كاتب الموضوع :
نسايم نجد
المنتدى :
القصص المكتمله من وحي قلم الاعضاء
اشكر الجميع
من اجل عين تكرم مدينه ( البارت هذا بارت كتبته علشان خاطركم الكل او الاغلبيه يبون جاسم يرد بعض من كرامته الي هدرتها هند واقول لكم استجبت لطلبكم ) وبخليكم تفرحون في هند
البارت السادس والثلاثون
اليوم الثاني
في المستشفى
نواف بمكتبه ينتظر جاسم يداوم سمع صوت جواله كان المتصل فيصل
نواف / مرحبا فيصل
فيصل / هلا فيك انت وينك فيه
نواف / بالمستشفى الا وينه اخوك ماداوم
فيصل / جاسم طلب مني اكلمك اقدم لها اجازه شهر
نواف / ليه عسى ماشر
فيصل / راح لديره عند الحبايب
نواف بعصبيه / اخوك مجنون وش يوديه هناك وهو ما جاء الا امس وش له بضيق الخلق
فيصل / تعرف جاسم محد يقدر يرده عن الي براسه
نواف / وانت ما تباعده كلن مضيع سنين عمره وراء سراب
فيصل / فكني من لسانك وش زيني
سمع نواف طق على الباب
نواف / يله مع السلامه مشغول
قفل جواله وسمع طق الباب كانت الدكتوره سعاد كانت جميله ملامحها حاده جسمها كانها عارضة ازياء كانت تكشف ودايما تحط مكياج وتتعطر بافخم العطور كانت متبرجه تحب جاسم ومعجبه فيه تتحاول تتقرب منه وجاسم يعرف بحبها له لكنه مطنشها ولا يعطيها وجه
نواف بجديه / خير دكتوره سعاد ليش تاركه شغلك وجايه لمكتبي
الدكتوره سعاد / حبيت اسال عن الدكتور جاسم وينه
نواف بقرف / بايجازه
الدكتوره سعاد / امس كان مداوم
نواف بطفش / كان مداوم قولي الي عندك عندي شغل ماني فاضي لسوالف
الدكتوره سعاد بجرائة / ابيه بموضوع شخصي اذا شفته او كلمك قوله اني سالت عنه
بعد ما خلصت كلامها طلعت تاركه نواف مقهور ان ها لنوعيه دكتوره بمستشفاه لكن مجبور يتحملها لشطارتها ولان ابوها من معارف ابوه
طلع نواف جواله بيتصل على جاسم مقهور على حاله
عند جاسم
كان يفطر بالغرفة الي مستاجرها لانه مر المدينه القريبه من الديره استاجر غرفة ونام فيها لانه ماقدر يسوق من التعب والارهاق سمع صوت الجوال رفعه شاف رقم نواف
نواف بعصبيه / انت وينك
جاسم ببرود / اتوقع قالك فيصل ويني
نواف / منت بصاحي امس جاي واليوم راجع ارحم نفسك من الخطوط
جاسم ببرود / قلت الي عندك انا اسوق مابي انشغل بمكالمه مالها داعي
نواف / الخبل الي خايف عليك
جاسم / وغيره
نواف / متى بترجع من الديره
جاسم / توني ماوصلت تسالني متى ارجع مدري
نواف بقرف / اللزقه سعاد تسال عنك
جاسم مستغرب / اش عندها تسال عني
نواف / مدري تقول تبيك بموضوع شخصي شكلها ما فقدت الامل فيك
جاسم / فكنا منها سيرتها تلوع كبدي
نواف / قبلنا ان غولتك تلوع كبدك لكن سعاد تلوع كبدك عز اله ما صدقت
جاسم / كل الحريم يلوعن كبدي
نواف / وهند الوحيده الي تفتح نفسك
جاسم بحب / قلتها
نواف / صحيح ان ماعندك ذوق والا القط يحب خناقه
جاسم بعصبيه / نووووووواف مع السلامه
سكر الجوال بوجه نواف
عند هند
صحت لصلاة الفجر وصحت هنديانا صلن دخلت الحمام اخذت شور ولبست بنطلون جنز وبلوزه سوداء تعبير على مزاجها المقفل لانها صحت وكل تفكيرها بغاده مشتاقه لها ما تدري وش صار لها وشعرها ظفيره هنديه التفتت على هنديانا وغصب عليها دموع الشوق نزلت
هند بحزن / هنديانا شخبار غاده فقدتني تاكل زين تشرب زين تنام زين
هنديانا / تطمني غاده بخير فهموها سبب زواجك وارتاحت
هند / جبتي الاب توب
هنديانا / ايه
قامت هنديانا لشنطتها وفتحتها وطلعت الجهاز ومدته لهند الي اخذته
هند بحزن / بنزل عند جداتي
نزلت هند تاركه هنديانا وراها ترتب اغراضها دخلت غرفة جداتها لقتهم منسدحات على السرير شكلهن بينامن اطلعت من غير ليحسن فيها
خذت قطعه فرشه صغيره ومخدات بتحطها وراء ظهرها ومسند مرت المطبخ لقت ريتا طلبت منها كبتشينو جلست بالحوش قبل الشروق كان الجو خيال دقائق وجاها الكبتشينو جالسه تتصفح ملفاتها وشغل خاص بشركه لين اطلعت الشمس وحست بحرارتها قامت سكرت الاب ودخلت داخل عند جداتها لقتهن توهن صاحيات
هند قربت منهن وباست روسهن وجلست جنبهن
هند / افطرتن
ام راشد / لا بتجينا القهوه نتقهوى بعدها بنفطر
ام موضي / ان شاء الله نمتي زين
هند / الحمد لله من التعب على طول نمت
ام راشد / من متى صاحيه
هند / من الصلاه ما نمت
ام راشد / يمك وش فيك حزينه ومتضايقه عسى مو روحت جاسم السبب
هند / لا لكن شوقي لبنتي ذبحني
ام موضي / بنتك عندها ناس يحبونها مراح يقصرون عليها بشي ارتاحي يمه ووسعي صدرك
ام راشد / افطرتي
هند / لا شربت كبتشينو
ام موضي / اجل قولي لشغاله تجيب فطورنا
قامت هند ودخلت المطبخ وطلبت من الشغاله فطور
وطلبت من ريتا ادبر لها قلم بعد ربع ساعه جابت الفطور والقلم
ام راشد / وش عندك يمك
هند / محتاجه اغراض بكتبها لعمران يجيبها ناقصكم شي
ام موضي بحب / لا والله يبنيتي جاسم ماقصر متقضي الي ناقصنا قبل لا يروح
دورت هند ورق مالقت دخلت ريتا بالفطور
هند / ريتا شوفي عمران عنده اوراق ابيها ضروري
طلعت ريتا من عندهم بعد خمس دقائق جتهم بالاوراق كتبت الاغراض الضروريه الي تبيها وارسلتها مع ريتا كتبت من بين الاغراض مرجيحه بتحطها بحديقة الورد لانها تعشق المرجيحه لها ذكريات حلوه مع امها
بعد ما خلصت فطور قررت تلقي نظره استطلاعيه بالحوش تبي تختار المكان المناسب للمدرسه المؤقته الي بتسويها الحوش كبير فوق الخيال لما قربت من اسطبل الخيل طلت عليهم
عند مطلق
صحى لصلاة الفجر طلع مع ابوه للمسجد صلو وهو يحس بسعاده عمره ما حسها والبركه بهند الي الي زرعت الفرحه بقلبه وقلب اهله
كان مطلق عند حمامه لا ارادي عيونه طارت لحوش ام راشد شافها حاول يغض نظره ما يبي يخون جيرانه لكن غصب عنه عيونه تتبع كل حركاتها وكل شي فيها يجذبه
مطلق في نفسه / خاف ربك يا مطلق اكلت البنت بعيونك خف على نفسك البنت متزوجه مالك نصيب فيها والي تسويه حرام هي ساعدتك تغدر فيها ما هي من عادتك تعض اليد الي امتدت لك
نزل من السطح ودخل بالصاله لقى امه وخواته توهن جايبات الفطور افطر وتفكير يخونه ويفكر فيها
ام مطلق / وش اخبار خالتك لما جيتها
مطلق / بخير هههههههه قلبتها مناحه لما بشرتها
ام مطلق / الله يلوم الي يلومها
مطلق / ههههههههههه انتي سبقتيها بالمناحه يالغاليه
ام مطلق / للحين وانا امك ماني بمصدقه كان الي البارح صار حلم
مطلق / والي يسمعك رحت لمشعل قلت عطني كف علشان اصدق ولد اختك نذل عطاني كف لوى وجهي لوي
ام مطلق والبنات / هههههههههههه
فاطمه / شكل كلنا يبي لنا كفوف علشان نصدق
مطلق / فاتك قلبتها مع مشعل فلم هندي صرنا نبكي دخل علينا خالي ابو مشعل وحنا متحاضنين ونبكي خاف ان ميت احد
منيره / هههههههههه وش سوى يوم درى
مطلق / ماتتخلين اش كثر فرح
حصه / وربي هالانسانه حبيتها اول ماشفتها
حصه \ متواضعه من يصدق ان تملك عقارات وفلوس
ابو مطلق / لازم نسوي لها عزيمه
ام مطلق / تستاهل ولا يجي من قدرها
فاطمه / زين علشان نتعرف عليها اكثر وتاخذ علينا
منيره / الا يمه هي بطول بالديره ولا فتره وبترجع
ام مطلق /مدري ما سالت ام راشد لكن الي اشوفه انها بتسكن بالديره
عند هند
جاب عمران الاغراض واستقبلته هنديانا استلمت منه الاغراض ودخلتها لغرفة هند والمرجيحه كانت عند الباب
دخلت هنديانا وهي محملة بالاغراص لغرفة هند وكانت مشغولة بترتيب دولابها بتشغل نفسها عن التفكير باهلها
هنديانا / هند الاغراض معي وين احطها
هند التفتت لها / ها تيهم فيه بعضها بتنزل تحت
كانت الاغراض شغلات ضروريه لهند بعض العطورات والفواحات الخاصه للغرف وشامبوهات وكريمات وفيه بعض المشروبات والحلويات دخلتهم بالثلاجه الصغيره الموجوده بغرفتها
هند تذكرت المرجيحه / عمران جاب المرجيحه الي طلبتها منه
هنديانا بابتسامه / ايه الي يشوفك يقول بزر كل ماكان تكونين فيه لازم المرجيحه
هند بابتسامه حزن / تعرفين حبي للمرجيحه لها ذكريات حلوه بطفولتي
هنديانا حست بحزن هند / هند طالعي بمصايب غيرك تهون عليك مصيبتك شوفي حالتي تهون عليك حالتك
كملت بوجع / امي وابوي عاجزين عن الحركه وانا اصرف على كم عايله في بيت شبرين ومن الحاجه
اشتغلت سجانه انفذ اوامر كلها قسوه غصب عني
نسو اني انسانه من لحم ودم وقلب بسببهم كله السجينات كرهوني وتمنو فرصه ينتقمون فيها مني
وجتهم الفرصه وتبلوني اني سبب بهروب وحده سجينه محكوم عليها بالاعدام واخذوني بذنب مالي شغل فيها انسجنت ظلم
فسبحان الله الي ظهرتي بحياتي وانقذتني من السجن وشغلتيني عندك براتب ومكانه بعمري ماحلمت فيها لو ادفع عمري كله ما قدر ارد ولو شي بسيط من فضلك علي
هند قربت منها ومسحت على كتفها / انتي طيبه وباره بامك وابوك علشان كذا ظهرت بحياتك بالصدفه فسبحان الله يسخر ناس لناس
هنديانا بابتسامه / يله ننزل تحت عند جداتك مايبلعني اخاف يوم يايذبحني ياذبحهن
هند / هههههههههههه كل ولا جداتي تراهن متروعات منك تدرين يبن يبرقعنك
هنديانا / ههههههههههههههه يبرقعني مره وحده كل هذا خوف مني
هند / ترى جداتي طيبات لا تزعلين من كلامهن
هنديانا / جداتك جداتي وانتي تعرفيني احب العجائز
هند بحب / هذا العشم فيك
هنديانا / انا نازله
هند / ولي يعافيك هنديانا خليهم يحطون المرجيحه عند حديقة الزهور عند الاسطبل
نزلت هنديانا وهند مستمره بترتيب اغراضها بعد ماخلصت نزلت لقت جداتها جالسات وعندهن قهوتهن
ام راشد / يمك ليه مانزلتي للغداء
هند / شبعانه للحين فطوري ببطني
ام موضي / الي يشوفك يقول مفطره كله الي اكلته مايشبع عصفور
هند / اذا جعت بقوم اكل قربت من الدله وصبت لها فنجال قهوه
ام راشد / يمك ترى ابو مطلق جاني يعزمك للعشاء
هند بطفش / ياجده كم مره اقول ا نا ماحب هالسوالف
الجده ام راشد بعصبيه / مو على كيفك جيتي الديره تطبيعين بطبايعنا ولا ناويه تفشلينا عندهم
هند بستسلام / وان شاء الله متى عشاهم
ام راشد / قلت ياخر عشاه لين يجي جاسم وهو رفض يقول العزيمه عزيمتك
هند بطفش / طيب امري لله مدري متى اخلص من العزايم الي مالها داعي
ام موضي / بعد المغرب تكونين جاهزه
هند وهي تشرب من فنجالها / ا نشا ء الله
وعلى جلستهن دخل جاسم الي استغربت هند رجوعه توقعت يحرم الرجوع لديره بعد اخر شي صار بينهم
عند جاسم
قرر انه يقوي نفسه ويتعامل معها معامله ثانيه خاليه من أي الاهتمام مستحيل يسمح لها تهينه او تجرح فيه اكثر من كذا وبيتبع معها اسلوب التطنيش ولا كنها موجوده واذا تلاقو بيحاول يضغط على قلبه وبيحتقرها
جاسم دخل على جداته وحاول يتجنب النظر لها قرب من جداته وباسهن على روسهن وقرب من الجهه البعيده عن هند وجلس
هند استغربت اسلوبه وتطنيشه لها وكان ليس لها وجود حتى مالقى السلام عليها لكن ماهتمت
لما جلس وقفت
هند / جده انا طالعه لغرفتي بتجهز للعشاء
ومشت وتركتهم وجاسم غصب عيونه لحقتها لين غابت عنه
جاسم / معزومين لعشاء الليله
ام راشد / ايه عند ابو مطلق زين انك جيت علشان تحضر معنا
جاسم / انا الحين طالع لغرفتي بارتاح
طلع فوق ولما وصل لدور الثاني وقبل لا يدخل غرفته التفت لغرفتها سمع صوت هند تتكلم
غصب عنها قرب من الباب وسمع الكلام الي انقال داخل
عند هند
كانت هند وهنديانا يتكلمون
هند بسخريه / هههههههه زوجك جاء الليله بزفك له
هنديانا بطفش / الله يعيني على التمثيل شكلك ناويه عليه الليلة
هند بكره / ابيك تكرهينيه بالديره ابيه الليله يقضب ثوبه وينحاش
هنديانا / ولا يهمك استمتع بتعذيبه
هند / ههههههههههههه اهم شي تبقين بنت بنوت مثل ماقلت لك ولا تبين علي يذبحني
هنديانا / القلب لعلي وكل شي جاسم ماشوفه شي
هند / الليلة زودي الجرعه عليه
عند جاسم
واقف منصدم منقهر من هند ومن نذالتها وحقارتها معه كل الي تسويه الغوله تمثيل
جاسم / هين يا هند والله لقلب الخطه عليك ان ماخليت غولتك هي الي تنحاش ماكون جاسم
مستحيل تكونين انسانه انتي مجرمه الحقد اعمى عيونك عن كل شي هدفك الانتقام حتى بمشاعر الناس
انا تستغفليني وتستمتعين بتعذيبي والله لردها لك واكسر خشمك
بعد عن الباب خاف ينكشف ودخل لغرفته وهو كله قهر قفل الباب عليه بالمفتاح ماله خلق ان غولته تقتحم عليه خلوته
انسدح على سريره وهو يرسم مخطط لهند يرجع بعض من كرامته الي داستها هند من غير رحمه وهو بتفكيره نام
بعد المغرب
عند هند
تجهزت ولبست عباتها وانزلت تحت عند جداتها لقت جداتها جالسات ينتظرن نزول جاسم يبنه يساعدهن بالمشي لبيت مطلق
عند جاسم
صحى من نومه وهو كسلان ومقهور دخل الحمام اخذ شور بارد يبيه يبرده من القهر الي يحس فيه لبس وتعطر ونزل عند جداته شافها لابسه عباتها وشيلتها وبرقعها بيدها
حاول يطنشها ولا يعبرها
التفت على جداته / انتن جاهزات
ام راشد / ايه ننتظرك
ام موضي / تاخرت وانت نايم عسى منت بمريض
جاسم بابتسامه / تعب من مشوار الطريق يله مشينا
مسك جدته بيدها ومشهى من غير لا يلتفت لهند
هند مسكت يد ام موضي ولحقتهم ووصلت لبيت ابو مطلق ودخلن بقسم الحريم
ام مطلق واقفه مع بناتها عند الباب رحبت بام جاسم وام موضي وحضنت هند ورحبت فيها بحب دخلتهم بمجلس الحريم كان موجود بعض الحريم المتبرقعات
عند جاسم
دحل مجلس الرياجيل رحب فيه ابو مطلق ومطلق الي واقف بالمجلس يصب القهوه لرياجيل
دخل جاسم وسلم على الرياجيل الموجودين مسكه ابو مطلق وجلسه بصدر المجلس
ابو مطلق / الساعه المباركه انك جيت وحضرت العشاء
جاسم / الله يبارك فيك
كان الي يتكلم بالمجلس ابو محمد وابو صالح من اهل الديره
ابو محمد متزوج وحده من بنات الرياض ورافضه تسكن بالديره وهو شغله بالرياض تزوج على زوجته وتوه له كم شهر معرس
ابو صالح يكلم ابو محمد / بشر عنك كيفك مع زواجك الثاني
ابو محمد بابتسامه / الحمد لله تحسنت اموري مع ام العيال
ابو صالح مستغرب / يعني تعدلت امورك مع ام محمد
ابو محمد بسعاده / اللهم لك الحمد صارت تدلعني
ابو صالح / وزجتك الثانيه شلونك معها
ابو محمد بجديه / احاول ماظلمها لكن الحب والقلب لام محمد وهذي ماتزوجتها الا بربي فيها ام محمد
ابو صالح / حرام عليك تظلم بنت الناس
ابو محمد بجديه / القلب مو بايدي لكني احاول اعدل بكل شي الا القلب مالي حكم عليه
ابو صالح / الله يعينك
ابو محمد يبتسم / صدق من قال ماتتعدل المرة الا اذا حطيت على راسها مره الغيره تسوي الهوايل
جاسم طول الجلسه مستمع بالبدايه كان متملل من الموضع وبعدين صار يستمع بحماس واعجبته الفكره
جاسم في نفسه / وجتك الفكره على طبق من ذهب بتزوج وبكسر هند وبتعرف اني ماني مهتم فيها والي
خلقها خلق غيرها وانها ماعاد تسوى شي عندي يمكن تتعدل لشافتني متزوج غيرها
جاسم في نفسه / هي لو تحبك مازوجتك غولتها وحكمت عليك مؤبد معها هي ماختاره الغوله بترعبني فيها وواثقه اني مستحيل اطالعها ومطمنه من هالشي لكن اذا تزوجت وحده حلوه مليون بالميه بتتغير علومها مراح اخسر شي خلني اجرب
طيب وانك نذرت ان جسمك مايلمس الا جسمها وانا عند نذري وزواجي جسر للوصول لقلب هند
جالس يفكر من بتكون زوجته الي ممكن يقهر فيها هند فكر بالدكتوره سعاده واثق ومتاكد لتقدم وخطبها بتوافق بشروطه قرر بكره بيرجع لديره وبيتزوجها بسرعه وبيجيبها لديره بيحارب فيها هند
بعد ماخلص العشاء رجع جاسم مع جداته للبيت والحقتهم هند
عند جاسم
طلع لغرفته شاف هنديانا واقفه بقميص نوم فاضح قرر انه يقلب الخطه عليهن قرب منها وهو مقروف حاول يمسك نفسه قرب اكثر وحاوطها من خصرها
انتفض هنديانا وخافت انه يتعمق اول مره من تزوجها هو الي يقرب منها وهي دايما الي تقرب لانها متاكده بيصدها
جاسم / شالزين صراحه شكلك مغري وش رايك تنامي بحضني الليله لامتى متزوجين على ورق
هنديانا بدت تخاف ان جاسم يتعمق وتنقلب السالفه عليها
هنديانا / هاااه ايه حاولت تتهرب وهو شادها بقوة من خصرها
هنديانا بتتهرب / هند تناديني
انفلتت من جاسم والبست ملابس على لبسها وطلعت وصكت الباب بكل قوتها
جاسم / هههههههههههههههههه هذا اول الغيث يا هند بتشوفين جاسم جديد
عند هند
كانت منسدحه على سريره انصدمت من دخول هنديانا المفاجى
هند / بسم الله عليك شكلك متروعه وش صار عند جاسم
هنديانا بصدمه / جاسم مو جاسم
هند بابتسامه / شلون جاسم مو جاسم
هنديانا / قالت لهند كل الي صار
هند بققت عيونها متفاجئة من تصرفات جاسم من تطنيشها لين وصل لتعامله لع هنديانا
هنديانا / اسمحي لي هند برجع لرياض اصلن جو الديره ماعجبني وهنا ما عندي لشغله ولا مشغله
هند / ههههههههه اشوف بدال ما ينحاش بتنحاشين انتي
هنديانا / مثل ما قلتي بكره قولي لعمران يردني
هند / خلاص لصبحنا بقوله
هنديان فرشت فراشها بمكانها كل ليله نامت وهند على سريرها طار النوم من عينها وهي تفكر بتصرفات جاسم
في بيت بسام
جالسه بغرفتها تحاول تنوم عيالها دخل عليها بسام وشافها محتاسه بتنويمهم
بسام / زين لحقت عليهم قبل لا تنومينهم
نجلاء / تعبوني من اليوم احاول انومهم مو راضين وانا طول نهاري اشتغل بالبيت
قرب منها بسام وحضنها من وراء وتكلم بهمس باذنها
بسام / الله لا يخليني من حنيتك اشو ف لك ايام ناسيتني مع عيالك
التفتت عليه نجلاء وبحياء / السموحه يالغالي انت تعرف عمرهم محرج ويبيله مداره والا انت الاساس
بسام / حبيبتي كم مره اقول بجيب لك شغاله تساعدك تمسك البيت وانتي عليك عيالك
نجلاء بحب / ما ارضى احد يخدم حبيبي غيري
بسام ضمها لصدره / انا مقدر انشغالك ياعيون بسام لا تضغطين على عمرك فوق طاقتها
نجلاء التفتت على عيالها شافتهم ناموا سحبت بسام بايده
نجلاء / حبيبي بنطلع ما صدقت نامو مابيهم يسمعون سوالفنا ويقومون
بسام / اخيرا اعتقونا ونامو وجاء دوري
طلعو من غرفة عيالهم ودخلو غرفتهم وكانت نجلاء لابسه قميص نوم اسود ستان لازق على جسمها
بسام يطالع فيها بهيام / نجول حبيبتي انتي نحفانه وانتي تعرفين احبك مثل ماكنتي اياني وياك تسوين رجيم
نجلاء ادور حول نفسها / ليه بسومتي جسمي مو عاجبك
بسام اخذها بين احضانه / بكل حالتك تعجبيني خلينا ننام
اليوم الثاني في الديره
في بيت ابو مطلق
صحى ابو مطلق دق على غرفة بناته لقى فاطمه صاحيه من قبل صلاة الفجر
ابو مطلق / انتي صاحيه يابوك مانمتي
فاطمه قربت منه وباسته على راسه / لا فديتك توني قايمه كنت بصلي واسوي فطورك
طالعها ابوها بحزن وفهمت فاطمه سبب النظره
ابوها بعطف / الله يفرحني فيك وشوف عيالك
استحت وبغصه نزلت راسها لانها اكبر بنات الديره الي ما تزوجت كل الي بعمرها عندهم عيال مقتنعه بنصيبها
طلع ابو مطلق مر على غرفة ولده شافه لابس ملابسه اول ماشافه مطلق تقدم له وباسه على راسه
مطلق / شكلك اليوم شباب راحت عليك نومه وقمت قبلك
ابو مطلق / العمر راح وانا ابوك وانا اتمنى اتطمن على هالبنات قبل لا تدفنوني بقبري
انتفض مطلق من كلام ابوه / الله يعطيك طول العمر ويجعل يومي قبل يومك يالغالي
مسك بيد ابوه وهو خايف عليه من بعد الكلام الي قاله اول مره يسمع ابوه يتكلم بالحزن الي سمعه بصوته طلعو للمسجد
عند فاطمه
بعد ماطلع ابوها كساها الحزن نفسها تريح ابوها من ناحيتها لكن مو بكيفها النصيب ماجاء التفتت على سرير اختها منيره
فاطمه / منيره قومي صلي بننزل نسوي فطور ابوي
منيره الي كانت صاحيه وسمعت كلام ابوها لفاطمه وتبي تخفف على اختها لانها تعرف ان كل بنت حلمها تكون عروس وام
منيره / ارحمي حالتك من التفكير ترى ماكل وحده متزوجه مبسوطه بحياتها ترى كثير متزوجات يحسدن البنات على راحت البال والمسؤليه
فاطمه بحزن / منيره انتي تعرفين اني مقتنعه بنصيبي وعارفه ان الي ربي كاتبه لي خيره لكن لما اشوف نظرة ابوي لي وحنانه الزياده يوجعني قلبي عليه الي بعمري بالمدينه تدرس ولا اهتمت بالزواج وانا ماني بعجوز علشان ابوي يفقد الامل اني اتزوج ياما بنات اكبر مني تزوجو لكن قولي من يغير نظرة اهل الديره للبنت الي تتعدى العشرين ماجاها نصيبها
منيره قربت من اختها / تعجبيني والله كان معك دكتوره مع هالكلام الي تقولينه
فاطمه بحزن / منيره انا اخاف ا ن محد يتقدم لكم بسبتي تعرفين اهل الديره ماتتزوج الصغيره قبل الكبيره اذا جلست الكبيره بدون زواج طيحت حظ خواتها
منيره بحب / احد قالك اني مشفوحه على الزواج تعرفين ان تفكيري الحين بدراسه الي اخيرا بتتحقق لاحقين على الزواج ووجع الراس
فاطمه / يله ننزل نسوي فطور لابوي قبل لا يروح لنياقه
نزلن تحت لقن امهن سابقتهن للمطبخ ومسويه فطور شايبها
فاطمه قربت من امها وباستها على راسها
فاطمه / يمه الله يهدك وش قاعده تسوين
ام مطلق / الفطور
منيره / يمه وش فايدتنا اذا بنخليك تسوين الفطور وحنا جالسات
ام مطلق / الله يوفقكن
سحبت فاطمه الشغل الي بيد امها وكملت الفطور
بيت ام راشد
عند هند
قامت بعد صلاة الفجر صلت ولبست فستان بيتي طلعت لحديقة الزهور شافت المرجيحه ابتسمت وركبت عليه جلست تمرجح نفسها وحست بتعب وانسدحت
جتها هنديانا معها شناطها
هنديانا / انا طالعه لرياض
هند التفتت عليها / ههههههه مصره تنحاشين
هنديانا / اذا راح جاسم جيت امس زين اني قدرت اخلص نفسي منه اخاف بعدين ماقدر
هند / هههههههههههه من يصدق انك انقلبتي جبانه
هنديانا / كله علشان علي
هند قامت وحضنتها / مع السلام وتوصلين بالسلامه
طلعت هنديانا ورجعن هند للمرجيحه وانسدحت ونامت
كان كل الي صار تحت عيون جاسم الي طاير من الوناسه وهو يشوف اول خططه نجحت واقف من بعيد يراقبها لانه مشتاق ومتلهف لشوفتها يحاول يكابر قدامها لكن خايف شوقه يفضحه
لما شاف تعمقت بالنوم قرب منها لين صار قريب شافها نايمه بسلام جلس يتاملها
جاسم في نفسه / مستحيل القلب يسكنه غيرك لكن انتي الي بديتي الحرب مستحيل اسمح لنفسي بالخساره
مشى وتركها مايبيها تفتح عيونها وتشوفه لازم يكمل الخطه للاخير
على الساعه 9 حست بحراره الشمس وقامت دخلت لقت جداتها جالسات يفطرن قربت منهن
ام راشد / يمه جاسم وينه ماشفته
هند ببرود / انا كنت برا مدري عنه
ام موضي / الله يهديك فيه وحده ماتدري وينه زوجها
هند ببرود / انا مدري عنه
جابت الشغاله الكبتشينو شربته وطلعت فوق دخلت غرفتها ودخلت بسريرها ونامت
في الديره
بعد المغرب
الجدات جالسات بالصاله الجده ام راشد نادت على الشغاله تطلب منها تنادي هند تتقهوى معهم قهوة المغرب من الصباح ما شافتها
طلعت الشغاله لغرفة هند طقت الباب وسمحت لها الدخول كانت هند عند التسريحه تعدل شعرها بعد ما خلصت لبس
الشغاله / جده تحت يبغى انتي
هند / قولي لها دقائق وبنزل
نزلت هند لقت جداتها جالسات وبينهن قهوتهن جلست باست راس الجدات
جلست بوسطهن كالعاده
الجده ام راشد / يمك تونسين شي يوجعك شي
هند / انا بخيره والسموحه اني مانزلت على الغداء وخليتكن تحاتني
الجده ام موضي / مدامك بخير كل شي يهون
قربت هند القهوه منها وصبتها لهن سمعت صوت جاسم قرب وباس راس جداته وجلس مقابل لهند وهند منزله راسها تختار لها من التمر
الجده ام راشد / صبي فنجال قهوه لرجلك
هند ارفعت راسها والتقت عيونهم مع بعض
وجاسم بيغيضها / علميها السنع ياجده
هند بتقهره / السنع متعلمته من بيت الفهد وجدتي تشهد لي
الجده ام موضي / وانا اشهد انك محظوظ انها من نصيبك مامثلها ثنتين
هند طالعته بكبرياء وتكلمت بصوت مايسمعه الا جاسم
هند/ تكلم على قدك وبلاها قط الكلام وتدخل الجدات بالي بينا
جاسم طنش كلامها الي قالته وهو يغلي من القهر من اسلوبها
الجده ام راشد / بطول بالديره
جاسم يطالع بهند الي مو مهتمه بوجوده / بكره بارجع
الجده ام موضي / حلفت عليك تجلس يومين هنيه ترى نخاف عليك من الطريق
جاسم / علشان خاطرك يالغاليه بجلس لبكره بالليل هذا الي اقدر عليه
الجده ام راشد / جعلنا نفرح بعيالك
جاسم يطالع بهند بحقد / امين خلي هند تشد حيلها ولا تزوجت عليها انا ابي قبيله
جاسم متشوق يسمع رد هند وبقلبه خوف من ردها الجارح
هند طالعته بنظرات سخريه / انا مافيني عيال البركه بهنديانه هي الي بتترس لك البيت عيال
ورصت على اسنانها بصوت ماسمعه الا جاسم / اكيد عيالي منت ابوهم ياجاسم حط هذا براسك بدال الف والدوران
كانت الجدات ملتهايات بالسوالف بينهن استغل الفرصه و قرب منها ورص على يدها بكل قوته وهن توجعت من رصته لكن تكابر سحبت يدها بقوه تبعدها عنه
جاسم يبادلها نفس النظرات / انا عايفك ولايشرفني ان عيالي يكون منك لانك ما تثيرين فيني شعره او بلاصح كاني متزوج رجال
جاسم في نفسه / تكذب على منو هذي كانها رجال ولا تثيرك وانا ماسك نفسي بالقوه علشان حلوفي
هند بعدم مباله / وجهة نظرك ماتهمني
التفتت هند لجداتها
هند بتقهره اكثر / ابي اروح لبيت ام مطلق مشتاقه وبصوت واطي لمطلق وخواته
جاسم ولع من القهر / هذا تصرف وحده متزوجه تحترم نفسها وزجها
قاطعته هند بتقهره / منو الي متزوج انا للحين اعتبر نفسي ما تزوجت انت بالورق تعرف وش معناته يعني شوفت عينك وحلال غيرك انا انتظر تخلص هالتمثيليه البايخه
جاسم فقد اعصابه / صدق انك حقيره وحقووده وربي الي ماسكني عنك حلوفي ولا عرفتي ردي على كلامك
و كمل كلامه بخبث/ ولا تبيني اعلمك شلون اصير لك زوج بالواقع تبين تجربين انا حاضر والحين
هند استحت حاولة تغير الموضوع ارجعت اطالع بجداتها
جاسم استانس انه قدر يسكتها ولاول مره تصير هي دايما الي تسكته
جاسم بيقهرها اكثر / جده انا ناوي اتزوج
الجده ام راشد / احد عنده هند ويدور غيرها
جاسم / انا من حقي اتزوج اربع وهند مافيها عيال وانا بتزوج ابي عيال
ام موضي / توكم معاريس من الي قال مافيكها عيال يحبكم للعجله
جاسم بيقهرها / انا متزوج وهاليومين وبجيبها لديره
هند بتقهره / حلفتك تقولي علشان ارقص في عرسك وترى هدية عرسك علي
جاسم منقهر وبيقهرها / ماهي محتاجية لهدايك الي باخذها تكفيني حرمه ولا كل الحريم تقول للقمر قم وانا اجلس مكانك
هند ببرود / الله يهنيك فيها
جاسم / بتزوجها وبجيبها لديره ماقدر استغني عن وجودها
ام موضي / انت من جدك ولا تمزح
جاسم / والله من جدي
ام راشد / الظاهر صرت ماتشبع من الزواج
جاسم يطالع بهند بيقهرها / لاني ما تزوجت الي تملى عيني
هند حاولت تغير الموضوع التفتت على جداتها / جده ببني مدرستي بالارض الخاليه الي جنب الاسطبل
ام راشد / الارض ارضك سوي فيها الي تبين
هند / اجل توكلنا على الله من بكره بابدء بالبناء علشان اخلص بسرعه قبل العام الدراسي الجديد
ام موضي باستغراب / بتجيبين عمال وانتي تعرفين ماعندنا رجال يراقبهم
هند تاشر على نفسها / انا العامل ما يحتاج اجيب عمال
جاسم مستمع منبهر من الي تقوله هند كل يوم يكتشف شي جديد بهند وعرف انه للحين ما يعرفها واكيد فيه شغلات مخفيه عنه
ام راشد مستغربه / تسوين الي يسونه الرياجيل
هند اطالع بجاسم / هههههههه وانا على قولة بعض الناس رجال وافضل منهم بعد
جاسم مستمع وهو منقهر من هند الي تبي تستفزه باي طريقه لكنه قرر مايعطيها الفرصه تفرح بالي تبيه حط نفسه غير مهتم بكلامها
وقفت هند / اسمحن لي ياجداتي بطلع اريح لان وراي قومه بكره الصباح ياليت ياجده ترسلين احد الحين لبيت ام مطلق تخلي بناتها يجون عندي بدري ابيهم ضروري
جاسم في نفسه / يا هلمطلق الي ناشب بحلقي اموت واعرف وش الي لاقيته فيه مو فيني
ام راشد / عسى خير يمه وش تبين فيهن
هند / بكره ابيهن يساعدني في بناء المدرسه لانهن بيدرسن فيها ابي احسسهن انهن لهن الفضل في بناء المدرسه
جاسم باستهزاء / وش يعرفك بالبناء ترى مو مكعبات تركبينها على بعض وتصير بيت
هند بفخر / انا لها وراح تصير اجمل مدرسه نسيت ان شركتي ماسكه البناء
جاسم بخوف لكن حاول يكون طبيعي/ نسيتي جرحك الي للحين مالتئم الدكتور محرص انك ما تجهدين نفسك وهذا الشغل فيه جهد كبير
طالعته بنظره ذوبته / لا تخاف علي ياجاسم على قولة المصاروه قطه بسبع ارواح
جاسم في نفسه / سمى عليها خايف يصيبها شي قرر يراقبها من بعيد يعرف انها عدوة نفسها
وقفت هند وتكلم جداتها / انا بنام تصبحون على خير
وطالعت بجاسم / اذا تبيني اعدل غرفة العروس الجديد تراني حاضره
جاسم قهرته بيستفزها استفزته تتوقع ان كلامه مزح لكن خلاص بكره بتشوف انه جاد
جاسم بيقهرها / ما احتاج لخرابيطك العروس بجهز غرفتها على ذوقي وباثثها بالغالي الغالي يستاهل الغالي
قهرها لكن ما حبت تبين انها تاثرت بكلامه طلعت من غير ما ترد عليه وعيون جاسم تلحقها لين اختفت من قدامه
جاسم في نفسه / مدري الي بسويه بيقربها مني ولا بتبعد اكثر
اختكم نسايم نجد
|
05-12-10, 03:35 AM
تحياتي لك يااحلى نسومه بما انك يانسومه قاعده تعدلين في الروايه فياليت تحنين على جاسم وتزوجينه هند ولايصير قلبك مثل قاسي عليه والله مايستاهل
جديد مواضيع قسم القصص المكتمله من وحي قلم الاعضاء
العرض العادي
