سلام عليكم .. يميع

الكاتب يوم يكتب يبا حد يشجعه ويطيب خاطره لو بشكرا

والصراحه بردودكم الغاويه بردتوا خاطري ...^^

وعد مني اني اشد حيلي واكتب شي يليق بمقامكم وينال رضاكم

وتابعوني باذن الله عز وجل يوم الاثنين

وشكرا لكل من تابعني

ويعل عيونكم ماتشوف النار .. اميين

هلا وغلا ومليون مرحبا هلا فيك حبيبتي

ان شاء الله نكون عند حسن ظنك وحياك بيننا

بصراحه رواية رائعه وكلماتي اخاف تنقص من حقها رائع ماسطرته اناملك غاليتي

ان شاءالله تلاقيني معاك بكل بارت وحولك واكون نعم السند والمشجع

ويلا لخاطر عيونك بعلق على الروايه بشكل عام الحين بس وبعدها ولايهمك

عفرى: نقدر نقول مسكينه ضحية تفكير شاب طايش كان يقضي وقت فراغه وللأسف كثير من شبابنا كذا الخير يخص والشر يعم يعني البنات اللي مو كويسين والشباب بعد اعطو صورة سيئه للباقيين والناس لها بالظاهر اما من ناحية عفرى فهي غلطت ونست ان مجتمعنا وديننا غير مااقول انه الحب عيب او حرام بس موب زي مايفكرونه الحين نست انه ربي يمهل ولايهمل

سيف: لعب على الحبلين ونسى الدنيا وانه ربي مابيخليه وبيردها له باغلى ماعنده (الزاني يزنى ولو بجدار داره) ومصير ربي يرجعها له الدنيا سلف ودين بس في مين ياترى محد يعرف؟!!

مطر: الحمدلله الغربه مانسته طبايع اهله وديرته وعاداتهم <<< ترى انا ضد بعض العادات مش كلها بس شي حلو تمسكه بدينه وعادات اهل ديرته بس ياترى وش بيكون موقف عمه منه بعد التلميحات اللي قالها تعامله مع اهله قمه في الروعه هو الاب اللي فقدوه والاخ والسند اذا جارت الدنيا عليهم

سهيل: زميل مطر بالغربه سبحان الله الواحد يبان معدنه واصالته بعيد عن بلاده واهله

فيصل: صديق مطر وسهيل جمعتهم مقاعد الدراسه والغربه فصارو اخوان واكثر

عبدالله: وش سر نظراته لعفرى وياترى بيكون له دور في حياتها في المستقبل

ثاني: زي كل اخ حبه وخوفه على اخته اكبر من كل شي بس امه ماعطته مجال وقرر يبتعد عنها ويخليهم يشوفون نتايج دلعهم لها كشخصيه اموت واعرف وش اللي شاغل باله ياترى هي بنت ولا شغل ولا وش هو ؟!!اتوقع امينه بنت عمه لها يج في اللي يفكر فيه معرف ليش

العاش: شخصيه مرحه وحبوبه وقلبها ابيض بس اتوقع انه بيجي يوم وينكشف سيف وحركاته قدامها وش بتسوي وقتها مااتوقع بتخرب حياتها بس بتأدبه بطريقتها

مهرة: جمالها وعلو اخلاقها مايخليها تتمادى في علاقتها مع حمد حتى ولو كان قريبها محافظه على نفسها وسمعة اهلها وهذا اللي مخلي حمد يبيها زوجته وجنبه

فطيم: سبحان الله البنت هاذي احسها كيوت معرف ليش وعلى نياتها وهذا سبب حب سهيل لها مع انه ماصار شي بينهم وله عمر ماشافها بس النصيب والقسمة وحكم ربي اقوى

الجدة: رفضها لزوجة ولدها وحبها لعياله شي متوقع لان الكبار مايعترفون بأغلاطهم يبون هم الصح دايم مهما اللي سووه يجرح ويقلل من قيمة الناس

اما شغالاتهم شي ثاني بصراحه زي اللي عندنا مالت عليهم شين وقواة عين <<< ترى ماانقص من قدرهم بس والله يرفعون الضغط تأمر وتنهى وتهاوش كأنه بيت ابوهم *البيت بيت ابونا والقوم حاربونا *

اتمنى مااكون نسيت احد وسامحيني يالغاليه على القصور يعطيك الف عافيه

ماقصرتي وانتظر البارت الجاي بفارغ الصبر

البارت الخامس عشر

>> سيف <<
الملاج يالس بيني وبين عمي بو سعيد (بوعاشه ) وحمد خذى الدفتر حق عاشه عسب توقع
مايحتاي اخبركم عن حالي ... احس اني ابا انقز .. يمكن استغربتوا انه ليش بسرعه ملجت .. لان الدوام مطرشيني الاردن لمدة شهر وبعد شهرين بيكون العرس .. عاد الله يصبرني لين بعد شهرين .. صخوا حمد وصل بالكتاب ..
المليج : مبروك ولدي سيف الله يجمع من بينكم بالحلال
سيف : الله يبارك فيك
ونشيت وتوايهت ويا عمر بوسعيد وابوي وكل اللي فالميلس من بعدها حطو العشى .. العزيمه كانت بس ريايل .. اووف عاد مادري متى بيدخلوني عليها .. ابيه الحقو سعيد ياي جداي .. جنه الا سمعني ..
سعيد :هاا سيف .. تبا اتشوف العاش ولا
ابتسمت وقلت : هيه بويه حرمتي شعنه مابا اشوفها
سعيد : هههههههههه اسميك لوتي .. تعال
وحط ايده على جتفي وهو يوصيني على العاش .. ياناس في حد يتوصى على قلبه .. دخلت الصاله الصغيره على يباب امايه وخالوه
سرت جداهن ويوم بغيت احب راسهم شفت اللي واقفه وراهم ومستحيه .. ابتسمت وحبيت راسهم وعيوني عليها .. كانت لابسه فستان فوشي بليا اكمام وكانت رافعه شعرها بتسريحه بسيطه ومحطيه روج فوشي وراسمه عيونها .. كانت بسيطه .. وسرى الملاك
وسرت صوبها وحبيت راسها
وزخيت ايدها وهي تحاول تسحبها.. هههههههه حتى هني عنيده
قطع علي ضرابتي صوت خالوه ام العاش : سيف ابويه ماوصيك على العاش ..
قلت وانا ارص على ايديها : العاش فعيوني
امايه : تعالي ياوخيتي خلهم يلسون ويا بعض شوي ..
ظهرت امايه وخالوه , تميت انا وياها رواحنا , تجدمت منها خطوه , رجعت هي خطوه
رفعت حياتي بستنكار وقلت : انا ما آكل
رفعت راسها وهي تفرفر نظرها يمين ويسار : احمم .. لاعادي
اتجدمت منها بسرعه لدرجه مايفصل من بينا الا شبرين وقلت : والحين عادي
قالت ويبين علينها انها اتكابر وصوتها يالله سمعته : هيه
اتجدمت زياده لين لصقت فيها وحوطت خصرها بذراعي وقلت :يعني تبين تقنعيني اني ما أئثر فيج
نزلت راسها وعضت على شفايفها ..حطت ايدها على جتفي تحاول تبعدني .. اغرتني شفاتها الصغار .. سرقت عنها بوسه بردت فيها شوق 25 سنه , سحبت نفسها من يدي بالزور وعطتني ظهرها .. مستحيه .. سرت زخيت ايدها وسحبتها وياي ويلستها حذالي .. وكانت تطالع الارض
سيف : العاش جوفيني ..
العاش رفعت راسها عسب اطالعه وكان تبا تقنع نفسها انه ماستوى شي .. بس اول ماطاحت عيونها فعيوني نزلتها بسرعه .. احسبها تبا اتصيح بس قابظه عمرها .. الله يعيني على عنادها .. مسكت ايدها اللي شرى قطن بنعومتها ويلست اللعب فيها قلت : العاش اسمحيلي ماسويتلج ملجه شرى الناس .. لاني بسافر عقب اسبوعين – رفعت راسها تطالعني كملت وعيوني فعيونها – شهر وبرجع وبسويلج عرس لاصار ولا استوى
العاش : ليش بتسافر
سيف بست ايدها وقلت : الدوام مطرشيني
سحبت ايدها وقالت : وين بتسير
اطالعت عيونها ابا اعرف لين وين بتوصل بهالاساله : الاردن .. ليش هالاسأله
قالت وهي تلعب باظافرها وقالت بعدم اهتمام : ماشي .. بس عسب اذا سألوني الناس اعرف شو ارد عليهم
سيف : اهااا.. يعني بس عسب الناس
العاش بتحدي : هيييييييه
اتجدمت منها وبست رقبتها بالقوو .. وهي صارخت وقامت ادزني من جتوفي
بعد مابردت حرتي ابتعدت وانا اضحك : هههههههههههههههههههههه- وحطيت ايديه على رقبتها وين البوسه جفتها احمرت وورمت - والحينه اذا شافوج الناس بهالشي الحلو اللي على رقبتج شو بتقوليلهم
العاش الدموع اللي قابضتنها نزلوا من الويع قالت وهي تضربه : ماداااااااااانيييييك
زخ ايدها وهو بعده يضحك : عاااااادي
العاش وصلت حدها من الموضوع نشت عسب تظهر بس سيف خشع ايدها فردت يالسه
بغت اتنش ماخلاها تم قابظ على خصرها عسب ماتنش وزخ ايدها وحطاها على قلبه وقال بنبره خلت العاش تهدى وتصخ وعينها غرقت فعيوني : العاش تحسين به .. تشوفينه كيف ينبض .. بشو احلفلج انه مانبض الى على حروف اسمج .. اعشقج يالعاش تعرفين شو يعني اعشقج
وضميتها لصدري بالقوو وانا مب مصدق انها صدق بين يديه وحلالي
تمنيتها اتقول : وانا اهواك
===========
عفرى
==========
الحين شو اسوي باجر بتبدى الجامعه ولابي عند مطر اووف شو اسوي .. مستحيه اسير اقول حق امايه .. اووف جفت الساعه .. 2ونص الظهر اكيد كلهم فالبيت .اسير ولا ماسير .. يلا بجازف وبنزل .. جفت لبسي .. بجامه بكممام طويله .. تنفع .. طلعت من الحجره صديت يمين ويسار .. مافي حد .. وصلت الدري وانا نازله .. ثاني كان صاعد .. مر من حذالي ولا كاني موجوده ... لدرجه حسيت بعمري جني مخفيه .. كملت دربي .. مريت بصاله سرت صوب المطبخ ..كانت امايه عاطتني فيسها ومطر عاطني ظهره ... من جفت مطر بغيت اشرد ... ياغير صوت امايه رجعني
ام مطر : عفرى امايه تعالي تغدي
من امايه قالت جي مطر فر الخاشوقه فالصحن ونش واقف وظهر من المطبخ
... ابا اصييييييييييييح ... ماحب شعور اني مب مرغوبه ... لاني ماتعودت اكون مب مرغوبه ...
ام مطر : تعالي عفاري
سرت ويلست مكاني اللي هو حذال امايه .. امايه مرزت الصحن من كل شي ويت حطته جدامي وقالت : كلي يمايه طعي ويهج كيف مصفر كلي
فديييتج يمايه .. وعلني ماخلا منج ... زيد علة اني نزلت راسها ... تعاقبني بهتمامها لي ... يمكن امايه تتحرى اني كلمت سيف بسبة اهمالها لي ..يمكن
عفرى : امايه انا احتاي الاب توب مالي حق الجامعه .. رمسي مطر خل يرده لي
ام مطر : يعني لازم تبينه
حطيت اللقمه فحلجي وهرستها وبلعتها وقلت : هيه يمايه ..
ام مطر :خلاص مب مشكله انا برمسه .. بس انتي كلي الحينه
========
مهره
========
باجر بتبدا الجامعه .. وابا اييب عباتي من عند الخياط .. وخالوه اكيد مابطيع انه سيف يظهر مع العاش .. لو وين ماكان .. احسن شي بظهر ويا الدريول .. وبشل منصور وبييبهم وبي
نزلت الصاله جفت امايه تغير ديكور الصاله .. وشكلها مرتبشه .. لان امايه ايام العيد تحط ديكور ثاني .. والايام العاديه ديكور ثاني .. محد يسالني ليش .. هي متعوده على جذي ...
سرت عندها وقلت :امايه بسير انا ومنصور ودريول بنييب عباتي من بوهيل وبرجع ...
امايه : لا لتسيرين بوهيل روحج مع منصور .. سيري فوق رمسي سيف وسيروا انتوا الثلاث
هزيت راسي وسرت عند سيف دقيت الباب ودخلت كان واقف حذال المنظرع يتسفر شكله بيظهر عرفت انه مستحيل يتنازل عن الروحه عسب خاطري بس بحاول طبعا بسلوبي نيهاهاهاها : اوب اوب سيف شو هالكشخه .. مانروم عليك
سيف : قولي شو تبين
ابيييه كشفني عيل عزلله ماشي روحه : سيف ابا اسير اييب عباتي من بوهيل دخيلك ودني
سيف : اوكي زهبي
سرت صوبه يرييت راسه وحبيته وخربت سفرته عمدا وشردت وهو يسبني ههههههههههههههههه
سرت وخبرت منصور وعاد هو ماصدق انه بيظهر وسرت اتزهب
ورحنا بالفتك مالت سيف طول الدرب سيف ومنصور يسولفون
منصور : انت تعرف محمد عبيد ال..
سيف : هيه كنا انا وخوه ربع ايام الثنويه .. اقولج ايام الثنويه ههههههه تخيلي اول مايدخل الاستاد مال العربي عاد مصري ايقوله محمد ربيعي اخو احمد اونه استاد انا كتبت قصيده عاد الاستاد يتفجج
ويعطيه قصيده من اغاني ميحد حمد لا والمشكله كل مره نفس القصيده ههههه
مهره ومنصور : هههههههههههههههه
سيف :والاستاد مسمي محمد متحن حمد يعني اونه ميحد حمد خخخخخ
وتمينا ضحك وسوالف لين ماوصلنا بوهيل خذت عباتي على سريع وردينا البيت ماشالله شقايل الوقت يمر بسرعه الحينه ساعه سبع ونص الفليل وانا ماصليت المغرب
يلا برب صلاه تايم
=========
سهيل
=========
سهيل : انزين امايه انتي اتصلي اساليهم يمكن وافقوا
امايه محتشره وتشكى لعلي اخويه : علي ابوي رمسه اذاني عنبوا مامروا يومين عنبوا اصبر خل يسالون عند ويشاورون البنيه
سهيل : امايه يعني شو بيسألون اذا انا نص حياتي وياهم ونصها برع عن شو بيسألون
علي : بلاك جذا ملغوث على العرس البنت مابطير ترى
سهيل اطاعت بطرف عيني : نسينا يوم بغير تاخذ حرمتك شو سويت
ام سهيل : بس بس حشرتوني .. خلاص بتصل كلت فوادي حشى .. هات التيلفون اجوف
عفدت كما طرزان عسب اييب التيلفون ..ويبته وقلت : سمي يامايه
امايه قامت ادقدق الارقام حبه حبه وعاد انا مافي صبر وهم بعد الله يهداهم ساعه لين مايردون
ام سهيل : هيلووووووه ... السلام عليكم ... ام سعيد موجوده
الخدامه : وأليكم السيلام .. ماما سأيد في موجود .. مينو قول انا
ام سهيل : قوليلها ام علي .. تباج .. بسرعه
الخدامه : جيين
دقايق وردت امي ترمس : يامرحبا الساع .. حيبج زوود
وتمت امي ترمس وترمس .. ماتم حد فالعالم ماسولفت عنه ولا سالت عن اخباره .. تميت أأشرلها انه تسألها بسرعه
وهي تطالعني وتكمل سوالفها ولا كاني اقول شي
علي : بلاك انت صدق انك مستخف
سهيل : انا ماصدقت لقيتها بعد 10 سنوات اتقولي مستخف
علي :ياريال
وآآآآآآآآآآىخيرا خلصت امي
عفدت صوبها : هاشو قالت
اطالعتني بنظره : سهيل اعقل انت بتعرس وبعدك ماعقلت شو بتقول بنت ناس عنك
سهيل والابتسامه شقت حلجي : يعني وافقت
ام علي : هيه وافقت ارتحت
عفدت حبيت راسها وراس علي اخوي وظهرت عنهم والفرحه شالتني واتصلت على شيوم ابشرها
==========
مطر
==========
نشيت الصبح .. لاني ناوي اودي عفرى الجامعه وياي... الحين الساعه 8وربع ودوامها 9 .. لبست غتره وعقال .. وتعطرت و حطيت دهن عود وظهرت نزلت الصاله .. جفتها يالسسه ومحطيه الشنطه اللي تشل فيها لوحاتها حذالها وشنطتها على يمينها ..
قلت وانا اكمل طريجي : لبسي شيلتج عدل وتعالي سياره بسرعه
سرت السياره اسخنها ولحقتني يعد مالفت شيلتها عدل .. ظهرت من البيت
فريت عليها فون : خذي هالتيلفون خليه عندج وقت الجامعه ومن تردين البيت تعطين امايه .. وماباج تعطين رقمج لحد ولابج بينرد بس مب الحينه...وان سمعت عنج شي جذا وجذاك ... بتشوفين نجوم الليل بوقت الضحى .. وتعرفين مطر يوم يقول رمسه مايحب يثنيها
عفرى : ان شالله
وكملت الطريج وانا مب مهتم لوجودها,, وصلت الجامعه وقفت جدام باب الجامعه .. جفت واقف بسيارته
مطر : هاذا هوه سيف
عفرى نزلت راسها وقالت : هيه
جفت وحده متغشيه تنزل من سيارته : وهاي منوه
رفعت راسها عسب تجوف منو اقصد : هاي مهره اخته
سكت ماقلت شي كانت بتنزل بس قلت : صبري – ويوم راح قلت لها –ماباج تظهرين من الجامعه الى وياي ولا ويا ثاني ولادريول .. يلا روحي
خذت اغراضها ونزلت .. جفتها دخلت عقب روحت ... هه يوم هو يشوف خواته جذا ماينلام يوم يستهزء بختيه .. بس والله مردوده ياسيف لوبعد مليون سنه ..


////////////////////

لاتحرموني من وجودكم ولا ارائكم ولا انتقادكم ولا آآرائكم

ترقبوني الاثنين الياي ...


ودي للجميع

// شغف الامارات

بدايه حلوه شغف الامارات
لي عوده برد مفصل للاحداث بعد قراءت جميع الاجزاء
بس ياليت تخلين الخط في الاجزاء القادمه باللون الاسود او الكحلي عشان الناس اللي عندهم مشكله مع الالوان مثلي