كاتب الموضوع :
توري
المنتدى :
قهوة ليلاس
اقتباس :-
المشاركة الأصلية كتبت بواسطة توري  |
صباحكم / مسائكم مذاكرة
أخبـــاركم ؟؟!!
شفت فكرة اعجبتني و حبيت انقلها لكم
نبدأ بسم الله ::
بسم الله الرحمن الرحيم
السلام عليكم ورحمة الله وبركاته
أعزائي ركاب سفينة ((توري))الرجاء الالتزام والجلوس في مقاعدكم والاستماع جيدا
للابحار في بحر ذكريات (( صبوحه ))
- إيش كآن فصلك في أول إبتدآئي .. ؟ يعني ( أ , ب , ج ) ..
حنا بالكويت عندنا (1,2,3,---),,أنا كنت (4/1)
- أول مدرس/ه جآكم بالفصل ( بأول إبتدائي ) .؟على الأقل الإسم الأول ..
أبلة الرياضيات (( أبلة نهى )) ويا محاسن الصدف كانت هي وكيلة المدرسة اللي تدربت فيها بالميداني
- أول مشكله أو مشآده حصلت بينك و بين أحد التلآميذ .. ؟
بالروضة لاني كنت شرانية بس بالابتدائي حليلي صرت مسالمة ,,كانوا يوزعون علينا الفطور وكان وياه
أما تفاحة أو موزة وكان في صبي يبي يأخذ موزتي الأخ مو عاجبته التفاحة عاد أنا ما سكتله عطيته من الزين
عضه على كم كف وبالأخير أخذت تفاحته وقطيتها بالزبالة (( تكرمون ))وأنا أخذت موزتي وقعدت أكلها بكل هدوء
- من كآن يلبسك ( ثوبك / مريولك ) بالإبتدائي .. ؟
أنا كنت ألبس لأني أحب أعتمد على نفسي يعنني كبيرة بس طبعا لازم من لمسات ((ماما ))الله يخليها لي
- كم قلم ضيعت بأول إبتدآئي و هل كآن ( أبوك / أمك ) تهآوشك عليه..؟
ما كنت أضيع لاني حريصة وخاصة على الأقلام وراح تشوفون بنفسكم؟؟؟؟<<< فيس يحمسكم
بس كنت أعطي زميلاتي قالك كريمة <<< لا ((ما ما وبابا ))ما يهاوشون على قلم عاد؟؟؟؟
- هل بكيت بأول يوم درآسه .. أو خليت ( أبوك / أمك ) يدآوم معآك .. ؟
ما بكيت لأني متعودة على الروضة فالوضع عادي عندي <<((ماما)) جت معاي لأن كان
في اجتماع أولياء الأمور وبعدين راحت ما شفتها أصلا
- هل كنت تغآر من أحد التلآميذ .. مع ذكر السبب ؟
بالابتدائي بس ومو من شخص معين << يمكن أغار من وحدة الأبلة كرمتها
أو وحدة دفترها مرتب حيل والابلة مدحتها
<<< معني الحمد الله شاطرة ومرتبة حيل بس شتقولون غيرة بنات
- بالمتوسط .. هل حسيت إنك كبرت .. ؟
لا ااااااا <<< ما حسيت أني كبرت إلا لما دخلت الكلية عاد احترمت نفسي وعقلت عن الركض والتنطط
ووووع عليهم بنات المتوسط يعنني أنا كبيرة وتصير الوحدة كئيبة<< الحمد الله رفيجاتي نفس طقتي
- كيف كآن شكل كتبك الثآنوية .. ( مكتوب عليهآ شعر , مرسوم عليهآ , نظيفة ) .. ؟
لازم رسمة مني ,, شعر مناك ,, سوالف مع اللي جنبي ذاك الصوب <<< هذا طبعا بصفحات الأولى للكتاب
من ورى ومن قدام
بس الكتاب من داخل بس تخطيط <<< لأني ما أعرف أدرس إذا ما خططت
يعني نقدر نقول حالتها كسيفة
- هل خآلفت الأنظمه .. كم مره .. إذكر لنآ إحدى المخآلفات .. !
الحمد الله ما عمري خالفت الأنظمة ولا سولي استدعاء ولي أمر <<< محترمة نفسي كان فيني شطانه واجد بس باحترام
اللهم أيام الشتاء كنت ألبس دلاغات الأصابع الملونة وإذا كان في مطر دوروني ؟ تلقوني بالساحة رافعة ثوبي وراكض وتطلع الفضايح
<<< مو أقولكم ما عمري خالفت الانظمة << فيس يرمش ببرائه
- إذكر لنا بعض الألقاب التي أطلقت على المدرسين .. مع ذكر السبب .؟
بصف 11 ( ثالث ثانوي )
((قلم رصاص)) لأبلة الرياضيات << لأنها ضعيفة حيييييييييييييييييييييييييل وللحينها
((شعشبونه)) لأبلة الفيزياء كانت من احدى الدول العربية ومو متحجبة وعجوز يالله حسن الخاتمة والاخت تجي
فاكة الشعر الاشقر وحمرة حمراء من صباح ربي <<لا وعرفته من مصادر خاصة أنها متزوجة واحد صغير عمره 25
وضحك عليها وأخذ فلوسها <<< حوبتنا
وفي واجد لان مستحيل ننادي الابلة بسمها
- هل أخذت رئاسة فصل أو مسرحية أو إذاعة أو مآ شآبه
لا ما أحب أكون رئيسه لان البنات يحقدون علي ويصير بيني وبينهم حاجز << كل وحدة رئيسة نفسها هذا شعاري
- هل يوجد ألقاب أطلقت عليك .. ( إعترف ) .. ؟
(( البكايه )) أيام المتوسط كنت معجبة بمدرسة دين وكانت كل ما غابت هلت دموعي فالبنات اطلقوه علي
(( صاحبه الحنجرة الماسية )) من مدرسة دين لما درت أن صوتي حلو بالقرآن سجلتني غصب بالتلاوة
ولما أخذت المركز الأول على المحافظة والسابع على الكويت كرمتي بالطابور وما قالت أسمي نادتني بهاللقب
(( فيروز الصف)) هذا برابع ثانوي كانوا البنات كل ما زهقوا من الدروس قالوليلي غني صوتي حليو
ومره بحصة الرياضيات نطت وحدة قالت أبله زهنا خلى (---) تغنيلنا وما نها صرت ( فيروز الصف )
- أين كآن مقعدك في الصف الأول ثآنوي .. ؟
كنت ثالث وحدة من صوب الباب <<< ما أحب أقعد أول وحدة ما أخذ راحتي بالقرقه
- في أي سنه إلتقيت بأعز أصدقائك .. ؟
هم مو وحدة ثلاث ربي يخليهم لي
صديقتي (ش ) في ثالث متوسط <<وللحين الحمد الله
صديقتي (م) كانت وياي من أول ابتدائي لرابع ابتدائي بس ما صرت انا وياها ربع حيل إلا من ثالث ثانوي
صديقتي (ل ) هم كنت أعرفها من ثاني متوسط بس ما صرت ربع أنا وياها إلا من ثالث ثانوي
- مدرس تقول له ( شكرا من القلب و يعطيك العافية ) .. ؟
حق كل مدرسة علمتني لو حرف واحد <<< شكرا معلماتي
بس ممكن أشكر شكر خاص حق ((أبلة الدين )) اللي اكتشفت موهبتي وصوتي الماسي <<< بااااااااااااره العن أبو الثقه
- كم مره أخذت إنذار منع من دخول المدرسة إلا بولي أمر و مآ كآن السبب و كم مره أخذت تعهد و بين الأسباب .. ؟
الحمد الله ولا مرة
المرة الوحيدة اللي استدعوا ولي أمري بالروضة كنت ثانية روضة وكان عندنا حفل تخرج وطلبت الابلة أنا
نجيب 25 دينار (300ريال)عاد أنا قلت لامي أبي عشرينين وعشرة(500ريال) قالتي بس الابلة تبي عشرين وخمسة قلت لا مالي شغل فيها فقيرة أنا
أجيب بس عشرين واحد<<والصبح أمي تقعدني أروح الروضة عاد أما تميرضت وقلت مابي أروح وبس أمي مشت الدوام
أقوم وأفتح كبت أمي وأخذ عشرينين وعشرة وأقول للخدامة توديني الروضة كانت قريبة <<< ولما عطيت الابلة قالتلي منو عطاج
قلت أنا أخذتهم من كبت ماما << فرحانة بنفسي
عاد هي دقت على أمي واستدعتها وتعطيها ذاك الدرس بتربية الطفل وانا ما نخلي شيء عندهم <<طبعا أنا أخذتلي من الزين من أمي
وليومكم هذا مستحيل أمد أيدي على شيء مولي
- مدرس تمشكلت معه .. مع ذكر السبب .. ؟
ما عمري تمشكلت مع مدرسة وقليت أدبي معها الحمد الله محترمة <<<
يمكن صار سوء فهم مع أبلة الرياضيات أيام ثالث ثانوي لانها تغار مني لانها تحب صديقتي <<< شفتوا العقل الحمد الله والشكر
- أطرف موقف حدث لك في حيآتك المدرسية ؟ ..
بثالث ثانوي كنت لابسة دلاغ ((أحمر)) ركزوا أحمر وكنا بحصة الجيولوجيا وكنت منزله جواتيي( تكرمون ) أريح
ارجولي وكنت منتبهة مع الابلة ولا وحدة من البنات تسرق جواتيي وتخليهم عندها وطق الجرس وبأطلح أدوج بين الحصص على ما تجي
أبلة المادة اللي بعدها وأنا أدورهم والكل يقولي مدري --- عاد قلت شنو يعني انحبس بالصف لا والله ما صدقت طق الجرس
وطلعت اتمشى بالممرولا همني أحد وامسكنتني أبلة الكيمياء (( يا بت أنتي تعالي هنا أي الاحمر اللي لابساه دى تعالي معايه
وتدخلني بالقسم وخلتني فرجة للمدرسات وهاك يا ضحك )) وما هدتني إلا لما وعدتها أجيبلها نفسهم وجبتلها اليوم الثاني
همسة (( كان أسمها صباح وناديها صبوحه ))
والبنت ما ردتلي جواتيي إلا بالهده << تخلوا معاي من الحصة الثالثة لي الهده وانا بدلاغي الاحمر كني بقابلي ثور
-صور اي شي من ممتلكات الخاصه بالمدرسه ونزلها ؟(كتاب - مريول
- شنطه -الخ)
عندي هوس مو طبيعي بتجميع الاقلام وعندي كذا علبة غير هذول بس أختي أخذتهم اللي تبي تأخذ لا تستحون
هذه الآله عاد ذكريات يا حبي لها من ثاني ثانوي لما خلصت الكلية وللحين استخدمها معنا عندي غيرها
<< الفيسات حطيتهم أيام امتحانات الثانوية العامة عشان تنفتح نفسي شوي
وهذا الدفتر الوحيد اللي محتفظة فيه دفتر الفيزياء بصف ثاني متوسط (( شناطي تصادروا من أختي ))
|
ألف شكر على الاستضافة الرائعة
|
26-09-10, 08:28 AM
جديد مواضيع قسم قهوة ليلاس
العرض العادي
