الفصل الثالث عشر





ودي ابكي ..........ودي اشكي


ودي ابكي ..لين ما يبقى دموع
ودي اشكي ..لين ما يبقى كلام
من جروحا صارت بقلبي تلوع
ومن هموم احرمت عيني المنام
انطفت بدنيتي كل الشموع
والهنا ما يوم في دنياي دام
غربتي طالت متى وقت الرجوع
كل عام امني احلامي بعام
ان شكيت الحال ما احدا لي سموع
وان سكت الناس زادوني ملاام
طال صبري والزمن عيى يطوع
والرجا بلي عيونه ما تنام

(ودي ابكي ::راشد الماجد)
**************************************


وقفوا عند الباب كانت هاذي التجربه لهم اول مره يحضرون عزا الجو كئيب



دخلوا البيت وسلموا على ابو كامل
وتوجهوا لسالم




عمار _ عظم الله اجرك يا سالم



سالم _ اجرنا واجرك



فارس _ عظم الله اجرك يا سالم



سالم _ اجرنا واجرك





جلسوا جنبه


سالم ناظرهم كان فرحان ان حد جا يعاونه حاول يدق على كامل لكنه ما رد حاول كثير لكنه ما رد وش مخبي لنا يا كامل لا تكون انت الفجيعه الثانيه لا تكون





............................................................ ............




الساعه الواحده ما بعد منتصف الليل


الرياض






دخلت غرفتها وقعدت تناظر كل ركن من اركانها خلاص هاذي كانت غرفتها



خذاها منها طارق


طارق اللي قضت اغلب اوقاتها في ذي الغرفه تفكر فيه


بيطلعون بكره ويروحون يسكنون عند سعد وهله


زواجها قدموه بيصير بعد اسبوعين


حست همايل نفسها بطاقه دخول لهلها

ابوها ما يشوف فيها الا الشي اللي بيسهل عليه مصابه

يستفيد منها


مثل ما قالت غدير

يبيعها



لفت اغراضها في الشنطه وشالت صوره امها هذا اهم شي عندها



اهم شي عندها صوره امها


............................................................ ...


طلت شمس هذا اليوم
وما زالت غامضه
متى سينجلي هذا الغموض
متى ؟





............................................................ .







الساعه التاسعه صباحا





قامت ولبست عبايتها


دانه قامت واستغربت _ وش قاعده تسوين


هيوف وهي تلبس نقابها _ بروح اختبر التوفل


دانه _ ايش


هيوف طلعت من الغرفه



دانه وراها


دينه _ وش التوفل ذا


هيوف _ باختبره عشان البعثه


دانه وقفت في نص الدرج _ ايه صح


هيوف _ انسيت ما اقولك عمي وافق


دانه بحزن _ الحمدلله


هيوف نزلت لقت خالتها تسوي الفطور وعندها حريم


طلعت برا البيت ودقت على غرفه عمها


فتح الباب



هيوف بدون ما تناظره _ ابيك تاخذني عندي اختبار بعد ساعتين عشان البعثه


دانه كانت وراها



ناظر ابو كامل بنته _ طيب شوي بلبس


هيوف _ طيب


عطاها مفتاح السياره _ ادخلي وبلحقك بعد شوي


هيوف قعدت تناظر المفتاح اللي في يدها لاول مره تفكر انها بتكون معه لحالها في السياره




هيوف وهي تناظر دانه على حين غره _ دانه تروحين معي


دانه _ ايوه ابغى اروح معك (وطلعت بسرعه ورجعت وهي لابسه العبايه وابوها طالع من الغرفه وهو لابس)



ابو كامل ناظرهم _ يله




..........................................................



الساعه العاشره صباحا




محمد دخل البيت ومعه ثنين من الموظفين وكان كل واحد ماسك نوته ويدون فيها اغراض القصر




حاتم نزل ولقا محمد_ السلام عليكم


محمد بادب _ وعليكم السلام جاهزين


حاتم _ ايوه



نزلوا بعد شوي ثلاث خدامات معهم شناط ووراهم غدير


محمد انحرج جدا




محمد _ احم احم استاذ حاتم انا اعتذر لكن ما تقدرون تاخذون أي شي معكم حتى الملابس



غدير شهقت _ نعم وش قاعد تقول


محمد كلم حاتم متجاهلها _ السيد حاتم انت عارف ان هذا من حق المالك الجديد وهو طالب انكم ما تخرجون الا بالثياب اللي عليكم



حاتم كان ساكت ويناظر محمد



غدير _ حاتم تكلم قول شي كيف اخلي اغراضي انتوا مجانين


حاتم لبس نظاراته وناظر غدير _ يا حبيبتي هذا من حقه ما اقدر اقول شي

ومشى يبغى يطلع



غدير بصوت عالي _ وقف وين رايح (وقف حاتم وناظرها ) طلقني طلقني ما عاد ابغاك انتهيت منك اعتقني وطلقني



حاتم منصدم وناظر محمد اللي نزل راسه وبعد لكن ما طلع من الصاله



حاتم _ غدير هدي اذا على الثياب راح اجيبلك غيرهم بس خلي الوضع يتحسن



(همايل كانت نازله ومعها شنطه صغيره وصوره امها )


غدير ضحكت_ انت فلست فلست لاعاد تضحك على روحك انا بروح بروح بتركك اووف ما عاد ذي بعيشه عقيم ومفلس


وفتحت جوالها قدامه وشكلها كانت تكلم هلها



حاتم جلس يناظرها وهو منصدم ومنجرح _ غدير انا احبك


غدير وهي تكلم ناظرته بقرف وما عطته وجه


همايل نزلت من الدرج ووقفت في اخره وناظرت اخيها هي سمعت اغلب الحديث وفهمت كل شي


حاتم ناظرها وناظر اغراضها


همايل _ حاتم اتركها خلها تروح انت حالك من دونها احسن


محمد معجب بهمايل وكلامها


حاتم _ لا تتدخلين مالك علاقه يالمريضه (محمد انصدم من حاتم وناظره بدونيه )



همايل ابتسمت _ مريضه مريضه راضيه



حاتم وكانه يبغى يجرحها مثل ما غدير جرحته _ وبعدين وين ما خذه ذي الاغراض يقولون ممنوع ناخذ معنا أي شي نخرج بلبسنا يعني اتركي بلاياك ذي واطلعي بعباياتك بس


همايل فتحت فمها _ ايش



حاتم _ اللي سمعتيه


همايل التفتت لمحمد



همايل _ ما اقدر اخذ على الاقل صوره امي


محمد بخجل _ اسف يا انسه همايل لكن ممنوع تخرجون ومعكم شي من ممتلكات البيت


همايل ناظرت صوره امها وهزت راسها بنفي وتكلمت بصوت العبره خانقته
_ ما اقدر ما اقدر اترك الصوره ما اقدر هاذي صوره امي ما اقدر



محمد ناظر صوره امها وحن عليها شكل امها حنونه همايل نفسها تشبه امها


همايل _ ارجوك يا استاذ محمد خلني اخذها تكفى



محمد نزل راسه _ ما اقدر لكن اذا تبغين تدقين على طارق وتقولين له ممكن يوافق


محمد حس ان همايل مهمه عند طارق بطريقه او باخرى



همايل ناظرت غدير اللي خلصت المكالمه وجلست تناظرها بشماته اما حاتم فطلع من زمان شكله رايح يبكي على حبه




همايل _ ممكن تدقلي عليه


سمعت ضحكه غدير المليئه بالسخريه


بس شافت بعد محمد يخرج جواله ويدق على رقم



............................................................ .....





موزه تبكي في حضن في وهم جالسين في الصاله



موزه _ احس ان هيوف السبب ما اقدر اسامحها يا في ما اقدر


في _ وش ذا الكلام يا موزه حرام عليك هيوف مسكينه


موزه _ لا هيوف عمرها ما كانت مسكينه تكره الكل تكرهك وتكره دانه لا تقولين انك مو حاسه


في ؟_ عيب يا موزه هاذي اختك مهما كان عيب


موزه _ هي السبب امي تدهورت حالتها من يوم هيوف صدت عنها فيه شي كان بينهم وما اعرف وش هو اشتقت لامي ابغى اشوفها


في _ موزه حرام ذا الكلام خالتي في مكان انا وياك بروح له


موزه _ بس ما زلت ابغاها لا تهديني انتي عارفه اني ابغى امي


في – الله يرحمها



سالم دخل الصاله_ وين دانه


موزه ناظرته ونزلت نظراتها



في _ راحت مع هيوف



سالم بعصبيه _ وين راحوا



في _ مع ابي بس ما نعرف لوين



سالم _ ذي هيوف ما هي بتاركتنا من حركات المجانين اللي طالعه بها



موزه ناظرته لاول مره ترتاح تحس يتكلم عن هيوف وهو حاقد عليها كويس ممكن شكها انه يحب اختها غير صحيح



في _ وش خايف منه


سالم _ هي طرت سالفه البعثه مره ثانيه


في _ لا سالم مو وقته اطلع



سالم رجع يناظر موزه وطول وهو يناظرها لدرجه ان خدود موزه حمرت


بعيدن طلع



......................................................





محمد_ الو استاذ طارق



طارق _ نعم محمد وش الاخبار


محمد_ فيه مشكله


طارق _ اللي هي


محمد_ الانسه همايل تبغى تكلمك



طارق سكت

محمد_ طارق وش اقولها


طارق _ هاتها



همايل خذت الجوال بيد ترتعش _ الو



طارق تامل صوتها عرف انها خايفه وحزينه _ الو


همايل _ انت قايل لمحمد ان حن ممنوع ناخذ معنا أي شي


طارق _ ايوه قلتله



همايل _ ممكن اخذ صوره امي ارجوك وافق لاني احتاج لذي الصوره احتاجها



طارق تخيل صوره امها وتذكرها عرف انها اللي كانت في الصاله _ ليه تبينها



همايل _ لاني ما اقدر اخلي امي هنا طارق ما بقالي الا ذي الصوره اسمحلي اخذها


طارق ما عرف وش يقول ما يبغى يبين لها انها نقطه ضعف بالنسبه له


طارق _ اسف الصوره لا تطلع من البيت راح نبيعها في مزاد انا حذرت ان ما فيه شي يطلع من البيت وهذا الكلام يعم على كل شي



همايل وقفت شوي تستوعب كلامه من متى كان يرفض لها طلب


همايل _ طارق


طارق تالم من اسمه بصوتها تخيلها الطفله اللي كانت طلباتها اوامر بس ما يقدر راح يكره نفسه



طارق _ اتمنى انك ما تحاولين تعيقين عمل الموظفين ....(وبهدوء تام قال )خلي الصوره



همايل _ ليه تسوي كذا


طارق سكت ما رد ومالقى رد يناسب الا انه يقفل الخط



همايل ناظرت الجوال وعطته بيد جامده لمحمد وطلعت من البيت بدون ما تناظر صوره امها



خايفه ومتالمه


فارسها ذبحها بدال ما يذبح الشرير ذبحها هي



............................................................ .........




طلعت من الغرفه اللي قام فيها الاختبار بتعابير غريبه



دانه قامت _ هيوف حليتي


هيوف _ لا بأس الامتحان كان بالكمبيوتر ما عرفت استعمله زين ما اعرف ليه الملقفه هم عارفين ان فيه ناس ما عندهم كمبيوترات ليه يقهورنا



دانه _ هدي ان شاء الله بتحلين



هيوف _ حاولت جهدي يله نطلع


دانه _ ايوه طيب ابوي تحت بس هيوف بغيت اقولك تريني سجلت في جامعه الاميره نوره



هيوف بتملل _ كويس زين


دانه بابتسامه صافيه _ التسجيل انا تاخرت عليه بس قبلوني عشان نسبتي الحمدلله... دخلت رياضيات


هيوف _ كويس نطلع يله








............................................................ ..............





جلست تبكي في السياره وابوها يحاول يسكتها وعمتها زهره




حاتم ركب سياره ثانيه وغدير راحت مع سواق هلها لبيتهم قالت ما عاد تبغى ترجع



ابو حاتم_ همايل هدي ابشري بخلي سعد يروح معك للمزاد ويشتري لك اللوحه هديه


همايل _ ليه ليه خذوا الصوره مالهم حق


ابو حاتم بضيقه _ صح بس لا تخافين بنرد كل شي لنا


زهره _ انا انصحكم تبعدون عن طريقه مو ناقصنا مصايب زياده



ابو حاتم سكت ومن قال ان ما فيه مصايب زياده اليوم اتصلوا فيه البنك عشان القروض الخاص بالشركه والافلاس


وكلها صارت بيد طارق



الله يستر من هذا الطارق وش يبغى يذبحني


وانا مسجون



معقوله




>>>>>>>>>>>>>>>>>>>>>>>>>>؟................................. ....





طارق بحزم - ايوه معقوله بترضى الجريده بكره اعلن خبر افلاسهم



عبدالله مدير الفرع في الرياض _ ما اعرف اذا الجرايد بتعلنه فورا راح تتحرى الخبر


طارق _ محمد راح يرجع بعد شوي راح يعطيك اثباتات ارسلها للجرايد مع الخبر



عبدالله قام _ ان شاء الله تم



؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟




ابو كامل وقف عند بيته وجذب نظره السياره الموقفه عند الباب



دانه عرفتها


هيوف استغربت من هي سيارته لانها فخمه


كانت في الواقع سيارة بنتلي بني محروق




ابو كامل _ من اللي عندنا في ذا الوقت وبذي السياره


دانه _ اوووه اسفه يبه بس فيه واحد كان يبغاك قبل ثلاث ايام بس ما قدرت اقولك



هيوف ناظرت دانه وكانها تبغى تشوف أي دليل على ان دانه مهتمه بموضوع ذي السياره



انفضت ذي الفكره ونزلت



ابو كامل دخل المقلط الخارجي




هيوف ودانه دخلوا البيت



............................................




في اول ما دخلوا خواتها _ شوفتوا من اللي عندنا



هيوف ناظرت موزه اللي بعدت نظراتها بحركه واضحه _ من هو



في _ ما اعرف بس ما شاءالله صلاتا علالنبي له شعر اسود مثل شعر الهنود وطويل للرقبه شي مو بصاحي



الكل ناظر في على وصفها الغريب


هيوف تنهدت وطلعت لغرفتها



موزه تمددت ورجعت تكمل نومها



في قربت من دانه _ يمكنه جاي يخطب


دانه _ وكيف جاي يخطب وهو من غير غتره



في شهقت بغباء _ وكيف عرفتي انه من غير غتره



دانه =_ هذا انتي قاعده سنه تشرحين شكل شعره بعدين انا قد شوفته حتى هاذيك المره مالبس غتره



في بذكاء مستعصي _ يعني احتمال الزواج غير موجود





............................................................ ..





جاسر بغضب مكبوت _ بلا فيه زواج



سالم ما هو بمصدق _ انت متاكد انه اخي كامل


جاسر من غير ما يناظره عرف سالم انه مفروض ما عاد يسئل ذا السؤال اللي عاده مليون مره من يوم شاف هذا الرجال



ابو كامل اللي كانت الصدمه واضحه في وجهه _ والله يا ولدي انه ما جانا منه خبر خالته توفت قبل ايام وهو ما رد على اتصالتنا




سالم _ ايوه هو جا قبل حوالي اسبوعين او اقل وسلم علينا وتركنا



جاسر _ ما عرفت يوم وصلته للمطار وين كان يبغى يسافر


سالم _ ولا فكرت اشوف



ابو كامل _ والله يا ولدي ان حن الخطا راكبنا بس وش نسوي لك مني ان شفته مسود الوجه جبته لعندك وسو به اللي تبي


سالم قام ما اعجبه الكلام



جاسر ناظر سالم بتكبر _ الصراحه لو شفته هنا كان احسن لكن ان لقيته اعذروني ما راح يحصله طيب


سالم _ وش بتسوي له يعني



جاسر قام _ اترخص




سالم _ ابغى اسئلك سؤال هو قد جاك وطلبها منك كامل ما كان سوا ذا الشي الا وهو منحد عليه


جاسر بنظره جرئيه بان فيها استهتاره بكامل وعايلته وومحيطه _ طلبها ورفضت




سالم ناظر ابوه _ والسبب



جاسر_ اشياء ما تعني لاحد غيري



سالم _ كامل ومعروف باخلاقه وسيرته والناس هنا يحترمونه لكن شكل العز والجاه اللي انت فيها مخليه الكبره معميتك



جاسر ناظر سالم بتفكير _ ممكن صح وممكن ان اخوك الناس مخدوعين فيه



وبكل هدوء قدر عليه خرج من الغرفه ومن البيت



>>>>>....................................................... .................................

hiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

هااااااااااااااااااااااااااااااااااااااااااااااااااااااااااا اي

بالعربي أنا الاولى

بالانقلش I am Farist

بالصيني شين شان شونق <<<مشوووها ووبس اهم شي المعنى واضح

انا كنت جايه أعلق ع البارت الماضي الا اتفاجئ بالبااارت الجديد وبصراااحه احلى مفاجأه لأني سرت الأولى من جديد ^ــــ^
............................................................ ................................................

هـمايل:: ياقلبي عليك والله انكسر خاطري عليك بصراحه ماتوقعت من طارق يرفض أنها تأخد معاها صورة أمها والله حرااام عليه ...اتوقع ان هدا الشي يأثر على علاجها لأن دا الشي يسبب الكأبه والله


طــارق::هينا أنت بديت بتنفيد وصية الحقد تبعتك بس حرااام مو على حساب همايل ...فيك تحاسب الكل الا همايل مالها دنب وانت تدري بدا الشي لكن حاتم وابوه وغدير كلهم يستاهلوو ماجاهم وأكتر


هــيوف:: بدت هيوف كمان بتفيد وصية حقدها ...أمها ماتت ..والحين بتسافر تدرس بس اتوقع انها تلاقي الحب لما تسافر ...اكيد في شي مخبى لها بننتظر ونعرف.....


دانه::اتوقع أن دانه راح تحب جاسر وتتعلق بيه ...ولطبيتها ماراح تعرف انه راح يستغلها


جاسر::بيكون عنده مخطط لتنفيد وصية حقده وبتكون عن طريق دانه ..راح يستغل قلبها الطيب في الأنتقام من كامل ...وزي ماأخد كامل اخته راح جاسر ياخد اخت كامل

كامل & جود:: وين الناااس هههههههههه لا تطلولو الغيبه فقدناكم في البارت دا

موزه:: من نظرتها لأختها هيوف عرفت انها بدت وصية حقدها في كرهها وأول شي تعمله راح تخلي سالم يحبها لأنها تدري أنه يحب هيوف ...

غديروه::بالطقاق الي يطقك روحه لأهلك بلا رجعه فكه منك ومن نكادتك قسم أنك تجيبي النكد وأنا اقرا عنك ...إفففف


حاتم وأبوه :: بصراحه تستاهلو الي جاكم وأكتر ويارب أكتر وأكتر ...هدا بسبب القتل ..أجنو الحين الي حصدتوو

............................................................ .........................................................

يسلمووو موووون الباارت كان أكتر من رائع استمعت بيه كتير الله يعطيك العافيه يااارب
لاتنسي الكاااس ابغى واحد حلووو بالمرآ وكبير بالمرآ يسد عيوووون الحساااد ....قل أعوذ برب الفلق...

أنتظرك بالبارت الجاي بشوق

متابعتـــــــــكي:: ســــــــــــــــــــــــــــــــوزي::

صباحو مووني
شخبارك
روعه غير عن ذكريات مسروقه
واعجبتني هيوف
ورحمة همايل احس قهرها طارق
وبس ودي اتكلم اكثر بس
الزعيم جاء

همايل : وربي طارق حرررام عليه اللي سوووووواه من جد حرام كسر خاطرها انا مع حسن ابغا همايل يتاجل زواجها يطلبها طارق اي شي بس مااتتزوج


طارق : قلبه ممتلئ حقد حتى على هموولة مررررة حقدت عليه في هذا البارت ما كان حيصير له شي لو كان قلها اوكي بس خذي صورت امك حرام على الاقل عشان تقهر حاتم


غدير : يامووون الله يفكك من النار فكيتينا منها اكرهها ما هانت عليها العشرة بس احسن يستاهل حاتك اكرههم هما الاثنين


فارس وعمار وفي : مالهم ديك الاحداث المهمة


مووزة : كرهتها في هذ البارت وجع ما تعرفي الاسباب ليش هذا الكره كله لو كنتي مكانها ماكان استحملتي نص اللي سار لها


سالم : هذا الانسان احس مالو داعي في الحياة بس برضو ما ابغاه يحب موزة احسهم مرررة مو ضابطين مع بعض ياخوفي يوقف في وجه هيوف في السفر


هيوف : تمنيتك لجاسر بس شكلو مافي نصيب ان شاء الله تسافري تلاقي اللي يعوضك عن كل اللي جاكي بس ياترى هل للرجال اللي شافته في المستشفى دور ولا لا


داانة : يا خوفي تكوني ادااة انتقام من اخوكي كامل


جاسر : مستغربة كلامه عن كامل بس برضو انا مع حسن اختي الكبيرة *_* احس انو صح رغم انوو للان ما شفنا اي زلة من كامل بلعكس احسه حنون

ومررررررررة يسلمووو موووون على البارت