كاتب الموضوع :
نسايم نجد
المنتدى :
القصص المكتمله من وحي قلم الاعضاء
اهنئكم جميعا بالعام الهجري الجديد اعاده الله علينا جميعا وعلى امتنا بالخير واليمن والبركات
اخواتي اسموحولي على التاخير لاني قمت بتعديلات قويه بالروايه حسيت الكل يبي مغامرات لجاسم مع هند بالديره وبالاجزاء الي كنت بحطها قليلة او نادره وجودهم بالديره مع بعض
فغيرت البارت على مزاجكم
وهذا البارت صغير وتصبيره بعد التعديل
البارت الخامس والثلاثون
عند جاسم
قام وهو كسلان التفت على اخوه شافه غاط بنومه قام توضاء طلع من الحمام صحى فيصل بيصلون الظهر
نزل لقى امه بالمطبخ دخل عليها
جاسم بابتسامه / شخبار ام جاسم
ام جاسم بعتب / ليش يمك جيت وتركت عروسك توكم معاريس
جاسم في نفسه بوجع / أي معاريس وربي شوقي لها ذبحني ما دري اقدر اتحمل واصبر ولا شوقي بيطيرني لديره
جاسم بحب / يا لغاليه عندي شغل اخلصه و برجع لديره
ام جاسم / يمك لا وصيك على بنت عمك
جاسم في نفسه / يمه دخيلك وصيها علي خليها ترحم حالي ما ني قادر اتحمل قسوتها
جاسم / يمه طالع بصلي وبرجع
ام جاسم / صحيت اخوك
جاسم / ايه
طلع من البيت بعد ما خلص الصلاه دخل لقى فيصل متمدد على كنب بالصاله مغطي عيونه بذراعه
قرب منه جاسم وجلس على الكنبه القريبه منه / ما شبعت نوم
فيصل بعد يده عن وجهه وبتعب / من عاد صاير ينام علشان يشبع
جاسم بالم / اخاف نهاية حالتنا بمستشفى المجانين لا صرنا ننام ولا ناكل
فيصل بالم / انا بيني بين الجنون شعره متى ما نقطعت انجنيت رسمي
قطع عليهم ام جاسم تناديهم على الغداء تغصبو على الاكل علشان امهم وبعدها اطلعو لغرفتهم
عند عبدالرحمن
بعد ما طلع من عنده جاسم زاد اعجابه فيه وحس وش كثر كان ظالمه يتمنى من كل قلبه ان هند ترضى وتقتنع فيه زوج وتكمل حياتها معه مستحيل بتلقى واحد يحبها ربع حب جاسم مسك جواله بيتصل على خالد بيذكره بنشر وفاة هند
عند خالد
خالد كان بمكتبه لما شاف اتصال ابوه
عبدالرحمن / الو
خالد / هلا بالغالي بشر عنك
عبدالرحمن / الحمد لله شلونك وشلون غاده وينكم ماتطلون علينا
خالد / بخير السموحه يا لغالي الشغل لراسي متى ما زانت ظروفي جيتكم
عب دالرحمن بجديه / كلمتك بسالك وش سويت بنشر خبر وفاة اختك
خالد اوجعه قلبه / ان شاء الله بهاليومين
عبدالرحمن / لا تتاخر التاخير مو من صالحنا
خالد / عطني يومين يا لغالي كل شي بيصير مثل ما تبي واحسن
عبدالرحمن / يله فمان الله
خالد بعد ما قفل من ابوه تسند على الكرسي وهو مهموم صعب عليه ينشر وفاة اخته الي اغلى من روحه يكفي انه حاس بثقل غيابها
عند جاسم
طلع لغرفته انسدح على سريره وكل تفكيره بالديره مشتاق لها وكانه له سنين غايب عنها
قرر يرجع لديره ما يقدر على البعد قام وفتح دولابه وطلع له ملابس وحطتهم بشنطته لان ملابسه الي بديره ما تكفي ناوي يطول هناك وعيون فيصل تراقبه استغرب فيصل منه وهو يحط ملابسه بالشنطه
فيصل مستغرب / خير وش عندك تحط ملابسك بالشنطه ناوي تهاجر
جاسم / بروح لها
فيصل بصوت عالي / بترجع لديره
جاسم / ايه ما ني قادر اقوى على البعد
فيصل بسخريه / مدامك بترجع ليش جيت وطاق هالخطوط رايح جاي
جاسم بعشق / قلبي الي يحركني يا خوي مشتاق لها ومشاق لكل شي فيها حتى لتجريحها
فيصل / اااااااااااه تقولي عن الشوق وانا مكتوي به هذا وانت مالك الا يوم غايب عنها تقول ها الكلام اجل وش اقول عن حالي
جاسم بوجع كبير / لا تحسدني يا خوي رايح لجلادي ما قول الا الله ياخذ العشق الي يدمر الرياجيل
فيصل حس بوجع اخوه / طيعني وجلس بلاها روحت الديره الي بتقلب مواجعك
جاسم / مابي اغيب عنها يقولون الي يغيب عن العين يغيب عن القلب
فيصل / ههههههههه الي يسمعك تقول هالكلام يقول ان بنت عمك عندها قلب مثل الناس
جاسم بوجع / انا بحارب لين اكسب قلبها ابي القلب قبل الجسم
فيصل بعمق / متحسف على حلوفك
جاسم بحزن / اكثر شي ندمت عليه بحياتي زواجي الصوري الي حطيت نفسيه فيه وحلوفي اني ما لمسها وارجعها مثل ما خذتها مادريت ان هالشي فوق احتمالي
ابتسم بحزن / تدري يا خوي صرت اسرق قربها مثل ما كنت اسرق شوفتها وساعدني ان علاجها فيه نسبه منوم وبالليل اذا تاكدت انها نامت دخلت غرفتها كاني حرامي واستمتع بقربها وهي ماتدري عني يمكن لو درت فجرتني
فيصل بخوف / انتبه يا خوي النار ما تقرب من البانزين وهذا انت وهند مو كل مره بتقدر تقاومها
جاسم بوجع / من حقي احس بحساس اني متزوج من حقي احس بدفئ حضنها من حقي استمتع فيها ومن حقي شغلات كثيره لكن حلفي صاير حاجز بينا
فيصل بحزن / اسمع نصيحتي يا خوي وترك عنك السفر لديره ابعد عنها ياخوي
جاسم بعشق / والله ما قدر وش اسوي بقلبي المجنون الي مسيرني وعيوني الي ادمنت شوفتها وشكلي ادمن على تجريحها
فيصل / الله يكون بعونك
جاسم وهو يسكر شنطته التفت على فيصل / لا وصيك اخذ لي اجازه من نواف
فيصل / ان شاء الله
طلع من البيت وركب سيارته بيرجع لديره
عند فيصل
منسدح على سريره مشتاق يسمع اخبار غاده قلبه مو مرتاح بعد اخر شوفه لها يوم اعتذرت منه طالع بساعته شاف الساعه وحده باقي ساعتين عن خروج الجوهره من الجامعه مسك جواله واتصل عليها
عند الجوهره
كانت بالكفتريا الحالها متملله وطفشانه لان غاده ما داومت بالجامعه سمعت صوت جوالها رفعته شافت رقم اخوها
الجوهره / الو يا هلا با خوي القاطع
فيصل / شخبارك واخبار كرشتك
الجوهره / الحمدلله هههههه وكرشتي تسلم عليك غريبه وش عند متصل علي
فيصل / فاضي قلت اكلمك بشوف متى تطلعين بمر اطلعك
الجوهره كاشفة فيصل / احب اقولك ان غاده ما داومت اليوم فلا تتعب نفسك لاني متاكده ان المشوار كله تبي تشوفها وتلمحها
فيصل مستغرب ان الجوهره كاشفته / طلعتي ذكيه كاشفتني
الجوهره بحزن / مدري متى تفقد الامل فيها وتنساها وتشيلها من راسك ما كفتك الايام الي فاتت تراقبها من بعيد وهي مادرت عن هوى دارك
فيصل بكذب / وانا خبل ما وراي شغل علشان اراقبها
الجوهره / تقدر تكذب على العالم لكن مستحيل تقدر تكذب علي لاني كاشفتك لا تحسبني ما شوفك واقف بعيد تراقبها واذا ركبت سيارتها لحقتها لكني حاطه نفسي ما شوف
فيصل بوجع / ما تدرين شخبارها بعد ماطلعت من المستشفى
الجوهره بعصبيه / مدري عنها ولو ادري مستحيل انقل لك اخبارها يكفي الايام الي فاتت تسحب مني اخبارها لازم تنساها غاده ما تستاهلك وهي الخسرانه مصيرها تعرف هالشي لكن بعد فوات الاوان
فيصل بوجع / مع السلامه
عند هند
صحت على اذان العصر لبست فستان وردي ناعم طويل وتركت شعرها مفتوح على طبيعته ولبست شبشب بيتي وردي
صلت العصر ونزلت تحت وجلست عند جداتها سوالف لين اذن المغرب صلت وطلبت من الشغاله تجهز القهوه والشاهي والعشاء
طق الباب قامت تفتح الباب دخلن اربع حريم متبرقعات
هند بابتسامه / يا هلا ومرحبا نور البيت
ام مطلق / النور نورك يابنيتي
البنات واقفات منبهرات بشكلها كانها جايه من كوكب ثاني دخلت ام مطلق ودخلن وراها البنات وسلمت هند عليهن جلستهن بمجلس الحريم وبداية الجلسه كان الحياء غالب على بنات ام مطلق
هند / ماشاء الله ما تعرفنا على الاسامي
فاطمه / انا فاطمه وهذي منيره واصغرنا حصه واخوي مطلق
هند / ههههههههه انا هند الفهد وعندي بنت اسمها غاده كبرك يا فاطمه ثالث طب
البنات مستغربات ومنصدمات شكلها صغير شلون عندها بنت كبيره
هند / ههههههههه مستغربات اختي مربيتها وتعتبرني امها
هند تكلم / فاطمه انتي تخصص شنو
فاطمه بحزن / ما درسنا ماعندنا مدرسه بالديره واهلنا يخافون علينا من المشاوير
حزنت على حالهم / كل بنات الديره مادرسن
منيره / ايه
هند / طيب ليه ما قدمو معاريض علشان بفتحون عندكم مدرسه
حصه / اهلنا اكبر همهم تعليم العيال وحنا على قولتهم مصيرنا لزواج
هند تذكرت سالفة مطلق وانه عاطل عن الشغل ووحيد ابوه
هند / خاله مزنه اذا ما عليك امر ممكن اقابل مطلق بوجودك
الجدات تفشلن من طلب هند لان هند متعوده بشغلها مقابل الرجال وبديره فضيحه ان الوحده تكلم رجال اجنبي عنها
ام مطلق وبناتها مستغربات الطلب واستحقرن جراءت هند
هند عارفه نظرتهن / يا خاله اذا الخير بيد بنت تمنعه عن الولد انا ابي ولدك بخير ولا ابي منك غير الدعاء ان الله يفرج كربتي
ام مطلق / هو بالبيت برسل له حصه تقوله انك بتقابلينه
طلعت حصة من بيت ام راشد راجعه لبيتها لقت مطلق واقف عند الباب
حصه / هند زوجة جاسم طالبتك
مطلق خاف انها درت انه شايفها وهذا شي فيه قبايل بالديره
مطلق بخوف \ ما قالت وش تبي
حصه / تقول لامي تبيك بخير وبحضورها بتتكلم
مطلق متفشل من نفسه شلون لو درت امه عن سواته
سحبته حصه لين وصلته عند باب ام راشد
دخلت بالحوش لقت هند لابسه عباتها ونقابها ومعها ام مطلق
هند بقوة / ضيفنا ما نستقبله عند البيبان له صدر البيت دخليه مجلس الرجال
سمع مطلق كلامها وزاد اعجاب فيها
فتحت هند له مجلس الرجال وهو جالس منزل راسه مستحي من الكلام الي بتقوله جلست امه جنبه وهند جلست بعيد
هند / اكيد مستغرب اني طالبتك لكن لما بعرفك باسمي راح تعرف ليش طالبتك
رفع راسه مستغرب / قولي الي عندك يابنت الاجواد
هند بثقة / انا هند الفهد مديره شركات الفهد
مطلق انصدم وكان مويه بارده انصبت عليه
مطلق في نفسه \ معقوله بنت الفهد وش جايبها لديره وتاركه املاكها وشركاتها هذي فلوسها ما تاكلها النيرن وش لها بجاسم والي يستحقها امير
مطلق بستغراب / تشرفنا يا بنت الفهد سمعتك الطيبه سابقتك
هند من غير مقدمات / عندك استعداد تمسك شركتي الي بالطايف
مطلق بقق عيونه مستغرب من طلبها ومستغرب بتمسكه شركه
هند كملت / شركتي جديده وابيك تديرها لان جداتي امدحن امانتك ويشرفني اوضفك عندي
ام مطلق ما قدرت تمسك نفسها جلست تبكي ولدها له 5 سنين مسكره البيبان بوجه وجايه الفرج من هند
هند / راتبك الاساسي 30 الف مع الغربه يوصلون الخمسين
هذا كله كثير على مطلق وامه كلهم تجمدو ما قدرو يتكلمون
هند بجديه / عندك استعداد تبعد عن الديره ترى موفره سكن عائلي لو بغيت تسكن اهلك هناك
غصب عن مطلق دمعت عيونه كانها ليلة القدر كل احلامه تحققت كانها داريه ان نفسه يسكن اهله معه ويتطمن عليهم مايقدر يتغرب ويتركهم
هند / ماعجبك عرضي
مطلق ياله يتكلم / يا بنت الاجواد الصدمه ربطت لساني اكيد موافق والله يحعني قد الثقه
ام مطلق جلست تبكي ورفعت يدها لسماء / جعل الله يفتحها بوجهك ويفرج همك مثل ما فرجتيها عليه وعلينا
هند التفتت لمطلق / ترى لك الصلاحيه بتوظيف الموظفين الاكفاء الي ترتاح لهم لان الشركه تحتاج موظفين
مطلق طرا على باله ولد خالته وصديقه مشعل الي حاله مثل حالته
هند / بعد شهرين تدوام يعني الحين بايجازه مفتوحه
مطلق بابتسامه \ لو بغيتي من بكره اداوم مليت من الاجازه
هند / اذا ما عندك مانع انا قررت افتح مدرسه هنا ببيت جدتي بكون انا المدرسه حاليا وراح اطلب مدرسات من الرياض وبي اوفر كتب
طالع فيها مستغرب وش يخصه بالمدرسه / ماعرفت اش علاقتي بالمدرسه
هند بجديه/ ابي ادرس بنات الديره ومن بينهن خواتك ترى العلم سلاح للبنت يا مطلق
مطلق بنفسه / وينك يا مشعل تعطيني كف اطالع انا بحلم ولا بعلم ما ني بمصدق اخاف اني بنومي اتحلم يارب يكون علم مو حلم
ام مطلق نفسها ان بناتها يتعلمن جلست تبكي قربت لها هند وباست راسها
هند بحنان / ليش تبكين يا خاله ليكون سويت شي يضيق خاطرك
ام مطلق وهي تشاهق / الا سويتي كل شي احلم فيه وفقدت الحلم
هند / ترى عروسة مطلق اذا رضيتي عندي بنت ولا كل البنات اخلاق وعلم ودين وابوها رجال طيب مكافح عنده ثلاث بنات وثلاث عيال
هي الكبيره اصغر منك ب 3 سنوات تملك مشغل وتديره
مطلق يبتسم / خليني اثيت نفسي في الشغل وبعدين اتقدم لها مايرد الكريم الا الئيم
هند \ محشوم
التفتت على ام مطلق هند / وش رايك باختياري اذا ما عجبك مراح ازعل هذا ولدك
ام مطلق بفرح / هذي ساعة المنى يا بنتي اشوفه معرس وافرح بعياله
هند / بتفرحين ان شاء الله والله البنت تنشرى لو اني ما شوفك كفو على كلام جداتي والله ماعرضتها عليك
ام مطلق / مدام اهلها طيبين والبنت اخلاق على بركه الله
مطلق / الي تشوفينه انتي والوالده
مطلق وقف بيطلع هند استوقفته / ما قلت لي بخصوص تدريسي لخواتك
مطلق / انتي فصلي واحنا نلبس خواتي امنيتهم يتعلمن انا عني موافق عندك امي خذي رايها
طلع من عندهم راجع للبيت وكله سعادة وفرح قرر يفرح ولد خالته وصديقه مشعل
هند / خالتي وش رايك
ام مطلق تمسح دموعها الي طول الجلسه مجفت
ام مطلق / على بركة الله
هند بمرح تمسح دموعها / كله ولا دموعك ههههههه تراك من طالباتي انتي وجداتي
ام مطلق \ هههههه راحت علينا بعد الكبر تجينا العبر خليك بالبنيات ولا حنا اعقولنا تسكرن
هند / ابي منك طلب خالتي
ام مطلق بحب وامتنان / عيوني المركبه لك لو طلبتيهم
هند / تسلمين يا لغاليه ابيك تسوين لي دعايه لمدرستي الي بفتحها بعد شهر بيكون كل شي جاهز
ام مطلق / ان شاء الله تسوين بالبنات خير كلهن يبن العلم
هند / تاخرنا على جداتي والبنات
دخلت هند عليهم والسكوت غالب على جلستهم الجدات بنص ثيابهن من تصرف هند والبنات ذابحتهن القافه بيعرفن وش تبي هند باخوهن
تقهو وغصبت عليهم هند للعشاء وقبل لا يطلعن عطتهم اكل لابو مطلق ومطلق رجعو لبيتهم
وهند جالسه مع جداتها الي زعلانات عليه
هند / وش مزعلكم مني
ام راشد بعصبية / والي سويته تسويه بنت متربيه
هند مستغربه / وش سويت ما سويت غلط
ام موضي بعصبية / يوم تطلبين رجال تبين تكلمينه لا حياء ولا مستحاء
هند بثقة / طيب اسئلني وش تبين فيه يمكن تتغير نظراتكم
ام راشد / قول وش تبين بالرجال
هند / قالت لجداتها كل شي وطلبت منهن يتكتمن على الموضوع
الجدات فرحن من قلب لمطلق يحبنه لانه دايما يطل عليهن يسالهن اذا ناقصهن شي
ام راشد بفرح / الله يفتحها بوجهك ويفرحك مثل ما فرحي هالمسكين راح عمره وهو لا شغل ولا زواج
ام موضي / يا بنتي الي سويته تفريج كربه عن مسلم وانتي تعرفين اجر من فك كربه عن اخوه المسلم مزنه ضايق صدرها ومهمومه من قعدت ولدها عطالي والي بعمرهم متزوجين وعندهم عيال
هند بابتسامه \ يعني انام مرتاحه مسامحاتني
ام راشد تقرب هند له وتضمها / مفتخرات بالي مسويته الحين الي ربي عطاه يبخل على الي ماعنده وانتي ما نسيتيهم وتساعدينهم
ام موضي / هند روحي يمك نامي جنيتك من اليوم طالعتن فوق
هند / ههههههههههه يويلكم لو سمعتكم ترى ماني مسئوله عن الي تسويه فيكم
ام راشد بخوف / الله يستر لا تسمعنا مالنا حيل لها
ام موضي / هذي بصبعها تكسرني وياك يام راشد
هند / ههههههههههههههههههه من خاف سلم
وقفت هند وباست روس جداتها طلعت فوق لقت هنديانا نايمه بدلت ملابسها ودخلت بسريرها ونامت
عند مطلق
طلع من عند هند متجه لبيت خالته طق الباب فتح له مشعل دخله مشعل بالبيت وجلسو على فراش مبسوط
مطلق / تكفى يا مشعل عطني كف
مشعل مستغرب / ابشر هذا يوم المنى عندي عطاه كف قوي
مطلق / وجع ما صدقت يدك مرزبه مو يد
مشعل / وش فيك تبي كف ذكرتي بالمسلسلات اذا الوحد مو مصق شغله طلب يعطونه كف ولا يقرصونه
مطلق / وصلت خير نفس حالتهم ماني بمصدق وانت اكيد بتطلب مني اتوطى ببطنك علشان تصدق
مشعل بلهفه / قول شوقتني وش الي عندك
مطلق / قال كل صار بمقابلته مع هند
مشعل مبقق عيونه وفاتح فمه مو مصدق
مطلق حرك يده قدام عيونه / يا لاخو اصحى ماني ناقص انك تموت ويتهموني اهلك
مشعل بعدم تصديق / متاكد ولا نايم المغرب وحالم وجاي تقولي حلمك
مطلق / شكلي بتوطى ببطنك علشان تصدق
مشعل / والله لو صدق الي قايله بيكون ليلة القدر فتحت ابوابها لنا
مطلق بصراخ / والله صدق
تقدم مشعل وضم مطلق وصار يبكي ومن بكاها بكى مطلق فاقدين الامل
دخل عليهم ابو مشعل خاف يوم شافهم حاضنين بعض ويبكون
ابو مشعل بخوف / مات احد
مطلق / هههههههه لا يا خالي البكاء من الفرحه
ابو مشعل / اول مره اشوف الي يفرحون يبكون
مطلق / ولدك مشعل بكا وبكاني واتوقع لو قلنا لك ولبوي بتبكون
ابو مشعل / ياذا العلم ما بقى الا ذي
مشعل / اجل قو قلبك بقولك الي بكاني قال له كل شي
ابو مشعل بفرح / الله يبارك لها في مالها الله يفرحها مثل ما فرحتنا قوم يا مشعل بشر امك
دخل مشعل يبشر امه الي صارت تبكي وتدعي لهند
بيت ابو مطلق
دخت ام مطلق وبناتها البيت كان ابو مطلق منسدح بالحوش ام مطلق قربت من شايبها وجلست بنفس المركا
ام مطلق / شخبارك اليوم ترى العشاء جاهز نغرف لك ولا تنتظر مطلق
مطلق \ جاء مطلق الله لا يخليني منكم
ابومطلق بحب / يارب تفرح قلبك وانا ابوك وانت بارن فيني
مطلق بفرح / ابشر يبه اليوم فرحتي ما تنوصف وسال امي
طالع في امه يبيها هي الي تبشره
ام مطلق بفرح / ابشرك عقدت ولدك انفكت والسبه زوجة جاسم الله يفتحها بوجهها
البنات مبققات عيونهن ينتظرن بلهفه وش صار بينهم
ابو مطلق بحزم \ قولي لا تقطعين بكلامك
ام مطلق / قالت له كل شي من الوظيفه والراتب والزوجه
ابو مطلق دمعت عيونه فرحان / الله يفرحها مثل ما فرحتنا ويوسع رزقها ويفرجها عليها
البنات تعالت اصواتهن بالتبريكات وهن فرحانات لخوهن
التفت عليهن مطلق / فيه موضوع يخصكن يا خواتي طلبته مني هند
البنات بصوت واحد / شنووووو
مطلق بحب / تبي تدرسكم بالديره بتفتح مدرسه هنا بعد شهر
فاطمه صارت تبكي بشهاق هي اكثر خواتها حلمها تعرف تقرا وتكتب
طالعت في ابوها وقربت منه وباست يدينه / تكفى يبه وافق لا تحرمنا مادام المدرسه بجدارنا تكفى يبه لا طفي الشمعه الي مشعلتها هند لنا
ابو مطلق رق قلبه على بناته / موافق يا بوك امسحي دموعك
استجابة فاطمه لابوها ومسحت دموعها
فاطمه / والله هند ما نطلع من جزاها مالها الا يومين بالديره وزرعت الفرحه بقلوبنا ياليتها جايه من زمان
ابو مطلق / الطيب ينشر طيبه يا بوك ذبحني الجوع منتي بمعشيتني
فاطمه \ يخسى الجوع وان بنت ضاوي
طالعها بحب وحزن يحاتيها لان محد طق بابه يخطبها وخايف انها تبقى بدون زواج وعيال وهذ السبب زاده حب لها
محطيت مقتطفات لاني سويت تغيرات قويه بالبارتات
نسايم نجد
|
04-12-10, 03:49 PM
جديد مواضيع قسم القصص المكتمله من وحي قلم الاعضاء
العرض العادي
