[قصة مكتملة] قلوب تتراقص على انغام الالم - الصفحة 36

23-02-11, 09:47 PM

المشاركة رقم: 176

المعلومات
الكاتب:	ROoOnQ
اللقب:

البيانات
التسجيل:	Apr 2009
العضوية:	144104
المشاركات:	126
الجنس	أنثى
معدل التقييم:
نقاط التقييم:	13

االدولة

مدونتي

الإتصالات
الحالة:
وسائل الإتصال:

كاتب الموضوع : ROoOnQ المنتدى : القصص المكتمله

الجزء الـ|[25]|ـخامس و العشرون ..

حاولت تبتسم لكن ملامح وجهها المتجمدة منعتها ..

مستحيل .. ما راح تصدق .. أكيد أخوانها قاعدين يكذبون عليها ..

ألف فكرة و فكرة تروح و تجي بـ جنى ..

تبادلوا أبو بدر و أبو تركي .. نظرة توهان لحد هاللحظة مو قادرين يعرفون ردة فعلها من كلامهم ..

غمضت عيونها براحة لعل و عسى يكون كابوس من كوابيسها المزعجة اللي تلاحقها كل ليلة من توفت أمها ..

رجعت تفتحهم بكل بطء و هي تتمنى أنها تشوف أمها قدامها و الوقت يرجع لوراء كثييير ..

لمعة الدموع بعيونها و هي تحس بالواقع .. يزيدها صدمة و ألم ..

هزت رأسها بالنفي:أنتوا قاعدين تلعبون علي ..!!

زفر أبو تركي بكل ضيق:أدري كلامنا ثقيل عليك و ما راح تستوعبينه بسهولة .. بس ما حبينا نخفي الحقيقة عليك أكثر ..

من عرفنا بالحقيقة .. و كلنا نحس بالذنب .. لأننا قاعدين نتفرج ع الغلط يصير و ساكتين ..

رفعت عينها عليه و نظرت الألم مرسومة فيها .."فكر بعياله .. بكلام الناس بالذنب اللي يتراكم عليه لكن ما فكر فيني و لا فـ مشاعري شلون بعيش معهم ..كيف راح ..

قطع تفكيرها أبو بدر .. و هو ينطق للمرة الأولى من بعد ما حكى لها كل اللي صار:ذنبكم كلكم برقبتي لأني عارف من البداية و كنت ساكت ..

لف عليها أبو تركي مصدوم:تدري من زمان ..!!

كمل بكل تردد:ما حبيت أقول للكل إني أعرف من البداية .. عشان العيال بس ..

أبو تركي و صوته يختنق من العصبية:وشلون تسمح بهالشيء يصير .. خليت جنى تكشف على العيال و هم موب محارمها و أمي شلون قدرت تلعب علينا ..

زفر بكل ضيق ..:موب مهم التفاصيل .. المهم الحين جنى عرفت وضعها ..

قاطعته و صوت شهقتها تسبقها:شلون موب مهم .. 20 سنة و أنا عايشة على إني أختكم .. شلون بين يوم و ليلة أصير بنت أختكم ..

شلون أمي ترضى و تكذب علي كل هالسنين .. شلون أختكم تخلت عني بهالسهولة ..

شلون يصير كل هذا شلون ..-دفنت وجها بين كفوف يدها .. و غرقت فـ دوامة الضياع لحالها ..

راقبوها بصمت وش بيدهم يسوون .. غير إنهم يتفرجون على حصيلة كذبة 20 سنة ..

.._.._.._.._.._..

زفرت بكل راحة و هي تنزل رأسها على المخدة ..

رفعت غزل يدها تشوف الساعة .. "صار لي أكثر من نص ساعة فتحت قفل الباب .. إن شاء الله يكون طلع و ما عاد يرجع لحد الصبح" ..

.._.._.._.._.._..

رمت جسمها على السرير بكل تعب ..

:حرآآآم عليك يا مبارك ..!!

ابتسم و هو ينزل جاكيته:هاذي ضريبة السفر لـ أمريكا .. المشوار .. !!

ريحت البتول جسمها أكثر:كان يوم وصلنا لـ واشنطن ارتحنا عقبها كملنا لـ نيويورك ..

جلس على الكنب و سحب شنطة العمل ..:عندي شغل ما يتأجل ..

ناظرت فيه مصدومة:وش بتسوي ..!!

مبارك و هو يطلع الملفات:قلت لك عند شغل ما يتأجل ..

البتول بكل تعب:آآخ .. شلون بتتحمل .. بأخذ لي شور و أنوم لحد بكرة ..

عيونه ع الورق بكل تركيز ..

وقفت:تصبح على خير ..

.._.._.._.._.._..

تنهدت بكل ضيق و هي تلف بأصبعها على حافة الكأس و تسند خدها على كف يدها ..

تلفتت حولها .. المطبخ هدوء .. الكل تعبان و هلكان بعد الرقص و السهر بزواج غزل ..

مع أنهم ما لهم صلة بها .. غير إن جنى تصير صديقة بنت عمهم .. لكنهم أرتاحوا لـ جنى و عايلتها ..

زفرت نهى بكل ضيق و هي تحاول تسترجع ذكريات من الزواج حتى تتنسى همّ نوف ..

لكن و كأنها تطلب المستحيل ..

من ثواني بس دخل للبيت بعد ما قضى دقايق مع نفسه فـ سيارته بعد ما نزلوا البنات منها ..

حس بـ وجود أحد فـ المطبخ .. تنح نح بصوت واطي حتى ما يزعج النايمين ..

نهى و عيونها ع الباب:حياك ناصر محد فيه غيري ..

دخل و نظرة الاستغراب بعيونه:نهى وش مسهرك لـ هالحزة ..؟!

ابتسمت بتعب:خبرك ما أعرف أكل برا البيت جيت أكل لقمة و ما عاد قمت من مكاني ..

قرب و جلس قبالها:طيب روحي نومي .. وجهك مصفر ..!

ابتسمت:حتى لو حاولت أنوم ما راح أقدر ..

بنبرة كلها خوف:فيك شيء .. تعبانة ..؟! يوجعك شيء ..؟!

اتسعت ابتسامتها:لا ما فيني إلا العافية بس شالية همّ نوف ..

تنهد بكل ضيق:للحين حابسة نفسها فـ غرفتها ..

نهى:و لا طلعت حتى شبر .. كل البنات حاولوا معها تروح للعرس معنا بس ما كأنها تسمع ..

زفر بضيق أكبر:طيب طليتي عليها .. شفتيها عقب ما رجعتي ..؟!

هزت رأسها بالتأكيد:على حطت يدي نايمة ..

ناصر و بنبرة خوف:متأكدة أنها نايمة ..

نهى:لا تخاف هزيتها و تحركت و تأكدت من نفَسّها .. أعرف أختك مجنونة ..

ناصر و بعيونه نظرة انكسار:لو علي طلقتها منه اليوم قبل بكرة و طلعت من هالبيت ..

نهى بكل لوم:لا تقول هالكلام أنت تدري قرار جدي فـ محله محد بـ يقدر على نوف غير مشاري و حتى أعمامي تدري أنهم رافضين هالشيء دام نوف ما تبي بس مشاري الله يهديه ..

ضم أصابعه لبعض و هو يشد عليهم:عنيد و رأسه يابس ..

نهى:و أختك أعّند منه .. على قولتهم قدر و لقى غطاه .. الله يستر لـ سافرت معه بكرة ترتكب فيه جريمة ..

ناصر:أنتي مصدقة أنها بتسافر معه ..؟!

نهى:هالشيء مفروغ منه عمي حالف ما يسافر من غيرها ..خايف على ولده بعد ..

زفر بكل ضيق و بعد لحظة صمت طويلة ..:وش صار على موضوع لمى ..!؟

نهى و بعيونها نظرة تفكير:أي موضوع ..؟!
ناصر:سالفة خطبتها لهذا اللي ينقال له سلطان .. حددوا الملكة و العرس و إلا ..؟!

نهى:لاا وين .. وش ملكته وش عرسه لمى توها تفكر ..!

ناصر بكل استغراب:تفكر ..!

نهى:ايه .. وش فيه موب حقها ..!

ناصر:إلا بس توقعت توافق .. بما أنه يقرب لوحدة من صديقاتها ..

نهى:وش دخل الولد فـ صديقتها .. كل علاقة تختلف عن الثانية ..!

خذا نفس:اهاا .. أجل فكرت غلط ..!

نهى:و ليش تفكر فـ الموضوع أساسا ..؟! .. وش مدخلك فيه ..!

وقف و بكل ربكة:قومي نطلع لشقتنا أنا خايف على نوف ..

ناظرته بنص عين و هي توقف معه:موب صاير إلا كل خير ..

بخطوات هادية و صوت مكتوم .. كملت نهى مع ناصر طريقهم لشقتهم الخاصة فـ بيت جدها ..

و حرصوا أنهم ما يسببون أي إزعاج حتى محد ينزعج منهم ..

دخلت لغرفتها أخيرا ..

قربت نهى من أختها .. و جلست على طرف سريرها .. هزتها بكل هدوء وهي تهمس:نوف .. نووف .. نوووووف ..

تنهدت بكل ضيق:أكيد متعمدة تطنشيني ..!! ..

هزتها بقوة أكبر:نوووف ..

حست بالخوف يتسرب لداخلها .. من دقايق .. عقدت حواجبه علامة على انزعاجها منها ..

لكن الحين ما يطلع منها حتى الهمس ..

وقفت نهى و هزت أختها بقوة أكبر .. لف جسمها ع السرير و قبل لا يكمل لفته ..

تهاوت نوف على الأرض بكل القوة اللي فيها ..

فزعت من اللي صار .. صرخت:نااااااااااااااااااااااااااااااصر ..

.._.._.._.._.._..

بيت شعبي مبني من الطين .. رغم صغره من برا .. لكنه واسع من داخل ..

بس هالوسع ضاق بالحريم اللي جت تعزي جمان فـ بيت أم عبدالرحمن ..

جالسة فـ الوسط بينهم .. و نصيبها من نواحهم و بكاهم الصمت ..

دموعها تنزل تحرق خدها .. و قلبها يحترق أكثر على فراق أمها .. لكنها ما تعودت تطلع ألمها عند لناس .. حتى فـ أصعب اللحظات اللي ممكن تمر عليها ..

ما راح تتخلى عن مبادئها ..

ميلت أم عبد الرحمن رأسها لبنتها:سعادووه .. قومي خذي جمان للداخل عشان ترتاح .. من دفنوا أمها ما كلت و لا شربت و لا حتى نامت لها شوي ..

وقفت سعاد و هي تهمس:إن شاء الله ..

مدت يدها و جرتها حتى توقف .. استسلمت لها جمان بدون أي استفسار حتى ..

دخلتها لغرفتها الضيقة و جلستها على طرف فراشها ..

سعاد بكل حيرة:جمان حبيبتي جوعانة .. عطشانة تحبين أجيب لك شيء ..؟!

ناظرتها بألم و عيونها تغرق أكثر بدموعها .. هزت رأسها بالنفي ..

زفرت بكل ضيق:لا حول و لا قوة إلا بالله .. ترا موب زين اللي تسوينه فـ نفسك ..

جمان إنتي إنسانة عاقلة و واعية ..

خذت جمان أنفاسها و هي تحس بشهقاتها تخنقها ..

قربت منها سعاد و ضمتها و كلها أمل أنها تكون قاعدة تساعدها ..

.._.._.._.._.._..

رمت الجوال بعيد و هي تحس بتوترها يزيد ..

"شلون أدق عليها و هي اليوم مسافره ..!!" ..

زفرت جوري بضيق أكبر و هي تشد على خصلات شعرها لوراء ..

زفر بضيق أكبر منها و هو يجلس جنبها ..

:وش تبين تعرفين بعد ..؟!

بعدت عيونها بعيد عنه ..

لف كله عليها و بنبرة صوت كلها لوم:الحين أنت وش بـ تستفيدين ..؟!

نزلت عيونها للأرض راقبت أطراف أصابعها المرتجفة من التوتر ..

وش ترد عليه وش تقوله .. و هي كارهه حتى نفسها ..

نواف بكل هدوء محاولة عاشرة حتى يقنعها:جوري موب لازم تأخذين كلام خالتك على محمل الجد .. يمكن قالت كذا حتى تبعدك عنها و عن العايلة بعد ما شافت إصرارك ..

نطقت أخيرا بصوت مرتجف:خالتي وحدة تخاف ربها .. مستحيل تتبلاء علي ..!

تنهد:طيب يمكن أمك خذتك من أهلك الحقيقين و ربتك أو يمكن أخذتك من ملجأ ..

اختنق صوتها أكثر:يعني 90% إحتمال إني أكون لقيطة ..!!

نواف بكل ضيق:ليش تفكيرك سلبي كذا ..!! و بعدين أنا و أنتي ما خططنا نهاية الأسبوع نروح للشرقية خلاص ركزي فـ هالشيء ..

هزت رأسها بالنفي:ما راح أروح .. وش تبي تقول لأهلك .. إذا سألون وش بقول لهم ..

نواف:الحقيقة .. أمك و أبوك توفوا فـ حادث ..

رفعت عينها اللي بانت فيها لمعة الدموع:موب صحيح .. ما كانوا أهلي ..!

نواف:هذا اللي نعرفه و باقي الموضوع .. نسأل ونستفسر عنه لما نرجع ..

قرب منها و بنبرة ترجي أكثر:جوري حبيبتي .. خلنا نفكر باللي قاعدين نخطط له .. لا تلخبطين الأمور علينا ..

زفرت بكل ضيق .. و سحبت جوالها من على الطاولة ..

للحظة تهورت و طلعت رقم ليان ..

سحب من يدها الجوال:جوري و بعدين معك ..؟!

دفنت وجهها بين كفوف يدها ..و للحظة حست بنفسها راحت تنهار ..

لكن نداء .. راشد" .. كان أسرع .. و من دون أي تفكير راحت له ركض ...

راقبها بكل ألم .. و هو يتنهد ..

"يا الله .. كل ما قلنا هانت رجعت تصعب ..! .."

زفر بكل ضيق و هو يهمس لنفسه:المفروض أنت اللي تاثر عليها موب هي ..!!

.._.._.._.._.._..

جالس على طرف السرير و هي جالسة ع الطرف الثاني .. تقلب فـ صفحات الجريدة ..

ريناد و بعيونها نظرة تفكير:طيب وش رأيك .. بـ محسن ..!

بسام و على وجهه إبتسامة استهزاء:وين قاعدين فـ البر ..

ناظرته بطرف عين:هذا الاسم الجديد فـ هالصفحة ..

بسام:الناس تطلع أسماء من كتب من الانترنت و أنت من جريدة ..؟!

ريناد و عيونها على الجريدة:وش فيك أبي ولدي لما يكبر يكون له مستقبل صحفي مشرف ..

بسام:صحفي ..!! الله و الطموح ..؟!

ناظرته بنصر عين:ليش وش فيهم الصحفيين ..؟!

بسام بكل خوف من نبرة ريناد الهجومية:ما فيهم شيء و النعم فيهم بس الناس تقول دكتور مهندس ..! رجل أعمال ..!

ريناد:البلد مليان دكاترة و مهندسين ..!

بسام بكل استغراب:طيب الحين أنتي ليش تدورين فـ أسماء الأولاد يمكن تطلع بنت ..

ريناد:لا بيطلع ولد ..

بسام:وش هالثقة ..؟!

ريناد:الجينات الوراثية حقت العايلة تقول كذا .. كل أعمامي جابوا أولا قبل البنات .. حتى عماتي جا ..- رجعت تسكت و نظرة التفكير بيعونها تتعمق ..

بسام:عليك تفكير ..!!-سكت ينتظر ردها .. 10 .. 20 .. 30 ثانية ..

رجع يتكلم باستغراب:ريناد وينك ..؟!

نزلت الجريدة من يدها و لفت عليه ..:الحين عمتي الجازي هي أم جنى صح ..؟!

بسام:ايه .. ليش تسألين عنها فجأة ..!

ريناد:تتوقع جنى لها أخوان أكبر منها ..

بسام:ما أتوقع لو كان لها كانوا جو يسألون ..؟!

ريناد:بس .. الأسبوع اللي راح لما علمنا بدر على اللي قصة جنى أذكر كل في لها أخوان ..

بسام:ايه .. خوات بنات موب أخوان ..

ريناد بكل فضول:كم أخت ..!؟

بسام:مدري .. كل اللي أذكره عمي أبو بدر قال لنا .. عندنا أوراق عمتكم كتبت فيها عن كل بناتها و إن شاء الله إنا نلقاهم ..

ريناد:طيب و أبوهم .. زوج عمتي يعني ..؟!

بسام:ما جابوا له طاري ..! .. أتوقع أنه ميت ..

زفرت بكل ضيق:الله يعينك يا جنوو ..

بسام:دقيتي عليها ..!؟

ريناد:لاء .. مدري وش أقول لها .. و بعدين أكيد بتزعل إذا عرفت إن دريت قبلها بأسبوع ..

زفر بكل ضيق:أعمامي كلهم كانوا شايلين همها .. خافوا يصير لها شيء و أجلوا الموضوع للعطلة ..

ريناد:تصدق ليان ما درت ..؟!

بسام:ايه هي كانت فـ بيت زوجها يوم قرر أبوي الكل يعرف عادا جنى ..

ريناد:الحين جنى عرفت و ليان إذا ما عرفت بتزعل علينا ..

بسام:لاااا .. توها اليوم سافرت خليها تستانس بهالكم يوم .. لاحقة ع الهم و الزعل ..

ريناد:أكيد بتدق على جنى ..

تنهد بكل ضيق:الله وحدة العالم بحالة جنى الحين ..!!

.._.._.._.._.._..

جلست بكل كسل .. موب من عوايدها تصحى بدري بس اليوم غير ..

يوم انتصارها على ريتاج أخيرا ..

رفعت جوالها و علقت نظرها فـ شاشته ..

زفرت بكل ضيق:اووووف .. ذا العيسى ما عنده كرامة من متى و أنا أرده و يرجع علي ..

تغيرت نبرتها للغرور:من حقه ينهبل فيني .. أستـ ..-قطع كلامها مع نفسها رنة جوالها ..

اتسعت ابتسامتها و هي تلمح اسم فيصل .. ردة بكل حماس:هلا و غلا ..

فيصل:اهلين .. دقيت حتى أتأكد من العنوان ..

لوجين بكل استغراب:فيصل وش فيك ..؟!

فيصل بكل جدية يكلها بصيغة المذكر:بتعطيني العنوان و إلا كيف ..

لوجين:معك أحد ..

فيصل:ايه ..

ابتسمت:اهاا .. طيب عندك الحي و الشارع .. أول ما تدخل على شارع الـ*** البيت الخامس ..

امممممممممممممم .. لون باب أسود و ذهبي و قباله جمس أزرق هذا أكيد بيت ريتاج ..

فيصل:طيب أول ما أوصل برجع أدق عليك أتأكد ..

لوجين:أوووك .. يا الله .. الله معك ..

سكر من غير ما يرد عليها ..

إحساس بالفرح و النشوة لا يوصف ..

ترقص .. تصارخ .. ودها تبلغ الكل بالمصيبة اللي طاحت فيها ريتاج ..

بس لازم تصبر حتى ما تنفضح ..

رجعت تسحب الجوال و دقت على بيت عمها أبو بدر لأنها عارفة إن ريتاج ما راح ترد عليها من جوالها ..

لوجين:الو ريتاج قريبة ..؟!

استغرب ريان وش هالحماس فـ صديقات أخته:لحظة ..-نزل السماعة و صرخ:ريتااااااج ..

طلعت ركض من المطبخ:هلااا ..

أشر لها ع السماعة:وحدة تبيك ..!

ناظرته باستغراب:وحدة .. صديقاتي كلهم يكلموني ع الجوال ..

رفع حاجب:نسيت أحقق مع البنت قبل لا أناديك ..

قربت و بكل إحراج:طيب خلاص ..-رفعت السماعة:الو اهلين ..

لوجين و الشر بعيونها:اهللن حيا الله رتووج ..

عرفت صوتها .. و نبرتها الخبيثة خلت قلبها ينقبض:لوجين ..!

لوجين:طبعا و هل يخفى القمر ..!!

ريتاج بكل حدة:بغيتي شيء تراني مشغولة .. !!

رن الجرس يزيد الجو توتر .. لف ريان ع الباب .. و توجه له ..

لوجين:تدرين أعر ف من عند بابكم ..

ريتاج:خير وش تبين مني بعد ما كفاك اللي صار لي ..!!

لوجين:انا كفاني بس وش أسوي فـ فيصل إلا يوصل لعند باب بيتكم و يعطيك هدية زواجك ..

ريتاج:زواجي ..؟!

لوجين:الزواجك الوهمي اللي قلت له عنه ..

دخل ريان و العصبية على وجهه ..

ناظرت فـ أخوها بكل خوف و طاحت السماعة من يدها لا شعوريا ..

.._.._.._.._.._..

ناظرت فـ ساعتها بكل توتر .. نهى:تأخرنا عن موعد الزيارة ..

ناصر بكل لوم و هو يضغط على رقم الدور فـ اللفت:أي تأخرنا الله يهيدك .. أصلا تلقين أختك ما صحت من المهدئ إلا من خمس دقايق ..

نهى بكل خوف:ناصر أنا ما راح أسكت بعد كذا .. هالمرة انهيار و حاد بعد .. بكرة الله العالم وش بيصير فيها ..

ناصر:وش بتسوين يعني ..؟!

نهى بكل توعد:بتشوف الحين وش بسوي لما يجي مشاري مع عمي يزورونها ..

ناصر و هو يسبقها بالطلعة من اللفت:تعوذي من بليس موب ناقصين مشاكل ..

نهى و صوتها يختنق:أنا ما عندي غير أخت وحدة .. تروح من بين يدي وش تبي يصير فيني ..!

ناصر:فال الله و لا فالك .. إن شاء الله تطلع بالسلامة .. ما تدرين يمكن هالانهيار خيرة لها .. و يأجل عمي سفرتها معه ..

نهى:هالزواج من البداية ما فيه خيرة ..

ناصر وهو يفتح الباب:استغفر الله العلي العظيم ...

سبقته بكم خطوة .. وقفت فـ مكانها مصدومة ..

دخل وراها .. ناصر و هو يقرب من الدكتور و الممرضات المتجمعين حول نوف:خير يا دكتور وش صاير ..؟!

زفر بكل ضيق:من ربع ساعة صحت و رجعت تنهار من جديد ..

قربت نهى و هي تبعد الممرضات عن طريقها:وش صار لها وش سويتوا فيها ..؟!

الدكتور:عطينها إبرة مهدئة مرة ثانية ..

همست نوف بصوت مخنوق خافت:ما أبيه .. ما أبي أروح معه ..

لمعة الدموع بعيون نهى ..

الدكتور:هاذي ثاني مرة تنهار بيوم واحد تقريبا لو انهارت مرة ثالثة بـ اضطر أنومها أسبوعين على الأقل .. حتى نتطمن أنه تحصل ع الراحة ..

زفر بكل ضيق:لو تجلس شهر ما راح تفرق ..

الدكتور بكل فضول و هو يتوجه لبرا:عسى ما شر .. صايرة سالفة كبيرة لها ..

ناصر و هو يطلع وراء الدكتور:والله مدري وش أقول لك يا دكتور ..!

مسحت على رأس أختها:نوف حبيبتي لا تسوين فـ نفسك كذا ..

لفت عليها بعيون ذبلانة غرقانة من الدموع:ما أبيه .. ما أبيه ..

ما بيدها حيلة .. لا أم توقف جنبها و لا أهل تبكي على صدرهم ..

حتى أهله اللي هم مصدر قوتها الحين بالنسبة لها أكبر عدو ..

لأنهم راح يدمرون أختها الأقرب لها من روحها ..

ما قدرت تمسك أعصابها .. صوت نوف الضعيف اللي تسمع للمرة الأولى من خمس طعش سنة تقريبا ..

هزها ليش ما يهزها و نوف أساسا مصدر قوتها ..

استسلمت لدموعها و حست بقوتها تختفي و صوت شهقاتها يعلا حتى تشارك أختها الألم .. أقل شيء ممكن تسويه ..!

.._.._.._.._.._..

23-02-11, 09:49 PM

المشاركة رقم: 177

المعلومات
الكاتب:	ROoOnQ
اللقب:

البيانات
التسجيل:	Apr 2009
العضوية:	144104
المشاركات:	126
الجنس	أنثى
معدل التقييم:
نقاط التقييم:	13

االدولة

مدونتي

الإتصالات
الحالة:
وسائل الإتصال:

كاتب الموضوع : ROoOnQ المنتدى : القصص المكتمله

تردد كبير واضح بعيونها المركزة فـ شاشة الجوال ..

"غريبة ما دقت أمي تطمن إذا وصلت ..! .. أنا من أمس حاسة بشيء بسسس ..

زفرت بكل ضيق .."أدق على جنو أخاف يطلع راكان و أرتبك ..!" ..

رمت جوالها ع الطاولة .. و ريحت ظهرها ع الكنبة ..

طلع من الغرفة بعد ما أخذ له حمام يريح جسمه به عقب تعب السفر ..

راكان و هو ينشف شعره بطرف الفوطة:موب نايمة ..؟!

رجعت تعدل جلستها:لااء ما فيني نوم ..

بكل استغراب:وشلون عقب كل هالتعب ما فيك نوم ..؟!

زفرت بكل ضيق:قلت لك موب تعبانة أنت تعبان أدخل نام محد ماسكك ..

علا صوته بكل عصبية:أنا وش قلت حتى تكلميني بهالأسلوب الشرهة علي جاي أشوف وش فـ خاطرك ..؟!

حاولت تهدي نبرتها رغم توتر أعصابها أكثر:مشكور و جزاك الله خير لكن أنا ما أبي أحد يكلمني .. أووك ..!!

ناظرها بكل حدة .. و رجع يدخل الغرفة .. و هو يحس بالقهر من اللي صار ..

و فوقها ما قدر ينتصر عليها و تكون الكلمة الأخيرة له ..!!

.._.._.._.._.._..

جالسة على طرف سرير أروى تبكي بكل حرقة ..

من أمس الفجر و فكرها مو راضي يستوعب الفكرة ..

حاسة إنها فـ كابوس تتنظر متى تصحى منه ..

دخلت و بيدها كأس الموية ..

مدته لها:جنو حبيبتي الدموع ما راح تغير شيء ..!

ناظرتها بكل ألم و عيونها غرقانة دموع .. و رجعت تلف عيونها بعيد ..

أروى بكل لوم و هي تقرب منها ..:وين جنى القوية و العاقلة اللي الكل يضربها مثل فـ هالشيء ..

مسحت دموعها رغم أنها ما وقفت .. نطقت و هي تستسلم للواقع:بس موب لهالدرجة ..

أنتي مستوعبة اللي صار أنا موب عمتك أنتي موب بنت أخوي ..

ابتسمت:بس بنت عمتي وش فرقت يعني ....!

هزت رأسها بالنفي:فيه فرق .. بدر .. ريان .. بسام و سطام ..-لفت عليها:تركي ... عامر و سلطان كلهم ما يحلون لي .. شلون بيوم و ليلة يكونون غريبين عني ..

أمي اللي كنت أنام بحضنها عشرين سنة طلعت جدتي أبوي مدري من هو ..

عندي أخوان و خوات مدري وين أرضهم ..

اختنق صوتها أكثر و أكثر:أنتي فاهمة شيء .. مستوعب اللي قاعدة أقولة ..

أروى .. عارفة فشلها بهالمواقف لكن حاولت تسوي اللي عليها:دموعك وش بتسوي هااهه .. ما راح ترجعك لـ عشرين سنة وراء و لا راح تغير امك ..

بعدين أحمدي ربك .. أنتي كذا و إلا كذا مننا و فينا ..

و فوق هذا بعد .. ريان و عامر يصيرون أخوانك من الرضاعة من قدك يا عمتي ..!

رجعت تلف وجهها بعيد .. و تستسلم لدموعها من جديد للحين غليلها ما انشفى ..

تحس بتوهان و ضياع .. بقهر و ضيم ..

و خاصتن لما تتذكر كلام بدر ..

ناظرتها أروى بألم .. ما تقدر تسوي لها أكثر من كذا و محد من صديقاتها موجودات أو تعرف لهم طريق ..

زفرت بكل ضيق .."ما فيه إلا ريناد .. بسسس ..! ..

قطعت تفكيرها و هي توقف .. ناظرت فـ جنى بكل يأس و طلعت من الغرفة ..

"الله يهدي أبوي لو أنهم قالوا لها من اسبوع كان الحين زواج تركي و غزل نساها .."

رجعت توقف و ترجع خطوتين لوراء .."الساعة وحدة المفروض يصحون ..

قربت من باب غرفة تركي بخبث .. رجعت تتغير ملامح وجهها للخوف ..

"أخاف لـ صحى يضيق علي ..؟!" ..

انفتح الباب فجاة و بكل قوة ..

حست بقلبها راح يوقف ..

رفع تركي حاجب:أروووه وش تسوين هنا ..؟!

ناظرته بخووف للحظة حست بلسانها بنشل .. بلعت ريقها:توني بطق الباب ..!

تركي:خير بغيتي شيء ..؟!

أروى:لا بس قلت تأخر الوقت و بصحيكم ..!

ناظر فـ ساعته .. رجع يرفع عيونه و الشك مرتسم فيها:كم صار لك واقفة هنا ..

أروى بكل خوف:و الله العظيم ما صار لي غير نص دقيقة أصلا كنت مع جنى أهديها للحـ ..

قاطعها بكل هدوء:درت عن الموضوع ..

زفرت بكل راحة و الحزن بعيونها:ايه و من الفجر ما وقفت صياح و أن سكتت جلست تمسح فـ هالدموع .. الله يستر لا يصير فيها شيء ..

سكر الباب و تقدم:الله يعينها ..

مشى لخطوتين قدام .. استوقفته:تركي ..

لف عليها:نعم ..؟!

أشرت على باب غرفته:ممكن أدخل عند غزل ..؟!

ناظرها بتردد ..

أروى:خلاص .. خلاص برجع غرفتي ..

تركي:لا عادي أدخلي بس إذا طردتك خلي عندك كرامة ..

ارتسمت على وجهها ابتسامة عريضة:إن شاء الله ...

.._.._.._.._.._..

واقفة بنص المطبخ تجهز القهوة و الشاي ..

صرخ فيها ريان:بسرعة استعجلي أبوي شاب فـ المجلس ..

ريتاج بعيونها نظرة خوف لكنه حرصت ما تلتقي عيونها بعيون ريان ..

بكل تردد:من اللي جاي ..؟!

ريان بكل ضيق:ناس ما عندهم لا ذوق و لا عقل أجل في أحد يزور ناس وقت الظهرية و بيوم جمعة ..

رفعت له الصينية:ليش وراك شغل ..

ريان:ايه .. الشغل فـ الشركة توه يبدا و كنت ناوي أروح مع بدر .. بس حظي ..!!

راقبته و هي يرفع الصينية عنها:قدامك العصر و المغرب .. العطلة بدت و ما عاد تفرق سبت من خميس ..

زفر بكل ضيق و هو يتوجه للباب:هذا عندك بس ..!

جلست على أقرب كرسي لها .."الله يتسر .. لوجين هددتني بفيصل معقولة يكون صَدّق كذبتها .. مستحيل ..!! أصلا هو ما عاد يثق فيها" ..

فركت جبينها بكل خوف:الله يستر ..

.._.._.._.._.._..

رفعت جوالها و دقت على عمها للمرة الخمسين من أمس ..

لكن مثل كل مرة .."عفوا إن الرقم الذي طلبته لا يمكن الاتصال به الآن .. يمكنك أن ....الخ" ..

زفرت جمان بكل ضيق و هي تنزل الجوال .."وينك يا عمي هذا هو وقتك" ..

فتحت الباب بسرعة و دخلت ..

لفت مفزوعة ..:بسم الله الرحمن الرحيم خير خالتي وش فيك ..؟!

ناظرتها أم عبد الرحمن بشك:ليش مسكرة الباب عليتس وش قاعدة تسوين هاااه ..؟!

جمان و هي تعدل جلستها:سعاد اللي سكرت الباب ..-رفعت الجوال:و كنت أدق على عمي يجي يأخذني ما أبي أثقل عليكم ..!

قربت منها و بملامح طغى عليها الخوف:وش ذا الجوال متى طلعتيه ..؟!

تنهدت بكل ضيق:عمي جابه لي ..

أم عبد الرحمن:و من متى لتس أعمام ..!!

جمان:توني من قريب تعرفت عليه ..!

جلست قبالها و عيونها ع الجوال:وراتس يا بنتي القعدة عندنا موب عاجبتس ..-رفعت عيونها عليها:إلا المكان موب قد المقام ..

جمان:لا بالعكس أبركها من ساعة يوم أجلس عندكم .. بس دام لي أهل وشو له أضيق عليكم ..

أم عبد الرحمن:و عمك ذا رد عليتس ..؟!

زفرت بكل ضيق:من أمس و هو مقفل جواله مدري وش بلاه ..!!

ارتسمت على وجهها ابتسامة خبث:الغايب عذره معه و أنا امتس ..

سكري ذا اللي ما ينتسمى و اطلعي للناس .. العزاء لـ أمتس ما يصير تقعدين هنا طول الوقت ..

ارتسمت فـ عيونه نظرة حزن:إن شاء الله ..

.._.._.._.._.._..

مع أنه كان تعبان و حس بالنوم بطرف رموشة .. لكن عقب النقاش الحاد اللي صار بينه و بين ليان .. حس بالهواجس تطير النوم من عينه ..

انقلب راكان على جنبه اليمين لعل و عسى يتشتت تفكيره ..

"طول الاسبوع الماضي أسلوبها يكون حاد معي بس ما وصلت أنها ترفع صوتها علي ..

تنهد بكل ضيق .."شكلي استفزيتها ..! .. بس أنا ما قلت لها شيء .. هي اللي شبت فيني ..

جلس .."أكيد فيه شيء صاير لأهلها .. لأنها من أول ما وصلنا و هي تقلب فـ هالجوال ..!! ..

نفض رأسه بكل ضيق .."حتى لو كانت متضايقة مني أنا المفروض ما اعاملها كذا .. مهما كان هي زوجتي و باقي حياتي بكمله معها ..

نزل رجوله ع الأرض .."منت بـ خسران شيء يا راكان لو رحت و شفت وش اللي بخاطرها ..

وقف و خذا نفس عميق .. و مشى لعند الباب و هو يفكر كيف راح يبداء كلامه معها ..

جلستها فـ الصالة لحالها طول هالوقت .. خلتها تعيد و تزيد في اللي صار اليوم و كل الأسبوع اللي مضى ..

إحساس كبير بالذنب يتملكها .. و إحساس أكبر بالضعف بسبب مكانها الحين ..

"مهما صار بيني و بين راكان .. أنا الحين فـ غربة و المفروض أهدي الوضع بيننا ..

حتى أتطمن على نفسي ع الأقل ..!" ..

انفضت رأسها .."ليان وش هالأفكار الجنونية .. راكان الحين زوجي سواء كنا بسفر أو غيره بكل الأحوال احترامه واجب علي ..

شدت شعر رأسها و هي ترجعه لوراء .."أروح أعتذر بس أخاف يشوف نفسه ..

لااا راكان موب كذا بس طول الوقت كان يستفزني لا أكثر و لا أقل ..

قدمت جسمها لطرف الكنبة .. و رتبت خصل شعرها .."يا رب ..

قطع تفكيرها صوت الباب .. و هو ينفتح ..

لفت عليه بلقائية ..

التقت عيونه بعيونها .. رجعت تلف و الإحراج متملكها ..

سكر الباب وراه و مشى بخطوات هادية لـ ناحيتها ..

حست بدقات قلبها تحسب الوقت معها .. للحظة بس دبّ الخوف فيها ..

قرب و جلس قريب منها .. و زادت حيرته فـ بداية الحوار كيف ممكن يكون معها ..!

خذت نفس عميق و استجمعت قوتها حاولت تتكلم بصوت قوي ..

لكنه ما قدرت غير أنها تنطق بهمس:من ثواني بس كنت بجي عندك ..

لف عليها مستغرب كلامها ..!

نزلت عيونها للأرض .. :كنت متوترة و خايفة .. حاسة بـ شيء صاير لأهلي ..-رجعت ترفع عيونها بتردد:أول ما كلمتني طلعت كل توتري و خوفي فيك ..

تردد وش ممكن يرد عليها به ..

همست:آسفه ..

حس بالموازين اللي كان حاطها بمخها تنقلب .. و الكرة الحين فـ ملعبة ..

لكن أبدا موب قادر يتصرف ..

ليان بكل إصرار بعد سكوته اللي ما بين الرضا من عدمه:صدقني ما كنت متعمدة أعلي صوتي و ..

قاطعها:أنا بعد كنت على نار ..-سكت لثواني و رجع يكمل:موب من عادتي أكون عصبي .. لكن هالأيام مدري وش اللي جاني ..

تمنت أنه لو ظل ساكت ..! .. من بدا يتكلم بجدية و هي تحس برجفة تسري بجسمها ..

مو قادرة تفسرها .. أو تعرف سببها .. بس فـ اللحظة حست بدموعها تخونها ..

وتلمع فـ عيونها ..

رفع عيونه بـ عيونها .. استغرب سكوتها .. حس برجفتها و لمح الدموع بطرف عينها ..

همس بخوف:ليان وش فيك ..؟!

هزت رأسها بالنفي و عجزت تنطق ..

قرب منها أكثر .. حس بسكوتها يرهبه أكثر ..

خوف لمدة أسبوع من هالزواج و عواقبه .. و قلق على أهلها اللي بين يوم و ليلة قطعوا اتصالاتهم معها ..

توتر و رهبة من اللي قاعد يصير بينها و بين راكان ..

حست بكل الهموم تتراكم عليها .. و حست بالانهيار يقرب منها أكثر و أكثر ..

رفع يده على كتفها و هو يحس بالتوهان فـ عيونها ..:ليان وش فيك ..؟!

دفنت وجهها بين كفوف يدها .. و طلعت كل اللي كان بداخلها من دون ما تحط لوجود راكان أي اعتبار ..

ثواني حاولت تمسك نفسها بها لكن ما حست بغير صوت شهقاتها يتعالي حتى يوصل مسامعها ..

ارتبك و حس بـ تفكيره ينشل ..

و من دون أي تفكير .. حوط كتوفها بذراعه و ضمها لصدرها ..

زاد خوفها و زادت رهبتها ..

رفع يده و مسح على رأسها محاولة ثانية حتى يهديها أكثر ..

حست بقلة الحيلة .. و هدت نبرة صوتها لكن ما قدرت تحط لانهيارها حد ...!

.._.._.._.._.._..

رمت بثقلها على السرير:شكلك قايمة من زمان ..

غزل جالسة على كرسي التسريحة .. تضبط شعرها:ايه .. من الصبح بس استحيت أطلع ..

أروى و عيونها تلف بالمكان:بيت خالك وش اللي يخليك تستحين ..؟!

غزل:مدري خفت وبس ..

وقفت و قرب منها و بنظرة كلها خبث:غزول صار شيء بينك و بين تركي ..

ناظرتها بكل ضيق:ووووجع .. عيب عليك و بعدين تطمني ما صار شيء أصلا أخوك أمس نام برا ..

أروى بكل صدمة:براا ..!!

غزل و بعيونها نظرة توهان:ايه ..

أروى و هي تجلس على طرف التسريح:لا يكون تهاوشتوا ..؟!

لفت عليها:سلامات .. هو قال بطلع عشان تغيرين ملابسك براحتك .. قمت و قفلت الباب .. غيرت و رجعت افتح القفل انتظرت نص ساعة ساعة .. ما رجع نمت ..

و اليوم صحيت و ما لقيته .. أول ما طلعت من الحمام .. دخل الغرفة ..

شكله نايم بثوبه ..!

أروى:عاد غريبة تدري تركي ما ينوم على فـ سريرة حتى فـ الكشتات ما ينوم برا يرجع للبيت ..

تعمقت نظرة الحيرة بعيون غزل ..

أروى و هي ترجع تبتسم:تلقينه كان شايل همّ و تعبان و لما طلع للصالة ما حس بنفسه .. تصدقين مرة سمعت إن الرجاجيل بعد يخافون من الزواج ..

ارتسمت على وجهها ابتسامة استهزاء:صدق ..!

أروى وهو مو مقتنعة أساسا:ايه والله .. بس رحمة من ربي ما مرت أمي عليكم و إلا كان فضحت تركي فـ المملكة كلها ..

غزل:الله خالتي تخوف ..!

أروى:موب على كذا بس تعرفين أمي تفكيرها قديم و أكيد بتقول فشّلة و عيب و بتشك إن بينكم مشاكل و كذا .. تفكير العجايز ..

غزل و هي توقف:حرام عليك خالتي توها شبـ ..-حست بدوخة .. رفعت يدها على جبينها حتى تضبط توازنها ..

أروى بكل خوف:غزل وش فيك ..؟!

ابتسمت و هي تحاول تركز فـ أروى:ما كليت من أمس أكيد جوعانة ..!!

أروى بكل لوم:أخوي اللي ما يعرف الذوق وش أسوي فيه قبله=دايم" مفشلني ..!

ابتسمت و هي تبعد عن أروى لجهة الدولاب:أكيد فيه شيء لا تلومينه ..!

أروى:بدينا نغطي على حبيب القلب ..

"حبيب القلب" .. كلمة خذتها لبعيييييد" .. نفضت رأسها و هي تفتح دولابها ..:متى بيجون خالاتك ..!!

أروى:مدري .. كأني سمعت أنهم بيجون المغرب ..

غزل:اها زين .. –لفت عليها:جنو بتحضر العزيمة ..

تنهدت بكل ضيق و تلاشت ابتسامتها:ما ظنتي .. لو تروحين تشوفين و الله حالها يصعب ع الكافر ..

تنهدت:أنا قلته .. الموضوع أبدا موب سهل ..

أروى:حاولت أخفف عنها و أقنعها بس ما قدرت ..

رجعت تسكر الدولاب:امشي نروح لها و نقنعها تنزل وقت العزيمة أكيد بتنسى ..

أروى بكل حماس:قدامي يمكن الله يفرج عليها على يدك ..

.._.._.._.._.._..

نزلت كوب الكافي من يدها ..

من صحت و هي حاسة إنها تعبانة و مالها خلق لأي شيء .. مع إنها نامت لحد المغربية ..

لكن تحس بتعب التفكير يهد حيلها أكثر و أكثر ..

رفعت الجوال .. علقت عيونها على الشاشة بيأس .."ما دق سلطان اليوم .. أكيد مشغول مع أخوه ..!! .. بس موب من عوايده ينساني ..! " ..

نثرت شعرها يمين و يسار محاولة يأسه تطلع سلطان من رأسها ..

"وش فيك يا لمى أنا قررت خلاص برفضه و اللي يصير يصير ..! .. ما أمدا نسيت كلامي مع جنى ..!" ..

قطع تفكيرها دخلت أخوها عبد العزيز عليها:لمى .. لمى الحقي ..

لفت عليه و بكل خوف:خير ياسر صار له شيء ..

عبد العزيز:لا موب ياسر .. نوف العربجية .. طاحت عليهم الفجر و ودوها المستشفى .. أسماء و أميرة بيروحون لها يزورونها ..

وقفت و بكل صدمة:مستشفى ..!!!

تحس بوجودهم .. لأنها ما تعمقت فـ النوم .. و المهدئ يريح أعصابها لا أكثر و لا أقل ..

حاولت نوف تكتم أنفاسها .. لحد هاللحظة تتهرب من المواجهة ..

رفعت نهي عيونها من على أختها .. شدت على النقاب و هي تحس بعيونها راح تحرق مشاري من نظرة الكره اللي سيطرت عليها ..

ناصر بنبرة أقرب للترجي:أنا أقول نأجل موضوع السفر لوقت ثاني نوف توها صغيرة و الزواج بيتم بإذن الله ..

أبو مشاري بكل ضيق:يعني يهون عليك حلفي ينكسر ..!!!

ناصر:لا والله بس هذا أنت شايف بعيونك البنت مو مستعدة و أنتوا ..

قاطعه:أختك عنيدة و رأسها يابس لو عطيناها فرصة يمكن تخربها و تسوي شيء تفضحنا به .. الزواج لها ستر ..

نطقت بعد صمتها الطويل بكل عصبية:نوف متهورة و متسرعة لكن بحدود موب هي اللي توطي رأسه أهلها بالأرض ..

أبو مشاري:الله يهديك يا أبوك أنا ما قصدت شيء .. بس خير البر عجلة ..

نهى بكل إصرار:و كل تأخيرة فيها خيره ..

أبو مشاري:بس هذا ما ينقال للزواج ..

نهى:للبنات الصغار اللي بعمر نوف ينقال ..

لف على أخته و الإحراج يتملكه:نهى ..!!!!

لفت عليه و عطته من نظرتها الحادة اللي صار لها ساعة توجهها لعمها ..

لجمته نظرتها و سكت ..

تكلم أخيرا .. مشاري:خلاص يبه إنا متفقين الزواج بعد سنتين .. أهم شيء صحة نوف ..

وقف بكل ضيق:شباب ما وراكم غير الطيش ..-خلص كلمته و انسحب ..

وقف مشاري و بنبرة كلها أمل:إن شاء الله إني أقدر أقنع ابوي أنها تقعد.. أنا مثلكم اهم شيء عندي صحتها .. – خذا نفس يريح أعصابه المتوترة:عن أذنكم ..

أول ما سمع تسكيرت الباب .. لف على نهى و بكل لوم:ارتحتي فشلتينا عند الولد ..!

رفعت النقاب:وش أسوي فـ عمك إذا موب راضي يفهم ..

ناصر:اقعدي تلاسني معه و سوي لنا مشاكل ..! .. مثل أخـ ..-قطع كلامه طق الباب ..

رجعت تنزل نقابها على وجهها ..

دخلوا و همسوا:السلام عليكم ..

وطى رأسه و طلع لـ برا ..

نزلت أميرة الغطاء من على وجهها:نهوووي ..!

ابتسمت بكل تعب و هي تشوف .. أميرة و أسماء و لمى يقربون و هم ينزلون نقاباتهم ..

..:أهلين حيا الله من جانا ..

قربت أسماء بكل خوف:يا ويل قلبي وش صاير لها ..؟!

نهى:تدلع شوي ما فيها شيء ..؟!

لمى بكل خوف:وش فيها نايمة و شكلها تعبانة ..

ما قدرت تخفي تنهيدتها:انهارت علينا و جبناها هنا ..

أميرة بكل لوم:و ليش ما صحيتينا ..!

نهى:وين أصحيك وقتها كانت الساعة أربع الفجر و الحمد لله إنهيار و إن شاء الله انه ما فيه ضرر ..

لمى .. و بعيونة نظرة صدمة:انهيار ..

أسماء بكل لوم:و الله إن قايلته لهم بس محد صدقني ..

أميرة:لازم نكلم أبوي اخاف يصير شيء بـ نوف ما يسوى علينا هالزواج ..!!

نهى:ما يحتاج قبل شوي مشاري كان هنا و قال لنا أنه بيحاول خلوه يجرب لحاله يمكن يقتنع عمي ..

تنهدت بكل ضيق:الله يهدي عمي بس ..

أسماء:المهم الحين أخبار نوف و عسى وضعها يطمن ..

نهى:صحت العصر و رجعت تنهار .. عطاها الدكتور مهدئ و قال إذا انهارت من جديد مضطر يمدد مدت تنويمها فـ المستشفى ..

أميرة:و كم بتجلس هنا ..؟!

نهى:قال أسبوعين بس احتمال تتطول ..

.._.._.._.._.._..

23-02-11, 10:03 PM

المشاركة رقم: 178

المعلومات
الكاتب:	ROoOnQ
اللقب:

البيانات
التسجيل:	Apr 2009
العضوية:	144104
المشاركات:	126
الجنس	أنثى
معدل التقييم:
نقاط التقييم:	13

االدولة

مدونتي

الإتصالات
الحالة:
وسائل الإتصال:

كاتب الموضوع : ROoOnQ المنتدى : القصص المكتمله

همست ندى لـ أروى:الحين هاذي غزل اللي مزعجتنا بها ..!

أروى بكل فخر:ايه ؟؟ بسم الله عليها تهبل ..

ندى بكل غيض:عادية موب على وصفك ..

ناظرتها بنص عين:أنتي أصلا العجب ما يعجبك ..

ندى:هي حلوة بس ما تجي عند أختي ..

لفت عليها و بكل هجومية:الله مر ع السالفة ثلاث سنين و للحين ما نسيتي ..!

ندى:والله تركي و هيون يناسبون بعض ..

أروى بكل عصبية:هيي أنتي أختك جاها نصيبها و عنده بزر عمره سنة و نص عيب عليك تتكلمين أصلا ..

ناظرته بنص عين:أعصابك ياللي ينقط منك الأدب ..

رفعت حاجب:ندوي تراك فـ بيتنا ..؟!

ناظرتها بطرف عيونها:بتطرديني يعني ..؟!

سكت و هي ترجع تلف على الحضور ..

تلفتت ندى يمين و يسار:إلا عمتك جنى وينها موب هي عندكم ..؟!

أروى:طلعت راحت لبيت عمي أبو بدر ..

ندى بكل غيض:موب عيب عليها ..

قاطعتها:تراك مصختيها العزيمة لـ خالاتي وش دخل عمتي تحضر ..-وقفت:الشرهة علي جالسة جنبك ..-مشت بعيد عنها ..

وقفت ولحقتها:أروووووووووووى ..

.._.._.._.._.._..

واقف وراء القزاز .. يراقب أبوه المتممد على السرير الأبيض .. و الأسلاك متصلة فـ جسمة من كل جهة ..

حس برجفة بداخله .. شيء يزلزل فيه .. من وعى ع الدنيا و أبوه أقوى من الريح نفسها ..

حس مياف بشيء ينكسر فيه .."الإنسان مهما قوى ضعيف .." ..

و ما قدر يحتل تفكيره غير غزل .."أكيد الظروف كانت أقوى منها" ..

قطع تفكيره و هو ينزل يده على كتفه:مياف وش فيك .. أذكر ربك ..

لف على .. ولد عمه و صديق عمره ..:متى بيصحى ..

تنهد عبد الملك بكل ضيق:الله وحدة العالم هاذي غيبوبة محد يقدر يحدد مصير اللي يدخلها حتى لو كان سليم ..!

مياف و هو يحس بالكلمات تغص بحلقه:يعني .. ممكن .. يموت ..!

عبد الملك:تفاءلوا بالخير تجدوه .. ربك على كل شيء قدير ..

نزل رأسه:أمي و أخواني جو يزورونه ..

عبد الملك:أخوانك كلهم حتى وسن .. بس أمك ..

ارتسمت على وجهه ابتسامة استهزاء:أكيد ما راح تجي ..

عبد الملك:مياف شكلك تعبان خلنا نجلس و نتكلم ..

بلع ريقه و هو يرفع عيونه:تدري إني رحت للبيت و طردتني ..

عبد الملك بكل صدمة:متى رحت ..؟!

رمى بثقل جسمه ع الجدار:من فترة مو بعيدة ..

مد يده له .. :امش معي لمكتبي تمدد و ارتاح .. شكلك ما نمت من يومين ..

تنهد بكل ضيق ..:من أسبوعين و أنت الصادق .!

عبدالملك بكل صدمة:أسبوعين ..!

.._.._.._.._.._..

فتحت عيونها بكل كسل .. بعد ما نامت بكل عمق و راحة ..

جلست بكل هدوء ..

لفت عليه .. جالس يتفرج على التلفزيون و للتعب واضح بـ وجهه ..

البتول بصوت مبحوح من النوم:Good morning..

ابتسم له:صباح النور ..

البتول و هي تبتسم:من اليوم و رايح كلامنا بالانجليش عشان أصير خبرة ..

مبارك بكل خوف:ليش ما رحتي لكورس الانجليش اللي قلت لك عليه ..!!

البتول و هي تبعد المفرش:Of course I went, but it must be permanent training

*طبعا ذهبت لكن لابد من التدريب الدائم* ..

ابتسم:طيب .. غسلي وجهك و خليني ننزل لمطعم تحت ..

البتول:أي مطعم ..!! .. أنا أبي أطلع أتمشى ..!

مبارك:الساعة ثنتين الفجر وين تطلعين ..؟!

البتول و هي تسحب الفوطة:مو هم يقولون عن نيويورك المدينة التي لا تنام .. يعني أقدر أطلع بأي وقت ..!

مبارك:بس أنا تعبان و خطر عليك تطلعين لحالك ..؟!

البتول:لا تخاف لبسي و ستايلي ما يبين إني عربية و غير كذا بأخذ تاكسي خاص و ما راح أروح لأماكن مزحومة ..

ناظرها بكل استسلامية:أووك بدق على سواقي الخاص على بال ما تجهزين و تشربين قهوتك يكون موجود ..

و هي تدخل الحمام:اووووووك ..

ارتسمت نظرة خبث بعيونه ..

سحب الجوال و دق عليه من غير تردد ..

Mubarak: hello James ..

*مبارك:مرحبا جيمس ..

James: hello Mr Mubarak .. How are you.?!

*جيمس:مرحبا مستر مبارك .. كيف حالك .؟!

Okay .. Are you busy ..?!

*مبارك:بخير .. هل أنت مشغول ..؟!

* James: I am a little fun if you need me I'm ready at anytime ..

*جيمس:انا أمرح فقط إذا كنت تحتاجني أنا جاهز في أي وقت ..

* Mubarak: the target is ready to get out ..

*مبارك:الهدف مستعد للخروج ..

* James: Do you want me now completed the task ..؟

*جميس:هل تريدني أن أنجز المهمة الأن ..؟

Mubarak: It is still early .. But I want you to be a driver to prepare a specialtask ..

*مبارك:ما زال الوقت مبكرا .. لكن أريدك أن تكون سائقا خاص لها لتمهد المهمة ..

* James: uh .. Well minutes and I'll be ready ..

*جيمس:أه .. حسنا دقائق و سأكون جاهز ..

* Mubarak: preen well so no doubt things .. I want to trustyour ..

*مبارك:تأنق جيدا حتى لا تشك في أمرك .. أريدها أن تثق بك ..

James: Well .. I give everything to make it good, but trustme .. And that I rely on some friends and you know .. To be money ..!!

جيمس:حسنا .. بإمكاني تولي كل شيء بشكل جيدا .. لكن لجعلها تثق بي .. و علي أن أستعين بعض الأصدقاء و أنت تعلم .. لابد من المال ..!!

* Mubarak: I have no problem in terms of money .. But donot be greedy ..

*مبارك:ليس لدي أي مشكلة من ناحية المال .. لكن لا تكن جشعا ..

* James: Do not be afraid .. You are a friend before youare a customer ..

*جيمس:لا تخف .. أنت صديق قبل أن تكون زبون ..

* Mubarak: Well .. You know the hotel. Ten minutes is exactly the P-receiver .. And you know the format well ..

*مبارك:حسنا .. أنت تعرف الفندق . عشر دقائق بالضبط تكون موجود فـ الاستقبال .. و أنت تعرف شكلها جيدا ..

* James: Well .. Will not be late bye ..

*جيمس:أجل أجل .. لن أتأخر وداعا ..

نزل مبارك السماعة و هو يراقب البتول تطلع من الحمام ..

البتول بكل استغراب:كان عندك مكالمة مهمة ..؟!

مبارك:خلاص خلصت منها ..

رمت جسمها على الكنبة:العادة صوتك يوصل لآخر الدنيا ..

ابتسم و هو يجلس:هاذي أمريكا يا حياتي و بعدين فيها إزعاج و شرطة ..

ارتسمت على وجهها ابتسامة استهزاء:قايمة .. أغير ملابسي ..

راقبها و هي تبعد:دقيت على السواق الخاص خمس دقايق بالكثير و يوصل .. لا تتأخرين حياتي ..

علت صوتها من بعيد:إن شاء الله يا عمري ..

.._.._.._.._.._..

أكثر من ساعتين جالسة فـ السيارة قدام بيت أخوها أبو بدر ..

أو خالها أبو بدر ..

التفت زهيد على جنى:ايش مشكل ماما أنت يطول ما في ينزل ..!!

جنى:مدري يمكن يرجع البيت أبو تركي ..

زفر بكل ضيق:ماما يا الله استعجل أنا لازم يروح للمطعم عشان يوصل العشاء للبيت .. و إلا مدام راح يعصب واجد من أنا ..!

جنى:لا خلاص أنا ينزل .. – فتحت الباب و نزلت أخيرا ..

داخل بيت أبو بدر .. قبلها بـ عشر دقايق تقريبا ..

ريان بكل ضيق:بس حتى ولو فيه أحد يجي يخطب يوم جمعة و الظهر بعد ..!!

أبو بدر:الرجال جاي من الشرقية و غير كذا هو تعذر لأنه ما عنده رقم بيتنا ..

أم بدر:هم وشلون دروا عن بنتنا ..؟!

أبو بدر:يقولون سمعوا بها .. عاد المهم الحين نسأل عنه و نشوف ..

لف ريان على بدر:وش رايك فيه ..؟!

ناظر فـ ريتاج بكل حدة:نسأل و نشوف ..

تنقلت عيونه بين أخته و أخوه .. و الاستغراب يسيطر عليه من وضعهم ..

فرحتها باللي قاعد يصير ما تنوصف .. فيصل وصل لعند باب بيتهم ..

عشان بس يخطبها ..."ياليتني صدقته من البداية .." ..

وقف أبو بدر:نص ساعة و بيصلون ضيوفي ..-نزل عيونه على أم بدر:أول ما توصل دخليها عندي طيب ..

أم بدر:إن شاء الله ..

لفت على أمها و همست لها:يمة من هي ..؟!

أم بدر:بلا لقافة ...

ريان بعد ما تطمن إن أبوه دخل لـ مكتبه:أبووي ينتظر وحدة ..؟!

أم بدر:فـ بيته و بين عياله .. وشو بعد بتشككون فـ أبوكم ..

ريتاج:وش نشكك .. نبي نعرف من هي ..؟!

أم بدر:عشر دقايق و تعرفون من هي ..-رن الجرس يقطع حوارهم الحماسي بالنسبة لـ ريان و ريتاج ..

فتحت الخادمة الباب ..

دخلت و للحظة حست بالصدمة و هي تشوفهم متجمعين ..

عرفها من عيونها ... شلون ما يعرفها و هي بالنسبة له الماضي و الحاضر ..

بس هالمرة ما شاف فـ عيونها القوة و العناد اللي ما يغيبون عنها ..

لمحة نظرة حزن اختلطت بالانكسار ..

وقف بدر و سحب نفسه بسبب وجود جني ..

يدري أنها ما يصير محرم لها .. و هالشيء يسعده أكثر من أنه يضايقه ..

للحظة تاهت عن عيونها .. بس رجعت تبتسم ريتاج و بكل ثقة:حياك جنى ..

لمحة طيفه يختفي بنهاية الدرج .. نزلت نقابها و دخلت .. همست:السلام عليكم ..

وقفت أم بدر و بكل حماس:حيا الله جنى .. هلا و الله و غلا ..

اغتصبت الابتسامة من شفايفها .. بعد كل اللي صار لها هم أهلها ما لهم أي ذنب ..

للحظة كان منصدم بوجودها .. توقع أقل شيء أسبوع ما يسمع صوتها أو يشوفها ..

بس رجع يبتسم بكل راحة بعد ما صارت بينهم ..ريان بكل حماس:نور البيت و الله ..

جنى و هي تجلس:بوجودكم ..

ريتاج تحاول تنسى جنى كل اللي صار:هااه أكيد اشتقتي لبيتنا .. ما تقدرين تعيشين فـ غيره ..

جنى بنبرة حزن ما قدرت تخفيها:ايه أكيد .. الله يعلم إني ما ارتحت من طلعت من هنا ..

أم بدر بكل تردد:البيت بيتك حياك بأي وقت ..

جنى بتردد أكبر:أبي أنوم الليلة هنا في ..-حست بالكلام يغص فـ حلقها .. كملت بمرارة: في غرفة أمي ..

أم بدر:حياك الله بأي وقت ..

ريتاج بنفس الحماس:صدق .. و نااسة خلنا نسهر مع بعض اليوم ..!

جنى:ما ظنتي بسهر معك .. أنا من أمس ما نمت ..

ريان بكل اندفاع:الله من أمس وش دعـ..-رجع يسكت و هو يتذكر موضوعها اللي ما عرفت به إلا أمس ..

أم بدر تغير الموضوع:يوم سعد يوم تكونين هنا .. بعد اليوم يوم حلو اليوم جونا ناس يخطبون ريتاج ...

انحرجت ..:يمة لا تستانسين واجد أنا توني بدري علي .. و بعدين هالمعرس جاي من الشرقية تبيني أبعد عنكم ..!

ريان:أشوف اللسان طلع يوم راح أبوي ..

جنى:إلا أبو بدر وينه ..؟!

ريتاج:فـ مكتبة ..يقول ينتظر ضيوف ..؟!

جنى بخيبة أمل:يعني ما أقدر أكلمه ..

همست لها ريتاج:يقول ينتظر وحدة .. تخيلي ..!

أم بدر و هي تناظر بنتها بلوم:ما عليك تقدرين تدخلين له ..

وقفت جنى:عن أذنكم عندي موضوع مهم مع أبو بدر ..

ريان:خذي راحتك ..

سحبت نفسها من بينهم و توجهت لمكتب أخوها .. و الأصح خالها ..

وقفت ريتاج ..

أم بدر:على وين .؟!

ابتسمت:طالعة لـ غرفتي متى ما حطيتوا عشاكم نادوني ..

ريان بكل استهزاء:إن شاء الله عمتي ..

ناظرته بطرف عينه و كملت طريقها لفوق ..

.._.._.._.._.._..

عدلت الجازي الطرحة على رأسها ..

نوف بكل ضيق ..:يمة وين رايحة بهالوقت ..؟!

الجازي و عيونها على المرايا:اللي يسمعك يقول الساعة وحدة أو ثنتين .. تونا حتى ثمان ما جت ..!!

نوف:ايه عاد أنتي موب من عوايدك تطلعين بعد المغرب ..!

الجازي:و اليوم بتصير عادتي .. عندك أي إعتراض ..؟!

ناظرتها بكل لوم:طبعا لاء ..

زفرت بكل ضيق:عادل موجود هااه ..؟!

نوف:ايه هو خلقة حابس نفسه بس هالأسبوع ما يطلع من غرفته أبد ..

الجازي:الله يستر لا يكون رجعت لك ذيك العادة ..!

نوف:لاء .. مقابل الاب توب 24 ساعة مدري وش عنده ..

الجازي:زين أهم شيء ما تكونين لحالك ..

نوف:طيب مطوله ..؟!

الجازي:مدري على حسب ..!!

ناظرتها بكل يأس:طيب لا تتأخرين ..

رفعت شنطتها:يا الله السلام عليكم ..

راقبتها لحد ما طلعت و هي تهمس:و عليكم السلام ..

طلعت ركض لغرفة أخوها .. طقت الباب و دخلت ..

ما اهتم لها .. عارف أخته و حركاتها و ظل مركز فـ الشاشة ..

جلست جنبه ع السرير:عدول وش تسوي .. ما قضيت من ذا الموقع ..؟!

عادل بكل تركيز:لااء توني فـ البداية ..

نوف بكل فضول:إلا وش قررت يكون عنه ..؟!

عادل:مقرر من زمان ..

ناظرته بطرف عينها:ايه يعني وشو ..

عادل:موقع ديني يكون كله أذكار و تذكير ..

نوف:من الحين أقولك بيفشل ..

ناظرها بكل لوم:تحسبين كل الناس مثلك ..

نوف:تراه بيكون أثم عليك من الحين أقول لك ..

عادل بكل صدمة:ليش وش سويت ..

نوف:ناظر نفسك ما عندك لحية و لبسك كله سبورت ..

عادل:ليش من حرم اللبس السبورت ..!!!! .. و بعدين .. الحية سنة موب شيء واجب ..

نوف:يعني شكلك ما بين أنك متدين ..

عادل:هذا اللي يصعب الأمور ع الناس ..!! .. يحسبون الايمان بالمظهر يكتمل .. مو شرط ما البس اللي ابيه و يعجبني دامه ما يخلف الشرع ..

نوف حست أنها بتدخل دوامه مو رايقة لها:طيب وش الطاري عليك تفتح موقع ديني ..

سكت لثواني و هو يسترجع ذكرياته معها .. تنهد:صدقة جارية لـ صديق لي متوفي ..

نوف:صديق ..!!! .. ما قد سمعتك تتكلم عن صديق لك ميت ..

عادل بكل عصبية:لأني ما أحب أتكلم عنه .. و ممكن الحين تهويني ..

وقفت و بكل غرور:الشرهة علي جاية أشوفك ...!! – وجهت له نظرة استصغار و طلعت ..

.._.._.._.._.._..

انقلبت على يسارها .. هذا حالها من ساعة تتقلب يمين و يسار ..

النوم صار له أسبوع مجافيها ..

للحين مو مصدقة كلام خالتها و مُصرة تقابلها لعل و عسى يتغير كلامها ..

ويكون مجرد كذبة ..

رفعت جوري رأسها .. سحبت جوالها يمكن دق أحد ..!!

رغم أنها المرة العشرين اللي تشيك عليه .. لأنها ما بيدها شيء تسويه و هي دافنة جسمها بين أحضان السرير ..

لفت على نواف اللي معطيها ظهره .."يا حظك نايم" ..

هذا اللي كانت شايفته جوري ..

لكن الحقيقة نواف صاحي و حاس بكل حركة تسويها جوري ..

مركزة معها لأنه مثلها قلقان و شايل هم .. خذا نفس عميق يريح فكره المتعب ..

لكن رن الجرس .. حتى يزيد همه همين .. على طول وقف و طلع لبرا الغرفة ..

استغربت جوري ردة فعله السريعة .."أكيد صاحي" ..

زفر بكل ضيق و هو يسمع صوت الجرس المعلق:جاااي .. جااااي ..

فتح الباب بكل كسل .."من بيجي هالحز" .. نزل عيونه ع الساعة .."أو ثمان بدري" ..

رجع يرفع عيونه .. و تفاجأ من وجودهم ..

سبقت دلال عمها بالدخول ..:سبرايس ..

أبو نواف و هو يدخل و يجر الشنط معه:السلام عليكم ..

تنح فـ مكانه لثواني يستوعب اللي قاعد يصير أكيد أنه حلم .. لأنه يفكر بهالموضوع كثير ..

دلال بكل خوف من ملامح وجه نواف المتجمدة:نواف حبيبي وش فيك ..؟!

يأس أبو نواف منه طلع و دخل آخر شنطة و سكر الباب ..

بكل عصبية:وش فيك تقول شايفلك جن ..؟!!!

استغربت من الأصوات اللي ملت المكان ..

تأكدت أنهم هم محد غيرهم .. ترددت كثير .. يس اكتشفت فـ الأخير أنها قدام واقع ما في مفر منه ..!

طلعت لهم جوري .. حاولت تنطق تسلم .. لكنها عجزت ..

لفت دلال عليها مستغربة حركتها ..

انصدمت و توقعت أنها تتخايل .. رفعت عيونها على عمها .. يمكن تشوف شيء ثاني ..

لكنها ما كانت تشوفي غير مرايا .. لملامحها المصدومة .. ارتسمت على وجهه عمها ..

.._.._.._.._.._..

دقيقتين من دخلت و سلمت على خالها أبو بدر ..

مو قادرة تنطق لأنها للحين عاجزة عن استيعاب الوضع ..

للحين مو مصدقة شلون الأقدار لعبت بها و خلت أخوها بيوم و ليلة يصير خالها ..

ما حب يتكلم لأنه عارف قدامه وقت كثير يحكي فيه لـ جنى و يبرر لها كل اللي صار ..

لكن هالوقت بقي عليه دقايق ..

انطق الباب .. دخلت أم بدر:ضيوفك وصلوا ..

ابتسم:خليها تدخل ..

فتحت الباب:حياك يا بنتي ..

بنتي .. ضيوفك .. كلمات رنة بأذن جنى ما فهمت منها شيء ..

لكن أول ما دخلت .. وقفت بتلقائية ..

همست و الصدمة تتعمق فـ ملامح وجهها:الجازي ..!!

.._.._.._..

نهآآآآآآآآآآآآآآية الجزء ..

24-02-11, 01:18 AM

المشاركة رقم: 179

المعلومات
الكاتب:	أحاااسيس مجنووونة
اللقب:	عضو راقي

البيانات
التسجيل:	Jul 2010
العضوية:	178146
المشاركات:	2,653
الجنس	أنثى
معدل التقييم:
نقاط التقييم:	531

االدولة

مدونتي

الإتصالات
الحالة:
وسائل الإتصال:

كاتب الموضوع : ROoOnQ المنتدى : القصص المكتمله

الله يا عمري انت يا رونق فديتك والله جزء رااااااااااااااائع جدا جدا ومليئ لدرجة الاشباع

مثل ما توقعت من اول ان جنى اختها الجوري بس شو طبيعة العلاقة بين جنى والجازي هل هي اختهم بعد

نوف المسكينة انهيار مرة وحدة اتوقع يرجع لها عقلها بس بعدين مو الحين وتحب مشاري

لمى اتوقع انها بترفض سلطان وتتزوج ناصر شكله يبيها

غزل وتركي مو قادرة احدد تصرفاتهم للحين الله يستر

مبارك شو ناوي يسوي بالبتول والله تستاهل شو ما صار لها

الله يستر من دلال وعها شو موقف نواف الين كيف بيتصرف هو والجوري الله يستر بس وما يطلبو منه انه يطلقها

جزء رائع غاليتي ولكن نريد المزيد والمزيد

بانتظارك بكل شوق لا تطيلي المغيب

24-02-11, 07:00 AM

المشاركة رقم: 180

المعلومات
الكاتب:	الحايرهـ
اللقب:

البيانات
التسجيل:	Feb 2011
العضوية:	216987
المشاركات:	1
الجنس	أنثى
معدل التقييم:
نقاط التقييم:	10

االدولة

مدونتي

الإتصالات
الحالة:
وسائل الإتصال:

كاتب الموضوع : ROoOnQ المنتدى : القصص المكتمله

وااااااااااااااو بااارت قمه يالغلا..
اتوقع ان اللي جيت دلال وابو نواف خيرة
للجوري ونواف <بس الله يستر من ردة فعلهم..

آآآآآآخ منه تركي يقهرني مرات ويعجبني مرات ..
بإنتظار البارت ..
حيورهـ..