كاتب الموضوع :
توري
المنتدى :
قهوة ليلاس
اقتباس :-
المشاركة الأصلية كتبت بواسطة توري  |
صباحكم / مسائكم مذاكرة
صباااحج ورد<< فيس ما عنده مذاكرة
أخبـــاركم ؟؟!!
كنت بخير وسهاله.. بس الحينه الحكة ذابحتنيه من كثر الغبار اللي مزر المكان<< فيس يحك
شفت فكرة اعجبتني و حبيت انقلها لكم
توتو حياتي.. هب كل شي يعيبج اتيبينه اهني ما اييوز<< فيس ينصح خته الصغيرة
نبدأ بسم الله ::
بسم الله الرحمن الرحيم
- إيش كآن فصلك في أول إبتدآئي .. ؟ يعني ( أ , ب , ج ) ..
ما عندنا ا,ب.. نن بالارقام وكنت اول /5
- أول مدرس/ه جآكم بالفصل ( بأول إبتدائي ) .؟على الأقل الإسم الأول ..
ابله مريم
- أول مشكله أو مشآده حصلت بينك و بين أحد التلآميذ .. ؟
اول مشكله استوت لي في اول يوم في المدرسه.. رديت الصف عقب الفسحة وراسيه داير..وناسيه انيه كنت يالسه الثالثه.. وييت ويلست الاولي.. جان اتي البنت السخيفه وتقول لي هذا مكانيه<< فيس يجوفها باستنكار.. جان اقول لها.. جي انيت مشترتنه..ما بنش ايلسي ورا<<فيس مستبد..تعرفن شو قالت<< فيس يهز راسه باسى.ز اونها بتخبر الابله<< فيس سوى لها طاف وتم يالس جدام
- من كآن يلبسك ( ثوبك / مريولك ) بالإبتدائي .. ؟
امايه فديتها<< فيس يبووووووووووووووووووووس امه.. يا علني ما خلا منها
- كم قلم ضيعت بأول إبتدآئي و هل كآن ( أبوك / أمك ) تهآوشك عليه..؟
اممممممممممممممممممم.. وايد.. وجان اكتشفت ان قلميه ضايع اخذ قلم ربيعتيه اكتب فيه.. وجان قالت شي اقول لها بكتب وبرده لج<< فيس ينقد عليها.. تتحرانيه باكله.. لا الحمد لله محد هد عليه الا هو قلم
- هل بكيت بأول يوم درآسه .. أو خليت ( أبوك / أمك ) يدآوم معآك .. ؟
اووووووووووووووووووووووه سويت لهم مناحه<< فيس صريح.. اشمعنى نص عيال فريجنا في صف ثاني وانا صف اول<<فيس مصر يطنش صف اول ويسير ثاني على طووول<< فيس طموحه عالي
- هل كنت تغآر من أحد التلآميذ .. مع ذكر السبب ؟
اممممممممممم.. هي<< الفيس الصريح.. من بنت ابله الانجليزي.. دووم تعزف عالاوكرديون في حصه الموسيقى وتخلينيه اعزف عالبيانو حطمتنيه وخلتينه انزل في الامتحان<< فيس يرقع لعمره
- بالمتوسط .. هل حسيت إنك كبرت .. ؟
لا انصدمت انيه كبرت يوم رحت الجامعه<< فيس عاش كل دقيقه من حياته
- كيف كآن شكل كتبك الثآنوية .. ( مكتوب عليهآ شعر , مرسوم عليهآ , نظيفة ) .. ؟
نظيييييييييييييييييييفه.. جان يبونها للسنه اللي عقبها عادي بيتحرونها يديده.. بس ع اخر السنه العن خيرها.. والورقه اللي ما تعيبنيه اقراها واقصها من الكتاب ما ابي اجوفها مرة ثانيه<< فيس يحطي حرة الامتحانات في الكتاب
- هل خآلفت الأنظمه .. كم مره .. إذكر لنآ إحدى المخآلفات .. !
اوووووووووووووووووووووووووووووووف وااااااااااااااااااااااايد..
اذكرها.. اللبس.. نشرد من الحصص.. نودي شلق المدرسه.. نسوي حفلات من ورا الادارة.. نعفد من الدرايش.. نشرد من لمدرسه قبل الطابور ونروح الدكان.. الخ الخ<< فيس ما بيكمل خلاص
- إذكر لنا بعض الألقاب التي أطلقت على المدرسين .. مع ذكر السبب .؟
بعد واايد بس ما بطريهن كلهن<< فيس ما يبي يحصل اثم
ام ضروس.. الخرامه.. الدباسه.. هاي وحده بس لها اكثر من لقب كانت ضروسها طالعه.. عاد لا تخطف من صزب صفنا.. نحرش الدنيا.. ما تسمعين الا اصواتنا ونحن نقول بنااات نبي دباسه بندس الاوراق<< فيس يستغفر ربه
شاور.. هاي حليلها كانت دووم تسبحنا.. ما تعرف تقول السين والشين والصاد.. الله لا يبلينا<<فيس يستغفر ربه.. عاد اللي ما لحقت تتسبح قبل لا تروح المدرسه ما عليها الا انها تروح ترمسها<<فيس يستمر الاستغفار.. وتقول حقج.. ثو تثوين في الثف ها.. بثرعه ثيرن الثاحه الطابور بدا<< فيسي اللي يستغفر
زعفرانه.. هاي حليلها هاديه وكافيه خيرها شرها.. مشكلتها في الحياه انها محنيه شعره الابيض.. وتجوفين لونه الاحمر عن بعد اميال<< فيس قرر يشتري لها صبغه
لون كينج.. عاد هاي حليلها شكلها ما سمعت بالاستشوار.. كل يوم اتينا وهي كشه جنها الا يايه تزيغ البنات بس<< فيس قرر يشتري لها مشط
بو الهول.. هاي مدرسه العربي كانت تتحجب ما ادري جيف<<فيس لين الحينه هب مستوعب جيف تتحجب.. بس اللي احيده ان راسه يكون شكله شرات بو الهول
ماروكو.. هاي كانت دوووم تحرك ايديها شرات ماروكو يوم ترمس.. ونحن نيلس نضحك ونقول لها.. اوددا اوددا اوددا<< فيس حن لايام الدراسه
طبعا عنا.. هاي ما عندها سالفه الا طبعا عنا.. تقول لج طبعا عنا حقول بترول بريه وطبعا عنا حقول بحره بعد<< فيس يجوفها بطرف عينه.. احلفي يعني قلتي شي مفيد
طبعا شي وااايد غيرهن.. بس تكتفي ب هالقدر
- هل أخذت رئاسة فصل أو مسرحية أو إذاعة أو مآ شآبه
هي خذتها بس ما كملت.. حسيت انيه اهضم حق البنات وما اخليهن ياخذن راحتهن في بيتهن الثاني.. الاذاعه هي وااااااااااااايد.. تقريبا كل يووم..اصلا ما خليت شي يعتب عليه.. الاذاعه..المسرحيات.. الفعاليات.. حتى انيه في حفلة اليوم الوطني لبست كندورة اخويه وسفرته ويلست ايول<< فيس مخلص لوطنه.. بس يوله مفلعه بحكم ان البنات ما يعرفن شرات الشباب ما نقدن عليها وايد<< فيس بايعنها.. شوو بعد.. اشتركت في جماعة الصحه.. وجماعه البيئه.. وجماعه المكتبه<<فيس يركز عالجماعات اللي يودونهم رحلات بس
- هل يوجد ألقاب أطلقت عليك .. ( إعترف ) .. ؟
هي.. عنديه.. بس ما بقولها<<فيس مطلع لسانه
- أين كآن مقعدك في الصف الأول ثآنوي .. ؟
اول ثانوي<< فيس يعصر مخه.. امممممممممم.. قبل الاخيرة صوب الدريشه
- في أي سنه إلتقيت بأعز أصدقائك .. ؟
اممممممممممم.. كل سنه يكونن عنديه ربيعات اعزهن واتواصل وياهن.. بس اعز ربيعاته من ايام الثانويه والجامعه<< فيس يبوس ربيعاته
- مدرس تقول له ( شكرا من القلب و يعطيك العافية ) .. ؟
كل اللي درسنيه اقول لهن الف شكر<< فيس طييييييييييييييييب
- كم مره أخذت إنذار منع من دخول المدرسة إلا بولي أمر و مآ كآن السبب و كم مره أخذت تعهد و بين الأسباب .. ؟
انذااار .. لا ما سويت شي يستاهل الانذار<< فيس ملتزم
بس التعهد وااااااااااااااااايد.. احيد مرة كنا متحلفين لبنات الادبي.. وبنقع تحتهن شلق.. عاد سمعنا صوت صوب صفهن.. وخذنا الشلق وسيده عقيناه عليهن.. جان تطلع المديرة<< فيس نااااااااااااااااااقع من الضحك.. حيلها من الصدمه تمت واقفه في مكانها وما تتحرك<< فيس يحمد ربه ان قلبه ما وقف.. وخلاف اونها ردت قويه<<فيس يجوفها بطرف عينه.. وسالتنا سؤال وجيه.. "انتن بنات" << فيس يجوفها بطرف عينه يعني شو جايفتنا.. طبعا ما خلينا الرد في خاطرها وقلنا هي نحن بناات
ومرة ع وقت الطابور.. الوكيله الماصخه دووم تقول للفراشات اقفلن الصفوف<< فيس مضطهد..وقررنا نفتح الدرايش لان صفنا تحت.. وكل يوم الصبح نعفد من الدرايش وندخل شنطنا ونظهر<< فيس يحافظ ع شنطته.. وطاحت علينا ونحن نعفد من الدرايش
- مدرس تمشكلت معه .. مع ذكر السبب .. ؟
مدرسه الفيزياء.. بس كنت برئيه هالمرة.. طبعا لانيه بنت شاطرة ومتاخره عن الحصة كالعاده هالمرة قررت اريح الابله واروح اييب لها ورقه من عند النيرس << فيس يحافظ ع حبال ابلته الصوتيه.. عاد كانت تمتحن البنات شوفي.. وسالت وحده من البنات شو وحده التردد.. قامت وحدة من قروبنا وغششتها.. عاد انا حدرت على نص الحصة وكانت مخلصه الامتحان وباديه الشرح<< فيس مركز عالشرح.. ويوم خلصت الحصه قالت لي .......<< فيس يحسسكم انكم ما تعرفون اسمه بنقصج درجتين في الشفوي لانج تغششين البنات<< فيس مستغرب.. ويوم قلت لها انا ما يخصنيه ما صدقت.. جان اقول لها برايج ابله.. الله بياخذ حقيه<< فيس وكل امره لله.. الله يسامحها<< فيس طيب.. بس السنه اللي عقبها.. جان جافتنيه ف مكان اتي تسلم وتروح.. اكيد هذا تانيب الضمير
- أطرف موقف حدث لك في حيآتك المدرسية ؟ ..
هذا ع ايام الاعدادي.. احيد كرسي المديرة انكسر.. ويابو لها كرسي يديد.. وخذنا الكرسي من الممر قبل لا يشلونه.. يلسنا نلعب فيه.. نخلي وحدة من البنات تيلس عليه والثانيه اتدزها وباجي الشله يربعن جي ويا الكرسي بدون هدف.. ويوم يا دوريه ادز وحده من البنات.. حبيت انتقم منها لانها ما كانت اتدزنيه بالقوو.. دزتنيه من ورا خاطرها.. عاد كنا في الطابق الاول وخذت الكرسي ويلست اربع فيها وسييييييييدة للدري<< فيس شيطان.. ولا يطلع الموجه في ويهنا<< فيس انصدم.. بس زين الحمد لله الله ستر ولا جان ذنب الموجه الاحفورة في رقبتيه<< فيس يهز راسه
ومرة قطعو عنا الكهربا.. متنا من الحر.. عاد قررنا نسوي اضراب عن الدراسه.. وروحنا المقصف واشترينا ماي.. ويلسنا نصب ع بعض.. وفجاة.. جفنا الماي ع راس ابله الدين.. واليوم الثاني قالت لنا المديرة بنات تبنيه انقصكن في السلوك.. مرة ثانيه جان تكررت هالحركة بنقصكن<< فيس سوى لها طاااااف
-صور اي شي من ممتلكات الخاصه بالمدرسه ونزلها ؟(كتاب - مريول
- شنطه -الخ)
|
اوووووووووووووووووووووووووووووووووف واخيرن خلصت<< فيس يهمز ايديه
|
08-10-10, 01:10 AM
جديد مواضيع قسم قهوة ليلاس
العرض العادي
