اخذيني اليـا عجبتـك بـس ردينـي وان ما عجبتك خلاص اخذيني مابيني
ما دامني شفت فيك الطهـر و العفـة بـاعيف نفسي ليــــا منـك كرهتينـي

اخذيني لو أعتبر من ضمـن أشيائــك وأنــــــا باحـبـك و لا لازم تحبيـنـي
لابي علاقة و لابــي نظـرة و بسمـه احساسي اني بقربــــك بـس يكفينـي

ولو اني انضفت لاشيائك غصب عنك طلّي علـي يـــا غناتـي لا تخلينـي
تـــراي لا جــا المصامـد مـــانـي بهيّـن تقـول كـن العـرب لعبـــة بيدّينـي

شخصيّتي مـن غرابتهــا و طيبتهـا كن الزمن في تحـــــدّي بينـه و بينـي
اخذيني الشاعر اللي ما صدق حظـه لا قلت يا حظ وينك قـال يـا وينــــي

اخذيني المبـدع المتفلسـف التحفـه مؤمن و تضحك على العالم شيـاطيني
شهرة شكسبير و أفلاطـون و نيوتـن لا قلت لي بيت شعر تطيح من عينـي

اخذيني العنصـــري اللي صدق متعنصرمن دون ربعي لـو أقطّـع شرايينـي
اخذيني اللي ليــــــا منـه طلـــب يعطـى وتكفيـن لا مـن طلبتـــك لا تردينـي

تكفين يـا غايتـي يـا بهجـة الدنيــــا ابــــاحرق قلوب نـــاسٍ مــــا تدانينـي
اخذيني بكل شـوق و قولــــي أحبّـه وان شكّــكوا فيـك والا فــــيّ ضمينـي

قولي سعـد و الله انـه غالـي جـدا وياجعل فدوه شبابـــي و آخــــر سنينـي
وأنا باصـدق كلامـك و اعتنـز بالله وبـاقول للناس مــــا يعنيــــك يعنينــــي

وأنا علي نذر ما أرخص جيتك و أنتي نذرٍ على رقبتـك إنــــــك مـا تخلينـي






البارت السادس والخمسووون


***
**
*






نزلت اليه وهو بين مصدق ومكذب,,
ركبت بجانب مركب السائق’’’

وهو يقف خارج السياره ينظر لمكان قدومها من المنزل,,
مازال غير مصدق بأنها اتته بسهوله’’’

ركب بجانبها بترحيب,,
:مرحبااا والله ومسهلا تو مانورت السياره ياغاليه

اضاء نور السياره الداخلي والانوار الخارجيه,,
:شفتي ولعت السياره بنورج يانوري انتي

كان مسترسل بالغزل والترحيب,,
لكن لامجيب’’’

تنظر الى الشارع بصمت,,
حاول عدة مرات امساك يدها’’’

لكنها تدفع بيده بقوه ليبتعد عنها,,
من غير اي صوت او بوح’’’

اراد كسر الجو فادار السيدي,,
على اغاني صادحه عراقيه’’’

وهو يتراقص مع نغماتها,,
ويغني,,
:كافي حبيبي غياب مو كافي قلبي ذاب ارجع لي فدوه شبيك لك عيني لك حبوب لك عيني لك حباب

وتلك فهمت العكس تماما",,
يتراقص بقهري وبانه استطاع احظاري بقدماي اليه’’’
لكنك لم تعرف خلود بعد,,

معليه يافويرس ترقص وحالتك حاله ان ماخليتك تحسف على كل شي مانيب بنت ابوي00







***
**
*






تنام بحظنه تستنشق رائحته,,
كرهت شعورها المنهك لروحها عندما تفكر ببعده’’’
لكن انستطيع التحكم بمشاعر صادقه تنبع من خلجات فؤادنا00؟؟

وهو يمسح على شعرها وينام بوضعيه تريحها,,
وهي بين احظانه’’’
يتنهد بين الحين والآخر,,
فبعده عنها يقلقه خصوصا مع تعلقها بالفتره الاخيره به بشكل جنوني’’’
فغلا باتت حساسه ماان يقترب منها حتى تهم لاحتظانه وتقبيله,,
كطفله مدلله متعلقه باحظان والدها ’’’

لايكره تعلقها لكنه يكره الوقت الذي تعلقت به بهذه الصوره,,
فهذا القرب الذي يتلوه بعد سيرهقها وينهك قلبه معها’’’

هادي بصوت حنون,,
:حبيبي خلصتي كل شغلج00؟؟

غلا بهمس,,
:اي يالبا لاتحاتيني فديتك

هادي قبل راسها,,
:مااحاتيج ادري انج عند اهلج كانج عندي واكثر بس ماابي ينقصج شي ابد
تراه زعلي ورضاي

غلا قبلت عنقه بخفه,,
:اه فديتك لاتذكرني خلقه ابي انسا على الاقل الليله بعدين وربي كل شي مجهزته بس باقي ولدك يطلع

هادي بهمس وهو يرفع وجهها,,
:غرامي00؟؟

غلا بابتسامه وعينيها تدمعان,,
:ياغرامها00؟؟

هادي بضيق,,
:ليش صايره حساسه كذا00؟؟
قسم بالله تشغليني معاج وتضيقين صدري كذا

غلا دفنت وجهها بعنقه وانتحبت كعادتها بالفتره الاخيره,,
:ماعمري توقعت اني بتعلق فيك كذا بهالشكل الجنوني اصلا مااتصور يوم من بعدك
هادي مالاحظت اني ماعاد اقدر انام الا بحظنك وعمري ماامسيت عند اهلي00؟؟
مااقدر ابعد عنك ولاهوب بايدي مااتصور انك بتروح كل هالمده

هادي ضمها بقوه الى صدره,,
:بس ياقلبي كلها شهر فحوصات ونرجع ان شالله وصدقيني تراني اعبر منج ولو بايدي مااتعدى حظنج
بس انتي حساسه وضاربه بالناس عرض الحائط لو عليج تضفيني بالشارع مايهمج بس انا لا اتحكم بمشاعري

غلا بضحكه من بين دموعها,,
:انا بايعتها من قلب بس امانه موب احلى تجيك وحده بايعتها

هادي جلس بحماس لضحكتها,,
:لاا احلى شي اول ماخذيتج ماتنشافين من السحا ووجهج احمر على طول عداد الحراره ضارب عندج بس الحين

غلا وهي تجلس ببطء لكبر حجم بطنها,,
:وجهي مغسل بمرقه هاا00؟؟

هادي امسك خدها وقبل يده,,
:الا مغسل بماء الورد فديت ذاالوجه السمح

غلا وهي تقف,,
:انزين قبل تسافر بوريك شي ولاتزعل علي

هادي يلتفت اليها حيث تتوجه,,
اخرجت حقيبه صغيره فسارع خطاه لامساك الحقيبه منها’’’
مشت وتبعها لتجلس على السرير وتشير امامها,,
وضع بالمكان حيث تشير الحقيبه’’’
اخرجت منه فستان وردي صغير,,
وبدات باظهار الملابس واحده تلو الاخرى’’’

كان ينظر اليها باندهاش,,
فسال بحيره,,
:وشو هذي00؟؟

غلا بضحكه,,
:ثيابي شريتها لك اتزين لك فيها

ابتسم هادي بحب عندما فهم مقصدها,,
:بنت ياالعوبه00؟؟

غلا هزت راسها بموافقه,,
ليدنو من بطنها ويقبلها بحنان وهو يمسكه,,
وينظر لعينيها,,
:يعني بتجيبين لي خلود ثانيه00؟؟

غلا,,
:وثالثه ورابعه ان كتب ربي






***
**
*










كان يقف معها عند باب منزل اهلها لتوديعها,,
مترك وهو يقترب منها وبغمزه,,
:بوسه ياالظالمه

منيره ترقص حاجبيها,,
:لا ياكاويني

مترك بابتسامه,,
:اي مبين كاويج وانتي شاحه علي ببوسه وحده وبريئه

منيره وهي تنظر لفارس ابنها حيث يلعب بالقرب منهم,,
:توبه عقب ذيك النوبه اجل فضحني قدام خلق الله كل ماشاف له واحد قال بوث مثل امي وابوي

مترك لفها بسرعه ليصبح بينها وبين ابنه وقبلها بسرعه,,
:هااا شفتي طبنا وغدا الشر

منيره تضربه بصدره,,
:مشفووح طول عمرك عجل على كل شي
كنت باجيك من كيفي بس انت مطفوق

مترك بضحكه,,
:قومي الشين تغلين وانا رجال ماعندي صبر ايوب

مترك وهو يخرج من جيبه ظرف وبهمس,,
:هاج ياقلبي هذي فلوس ان احتجتي اصرفتها لج تدلعي ودلعيني

منيره وهي تتطاول لتقبل انفه,,
:ابشر ياقلبي انت كم مترك عندي انا

مترك بتنبيه,,
:ايااني واياج تفرعين هناك

منيره تهز راسها,,
:ابشر ياقلبي ماطرا لي اصلا

مترك يردف,,
:ولاتلبسين عباتج الكتف الضيقه حقة الدوام اعرفج انا

منيره بابتسامه,,
:ان شالله بالبس عباة الكتف الوسيعه اوامر ثانيه

مترك بتحذير,,
:ولاتعدين الشقه الا رجلج على رجل هادي

منيره بمزاح,,
:بس اخاف على رجله لاتدوحس مني

مترك وهو يضحك,,
:ياخبل انا اكلمج جد لاتضحكيني خليني مكشر عشان تطيعيني

منيره بضحكه,,
:ان شالله ياقراندايزر

مترك يضربها على راسها بخفه,,
ثم سحبها ليزرعها بصدره,,
:ولاتنسيني كل شوي كلميني طمنيني عليج
وابي كل ليله انام وانا سامع صوتج

منيره بهمس,,
:شهر يامترك وانت اصلا بتسافر تكمل دورتك

مترك بحب,,
:لو علي ماخليتج تروحين بس عشان ام هادي نستحمل البعد شنسوي بعد

منيره تبتعد بسرعه عنه بعدما سمعت صوت فارس الصغير,,
:يبا امي بتثافر مع ددا

مترك يحمل ابنه,,
:شفت يابوك وبتخلينا

منيره وهو تقبل ابنها,,
:وابوك بيسافر بعد

التفت فارس الصغير بسرعه على ابيه,,
:بتثافر يبا00؟؟

مترك بتكذيب,,
:لايابوك اسافر واخليك

فارس بنعاس وهو يضع راسه على كتف ابيه,,
:يبا لاتثافر ابي انام

مترك يضم فارس الى صدره بقوه,,
:نام ياعين ابوي انت ماراح اسافر ياابوك

ونام بحظنه لتحمله منيره بين يديها,,
وتودع مترك بقبله تشفي نار شوقه لقربها’’’
وترحل من امامه ليتبعها قلبه,,
ويحتوي قلبها’’’

فلحظات الوداع مهما كانت قاسيه,,
لكن اجمل مابها هو تجديدها للاشواق’’’
وانعاشها للحب والعشق,,









***
**
*










نزلت عندما وصلا للمنزل بسرعه,,
وتبعها بعجاله ليجدها دخلت الغرفه وهاهي تنزع غطاءها’’’
اقترب ليضمها كحال الازواج ,,
لتبعده بيديها بقوه وبتهديد,,
:وربي يافارس ان قربت مني قسم بالله لايكون آخر عهدك فيني تسمع

فارس ابتعد خطوه وباستنكار,,
:خلود00؟؟
شفيج00؟؟
انتي صارحيني باللي مضايقج ومزعلج وابشري باللي يرضيج

خلود جلست على السرير وبتهكم,,
:لا ياقلب ماما رضاي بتبطي ماتطوله

فارس اقترب ليجلس بقربها,,
لكنها وقفت وتركته لتجلس على كرسي التسريحه’’’
فابتسم بسخريه ثم قال وهو ينظر اليها,,
:اول مره اشوف زعل من غير سبب والا انتي تسببين عشان تطلقين يعني00؟؟

خلود كتفت يديها وبنبره حاده,,
:تحسب اني لو بغيت الطلاق ماراح اطوله00؟؟
انا ان بغيته باشاره مني وبكلمه تطلقت

فارس وقف بعصبيه,,
:عدلي لسانج المعووج انتي

خلود وقفت لتقابله,,
:لاعدلت لسانك اللي يقطر عسل عند الصيع عدلت لساني معك

فارس سكت بصدمه,,
نعم00
المكالمه00
سمعتها00

مذهول,,
فماذا يقول’’’
وباي وجه سيقابلها00؟؟
وكيف سيبرر لها رده على تلك ومحادثته اليها00؟؟

خلود ابتسمت نصف ابتسامه وهي تبتعد عنه,,
لكنه امسكها ولفها اليه,,
:خلود خلينا نتفاهم الله يخليج

خلود كتفت يديها,,
:شتبينا نتفاهم عليه00؟؟

فارس بضيق وهو يمسح على شعره بيديه,,
:اقعدي وخليني ابدا انا واسمعيني

خلود جلست على الارض ليجلس مقابلا لها,,
فكر قليلا" ثم قال وهو ينظر لعينيها,,
:سمعتي المكالمه صح00؟؟

خلود هزت راسها بصمت قاتل,,
ليحاول التبرير,,
:خلود هذي كنت اعرفها كنــت بس الحين مالي اي علاقه فيها
هي دقت تبي تجدد العلاقه قعدت اتمصخر عليها واضحك عليها تصدقين من كثر
ماهي بايعه كرامتها تضحك واياي وانا اسبها واضحك عليها
لا وتقولي لاتقول انك حبيت المدام

هنا فقط وقفت بسرعه وهي تسكته,,
:وقف وقف وقف ماعاااااد ابي اسمع كذااب

وقف فارس مقابلا لها,,
:قسم بالله ماجاج الا الصدق

خلود بغيره قاتله,,
:بس لييييش رديت عليها00؟؟
مادامك ماتبيها وعلاقه قديمه ليش تعطيها وجه وتاخذ وتعطي معها00؟؟

فارس وهو يمسك كتفيها,,
:والله ثم والله ماابيها اصلا هي كانت داجه اعرفها مكالمات بس ومن تملكت وانا قاطع
ابي ابدى حياتي صح بس دقت والشيطان شاطر قلت خلني اشوف وش تبي

خلود بضيق,,
:وبلحظه وبغلطه سخيفه بتخسر مرتك

فارس وهو يضمها بقوه,,
:لاتقولين كذاا تكفين كله ولا اني افقدج

خلود ببكاء وهي تدفعه عنها,,
:بس ليش تنزل من قدري وتسولف معها عني00؟؟
ليش تقول مااحبها ولااموت فيها بس هي حلالي00؟؟
وانت كل ليله تنومني على احبج وتصبحني على اموت فيج00؟؟

فارس وهو يدعك جبينه بتعب,,
:استفزتني ورديت عليها رد مثل وجهي الخايس بس والله مااقصد وانتي تعرفين غلاتج

خلود ببكاء وهي تتوجه لدولاب ملابسها,,
:ليتني ماجيت ولاسمعت تبريراتك على الاقل يبقا فيه ذرت امل انك بتكذب اللي انا باذني سمعته
بس انت الحين اكدت خيانتك ومهما كانت مبرراتك انت تبعت الشيطان هالمره ومو بعيده تتبعه كل مره
روح يافارس لها ماابيك خلها تشبع منك








***
**
*








كان بالجمعيه التعاونيه ومعه ابن يوسف,,
يشتري حاجيات المنزل واغراض لابناءه’’’

لايعلم لما يتزايد ويتضاعف شعوره بالانتماء لهذه الاسره,,
بل واصبح همه وشغله الشاغل توفير متطلباتهم ولو كان على حساب نفسه’’’

حينما يرى ابن يوسف يجلس بمجلس ابيه,,
يفتحه يوميا عل احد يدخل عليهم ليعمر باجواء رجوليه كما اعتاد’’’
يتمنى لو لم تتغير عليهم الناس وبقوا يذكرون محاسن يوسف,,
ولو كانت المساوئ اضعاف مضاعفه من هذه المحاسن’’’

فبيوم من الايام كان المجلس يضم رجالات سياسه,,
نواب ووزراء وشخصيات هامه’’’
كان يشعر بالفخر بابيه,,
ويتفاخر به امام اصدقائه وابناء جيله’’’

اليوم لم يبقى الا رماد من نار لسعت قلبه,,
لتذكره بخيبته اليوم من رجل كان له بالامس مصدر فخر وعزه’’’

حياه تشغلنا بلذاتها وبلحظه تكشف عن انيابها,,
تهدد بانتهاشنا ونحن مازلنا نتعلق بهذه الحياه الدنيه’’’

كان بتال مشغول بانتقاء افضل ادوات التنظيف,,
وارقى انواع الصابون ومستلزمات البيت’’’

اتاه حمد يحمل فقط دفتر وقلم,,
ساله بتال بحب,,
:تبيه يابوك حطه بالسله

حمد برفض,,
:لايبه السله فيها اغراض البيت وانا حاجتي بشتريها من فلوسي

بتال بتانيب,,
:افااا يابوك الحين ذاالدفتر والقلم بيخسروني00؟؟

حمد وهو يدفع السله بجانب بتال,,
:انا قلت لك اللي عندي اغراضي وحاجتي انا بدفعها بنفسي

لاينكر بتال ان اعجابه بهذا الصبي يتزايد,,
فابيه كان رجل اتكالي ينمو على اكتاف الغير’’’

لن يغير مبادئه الساميه بل سيدفع به الى الاعلى,,
عله يكون بذرة الخير التي ستغير حياة اخواته ووالدته’’’









***
**
*









يجلس بجانب والدته,,
اتتهم حسنا بغير عادتها’’’
هادئه تسرح بنقطه بعيده,,
تقدمت منها مها وبمرح,,
:الحلو سرحان يمن فيني00؟؟

حسنا بابتسامه مغتصبه,,
:اسرح فيج وليش لا بنت عمي ورفيقتي وغاليه على قلبي وام رجل جمول

مها بدعابه,,
:وععععع مالقيتي الا الهطقه ذي00؟؟
احنا نبي شواقه العوبه

حسنا بضحكه,,
:الحين النسوان يدورن بنات مبروكات لعويلهم وانتي تبين العكس00؟؟

مها بصوت عالي ليشاركها الموجودين الحديث,,
:بصراحه ابي العوبه على الاقل تنفظ ولدي وتسنعه تمشيه على عجين مايلخبطوش
وبعدين لاجات عوبه علي واعلمي ان سوالفها تجي تهبل وبعدين مرة ولدي مهيب ساكنه معي
ياخذ له شقه الله لايهينه ويفكني واجدد شبابي انا وشايبي

محمد القادم من الخارج,,
:فديييت انا عجيزي

مشاري الجالس بقرب ابنتيه,,
:الحين يامحمد مهوب انت خاطب جمول00؟؟

محمد وهو يرفع جميله لحظنه,,
:الله الله خطبتها لمشيعل عشان يلعن خيرها

مشاري,,
:اي معليه يلعن خيرها وين رحت انا

محمد ينام على بطنه امام الصغيرتين,,
:اي وبعدين يابو خير انت وخطبت الشيفه بنتك00؟؟

مشاري,,
:ومرتك تقول نبي شواقه العوبه

محمد برفض,,
:تخسي الشويه ازوجها ولدي عشان تدوس على غاربه00؟؟

مشاري بتهكم,,
:اقول ولدك خذا العوبه والا المبروكه غاربه بينداس يعني بينداس
انت شفت وجهه00؟؟
مبين مابه ارواه ولابه سنع

محمد يلاعب مشعل القادم وهو يرقص,,
:هلا هلا هلا مرحبا بقدوم خلي يوم جاني في محلي

مها بضحك,,
:رقاصات اربع وعشرين ساعه يرقصون ذاالاثنين

ام مشاري بابتسامه,,
:ان ابوه قبله يرقص يلاعبه خالد الله يحله ويبيحه

محمد وهو يضم ابنه بحظنه,,
:ادري ان ذاالمزيون نسختي

ام مشاري بتاكيد,,
:الا قطعه منك والله ياولدي كاني اشوف صغرتك

مها بحب وهمس وهي تنظر للاثنين,,
:الله لايخليني منكم

حسنا بهمس مشابه,,
:امييين يارب

رائد كان يراقب الوضع بصمت,,
وبه من الهموم ماتكفيه’’’

تركت حياتي بارادتي ليقتلني الفراغ من بعدها بانتحار مؤلم,,
جريمه قمت بها بحق نفسي وبحقها تلك الصغيره’’’

لااعلم كيف طاوعت الشيطان ليجد مكانا بيننا ويغيب عقلي امامها,,
لاعاقب نفسي قبلها بطردها بسهوله من حياتي00؟؟

لايعلم ان هنالك عينين تراقبان ملامح وجهه المشتاق,,
وهي تشعر بفراغ عاطفي من بعد ترك اختها للمنزل’’’
فوجودها بقربي قربها اكثر الى قلبي,,
لتصبح الاقرب اليوم الي من بين اخواتي’’’

اصبحت من الروح واقرب,,
كيف يبعد روحين بقرار غبي كهذا00؟؟

رفع نظره الى حسنا لتلتقي الاعين,,
تساله,,
متى تحن على قلبيكما 00؟؟
ليجيب,,
لااعلم متي00؟؟
لااعلم ياحسنا لما اخاف هذه الخطوه00؟؟
اود معاقبتها على ماقامت به,,
ولااريد جرحها او مضايقتها’’’
هل الوقت كفيل بتضميد جراحي وجراحها00؟؟
جنت على نفسها بخروجها من دون علمي,,
وجنت علي ببعدها عني’’’







***
**
*










تجلس امام اختها تعدان المهر,,
دلال بحرص شديد,,
:الحيين تسجلين الاهم بعدين المهم والاشياء الثانيه لو نساعدج فيها عادي
وبكره بكره نروح نختار الثوب

سارا برفض,,
:انتي ماراح تباريني بيوديني فهد وبتخاويني وسوم نختار الثوب

دلال بموافقه,,
:تم اصلا انا يالله اشل عمري
المهم هاج الورقه واكتبي واياي

سارا تحظر ورقه وتسجل ماتمليه عليها دلال,,
وكان ذلك على دخول وسميه اليهما’’’
دلال,,
:الذهب حطي له 4000 الاف

وسميه,,
:احس 4000 شوي خليها خمسه لان مهرها ماشالله واجد

دلال بموافقه,,
:تم خمسه خمسه

وسميه,,
:الثوب والمسكه الف ونص

دلال,,
:المصوره 700

وسميه,,
:الديجي 400

دلال,,
:مكياج اول يوم وثاني يوم قولي بحدود 400

وسميه,,
:دراريع الاستقبال والبدل اللي من الحريم خلي لها 1500

دلال,,
:العطورات 500مع المشعلات والمكياج

وسميه,,
:فصلي عباتين وحده راس رزه ووحده كتف كشخه

دلال,,
:والقمصااان اهم شي قمصان النوم

وسميه وهي تتقدم من سارا ودلال اكثر,,
:ياحي ذاالعين من السوالف الزينه ايي هذا عاد تخصص مهاوي

سارا بخجل,,
:انزين شلون اممم يعني كم اخلي لهم

وسميه بدعابه,,
:وه يازييين اللي يستحون خلي بحدود 300 او 400 لاتبخلين على عمرج ولا على الرجال

سارا بتوتر,,
:واجد يعني كلها كم قميص وبجامات

دلال بتخصر,,
:نعم ياام بجامات00؟؟
اسمعيني بجامات مافيه الا وحده ساتره الباقي كلها بين البرمودا والشورتات ولاتقولين استحي
اكوفنج ترااا

وسميه,,
:اي ياقلبي الرجال شايف ذاالمصاليخ بالتلفزيون يبي يشوف شي ملموس وبالطبيعه

سارا تضرب وسميه على كتفها,,
:انتوا فصختوا الحيا مره وحده

وسميه بضحك,,
:والله اني صادقه تدلعي للرجال ودلعيه قبل لاتحملين ويخرب جسمج وتحسفين عاد عقبها
يوووه ليتني تفصخت يوم جسمي يهبل

سارا وقفت بخجل وغضب,,
:انتوا قليلات احلا وماينقعد معكم والواحد لايمكن يشوركم بشي مالي الا عبور

وسميه بضحكه,,
:ههااايي مالقيتي الا اختي00؟؟
اهنيج على الاختيار بتلقين خووش نصايح خصوصا البيبي دولت

دلال وهي تضرب كفها بكف وسميه,,
:حلوووه بيبي دولت انزين مافيه نصايح من امات حرير القصار00؟؟

سارا خرجت وهي تضرب الباب بقوه,,
لتجيب وسميه بدعابه,,
:فيه ياقلبي لاعودتي على ابو عيالج فيه ومنها واااجد

دلال بضيق,,
:صكي على الموضوع ياوسوم

وسميه بحزن,,
:انتوا اغلا اثنين على قلبي شلون تبيني اصك على الموضوع
تراه حاطني واسطه بينكم الرجال بيموت عليج وتدرين انه شاريج بس بعد وش يسوي
حطي محله واحد من اخوانج وامج اللي تعبانه وش تفضلين يكون موقفه00؟؟

دلال بندم,,
:بصراح ادري زودتها معه حبتين وادري لو غيره مااهتم انه يحاكيني ويردني بس
طفح الكيل ياوسوم اسمحيلي امج وتراها عمتي وغاليه بس كانت تجرحني حيل وطول عمري
ساكته وصابره لما يذوقني طعم الحريه ويقولي انا لج ولنا بيتنا ومملكتنا الخاصه
بس والله امي بتصير ملكه فيها يعني كاني رديت للصفر واقل من الصفر

وسميه بحب,,
:ياقلبي وسميه انتي امي اصلا رافضه تطلع من بيتها ولو انتي تعرفين عمتج صح كان مشيتي
على راي تركي لان امي لايمكن تخلي محلها , طول عمرها تحب تكون ملكة بيتها فكون انها تتبع ولدها
معناها تتبعه مرته وهذي مهيب شخصية امي

دلال وهي تمسك يدي وسميه,,
:انزين وسوم وش تنصحيني فيه00؟؟

وسميه بحماس,,
:قومي الحيييين وروحي بيتج فاجئيه خليه يقدر جيتج بنفسج ودوري رضاه تراه يستاهل كل خير






***
**
*






تتالم بالام قد مرت بها من قبل,,
لكنها هذه المره اخف’’’
رغم شعور الخوف اللذي يعتريها,,
الا انها تكاد تجزم بان الالام مجرد وخزه وتنتهي’’’

ايقضت ناصر,,
اخبرته بوقت ولادتها الحتمي’’’
ليقابلها بربكه لم تشهدها من قبل,,
يخاف من القادم ويتوق اليه00!!
معادله غريبه وتضاد اغرب’’’
لكنه تحصيل حاصل بحالتهما هذه,,

وقفت معه والالم بسيط جدا",,
وكانها رحمه من الله بان تكون الالام خفيفه’’’
حتى يهون عليها القادم,,
ومع كل ذلك تشعر بشعور الرضا والراحه’’’

بل كلاهما يشعران بهذا الشعور,,
اهو لتقبلهما هذه النعمه بصدر رحب من الله00؟؟

وصلا للمستشفى,,
اصر على الدخول معها لغرفة الولاده’’’
وقف عند راسها,,
وهي تتالم الالام المخاض الطبيعيه’’’
لتسمع صرخات طفل طبيعي,,

وطبيعي جدا"00!!

لولا ان الدكتوره اكدت الشكوك والفحوصات السابقه,,
بان الطفله معوقه قاصره اليدين’’’
لكن وجهها وباقي جسدها طبيعي وجميل جدا,,
وضعوها على صدر والدتها’’’
لتبكي وهي تنظر اليها بحب,,
ليقول ناصر بفرحه,,
:الحمدلله على كل حال البنت زينه ولافيها الا العافيه اللهم ذا الايدين الحمدلله على كل حال

هدى ببكاء,,
:اي والله الحمدلله على كل حال

طفله يستبشر بها والديها كل خير,,
بحياه قادمه ستكون الافضل باذن الله’’’




***
**
*








نضجت معه واصبحت كثمره شهيه,,
تزداد جمالا" مع حملها’’’

وهو معها تغيرت لديه مفاهيم الرجوله,,
اتقنها وتجسدت بشخصه’’’

اعتراض من حولهما دفعهما للتمسك ببعض اكثر,,
لتتشكل على يديه ويتطبع بطباع هي تحبها’’’

ريتاج بثياب الحمل بدت اصغر واجمل,,
يقف على عتبة قلبها وعتبه روحها لتفتح له الابواب ويدخلها بقوه’’’

هكذا عنفوان الحب وهكذا لذة المحبه,,

ترتب حقيبته,,
حيث ينوي السفر للعمره مع والدته’’’
وهي ستذهب للسكن مع عبير,,
حتى حين عودته’’’

جابر وهو يراقبها,,
:حطيتي كل اغراضي00؟؟

ريتاج بابتسامه,,
:كل شي

جابر يتقدم منها ليقف خلفها يقبل عنقها,,
:ليش احس انج مستانسه على فرقاي

ريتاج بتمثيل,,
:اووف فكه الواحد يعرف يتنفس عدل

جابر يجلس على السرير بجانب الحقيبه,,
:حطي عينج بعيني وقولي كلامج اللي قبيله

ريتاج تضع عينيها بعينيه بقوه,,
:بموووت لاتذكرت انك بتغيب اربع ايام استانست كذا00؟؟

جابر يبتسم وهو يسحبها لتجلس على حجره,,
:اكيد بستانس لاحسيت ان حبيبتي بتحس بغيابي مهوب انا والطوفه واحد

ريتاج وهي تلعب بياقة ثوبه,,
:احس اني مستحيه من عبير لاني مااعرفها

جابر بضحك,,
:عاد هذي بالذات لاتستحين منها اخذي رااحتج على الآخر

ريتاج بتساؤل,,
:انزين امك درت اني بقعد ببيتكم

جابر,,
:اكيد قلت لها ووافقت لان مافيه حل ثاني

ريتاج بحنين,,
:اشتقت لغانم وامي مايصير ازور غنوم عشان اشوف امي00؟؟

جابر برفض قاطع,,
:لااا ولاتفكرين تروحين له انتي ناسيه شسوا اخر مره00؟؟

ريتاج بحزن,,
:تعبااان لاتلومه عاد تاثير المخدرات بدمه

جابر بغضب,,
:حتى ولو مايمد ايده عليج انتي وخالتي شنو الدعوه سايبه00؟؟

ريتاج بتبرير,,
:بس هو تعباان حيل لاتنسى ان فيه ممرض ابن كلب كان يجيب له المخدرات هناك
يعني العلاج اللي راح كله طار بالهوا

جابر انزلها ليقف,,
:انا قلت لج اللي عندي مافيه روحه تبيج امج تزورج ببيت اهلي ابوج مايعرف انه بيت اهلي هناك

ريتاج تتبعه حيث يتوجه للصاله,,
:امي خوافه ماتعرفها يعني00؟؟
غشيم فيها00؟؟

جابر وهو يجلس,,
:اعرف بنتها وهذا يكفيني واللي اعرفه انج ماراح ترفعين ضغطي بالحنه

ريتاج بتافف,,
:خلاص اللي تبيه بس لامت من شفقتي عليها لاتبكي علي

وتركته وغادرة لغرفتها تشكي فراق اهلها ووالدتها لخالقها,,
اما هو فيجلس على نار القلق’’’
هل ستفعلها المجنونه00؟؟
مكان كهذا خطر عليها خصوصا مع تهور غانم باخر زياره,,







***
**
*








الضيقه اللي تقلبني واقلبها
يالله عساها طواري ليل وتعدي

لي يوم ثالث تجاذبني واجاذبها
الين شدت بيديها على يدي

ما كني الا قريب من قرايبها
وماكنها الا سليله من نمى جدي

يا كثر ما هي لفتني وكيف أحسبها
بس الوكاد بغثاها بيحت سدي

اطرت لي ليل الثلاثه وامسية ابها
ذاك المساء البغيض الحالك الندي

قوم تفتل من الضيقه شواربها
والحق معهم وانا اللي جاوزا حدي

اضعفني وضعي وانا للي كنت غالبها
وثوب الشجاعه غدى وماهو على قدي

مابين قصر نعم وش قلت واسحبها
كان الحديث الطويل المرهق الجدي

حدوني ابعد ولا اقرب يم مضاربها
والحق يركب من اللي كان متعدي

اذكر حلفت وقسمت ارحل ولا اقربها
وشلون مدري ولكن كان ذا ردي

قفيت عنها اغاصب الرجل واسحبها
كنه بودي وانا والله ما ودي

ادري خذلت الهنوف وكنت مغضبها
ماهو بكيفي زماني واقف ضدي

غلبني وقتي كثر ماهو مغلبها
لاهو تهيا ولا هو قابل يهدي

لو هي دموعي ترد الوصل بسكبها
الين تجرح وتأسمني على خدي

مير البلا ما تفيد وحظ صاحبها
ما طاب لحظه ولمن طاب متردي

خلها على الله وانا من وقت كاتبها
بصبر وبرجي عزومي واعتزي شدي

الضيقه اللي تقلبني واقلبها
يالله عساها طواري ليل وتعدي



يستمع الى الشيله بصوت عالي بشقته,,
يستشعر كل حرف مما يخالج فؤاده من ضيق’’’

ابعدها بنفسه عن مستقره وصدره,,
لتحل مكانها ضيقه تعانق صدره ولاتتركه’’’

كان الصوت عالي جدا,,
وهو يستمع وعيناه تنظران لخيالها بالشقه’’’
مكانها المفضل,,
طريقة جلوسها,,
ضحكاتها وهمساتها,,
صوتها الحنون,,
كل مابها يدعو قلبه لقربها,,

كان بالخارج محمد ومشاري يصعدون السلم سويا,,
ليتوجه كل منهما لشقته’’’
لكن مع الصوت ابتسم محمد لمشاري,,
:اووف المطوع يسمع الضيقه والصوت عالي

مشاري بضحك,,
:لااا المطوع خاش جو

محمد بغمزه,,
:نخرب جو المطوع00؟؟

مشاري وهو يتقدم محمد الى رائد,,
:وهي خاربه خاربه خلينا نعميها

محمد امسك مشاري وبهمس,,
:لااحد يطري عليا عنده

مشاري بموافقه,,
:ابشر اصلا ماطرى لي اتدخل

وفعلا" دخلا الى رائد,,
كان ممسك صورتها’’’
ومع دخول اخوته وقف برعب وهو يضع الصوره خلفه,,
منظر جعل كل من محمد ومشاري بغيبوبه من الضحك’’’

رائد ذهب لغرفته لوضع الصوره,,
وعاد بصمت وهدوء كما اعتادوه’’’

محمد يجلس ومعه مشاري,,
:الا رائد وش جوك اليوم00؟؟

رائد بابتسامه,,
:جوي صافي مافيه تعكير

مشاري بابتسامه,,
:مهوب ظني

رائد بنصف ابتسامه,,
:خلوها على الله الا مشتهين قهوه من ايدي00؟؟

محمد برفض,,
:لايااخوك نبي نسولف وكل واحد يضيق جو الثاني كل اللي بكبدي ابي اقطه بكبودكم

رائد بضحكه,,
:اهب يااذاا احنا ناقصين ضيقه تجينا انت بعد00؟؟

مشاري بعد صمت,,
:شباب وش رايكم برحلة قنص صوب الجزائر والمغرب

محمد وهو يصفق بيديه,,
:واحلااالاااه المغرب ايه ايه المغرب

رائد يضرب محمد برجله,,
:المغرب ياالشايب العايب00؟؟
مشاري تم متى تبيها نفضا لك

مشاري بحماس,,
:ابد متى مااستعديتوا كلمت الشباب ورحنا

رائد بتشجيع,,
:ابد وانا اخوك عند وجهك

محمد بحماس اكثر,,
:واياااكم لابو الدوامات لابو الدراسه لابو الحررر
المهم لااحد يبكي علينا مرتي عيالي بناتي بس انا ببكي من فرقا مشعل وامه

مشاري يضربه بيده,,
:يااارجه لاتروح وريحينا السفره ماطرت علي الا لما سمعت تقلبني واقلبها ذي

رائد بابتسامه,,
:فديتكم والله يااثنين اكبر مني وادبر ههههه

محمد بضحكه,,
:انا اشهد انا اعترف انك اخير منا ياالاثنين وبصراحه فيني حكه بقول سالفه

رائد وهو يحك يد محمد,,
:حكيت ايدك لاتقول شي

مشاري وهو ينظر لرائد بتركيز,,
:انزين انا مافيني حكه وبقول السالفه عادي00؟؟

رائد برفض,,
:اللي بيني وبين اهلي لااحد يتدخل فيه هذا انا علمتكم

محمد وهو يقف,,
:يبه انا طالع بنام تفاهموا يااثنين ولااوصيك يامشاري عليه

مشاري بعدما خرج محمد,,
:رائد يااخوك الحكي مايضر والبوح في اغلب المواقف اريح من الكتمان

رائد بضيق,,
:يامشاري قهرتني وبس وزود على ذا قاهرني بعدها

مشاري بتساؤل,,
:قهرتك00؟؟
وقاهرك بعدها00؟؟
رائد واللي يعافيك فسر


رائد بعد صمت,,
:اريحك واجيبها من الاخر00؟؟
انا اللي قايل لها تروح بيت اهلها

مشاري بصدمه,,
:افااا ليش عاد00؟؟

رائد انهاء للنقاش,,
:شي خاص ولاتقلب المواجع يااخوك

مشاري وهو يقف,,
:شفني ماتدخلت ولاابي اتدخل بس بذكرك بشي انا موجود متى ماحسيت انك تبي تفضفض
مالك الا احنا يااخوانك


وخرج بعدما فتح الجرح وغاص به,,
اتحسب ان الجراح فتحها شفاء لها00؟؟






***
**
*





تبحث بين الادراج,,
تقذف الاوراق يمينا وشمالا’’’

لاتصدق ماسمعت,,
وكيف بها تصدق وهو من وعد فاوفى00؟؟

كيف بعشرة سنين تذهب هباء منثور,,
لن اصدق حتى اجد دليل واحد’’’

اتتها خلود وهي بحاله يرثى لها,,
امسكت بها لتتاكد مما سمعته مع اختها’’’

لكن معالي بحالة هذيان,,
طوال عمري كنت العقل الواعي والمدبر لاخواتي’’’

اتفاخر بحياتي مع عبدالعزيز وبزواجنا الناجح,,
يبدو ان لاحال يدوم للمحال’’’

خلود بتهدئه,,
:يابنت الحلال يمكنها تكذب

معالي بضيقه,,
:وش يدريج يمكنها صادقه انتي ماشفتي قواة عينها وهي تقولها

خلود بتكذيب,,
:لاتصدقينها انتي ماتعرفين خرابات البيوت00؟؟

معالي ببكاء,,
:الا واعرف انهن واجد بس ياخلود هذي متاكده من حكيها

خلود تحظر هاتف معالي,,
:علوي دقي عليه وتاكدي منه

معالي برفض,,
:لااا وبداا ابي اتاكد من هالكلام اما اني اصدمه بشكوك يطلع منها الرجال برئ لاا

هذا فيس النهايه الجديد هههههههه

تسلم ايدج يالغاليه البارت دسم وحلو بس ما فيه عليا كنت بشوف شخبارها ان شاء الله بالبارت الجاي, يا حياتي يا خلود قلبي معاها وانا وياها بالي تسويه في فارس لين يتأدب ,ولا يهونون الباجين كلهم اخبارهم حلوة والله يستر من الياي.

سؤال بسيط يالغاليه:متى ترجعين تكتبين يوم الثلاثه ترا احنا بعطله ودنا نقرا اكثر اذا ما في مانع او اذا اسمحت ظروفج لان اكشن القصه كل ماله ويزيد :)
ربي يحفظج ويخليج والله يعطيج الف صحه وعافيه.

يعطيك الف عافيه غرنوووووق
لاتقولين عبد العزيز معرس على معالي ماصدق قلت هذا الرجل السنع العاقل
تقبلي مروري