نبدأ بسم الله ::
- إيش كآن فصلك في أول إبتدآئي .. ؟ يعني ( أ , ب , ج ) ..
أ>> مو ملاحظين معظمنا أ شكلنا كنافي فصل واحد خخخخ
- أول مدرس/ه جآكم بالفصل ( بأول إبتدائي ) .؟على الأقل الإسم الأول ..
ابله هند
- أول مشكله أو مشآده حصلت بينك و بين أحد التلآميذ .. ؟
هذا الله يسلمكم فيه ولد بالروضه جنني كل يووم اتهااوش معه بسبب
الوجبه اللي يعطونا ومايمر يووم الا اشتكي لاامي منه ويوم اللي اتفقنا وصرنا حلووين ونلعب مع بعض طااح الولد واحنا نلعب عالمراجيح وانكسرت يده خخخخخخ امي تقول جيت ابشرها وانا فرحاانه اني برتاح من شره ههههه
خير شنو هاالنظرات تراا بجد ماالي علاقه بطيحته هو اهبل وطااح من نفسه 
- من كآن يلبسك ( ثوبك / مريولك ) بالإبتدائي .. ؟
امي او اختي الكبيره
- كم قلم ضيعت بأول إبتدآئي و هل كآن ( أبوك / أمك ) تهآوشك عليه..؟
لا كنت حريصه على اشياائي ومااضيعها
- هل بكيت بأول يوم درآسه .. أو خليت ( أبوك / أمك ) يدآوم معآك .. ؟
اول يووم بالمدرسة لا كاانت اختي الكبيره معي وكل حصه تجي تشووفني فكنت متطمنه وغير كذا متعوده من الروضه
لكن مادري ليش لما غاابت اختي بعدها باسبوع تقريبا ظليت طول اليووم ابكي واتذكر عطووني فليك عشاان اسكت ومع ذلك ظليت ابكي خخخخ
- هل كنت تغآر من أحد التلآميذ .. مع ذكر السبب ؟
ايواا كنت اغاار من اللي كانت تااخذ الاول على الفصل والمشكلة كانت دايما معي في نفس الفصل من رابع ابتدائي الى ان تخرجت من الثانويه ودايما هي الاولى وانا الثانية لكن للحق البنت حبوبه وعلاقتنا كانت حلووه
- بالمتوسط .. هل حسيت إنك كبرت .. ؟
خخخخخخخخ اهلي حسسوني بهاالشي غصب من كلامهم
ان متوسط مرحله جديده ولازم تشدي حيلك ومن هاالكلااام
- كيف كآن شكل كتبك الثآنوية .. ( مكتوب عليهآ شعر , مرسوم عليهآ , نظيفة ) .. ؟
نظيفة مرررره لدرجة ماكنت اخطط فيها الا وقت الاختبارات النهائية
- هل خآلفت الأنظمه .. كم مره .. إذكر لنآ إحدى المخآلفات .. !
في ابتداائي كنت مااخذه معي مشط تصوروا عاد هالشي يعتبر مخالفة ومسكووني وكتبوني تعهد
وفي اول ثاانوي بسبب الجزمه الله يكرمكم كانت رفيعه عاد هم عطووني انذار عشان اغيرها غيرتها يومين ورجعت البسها خخخخ ولما شاافتني اللي عطتني الانذار طلعتني في الطابور وكتبتني تعهد >> فيس حااقد عليها
- إذكر لنا بعض الألقاب التي أطلقت على المدرسين .. مع ذكر السبب .؟
امممم ليش الفضايح ههههههه كان فيه القاب كثيرة ولكل الابلاات
لكن انا طلعت لقب واحد على الابله اللي احبها خخخخ >>
مادري شنو هالحب الغريب
وهو ام كشة كان شعرها كثييييف مرره وكانت دايما تفتحه فتختفي ملامح وجها لانها كانت نعوومه
لكن حسيت بالذنب لما بدوا البنات يمشووه عليها وكنت اهااوشهم لكن ماباليد حيله الكل مسكه عليها
- هل أخذت رئاسة فصل أو مسرحية أو إذاعة أو مآ شآبه
مرره وحده في ابتداائي كانت معلمة الدين تحبني واصرت اشترك بالاذاعه واقرا قران عااد انا استحيت ارفض لها طلب لكن من الخووف ورهبة الموقف حتى صووتي طلع مبحوح وخلاااص ماعاد اشتركت باذاعه
وانعرضت علي رئاسة الفصل اكثر من مره لكن كنت ارفض البنات مجانين وانا مااني قدهم
- هل يوجد ألقاب أطلقت عليك .. ( إعترف ) .. ؟
ههههههههههههه ماراح اقول لكن كان لي لقب قالته لي ابله ارادة مخربطه في اسم ليمونه
عرفتووه ؟؟؟؟
- أين كآن مقعدك في الصف الأول ثآنوي .. ؟
في الاخير كان فصلي 1\5 فقرروا يكنسلوا هالفصل ويوزعونا على باقي الفصول ومالقيت لي مكان الا في الاخير لكن مع الاياام تقدمت للامام خخخخخخخخ
- في أي سنه إلتقيت بأعز أصدقائك .. ؟
البنات اللي تعرفت عليهم بالكلية >> فيس فخوور بهم
- مدرس تقول له ( شكرا من القلب و يعطيك العافية ) .. ؟
كل المدرسين وبالذات مدرسة الفيزيا 
- كم مره أخذت إنذار منع من دخول المدرسة إلا بولي أمر و مآ كآن السبب و كم مره أخذت تعهد و بين الأسباب .. ؟
لا انذار ماافيه الحمدالله
- مدرس تمشكلت معه .. مع ذكر السبب .. ؟
ماتمشكلت مع احد كنت هااديه ماافيني نذاله مثل غيري >> ماتقصد احد
- أطرف موقف حدث لك في حيآتك المدرسية ؟ ..
ماجا على باالي شي
-صور اي شي من ممتلكات الخاصه بالمدرسه ونزلها ؟(كتاب - مريول
- شنطه -الخ)
ماالقيت الا اخر عهدي باايام الدراسه والتدريس
عباية تخرجي وكنت ابغى انزل صور المدرسه اللي طبقت فيها لكن ماشفتها
توتو مشكووره على الاستضاافة
وبااانتظار مغامراتك انتي بالذات بهالموضوع
29-09-10, 04:41 PM
جديد مواضيع قسم قهوة ليلاس
العرض العادي
