.
نبدأ بسم الله ::
يالله عـ قد هدوئي الحين كانت ايام الدراسه مغامره و طفوله ماكبرت الا من بعد ماخرجت منها ..
بس من اروع الذكريات ..وصراحه اكثر المشاكل لأني كنت عنيده اللي يعجبني اسويه ..وبعض الاحيان
أوقع في المشاكل مع صديقاتي ..ويكون في النهايه جزاء عـ ذنب ماسويته بس تظل ذكريات حلوه عندي مع صديقاتي ....
وصراحــــــــــــــــــــــــــــــــــــــــه .. موضوع روعه ذكريات مدرسه وايام سبحان مشت بسرعه ..
و حلوتـــــــــــــ"شجونتي"ــــــــــــــــــــــي سكرا ياحلوه يالدلوعه عـ الاختيار ...
......
- إيش كآن فصلك في أول إبتدآئي .. ؟ يعني ( أ , ب , ج ) ..
يرحم أمك الذاكره ..نسيت عشاء امس تبيني اذكر الشعبه ..
ولا ازيدكـ من الشعر بيت يوم كنت اداوم كنت انام بالفصل .. مدري كيف نجحت ..
وشهادات الابتدائيه في ملف وضاع أستنيني اطلع بدل فاقد أذا ربي طول بعمري ..
...
- أول مدرس/ه جآكم بالفصل ( بأول إبتدائي ) .؟على الأقل الإسم الأول ..
يعني ماذكرت الاولى اذكر هذا ...قال صقر قال سووه كبسه ..
......
- أول مشكله أو مشآده حصلت بينك و بين أحد التلآميذ .. ؟
كانت بأول متوسط أنا وصديقة الطفوله سوينا حرب بالفصل ..وضرب وشد شعر وسالفه
و أخرها البنت راحت فيها ....البنت ياعيني عليها رقيقه وناعمه ..
<< الله يرحم زمن اول بس ..بس بعد هاعداوه صداقه ..
مريومه حبيبتي اسفه عـ سويته فيك قبل ..وصراحه احلى الايام اللي عشتها معك ..وربي بإذن
الله يجمعني فيـــك والتقي فيك من جديد ..
.....
- من كآن يلبسك ( ثوبك / مريولك ) بالإبتدائي .. ؟
أمي جعلني أفداها ..
وياليت وانا مصحصحه لا و أنا نايمه تلبسني ..
.....
- كم قلم ضيعت بأول إبتدآئي و هل كآن ( أبوك / أمك ) تهآوشك عليه..؟
ذكرتيني بقلم اسود اصفر الاتحادي هذاكـ وقلم رصاص ابو تمساح ...
كراتين أقلام مو قلم << لا تعد ولا تحصى ..
وأكثر الوقت اخذ اقلام بنات الفصل ..واصلا نادرا ما اكتب
ودائما شكاوي مني ليه ما أحل واجباتي .. و أذكر كنت اخذ من البيت اقلام ووزع عـ البنات اللي ماعندهم
اقلام ..بس ياليت يوم اوزع اني أخذ لي واحد لا أعطي البنات وأنا أبد مسويه فيها الفاهمه الكريمه..
......
- هل بكيت بأول يوم درآسه .. أو خليت ( أبوك / أمك ) يدآوم معآك .. ؟
لا أذكر كنت مستانسه ... عشان كان فيه حلاوه مصاص وشوكولا وعصيرات ..
من يوم يومي احب الشوكو والشيبس ..امي راحت معي اول يوم وشافتني هاجده ولا أحد
قدي اكل من هالحلويات والشيبسات ولا عاد داومت معي ..
بس اذكر صرت أحن كل يوم تروح معي حتى نهاية السنه بس كانت ترفض ..
....
- هل كنت تغآر من أحد التلآميذ .. مع ذكر السبب ؟
في الدراسه لا ..
<< كنت احسب روحي اذكى وحده بالمدرسه ..من جنبها ..
بس اذكر كنت انقهر من وحده كانت حافظه أغنية عدنان ولينا واغنية بشار وهايدي وكانت دايم تغنيها ..
وكنت الا ابي أغني مثلها ..
<< شوفوا البرأه ..عشان اغنية
.....
- بالمتوسط .. هل حسيت إنك كبرت .. ؟
ما أتذكر ..
....
- كيف كآن شكل كتبك الثآنوية .. ( مكتوب عليهآ شعر , مرسوم عليهآ , نظيفة ) .. ؟
الله ذكرتيني ..كتبي ابد النظافه مو حولها ..تدرين اطلع مواهبي عليها بس مدري ليش دائما يمسكون
كتبي في ايام التفتيش... وطبعا غلاف الكتاب لا تسأليني عنه ابد ولاعمري استلمت كتاب وظل الغلاف موجود..
...
- هل خآلفت الأنظمه .. كم مره .. إذكر لنآ إحدى المخآلفات .. !
ياكثرها ...<< مدري ليش كل شيء اسويه يقولون مخالف ..
مره في حصة الفيزياء في المعمل وكان المعمل مشترك فيزياء وكيمياء ..سويت فيها اينشتاين واخذ محاليل
واخلطها فوق بعض وتعالي شوفي النار ومن الذكاء صديقاتي ييبون يطفونها حطوا مويه وزادت النار ..وذاك اليوم
اخذت أنذار مع فصل..<< الله يسقي ..بس مدري ليش مايقدرون المواهب والاكتشافات ..
....
- إذكر لنا بعض الألقاب التي أطلقت على المدرسين .. مع ذكر السبب .؟
سعاد عبدالله >>مدرسه العربي تشبهها ..
حياة الفهد >>مدرسة الاحياء ..تشبهها
اللي هو إيه >>مدرسة الجغرافيا <<لزمه عندها هالكلمه
حمص <<مدرسة الرياضيات <<في ايام المتوسطه
وكثير بس هذولا اللي اذكرهم الحين
....
- هل أخذت رئاسة فصل أو مسرحية أو إذاعة أو مآ شآبه
رئاسة فصل بثاني متوسط ..وبعدها حرموا يخلوني رئيسه سويت الفصل مرقص ذاك اليوم ..
لا ...كنت اصلا ما أحضر الطابور دائما متاخره ووقت الحفلات أكبر المخده بيتنا ..
.....
- هل يوجد ألقاب أطلقت عليك .. ( إعترف ) .. ؟
"وضحى بن عجلان" ... كنت دائما اجلس عند خيمة النشاط ..وعشان كذا سموني ..احب التراث شفتوا كيف ..
"جامعة شمل".. شلة ابو عرب << اسم الشله ايام المتوسط والثانوي ..
....
- أين كآن مقعدك في الصف الأول ثآنوي .. ؟
في الاخير تحت المكيف في الزاويه ..<< احلى مرحله هذه.. في حياتي ..
ماعمري قعدت في الاول الا فحصة علم النفس كانت تجلسني بحصتها قدام ..
...
- في أي سنه إلتقيت بأعز أصدقائك .. ؟
من ثالث متوسط ..والبعض من الابتدائيه..
توام روحي معرفه من اول ثانوي بس كصديقه من ثاني ثانوي وربي يخليها لي ولا يحرمني منها ..
وعقبال العمر كله مع بعض يارب..
.....
- مدرس تقول له ( شكرا من القلب و يعطيك العافية ) .. ؟
الجميــــــــــــــــــــــــــــــــــــــــــع وخاصه مدرسة الدين بالثانوي
الا مدرسه الاملاء بثاني ابتدائي ..اكرهها هالانسانه كانت تضربني شكلها كانتت تتوحم علي ...
حسبي الله عليها كرهت الاملاء منها
....
- كم مره أخذت إنذار منع من دخول المدرسة إلا بولي أمر و مآ كآن السبب و كم مره أخذت تعهد و بين الأسباب .. ؟
انذار عدي واغلطي تقريبا كل فصل دراسي انذار ...ولي امر 5 مرات 3 بالمتوسطه و مرتين بالثانوي..
مرتين عشان مضاربه..
- الاولى هي اللي أعتدت علي وبرد حرتي فيها .. كان انذار واستدعاء أمي وحرمان من ماده الرياضيات والـ E
-والثانية وحده كانت تسوي حركات مالها داعي وصبرت عليها بس زودت العيار شوي ..عاد
ضربتها ومسكتها في ايام البرد ورشيتها بمويه بارده وبعدها مرضت واشتكت امها علي ..
وكان فيها أستدعاء أمي وفصل 10 ايام عـ قولتهم تأديب ..
-ومره مخاصمه مع المديره اتهمتني ظلم وسوت لي أنذار وتعهد ..<< بس حسبي الله عليها الظالمه ..
وياكثرها عاد ..التعهدات كثيره عـ مخالفة المريول ولبس الاكسسوارات والوان الشنط والاحذيه ..
....
- مدرس تمشكلت معه .. مع ذكر السبب .. ؟
المدرسات بالعاده علاقتي معم حلوه ..
بس المشاكل البسيطه المعروفه حل الواجبات و ليش ما أجيب الكتب ومهملتها ومنظرها مو مرتب ..
بس اتذكر اكثر شيء يخاصموني عـ العلكه لأني كنت انسى ان بفمي علك ..<< مدمنه علك
بس الغالب علاقتي حلوه ويحبوني و تعاملي معهم كصديقات أكثر من طالبه ومعلمه ..خاصه بالثانوي
<< وربي يوفق ويسعد كل معلماتي وصراحه ذكرياتي مره حلوه معهم ..
....
- أطرف موقف حدث لك في حيآتك المدرسية ؟ ..
المواقف ياكثرها بس أطرفها واللي لاتذكرته أضحك ..
-وحده من البنات كانت شاطره ومتفوقه وكانت من الحماس بالحصه دائما تطيح من عـ الكرسي ...
<< صراحه كنت اضحك ضحك ابد مو عادي لا طاحت ..
-وأذكر كنت احضر متأخره الصباح وادخل الاداره اسجل تأخير مره وقعت بسجل المعلمات ..ومره طحت عند
مكتب الأداريه وقعت ولفيت اطلع ماشفت الطاوله اللي بنص المكتب عنقلت فيها وطحت..
وتعالوا شوفوا ذيك الطيحه الصح من نص المكتب وصلت للباب عاد كانوا مدرساتي فيه والمديره وبعض البنات اللي ينتظرون
أخرج عشان يوقعون ..<<هالموقف تقريبا صار مرتين بعدها شالوا الطاوله اللي بوسط المكتب الصراحه مسويه زحمه..
....
-صور اي شي من ممتلكات الخاصه بالمدرسه ونزلها ؟(كتاب - مريول
- شنطه -الخ)
يرحم جدتي ..
الكتب حرقتها .. والشنطه مدري وينها يمكن بالمستودع ..
والمريول أخر مره لبسته أخر يوم بأختبارات بعدها مدري وينه..
...
.
15-01-11, 01:06 AM
جديد مواضيع قسم قهوة ليلاس
العرض العادي
