عندما تلتقي الأحبه00
ترى الأفئده تتخاطب بلغة الوفاء00
لغه لايفهمها الا أصحابها00

يحتاج الآخرون لمترجم عبقري لهذه اللغه00
لكن ماأن يترجم لهم اول كلمه00
حتى ترى الوجوه محتاره00
بشفرات اكثر تعقدا"00
فهذه اللغه محصوره بين الاحبه00

لان الارواح هي من تتخاطب00
هل تقرأ لغة روحي يامن أحب00؟؟
ام تحتاج مثل الآخرين لمترجم لتزداد حيره00؟؟



بارت اليوم وبارت السبت ماقبل العيد بعدها لي وقفه وان شالله راجعه بالاقوى بحيل اللي ماتنام عينه00


البارت الثامن عشر رؤيه خضراء بمزرعة ابا ناصر000



*******
*****
***
**
*




في مكان بعيد عن ضجة المدينه,,
والسموم اللتي تملأ اجزاء هوائها’’’
يجلس براحه وسكينه,,
ينظر للخضار من حوله’’’
مع نسمات العليل وصفاء الروح من الهموم,,
يجلس على بساط حوله رائحة الهيل والزعفران’’’
على يمينه نصفه الآخر واللتي قدمت للتو,,
وعلى يساره أخته الغاليه ونصف اخيه المرحوم الآخر’’’
وحولهم خمسة شباب يزينون المكان بروحهم الحيه,,
تتعالى الاصوات بامور خصبه’’’
وتتهامس الاصوات بمشاورات عذبه,,
وتبقى الارحام على صله’’’
بقرب هذا الكهل الذي ان جمع او لن يفرق,,


اما بالداخل000
تسع فتيات---او لنقل نساااء,,
تنقصهن صغيرتي العائله’’’
وهما على وصول,,
تضج بهم الحياه بحلاوتها’’’
وسميه متالقه ببساطتها,,
فاليوم اللقاء على شرفها’’’
رغم وجع الذكرى والم المناسبه,,
الا انها تبقى جميله بوجود من يحطنها باهتمام وحب’’’

منيره اللتي تتقدم للسلام على وسميه بحب فهي آخر من حظر برفقة هادي,,
:أقول طبنا وغدا الشر ختمتها بضحكه

لتضربها على رأسها وسميه,,
:أعنبوا ابليسج ماتعرفين تركبين مثل على المناسبه 00؟؟ 00وش دخل طبنا وغدا الشر00؟؟

منيره وهي تجلس بعد السلام,,
:طبتي من المرض اللي هو حبسة البيت اللي تجيب الوهم
غدا الشر اي بالله غدا شرج يابنت عمتي وهذا انتي تلقين وطيبه وكنج البخت

وسميه بخفوت,,
:ياابنت الحلال خليها على الله شوفتكم حولي والله انها ترد الروح اللي راحت مع راعيها

هيفا بصوت عالي وهي تدخل من الخارج,,
:قسم بالله لولا الحيا وخوفي من هويدي لااطلع واقعد مع الشباب قعدتهم توسع الصدر
خصوصا جويبر ياهو ذبح العجايز بتعاليقه

عبير بتهكم,,
:جويبر وش هو فالحا" فيه غير المعاير من اللي برااا00؟؟

هيفا وهي تجلس,,
:كلهم ماعدا فهد راح يجيب البنات وناصر ماشفته--الا وينه ناصر يامهااا0؟؟

مها وهي ترتشف الشاهي,,
:ههاااو عند ست الحسن والدلال صكة عليه صكه ياحراام قدها مهيب من شعورها كل ذاالبعد ومفارقته
مابقى قميص فاصخ والا نكهاات ولا اطياب ماحطتها

دلال وهي غارقه بالضحك,,
:بس تكفييييييين احس ناصر من شماليها ماشفتيه يوم جات وهي كاشخه ولابسه عينه طايره فيها ياحرااااام

حسنا بابتسامه,,
:بنات عاد هدى على خبالها ولبسها الغريب00؟؟

دلال وهي تضحك,,
:لاعقب كف اخوي تحسنت شوي

مها بضيق,,
:دلال وش ذاالحكي00؟؟
مهما كان هي ام عايد ولها الحشمه واللي بينهم بينهم
حسنا ماعليج منها الخبل هدى لبسها على الموضه الوان وخبه بس يناسبها سبحان الله يعني المره جسم
ماشالله ولاكنها جايبه ذاالبزران

هيفا بسخريه,,
:مهاوي الله يرضالي عليج وش موضته اللي مثلها وذاجسمي والله لاالبس ساااااده وناعم بعد بس هي تخرب على عمرها
بالموديلات يعني بالبدله الوحده ثلاثين موديل

منيره تنهي الحديث,,
:كيييفهاااا لبسها وهي راضيه اعنبوا غيركم ماشبعتوا حش خلاص غيروا الموضوع
الا تبوني اغير الموجه واسولف عن بنات الدوام

عليا تضع اصبعها على اذنها,,
:لاااااااا تكفييييييين بس الله يخليج لانبي نسمع لبنات دوامج ولانبي توجعين روسنا فيهم كفايه ماجرى منك كفايه

لتقوم بالتطبيل منيره بطرب,,
وتغني عليا بخفوت’’’
حتى لاتصل اصواتهن للخارج,,
وتبقى الارحام على صله000
وكم هو شعور رااااائع000



*******
*****
***
**
*




بالسياره حيث فهد وسارا والقابعه بالخلف خلووووووود000

يجلس بهدوء,,
يتحدث مع اخته تاره وتاره يتحدث بهاتفه’’’
ادارت سارا المسجل بالسياره,,
ليتعالى صوت نوال تصدح باغنيه00

ضاقت عليك ومابقى الا انااا 00
00 تقول وش رايك بمحبوبي الجديد00؟؟
تبغى تعنيني وانا ناقص عنااا00
00 اموت واعرف بس انا وش تستفيد00؟؟

لاتعلم لما شعرت خلود بتوتر وهي تستمع لتلك الكلمات,,
بذلك الصوت الشجي’’’
معقوله ضاقوا عليه بنات العالم كلهم00؟؟
مابغى حليله الا اختي عليا00؟؟
يعني مايدري اني احبه00؟؟



قبل عدة شهور0000
حسنا اللتي تجلس مع عليا بالحوش,,
:انتي متاكده ان فهد يبيج00؟؟

عليا بحلفان,,
:اقسم بالله اني دريت صدفه وتضايقت معقوله 00؟؟
توقعت يبي خلود من كلام مهاا لج وانتي خابره

حسنا بضيق,,
:ماهذا البلااا انا انصدمت اصلا00
تدرين قبل ماشفت من ناحيته لاي بنت اي اهتمام لاانتي ولاخلود انسان همه طلعاته ربعه
لكن عقب الموقف اللي صار بينكم والله ياعليا انه طاح من عيني

عليا بخوف وهي تلتفت على المكان المعتم,,
:اسكتي لايطب علينا هادي ويسمعج والله ان يغسل شراعي ويغسل شراعه فوقي
قليل اللي سواااه00؟؟

حسنا وهي تتكا بيديها من الخلف وتمدد قدميها امامها,,
:مااااعمري شفت عليه حركات علويه ابدا" اصلا" ماكان له وجود بالبيت ماادري وش عنده على هالحركه
وانتي غلطانه وشهو له تمشين بالبيت سفري00؟؟

عليا بندم,,
:بالعون اني لارحت لهم اتستر ولاافصخ حتى عباتي بس ياختي دليل الله يهداها قالت لي انه مهوب موجود ولافيه احد

حسنا بتهدئه,,
:ماعليج لاتشيلين بخاطرج واذا تقدم ارفضي وطزز فيه

عليا بقوه,,
:والا فيها00؟؟
اي بالله بعيي والله مايطول مني حاجه انا مهوب كاسر خويطري الا المسيكينه اللي كتبها كلها حرف الاف
يفتح نفسها ياحسون على الدراسه مجرد حرفه

حسنا بصرامه,,
:ماعليج لاتحاتين خلود اصلا هي تربية هادي 00هادي وهو يموت بهواا دلال ماتعذب يوم اعرست كمل حياته وعادي
وخلود ذيبه ماراح ياثر عليها لو خطبج

عليا وهي تتنهد,,
:وتتوقعين ان هادي عادي عنده عرس دلال وانها تروح من ايده00؟؟
لاوالله ياحسون الا يفرك من الحره بس ويش يسوي وخلود من شماليه


ذكرى مرت لاقل من ثانيه ببالها,,
كلام 00 مجرد كلام 00
لكنه كما السم الذي دخل بجسدها لينهش قلبها’’’
وصلت مشاعري لاحاديثهن الجانبيه00؟؟
يقررون ماسيحول بي لوتركني ذلك المغفل00؟؟
اذ كانت اخته سارا وصلت لها مكنونات مشاعري بعفويه,,
فكيف باخواتي اللاتي اشاطرهن احاسيسي اليوميه00؟؟
ومن ضمنها احساسي البريئ تجاهه00؟؟
هو الذي يجلس بقربي اليوم’’’
بعقدة حاجبيه المعروفه,,
وباسلوبه الجديد الذي لم اعهده’’’

اذكره غاضب مشتعل سريع التحرك00
لكن به روح حيه00
تشع حيويه وشباااب00
اما اليوم اراه رجل بمعنى الكلمه00
هادئ مسالم00
ولن ابالغ لو قلت ارى به براءه لم اعهدها بغيره00


لم تشعر بالوقت الا حينما وصلا لاحدى الجمعيات التعاونيه,,
ليلتفت عليها فهد وهو ينزل نظارته على طرف انفه’’’
لترى عينيه ماتحب متوجهه الى عينيها قبل لسانه بالسؤال,,
لتجيب قبل حديثه,,
:لامشكور فهد ماابي شي

ابتسم ثم اردف,,
:انزلي بقوول انزلي نتقضى للبنات موصين العيال باغراض وعيواا لايجيبون لهن
انتي تقضين لخواتج وانا باشتري لباقي البنات والبزران

التفت لحقيبتها لتصحبها معها للداخل,,
لتسمع صوته قبل نزوله وهو يرتب شكله بالمرآه’’’
:لاتاخذين حاجه عندي فلوس شايفتني مانيب قد المقام00؟؟

خلود بخجل,,
:محشوم يابو عايد خلاص عليك الحساب والله يعينك

نزلت تسبقها سارا لتمسك بسله وهي تمشي وتشعر بمن يتبعها,,


الليله احساسي غريب00
عاشق وانا مالي حبيب00
الليله غير00شعوري غير00اشواقي غير00
حتى الاغاني غير00صدري سماااا واحساسي طير



*******
*****
***
**
*




ببيتهم00
بيت السعادة والهنا كما تسميه سارا00
يجلس بحديقة المنزل,,
لتاتيه بغنج’’’
وتضع الفطائر اللتي اعدتها بمهاره,,
مع الشاي الساخن’’’

ناصر بابتسامه مشرقه,,
:تسلم الايادي اللي تعبت

هدى وهي تناوله كوب الشاي,,
:الله يسلمك ياعمري
شاهي منعنش على كيف كييييفك

ناصر بضحكه,,
:منعنش شلووون00؟؟

هدى وهي تقرب منه صحن الفطائر,,
:شاهي بنعناع اشرب وعطني رايك

ناصر بصدق,,
:انتي ياهدى كل شي فيج حلووو الا اللي خبري خبرج

هدى بابتسامه باهته,,
:بتذلني ياناصر على طبيعه غصب عني00؟؟

ناصر يقترب ليلمس شفتيها بحب ثم ينقل يديه لشفتيه ليقبلها,,
:مانخلى من التنكيد كلنا بالهوا سوااا
يسلملي اللسان وراعيته
بصراحه اليوم عوضتيني عن هالسنين اللي فاتت كلهااااااا

هدى بابتسامه ونظره ذابله,,
:صح ناصر مستانس ومنت متحسف انك مارحت مع العيال وعمي00؟؟

ناصر بصدق,,
:والله العظيم اني مستاااانس ومرتاح والمزرعه عادنا فيها بنحظر العشا والا وش رايج

هدى بتاييد,,
:على رايك انا مشتاقه لسوالف البنات خصوصا وسوم ياانا احب هالمره

ناصر بحب,,
:وياانا احب المره اللي قدام عيني

هدى تبتسم بحيااء وهي تنزل راسها للاسفل,,
تشعر براحه’’’
فبعد نوبة العتب والمصارحه الشفافه بينهما,,
ازيحت غيمة السنين السوداء’’’
ومابها من اوجاع,,
لتحل بدلا" منها امطار من الحب والسخاء,,
السخاء بمشاعر افتقداها الاثنين منذ سنين’’’
وهاهي ترجع اليهم بنضجهما,,

وعلى كثر السنين اللي عاشوها سوا من جفااا,,,
على كثر الحب اللي بينهم ,,,
وعلى كثر الوله اللي ذبح قلوبهم,,,

رجعوا بقوى لبعض وبشوق اكبررررر0000





*******
*****
***
**
*





جلسة شباب بحته,,
فيها عبق الرجوله’’’
وعنفوان الشباب,,

استلم الجلسه هادي وبقوه,,
:مشعل اي خلك كذا صريح وواضح واذا تعباااان انت قدها وقدود
واحنا اهلك وعزوتك وان ماوقفنا جنبك وش له حياتنا
موتنا وحياتنا واحد

مبارك بترفيع,,
:اوه اوه اوه حركااات ياابو عيدالله داخل بقوه انت

هادي بابتسامه وهو ينظر لمشعل,,
:اعنبوا غيركم هذا مشعل خوة عمر ,السفره يامشعل ازهلها وانا اللي برافقك

مشعل باحترام,,
:كفوو يابوعبدالله كفوو


هادي باحترام متبادل,,
:الله لايكف شوفك

مشعل يردف,,
:السفره عجلوا بها انا تعبت ومحد بمخاويني الا فهد انا وياه جميعا ان قبرني والا قبرته

ليأتيهم صوت فهد الضاحك مع ضحكهم العالي,,
:اقبرني اعنبوا من لامني في حبك اقبرني المهم نسافر

مبارك بفرحه فهو لايفارق فهد منذ تغير حال الاخير للافضل,,
:سنااايدي والله يافهد تعجبني

فهد يرمي ورقة اللعب التي احظرها بالنصف,,
:شباب بيلوووت00؟؟

اقتربوا جميعا للعب,,
ليدخل جابر وبصوت عالي’’’
:اول دووووور لي معكم دخلوني

هادي يرفع نظره له ثم يبتسم باستهزاء وهو يفرش الورق,,
:لاحجت البقر على قرونها بتلعب وانا باللعبه

جابر بضيق,,
:ابو عبدالله مااحنا ببزران احنا جايين نستانس وننسى اللي فات

هادي وهو يوزع الورق عليه وعلى مبارك وفهد ومشعل من شاركوه اللعب,,
:اي مع ابوي لارجع ابوي نسيت
العبوا عيال

مشعل بهمس,,
:هادي مبارك فهد بزرااان انتم00؟؟
رجال جاك ياهادي واعتذر وش صار يعني لاغلط المهم انه تاسف

مبارك بقهر,,
:وش تاسف يامشعل00؟؟ هذا هو على حاله تراا هادي يوم انه متضايق منه مهوب عشان سالفة عليا وطلاقه
المفاجئ هادي متضايق من سوالفه المحقه علومه الرديه هياته من بلد لبلد ومن مرقص لمرقص

مشعل الذي ينظر لجابر الواقف قرب سيارة تركي ويتحدثان سويا",,
:الله يهديه ياعيال العبوا وخلوا اليوم يعدي على خييير احنا جايين ننسى همومنا ونرتاح لابو ذاالحياه لابوا كلب
اللي بتخلي النفوس خايسه كذا

هادي بابتسامه,,
:الحياه دنيا والدنيا من اسمها دنيه وش تنطر من شي دني00؟؟

مبارك وهو يرتب لعبه,,
:لا اله الا الله الحياه مالها دخل ياهادي البلا والله فينا اللي لاعاد فينا غاريه ولاالرجاجيل مثل اول

فهد بمرح,,
:اعنبوا مجناكم احنا جايين نلعب والا جايين نعطي مواعض

اكملوا لعب,,
احيانا" بتشنج’’’
واحيانا بضحك,,
ولاااا يخلا اللعب من التلاعب00
فهو لعب00!!


اماجابر اللي ضاق به المكان رغم وسعه,,
:تركي مهيب حاله لاجيتهم صدوني

تركي وهو يخرج ادوات الشواء من سيارته,,
:جابر امسك هادي وكلمه على جنب انا ماادري وش اللي بينكم بس هادي مايزعل الا من شي كايد

جابر بتوتر وباحتداد ليخفي توتره,,
:ماااصاااارت يعني الواحد لاجا يستانس لازم تضيقون عليه00؟؟

تركي وهو يرفع راسه لاخيه بنظرات انتقاد حاده,,
:تعال اضربني ياالمره تعااال وش اللي رادك00؟؟
يااخي متضايق من احد لاتجي تحط الحره فيني
لاتنسى العيال ابتتعدوا عنك من حركاتك اللي فضحتنا بها عن خلق الله

جابر وهو يتنهد واضعا يديه في جيوبه,,
:تركي كلم العيال انا جاي اوسع صدري احس اني ضايق من غيرهم خصوصا ان فهد تغير علي
انا ربعي كثر التراب بس ابي اهلي حولي

تركي الذي اخرج العده واللحم من السياره,,
:جابر ذاالشي بيدك ياتبعد عيال عمك واخوانك منك وتنفرهم مثل ماانت مسوي00؟؟
والا ترجعهم لصفكم مثل ماراح تسوي ان شالله00؟؟

ذهب تركي لدلال اللتي تنتظر العده لتبدا الفتيات بالشواء والاستمتاع,,
اما جابر فعاد للشباب يحاول هد الحاجز اللذي بناه بينهم بيده,,






*******
*****
***
**
*




نظرات منها لم تفت احد,,
تجاهلتها الاخرى لتمشي المياه بهدوء’’’
بمجاريها ولاتندفع الموجات جانبا عن مسارها الصحيح,,
فاليوم لقاء طال انتظاره’’’
وكم هذااللقاء جميل وهادئ,,
لولا سهام الكلمات اللتي تطلقها بعنف وبصوره مبطنه لها’’’

ام هادي بتعقل بعدما غادر المكان عايد بصحبة جابر للمشي قليلا,,
:ام تركي البنات بيشون انا فداتس وبيكونو قريب والعيال مامن بعد بينا وبينهم حذفة عصا
والشايب بيعود خلي اليوم بتساهيله

ام تركي بغضب,,
:اقول ام هادي ورا ماتعلميني السنع ومتى اتحاكى ومتى اسكت00؟؟

ام هادي بتغيير لمجرى الحديث,,
:انتي ام العقل ياام تركي وغيرتس المخطي,,الا وسوم صحيح بتعطونها الملحق الخارجي00؟؟

ام تركي باستنكار,,
:يويلي من قاله00؟؟

ام هادي,,
:سمعت تركي يقوله لهادي يومه عندنا

ام تركي بصدمه,,
:يعطيها الملحق الماجر بذيك الحكيا عشان يعزلها مني00؟؟
مهوب كفايه علي مرته المندسه بجحرها ماتجيني ولااشوفها الا ان كانها بتطلع محل00؟؟

ام ناصر بطولة بال,,
:اللهم طولك يارووح

ام هادي بندم فهي من فتح الحديث لتغير الجو ولم تعلم بان هذا ماسيغضب ام تركي ويضايق ام ناصر,,
:يانسواااان ماهيب جايه مرت خالد00؟؟

ام تركي بتهكم,,
:اللي تلوي اثمها لاجات تحتسى 00؟؟
ابرك الساعات فرقاها

ام هادي بصدق,,
:والله ان معرفتها تشرى بذهب ,, ماشالله عليها عرفت لطبايعنا وقدها منا وفينا

ام ناصر بتاييد,,
:انا اشهد انتس صادزه اجوديه وراعية واجب وعندها معرفه ماشالله عليها

ليقطع الحديث الدائر حظور هدى,,
السلام عليكم لتتقدم من نسائها وتقبل رؤوسهن بتعالي وتجلس بقرب ام ناصر

ام ناصر اللتي تربت على فخذها وهي تبتسم,,
:زين اللي جيتوا قلت الوكاد بيصك عليها نويصر صكه ولاهوب جايبها

لتضحك هدى بغرور,,
:يوه ياعمه بموت اجي مبكر بس عيااا يقول هو عشا وش مغبشنا من صباح الله خير

ليحظر ناصر ويقبل راس عمته ام تركي ويلقي السلام على ام هادي باحترام وبصدق,,
:والله اني مجهز اغراضنا من فجر بس جاتني ام عايد وامسكتني من شوشتي الا تقعد

هدى باحراج,,
:ماعليج منه عمه هو اللي قالي نقعد ونجي قريب المغرب

ناصر بخبث فهو قرا الاحراج الواضح بصوتها ومن كلماتها ليزيد العيار حبتين,,
:لاوطاريلها مانجي ابدا" اليوم بس انا اللي اصريت نحظر العشا خصوصا" ان ذاالجمعه الحلوه ماتتفوت

هدى بحرج انا بادخل وين البنات,,
:ام هادي وهي تشير للخلف ,,
:ورا تعينينهم ورا البيت يجهزن بيشون مع العشا00

همت هدى للحاق بالفتيات اما ناصر فاخذ يتحدث مع امهاته بحب ,,





*******
*****
***
**
*




عند الفتيات اصوات تتعالى بضجه,,
واصوات تتهامس بهدوووووء’’’
وسميه لمعالي اللتي ترضع ابنها من صدرها,,
"متى الطلعه ياام هدوي00؟؟

معالي بضحكه,,
:المفروض اليوم بس سحبت على عزيز وقلت له ماتطلع المره الا باليوم الاثنين واربعين
ماابي افوت هالجمعه

وسميه بنصيحه,,
خلاص احظري العشا ودقي عليه فاجئيه تراا انتي زودتيها ورجلج وراه دوره اسبوع برااا
لاانتي باللي بتسافر عشان هدوي ولاانتي اللي ونست رجلها عقب كل هالوقت من الهجر

معالي بصدق,,
:اكذب عليج اذا قلت لج مانيب مشتاقه الا بموووت من الشوق خصوصا ان حمالي حرمني قربه
بس يااختي الليله تتعوض بس هاللمه والله ماتتعوض

وسميه بصوت منخفض,,
:بتنامين اليوم بالمزرعه ويانا00؟؟

معالي وهي تمد شفتيها بضيق,,
:عشان هالفصعون ماراح انام مافيه الا كم غرفه وبيزعجكم بارجع لبيتنا

وسميه,,
:ياخبل خليه عندي ودقي بالليل على رجلج وروحي وياه اي فندق او شاليه

معالي برفض,,
:لا يااختي فضيحه لاسالوا وين امه وش بتقولون هملت ولدها وراحت مع رجلها كانها سرووق00؟؟

حسنا تجلس بقربهما,,
:شفتي وسوم عجزت فيها اقول لها رووحي الرجال اكتئب كان حاسب على اليوم فاجاته الله يصلحها

منيره من بعيد,,
:بناااااااااااااااااااااات تعالوا برااا نشوي سوااا وناسه وناسه

قمن بمرح يركضن بشكل طفولي للوصول لمكان الشوي,,
اما معالي فجلست تحمل ابنها وهي تراهن بابتسامه’’’
والله ثم والله لو يقولي عزيز طلاقج اليوم ان تميتي هني لاتم,,

اما سارا وخلود وعليا من يمشين بعيدا" عن مكان الفتيات,,
حين روا ركض هيفا ووسميه وعبير ومشي حسنا ومها باستعجال وحذر’’’
اتجهوا بسرعه للمكان,,
:وش فيكم00؟؟

دلال وهي تنفخ على السيخ المليئ بقطع اللحم والطماطم والبصل,,
:وش فينا00؟؟ فينا ناقصات العقل اللي بغن يحرقني انا ومنور

مها وهي تجلس على كرسي احظرته لها سارا,,
:دلول انا اول وحده ترااا ورعي يطبل ببطني ميت من الجوع ويبي عيشه

حسنا وهي تقف بالقرب منهن,,
:وانا بعد محد احسن من احد

مها وهي تضع اصبعي السبابه تحت عينيها,,
:يمممممممممه من الحموااات شفتوا شغل الحموات تقلدني بكل شي

عليا بمرح,,
:لامهاوي ثنتين بعد خوات عليج يعني شكلج بترجعين مصر وتستقرين هناك

مها تضربها بخفه,,
:لاتذكريني بمصر واهلها--البي بيوجعني--

البنات بمرح,,
:الواد البوا بيوجعوا00وعايز حد يدلعوا
الواد بيؤول الآه__آآآآه

ولكن مااسكت اصواتهن المرحه,,
ذلك الهجوم الحاااد والغير متوقع’’’
وبصوت رجولي حاد,,
:طررررررررررررررم

تراكضن الفتيات لستر انفسهن باغطيه ودخلن للداخل,,
الا منيره اللتي تنفخ ببرود وهي تتغطى بطرف شيله فاضحه اكثر منها ساتره’’’
هادي بغضب وبرفقته مشعل وفهد,,
:منير00؟؟

منيره بتبرير,,
:في ذمتك وش تبيني الحق ذاالخبل واللحم يحترق00؟؟ خلني اخلصه اول

هادي يبعدها بيده,,
:قومي دااااخل

مشعل باحترام,,
:مسيتي بالخير ياام سالم

منيره باحراج فهي توقعت تواجد فهد فقط لاكنها لم ترى مشعل اللذي حظر بعد الشباب,,
:هلا والله مسيت بالرضا والعافيه شلونك بشرني عن صحتك

مشعل يقترب من هادي,,
:لاباس الحمدلله مانشكي باس

دخلت بسرعه للبنات الغاضبات,,
بل المشتعلات من الغضب’’’
دلال بحده,,
:خير ان شالله اخوكم يتبلع يوم خلصنا وتعبنا الشوي جايبه تركي لنا وللعجايز مهوب لهم وله ابو كرش

هيفا بغضب مشابه,,
:سخااافه يعني ماتعرفين هويدي00؟؟
بعدين وخير ياطير لاغنينا ترا حركتهم مفهومه يبون الشوي وبيروحون

وماان اتمت جملتها هيفا حتى غادر الشباب بضحكه ومعهم اللحم المشوي,,
لتخرج دلال بغضب شديد’’’
"خمستعش سيخ الله لايخسر خذوها ومابقى الا اللحم الني

البنات بتافف وهن يرجعن للشوي,,
كان ذلك على مراى من هدى اللتي حظرت للتو’’’
:السلام عليكم

دلال تنظر لها بحده وباقي البنات,,
:وعليكم السلام والرحمه

هدى تقترب من وسميه اللتي نادتها مكان القهوه,,
وسميه بتبرير,,
:هدوي اخبارج,ترا البنات مفولين من الشباب اللي سرقوا اسياخ اللحم بعد عنااء من الشوي

هدى بضحكه وبحب,,
:الله يجبر بخاطرج بصراحه شككت بنفسي اني مسويه شي من نظراتهم

معالي وهي تحظر للسلام بعد وضع ابنها بسريره,,
:حياالله ام عايد اسفرت وانورت ولو ان احنا شوي مظلمين

هدى تقف باحترام,,
:نورج حبيبتي وعلى البركه المظهار خارجه من كل شي

حسنا بمرح,,
:وش مظهاره عفنت ذي قولي عزتي لعبدالعزيز اللي ماتهنى بهالمظهار

هدى بمبالغه,,
:يووووووه علوي انا مااتم الاربعين الا حارقني ناصر بالاتصالات

حسنا تنظر لمعالي بابتسامه,,
:ايييي هو فيه احد مثل ناصر الله يتمم عليكم



ببقعه اخرى بعيدا" قليلا عن الشوي,,
سارا بضحكه,,
:علويه من صجج تبين تدخلين على هالاغنيه00؟؟

عليا بمرح,,
:ليش لا اني صادقه تهبل

خلود وهي تضرب عليا على راسها,,
:عشان طول ماانتي تمشين الناس يكحون من كثر ماانتي مغبره

سارا,,
:من الحين باشتري كمام لايجيني ربو من الغبار اللي طالع منها

عليا بضيق,,
:ليش بناات مو حلوه00؟؟

خلود,,
:علويه اولا هب السعد قديييمه ثانيا ماحبيتها شوفي غيرها او خلي الفنانه تدخلج احلى

سارا بتاييد,,
:اي صح احلى تدخلج الفنانه بصوتها وطبول حيه احلى بواجد

عليا,,
:وش رايكم تلبسون نفس الشي وياي00؟؟

لتنفجر كلا" من سارا وخلود من الضحك,,
خلود بمرح,,
:اي ويكتبون على عرسج العرس التراثي سنة الف وتسعميه واحطبه

سارا وهي تقف وتشير برفض بيدها,,
:لا لا مستحيل انتي من جيلنا00؟؟

لتقفا معها ويهما بالعوده للفتيات,,
وهن يتمايلن من الضحك من اقتراحات عليا الغريبه’’’





*******
*****
***
**
*





يمشي بصحه,,
بالرغم من كبر سنه الا انه لائق جسديا"’’’
ويحب المشي والحركه,,
ومعه ابن اخته القريب لقلبه’’’
رغم كل عيوب جابر,,
الا انه اكثرهم وصلا" بخاله العزيز’’’
يعتبره ابيه الغالي,,
ليس مجرد خال محب’’’
بل اب شارك بتربيته ويستحق الكثير من الحب والعطاء,,
ابو ناصر وهو يقف ويمسك قنينة الماء من جابر,,
:بس يبوك تعبت خلنا نعود

جابر اللذي احظر صخره ليجلس عليها خاله,,
:اقعد ريح اهنا شوي عقب نعود

ابو ناصر مستجيبا" لراي جابر,,
:وهذي قعده00قلي وش علومك ياابو حمود متاك بتعرس وانا ابوك

جابر وهي يجلس على التراب,,
:متى ماالله كتب يبه

ابا ناصر,,
انت تدري ان مبارك محاكيني على العرس يبيني اخطب له وانت الكبير مااعرست

جابر وهو ينظر لبعيد,,
:خابر يبه بس مالي بارض على العرس الحين

ابو ناصر,,
:متاك يبوك بتسنع امورك لازم تركي اللي يركض لك في كل حاجه00؟؟

جابر بغضب,,
:هو اشتكالك يبه00؟؟

ابا ناصر وهو يربت على كتف جابر,,
:مااشتكى لي عيون واشوف,,ياابوك الرجال يجتهد ويمشي اموره بايده انا عارف انك ماانت بمرتاح
بوظيفتك وودك بالشركه بس ابيك انت تتحرك مهوب غاترني اني اعاونك واكلم معارفي بس ابيك تتحرك
ياابوك على ماقالوا--اللي ماله نجدتا" من ذارعه شربه من ايدين الرجال هماج--

جابر وهو يقف,,
: نعود يبه00؟؟

ابو ناصر بابتسامه,,
:عودنا يانفيسه



((المثل مقصود به::اللي مايقوم بحاجه بايدينه فماله من الرجاجيل الا حثالهم--بقايا مااشربوا))






*******
*****
***
**
*








هادي ومبارك بمشاورات جانبيه,,
:والله يااخوك ماادري بشوف وارد لك خبر

مبارك وهو ينظر لجابر القادم مع خاله,,
:صك على الموضوع ماابي جابر يدري

هادي بتغيير للحديث بناءا" على رغبة مبارك,,
:ماقلت لك ان ابو غانم خوي مشعل مرشح نفسه للمجلس00؟؟

مبارك بفرحه,,
:صحيح00؟؟ زيين زيييين اجل قربت الواسطه عندنا

هادي بضحكه,,
:افااااا عليك بناكله ابو غانم وبنذله باصواتنا ذالفتره عشان يتوسط لنا بكل محل
انا ودي اسافر سياحه بخليه يتوسط لي بالصحه موب هم يسفرون على الفاضي والمليان من عنده واسطه00؟؟

نايف اللذي حظر لاصطحاب عبير لكن ابو ناصر حلف عليه بالعشا,,
:وانا شباب بروح احف ليزر واسوي عمليه لخشمي وين تنصحوني اروح فرنسا والا لندن00؟؟

هادي يقف للسلام وهو يكاد يقع من الضحك,,
:خنز الليزر اصلا" بيخرب الجهازمن كثر شعرك يالمشعر

مبارك بمرح,,
:عاد نايف وش العمليه اللي بتزين خشمك00؟؟

نايف يتقدم بانفه لتحية كلا" من هادي ومبارك,,
:والله يابوعبدالله مايرد على حكيك بنشوف من اللي حفه ازين انا والا انت

هادي يضرب كتف نايف بقوه,,
:تخسييي الا انت صدقت نفسك تمزح معيي اصغر عيالك انا00؟؟

نايف بمرح,,
:لاجاني ولد بسميه هادي عشان اذله على ذاالاسم هويدي ووجع هادي جعلك ماتشيب
هادي جعلك السكسوين اللي تنحرك نحر وتطير عظامك في الشارع العام كله

هادي بصدمه,,
:اعنبوا المغل 00انت والله انك عجوز على ذاالدعاوي

نايف يجلس بقربهم وهو يرفع كتفيه,,
:ولدي وبصري به,, الا مبيريك متى بتخطب تراني بخاويك00؟؟

مبارك وهو يسكت نايف,,
:انطممم ماابي احد يسمع انا امي ماعلمتها ولاحتى عبير

نايف بغباء,,
:لاااااااا تراني قلت لعبير وانشبت لي تبي تعرف المره قلت لها ماادري

مبارك الذي يرمي نايف بعلبة السجائر,,
:يافضييييحه وش عليك تتفلسف على مرتك انت مالك سد00؟؟

نايف الذي يتناول سيجاره من العلبه ويخرج الولاعه للتدخين,,
:عادي عادي ياابن الحلال مسيرهم بيدرون,الا هادي متى بيسافر مشعل00؟؟

هادي بضحكه,,
:مانيب قايلك تروح تنشر الخبر الرسول وصى بقضاء حوائجنا بالكتمان وان دريت انت ماعاد به كتمان

حظر مشعل وجلس بقرب نايف,,
:حياالله نايف ولد ابو نايف اخبار عبدالعزيز 00؟؟

نايف بابتسامه,,
:ذليته بعرسي كل يوم ادق عليك اقوله جعلك تزوج عيال عيالك اللي زوجتني ذاالصايبه

مشعل بابتسامه,,
:عبوره ياحبني لها ذاالبنت

ليلكزه نايف بقوه,,
:انا يقال اني رجلها واغار تراني حمششش واخوف

مشعل,,
:روح زيييييين انت باصبعي اطرحك على جنبك بعدين عبير ياماااا قعدت على ذالحظن
وهو يشير لحظنه

نايف يقف بمرح,,
:بموووووت بشق جيبي يبي يقهرني ذاالرجال
الا شباب ليش شايبكم قاعد عند العجايز وانتم اهنااا00؟؟

هادي بابتسامه,,
:وانت وراك واقف اقعد تعشى بعدين اخذ عبير وحاسبها على كلام مشعل
ختمها وهو يغمز عينه لمشعل

نايف باستعجال,,
:لاوالله انا قعدت شوي من حلف الشايب بس انا مستعجل والله

مبارك يقف معه,,
خلاص انا بروح انادي عبوره ولايهمك

مشعل يقف معهم ,,
:اقعد يامبيريك انا بنادي عبير او بخلي سويره تنادي عبير لاني بروح اريح داخل تعبااان


ذهب مشعل للداخل لينادي عبير,,





*******
*****
***
**
*







عبير وهي تحكي للبنات عن نايف,,
هيفا بمرح,,
عبوووووور يازينه زينااااااااه تكفين تبادلين وازيدج

منيره بمرح مشابه,,
:ليه الاسكان انتم تبادلون بيوت وتزيدينها الحمدلله والشكر
عبور ماعليج منها انا شبه حره مابعد تحررت عطيني ذاالسنافي اوسع صديره ويوسع صديري

عبير تقف متخصره,,
:مووووووتن حره والله يبيع الدنيا كلها ولايبيعني

وسميه وهي تلكز اختها وعينها على البنات وبمرح,,
:خبل انتي شفتي ذاالعوينات النقب والله انها ولابازوكه تجيكم رايت عليج انتي ونويف ويطلقج

عبير وهي تضع يدها على صدرها,,
:صحييييح00؟؟ اجل منكد علي ويقومني بضربه ويرقدني على كفوف

عليا بحالميه,,
:الله الله الله على هيك رومانسيه بجد عبوره شوقتيني للعرس

معالي تلتفت على اختها وبهمس,,
:بعتي الحيا انتي00؟؟ لاتنسين ان مرة ناصر اهنا وهي تتصيد الزله

عليا بصوت عالي,,
:فديييييييت زول رائد وفدييييت من يسر فيه ويعرق

لتعود وتهمس باذن معالي,,
:بكذا لو بتحش تحش كلام صار مهوب تأليف

هدى تحظر خادمتها حقيبه كبيره,,
:بنات تبون جناط تقليد درجه اولى وشيال من الامارات00؟؟

حسنا تتقدم منها,,
:اي هدى ابي للدوام خل اشوف اذا عجبني شي شريت حبيبتي

دلال وهي تهمس باذن سارا,,
:عشتوا حتى وهي زعلانه ماخلت عادتها

سارا بهمس مشابه,,
:دلال تكفيييين لاتاخذين ذنب كيفها تبيع تشتري ماعلينا منها

لتفاجئ الفتيات ببضاعه رائعه,,
من الحقائب الغريبه والشيال الجديده’’’
سارا بهمس,,
بروح اشتري بصراحه ماتتفوت

دلال وبهمس مشابه,,
:مانيب بالتاليه

تنتقل الحقائب من يد الى يد,,
احيانا" تشد احداهن على واحده’’’
وتخطف احداهن واحده,,
وللتسوق المنزلي متعه رائعه’’’
قامت حسنا وبصوت مرتفع,,
:بناااااات بروح اجيب بوكي احد بيحاسب اليوم اجيب بوكه00؟؟

البنات بصوت واحد,,
:اي حسنا

لتخرج من الصاله الداخليه للمزرعه وتذهب للسيب الذي يضم الغرف اللاحقه بالمزرعه,,
لتفاجئ بجسده الضخم يضرب بجسدها الغظ’’’
رفعت نظرها اليه لتراه يضع يده على راسه وهو لايراها,,
لكنه شعر بها ولم يحب احراجها’’’
تغطت بطرف جلالها وهمست ببكاء,,
:ماتشوف يامشعل00؟؟

ياللى غرنوقه بصراحه خقيت عند طلعت المزرعه ولله تذكريني بطلعاتنا ابدعتي بصياغة الحوار والتنقل مابين الشباب والبنات والعجايز واقعييييييييييييه غرنوقه مافيتس خيال ابد اموت انا وانا اقراء شي يحسسني اني عايشته مهوب خيال مادري من وين طالع


ولله اني كذا غرنوقه اجل توقعت ان مشعل وحسنا يلتقون بالمزرعه وصار توقعي صح اااااااااه يقلبي ولله وقفه توقف القلب اله يصبرني على السبت عسا بس الولد ماجاه شي يمشعل من قوة الصدمه وربكم ان شاءالله ماشافكم احد
يوه تخيل يامشعل نايف طاح عليك انت وحسنا ولا ام تركي ياويل حالي فضيحتكم بجلاجل مابه احد ما الي4

ياصله الخبر ومنهم مشاري
وشبتقول يامشعل الحسنا ان متاكد ان الموقف ماراح يعدي كذا اكيد راح تبين لها سبب الطلاق او لو ماقلت انت يمكن حسنا تسئلك عن السبب مادري الموقف مهوب مجرد اصتدام وبس الموقف بيكون له عواقب

يمه رحت بس شوي عشان اسكر النار عن العشاء قبل مايجي زوجي الا وارجع والقى ذا الثنائي اللي يهز بيدين بسم الله الرحمن الرحيم شياطين والفيسات بكل جهه وردي بعده ماكمل
وسئل ولدي وشسويت الا يقول رثيت هذا ويرسل الرد معتمد ماشاءلله عليه المهم نكمل باقي الهذره



تدرين اكثر ماكنت خايفه منه من موقف مشعل وحسنا هو مشاري ياقويها على قلبه لو عرف بالسالفه ومدري احساسي يقول حسنا اللي بتقوله يابتصارحه بحكم الشفافيه اللي بينها وبينه وانها ماراح تغبي عليه شي او بتغلط وبتوصف حالة مشعل مثل ماقال لها وبيتفاجى مشاري وبيدري انها مقابلته
ياخوفي ياحسنا انتس تعرفين السبب من مشعل وبتحنين عليه اذا عرفتي السبب


ياشيخ انت فله تمسك فيه ياشباب لاتخلونه يروح ولله ان جلستكم احلوت يوم حضر فيها خلا لكم جو اول وانتم كل واحد يقط على الثاني وبعد ماجاكم نايف صرتو ترفسون من الضحك لو ماجانا من جيته الا انه خلا ابو عبدالله يضحك ويخفف عنه من همومه
انا عازمك نيوف ولله ماتلقى احسن من لمة العيال وسعة صدورهم اقلط يارجال
ايه غرنوقه نايف هو اخو عبدالعزيز زوج معالي


اثاريك ياهادي عندك حب وخرابيط ياويل حالي دلال عاد ياهادي زين يومها بخاطرك وتبيها ليش ماخطبتها هي بنت عمك وعمك بيقربك اكثر من تركي ولله حظها الردي اللي قطه على عمتها فرق بينها وبين ام هادي
تدري ساره اخت دلال توكل على لله وتقدم لان مبارك شكله ماله خاطر فيه بعد اخوه ماخطبها صح كلامي غرنوقه هادي بياخذ ساره
ايه صح مساسر هادي ومبارك في الخطبه شكل مبارك ناوي على خلود بس نصيحه ياهادي ابعد عنه امه ماتعاشر موريه دلال حبيبة القلب الويل تاخذ فهد ولا تاخذ مبارك تهقين خلود بتكون نصيب فهد بتاخذ اللي تحبه ولا هادي اللي يشوف مبارك ارجل من فهد ويبديه على فهد مع ان فهد اثبت تغيره
وذا التغير يافهد هل هو بسبب فقدك العليا ولا تبي خلود وبتغير الصوره عند هادي عشان يوافق
عندي احساس خلود بتاخذ فهد
تدرين مساسر هادي ومبارك يقول ان مبارك يخطب منه خلود بس اتوقع خلود ترفض وبيتقدم عقب فهد وبتوافق عليه



مدري ليش كل ذا التحامل على هدى مع اني اشوف البنت ذوق معهم وتحاول تقرب للكل من كبير وصغير بس دايم الحمايل يتمصخرون على زوجات ابنائهم اذا كانت مهيب من نفس العائله
تصدقين غرنوقه تحصل عندنا كثير اذا كانت البنت مهيب بنت عم او عمه او خال او خاله ولو كانت من الجماعه مايجيلها قبول وينغزون عليها البنات ويسبب هذا نفور البنت وماعاد تجي لجتماع الحموله هي وعيالها دايم عند اهلها وجماعتها وبعدين يقولون اهل زوجها ماتبينا ولا تبي عيالنا ياصلون فينا اذا تبونها تاصل فيكم هي وعيالها عاملوها زين مثل بناتكم ماحدها الله على جياتكم وهي مهيب مرتاحه



روحي معالي مع ابو هدوي قعدة البنات ماراح تنفعتس وتزعل عبدالعزيز عليتس طالعه من النفاس والرجال بيروح عنتس بسفر وقاعده عشان البنات لو مكانه خليتس وماجيتس الا عقب السفره عشان تادبين بس وشبيصبره لين يرجع الرجال عقب نفاس مرته كنه عريس جديد


معليتس منهم علوي حطي هب السعد ولله انهم مهما راحو ومهما جو مافيه مثلها وبعدين هي اللي بتعجب رائد لا موسيقه ولا خرابيط قسم بالله حامت كبودنا منذا الزفات اللي كل وحده اخيس من الثانيه طايحين الحين بالموسقه اللي تفقع راستس مره اجراس كنيسه الحمدالله والشكر ومره موسيقة مقدمة مسلسل سنوات الضياع ولا موسيقه تفقع راستس يازين هب السعد والمواويل الحجازيه والقصايداللي تشرح النفس



عاد على كثر كرهي الجابر بس ولله رحمته انا ماحب يكون فيه احد منبوذ يطالع الشباب يلعبون ويضحكون وهو يموت قهر رح يجابر الهادي مثل ماقالك تركي واستسمح من هادي وتعذر وغير نفسك وتعدل مثل ماسوء فهد مع انك ماتقارن بفهد بس ماعليه مافيه احد مايخطي لك خير الخطائين التوابين
تدري جويبر خذ امك الحيه اللي ماخلت احد بحاله وتمش انت وياها عشان تفك العالم من شرها وان بغيت تلعب انت وياها بلوت لا تقصر خلها تلتهي وتفك العالم من شرها


ايه ياعبير خافي على نايف من العيون ولله انتس ماخذه فيه مقلب اقول من ينظلتس بس تكفين هيفاء اللي عنها زين الرجال طلال ولا حسنا اللي خذت ثنين كل واحد يقول الزود عندي ولا تركي العقل والتكان ولا رائد فديت قلبه ذا الولد خقه ماجبتي طاريه اليوم
اقول مابه اح بينظلتس الا منيره نايف مايتفوق الا على مترك
ولا بيسوي عمليه بعد ولله حاله تدرين غرنوقه طايحين شباب ذا اليومين باليزر يحدد الوجه ويشيل الجسم مالت على عيال اخر زمن

تعالي غرنوقه انا ادري اغنية الحيه ام راسين قديمه تدرين بقولتس سر انا قبل ماتزوج ارقص عليها تعجبني الغنيه لكن بعد الرزواج اتحاشاها اخاف ام زوجي تقول تقصدنا تبي تسمنا الا ولدنا فمعاد اقرب صوبها شفتي جنه حبوبه وحليوه مثلي حتى الاغاني اخليها عشان عيونهم


منتظرتس غرنوقه يوم السبت ان الله احيانا غرنوقه ونبي البارت مايخلا من منيره ومترك وهيفاء وطلال ايه وين طلال من الروحه مهوب هو اللي موصل هيفاء للمزرعه
الله يفقتس يارب ويجزاتس خير

بدآ لي غااليتي بأن للامااكن تأثير على النفس البشريه ..
لم يشهد الجزء الكثير من الشد والجذب .. اريحيه تــآمه غزت قلبي فإستوطنت به بسبب رآحة شخووص الروايه
:
هادي<<هو العااقل والكبير ورفض جاابر بهذي اناا مدري الوومه ولا لأ .. بس اذا كل وااحد خطاا ابتعدوا عنه اعز النااس له من بينصحه .. بس يمكن له مقصد يبين بعدين..

يحب دلآل هذي بجد معلوومه خطيره .. عليا هي اللي معااه بالبيت وهي اللي تشووف انه يكاابر ومتألم لزواجهاا وانهاا راحت من ايده.. بس اناا اتووقع انه اكبر من انه يفكر بمره مهي محرم له .. بس ودي اعرف هو خطبهاا ولا لأ..؟؟

دلآل .. وااضح من تعليقهاا عليه يووم اخذ الشوي انهاا عاادي مو متأثره بحبه او اي شي من هذا القبيل
وعااااااافيه عليهم خخخ مااضر البناات فزوا وشووا غيره خخخ
:
دلآل ومهاا << تعليقهم على مرة اخووهم واقعي بحت خخخ يااكثر هالموااقف بحيااتناا
وسميه << الله يعووضهاا خير ياارب ... توقع شااطح احسهاا بتااخذ هاادي :)
عليــآ << مدري متى غرنووقه بتحن وتزووجج .. نبي قبل باارت العيد خخخ طلب مو امر *_^
بااقي البنااات بجد بجد بجد حسيت انهاا صوورة وااقعيه قعدتهم وسووالفهم ماانخلاا من هالجمعاات ^_^
:
نااصر وهدى << شووفي انتي علقتي على ردي بالجزء اللي فاات انه بيصير بينهم اكشناات خخخ اممم شووفي هوو تغير احس مااعااد هوو سااكت عن اي شي يبدر منهاا زين ولا شين وبيعرف يسنعهاا
بس هدى حبيبتي قربي بقوولج " طولة اللساان مرض الله يكفيج شره والطبيعه ماا تتغير بسهووله" متمحسه للالعااب النااريه بينهم *_^
بس حلوو وضحتيلناا انهم اصلن كاان بينهم حب بس برد وناام جم سنه وتووه يصحى خخخ
:
خلــود وفهد << يآعمري عليهاا اجل كاانوا معلقينهاا فيه وهي مرآهقه وبنت احلامهاا عليه<<يااكرهي لهالحركه.. وانصدمت من خطبته لاختهاا او من انه بغا اختهاا يااعمري عليهاا...بااين ذآيبه وخاالصه ..
وفهد تغير حيييييييل حييييل حييييل واكبر دليل ان هاادي رااضي عليه ويكلمه
هالثناائي مااعندي لهم تووقعاات لليلحين رؤيتي حوولهم مشوشه <<احم احم خخخ
:
جــآبر << ياافديت سمي اسمك جعل عظاام بابا جاابر للجنه :)
الوكاااد يختي مدري ليش احسه مظلووم يعني احس لو ماا دلع امه له ولا جاان ماخرب واعتفس .. بس طاالماا ان خااله يحبه وهو يحب خااله <<دخت خخخ...ليش الخاال مااينصحه عدل ويشد عليه يعني ماايعرف خراابيطه؟؟
وعجبني حواار تركي معاااه بس بجد حسيت انه مغبوون الله يصلح حاااله..

اممم ياارب زعل العياال عليه ينفعه ويصر انه يتغير عشاانهم .. بس شخصيته مدري اشلوون احس مو هو اللي ينهزم بسرعه

مبيريك << من بيآآخذ الله يستر ^_^

نآيف وعبيره << آهـ ياازين الرجاال لاقاام يقط خيط وخيط خخخ اجل حلجه مااعليه ستر علمهاا بالخطبه بس مااكمل جميله وقاال المره منهي خخخ وشخصيته واااااااااضح انهااا تقلب احداااث :)
وعبير يالخبله العين حـــق الله يستر عليج مبين انهاا فله مثل رجلهاا *_^
:
مشعل << تأكدت انه في ذااك المرض وربي تدرين ليش لانه هالمرض الله يكاافيناا شره انتشر حاالياا ومو معقووله انج بتخلينه يمرض مرض عاادي متعاارف عليه <<<متشووقه للنجووم والاوسمه *_*

تدرين اني تعااطفت معااه وانا اشهد انه رجــــــــــــــآل طلقهاا يبيهاا تشووف حيااتهاا يومه مااقدر على انه يأمن لهاا الحيااة اللي تستااهلهاا حسناا

بس ودي اعرف حسناا ارتااحت ولا لليلحين ماتعرف ليش طلقهاا ..؟

والمووقف ماا حطيتيه عبط .. احس ماارااح يمر مروور الكرآم <<بس احسااسي انه يمكن يمر عاادي وماايأثر بعلاقة حسنا ومشااري يصاارع الاحسااس الاول <<فهمتي الصرااعاات خخخ

:

غرنووقه .. يااليت تقدرين ان في قراء مثلي يقدسوون طريقة توضيح الشخصياات بالتفصيل من قبل الكااتب
يعني نبي الاعماار والاهل وكل شي والعلاقه بينه يعني تعرريف مختصر بالشخصياات << في احد طلب هالطلب من قبل بس مدري منو ..
يااليت توفرينه لناا :) مااعليج آمر:

بــرآ الرواايه *_^

هههههههههههههههههه تدرين لماا قلتي هالجمله بالتحديد ( لي معاج كلام طويل وبتقتنعين بوجهة نظري باتجاهج للكتابه باذن الله ) مت من الضحك خخخ
شووفي كل اللي عندي خااب ثنااهم وهم يقنعووني ونفسهم انقطع بسبتي خخخ
يعني فديت عينج مااهقى ان انفسج طويــل بتعبج

يووه يااغرنووقه وربي لووبطلع اناا ويااج عن الموضووع ونتكلم بالكليه مااخلصناا دعوااتج نفتك منهاا ..
إلا بسئلج انتي تخرجتي ولا ماازلتي فيهاا <<ششكوو السؤاال خخخ حريم :)
:

شخ’ــصـــيــآت غير وآقعيه وان كاان البعض يحمل صفاات من هم حولناا ولكن ..
لكل شخصيه ميززه
اتضحت لناا بعض الميزآت سواء ميزة حسنه ام قبيحه ولكن تظل هي مميزاات فالشخص

على مدى الاجزاء الساابقه حتى هذا الجزء بدأنا بتكوين صوور لبعضهم
وماازاال البعض الاخر مجهوول بالنسبة لن’ــآ

تذبذبت ارواحهم بين الراحه وتصنعهاا
وبين الالم ومقااومته بالفرحه
وبين الصبر على البعض من اجل آخ’ـــر

في هذا الجزء استتب الوضع عليهم جميعاً
ولكن
مااينتظرهم
اجمل..~اسوأ..اعمق~..متعب..~مجهد..~سار..~محزن..
لا ندري

ولكن ما اعلمه وبشده ..
بأني سأظل متحفزه حتى الموعد القــآدم .. فهم مني واهتم لاخبــآرهم
:

غرنووقتي
كــآتبه ابدعت فأنطقتني ..
ســـلآم من الرحمن محمل لكِ بصــآدق الدعواات
" حرم الرب اناملك من النــآر .. ووفقك لماا يحبه ويرض’ــآه "

السلام عليكم ورحمة الله وبركاته

اخبارك ياعسل؟؟

*
الله يعطيك العافيه على البارت الرائع
*
والله اني مشغووله وما ادخل إلا بالسرقه بس
عشان شفت الاعلاان قلت مو معقول بعد
ماتعلن انا ما ارد
ماايصير عاد لو الرد مو ذاك الزود اعذريني
^_^
*
*
نبدا تعليق بسم الله ^_^
*
*
هادي وحبه القديم
معقول تأخر هادي عن الزواج لآنه للحين له خاطر
بدلال ؟؟
او لآنه خايف يظلم بنات الناس بحب
للحين ما انتهى من قلبه
او لأن للحين محد قعد عنده قعده محتتترررمه
واقنعه بالزواااج
الغريب ان للحين ماشفت امه تقوله تزوج وابي افرح
بعيالك قبل لا تغمض عيني ياوليدي وهو يقولها بسم الله
عليك يمى لك طولة العمر بس اجلي الموضوع
>>فيس سدح لك النص ^_^
عندي احساااس يقول انه رح ياخذ وسميه
الاثنين لا يقين لبعض
*
*
*
جابر
فيه بداخله انسان طيب وحليوه بس تربيه امه مأثره عليه
بصراحه مالوم هادي مهما كان جابر جرح اخته
ولو اعتذر من اليوم لبكره مارح يوفي حقها
رح يبقى ماضيه نقطة سودا بحياته مهما حاول انه يعدلها
رح تتعدل لكن رح تبقى أثرها بنفسه وبنفس كل شخص اثر
عليه
*
*
*
مبارك
الخطبه اتوقع انه رح يخطب خلود بالبدايه قلت غلاوي
لكن بعدين تذكرت يوم واحد من العيال يقول لفهد
متى رح تخطب غلا وقال انه مايبيها فـ الحين مبارك
رح خلود لانه متعارف ان فهد لخلود صحيح مو خطبه رسميه
لكن دايركت الاغلب عارفين ^_^
*
*
*
حسنا & مشعل & مشاري
الله يستر من الاصطدام هذا انا على حسب ماقريت
ان مشاري للحين مو موجود واتوقع ان الوقت اللي تقوم فيه
حسنا رح يجي مشعل ويساعدها او ممكن مايساعدها
لكن باللحظات هذي رح يتواجد مشاري ورح يشووف الموقف هذا
ورح يقول انها تستغفله ....الخ
ورح تنقلب حياتهم رأسا على عقب ممكن لو من فتره كان قلت
ان مشاري رح يفهم ان السالفه صدفه لكن من بعد
تغير مشاري وشكووكه مارح يخلي مجال للتحليل والعذر
اما بالنسبه لمرض مشعل اتوقع انه رح يرجع ويتشافى
لكن بعد تعب وغياب وخاصه بعد اللقاء مع حسنا رح تتقلب
عليه المواجع من جديد ورح يتعب وبيتعجل السفر
*
*
*
عليا & رائد
الله يوفقهم بحياتهم وان شاء الله يعيشون سعداء
ولكن عندي احساس يقول انه رح تجيهم مشكله بحياتهم
لآن المؤمن مبتلى وربي ممكن يبتلى رائد بأي شي
عشان يختبر صبره >>مدري هذا احساس قوي صايبني ^_^
*
*
*
هدى & ناصر
الله يوفقهم بحياتهم اللي بعد التغيير لكن
هدى عندها شووط كبير عشان ترجع لقلوب البناات لآن
جلسه المصافاة كانت مع ناصر وناصر عذرها وفتح معاها صفحه جديده
اما البنات للحين ماجلسو معاها جلسة مصارحه للحين ما طلبت
منهم يشيلو عنها الفكره اللي مو عاجبتهم
لكن اشوف انه امر عادي يصير عند الكل يعني حكايه
عدم التقبل من جميع الاطراف لآن سبحان الله الارواح جنود
مجنده يا تتآلف يا تتنافر محد له سلطه عليها
لكن الاهم انها حسنت بحياتها مع ناصر وهذا لها ولعيالها
*
*
*
خلود
اتوقع ان فهد رح يتقدم لها لكن هي رح ترفض
دامها حضرت الحوار اللي بين عليا وحسنا
فما اتوقع انها توافق إلا لو هادي وافق واقنعها توافق
ووافقت لكن رح تبني حاجز بينها وبينه بسبب اللي سمعته
*
*
*
الباقين الله يستر علينا وعليهم
*
*
*
السموحه على القصور
>>فيس مابرد خاطره من الرد
لكن العوض بالجايات ان شاء الله ^_^
*
*
*
بالتوفيق الدائم للجميع