كاتب الموضوع :
نسايم نجد
المنتدى :
القصص المكتمله من وحي قلم الاعضاء
البارت الثاني والثلاثون
اليوم الثاني
طلعت تحاليل جاسم وهند بالموافقه استعجل بالنتائج لان هند خلاص وصلت حدها بسبب جلستها بالمستشفى وتبي تطلع وهذا الي رافضه جاسم
اتصل على عبد الرحمن واتفقو ان الليله ملكته وبيرحون بعد الملكه لديره
رفع جواله واتصل على عبدالرحمن
جاسم / السلام
عبدالرحمن / وعليكم السلام شخبارك يولدي
جاسم / الحمد لله بشر عنك
عبدالرحمن / الحمد لله بخير
جاسم / ياعمي طلعت نتائج التحاليل بالموافقه
عبد الرحمن / اجل بعد المغرب تعال املك عليها واخر اليل اطلعو لديره ووكمل بوجع وبكره خبر وفاتها بكل جرائد السعوديه
وكمل عبد الرحمن بحزن / هند امانه برقبتك وتذكر حلوفك
جاسم / ان شاء الله ياعم ما تنظام عندي وكمل بوجع هي عندي مثل اختي الجوهره تطمن وارتاح ياعمي
عبدالرحمن بحزن / الله يصبرنا على بعدها
جاسم حس بحزن عبد الرحمن / هذا لصالحها ياعمي
سكر من اتصاله بعبد الرحمن طلع لمكتب نواف دخل جاسم المكتب
جاسم / السلام
نواف / وعليكم السلا م
جاسم / ابيك تفضي نفسك بعد المغرب
نواف / خير وش عندك
جاسم / ملكتي على هند
نواف بقق عيون من الصدمه / شنووو
وحط نواف يده على جبهة جاسم يقيس حرارته
جاسم يضحك / ههههههههه منت بمصدق حتى انا
نواف بحماس / قول شلون وكيف صار شلون قدرت تقنع هتلر الي داخل
جاسم بحزن ووجع / ما تدري وقال له الاتفاق الي صار بينه وبين عبد الرحمن
نواف بصراخ / انت غبي شلون بتمنع رغيتك كزوج فيها مستحيل الرجال يشوف وحده بهالجمال ويبقى صامد الا اذا فاقد رجولته
جاسم بصرخه اكبر / نووواف لا تخليني اندم اني قلت لك وش فاقد رجولته انت عارف اني برجولتي لكن احلوفي بتمنعني غصب عني
انت عارف اني ناذر جسمي ما يلمس الا جسمها وحرمت على نفسي الحريم احنا مو حيوانات تسيرنا غرايزنا نقدر نكبحها
عارف انه صعبه وعذاب ودمار نفسي لي اني اشوفها قدامي وهي حب وعشق حياتي بدون ما قرب لها لكن بحاول احارب رغبتي فيها لين تخلص ازمتها اذا عرفت منو جاسم وحبته وبغتني كزوج سويت لها زواج يليق فيها مستحيل ادخل عليها بدون عرس
وكمل بحزن / واذا بغت فراقي وعدن علي افارقها وهو اكره شي على نفسي
مستحيل استغل ظروفها واخون حلوفي تعلمت من تجربتي الاولى مستحيل اكررها
نواف / وزوجتك وش بتسوي فيها
جاسم مستغرب / أي زوجه
نواف / ههههههههه الغوله المرعبه
جاسم بعصبيه / الله يسد نفسك ياشيخ لازم تعكر مزاجي وتسد نفسي
نواف بجديه / لمتى بتبقى زوجتك رابطه اسمها باسمك
جاسم بياس / مدري ما شوفها زوجه وهي لازقه بهند وفاكتني
فكنا من طاريها لين ربي يخلصني منها هذي حرام ادفع فيها 5 ملايين لو انها هند الي طالبتها لها ولله لدبرها لو اشحذهم
نواف / تدري ان غولتك بالمستشفى بغرفة هند لو تشوفك بتلزق فيك نصيحتي اقضب ثوبك وانحاش
جاسم / فكنا من طاريها لا تجيني
ما كمل كلامه الا هنديانا داخله تبي نواف لان هند مرسلتها له
نواف يكتم ضحكته / وتكلم بصوت واطي ما يسمعه الا جاسم شكلك بتذبحني جبنا سيرة القط جانا ينط
قربت هنديانا من جاسم تبي تنرفزه وتقهره
جاسم بصراخ / تقلعي لا تلمسيني
قربت اكثر وطبعت بوسه قويه على فمه ما ستحت من نواف الي نزل راسه بالارض وشكله بينفجر من الضحك من شكل جاسم وهو متقرف
هنديانا التفتت لنواف / هند تبيك ضروري
نواف هز راسه بايه ما يقدر يتكلم من كثر ماكاتم ضحكته
طلعت وركض جاسم لحمام غرفة نواف وجلس يستفرغ
طلع من الحمام لقى نواف بوجهه
نواف / هههههههههههههههههههههه اه يابطني
جاسم بتعب / اقول وراء ما تنطم وتنقلع تشوف مريضتك
نواف / ههههههههههههههههه ماقدرت تقاوم جمالك زين مسدحتك قدامي هههههههه حسافه كان اشوف فلم مباشر ههههههههههه
مسك جاسم علبة الاقلام بيرميها على نواف
جاسم بعصبية / والله اذا ما ذلفت عن وجهي لرميك فيها يحبك لتشفي
نواف / هههههههههههه لا بروح لزوجاتك
جاسم بعصبية / وجع يوجعك مالي زوجه الا وحده وبتصير الليله باذن الله زوجتي
طلع نواف من عند جاسم رايح لغرفة هند
قبل لا يدخل طق الباب خايف من لسانها كانت هند بالداخل تصارخ على الممرضه
سمع صراخها داخل نواف بجديه / خير ان شاء لله ليه الصراخ انتي بمستشفى فيه مرضى محتاجين لراحه
التفتت له هند بكل عصبيه / جيت يا حضرة الدكتور
نواف بسخريه / ايه وش تشوفين قدامك
هند بصراخ / اشوف قدامي شبه دكتور حرام الي عطاك الشهاده
نواف يحاول يمسك اعصابه / الزمي حدودك لا تتطاولين علي
هند بسخريه / ههههههههه واذا قلت مراح الزمها وش بتسوي
نواف ببرود / بطلع وبخليك لاني ما حط راسي براس حريم
هند بعصبيه / حريم انا اوريك وش بيسون الحريم
فتحت الباب وطلعت ولا عبرته لحقتها هنديانا
كلم حراس المستشفى يمنعونها من الخروج هذي اوامر من جاسم
وصلت لبوابة المستشفى منعها الحارس عن الخروج
الحارس / جتني اوامر تمنعنك من الخروج من المستتشفى
هند بعصبية / وخر عن طريقي مدام النفس طيبة عليك
الحارس خاف من شكلها وهي معصبه وحاول يصير اقوى منها / ممنوع
على طول سحبت المسدس من جيبه / والله ان ما خليتني اطلع لفضيه براسك وصل رسالتي لدكتورك انه ماعاش ولا كان من يوقف بوجهي ويمنعي عن الي ابيه خاف الحارس وغصب عنه سمح لها بالخروج
طلعت ومعها هنديانا وقفو تكسي وركبته
الحارس على طول كلم نواف الي جالس بمكتبه ومعه جاسم
عند نواف
نواف بعصبيه / الادميه هذي لا تطاق تخلي الواحد يفقد اعصابه
جاسم / وش صار
نواف / قال له الي صار
جاسم بعصبيه / وخليتها تطلع
نواف / معطي معلوماتي للحراس يمنعونها
دق تلفون مكتب نواف كان الحارس المتصل
نواف / الو
الحارس / دكتور نواف المريضه طلعت من المستشفى
نواف بغضب / وانا اش قلت لك ماقلت امنعوها
الحارس / غصب عنا وقال له كل الي صار
سكر نواف من الحارس وهو يغلي من الغضب
نواف بعصبيه / مجنونه هذي الا تمشي الي براسها لو كان خطر على حياتها كل شي عندها تحدي وفرض راي
جاسم بخوف / وش صار ليه كل الغضب
نواف / قال كل شي صار
جاسم بغضب اكبر من غضب نواف / وين راحت وانا مانع عمران يجيها في المستشفى
طلع من مكتب نواف طالع برا المستشفى مر على الحارس وساله من الي وصلها قال انها ركبت تكسي
اشتعل خوفه عليها يمكن يتعرضون لها ويسون الي بروسهم هي جابتها لنفسها بعنادها
ركب سيارته رايح لبيت عبد الرحمن يبي يتاكد انها وصلت هناك وصل لبيت عبدالرحمن فتحت له الشغاله طلب منها تنادي عبدالرحمن
جاه وقاله جاسم كل الي صار عبد الرحمن توتر وخاف عليها واقف عاجز مايدري وش يسوي
دق على جوال هند وماترد دق على جوال هنديانا ماترد زاد خوفه اكيد صاير لها شي عمرها ما شافت رقمه وطنشته صار يتصل ونفس النتيجه ما في رد جلس على الحاله ساعه واكثر وهو على اعصابه
طلع جاسم من عند عبد الرحمن يدور عليها لعل وعسى يلقاها
بعد ساعتين ادخلت هند بيت خالها ركض لها وهو بقمة غضبه
عبدالرحمن بصراخ / ارجعي للمستشفى الي طلعتي منه
هند / خالي انا بخير والله مابي اجلس بالمستشفى
عبد الرحمن بصراح وغضب / هند اسمعي كلامي لا تخليني اتصرف معك تصرف اندم عليه
هند انصدمت من اسلوب خالها وعصبيته
هند بعتب / خالي ليه
سحبها بيدها وركبها السياره غصب عنها استجابت له خايفه عليه من عصبيتهوصلو للمستشفى ونزل عبد الرحمن ونزلت معه و دخلها في غرفتها الي كانت فيها
وصرخ عليها / اياني وياك يا هند تعيدين الي سويته
هند منصدمه / خالي تهددني
عبدالرحمن بعصبية / وكسر راسك اذا ما تعرفين مصلحتك
طلع من عندها اتصل على جاسم وقال له ان هند بالمستشفى
دخل لغرفة نواف عبد الرحمن / السلام
تقدم له نواف وباس راسه / وعليكم السلام
نواف / عمي سامحني هند اجبرتنا وطلعت
عبد الرحمن / عين خير شوفها بغرفتها اجبرتها بالقوه ترجع
نواف / كله علشان صحتها لكن بنت اختك العناد وركوب الراس بيدمرها
طلع عبد الرحمن من المستشفى
نواف بخاطره يدخل عليها ويتشمت فيها انها جت منكسره مستحيل يفوت على نفسه الفرصه
قرر يراح لغرفتها يبرد حرته فيها
عند هند
تغلي من الغضب لو قدامها احد فجرته دخل نواف عليها من غير ما يطق وجذبه شكلها وصارت احلى واحلى عصبيتها زادتها جمال
وهي بقمة غضبها وثورانها التفتت الا تشوف نواف قدامها
هند بصراخ / خير وش جابك الظاهر ناوي على نفسك وبعدين انت غبي ما تفهم كل دقيقه داخل بدون ما تطق
نواف بيقهرها / شبعان من شوفتك نسيتي اني مسوي لك العمليه وجالسه 6 ساعات بين ايديك
هند بغضب / كسر الله يدينك قول امين اطلع يا دكتور مابي افضي غضبي فيك
نواف يستفزها / وانا اقدر افوت شكلك وانت منكسره
هند كان جنبها فازه من قزاز فيها ورد خذتها وحذفتها على نواف صابت الجدار القريب منه وتكسرت الى قطع طارت قطعه واصابته بوجهه
نواف بصراخ وجع / وش سويتي
هند بسخريه / هههههههه الحين بردت حرتي روح عالج نفسك يا دكتور
طلع من عندها والدم مغرق لبسه كان بوجهه جاسم
جاسم بخوف / وش صاير لك انت تنزف
نواف بالم وعصبيه / البركه با لمجرمه الي داخل ما قول الا الله يعينك على مابلاك
جاسم بحب وعشق / وربي احلى بلوى الله يتمم على خير
نواف بعصبية / استفزتني يوم طلعت من المستشفى ورجعت مكسوره حبيت اتشمت فيها وهذا ردها
جاسم / هههههههههههه اجل تستاهل نسيت ان هذي هند
نواف بعصبية / مالت عليك وعليها بروح قبل لا يخلص دمي
ترك نواف جاسم ودخل عند الدكتور وبعد الكشف نظفو الجرح وخيطوه وكانت الضربه على الحاجب قسمته قسمين بيبقى لها اثر
طلع وهو يغلي من الغضب توجه لمكتب جاسم وفتح الباب بقوه من فتحت الباب انفزع جاسم شافه واقف قدامه وجبهته ملفوفه بشاش
نواف بعصبيه / خلاص من اليوم ورايح مالي شغل فيها دور لها دكتور غيري والله ماني بايع نفسي علشان استمر بعلاجها
جاسم بابتسامه / تطمن بريحك منها وبتطلع الليله
نواف بعصبية / وتبتسم انت وجهك فرحان فيها هذي خطر على الروح البشريه
لو انا منك اخذ من خالها ضمانات على سلامتي يويلك ويسواد ليلك ونهارك لما تكتشف زواجك فيها بهالطريقه
نصيحتي لك هون عن الموضوع بكبره علشان سلامتك
جاسم بقهر ووجع / جاني منها كثيرررررر ما توقع باقي اكثر من الي شفته ما قول الا الله يعين ويمرر الليله على خير شكلها كشفت انا نعطيها ابره منومه مراح ترضى نعطيها ابر
نواف / عطوها الابره لانامت
جاسم / هذا الي بسويه ان شاء الله ما تحس فينا
عند نواف
طلع نواف من عند جاسم راجع للبيت اول ماوصل البيت خافت الجوهره من شكله
الجوهره بخوف / حبيبي وش فيك
نواف بحب / وش قلتي
الجوهره / قلت وش فيك
نواف / الي قبل وش فيك
الجوهره / حبيبي
نواف / اخيرا قلتيها
الجوهره بحياء / مو لازم اقولها انت ذكي وكيد بتحسها
ضمها اكثر / والله حبك بقلبي يكثر كل يوم اكثر من الي قبله
الجوهره / وش الي صاير لك
نواف / طحت كانت الارضيه فيها صابون وزلقت وطحت
الجوهره / انتبه هالمره جت سليمه المره الجايه ما يندري وش يصير
نواف وهو يتذكر هند / لا ان شاء الله ما فيه مره ثانيه
جهزت له الغدا تغدو وطلعو يا خذون قيلوله
المغرب
ببيت عبدالرحمن
تمت ملكه جاسم على هند من غير رضها وغاده رافضة زواج هند من جاسم واتهمتهم انهم متعاونين مع جاسم على هند
عبد الرحمن حاول يفهمها ا ن الي صار لسلامتها
سوت اضراب قفلت عليها بغرفتها وقررت ما تكلم احد لين يتراجعون عن الي سوه
قررت تروح للمستشفى وتقول لهند لبست عبايتها وطلعت من غرفتها وركبت مع السواق جابر لانها ما لقت عمران تبيه يوصلها للمستشفى
عند جاسم
جاسم بعد الملكه درى من عبد الرحمن عن رفض غاده لزواج وخاف تسبقه لها وتخرب خطته
على طول ركض للمستشفى وطلب من الممرضه تعطي هند الابره قبل لا تجي غاده وهو متاكد لانه عارف شخصيتها مثل هند مستحيل ترضى بالي صار
جاسم كلم فيصل يجيه بالمستشفى علشان يرجع سيارته للبيت بيروح بسياره هند والسواق عمران
دخل فيصل مكتب اخوه وعطاه المفتاح بعدها طلع لمكتب نواف
عند جاسم
نفذت الممرضه طلب جاسم بطريقه ذكيه منها وبعد ربع ساعه طل عليها شافها نايمه طلب من الممرضة بسرعه تلبسها عبايتها قرب منها وهي نايمه شالها بين ايدينه وركض فيها بين اسياب المستشفى لين وصل لبوابه الخروج ركب سيارة عمران هو وراء ومعه هند وعمران وريتا قدام وبينهم ستاره
عند غاده
وصلت بعد خروج جاسم بربع ساعه وصارت تركض بين الاسياب لين وصلت لغرفة هند ما لقتها وركضت لغرفة نواف
فتحت الباب بعصبيه وصايره كتله من نار
تروعو من فتحت الباب القويه شافو بنت بعبايتها نواف ما عرفها لكن فيصل مستحيل ما يعرفها هذي روحه
غاده بعصبيه وصراخ / امي وينهااااااااااااا
نواف خاف من عصبيتها وفيصل رحم حالها
غاده بصراخ / انت والحقير اتفقتو مع بعض والله ان ما رجعتوها لوريكم
نواف / ...........
قربت من مكتبه متجاهله وجود فيصل الي بالاساس ما شافته
بحاله هسترياء رمت كل شي بمكتبه وصارت تكسر فيصل خاف عليها لكن متجرء يقرب منها
نواف اتصل على الممرضات يجون يا خذونها لغرفة الطوارئ ويعطونها مهدئ لانها منهاره
اول ما خلص مكالمته الا غاده طاحت بطولها على الارض وصقع راسها بارخام
نواف وفيصل ركضو عليها هزها نواف ماتتحرك حط يدها على تنفسها شاف النبض ضعيف
نواف بخوف / نبضها ضعيف لو ما سرعنا بتموت
فيصل بخوف والدموع متحجره بعيونها / تكفى يا نواف الحق عليها
رفعها نواف شاف دم على ارضيه الرخام خاف وبسرعه شالوها ودخلوها غرفة الكشف انقلوها لغرفة العنايه حطو جهاز لتنفس وجهاز للقلب
كلم نواف بيت عبد الرحمن
في بيت عبدالرحمن
عبد الرحمن بالصاله جالس دق التلفون رد محمد على التلفون لانه كان قريب منه
نواف / السلام انا نواف
محمد / هلا نواف
نواف بارتباك / محمد غاده اختكم بالمستشفى حالتها حرجه
محمد بصراخ / شنووو هي بغرفتها
نواف / لا جتنا منهاره تسال عن اختها
محمد بحزن / لاحول ولا قوة الا بالله
سكر محمد من نواف وكلم خالد وقاله خالد انفجع وعلى طول ركض للمستشفى
في المستشفى
دخل المستشفى لقى نواف في وجهه
خالد / وش صار لها
نواف منزل راسه / للاسف بسبب طيحتها صار عندها ارتجاج والحين بغيبوبه
خالد بصراخ / شنووووووووو
دخل محمد وقرب منهم وهو حالته اقوى من حالة خالد
محمد بتاثر / طمني عنها يا نواف
نواف يحاول يصير قوي / اختكم بغيبوبه ادعو لها
محمد صرخ / لااااااااااااا كانت من ساعه جالسه معنا كله بسبب الملكه ليه يبه رضيت تقهرهاااا انت تعرف غلات هند عندها
طلع من عندهم وهم منهارين واقفين عند غرفتها
في مكتب نواف
وصل لقى فيصل جالس على ركبته عند دم غاده وحاط يدينه فيه وهو يبكي
فيصل منهار / ماتت شوف دمها
نواف / لا ما ماتت بغيبوبه
فيصل يبكي / بغيبوبه يا نواف يمكن ماتصحى منها للابد ليه يصير معي كذا انا كنت مكتفي اشوفها واسمع صوتها من بعيد اااااااااااااااااااااه يانواف مال حياتي طعم ولا لون من غيرها
تكفى يا نواف قول كل الي قلته كذب واني بحلم
نواف قرب منه رفعه ودخله الحمام وغسل يده وفيصل يمشي معه من غير شعور
عند جاسم
جالس وحط راسها على فخذه الي ارتعش بمجرد ملامسته لراسها ياما حلم انه يحط راسها على فخذه ويلعب بشعرها سكر الستاره الي بينهم وبين السواق وهو ناوي يحقق هالامنيه كشف عن وجهها ورفع نقابها وشال طرحتها عن شعرها شاف الي سلبت روحه وقلبه الي ما خلت لا ليله ليل ولا نهاره نهار اخيرا صارت قريبه منه هالقرب لف وجهها جهته وصار يتاملها بحريه امنيته يقرب منها اكثر و يضمها بقوه يطفي لهيب نيران عشقه لكن خاف على عمليتها
صار يتحسس وجهها بايده لين وصل لفمها الي نفسه يذوق رحيقه يمسح عليه بكل عشق وغرام رفع اصبعه الي تحسس فمها وباسه بقوه لانه حلف ما يلمسها ولو باسها مباشره يخاف تخونه قدرته على الصمود
حط يده على شعرها وصار يمسح فيه رفعه لانفه وشمه بقوه وباسه ريحة شعرها دوخته
رفع راسها على ذراعه وصارت قريبه من قلبه حس بحراره بجسمه من قربها هذي فرصته وهي مخدره مستحيل اذا صحت ترضى بقربه وهي حلاله قرب شفايفه من خدها وطبع بوسه طويله خدرته رجعها على فخذه خاف يتمادى بحركاته ويتهور حاول يشغل نفسه بمراقبة الطريق
جاسم / ياترى بقدر اصمد واكون قد حلوفي ولا تغدر فيني نفسي
جاسم في نفسه / يا حسرتك ياجاسم حبيبتك بين ايدينك ومشتهيها وغصب عنك تبعد عنها يقسوة القدر عليك يا جاسم
استمر اربع ساعات وهو يجاهد نفسه بمقاومتها
عند خالد ومحمد
محمد وخالد محتارين كيف بيبلغون ابوهم الي هو السبب الرئيسي بالي صار لغاده بموافقته على زواج هند غصب عن غاده
محمد بحزن / جاسم شلون بنقول لبوي عن غاده
خالد / خايف عليه يمحمد ابوه مايتحمل صدمات قلبه تعبان
محمد / بكلم امي واقول لها وبطريقتها تخفف عليه الصدمه
خالد / متى بيسمحون لنا بزيارتها
محمد / قلبي ما يطاوعني اشوفها يارب تشفيها وتقومها بالسلامه
خالد / لازم نقول لهند عنها لو صار لها شي لا سمح الله بتلومنا
محمد بصراخ / الله يقومها بسلامه اش هالكلام والله حياتنا من غيرها ولا شي
خالد / فهد لايدري هو متعلق فيها كثير لو درى بيترك دراسته ويجي
محمد بصراخ / وش فيك صاير بارد بلا حساس كان الي طايحه بنت الجيران
خالد بعصبيه اكثر / انت تعرف حبي لهند وغاده ما يحتاج انك تذكرني روح للبيت وقول لامي
طلع محمد من المستشفى متوجه للبيت
عند فيصل
بعد ما غسل ايدينه طلع نواف معه برا المستشفى فيصل بعالم ثاني قرر نواف ياخذه مع البيت لو شافته امه بهالشكل يمكن يصير لها اول مادخل كانت الجوهره بالصاله شافت شكل فيصل ركضت له خايفه
الجوهره بخوف/ فيصل وش فيك ليه شكلك كذا امي فيها شي جاسم فيه شي
فيصل /..............
الجوهره تهزه / تكلم
التفت لنواف / نواف وش صاير تكفى قول طيحتو قلبي
نواف / غاده بنت عمك في غيبوبه
الجوهره بصراخ وخوف / شنوووووووو
قرب منها نواف وضمها / لا تعصبين ا لعصبيه تضرك وتضر الجنين وكلي ربك صياحك مراح يغير شي
الجوهره صايره تبكي / نواف انا ما طلعت بالدنيا بصديقه الا غاده واكثر من اخت تكفى والي يرحم ولديك بشوفها
فيصل بدت دموعه تنزل لكن نواف والجوهره مشغولين عنه
طلع من عندهم دخل مجلس الرجال وسمح لدموع بالنزول وكل ما مسحها زادت دخل الحمام توضا وصلى ودعا ربي يرد له غاده
عند محمد
الساعه 9 بالليل
دخل بصاله وكانت نوره على نار لانها دخلت غرفة غاده ما لقتها وسئلت الخدم محد يدري وقالت يمكن مع اخوانها
نوره / محمد اختك معك
نزل محمد راسه ودموعه تنزل لما شافته نوره خافت وركضت لها وصارت قدام وجهه
نور بخوف / قول وش صار لبنتي
محمد بحزن / بغيبوبه من صدمتها على هند
نوره بصياح وصراخ لج البيت / بنتتتتتتتتتي لو صار لها شي مستحيل اسامح ابوك
طلع عبد الرحمن من الغرفه يركض على الدرج لما سمع صراخ نوره
عبدالرحمن بخوف / وش فيك ليه تصارخين
طالعت فيه بغضب / كله منك والله لو صار لغاده شي مراح اسامحك حرمتها من اختها عاندتها وزوجت هند وش استفدت الحين غاده بغيبوبه يا عبد الرحمن بغيبوه تعرف شنو يعني يمكن ما تصحى للابد
من الصدمه طاح عبد الرحمن من طوله ركض عليه محمد ونوره ونادى السواق وشلوه ونقلوه للمستشفى
طلع لهم الدكتور قال مرتفع عليه الضغط والحمد لله جت سليمه
نوره لامت نفسها بسببها بغت تفقد روحها رفيق دربها عاشو على الحلوه والمره وجلست على الكرسي وحطت يدها على وجها وصارت تبكي حال عبد الرحمن وحال غاده
عند نواف والجوهره
الساعه 9 بالليل
اول مادرت عن غاده وهي تترجى بنواف يوديها المستشفى تبي تزورها وتطمن عليها لكن نواف رفض وقال اهلها كلهم عندها وبكره الصباح وعد يا خذها معه علشان تزورها اهم شي ترتاح
عند فيصل
بعد ما صلى ودعا لها ارتاحت نفسيته طلع لنواف والجوهره بالصاله شاف نواف يهدي غاده الي قطعت نفسها من البكاء
فيصل بحزن واضح على وجهه / نواف انا طالع الحمد لله بخير عطني مفتاح سيارتك اذا منت بطالع بروح مابي اترك امي لحالها
حذف نواف المفتاح بالهواء امسكه فيصل
نواف / خذ المفتاح وان خلصت جيبه بدري وراي دوام
طلع فيصل من بيت نواف ركب السياره وقرر يمر المستشفى يشوف اخبار غاده من بعيد
وصل للمستشفى نزل ودخل مهموم وحزين متوجه لغرفتها من بعيد شاف كل العيله متجمعه
عند عبد الرحمن
صحى وشاف جنبه نوره متسنده على الكرسي ودموعها على خدها
عبدالرحمن بحزن / شلونها يا نوره
نوره هي تبكي / تحت رحمة الله رافضين زيارتها
عبد الرحمن / لو صار لها شي عمري مراح اسامح نفسي وجه نظره لنوره وكمل الي سويته لهند خايف عليها من زياد مهددها وانا جالس معها من سنه واكثر نوره من ذاك اليوم وانا تعبان كل تفكير فيها اخاف افقدها انتي تعرفين غلاها عندي وغلا اختها ودمعت عيونه هن الي بقن لي من ريحة ساره
مدت نوره يدها على وجه عبد الرحمن مسحت دمعته الي نزلت
نوره / ارحمني لا تزودها علي خلك قوي علشان تتحمل شوفتها وهي تعبانه كذا راح تنهار وانا مابي افقدك قوم يا ابو خالد معي هي محتاجه منا الدعاء
قام معها وطلعو لغرفتها اول ما وصلو ركض لهم محمد
محمد / الحمد لله على سلامتك يبه
عبد الرحمن / الله يسلمك شلونها اختك
محمد نزل راسه / للحين ما ندري الدكتور يقول انتظرو 48 ساعه وبيقول لنا عن حالتها بالضبط لان بيتاكد من ان غيبوبتها مؤقتها ولا دايمه
عبد الرحمن بحزن / سمحو لكم بشوفتها
محمد ودموعه متحجره / من وراء القزاز وشوفتها ماتسر يايبه ما تنشاف من الاجهزه
عبدالرحمن / الله يخليها لنا
محمد بحب / امين
عند فيصل
واقف عند غرفة الانتظار سمع كل الي قالوه قلبه اوجعه على حال حبيبته وحتمال انه يفقدها ما يتخيل حياته من غيرها البعيده القريبه من يوم حبها وهو يتعذب ما يدري متى يحف عذابه
عند جاسم وهند
الساعه 2 الفجر
بعد اربع ساعات وصل جاسم لديره اول مره يكون مبسوط من قلب لان هند معه
دخل على حوش كبير والحوش جزء منه مزرعه فيها نخيل وخضار وفيه حديقه فيها بعض الزهور الي يحبها جاسم وجزء مسور وله باب فيه غنم وماعز لجداته ووراء الفله اسطبل للخيول لان جاسم من هوياته ركوب الخيل محد يقدر ينافسه بالسباق دايما هو الفائز بلا منافس كل ما جاء لديره يركب فرسه ويركض فيها مسافات طويله بالاراضي الفاضيه
وفي وسط الحوش فله كبيره مكونه من دورين كانت قديمه ومن كم سنه جاسم بناها بطراز الجديد واثاثها راقي الفله الي يشوفها يقول بالرياض مو بالديره
غرفة جداته كبيرره مرره جزء منها اسره لجداته وجزء جلسه شعبه على طلبهن
وكل واحد منهم له غرفه ماثثها على مزاجه و داخلها حمام وقعده وتلفزون
الديره عباره عن اراضي خاليه فيها القليل من البيوت القريبه من بعض يوجد مسجد صغير والبيوت كلها نظام شعبي دور واحد وحوش وفيه بعض المزارع البعيده
اول ماوصل نزل وفتح الباب الي من جهتها وشالها لان مدة المنوم 6 ساعات دخلها في غرفته
دخل الغرفه ورفع اللحاف ودخلها بالسرير وجلس يتاملها شكلها ملاك بري عكس الحقيقه
طالع في صدرها يتامله شاف دم على لبسها خاف ان الجرح انفتح
قرب منها مد يده و فتح عن صدرها ضرب عرق برقبته وهو يشوفها عريانه الصدر حاول يقاوم
اخذ شنطته الطبيه جلس ينظف الجرح ويدينه ترتجف حط الشاش عليه
غصب عنه نزل راسه بمكان قريب من الجرح طبع عليه بوسه ريحة جسمها جذبته قرب منها اكثر واكثر لاصق جسمه بجسمها لكن فز كانه مقروص لما تذكر حلفه طلع برا الغرفه ونادى الشغاله ريتا تغير ملابسها الي توسخت من الدم
طلع بر البيت وهو خلاص منهار من كبت حاجته ورغبته فيها وهو يقول في نفسه / هذا اول ليله وصار لك كذا يا جاسم الله يعينك على باقي الليالي يارب هي حلالي وش ها لعذاب شلون بقاومها وهي فتنه كل شي فيه يغريني يارب انها ترضى بزواجنا ونبقى طول العمر مع بعض يارب ماعاد اقوى على الفراق والبعد
مالي الا اركض وانهد من التعب يمكن تطفي نيراني
وصار يركض حول البيت لين تعب وعلى طول راح لغرفة فيصل الي بجنب غرفته ونام فيها
عند هند
الساعه 5 الفجر
صحت من المنوم شافت نفسها بمكان ما تعرفه قامت من سريرها مفزوعه وهي تصارخ
هند بصراخ / انااااااااااااااااا وين يكلاااااب ياحقرين وشلون جبتوني هنااااااااااا
عند جاسم
كان نايم قام على صراخها اول ما تاكد انه صوتها على طول ركض لغرفتها فتح الباب
التفتت هند للي واقف عند الباب شافت جاسم وبصراخ
هند بصراخ / يا نذل يا حقير يا واطي وش سويت فيني وشلون جبتني هنا اكيد ياكلب متعاون مع الممرضه معطيتني منوم يا لجبان ما قدرت تواجهني صاحيه نومتني
جاسم بعصبيه / بسسسسسسسسس وش بقى ما قلتيه من اهانات تطمني محد قرب منك
هند بصراخ / اطلع فااااارق انت ما تفهم اناااااااا مابيك عايفتك اتزوج السواق ولا اتزوجك
حس جاسم بالاهانه والذل وكل مال طعناتها له تكثر
جاسم بعصبيه وغضب / انا زوجك برضى خالك وخوانك
هند بعصبية وصراخ / كذاب هذي لعبه منك ومن راشد لكن لو تموتون فلس واحد ما تشوفونه مني
قرب منها وعطاها كف على خفيف / هذا لك علشان تصحين انا عمري ما فكرت بفلوسك وترى زواجنا صوري انا تزوجتك احميك من الي ناوين يذبوحونك وهربتك لديره
هند منصدمه من الكف / ياحقير تمد يدك علي هند الفهد الي الرياجيل يرتجفون لشافوني وتاشر باصابعها بستحقار تجي انت وتمدها
جاسم بلع الاهانه وسكت ما يبي يزود النار حطب
كملت بصراخ اقوى كله غضب / من قال ابي اهررررررب انا ماني جباااااااااانه ولا خوافه من الليله توديني الرياض ولا بروح بطريقتي
جاسم فقد اعصابه / روحه مراح تروحين وانثبري هنا ضيفه معززه مكرمه لين نفتك من العصابه وبعدي طسي لخالك لا تحسبيني بتمسك بالي ما تبيني وعد وعهد علي لما تخلص ازمتك اذا بغيتي طلاقك بطلقك لكن الحين مجبورين على بعض
كل الكلام الي قاله كان من وراء قلبه وهو ينزوف جروح من الداخل بسبب اهانتها وكلامه يبي يرد جزء من كرامته الي بعثرتها هند
هند بثقه / انا بفك نفسي من العصابه ما حتاجك وطالعته بنفس نظرت الاستحقار ياليتك تحمي نفسك
جرح جديد من جروح هند الي مراح تنتهي
جاسم بهدوء / كلامي بيمشي ان شاء الله وعتبري نفسك بسياحه تعرفي على ديرتنا شوفي ظروف وطبيعه مختلفه عن الي عشتي فيها اكسبي معلومات جديد
اقتنعت هند بكلامه بتجرب مراح يضرها شي
طالعته بهدوء وهي تفكر وجاسم ينتظر على اعصابه يعرفها مستحيل بيقدر فيها اذا عندت
هند / طيب لكن كل واحد منا بحاله انا مالي شغل فيك وانت مالك شغل فيني
اوجعه قلبه ان يكون هذا طلبها اكره شي لقلبه بس اضطر انه يرضى
جاسم / وانا موافق اصلن انا برجع الرياض لشغلي مراح تشوفيني الا قليل
هند بقسوة / يكون احسن
جاسم بحزن / عمران وريتا جبتهم معي لاني اعرفك تحبينهم واذا بغيتي شي من المدينه القريبه وصيه يجيب لك انا متفاهم معه
هند / جبت هنديانا
جاسم / لا
هند / .......
طلع جاسم من عندها وزادت جروحه جروح كان نفسه يشوفها متلهفه عليه وتجبره على الجلوس معها مو تتمنى قلعته تنهد الظاهر احلامي صعبة المنال
عند هند
بعد ما طلع جاسم من عندها دخلت الحمام اخذت شور لبست تنوره جنز لنص الساق وبلوزه شيفون سماوي فيها رسومات بالابيض ولبست صندل ابيض وسوت شعرها ظفيره هنديه
طلعت من غرفتها تستكشف المكان شد فضولها تفتح الغرفه القريبه من غرفتها فتحت الباب
عند جاسم
كان منسدح على سريره كاشف الصدر متضايق من هند وعلى هند لو بكيفه زرع حبه بقلبها لكن هي تصده باسلوبها الجارح
صحى من افكاره بصوت الباب يفتح التفت شاف فاتنته بقمه الانوثه شعره وقف من جمالها الي لا يقاوم افترسها بنظراته العاشقه
هند تفشلت من نفسها شلون تدخل غرفته وهو نايم
هند منزله راسه / عارفه اني تلقفت ودخلت غرفتك لكن كنت بجوله استطلاعيه ما كنت ادري انها غرفتك ولا كان ما دخلتها
جاسم اول مره يشوف هند مستحيه زاد جمالها جمال
جاسم بنظرات كلها حب وعشق لو بكيفه اخذها بين احضانه
جاسم بحب / خذي راحتك تبين تستكشفين غرفتي مستعد
هند باحراج / لا ماله داعي
قام من سريره وسحبها بيدها وهي مستغربه وش عنده وصلها لغرفة الجلوس الي بجناحه
هو قرر يتودد لها ويقرب منها بطريقته يمكن قلبها القاسي يلين
جاسم بحب / تجين غرفتي وتطلعين منها من غير ما نضيفك وابتسم لها تراني كريم
هند ردت له الابتسامه بابتسامتها الغاليه النادر خق وداخ عليها وكل خليه تصرخ فيها ارحميني ماني قادر اقاومك انتي بتجنين على نفسك
هند بهدوء / وش عندك لضيافه
صحى من سكرته وفتح الثلاجه وجاب لها عصير برتقال
جاسم بارتباك / تعرفين ثلاجة عزوبي كلها عصيرات
هند / مراح اردك بشرب عصير على اني افضل الكبتشينو
جاسم يبتسم / الكبتشينو خليه على ريتا ماعرف
هند التفتت لجاسم / لاب توبي وينه ما ستغني عنه كل اشغالي المهمه فيه والسريه وفيه صفقات لازم ادرسها
جاسم مسك يدها بحب / هند انسي الشغل اعتبري نفسك بايجازه
طالعت بيده الي ماسكه يدها وهي متنرفزه
هند بعصبية / جاسم لا تتعدى حدودك معي وسحبت يدها
جاسم بهدوء / ليش انتي كذا عدائيه معي
هند / انا عدائيه مع الي يستاهل وارجع لتاريخك معي
وقفت بتطلع لكن جلسها
جاسم بحزن ومراره ووجع / هند خلي الاحترام بينا اعتبريني اخوك اعتصر قلبه من كلمة اخوك
وكمل لا تفهمين لمساتي لك بسوء نيه تطمني مراح اقرب لك لو تترجيني اقرب ماقربت
انا حلفت على القران قدام خالك ارجعك لهم مثل ماخذتك بنت بنوت وتطمني عافتك نفسي كزوجه
ارتاحت هند وجلست / انا موافقه اعاملك مثل اخوي خالد وانت تعاملني مثل اختك الجوهره لا تفكر بيوم من الايام اصير زوجتك واعطيك حقوقك سبق وقلت لك انا مو لزواج والعلامات الي بظهرك تذكرك
انجرح وهو يتذكر الليله المشؤمه الي طلعته من طوره ونهايته بجلده
جاسم بحزن كبير / مراح انسى من ذيك الله وطابت نفسي منك
هند / يله بنزل تحت اكمل جولتي
جاسم / بجي معك بشوف جداتي الي من زمان عنهم
طالعته هند بستفهام / بتطلع كذا
جاسم / لا باخذ شور والبس وانتي لا تتحركين
هند / طيب ترى ماحب الانتظار
قبل لا يدخل الحمام سمع صوتها
هند باستفهام / جاسم وين جوالي قلبي ماكلني على غدويه
مارد عليها دخل الحمام وبعد عشر دقائق طلع دخل غرفته ولبس ورش عطر طلع من غرفته دخل الصاله لقى هند جالسه تفكر قرب منها ولا حست فيه
جاسم بمرح / الي ماخذ عقلك يتهنى به
مستمره بسرحانها ولا انتبهت لكلامه
قرب اكثر بصوت اعلى / هند
صحت هند من سرحانه بخوف / جاسم فيه مصيبه صايره لغاده عطني جوالك بتطمن عليها
جاسم بحب / تعوذي من ابليس ما فيها الا العافيه
هند تاشر على قلبها / قلبي حاس فيها تتوجع خلني اكلم وهات جوالي ولا قلت لعمران يوديني
جاسم بنفسه / متى قلبك يحس باوجاعي
جاسم / انزلي تحت عند جداتي وانا بتصرف المكالمات خطره عليك
نزلو تحت لقو الجدات نايمات وهند مالها خلق لشي متضايقه وقلبها مقبوض
عند غاده
نايمه على السرير وجهها شاحب من التعب وصوت الاجهزه حولها دخل عليها الدكتور وطلع من عندها
كان عبدالرحمن ونوره برا الي طول ليلهم جالسين جنب غرفتها يدعون لها
اول ما شافو الدكتور طالع من غرفتها
عبدالرحمن بخوف / بشر يا دكتور
الدكتور / الحمد لله مافي سبب عضوي للغيبوبه اكيد السبب نفسي متى مانحل بتفوق ان شاء الله
طالعت نوره بعبد الرحمن بحزن والم / كلمه قوله يجيب هند انت عارف الي فيها بسببها
عبدالرحمن / بدخل على غاده بتكلم معها يمكن تصحى ولا يحتاج نعرض حياة هند للخطر
دخل عبدالرحمن عليها ما قدر يستحمل شكلها وصار يبكي بحرقة قلب على حال بناته
سحب الكرسي وقربه منها ومسك يدها البارده
عبدالرحمن / ليه ياغاده يا حبيبت خالك تضعفين ليه يا بوك تحسسيني اني مجرم بحقكم وخاين لختي
تبين تعرفين ليه زوجتها لجاسم علشان تعرفين اش كثر وجع خالك
دموعه نزلت وكمل / لي سنه ما ذاقت عيني طعم النوم تدرين ليه لانه حياتها مهدده بالموت زياد حلف لتدفع الثمن حياتها ثمن رفضها لصفقته المشبوهه
صرت اراقب هند من بعيد وكل مادق التلفون خفت وحطيت يدي على قلبي خايف يجيني خبرها وصار يشاهق ووتغرقت يد غاده بدموع خالها
حس بيد غاده تضغط بقوه على يده شوي شوي فتحت عيونها
غاده بضعف / ابي ماء
فز عبد الرحمن من كرسيه لما سمع صوتها وزاد بكاه
راح يركض لغرفة الدكتور بيقوله الي صار ولا عبر نوره وهي تناديه خافت نوره ان صاير لغاده شي دخلت شافتها صاحيه
نوره صارت تبكي وتشاهق قربت منها وباستها كانت خايفه تفقدها
نوره وهي تشاهق / الحمدلله على سلامتك
غاده بضعف / وش صاير
نوره / تعبتي شوي وجبناك هنا
غاده تتحسس راسها الملفوف بشاش
غاده / أي يوجعني من شنو
نوره / اغمي عليك وطحتي
غاده بدت تتذكر الي صار وانها كانت بغرفة الدكتور
غاده صرخت بقوه / مامااااااااااااااااااااااااااتي
وصارت تبكي بهسترياء على دخلت عبد الرحمن والدكتور
عبد الرحمن جلس يضمها بقوه بيهديها لكن زادت حالتها
اضطر الدكتور يعطيها ابره مهدئة
طلع عبد الرحمن من غرفتها وهو منهار من الحاله الي وصلت لها من يصدق انها غاده
عند فيصل
بعد ما سمع عبد الرحمن والدكتور انهار وجلس على الكرسي وطلع من المستشفى رايح لبيتهم او ماوصل داخل غرفته
انسدح على سريره يبي ينام طول ليله يتقلب على سريره لين سمع اذان الفجر قام راح للمسجد
بعد ماخلص الصلاه طلع لبيت نواف بيعطيه سيارته ويروح معه المستشفى ياخذ سيارته وبيتطمن على غاده
اول ماوصل بيت نواف شاف نواف عند الباب جاي من المسجد
نواف / ياله صباح خير وش مجيبك بالوقت
فيصل / نسيت ان سيارتك معي
نواف / بدري لا تقول تبيني اروح الحين تجيب سيارتك
فيصل / اكيد
نواف / اقول ادخل خلنا نفطر لاحق على الدوام
سحبه فيصل لسيارته / بنفطر بعدين الحين ودني المستشفى باخذ سيارتي
نواف طالع فيه / وش الحرص على سيارتك ولا تبي تشوفها
فيصل بحزن / اخلص علي
ركب بسياره جنب نواف بطريقهم للمستشفى اول ماوصلو نزل نواف ومعه فيصل دخلو مكتب نواف
فيصل بحزن / نواف كلم دكتورها اسئل عنها
نواف / وليه اكلمه
فيصل بحزن \ اذا لي خاطر عندك وحطه على السبيكر
استجاب له واخذ نواف جواله وتصل على الدكتور المشرف عليها وفتح السبيكر
نواف / شخبارك احمد
الدكتور / بخير
نواف / بسالك عن مريضتك غاده ما فيه جديد عن حالتها
الدكتور \ فاقت من الغيبوبه وانهارت وصارت تبكي بهسترياء اضطريت اعطيها ابره مهدئه كان تصارخ وتنادي امها
فيصل طول المكالمه وهو يستمع بانتصات وفرح انها فاقت من الغيبوبه وحزن على انهياره
عند هند
الساعه 6 الصباح
طلعت مع جاسم برا الفله وكانت بعالم غير العالم
التفتت على جاسم / عطني جوالك بتصل على خالد اتطمن عليهم قلبي قارصني
جاسم / لا انا بتصل واتطمن عليهم واطمنك
جاسم مشي بعيد عنها اتصل على اخوه فيصل الي قاله كل شي صار لغاده
جلسم في نفسه \ سبحان الله كل هذا احساس وشكل فيك الحاسه السادسه الحين شلون بقول لها اكيد بتحط الوم علي مراح انفك من السانها وتجريحها ما صدقت تصير هاديه معي مستحيل اقول لها لانها اكيد بترجع لرياض وهذا الي مابيه
رجع عند هند وهو يتصنع الابتسامه
هند بلهفه / وش اخبارها
جاسم / بخير تطمني
هند بعدم تصديق / عمر احساسي ماخاني وقلبي يقول في شي كبير
جاسم / وش حاجتي اني اكذب عليك
هند حاولت تصدقه / بصدق يا جاسم لكن والله لو ادري انك عارف شي ومخبيه عني ما تلوم الا نفسك
جاسم / ............
هند صارت تمشي بالحوش لين وصلت للاسطبل فرحت كثير من زمان ما ركبت خيل فتحت الاسطبل قربت من الخيل وركبت على ظهره وركضت فيه
جاسم كان قريب منها وتفاجئ وهو يشوفها راكبه الخيل وكانها فارسه متمرسه من زمان خاف عليها
وصل للاسطبل واخذ فرسه وعلى طول لحقها لين قرب منها
جاسم بصراخ وخوف / هند وقفي لا تطيحين
هند / هههههه لا تخاف علي انا فارسه متعوده على ركوب الخيل ما عمر احد فاز علي
انبسط جاسم انه صار بينهم شي مشترك حبهم للخيل
جاسم بحب / تتحدني افوز عليك
هند بتحدي / ايه والخسران ينفذ طلب للفائز مهما كان
فرح جاسم بالجائزه ويحاول يفكر وش يبي من هند لانها مستحيل بتفوز عليه
جاسم بنفسه / طلبي نومك بحضني لكن مستحيل اطلبه لازم افكر بطلب مناسب
بدو السباق وكانت هند المتقدمه وحاول جاسم بكل قوته يسبقها لكن ما في امل خايف من طلبها الي يلزمه تنفيذه
بعد ماخلصو السباق هند / هههههههه قلت لك مستحيل احد يغلبني
جاسم منصدم من فروسيتها الي بحياته ما خسر قدام احد
جاسم بضعف / اطلبي وانا بنفذه
هند بقوة / ابي هنديانا تجي هنا
جاسم بقرف / ما لقيتي الا ها لطلب الي يغث ما في غيره
هند / لا
جاسم في نفسه / الله يصبرك يا جاسم ويعينك على تنفيذه
جاسم باستسلام / بعد يومين بروح لرياض واجيبها معي
نزلت هند من الخيل ووجها احمر من التعب انبهر وانسحر من شكلها الي جذبه من غير شعوره نزل من فرسه وقرب منها اكثر لين صار كتفه لازق بكتفها ارتعش من القرب رفع يده ومسح العرق الي نازل على جبهتها
جاسم بيبن ان الامر عادي تكلم بصوت مرتجف بسبب فيضان بمشاعره تجاهها
جاسم بابتسامه / هههههه كل هذا تعب والمسافه قصيره لا ومعرقه بعد اجل لو تسابقنا بر الدير وش صار وين اللياقه
هند ماهتمت بلمسته لانها متعوده من اخوانها وهي تعتبره اخوها
هند بادلته الابتسامه / من زمان ماركبت خيل
ذبحته ابتسامتها واستغرب انها ما حاسبته على تصرفه مثل العاده
جاسم / لاتفهمين الي سويته بسوء ضن
هند ببرود / لا عادي بما انك اخوي مراح اضن بك سوء لاني صدقت احلوفك ما توقع بتخون عهدك مع ربك
انقهر من الاخوه الي حط نفسه فيها هو يحبها ويعشقها ورغبته فيها كزوجه الحلف يمنعه من التمادي معها
جاسم / ياله ندخل داخل اكيد جداتي قامن بينبسطن لا شفنك
هند / طيب لازم اخذ شور متقرفه من نفسي
جاسم بنفسه / ما تدرين ان شكلك ساحرني
جاسم / اجل بطلب من الشغاله تجهز الفطور على ما تنزلين
هند طالعت فيه بتفحص
هند بذكاء / جاسم لا تلعبها معي
جاسم / وش لعبته
هند بقوة / تبي تجذبني وتتقرب مني بالاسلوب هذا انا مشيه الموضوع بمزاجي لكن هذا انا اقولك يا جاسم اكثر من اخو لا تطمع
جاسم حس بقهر وحزن من كلامها وعرف انه يلعب مع ذكيه كاشفته بكل حالاته لكن مراح يفقد الامل بيحارب لين يستولي على قلبها
جاسم بقوه / من قال اني بخدمك كل يوم والا بتقرب منك انتي ضيفه بنضيفك ثلاث ايام وبعدين انتي الي بتخدمين نفسك بنفسك
هند / مراح اطول لين اخدم نفسي بنفسي
جاسم رفع حاجبه / ما فهمت كلامك شلون
هند بابتسامه لها مغزى / انت ذكي وتفهمها
جاسم بصراخ / طلعه من الديره لا تحلمين لين نتطمن عليك
التفتت عليه هند / جاسم احد عينك وصي علي وش ناوي عليه من كل الي تسويه معي
جاسم بنفسه / اسويه لاني احبببببببببببببببك اعشششششقك ليه ما حسيتي فيها
جاسم من وراء قلبه / لانك بنت عمي والدم الي يجري بعروقي نفسه الي بعروقك رضينا ولا ما رضينا اكون قليل نخوه ورجوله لخليتك للكلاب ينتقمون منك
هند / هههههههههههههههههههههه
تكتف مستغرب من ضحكتها وقهرته انه تستخف بكلامه
جاسم بسخريه / ضحكيني معك
هند بقسوة / مستغرب ضحكتي الي يسمع كلامك يصدقك
جرحته طعنته وكلامها سكاكين تقطع فيه بلا رحمه
جاسم بجرح كبير \ وخير ليه ما تصدقيني
هند بقوه / نسيت ولا تبيني اذكرك ليلة عرسك وش سويت
جاسم بقهر / انتي عارفه ليش سويت الي سويته لا تستغبين
هند بعدم مبالاه / خلنا ندخل لا قولك ولا تقولي
جاسم بنفسه / يحسرتك يا جاسم ما لقيت تحب الا وحده قلبها حجر ما تحس متى بتبقى يا جاسم تستلم طعناتها لك بضعف الله يلعنك يا قلب
دخلو داخل خذت شور ولبست لبس ناعم تنوره جنز وبلوزه حمراء استشورت شعرها وتعطرت ولبست شبشب بيتي لونه احمر
نزلت دخلت غرفة جداتها لقتهم جالسين بالجلسه الارضيه وجاسم في الوسط بين جداته
تقدمت لام راشد وباست راسها وبعدها التفتت لام موضي وباستها
جاسم عيونها التهمتها بتعطش سحرته
جاسم في نفسه / هذي كل يوم تفاجئني وتزيد جمال اكثر من اليوم الي قبله من عرفتها عمري ما شفتها حاطه مكياج يا زين الجمال الرباني
وش بتاخذين مني اكثر من قلبي وكرامتي يا هند عمري ما ضعفت ولا خضعت لاحد الا لك
ام راشد / الحمدلله على سلامتك يمه
هند / الله يسلمك
ام موضي بحزن / شلون جرحك يمه
قربت منها هند وضمتها وبحنان / طيبه جدتي انتي بشريني عنك
جاسم عيونه ما نزلت عنها ماكان بالمكان الا هي
ام موضي / ابشرك بخير
ام راشد / يمه بنسوي عشاء لك نجمع اهل الديره
هند / جده ماله داعي اذا بتسون مختصر ماحب جمعات الحريم
جاسم بجديه / انتي ما عرفتي طبع اهل الديره لازم يكرمون ضيفهم
ام راشد / خليني وانا امك افرح فيك لا تحرميني من وناستي بننتظر لين اطيب جروجك وتصيرين زينه بعده بنضيفك اخاف عليك من العطور تمرضك وجرحك توه طري
هند بحب سحبت يد جدتها وباستها / وانا من يدك هذي ليديك هذي
جاسم بنفسه / كل ها لحنان والحب والطيبه فيك يا هند ليه لما تجين عندي تقلبين وحش ما يرحم
جابت الشغاله الفطور وبعد شوي دخلت ريتا بالكبتشينو
ام راشد بحب / هند اجلسي جنب زوجك ليه جالسه بعيد توكم معاريس
جاسم وده يرقص ويناقز من الفرح هذا الي يتمناه وجدته ساعدته
قامت هند من جنب ام موضي وجلست جنب جاسم تخدر جاسم وضاعت علومه لما صارت قربه وعطرها دوخه جزء من شعرها الي يعشقها يلامس ذراعه
ام راشد / يمه افطري شوفي شلون جسمك صايره عظم
ام موضي / بنات هزمن ما ياكلن يحبن جسمهن هالشكل
ام راشد / هند ما شاء الله عليها جمال وعقل مو مثل بنات ها لزمن شوفي ما شاء الله على شعرها من عاد تربي شعرها
هند / مشكوره جده ههههههههه وعلى الشعر خلودي ما يناديني الا الساحره وناويه اقصه مثل بنات ها ليومين
جاسم كان يستمع ويشرب حليب لما سمع انها بتقصه شرق بالحليب
ام راشد / بسم الله عليك يوليدي
جاسم ما يقدر يتكلم من الكحه
ام موضي / يا هند شربيه ماء
هند من غير اهتمام مدة الماء عليه
ام راشد / يمه غسلي وجهه وشربيه
جاسم اعجبته الفكره وصار يكح اكثر
هند خيبت ظنه مدت الماء على جدتها ام راشد
هند اطالع بجاسم وترجع اطالع بجدتها / جده يدك فيها بركه خذي وغسلي وجهه
جاسم في نفسه / كاشفتني يويلي على ذكائك الي بيجنني تكفين ياروح جسم ارحميني
هند قامت من جلست الارض الي ما تعودت عليها وعدلت ثيابها
ام راشد / وين رايحه يمه اجلسي معنا
هند بتعب / بطلع لغرقتي اريح فيها تعبانه شوي وجرحي ينغز علي
ام راشد / روحي يمه ارتاحي فوق بغرفتك
طلعت فوق وهي تعبانه
جاسم عند جداته وقلبه ياكله عليها خايف على جرحها من ركوبها للخيل
ام موضي / روح يمك لزوجتك شوف وش فيها
كانه ماصدق استجاب لكلام جدته طلع فوق وصل لغرفتها وهو متردد وخايف من صدها
طق الباب سمع صوتها تسمح له بالدخول
مقتطفات
هند بحزن / الحمد لله هذا الي ابيه مابي اثير احد لاني مانفع زوجه ومستحيل اكون زوجه
ام موضى / احلى من حليب العلب الي تحبونها نسويه بيدينا نعرف وش فيه ومافيه
هند بجديه / جربيني وتشوفين اعبي طاسه اكبر من طاسة شغالتك الي فرحانه فيها
جاسم خاف انه سامع غلط / هااااااااا
نواف بسخريه / الله واكبر بنت الفهد تعتذر مني
نواف انحرج من قوة ردها / ماصار الا خير وعذرك قبلته
هند بصوت عالي / شنووووووووو
اختكم نسايم نجد
|
30-11-10, 05:33 PM
<<مدري صح المثل ..
وراح تشتغل صفارة الانذار عند هند لعدم تقبلها وتقرب جاسم منها 
لكن بدون سعابيل ..
بس الله يعينك على شين الحلايا هنديانا
ودي اذبحها واريحه منها بالله هذي تسو خمس مللايين صدق الدنيا حظوظ وتسلمين يالغاليه على ابداعك
جديد مواضيع قسم القصص المكتمله من وحي قلم الاعضاء
العرض العادي
