : ليش ابويه
اطالعني ابوي بعصبيه : بعد تسالين ليش ... قصوركن بعد اتسيرن عند هالاشكال ... امفففف عليها من بنت ... حرام اني لو مكان سيف ... لا ادوسها بالموتر .. الهرمه
العاش : بس ابووووو....
ابويه بحده : ما تفهمون قلت ماشي سيره عندهم ومابعيد رمستي " اطالع لعاش " لومب عسب خالتج وريل خالتج جان من زمان خليتهم يطلقون ...
انا والعاش بهتنا من رمست ابوي ... شو يخصه ... حراااام عليهم والله حرام ... هي ماسوت شي ... ولا انها طرشت صورتها لحد ...صحيح انه نحن مانعرف كيف وصلت الصورة ليدين الشباب ... لاكن اكيد مب مهره اللي سوت هالسواه ...
سرنا فوق انا والعاش ودخلنا حجرتيه ويلسنا على شبريه
اطالعت لعاش وقلت : الحين شو انسوي
لعاش تمت ساكته ومرة وحده شهقت وقالت : حمد هني
فطيم : حمد .. حمد من يوم عرف بسالفة مهره ... وهو ماييلس فالبيت .. لاتنسين .. كان يبا يتزوجها .. يعني كان يحبها ... تخيلي البارحه الفليل نزلت الصاله جفته سهران ... يلست عنده .. وفتحت سالفة مهره ..كان يتحراني بذمها ... تخيلي شو قال
العاش : شوو
فطيم بحزن : اذكروا محاسن موتاكم ... تخيلي يعتبرها ماتت ... حرااااام
العاش : اموت واعرف منو مسوي هالحركه الزفته
فطيم شهقت : تخيلي سهيل يعرف بسالفه ... ويقول حق ابوي ماباها .. بصييييح
العاش بعزة نفس : نفاد ينفده بداله مليون
فطيم : عيل انتي عادي عندج لو ابوي طلقج من سيف
العاش دحت صدرها وقالت : وييي بسم الله علي بروحي قلبي طاح يوم جي قال
فطيم وهي سايره تيلس ورى طاولتها الدراسيه : جب عيل .. يلا الحين ذلفي حلني اذاكر
وانتوا بعد يلا من غير مطرود عندي امتحان
شغف : فطيم يالدبه ماعليه اخر مرة اعطيج المايك
=====
مطر
=====
قمت من النوم متكاسل ... ظهرت من البيت اول ماخطت ريلي برع البيت ... طحت ... فمكان ظلام ... مافيه نور ... كانه طوي ... رفعت راسي ... جفت في فتحه فوق ... طلت علي وحده ... صرخت لها .. ساعديني ... قالت ... لا ... رديت قلت لها ... اللي تبينه بسويه ... هزت راسها بلاء ... وتمتمت بشي مافهمته ...وفرت شي عندي ... وانا ابتعدت ... مرة وحده ...
طراااااااااااااااااااخ
اححححح راسي ... حشى مايسوى علي هالحلم ... طحت من الشبريه ... وظرب راسي فالكمدينه ... منو هالحرمه ...
الله اكبر الله اكبر
تسلل لي اذني صوت الاذان ... الله واكبر ... نشيت وتمسحت ... وفدربي وعيت ثاني ... توكلت المسيد ... صلينا الفير ... يلست اقرى قرأن ... محد تم فالمسيد غيري انا وامام المسيدكان بعد يقرى قرآن ... وصلت لسوره الاعراف ... ايه 149 ... "وَلَمَّا سُقِطَ فِي أَيْدِيهِمْ وَرَأَوْا أَنَّهُمْ قَدْ ضَلُّوا قَالُوا لَئِنْ لَمْ يَرْحَمْنَا رَبُّنَا وَيَغْفِرْ لَنَا لَنَكُونَنَّ مِنَ الْخَاسِرِينَ "... قلبي اهتز لهالآيه ... ماحسيت على بشي بارد برود الثلج ينزل على خذي ... حسيت بايد على جتفي ... وايد الثانيه تمد لي قلاص ماي ...وقال : اشرب ماي زمزم ...يامطر ... اشرب
خذت الماي عن ايدين المطوع ... وشربته ... مشى فيوفي ... وفتحتله معدتي احضانها ... عقب ماشربت الماي زمزم ... مديت له ايدي بالقلاص ... والايد الثاني مسحت بها دمعتي اليتيمه ...
المطوع بصوت حنون : بلاك ياولديه شي مضايجنك .. خبرني .. يمكن فايديه الحل
نزلت راسي للقرأن ... لاكن ماكنت اشوف الايات ... كان تفكيري بعيد ... اقوله ...ينكم بقدر ارتاح من تانيب الضمير اللي فيه ... واذا سار وفضحك ... لاشويفضحني ... هو مطوع ويعرف بالدين اكثر مني ... مستحيل يفضخني
اطالعته بعيون تايهه ... اطالعت ملامحه ادور فيهم الطمأنينه .. لحيته اللي غلب عليها البياض ... وتجاعيد اللي حولين عيونه ... وعيونه الصغير ... ايشع منها نور غريب ...
قال يحمسني : قول ياولدي .. قول
نزلت عيني من على ويهه وقلت : انا ظلمت بنيه بشرفها
امام المسجد : ان الله وانا اليه لراجعون ... ليش ياولدي ليش
قلت وانا اطالع جدام : كنت ابا انتقم من اخوها على اللي سواه باختي ... ومالقيت غير اني اذوقه من نفس الكاس ... ماكنت مهتم انه شوبيستوي فالبنت نفسها ... كثر ماكنت مهتم انه هو شو بيحس يوم بيجوف صور اخته فالمبايل
اما المسجد عصب بس ماصارخ : شو استوابكم يا امه محمد ... بدال ما تراكضون على صلاة ... وفعل الخير ... قمتوا تراكضون ورى البنات ... انت يامطر ... ماخفت ربك قبل لا تسوي سواتك فالبنت ... مافكرت هالبنت منو بياخذها ... عقب ماتنتشر فضيحتها بين العرب ...شوحالها وهي مظلومه .. ماخفت ربك ... وانت تنشر الصوره
مطر بدفاع : انا ومانشرتها ... بس طرشتها لخوها ... يعني محد بيعرف بالسالفه
الامام هز راسه وقال : هالبنت مالها اهل ... مالها عيال خال وعم ... كيف مابيعرفون ... اكيد بيعرفون ... بينقطع نصيبها ... وهي مظلومه ... انت ظلمتها فشرفها ... وشرف غالي ...
مطر بندم : انزين شو فيديه اسوي عسب اصلح الغلط اللي سويته
الامام وهو يطالع فعيون مطر : انت اللي فضحتها ... انت اللي المفروض تستر عليها


انتظروني فالبارت الياي عسب تعرفون رد مطر
يوم الاحد باذن واحد احد

مع ودي
شغف الامارات

مشكوره على البارت صراحه وايد حلو
العاش وسيف علاقتهم كل ما لها وتصير أقوى ويحبون بعض اكثر
الله يتمم لهم ويتزوجون قريبا
حمد ومهره
حب انتهى بسرعه قبل ما يبدأ حمد صراحه ما توقته انه ييظلم مهره ويصدق فيها وينسى حبه لها الله يسامحه
مطر الحمدلله انه بدا يشعر بالندم اتوقع انه بيزوج مهره بس اشلون

يضيع العمر

عزيزتي

اشكرج على تواجدج الرائع

لاكن شكلي بس بطرشلج الروايه على الخاص

لان صدق محد محد متابعني غيرج

واللي ايون من ورى الكواليس ... اعرفهم كلهم

الله يسامحكم

وما بنزل البارت الا لما اشوف ردود ترد الروح

شكرا لكم

آلللآآآآآآآآآهه آخيرآ نززلتي
طرر البآرتين وآللّه . .

غمضتني مهّآري ،
شكله بطيَ بيتزجهآ وعقب بيحبهآ خخ ،

آممم . .
نتريآج دببّوهه لآ تبطين علينآآ . .

هآآ اليوم آلآحد ، شي بآرت ولـآ ؟

افا ياذا العلم شغف القمر زعلانه لا والله هاذي فيها قبايل وانا من شوي كنت اكتب رد لكاتبه غاليه على قلبي واعاتبها لانها ولا مره اعطتني وجه لانه اذا مافي تفاعل بين الكاتب والقارىء تخرب الشغله .
البلرت حلو وزي ما توقعت اكيد مطر راح يتزوج مهره واكيد راح يخطبها ويتزوجها بسرعه لان اهلها يبغون يسترون عليها وسيف اكيد بيكون في الاردن وما بيعرف العريس وبيقول زوجوها لاي احد المهم يفتك منها.
عزيزتي انا ساغيب بالرد فتره لان النت في المنطقه اللي انا فيها صعب بس تاكدي انا متابعه بقوه