كاتب الموضوع :
شغف الامارات
المنتدى :
الارشيف
العاش
====
لين الحين مب مصدقه اللي استوا ... عمري ماتخيلت مهره اتسوي جي ولا سيف جي ... مهره مستحيل تفكر اترمس واحد كيف اذا طرشت صورتها له ... روحتنا للمزرعه استوت كلها زعل في زعل ... اللحين كلنا راجعين البيت وخالوه لين الحين اتصيح ... غامضيني منصور واموله اللي جافوا اختهم تنضرب جدامهم وخصوصا .. اموله .. لانها كانت تعتبر مهره شرى امها ... غمضتني وهي تصيح .. ولا منصور اللي لين الحينه مارمس حد .. وامايه من صبح تحاول تهدي خالوا ... ولا حمد اللي انصدم في اللي كان يحبها ..
شو هاليوم
اتجدمت مني فطيم وهمست فاذ ني : العاش .. الحين بنسير بيت خالوه بنطمن على مهره
يمكن سيف ذبحها
خوفتني الفكره فقلت : لا مستحيل مب لهدرجه يمكن بس قفل عليها الباب
تميت افكر بسالفه الله يستر ... ابويه من عرف بالموضوع .. ماقال شي .. لاكن تصرفاته ادل على انه معصب وده يذبح مهره .. للحظه اتخيل اذا عمي بو سيف موجود شو كان بيسوي
وصلنا بيت قوم خالوه
نزلنت انا وفطيم وامايه ويا قوم خالوه للكن ابوي راح وحمد مارجع من المزرعه ويانا تم هناك
دخلنا الصاله وامايه اتساند خالوه وانا شاله اموله ومنصور ركض فوق ... امايه ودت خالوه حجرتها وانا دخلت وراها نومت اموله فشبريتها وطلعت من الغرفه .. جفت منصور يركض صوبي وعيونه ادمع
منصور : العاش دخيلج تعالي .. مهره ماتت .. ماتتنفس
قلبي وقف ورحت اركض صوب غرفتها ... جفتها طايحه على الارض .. ويها ملطخ بدم وسبه يرح فيبهتها ... ومن طرف ثمها ينزل دم ... وشعرها متناثر حواليها ... خوفني شكرلها واااايد ركضت صوبها يلست عند راسها ... مسكت ايدها كانت بااااااااااااارده ... حطيت ايدي جدام خشمها ... ماحسيت بنفسها ... خفت ... حطيت ايدي على نبظ ايدها .. حسيت بنبض بسيييط تحت ايدي
ركضت تحت وسرت عند امي اللي عند خالوه وقلت : امايه مهره بتموت ... بوديها المستشفى
خالوه اطالعتني وقالت بحده : والله ماتطلع من البيت اذا بتموت خل تموت فالبيت ولا يتشمتون فيه الناس
انصدمت خالوه ليش جي اتقول هاي بنتها لو شو ماسوت : خالوه اقولج بتموت
نهرتني امي : العاش لا تدخلين
ماقدرت اقول شي طلعت من عندهم لازم اتصرف ولا بتموت قلت حق فطيم اللي كانت فالمطبخ
العاش : فطيم لحقيني بماي حار وفوده بسرعه وتعالي حجرت مهره بسررررررعه
ورحت فوق جفت منصور حاط راسها على ريوله ويصيح ويقول : مهره فديتج انا اعرف انج ما تسوين جي .. الله يخليج قومي .. لاتموتين ... قومي .. بخليج تلعبين بلستيشن على كيفج ... وبشتريلج من الدكان اي شي تبين .. بس افتحي عيونج
قلبي عورني على منصور .. سرت عنده وحظنته وانا اطالع مهره
سمعت صوت انين يطلع من مهره ... سرت على طول صوبها .. ويلست ازقرها انا ومنصور
العاش : مهره .. مهره فديتج تسمعيني
فتحت عينها مهره شويه وزاد انينها وكانها تبا اتقول شي لاكن ما تقدر سكرت عيونها ونزلت دمعتها ... دخلت فطيم و حطت الماي
وقالت بصوت واطي : الله يغربلك ياسيف جوفي شو سوابها
اطالعتها بنظره انه تسكت وخذت الماي والفوده ويلست امسح الدم اللي على ويها ومنصور ميود ايديها ويمسح على راسها ... فشهقت
قلت حق منصور : منصور لاتمسح على راسها .. راسها ميروح
منصور شل ايده وهمس فاذن مهره شي .. ابتسمت لمنصور .. وهو رجع يمسح على ايدها
يوم نظفت ويها من الدم ..كان في يرح ممتد من تحت شعرها لين طرف يبهتها كان ينزف وحوله شرى الغبار مسحته بمطهر خفت لا يلتهب وعرفت انه يباله خياطه لاكن مافي اليد حيله
ويبت لها ماي عسب تتمضمض وقف قلبي يوم طلعت الماي طلع كله دم .
++++
مهره
++++
ابا اتكلم ليش مو قادره ... حاولت مو قادره .. ابا اقول اني بريئه من الصوره .. وانه مايخصني ... احس بالعاش تمسح ويهي ومنصور ماسك ايدي وفطيم تلم شعري ... بطني وظهري يعوروني .. وفيني صدااع ... منصور يقولي انه مصدقني واعرف انه فطيم العاش بعد .. لاكن امي .. امي ... اللي ربتني ليش مب مصدقتني .. وسيف ... اخويه .. سندي فهالدنيا ..مب مصدقني ... وابوي .. شو بيكون حاله اذا عرف بللي استوى...
ظهري يحرقني ... احس ثيابي لاصقه بظهري.. حاولت العاش ويافطوم انهن يقوموني ... حاولت اصارخ ... اقول انه ظهري يعورني .. لاكن مارمت ... نزلت دموعي من العوار
سدحوني عشبريه وغطتني العاش وقال حق فطيم : سيري هاتيلها شي تاكله
سارت فطيم صوب الباب وقبل لاتوصل الباب انفتح الباب ودخل سيف ويهه مصفرو مايبشر بخير
سيف : انتوا منو سمحلكم تذخلون عندها كلكم برع
فطيم : لاكن ال,,,,
سيف بصريخ وهو ياشر على برع الحجره : بررررررررررررررع
كلهم خافوا واولهم انا وطلعوا برع وخذا المفتاح قفل على وعقب ما عطاني نظره لو تجتل جان جتلتني
مارمت اتحرك من على الشبريه من كثر ماظهري يعورني
اتجهت بويهي صوب القبله ودعيت ربي ينصرني على من ظلمني ويبين الحق من الباطل
======
سيف
=====
قفلت عليها الباب ويوم لفيت بويهي جفت العاش فويهي ..
العاش : ابا ارمس وياك
عطيتها ظهري وقلت : وانا مب متفيج ارمس
ورحت صوب حجرتي وجفتها يايه وراي : لا برمس وانت بتسمعني
سكت عرفت انها عنيده لاكن اعصابي ماتتحمل
العاش : سيف انت ظلمتها مهر...
نقزت عليها مسكتها من جتفها وانا اهزها : انتي ماتفهمين ... هي نزلت راسي بين ربعي ... باجر ادخل ميالس العرب واشوفهم يرمسون فعرضيه ... لو كانت بريئه ما انتشرت صورتها ... ما وصلتلي انا ... لا تقنعيني انها اربيعتج وتعرفين طبايعها ... الوحده يوم بتغلط مابتسير تخبر كل حد .. فهمتيني
العاش كانت تطالعني بنظرات مستغربه ..من كثر ماهزيتها طاحت شيلتها على جتفها
عطيتها ظهري وخذت نفس عميق
وقلت : ممكن تخليني روحي
======
العاش
=====
قال كل اللي فخاطره والحينه يباني ابتعد عنه ... اعرف اني مابقدر اغير نظرته فالموضوع الحينه .. لاكن اعرف انه تعبان ... وردت فعرله اذل على جذي ... وانا كزوجه المفروض ما اهده في هالحاله
سرت وقفت جدامه وقلت : مستحيل اخليك روحك
مسكت ايده وديته وياي على شبريه
يلست على شبريه وخليته ينسدح على ريولي وتميت العب بشعره واقرى فقلبي عليه
سيف : كيف اسافر باجر... وامي جي حالها ... شو اقول حق ابويه اذا عرف .. شو بيكون حاله .. وخصوصا انه هو فيه القلب .. خبريني يالعاش
حسيت بشي دافي على ريولي ... عرفت انه دموعه نزلت ... ويا مقوى دموع الريايل اذا نزلت ... نزلت دموعي على حاله
العاش : ارقد فديتك ارقد ... الله وياك ووياها ...
لف سيف ودفن ويهه فبطني وقال : لا تهديني يالعاش ,,,محتاينج
بست ايده وحضنتها بين ايديه وقلت : مابهدك .. بكون معاك ولك لين اخر نفس فيه
اتنهد سيف وكانه هم وخاز عنده ... حسيت ايده ترتخي من بين ايديه عرفت انه رقد
اول مره اجوف سيف جي ضعيف ... كلن دوم فنظري القوي ... لاكن عرفت انه كل واحد بييه وقت وبتنهدم قوته وبينهد حيله ... يارك الله يالغالي
سحبت نفسي من تحت راسه وحطيت الموسده وغطيته ... اطالعته لدقايق وابتسمت ... وبست راسه وهمست فاذنه " ربي حافظك يالغالي " ... مسحت دموعي وابتسمت لو امي عرفت باللي سويته لتعلقني من كشتي عند باب البيت خخخ
طلعت من الغرفه عقب ماصكرت الليت
جفت فطيم تطالعني بمظرة تفحصيه واتقول : تعالي بنسير البيت حمد تحت وامي بتبات هني
لبست شيلتي ونزلت وياها ... ركبنا السياره محد تجرأ يرمس بسالفه
=====
مطر
=====
:كانا دوم نلعب مع بعض يوم كنا صغار واحلى شي يوم قوم خالتهم ايون قوم سيف ومهره
كنت اسمع سهيل وهو يرمس عن البنيه اللي خاطبنها ونحن يالسين على البحر ويالسين نشرب باربيكان ... لاكن استوقفني اخر اسمين سيف ومهره
جان اساله : انت اتعرف قوم خالتهم عدل
سهيل عقب مانزل الغرشه اللي جربت اتخلص : كيف ما اعرفهم ... ... سيف ربيعي ومهره ربيعت اختي ...
شربت من الباربيكان مالي وقلت : وكيف كانت علاقتك بيهم
سهيل حط الغرشعه اللي خلصت حذاله وكمل وهو يطالع البحر :سيف كنا دوم نضارب وياه
جفت البحر وقلت: ومهره
سهيل : مهره كانت دوم تستحي من الاولاد .. يعني حتى لو البنات بيلعبون ويانا هي ماتلعب ...
شي فقلبي دق بالقو ... ماعلاف ليش كنت ابا اعلاف عنها ... كان حد همس فاذني وقال :ليش تسال عنها الحين .. عقب ما دمرتها .. وخربت مستقبلها .. الحين ياي تسال كيف كانت ... ظلمت لبنيه عسب ذنب هي ما يخصها فيه ...
قمت من مكاني وابتعدت عن سهيل ... كاني مابا يسمع صوت افكاري ... اتجدمت صوب البحر... رفعت الكندوره وربطتها على خصرب ويلست امشي لين مالامست ريولي الماي
ورجع هالصوت يرمس : اختك هي الغلطانه ... اتسير اتعاقب بنت الناس لان اختك هي الغلطانه ... هي اللي عطت سيف ويه ولا سيف شو يخصه ... هي اللي سارت سيارته ... انت ظلمتها ...
... انت ظلمتها ...
... انت ظلمتها ...
... انت ظلمتها ...
... انت ظلمتها ...
: مطر
صديت صوب سهيل .. كان يطالعني مستغرب .. كمل كلامه : من يبت طاري مهره وانت شي بلاك "غمزلي بعيونه " ليكون تباها
تميت اطالعه اباها .. عقب ما شوهت سمعتها .. وشرفها .. الحين اباها ... قلت حق سهيل وانا اتعداه ساير صوب السياره : لا ماباها ... مع السلامه
=====
عفرى
=====
كنت سهرانه اطالع التلفزيون ... فلم هندي ... توني اعرف انه الافلام الهنديه كشخه .. لا اسولف من زمان اعرف ... اندوووكم .... متفيج فعيد ميلاده يغني حق عمره ... هههههههه ... بسم الله الرحمن الرحيم ... خوفني مطر توه راد من برع ... لا اليوم حالته غير ... قبل يومين داش وضحكه شاقه الويه ... والحين عوذ بالله .. والله ياخوي انت اتخوفني
اطالعني بنظره مرعبه وقال : شو ميلسنج لين الحين .. يلا انجلعي ارقدي فوق
خفت قمت بسرعه وصكرت التلفزيون وربعت فوق ... صدقوني اذا قلت لكم يوم جافني مع سيف ماشفت هالنظره ... ماعرف شو بلاك ياخويه
=====
مهره
=====
مروا يومين ومحد مر يجوفني ... حتى لو منصور .. يبا يدخل علي ... سيف قافل الباب ... وحليلها اموله ادق الباب واتقولي ابطل الباب ... آآآآآآآه ياربي ... صار لي يومين والماي مالمس جسمي من كثر ما ظهري يعورني ومب قادره اوقف على ريولي ... قلت اليوم بجازف وبقوم من مكاني ... وقفت .. ااااخ ... مشيت صوب الحمام " عزكم الله " وفصخت ملابسي ... وقفت جدام المنظرة ... هالني شكل جسمي ...وويهي ... كان في جرح من تحت شعري لين بداية يبهتي ... وكان الدم متخثر فيه ... وجفت جتفي ... اللي انحناءات العقال راسم على جتفي وممتده على ظهري ... ويوم جفت ظهري ... نزلوا الدموع من عيني ... ظهري كان متشوه ... كان ضرب وارم ومن قوة متيرح ... ودم طالع ... وانا اجوف ظهري وجتفي ويهي ... قلت من اعماق قلبي ... ربي ينصرني على من ظلمني ... يااااااااااااااااااارب
انتظروني يوم الخميس
ولكم حبي ومودتي
شغف الامارات
|
10-07-11, 01:45 PM
جديد مواضيع قسم الارشيف
العرض العادي
