هلا والله بالليلاسيات مساكم الله بالخير والمعذره ع التأخير بس اعذروني انا مره كسوله يعني فصل ينزل هالشهر والفصل اللي بعده خمس شهور هذا اذا ماجلست سنه وطبعا هذا مو تغلي بس وربي كسوله الفكره في راسي لكن ودي احد يكتبها خخخخخ ادري مايستوي لكن وش اسوي هذا انا عموما هذا الفصل وانشاء الله يعجبكم والفصل اللي قبل وقلتم كأنه من رواية ثانيه هذا هو السر بهالروايه بتفهمونه بعدين فصل ممتع لجميع المتابعين واعذروني ع التأخير بس وربي ظروف خارجه عن ارادتي.. هي اخلصي عاد وهاتي الفصل بلاش ثرثره زايده ماكفاك كل هالتأخير..



الفصل الرابع ...


صحت زين وهي تحس بحرارة على وجهها فتحت عيونها وقفلتها بسرعه نور الشمس عورها بعيونها تثاوبت بقووووه وبصوت مسموع وراحت تحرك يدينها بالهواء مثل اللي يعمل حركات احماء وبصوتها العالي (آآآآهـ يازين نورك ياهالشمس تنعشييييييييني) ازعجت سعود اللي مستند ع غصن الشجره ونايم لما فتح عيونه ضحك بقوه من حركاتها انفجعت زين من صوت الضحكه وجلست بسرعه
لما شافته تأففت بقوه سعود ماتمالك نفسه رجع يضحك بقوه يحسها بنوته صغيره مو واحده عمرها بالعشرينات..وقف سعود وقالها تتبعه لكن زين عنيده لدرجه كبيره ومارضت تلحقه وبخاطرها انا اوريك يالمتعجرف لقت شنطتها بجنبها وفتحتها تدور ع جوالها ولقته وبسرعه من غير تردد دقت ع ابوها
زين: السلام عليكم
العم ناصر: وعليكم السلام ياهلا والله بزينة ابوها .. هنا زين مااستحملت حست بغصه واخذت نفس عميق علشان ماتبكي زين كل شيء ولادموعها تنزل قدام احد هي تعتبر نفسها قويه وماتحتمل لو يشوفها احد يبكي تحس بضعف حتى قدام نفسها ماتبكي..
زين: كيفك ياابوي وكيف امي؟ وهنا خنقتها العبره وسكتت من دون تقول كلمه واحده زياده
العم ناصر: احنا بخير ياابوك زين ياابوك سامحيني والله الله بزوجك اعرف ليش دقيت لكن اللي تفكرين فيه انسيه انتي الحين على ذمة رجال والنعم فيه انا سألت عنه كثير والله ياابوك ماارخصتك ولازوجتك الا لرجال يعرف قيمة زينة ابوها .. زين كانت تهز براسها والدموع تملي عيونها لكن ماتبي تبكي لازم تكون قويه هذا ابوها اللي ضحى علشانها وعلشان اخوانها بكل شيء ابوها اللي دللها ولو طلبت عيونه مارفض واخيرا لقت صوتها..
زين: ابشر ياابوي مالك الا طيبة الخاطر وزوجي يسلم عليك.. حست بغرابة الكلمه زوجي وماتدري ليش كذبت على ابوها
العم ناصر: الله يسلمك ويسلمه يالله يازينة ابوها اتركك الحين وانشاء الله اشوفك قريب في وداعة الله
زين: في حفظ الرحمن يالغالي..
قفلت زين من ابوها وهي تفكر بالخلاص من هالرجال اللي زوجوها له مو بكيفها تتأقلم معه وتكمل حياتها فكرت في طلال لكن حست روحها بتطلع مجرد انها تفكر فيه لكن هذا هو الشخص الوحيد اللي ممكن يساعدها ويكلم خوالها يبعدون عن ابوها ويتركونه في حاله لكن خافت لايحس فيها سعود وبالفعل شافت ظله قريب منها وخبت الجوال بالشنطه ولاكأنها سوت شيء قرب سعود منها
وتنهد بقوه انتظر داخل فوق العشر دقايق قال يمكن يلين راسها وتدخل لكن سعود لما مادخلت عرف انه قدام بنت عنيده ويبي لها معامله خاصه وهو ابخص بالتعامل مع الناس اللي روسهم ناشفه جلس سعود واخذ هواء قوي وبنظرات حاده وجهها لها سألها: حضرتك تبغين عزيمه علشان تدخلين والا شنو؟
اختبصت زين وخافت لكن بينت انه عادي ولادرت عليه لكن صرخة سعود خوفتها: هي انا اتكلم معاك مااتكلم مع الشجره اللي وراك.
زين ارتاعت وقالت : ادري مو بغبيه والا مااسمع
سعود وهو يصفق بيديه يتريق فيها: واو والله برافو عليك انك مو غبيه وبعد تسمعين.. زين تنرفزت من طريقته وودها تقوم تسطره لين يقول خلاص اعتقيني لكن تذكرت ليلة ماضربها ورجع لها الخوف منه وعدم الامان..
سعود وبنفاذ صبر: انا طالع اجيب اغراض للبيت واشوف واحد من اصدقائي لو جيت وانتي عادك هنا قسم لتشوفين شيء عمرك ماشفتيه.. لماقام من عندها ناظر فيها نظره تخوف وبعدها اعطاها ظهره وراح عنها وغصب عنه لقى نفسه يبتسم واستغرب من حاله انه يعطي تقرير مفصل لها عن سبب خروجه من البيت..
لماسمعت صوت السياره يبتعد بسرعه اخرجت الجوال ودونت الرقم اللي حافظته مثل اسمها بعد رنتين جاها صوته : ألو .. زين ماقالت ولاكلمه كان ودها بهاللحظه انها بقربه تشوفه ومن دون أي كلمه راح يقرأ عيونها ويفهمها ويعرف كل اللي فيها.. رجعها صوته للواقع/ آلوووو مين معاي؟
تذكرت زين ان بعمرها ماكلمته من جوالها الخاص كانت كل مكالماتهم من تلفون البيت رجع طلال يقول/ بتقول من معاي والا اقفل.. تخيلت شكله لمايعصب ملائكه حتى وهو معصب فديته بس ضحكت من نفسها الرجال بيقفل وهي بعدها ماردت وبالاخير نطقت/ طلال.. وهذا اللي قدرت تنطق فيه وع الطرف الثاني طلعت تنهيده حاره/ ياروح طلال .. وقف الزمن بهاللحظه صمت يحمل كل مشاعرهم وحبهم تكلم طلال / زين وشفيك من البارحه قلبي مقبوض.
ماقدرت تقاوم اكثر / طلال اااااااقدددررر اششووفك؟! صمت من الطرفين وقطع هالصمت صوت زوجته وهي تنادي / طلول حياتي يالله اهلي ينتظروني. تنهدت زين بقوه وبعدها قفلت ماحبت تحرج طلال اكثر اصلا ليش فكرت فيه هي وعدته ماعاد تدق نزلت دمعه حاره تغسل همومها.. وبعدها مسحتها بقوه ماراح تسمح لهالشيء يؤثر عليها.لكن طبعها الطفولي العنيد غلب عليها وفكرت انها تعانده ولاتدخل البيت يمكن يحس فيها ويتركها بحال سبيلها.بعد ساعه من التفكير والجلوس بالشمس حست بالجوع والعطش وان اشعة الشمس تحرقها بحرارتها لكن لازم تنفذ اللي براسها شوي سمعت صوت الباب ينفتح وابتسمت وبعدها افترشت الشنطه وسوت حالها ولاكأنها حاسه بوجوده انصدم سعود لما لقاها بنفس وضعها لكن طنشها ودخل البيت ودخل الاغراض معاه للمطبخ صلح له كوب شاي واخرج له توست من الثلاجه وحمصه وبعدها اخذ المربى وهو يدهن الخبز سمعها وهي ترفع صوتها بالحوش وتقول / يووووووه وينك ياابوي تشوف زينتك وكيف هي جيعانه؟!.. غصب عنه ضحك وقال بخاطره اكيد تبيني اطلع لها واترجاها تدخل وبالفعل ترك الاكل وخرج لها وهو في باله هدنه لعل وعسى تدخل معاه لانها لوبقت بالشمس بتنحرق من حرارتها : زين ادخلي الشمس مره حاره واكيد انك تحسي بالجوع بسوي لك احلى فطور من تحت يدي وترى العرض مجاني.. ماعرف انه زود قهرها قهر ليش يسوي كذا هي تكرهه ولو تموت مادخلت بيته ولاأكلت من اكله زين وهي معصبه/ الله لايحوجني لك ماابي ولاشيء الا الفكه منك.. سعود استغرب من ردة فعلها هو طلع وبخاطره يلين راسها مو يشيشها زياده بهرجه سعود ابتسم وقرب منها / واذا قلت لك علشان خاطري.. هنا انفجرت زين بالضحك وقالت من بين ضحكاتها/ اللي يسمعه يقول شاريه خاطره مالت عليك وعلى خاطرك ومدت لسانها له. سعود عصب من حركتها ومن دون يحس عطاها كف قوي وقال/ عساك مااكلتي موتي ياحماره اصلا انا الغلطان اللي قاعد اداريك لسانك هذا بقصه لك وجزاء لك وربي لتدخلين البيت والا لتندمين انا من اول حذرتك لكن امثالك ماينعطون وجه يالله قدامي.. زين خافت لكنها قاومت خوفها وعطته ظهرها ومازالت يدها تتحسس مكان الكف/ مابدخل معك طلقني وفكني منك.. ماحست الا بيده القويه تسحبها وتوقفها على رجولها ويخليها تناظره / لو كررتي هالكلمه مره ثانيه لاقطع لسانك انتي الحين حرم سعود ولك الشرف يوم انك تكونين حرمه ويالله بلا دلع وبسرعه قدامي داخل.. زين ماتحب اسلوب الصراخ والعنف هذا وضربت سعود ع صدره بكل قوه/ اكرهك اكرهك ماابي مابي ادخل.. سعود نفذ صبره شاله ع كتفه وهي تضرب ظهره وتصرخ نزلني نزلني لكن هو ماقال ولاشيء دخلها المطبخ وقعدها ع الكرسي قدام طاولة الطعام واعطاها الخبز وكوب الشاي وصرخ فيها/ معاك خمس دقايق بسرعه كلي والا وربي لأجبرك فيها.غمضت زين عيونها بقوه وبداخلها الله يأخذك اول قضمه وبسرعه حطت يدها ع فمها وهي بتستفرغ لكن سعود رفع يده يهددها ابلعيها بسرعه ابلعيها.. زين حست روحها بتطلع هي ماتحب المربى وهو يجبرها تبلعه حاولت تتكلم لكن سعود قرب منها ومسك يدها ولواها خلف ظهرها وصرخ فيها/ ابلعيها.. هنا زين كانت مو مستحمله لمسته واختلطت عليها الامور وصارت الدنيا تدور فيها لفها لناحيته وهو يأشر لها تبلعها غمضت عيونها وسالت دموعها تغطي وجهها لكن سعود كان يفكر انه بهالطريقه يساعدها فجأه حست بغثيان قوي حاول تخلص نفسها منه لكنه مارضى يفكها واستفرغت ع صدره وبدت تكح بقوووووه سعود حس بالقرف والاشمئزاز وضربها كف يزيد من اوجاعها/ ياوسخه انتي شنو ماتقدري تتحكمي بنفسك غبية قذره.. لكن زين حست بالقهر منه لكن حالتها ماتساعد ابد توجهت للمغسله وغسلت وجهها لكن سيطرت عليها اغماءة حست بلذتها وغابت عن الوعي.وتنهد سعود وبخاطره يامن شرى له من حلاله عله..

كغصم4ص2صتصظظغ32ك51فححف1ضخج
نف3ضفخلاف

رواية رااااااااااااااااااااائعة جدا
مذهلة ومبهرة بكل المقاييس

اعجبتني كثيرا..

استمري غاليتي

سنبقى بانتظارك بكل شوق..

وفقك الله..

الله يعين سعود صج كلامة يامن شراله من حلاله عله

أختي المتمردة زين ليش راحت بيت سعود قبل ما يتزوجها هي غلطانة بالبيت

مشكوره اختي المتمرده على الروايه الرائعه الله يعطيك العافيه

ننتظرك بكل شوق