كاتب الموضوع :
نسايم نجد
المنتدى :
القصص المكتمله من وحي قلم الاعضاء
البارت العشرون
اول مادخل شاف فاتنته وحبيبته ممدده على السرير وجهاز القلب مثبت عليها يسجل دقات قلبها سبحان الله ملاك بكل حالاتها
جاسم غار عليها بيمنع احد شوفها او يعالجها غيره لانها فتنه تثير اقوى الرجال يكفي انها قدرت بقلبه الي مسكره من سنين
سحب كرسي و قريه من سريرها وغصب عنه جالس يتاملها ومع كل نظره لها تزود ضربات قلبه كانه هو المريض من قو ضربات قلبه حس انه بيختنق
جاسم بنفسه / كيف بعالجها وهذي حالتي عاشق والهان
مسك جاسم يدها يتحسس نبضها انتفض وحس برعشه من ملمس يدها الناعم
القى نظره على جهاز القلب شاف الوضع مستقر ونبضها يتحسن
سمع صوتها تان وتتكلم
هند تهذي/ ااااااه يمه مشتاقه لك ضميني احميني راشد بيموتني ااااااااااااه غاده بنتي بعد عنها ياراشد اااااااه خالد
جاسم واقف عند راسها وهو يتالم من حالها وغصب عنها نزلت دمعه حاره على خده
هند / ابي ماء عطشانه
جاسم بسرعه ركض وجاب لها كاس ماء
قرب منها ورفعها وسندها على ذراعه هذا القرب منها كفيل بسحق وتدمير قلب جاسم وبسبب القرب سرت كهرباء بجسمه وعرقت جبهته
حاول يشربها لكن مسكره فمها ماهي راضيه تفتحه كان فمها ناشف
اخذ باصبعه قليل من الماء لترطيب فمها حط اصبعه الي فيه الماء على فمها وصار يرطبه بالماء فتحت شفايفها لما حست ببروده الماء والي ماكان بالحسبان سكرت بشفايفها على اصبع جاسم
كان احساس لذيذ احساس يدوخ لاخرخليه بجسم جاسم طلع اصبعه من فمها وهو كاره الشي
انهدمت حصون المقاومه طبع بوسه عميقه ساخنه يبث فيها كل مشاعر العشق والغرام
طول بالبوسه انتبه على نفسه وفز كانه مصعوق كيف تجرئ وسوى الي سواه وهي امانه عنده كطبيب وكولد عم شلون خان الثقه
حمد ربه انه ما تعمق بانفعالاته طلع بسرعه سكر باب غرفتها وتسند على الباب واصدر تنهيده كبيره لعلها تطفي النيران المستعره بجوفه قربها منه فوق احتماله مايقدر يتحكم بنفسه خاف عليها منه
اتصل على خالد كان بالفندق يحاول يرتاح لكن وينه ووين الراحه
عند خالد
اول ماشاف اتصال جاسم من اول رنه رد
خالد بلهفه / الو جاسم بشر طمني عنها
جاسم / تطمن فاقت والحمد لله الوضع تمام بكره تقدر تطلع
خالد وبفرحه / الحمدلله الله يبشرك بالخير الحين جاي
سكر جاسم الجوال متجه لغرفتها مستحيل يترك احد غيره يباشر حالتها لان الي مثلها مستحيل احد يقاومها اذ هو العاقل الدكتور وابن العم انجرف وبغى يضيعها بثواني
جاسم في نفسه / اعوذ بالله من الشيطان الرجيم ودخل جلس على نفس الكرسي يحاول يبعد نظره عنها خاف يصير شي لا تحمد عواقبه الله سلم قبل شوي
جاسم جالس بسرحانه فاقت هند وانصدمت من وجود جاسم بالغرفه مافيه غيرهم طالعت حولينها عرفت انها بالمستشفى
هند بصوتها التعبان المبحوح / وش جابك هنا ومن سمح لك تجلس عندي وانا مو محرمه لك
جاسم وهو يصد بنظره عنها / انا احب اعرفك بنفسي انا الدكتور جاسم استشاري قلب مباشر على حالتك مو جاسم ولد عمك
هند بتعب وضعف / اااااااه ياراشد انت سبب وجع قلبي وانتقامي علاجه ماهو عند المستشقيات
جاسم بنفسه / ااااااااه متى تنسين انك تربطيني براشد
التفتت لجاسم وهي تشوفه يحاول يصد عنها وواضح انه متوتر
هند بضعف / جاسم بعد عني مابي نارحقدي توصلك عارفه ان مالك ذنب انا ماني حمو رابي اخذ الابن بجريمة ابوه طالعني جاسم
جاسم كانه ماصدق انها سمحت له انه يملي عينه بشوفتها طالعها وياليته ماطالعها العيون القتاله الي كلها تحدي وقوه وسيطره
هند بحزن / جاسم راشد خلاني اكره الدم الي بعروقي تصدق لو اقولك اني رحت لمستشفى بالمانيا اطلب منهم يسجبون دمي كله الي يربطني براشد ويحطون لي أي دم ان شاء الله دم يهودي رفضو شكو اني مجنونه
انصدم جاسم من كلامها ومن كثر كرهها لراشد وماتبي شي يربطها فيه
هند بحقد / جاسم من كرهي لدم راشد كرهت كل شي يربطني فيه مستعده ادمرهم فرجاء بعد عني ياجاسم للمره المليون اقولك بعد عني ياجاسم مابي ناري توصلك واكون ناكره للجميل وهو علاجك الي
جاسم بنفسه / ااااااااه ياهند تبيني اتركك وانتي صرتي لي اقرب من روحي صرتي لي مثل الهواء والماء نيرانك وصلتني وحرقت كل ذره بجسمي اعشقك يالمجنونه شلون تطلبين مني انتزع روحي بايدي
جاسم يتكلم بحسره / والكلام هذا ينطبق على جدتك الي انحرمت من ولدها راشد بسبب عقوقه لها بتحريمنها منك تحبك ماضن انها تقدر تبعد عنك او تفرط فيك بعد ما لقتك والكلام يقصد فيه نفسه
وكمل / انتي حفيدتها انتي واختك
هند بحزن / خلها لزمن ياجاسم
جاسم باصرار / جدتك كبيره بالعمر ان عاشت اليوم يمكن ما تعيش بكره فرحيها باخر عمرها ترة الدنيا ماقصرت فيها
اعرفك تساعدين الغريب اعتبريها غريب وردي لها روحها بشوفتك وجلستك معها
هند فكرت وطولت وهي ساكته
جاسم / لهدرجه الشي الي طلبته صعب
هند / فوق ما تتصور
جاسم / جربي مراح تخسرين شي
هند / طيب انا شريت قصر امي الي كان لراشد وابيك تجيبها هناك وتطرد راشد لان شوفته تمرضني وانا بحاول اسكن مؤقت عندهم ان عجبني الوضع بين فترات ازورهم
جاسم فرحان وطاير ونا السعادة مراح تغيب عنه وانبسط انها اقتنعت بكلامه
جاسم بجديه / عمي مستحيل اطرده هو بمثابة ابوي وهذا الشي ماتعجزين عنه وسالفت سكن جداتي مقدور عليه
هند باستغراب / جداتك كم جده عندي
جاسم / جدتي ام راشد وختها جدتي ام موضي ما يتفرقن عن بعض فلا تجين اخر هالزمن تفرقينهن وتكررين افعال عمي
هند ببرود / بالعكس ماتفرق عندي انا عندي شغل مراح اجلس مع جدتك خلها تتسلى مع اختها
جاسم / قولي جدتي
هند / خلني اتعود عليها والكلمه بتجي بالتعود والعشره
جاسم / وغاده بتجيبينها معك
هند / بنتي ماتدري عن شي اخاف عليها تنهار وعندها امتحانات
جاسم / متى بتنفذين الكلام الي قلتيه
هند / بعد ماطلع من المستشفى عندي اجتماع مصيري بحاول اخذ اجازه يومين علشان اكون بالقرب منها علشان تمل مني
جاسم بنفسه / والله انا المستفيد فيه احد يمل من هالوجه الحسن يارب تكونين من نصيبي
بيدور اي طريقة يقرب فيها منها مايبيها تغيب عن عينه
جاسم بتوتر/ اذا ماعندك مانع بسكن عند جداتك مؤقت
هند بسخريه / كيف وش رايك بعد تتزوجني بعذر جداتك
جاسم بنفسه / ياليت وهذا يوم المنى ويحلو تتزوجني على لسانك الله يقربك مني وتصيري ملكي وحلالي ااااه متى يجي هاليوم نذرن علي مازعلها ولا اسمح لدمعتها تنزل
قطعت عليه سرحانه
هند بجديه / ماقلت بصفتك شنو تسكن معي
جاسم / اعتبريني ضيف مؤقت وانا غرفتي بالسطح بعيد عنكم لها مدخل خارجي ما اني بمار من جنبكم
هند باستسلام / اوكيه براحتك
جاسم يرقص فرحان داخله ان حيلته نجحت
جاسم حاول يكون جدي / ياليت ياهند يصير بينا احترام ما نغلط على بعض كلن منا في حاله
هند بقوة / وهذ طلبي بعد لا تسثيرني ياجاسم جعلك ماتجرب غضب هند
دخل عليهم خالد وقطع حديثهم
خالد بفرح / مليون الحمدلله على السلامه يالغاليه
هند / الله يسلمك يالغالي بطلع ياخالد
سئل جاسم متى تطلع هند قاله جاسم بكره يلزمها الراحه هند رفضت تجلس في المستشفى واستسلم لها جاسم ووافق وحرص على خالد ينتبه على صحتها
خالد كلم محمد يسئله قال لامه وابوه عن الي صار قال للحين ماقابلهم لان محمد بعد مكالمة خالد طلع لمكتبه
طلب خالد من محمد مايقول شي لان هند بتطلع سكر خالد من محمد كلم فهد الي طمنه على هند واصر فهد يسمع صوتها وكان متاثر وكان يبكي طمنته هند وطلبت منه يصير قوي وينتبه لدراسته
عصبت هند على خالد ليش انه خبر فهد عن الي صار ولامته على الي سببه لفهد من قلق وخوف ماله داعي وانها بخير
عند جاسم
طلع جاسم من غرفة هند وبعدها طلع من المستشفى راجع للبيت في سيارته ماغابت هند عن باله وعن تهوره وقربها منه كان لذيذ زين منه قدر يتحكم بنفسه ولا كمل تهوره كان طاير من الوناسه بسبب مشاعره المجنونه قربها يعذبه وبعدها يعذبه مبسووط انه بيسكن عندها كل يوم يكحل عيونه بشوفت فاتنته دخل البيت هيمان وعشقان
في بيت جاسم
الجدات وام جاسم والجوهره جالسات يتقهون قهوة المغرب وفيصل فوق بغرفته دخل عليهم جاسم باس راس امه وجداته وجل جنب الجوهره
ام جاسم / صدق الخبر الي سمعته من اخوانك
جاسم / أي خبر
ام جاسم / انك رجعت لطب
جاسم / ايه يالغاليه
ام جاسم بكت / الله يفرح قلبك مثل مافرحتني
الجده ام راشد وهي تبكي بحسره / كيفها بنت عمك
جاسم / بخير الحمدلله بتطلع بالليل
الجده ام راشد / انا حرمت ادخل بيت ولدي بسبت فعايله بالمسكينه
جاسم / جده هند شرت قصر عمي راشد وبتطلعه منه وتبيك انتي وجدتي ام موضي تسكنون عندها علشان تعيش معكم
الجده ام راشد / صدق تبي تسكن معي طيب وعمك راشد وين بيروح لطلع من بيته
ام جاسم / لاتحاتينه ما يستاهل من يرحمه و الا من يفكر فيه قلعته يطلع وين مايروح كانه عذب عمره وسال عنك يمكن ربي عوضك ببناته ويبرن فيك مادام ابوهن جاحد
الجده ام راشد بحزن / قلب الام يام جاسم وانتي مجربه ما يشيل ولا يحقد على عياله وانا ما طلعت بالدنيا الا براشد وابو جاسم مابقى الا راشد
الجده ام موضي وهي تبكي / ياوخيتي وانا وين رحت انا متبريه من موضي بسبب فعايلها بالضعيفات طول عمري اتعوذ من الظلم تطلع بنتي الي من بطني ظالمه ماتخاف ربي وجلست تشاهق من البكاء
الجوهره وهي تتقطع بداخلها وتدعي على عمها وخالتها بتغير جو الحزن
الجوهره بمرح / ياخسارتك يالجوهره طاح سوقك اول انا البنت الوحيده المدلـله الحين طلعن بنات عمي راشد راحت علي اخاف تخلني اخدمهن معصي
الكل / ههههههههههههههههههه
جاسم بقلبه يشكر الجوهره الي غيرت عليهن من جو الحزن
جاسم / فيصل وينه
ام جاسم / بغرفتكم
طلع جاسم فوق ودخل عرفته وهو يغني
انا ربى بلانى فيك بلوة
عشقتك والعشق أكبر مصيبة
أيا هند يكفى منك قسوة
هزايم دوم من يقوى لهيبه
حسبتك لى ياهند دواء
واتارى عشرتك مرة ورعيبة
يروح الليل وعيونى فى جفوة
ولذيذ النوم انت متهنى به
تمنيت النصر وياك منوة
ولى راح البخت ماحد يجيبه
شجعتك طول العمر بلحيل مرة
ولا بيضت وجهى بالفترة الاخيرة
يئست من الرجاء وماعدت أقوى
ولا أغصبك على البطولة غصيبة
انا ربى بلانى فيك بلوة
عشقتك والعشق أكبر مصيبة
فيصل /هههههه ثمراتك يابنت العم
سحبه جاسم وومسك يدينه ورقص معه
فيصل / انجنيت كل هذا سوته فيك هتلر
جاسم بعصبيه / هتلر بعينك
فيصل يسوي نفسه معصب / ماهقيتك ياخوي تهزئني بسبت حرمه
جاسم / واقتلك بعد
فيصل / صاير تخوف
جاسم يصرخ باعلى صوته / احبهاااااااا والله العظيم احبهااااااااااا
فيصل بعصبيه / قصر صوتك لا تجي امي وجداتك يحسبنك مقروص اركد
جاسم بحب / اعشقها اموت بتراب رجولها اليوم بغبت اضيعها وضيع نفسي
فيصل بستغراب / كيف
جاسم / قاله عن تهوره مع هند
فيصل معصب / جاسم ما توقعتك تسويها تراها بنت عمك وشرفك الي سويته فيها ماترضى احد يسويه بالجوهره والعرض سلف ودين ياخوك وانت العاقل تسوي كذا
جاسم بصدق / وربي غصب عني كرهت نفسي اني سويت ها لشي بس سلبت عقلي وتفكيري
والموجع ياخوي تقول نصيحه ابعد عني لانار حقدي على راشد اطولك وتهددني ان غضبت علي بندم
فيصل / ياخوي حبها بيضيعك خلك جاسم القوي الي يكره الحريم
جاسم / ياليت اقدر اعرف انه حب محكوم عليه بالاعدام لانه من طرف واحد بس ماقدر صارحبها يمشي بعروقي بدال الدم
فيصل / الله لا يبلاني بالي بلاك فيه
جاسم بعشق / امين مع ان الحب احساس لذيذ وموجع بعد يخليك طاير
فيصل / الاخ صاير شاعر
جاسم / ايه ماقلت لك بسكن معها وبصير قريب منها
فيصل / شلون
جاسم / قاله عن كل شي
فيصل / ههههههههه منت بهين حاط جدتي عذر علشان تصير قريب من حبيبة القلب ترى قربك منها عذاب لك
جاسم بهيام / ياحلوه من عذاب اهم شي اكون بالمكان الي احس انفاسها فيه
فيصل بجديه / حالتك مستعصيه سبحان الله القريبه البعيده المفروض تكون بنت عمك اقرب لها من الغريب وبسبت راشد صرت ابعد منها عن الغريب
جاسم / لا تذكرني بعذابي خلني فرحان بالوقت الحالي ماتدري يمكن تتغير الامور وانول الي ببالي واتزوجها
فيصل / جعلها من نصيبك وحلالك
جاسم / امين تكفى ادعي لي من هالدعاوي اخوك محتاج لها
في بيت عبدالرحمن
الكل جالس بالصاله مستغربين المغرب وللحين ماجت هند من الشركه
عبدالرحمن / نوره هند ما تصلت ما قلت ليش تاخرت
محمد / الا كلمني خالد ويقول انه عازمها على طلعه بمناسبة موافقتهم على خطبته
غاده / النذل طنشني وماماتي نستني
نوره / انتي ماتتكلمين بكره وراك عزيمه وش السالفه طمع
محمد بعصبية / وين ان شاء الله باذن من بتروحين
غاده / خالتو تفاهمي معه مابي اقل ادبي
محمد / وريني شطارتك وقلي ادبك
نوره / محمد انا وبوك وهند موافقين لا تسوي فيها
محمد / .............
غاده شافت محمد منكسح من كلام امه قامت غاده وحبته على راسه
غاده / حبيبي حمودي السموحه على طولت لساني تعرف الساني مفلوت
محمد قرصها على انفها / واحد يزعل من دلوعتنا وبكره انا الي بوديكم واجيبكم
غاده / تسلم ياحلى اخو بالدنيا ويلومني فيك
في المستشفى
هند تكلم اخوها خالد
خالد / بروح اسوي اجرائات خروجك من المستشفى تجهزي لين اجيك
خلص خالد ورجع لهند لقاها جاهزه طلعو برا المستشفى
في السياره
هند / ابي اكلفك بمهمه تسويها الحين مابي اتاخر
خالد / فديتك كلي لك
هند / ابيك تروح لقصر امي وانت المسئول بطردة راشد من البيت
خالد بفرح / هذا الساعه المباركه الي اطرد فيها راشد
هند / ياليت الليله يقش عفشه ويطلع برا وان طول الصباح
خالد / ولا يهمك الليله بجيب معي عمال يجمعون عفشهم
هند / خالد عندك رقم جاسم
خالد / خير اش عندك
هند / عطنيه بتسمع المكالمه ولا اقول كلمه من جوالك مابي اتصل عليه من جوالي
خالد دق على جوال جاسم
في بيت ام جاسم
كان جاسم منسدح بالسرير وهو يفكر بعذابه وعشقه لهند دق جواله شاف رقم خالد استغرب اش عنده وش يبي رد وهو مستغرب
جاسم / الو
هند / اخ جاسم معك هند الفهد
جاسم في نفسه / فديتك كانك درايه اني افكر فيك
جاسم حاول يكون طبيعي / هلا أي خدمه
هند / اذا ما عندك مانع ممكن ازوركم بالبيت الحين
طالع جاسم بالساعه 7 المغرب وهو فرحان بالزياره
جاسم / الله يحيكم
هند / جاسم ممكن توصف بيتكم
جاسم في نفسه / يازين اسمي لما نطقتييه يابعد هلي وخلاني فديت الصوت وراعيته يارب تحنن قلبها علي
هند / اخ جاسم انت معي
جاسم صحى من تفكيره / ايه ووصف لها مكان بيته
سكر جاسم الجوال على طول ركض لسرير فيصل كان منسدح بينام ويهزه بقوه
جاسم / فيصل قوم هند الفهد بتجينا
فيصل بطفش / اوووووووف يا هند الفهد الي ملاحقتنا حتى بنومنا نام ياخوك خل الاحلام عنك
جاسم بفرح / ما احلم بتجي الحين توها مكلمتني
فيصل تسند على سريره / اللهم اجعله خير وش عندها جايه بذ الوقت ما ستنت لصبح ليكون نست شي تقوله وبتكمل علينا فيه
طلع من غرفة فيصل بطريقة لغرفة الجوهره دخل الغرفه لقى الجوهره جالسه على الاب توب
جاسم / الجوهره انزلي تحت هند الفهد بتجي عندنا الحين
الجوهره بستغراب / من صدقك الوقت متاخر لزياره
جاسم / قومي تجهزي وستقبليها واذا ناقص شي لضيافه قول لي اجيبه الحين
الجوهره مستغربه من حماس جاسم وانه مهتم بضيافة هند
الجوهره / اش عند الاخو متحمس للقاء الي يشوفك يقول بتجلس معها تراها جلست حريم
جاسم يتجاهل كلامها / طيب انزلي قولي لامي وجداتي عن جيتها بينبسطن لما يدرن انها بتجي
الجوهره تبتسم / الي اشوفه انت الي منبسط
جاسم بعصبيه / انزلي بلا هذره زياده انا بغرفتي
طلع من غرفته ورجع لغرفة اخوه جاسم يدور بالغرفه كان واحد مضيع له شي
فيصل بعصبية / وش فيك جاسم وترتني من كثر ما تتحرك اهجد الي يشوف حالتك يقول جايه تخطبك
جاسم / الله يسمع منك فيصل انزل عندهم ولا ابقى هنا
فيصل بسخريه / ليكون انقلبت حرمه تجلس مع الحريم انثبرعندي
جاسم يتحلطم / اوف وش ذا التعقيد اليوم شايفها
فيصل بسخريه / شفتها وبغيت تجيب العيد معها
جاسم بقهر / الله يصبرني شلون انا واياها في نفس المكان ولا اشوفها
فيصل ببرود / ارتاح ماجت علشانك ولا تبي شوفتك
جاسم باحباط / لازم اتذكرني بواقعي المر
فيصل / الله لا يبلاني بلي بلاك فيه
جاسم سمع صوت الجرس وفز من مكانه
جاسم بلهفة / فيصل صوت الجرس اكيد هي
فيصل / تراك ادوختني وش بلاك مكنت كذا وين جاسم الثقيل
جاسم بعشق / ذبحته بنت عمك وصرت خفيف بسبتها من يتوقع اني اتكهرب لما ادري انها جايه وشوفتها تربكني انا ما صرت اثق بنفسي بوجوده من بعد اليوم
فيصل / الله يعينك شكل بتصير مجنون هند
جاسم / بصير الا صرت مجنونها وانتهينا
طلع جاسم يتاكد ان الجوهره انزلت وان الاوضاع تمام دخل غرفة الجوهره مالقاها دخل غرفة امه مالقاها
تحت ببيت ام جاسم
نزلت الجوهره ودخلت المطبخ وطلبت من الشغاله تجهز القهوه والشاهي والعصيرات والحلويات وطلعت لقت امها وجداتها موجدات
الجوهره / وش البشاره
الجدات وام جاسم / الي تبينه
الجوهره / مو تجحدوني
ام جاسم / ماعاش من يجحدك اذا كان يستاهل
الجوهره / بنت العم الجديده بتجي زياره لكم الحين
ام جاسم / من بنت عمك
الجوهره / هند بتزوركم الحين
الجده ام راشد مستغربه / وانها بالمستشفى
الجده ام موضي / الساعه المباركه
الجوهره / شكلها طلعت من المستشفى
سمعو صوت جرس الباب ارسلت ام جاسم الشغاله تفتح الباب ووقفت ام جاسم والجوهره عند مدخل قسم الحريم
عند هند
نزلها خالد عند بيت ام جاسم لما تطمن انها دخلت على طول توجه لبيت راشد
دخلت هند بيت ام جاسم وهي بغطاها استقبلتها ام جاسم بالتهليل والترحيب سلمت عليها هند والجوهره ادخلن بالصاله والجدات متلهفات لهند لانهن حبنها وتعاطفن معها سلمت هند على روسهن وجلست من غير ماتكشف وجهها
ام جاسم / يابنت اكشفي غطاك ترى العيال فوق محدن بنازل
هند / خليني على راحتي لاني مراح اطول جيت اطمن جداتي علي اني بخير وبطلع لبيتنا
الجده ام راشد / طلبتك يابنتي عمري ماطلبت احد
هند / جاك ياجده
الجده ام راشد بحب / ابيك تنامين عندي الليله وبحضني
الجوهره / ياليت ياهند ابي اتعرف على بنت عمي
ام جاسم بحب / القلب اوسع من المكان والله تنورينا
جاسم جالس عند الدرج يراقبها وسمع الكلام وهو يدعي يارب تنام عندنا لكن ليس كل مايتمناه المرء يدركه
هند / والله يعز علي ارفض لكن صعبه ماعمري نمت بر بيتنا وبنتي ما تعودت تنام بعيد عني ووعد اني انام عندكم مره ثانيه اكون جهزت نفسي على النومه
الجده ام راشد / تراك وعدتينا
هند / انا كلمتي ما ثنيها و كل شي الا اني اخلف بوعدي
جاسم حس بخيبت امل انها ماهي نايمه عندهم وانقهر اكثر انها جالسه ما كشفت كانها داريه انه يراقبها
جاسم / ياحسرتك ياجسم تبي تبرد قلبك بشوفتها طلعت كانها حاسه اني براقبها وش هالقراده
عند خالد
بعد مانزل هند كمل طريقه لبيت راشد وهو مبسوط انه بيطرده اخذ معه عمال ووصل لبيت راشد
بيت راشد
جالس راشد مع موضي وهي حاقده على هند وجلست تعبي راسه على هند
موضي بحقد وكره / شفت قليلة الحياء ما تستحي كشفت قدام جاسم متعوده على الصياعه ما لقت من يربيها
راشد / وش ناويه توصلين له
موضي بحقد / ابيك تربيها كلن كرهنا وجحدنا وقفو بصفها وانت طلعت الظالم الجاحد محدن فكر فيك
راشد / البنت قويه مهب هينه هزئتني كاني اصغر عيالها
استانست موضي انها قدرت تقسي راشد على هند
موضي / والقهر شرت قصرك وبتطردك وقول موضي قالت
ماكملت كلامها الا الجرس يرن
موضي مستغربه / راشد تنظر احد
راشد / لا يمكن جاسم
موضي / جاسم كرهنا بسبب شينت الحلايا روح افتح شوف من عند الباب طلع من عندها بيفتح الباب انصدم لما شاف خالد ومعه عمال
راشد بخوف / حياك يولدي ادخل
خالد بكره / انا ماجيت اتضيف جاي اطردك من البيت والحين
راشد انصدم / الحين وين بنروح بالليل
خالد بعصبية / بالي ما يردكم يكفي ساكنين كل السنين بدون مقابل
راشد انقهر وولع وحقد يزيد على هند طيب بدخل نجهز اغراضنا
خالد / وانا بالمجلس ماني متحرك الا وانت برا وكوالين البيت بغيرها
راشد دخل عند موضي وقال لها الي طلبه خالد
موضي بقهر / مو انا قايله لك بتطرنا مثل الكلاب
راشد بقهر / شفت ياموضي خلصينا لايشلونا ويرمونا برا
راحت موضي تجمع الاغراض والعمال يفكون الاثاث وطلعوه برا بشاحنه جايبها خالد
بعد 5 ساعات استلم خالد القصر من راشد بدون اثاث لانه بيجدده ويشتري اثاث جديد
في بيت ام جاسم
هند جالسه معهم وقلبها مع خالد وسبب تاخره قطع تفكيرها جوالها وقفت وطلعت بالحوش ترد ما تبي احد تسمعها
جاسم شافها طلعت على طول طلع لغرفته يبي يلمح زولها من بعيد وقفعلى شباك غرفته وشافها بعباتها ونقابها وتتكلم بالتلفون
عند هند
لما اطلعت بالحوش قفل الاتصال رجعت تتصل شاف خالد رقم هند ورد
هند بلهفه / الو
خالد / هلا هند
هند / بشر سبع ولا ضبع
خالد / افا انا دايم سبع
هند بفرح / استلمت البيت ونظفته من راشد
خالد / ايه
هند بفرح كبير / فديتك جعل يومي قبل يومك يله انتظرك لا تتاخر علي
خالد / مسافة الطريق
كل الي صار على مسمع ونظر جاسم
خلصت مكالمتها وشالت شيلتها ونقابها صارت تدور حول نفسها من الفرح والسعاده انها ذلت راشد مثل ماذل امها رافعت وجهها لسماء وهي تضحك
عند جاسم
تحققت امنيته كان عطشان لشوفت وجهها الي عذبه وذوبه وفتنه واخيرا شافه ونهبل اكثر لما شافها تدور وشعرها الشلال المنسدل على ظهرها يتطاير مع كل حركاتها
سحرته ضحكتها اول مره يشوفهاااااا تضحك ودمرته غمازاتها
جاسم ذاب وداخ الي يشوفه اقوى بكثير عن تحمله اطرافه ما تشيله ما قدر يسند طوله طاح على ارضية الغرفه
فيصل كان مراقبه من البدايه ومراقب انفعالاته وعرف انه شايف هند وانفجع لما طاح جاسم بسرعه ركض له
فيصل / خوفتني ياخوك
جاسم بعشق / شوفتها ذبحت قلبي وحط يد فيصل على قلبه سريعة دقاته
فيصل بحزن / ليه تعذب نفسك هند ماهي لك ومستحيل تكون لك
جاسم يضرب على صدره / هذا وش يفهمه يا فيصل خاني غدر فيني وانا الي ناذر مااحب
ااااااااااااااه يافيصل عارف مالي نصيب فيها بس ماني قادر انساها نسيانها مو بايدي انا ادور قربها وانت تقول نساها انا دكتور اعالج القلوب المريضه وقلبي المريض بحبها ماقدرت اعالجه قربها علاجي
فتح جاسم بوكه وطلع سلسالها وهو يبوسه ويشمه ويضمه على صدره شفت هذ السلسال احاول اتصبر فيه عن شوفتها حالتي مستعصيه ياخوك بنت عمك ملكت قلبي صرت عايش لها
فيصل بحب / سافر يا جاسم يمكن اذا صارت بعيده عن العين تصير بعيده عن القلب
جاسم بصدق / مااااقدر انا انتظر اليوم الي اسكن معهم وراقبها من بعيد لبعيد
فيصل / اجل الله يعينك على نفسك
جاسم / انت ماجربت الحب اذا جربته تعال كلمني
فيصل / اذا بصير مثلك الله لا يجيبه
عند هند
دخلت عليهم بالصاله ولقتهم يسولفون
هند / اسفه على تاخري كانت عندي مكالمة شغل جلست دقائق الا يدق جواله
هند / اسمحولي بطلع خالد عند الباب
ام جاسم / زورينا لا تقطعينا
هند / ان شاء الله
طلعت هند من بيت ام جاسم وركبت السيارة مد لها خالد مفاتيح القصر
خالد يبتسم / خذي مفاتيح قصرك
هند بفرح / تسلم متى تبدا بتاثيثه
خالد / بالوقت الي تبينه
هند / ياليت باسبوع يكون جاهز ابيه ضروري
خالد / ان شاء الله
في بيت بسام
نجلاء تكلم امها بالتلفون لان لها يومين ماكلمتها
نجلاء / السلام على الغاليه
ام نواف / وعليكم السلام وينك من بعد الاستراحه ماكلمتي ولا جيتي
نجلاء / تعبت شوي من ارهاق الاستراحه والدكتوره طلبت مني الراحه
ام نواف / يقلبي يابنتي تتعبين ولا تقولين ماني بامك
نجلاء / يمه يالغاليه مابغيت اقلقك واخوفك والحين الحمدلله بخير وبجيك بكره المغرب
ام نواف / حيالك الله
نجلاء / ياله اشوفك بكره فمان الله
ام نواف / انتبهي على صحتك
نجلاء / ان شاء الله يله فمان الله
ام نواف / فمان الله
سكرت من امها ودخلت المطبخ تجهز العشاء لبسام كان بسام عند ابوه طلعت لغرفتها حذت شور ولبست شورت احمر حرير وشيال ابيض حرير وحطت مكياج والروج احمر وتعطرت ولبست شبشب البيت احمر
وطلعت بالصاله تنتظر رجعت بسام
في بيت ابو بسام
الساعه 7 بعد المغرب
في المكتب ابو بسام وبسام من العصر وهم بين الاوراق لان فيه مشروع كبير بيدخله ابو بسام طلب بسام علشان يدرسونه من كل الجوانب
ابو بسام / وانا ابوك خلنا نطلع نشرب قهوه تعدل روسنا من اليوم وعيونا بالاوراق وابي اخذك رايك بموضوع
بسام / ان شاء الله
طلعو بالصاله كانت فاضيه لان ام بسام بغرفة غاده
جلسو على الكنب وطلبو من الشغاله تسوي لهم قهوه
ابو بسام / دريت ان عبدالرحمن كلمني وخطب غاده لخالد
بسام وهو فرحان / اوريك ياخويلد ساكت ولا قالي
ابو بسام / لو تدري يابسام اش كثر انا فرحان بالخطبه بتقربنا اكثر من عبدالرحمن ونصير اهل الله يتممها على خير
بسام / امين بس يبه لازم موافقت غاده
ابو بسام / الحمدلله وافقت وهي مرتاحه امك تقول ان غاده تقول ليش ارفضه وحنا نعرف اخلاقه
بسام بفرح / الحمدلله الي مثل خالد مايرد
ابو بسام / وحددنا الملكه بعد شهر والزواج لخلصت من دراستها قلنا لهم ووافقو
بسام يبتسم / كبرت غدويه وصارت عروس تنخطب
ابو بسام / مصير الصغير يكبر الله حسن الخاتمه روح لبيتك تاخرت عن زوجتك
عند راشد
الساعه 12 في الليل
خذو لهم شقه مفروشه موقته لين يدبرون نفسهم بسكن موضي تحترق من القهر والحقد على هند
موضي / شفت وش سوت لو بكيفها منعت عنا الهواء والماء علشان تموتنا
راشد / لا تزيدين علي الي فيني كافيني
موضي / بعد القصر نسكن عشه وهي منتعمه بالقصور والخير ولا فكرت فيك تبيك تنام بشارع
راشد / وبعدين معك وش تبيني اسوي اروح اقتلها
موضي بحقد / القتل بيريحها انا ابيها تتعذب وتذوق الحرمان مثل ماذوقتناه
راشد / كيف
موضي / مدري
راشد / اجل اسكتي خليني بهمي
في بيت عبدالرحمن
الساعه 12 في الليل
الكل بالصاله ينتظر ويحاتي تاخر هند وخالد ماعدا غاده بغرفتها نايمه علشان دوام الجامعه
سمعو صوت الباب وسمعو هند وخالد يضحكون ارتاحو وتكلم عبدالرحمن
عبدالرحمن / وش فيكم تاخرتو خوفتونا عليكم
هند وهي فرحانه / الي اخرنا شي يبسطك
عبدالرحمن / قولي فرحينا
هند / بيني وبينك
نوره / يعني تفرحين خالك وتجحدينا
هند / خالي اذا مستعجل تبي تفرح خلنا ندخل المكتب
عبد الرحمن / اكيد مستعجل وانا بسبقك للمكتب
دخلو المكتب وضمت خالها بفرح وصارت ادور فيه وخالها يضحك بصوت عالي
عبدالرحمن / هههههههههه دار راسي لحد يدخل علي وانا ادور يقولون ابونا انهبل
هند طلعت مفتاح القصر وعطته خالها
عبدالرحمن / مفتاح وش سالفته
هند فرحانه / مفتاح قصر امي رجعته وطرت راشد
جاسم ضمهااااااااااا بقوه وطبع بوسه على جبينها
عبدالرحمن / فرحتي قلبي الله يفرح قلبي ويوفقك هذي الاخبار تستاهل نحتفل فيها
هند / فرحتك تكفيني ياخالي
عبدالرحمن شالها وطلع فيها من المكتب والكل استغرب من الي يشوفونه
محمد / لهدرجه الخبر يستاهل انك تشيلها قول لنا نساعدك بشيلها
عبدالرحمن / هذي بنتي سوت الي ما قدرت اسويه
نوره / هند خالد قولو لنا شوقتونا
عبدالرحمن نزلها على الكنبه
هند / انا هلكانه وتعبانه وراي دوام خالي يقولكم طلعت من عندهم ادخلت غرفتها
عبدالرحمن / هند رجعت قصر ساره وهذي مفاتيحه وطردت راشد
نوره حزنت من تصرف هند في ابوها
عبدالرحمن / ماشوفك فرحانه
نوره بحزن / هند تربيتك وتربت على كره ابوها وحقدها عليه طردته ما فكرت وين يسكن وهو مفلس لا تنسى مهما صار ابوها والي تسويه عقوق
عبدالرحمن بصراخ / نورررره
نوره / سكتنا انا طالعه غرفتي بنام
توقعاتكم
اختكم نسايم نجد
|
01-11-10, 10:43 PM
جديد مواضيع قسم القصص المكتمله من وحي قلم الاعضاء
العرض العادي
