قد يدفعنا الآخرون لتبديل جلدنا من سيئ لأسوأ
------------------------------من جيد لاجود
------------------------------من ردي لأردى
------------------------------من سمو لاسمى

لكن تبقى الطباع داخلنا تنتقل في كبسولة الزمن تصاحبنا من ماضينا
------------> الى حاظرنا----------------->امتدادا" لمستقبلنا

طباع تكون أساس ثابت وبنيان قوي يشكل شخصياتنا
لكن عوامل الزمن وماتشوبها من شوائب
قد00قـــــد00تعري بعض هذه الطباع وتشوه طبيعتها

&&&&


***اليوم وبفضل من الله بقدر أنزل البارت بوقته***

البارت السادس -كوب نسكافيه-وقراءه بهدووووووووء


&&&& &&&& &&&& &&&&


فتحت الحقيبه اللتي خصصها لها كعادته,,,
يحب بأن يفاجئها بكل صغيره وكبيره,,,
صعقت 00صدمت 00وأحمر وجهها0000

----:ياربي هذا وش لون يشتري هالملابس يافضحي جريئ جريئ هالرجال يدري أني أنحرج منه ماتمينا الست شهور جايب لي هاللبس 00؟
أجل لو كملت السنه وش الطاري عليه00؟

لتلفحها من الخلف أنفاسه الحاره بل ,الملتهبه ليمد يداه الاثنتان خلفها ويسحب بها احدى القطع المنتقاه بجرأه رجل 00

----:قلبي ألبسي هذا أكيد بيطلع توحفه عليج000 ويرميه على السرير ويخرج وكأن شيئا لم يكن

----:ألبسه 00؟ ليش مالي راي 00؟يدري أني أستحي منه يبيني ألبس هاللبس 00؟

رفعته لمدا نظرها وحملته معها الى الحمام,!!
فعلى الزوجه أن تراعي متطلبات زوجها مهما كانت تعارض رغباتها بحدود الحلال هذا ,,ماتلقته من أختها الغاليه هيفا


&&&& &&&& &&&& &&&&



----:هذا أنا بلغتج موتسوين لي فيها المحقق كونان وتحقيقات مال أمها داعي

----:خخخخخخخخخخخخ بصراحه أنفع أصير كونان معاكم ياخواتي والا طلال ماأقدر عليه هالمخ

----:هيوفه المهم أنتي مادريتي بشي حالج حالهم
هيفا:أبشري عليا والله يوفقج ويتمم عليج بس بصراحه طلعتي ذيبه أجل

مسويتلي فيها متأثره وياقلبي بموت من الحسره وآخرتها
تاخذين رفيقه اللي ألحين صار أشد خصومه؟

عليا بابتسامة حزن كست محياها: هيوف أنتي تدرين أني كنت أبيه ولآخر نفس فيني أحبه وأبيه ,,

بس شفتي لما تجيج حالة تبلد بمشاعرج00؟؟بسبة صدمه من أغلى شخص على قلبج 00؟ , ,هني تتصرفين تبع هالتبلد,, ماتراعين مشاعرج ,فكيف بتراعين غيرج00؟خصوصا اذا كان اللي سبب لج هالتبلد

هيفا:يابنت الحلال الخيره فيما أختاره الله ورائد أخير من ولد عمتج ولاتنسين أن حسون دوم تمدحه وهي باسم الله عليها نظرتها ماتخيب

عليا:ولعلمج هادي بعد يعزه وهو اللي شجعني أوافق على الملكه بكره وبهالعجله لأنه واثق فيه وهذا اللي مطمني

هيفا:أجل وصلتي خير مدام هدوي ورا السالفه أزهلي الرجال
عليا:طيب ماهدوي هو اللي ورا زواجج من طلال ودايم أسمعج تتحلطمين وتقولين العبر فيه

هيفا:طلال00؟ آه ياعلويه طلال مافي منه أثنين بالمراجل وبالجيد ,,أتمنى نفس شخصيته لبناتي لأنها شخصيه قويه ومميزه ,,بس أنا وهالعناد اللي فيني ماأركب مع طلال

عليا:وليش للحين ماطخيتي يام راس يابس00؟

هيفا:ولابكره هو يبي يكسر راسي وأنا معانده الا أحط راسي براسه مااقدر أتغير ولاهو بقادر يطخخني

عليا:الا ياروح طلول أنتي اللي لنتي شويات ماأنتي هيفا الأوليه

هيفا أنزين يالفهيمه أنا سامعه صوت باب شقتي ينفتح الظاهر أنه اللي ملوعني معه
عليا:ههههههههههه يلا باي


&&&& &&&& &&&& &&&&



------:أسمعني ياأمك ترى لي عامين ماطبيت مكه ولازرت بيت الله شف لك فرصه توديني أنا ومريتك نتعبد ببيت الله

----:أنتي أبشري بس ريمه حويمل ولانيب ماخذها

أم بتال:ياوجه الله,, يومني حملت بك من الفرحه رحت أعتمرت ولاجاني الا كل خير أخذ المره خلها توسع خاطرها

بتال:لا ريمه ماهيب مباريتني تروح لأهلها كلها يومين والا ثلاثه وأنا وياش معودين

أم بتال تقترب من ابنها وبمحاوله لاقناعه:أخاف تاخذ بخاطرها يامك وأنا مابيها تضيق خلاص خلها لين تولد

بتال باصرار:علي بالحرام أن تخاويني للعمره أنا أصلا دخلت مزاجي أني أعتمر

أم بتال تقف للخروج لمنزل أخيها :ها بصركم أنت ومرتك متجاوزين من دوني أنا بروح لأبوك محمد تخاويني 00؟متى هو علمك به00؟
قد لك وقت لازرته ولاشي

بتال:أنا متقهوي عنده أمس هو اللي دايم في محله مايتعداه
أم بتال:ويوسف ما قالك متى بيسكن بيته قده جاهز00؟

بتال :على الأسبوع اللي جاي
خرجت مودعه ابنها ليذهب هو بدوره الى ريمه الغائبه اليوم عن مدى عينه


&&&& &&&& &&&& &&&&



------:يمه فديتس أمشي معاي الطبيب خلينا نشوف لذاالرجفه علاج

سارا:لا يمه الله يخليج أنا مليت من هالتحاليل اللي مصوا دمي بسبتها تعبت ولاعرفوا لها حل

أم ناصر:ها00تبيني أخلي مشعل يحاكي خويه أبو غانم يشوف لتس واسطه تسافرين برا ,,كود تلقين علاج وحل لذاالرجفه

سارا وقد عاودتها الرجفه:لا يمه لاتكلمين أحد ريحيني من هالطاري الله يخليج

صمتت الاثنتان حين سمعتا صوت أبا ناصر مع أبنائه الثلاثه قادمون من عشاء في بيت أحد رجالات العائله:السلام عليكم

أم ناصر و سارا:وعليكم السلام ورحمة الله وبركاته

مشعل يتقدم ويجلس بالقرب من سارا اللتي زادت رجفتها,, رآها بحزن اكتسى وجهه فرجفتها ترهقه وتشغله كثيرا"

التفت عليها وبهمس:السوري اذا لي خاطر ياخيتي أمشي وياي الدكتور اللي علمتج حسنا عنه ,,تذكرين 00؟ يوم تعلمج عن خويتها

وأنها ماارتاحت الا عنده يمكن علاجج عند الطب النفسي مهوب ذاالنصابين اللي تعبوج بالتحاليل وهات يافلووس؟!

سارا ترد عليه بنفس الهمس:مشعل أنا 00أنا بخير مافيني الا العافيه الله يخليك ماأبي أروح لالدكتور حسنا ولا دكتور أي أحد

مشعل بحزم:شوفي,,, الدلع الماصخ مهوب عندي تعرفيني لاقلت كلمه وماتنفذت وش أسوي؟!بتروحين وأنتي ماتشوفين الدرب

تزداد وتزداد بقربه,,تهابه وتخاف منه,,تعلم بأن حرصه عليها عن حب,,لكن أسلوبه منفر مخيف,,,

سارا تقف لتنهي هذا الجدال الذي بدأ بالاحتداد:مشعل أنا بنام أجل الموضوع

ليوقفها ناصر بهدوء:سارا تعالي علميني وين تبين تروحين أنتي والنوري أنا واعدها أطلعكم بكره وباخذ دلول معنا وش قلتي؟؟

سارا تعود مسرعه لناصر فهو أقرب أخوتها لقلبها وأكثرهم فهما" لها لتقبل رأسه:لبى عينك يامستر حاسوب أحببببببببك

ناصر يضربها على رأسها بخفه:بعديها لج بس اتفقوا يابنات حواء وردوا علي اليوم أزهب نفسي من صبح بنطلع محنا رادين الا بالليل
هذي طلعه عن سنه كااااامله

مشعل يراقب الوضع من بعيد ,,فهو لاطالما كان بعيد كل البعد عن فهم متطلبات بنات حواء--كما دعاهن ناصر-- هو كالنجم ينير السماء
بضوء خافت يعلمن بوجوده لكنه بعيييييد عنهن

أما فهد الغارق في دوامة التفكير المرهق انسحب بهدوء مخالف لطبيعته وروحه المشاكسه
انسان يحب تضييق الخناق على من حوله,,بمزاحه الثقيل والذي يصل مع سارا باليد

أما عايد ونورا -أبا وأم ناصر-فهما صوت الماضي الجميل وعبق الورد الأخاذ في المنزل
التزما أحاديثهما الجانبيه ليبتعدا عن الجو الأخوي بين أبناءهما0000


&&&& &&&& &&&& &&&&



----:أنا ألف مره ياوسوم قلت ماأحب تصرفات أمي وكل ماكلمتها هزأتني كني عدوه مانيب بنت

وسميه:مااااالج دخل أمج تحترمينها

عبير:أمي على عيني وراسي وراس الكل ,بس والله أنا ماأرضى لج الذل من أم رجلج ولاأرضى على دلول مهما كان هذي بنت خاليوأنتي تدرين بغلاتها على قلبي

وسميه:طيب والحل؟

عبير:بكلم جويبر يكلمها هو اللي له شور عند أمي ورايه يهمها مدري على وش؟ من زين الشور بس؟

وسميه:هههه جويبر ياأختي أحترميه هذا أخوج الكبير

عبير:أمسي علي أنتي بعد,,هو أنا أشوفه؟؟ عشان ؟أحترمه أو أحس أنه أخوي00خصوصا عقب ماخطب سارا وكسر قليب مبارك

وسميه:مبارك وش أخباره ماله طاري؟؟

عبير:سافر فديت قلبه ,دق على أمي وبلغها بسفرته,,وين راح؟ ومع من؟ ,,ماأدري


&&&& &&&& &&&& &&&&



أغلقت الهاتف بهدوء تتحرك برويه التفتت اليه يملأ المكان بحظوره القوي ,,

ترتدي لباس قصير يغطيه قطعه من الشيفون الاسود تشف ماتحتها لتتجه اليه بخطوات ثابته لاتخلو من الدلع المصطنع

واضعتا يداها خلف رقبته لتطعمه قبله نديه مرحبتابه ابتسم ببرود ليحاوطها من خصرها ويعيد تكرار مافعلته لكن برقه اعتادتها منه

طلال:هيفا كم مره قلنا ذااللبس الخاص يكون عليه روب ساتر أو أقفلي الباب ألين أجي00؟

هيفا:يعني ماتعرف تكمل يومك الا لازم تنتقد فيني شيي00؟

طلال ممسكا يدها يسحبها ليجلسها على السرير ويعود لاغلاق الباب ,,جلس بجانبها يرمقها بنظرات لم تعجبها

هيفا:اي كمل علي بحرب هالنظرات اللي تستخدمه ضدي ,أنت عارف أني ماأقوى على نظراتك اللي تخوفني

طلال:وأنا قلت شي 00؟كلها نظره وأنتي فسرتيها على كيفج ,أسمعيني ياالغلا أنا اذا قلت لج هالكلام فهو من باب الحرص ,,بناتنا

كبار باسم الله عليهم وولدي مهوب بزر مومعقوله يدخلون ويشوفونج بهاللبس وعادي عندج00؟!

هيفا:أنت مكبر الموضوع أنا منيمتهم من زمان وبعدين وش راح يصير اذا شافوني كذا00؟

طلال:عيالج ممكن يسولفون على أخواني أو أمي وهذا أنا ماارضاه لالج ولالي اللي تلبسينه لي خاص فينا

وبعدين بنتج شيخه مره باسم الله عليها أم تسع سنين تفطن للبس الحين وممكن تقلدج بهاللبس بحكم أنج أمها وقدوتها

هيفا:كلامك على عيني وراسي بس أنا والله العظيم نومتهم من زمان والا تبي تدش علي الغرفه وأنا متلملمه بروبي والا بدراعه كاني
عجوز تنطر شايبها

طلال بعدمارفع يدها ليقبلها برقه:وأحلى عجيز في ذمتي ها كني أشم ريحة السدر في شعرج 00؟

نظرت اليه بزعل أذاب قلبه
أنزين قومي يالعجيز وريني وش أنتي لابسه ومهببه


&&&& &&&& &&&& &&&&



-----:مترك فديتك قوم ودني لأهلي
مترك:اللهم طولك ياروووووووووح كل يوم ذاالأهل

منيره :اليوم ملكة أختي عليا وبروح لهم ببارك وباعاونهم اذا جوهم ضيفان

مترك:ومافيه الا أنتي يامره ماصارت أنا لي حق بعد

منيره:حقك ماني بمقصره فيه قايمه بواجبك وواجب اهلك أبديك على روحي لوتبي بس اهلي بعد لهم حق علي

مترك ينهض من الصوفه اللتي يتخذها في الآونه الأخيره سريرا له بغضب:أسمعيني يابنت الناس اليوم وبس وترجعين مع سايق أهلج
على العشر غير كذا ماعندي

وسيم \جميل \ومهندس طيران ابن عائله لها مكانتها بالمجتمع نعيش بقصر به من الخدم والحشم ماتعدى عدد أفراد الأسره لكن لما
السعاده تكون مبتوره ؟؟0000000

لما يراني كحشره تحت قدميه متى ماأراد أن تهوي قدمه علي هوت بقسوه؟؟000000000

رغم أنني بالجمال أعد مقياس يحتذى به ,,ورغم أنني ألتزم الصمت والاحترام لضعف شخصيتي أمامه,,

الا أنه لا يقدر مشاعري ولايحترمني
لماذا يامترك؟


&&&& &&&& &&&& &&&&



دخل شقته لاحس لبناته ولا لأمهن:غريبه وين نسواني ؟؟
بتال بصوت عالي:رييييييييييييمه أ رييييييييييييمه؟؟

سمع صوت من جهة غرفة بناته ذهب ليجدها نائمه على بطنها بجانب ابنتها الصغرى اما ليان فتلعب بعرئسها بهدوء

اقترب منها فوضعها بالنومه لايناسب حملها وبهمس:ريوم قومي أنا فداش روحي نامي على السرير

رفعت رأسها قليلا لتتبدل ملامح وجهها فجأه وتهم بالنهوض لتركض الى الحمام

ابتسم ثم اتسعت ابتسامه وأخيرا أنفرط بالضحك :الخبل كالعاده متوحمه على سحنتي اللي تجيب العافيه

عادت له بعد ان أظهرت مابجوفها من شدة الوحم وبتعب واضح:بتال لاعاد تحط ذاالطيب أكرهه ماادنيه

بتال يبتعد عنها ليجلس بقرب ليان الغارقه بخيالها بين عرائسها فهو يراعي ظرفها العارض ويعلم شدة تعبها أثناء الحمل
خصوصا فترة الوحم

:أنا أصلا مانيب متطيب بس الظاهر أنتي تكرهين ريحة الطيب الطبيعي اللي تظهر من جسدي

جلست على السرير المخصص لابنتها:ماأدري والله أنا وذاالوحم المتعب كرهتك حتى شوفتي

بتال التفت اليها بقوه:كرهت00؟ وش جاب الكره 00؟ لاتحاتيني يامره أنا فاهم وأدري بعوارض الوحم فلا تعقدينها على عمرش قبلي

ريمه تعود للاستلقاء:أحس بتعب-خمول-عكس طبيعتي مع أني وحده ماأعرف أكن بمحل واحد

بتال يبتسم وهو يمسك احدى عرائس ليان:تدرين بخاطري عشر بنات وولدين ولد ثقيييييل ودمه أثقل منه وعصبي
يكعم خواته وينكد عليهن,,وولد خفيييييييييف ودمه أخف خاطره وسيع وانسان فري يخلي خواته على هواهن

ريمه تضحك على خيالات بتال الغريبه:طيب الأول فهمنا ليش تبيه كذا الثاني وليه؟؟ تبيه رخمه يعني؟؟

بتال يمسك العروسه الأخرى:شوفي ذاالعروستين عديهن بناتي طيب

ريمه وقد بدأت باستحسان الوضع:طيب كمل؟؟

بتال:شوفي وحده ثقيله ماينفع تعاشر شخص ثقيل طينه فبتخاوي ولدي الخفيف هي تثقله وترزه وهو يخف بها,,وصلت المعلومه

ريمه :اي وبعدين

بتال:والثانيه خبل او عفوا خبيله,,أخوها النكدي لاشفاها مرجوجه مسكها من شوشتها وسنعها

أماااا أنا وأنتي لاكبرنا ان كانا نبي الراحه والعقل نروح لعويلنا الثامرين العقال,,وان كانا نبي السوالف ووسعة الصدر
وفلت الحجاج رحنا لخبلانا شفتي أني فطيييين

ريمه بضحكه:شوف وجهة نظرك صحيحه بس اللي أنا استغربه ليش بس ولدين وعشششششر بنات

بتال:الولد يابنت أبيش مويق يوايق علينا ويروح لشغله والا لربوعه,,أما البنت يااخت أخيش تحوف أهلها وماتعداهم حتى
لو انها معرسه وعليها شلقة عوال

ريمه بحب صادق صافي:ياحبي لك يابتال
بتال بغمزه:ابي اثبات مادي سدي خشمش واقربي مني

بالفعل اقتربت منه لتقبل خده بسرعه وتعود:بتال هذا اقصى ماعندي هالفتره استحملني

بتال يقف:هااجل عشان اريحش واتواجر بامي بروح اعتمر انا وياها وانتي روحي لاهلش ريحي وش قلتي

ريمه اللتي استحسنت الفكره فهي بالفعل لاتستحمل قربه ولاتريد بان تخنقه بنفورها المؤقت هذه الفتره:على خير باجهز واجهز
بنياتي فديتك


&&&& &&&& &&&& &&&&



-----:علوي أخلصي علي أبي الحمام
معالي تخرج من دورة المياه على عجل

:يارجه أنتي موب توج جايه من بيتج خير جننتيني00؟
منيره:تتعداها لتدخل ياأختي تعرفين حمامي الكشخه ماأوصخه

عليا اللتي تحمل المدخن والعود متجهه به الى المجلس

معالي:عشتوا تدخن المجلس وتكشخ البيت لا وأصناف الحلويات والمعجنات ماليه المطبخ ,,أعنبوا غيرج ماتستحين أنتي00؟

عليا ترمقها بنظر وهي ترقص حاجبيها :كيفي ملكتي وأنا حره ولعلمج ودي بعد أشوف عريس الغفله ماصور ياحسرتي بعروس أخوانه
ولا دخل القاعه مالت عليه

معالي بضحكه:هههاااايييي ياحرام أنتي بأي عصر00؟,, الحين المره تخطب لعمرها وأنتي حتى شوفه ماشفتيه

عليا :أقول أستريحي بس أنا بروح أضبط الدوانيه وأرجع الاقيج ضافه حوستج

خرجت بالمدخن الى المجلس وكانها اله مسيره لا مخيره ,,
ترش العطر لتزين به رائحة المكان الذي سينحر حبها البريئ ,,,

مع تصاعد الدخان الذي ألهب جوفها تبكي بصمت خشية أن تراها احداهن ,,
وهي من تلبست قناع الامبالاه هاهي اليوم تحاول تثبيت هذا القناع لكن لافائده سقط مع دموعها ,,,

:الله ياخذك ياحقيييييير أجل أنا تساوم بي يالكلب ليش خطبت اذا ماتبيني وتبي بنت عمي ليييييييييييش00؟!



بعد بضع ساعات

-----:يووووووووووه يازين خالته زيناه قمر ماشالله عليها
----:تكفين لاتحريني هذي عمرها خمسه وأربعين سنه ؟؟ ,,ماشالله لاننظل المره

----:لاوبنتها كبر عروسنا المصون
----:تكفيييييين لاتذكريني بالعروس اليوم عورني قلبي عليها مرتبكه بشكل كبير مع أنها بملكتها على جويبر شاقه الضحكه وجهها

----:حبيبتي عسى أن تكرهوا شيئا وهو خير لكم
----:صادقه هيوفه

-----:بوووووووووووووه أنا جيييييييييييت
معالي:يمه بغيتي تولديني يالصديع

هيفا:يوه موهذي اللي رجلها الأفدع الأطخم المزيون00؟
معالي:الا أبو لون خايس ,, ياأختي ماينظف ويصير أسمر على السبوح

هيفا:تكفيييييييين وش سبوحه رجال كل يوم يسبح وين الرجوله
معالي:صادقه اذا ماشميتي ريحة رجوله مخلوطه بريحة عرق ماتحسين أن اللي قدامج رجال

هيفا:والا عيونه ووووووووووووع من لونها أخضر مالقت الا واحد عيونه خضرا

منيره:بصراحه أنا معاكم بكل اللي تقولونه لا وأزيدكم من الشعر بيت يحط لوشن معطر اذا تسبح اهئ اهئ اهئ

هيفا:ياقلبي على وخيتي تعالي بحظني فديتج تطلقي منه وأعطيج رجلي,, ها رضيتي حبي؟؟

معالي:بناااااااات بلا سخافه سولفوا علي بكل شي فاتني من سافرت لين رديت

منيره مقلده لكبيرات السن بصوره مضحكه:ياوجه الله والماخوذ اللي كل يوم مشغلته قدامتس وخلوده تعطيتس النشره الاخباريه
أول باول ماكفاتس

هيفا:لا غير مكالماتي حسره علي الفاتوره تضرب بالميتين كل شهر مايكعها الا أنا

معالي:خلاص أجل نقطني بسكوتكن ياالعوب لاجات حسون خليتها تعطيني علومها

هيفا:هههههااااااييييي حسون غارقه بالعسل مخليها رشدي أباظه بالفندق وجا شهد على عقد ملكة اخوه وعود عليها ههههههههه
والله انهم فشلونا

----:الله وأكبر والله لو أنتي مع طلال الرشيد كان محد تحاكى
منيره:هلا والله بالعروس يازين ريحة الفنادق والعرايس تهبلللللللل

هيفا:لاتذكريني بطلال الرشيد توه كاتب فيني قصيده ,,أمسي علي وش جاب لجاب

معالي :تعالي حسون ليش ماجيتي اليوم الملكه

حسنا:وش أسوي يعني أشهد مع رجلي على عقد أخوه00؟؟
والله ياحبيبتي تسوقت بالافنيوز وهو جاكم ضارب طبلون سيارته ووقع العقد

وعود علي ورجعنا الفندق بعدين جاه استدعاء من الضابط راح يشوف وش يبون وبيعود ياخذني للفندق

هيفا بغمزه:وأنتي تبين الفندق هااااااااااا00؟؟

حسنا بضحكة دلع:ليش أبيج أجل00؟؟ أكيد أبي رجلي وبالفندق أحلى وأحلوييييييين ,,الا وين علويه ببارك لها00؟؟

معالي:نامت من ساعه اليوم طول وقتها بالمطبخ تعبك لملكتها ماعاد به بنات يستحون

حسنا:خليها تنفس عن نفسها ,,شوي اللي سواه ولد عمتج؟ وخلوده وينها؟

خلود:هاي حسونه أخبارج قلبو
حسنا:أهلين خلوده والله تعبانه مافيني حيل أقوم أسلم عليج

خلود منحنية لتقبل أختها احتراما لها:أفا عليج أنسدح لج اذا تبين
هيفا تجلس بجانب حسنا :حسون ليش مافيج حيل حبيبتي 00؟؟والابتسامه المصطنعه تملا وجهها بطريقه مضحكه

حسنا :فارقيني ياقليلة الحيا ,,الخلا ,,بنات وين منور؟
البنات:ماندري

حسنا:يوه هذا مشاري عند الباب يلا باي وسلمولي على أمي وعلى علويه

معالي:يوصل بس لاتنسين تجين بكره ترا رفيقاتي بالدوام بيجون وعليا مستحيه لا تطلع وخلوده تعرفين لاتنفع ولا شي والبنات ماراح يجون

حسنا مودعه بيدها:أبشري باااااااااي
نزلت بسرعه من درجات السلم لتفاجأ بآخر صوت ممكن تسمعه يأن أو يبكي00!!

هلا وغلا يعطيك العافيه

اكيد علوى هى الى تبكى من القهر الى فيها والله ما تنلام بس احسن شى سوته انها وافقت على رائد خليها تقهر جويبر لا بارك الله فيه


بسال ساره موافقه عليه وهى كذا مريضه وعارفه انه يحب بنت عمه قبل

مدرى ليش حاسه انه بيصير بمشارى شى وبترجع لمشعل


مترك ليش اسلوبه كذا معها يعنى مغصوب عليها او ما حبها


مشكوره وبنتظارك يالغاليه

صباح الخير الغرنوق

مقطع البدايه فيه من الحكمه الشيء الكثير اعجبني جدا ممكن استعيره

بالنسبه لأختيار الرجل للملابس اللي يحب تلبسها زوجته له اشوف انه امر عادي وياليت كل الرجال يسون كذا والحيا فطري بالمرأه يجملها ويحبه الرجال فيها فاشوف حيا حسنا امر طبيعي

""""""""""""""""

شفتي لما تجيج حالة تبلد بمشاعرج00؟؟بسبة صدمه من أغلى شخص على قلبج 00؟ , ,هني تتصرفين تبع هالتبلد,, ماتراعين مشاعرج ,فكيف بتراعين غيرج00؟خصوصا اذا كان اللي سبب لج هالتبلد
عجببني وصف عليات لحالتها فعلا كيف براعي من سبب لي الصدمه


"""""""""""""""""""""

هيفاء وطلال انصحها لا تحط راسها براس الرجال ترى ماهو منكسر الا راسها هي وهو ولا درى عنها """""""""""""""""""""""""



بتال وامه اعجبني الحوار اللي بينهم وحرص امه على رضا زوجته """"""""""""""""""""""""


مشعل يراقب الوضع من بعيد ,,فهو لاطالما كان بعيد كل البعد عن فهم متطلبات بنات حواء--كما دعاهن ناصر-- هو كالنجم ينير السماء
بضوء خافت يعلمن بوجوده لكنه بعيييييد عنهن
[



رهيب تشبيهس للعلاقه بين مشعل وخواته رهيب فعلا واعطيس عليه الدرجه الكامله بما ني معلمة لغة عربيه مع وقف التنفيذ """""""""""""

ساره الضعيفه وش سر رجفة يدها وليه ماتبي تروح تكشف وهل هي فعلا نفسيه انتظر المزيد عن ساره وحالها

::::::::::::::::::::

طلا ل وهيفا انا مع طلال البس الخاص بالزوج فقط في غرفة النوم ليتربى الابناء على الستر والحشمه """"""""""""""""""""""""



مترك ومنيره وع يامترك ليش تنمن عليه بروحتها لهلها ليش ماتحترمها وتحطها على راسك لا يكون عايفها ويفكر بغيرها

"""""""""""""""""""""""""""""""""""

الله يعينس ياريمه على الوحم لوعة كبد والعن شي لا صارت على الزوج ودها الوحده تهج

"""""""""""""""""""""""""""""" رهيبات حسنى وخواتها الله لا يفرق بينهن

اعتقد ان اللي تبكي هي علوي الكبت ولد الا نفجار طول انهار وهي ظاغطه على اعصابها وتاي اليل انفجرت المسكينه


""""""""""""""""""""" شوفي الغرنوق يا ويلس لو صار لمشاري شي سمعتي """""""""""""""""""""""""

اخيرا هذا الجزء اسميه جزء الحكم الغرنوقيه استمتعت وانا اقراه الله لا يحرمنا من حكمس يا عسل

~ ~ ~ السلام عليكم ورحمة الله وبركاته ~ ~ ~

بارت رائع من رائعة مثلج الله يعطيج العافية
===========================
(( مشاري -- حسنا ))

الله يديم عليهم المحبة ولا يغير عليهم --- بالنسبة لمشاري لما شرى الملابس لحسنا وعلى ذوقه

وتجاهل الحيا الموجود بكل أنثى حتى لو كان زوجها --- تصرف يأكد أنانية الرجال وحبه لفرض

رايه --- وهذا حال أغلب الرجال يطلب من زوجته أنها تلبس وتسوي أشياء ممكن حتى اللي متزوجة

وصالها عشرين سنة تستحي --- وإذا ارفضت قال أنتي ما تحبيني وما تحترمين رغباتي يعني شنو أدور

وأشوف بره وأنا عندي زوجه ممكن تلبي اللي أبيه <<< طبعا أنا أتكلم من حياة الناس اللي عايشة وياهم

أما حسنا حلو أنها لبت طلب زوجها ولبست اللي يبيه حتى لو أنها مستحية

الصراحة أنا حاسة أن أم مشاري راح تتدخل بحياهم عشان سالفة العيال !!!!!!!!!!!!!

أنشالله أحساسي مو بمحله !!!

===========================

(( طلال --- هيفا ))

زوجين كل واحد شخصيته أقوى من الثاني طلال حاب يكون الرجال اللي رايه يمشي على زوجته ويحكم

السيطرة عليها وهيفا إنسانة شخصيتها قوية ما تحب أحد يتكم فيها ويفرض رايه عليها ----

طلال معاه كل الحق لما طلب من هيفا أنها ما تلبس هالبس عند عيالها لانهم كبروا وصاروا واعين

وممكن يتكلمون عند أحد عن اللي يصير بين أمهم وأبوهم --وخصوصا البنت لانها دايما تحب تلبس

مثل أمها ---

وهيفا لما تنتقد تصرفات طلال وأنه جلف أنا شفت العكس إنسان أسلوبه راقي حيل بالحوار يعني لو

واحد غيره ما تكلم معها سيدا أخذها بالصراخ والهواش بما أن منبهها من أول

========================
(( ناصر -- مشعل -- ساره ))

باول البارتات لما وضحتي أنه إنسان كل همه الانترنت وهو واحد متزوج وعنده عيال قلت هذا إنسان

مجرد أسمه ضمن العايلة ولا هو ما يخصه فيهم بس لما شفت علاقته مع سارة تغير رايي

مشعل -- أسلوبه الجاف وأنه إنسان ما عنده مبدأ الحوار ممكن يكون هو سبب طلاقه من حسنا --وهو

بعد سبب خوف ورهبه ساره منه ---ومشعل معاه حق لما قال لساره أنه اللي فيها مرض نفسي

له سبب قوي ؟؟؟؟؟؟؟؟؟؟؟؟؟؟؟؟؟؟

======================
(( بتال --- ريمه ))

إنسان شخصية حلوه من المواقف اللي صارت __ حلو بره بأمه __ والحلو الاكثر أنه مراعي وحم

زوجته وعاذرها لان أغلب الرجال ما يعذر المرآة لما تتوحم عليه ويقول هذه عيارة بلاهم ما جربوا

الله يديم عليهم السعادة وراحة البال !!!!!!!!
======================

(( مترك --- منيرة ))

مترك إنسان غبي فض شكله الدلع مخربه ما يستاهل وحدة جنه مثل منيرة ---ماهو متحمل المسوؤلية

وأنه زوج وهو المسوؤل عن زوجته --- أتوقع ممكن يصير شيء بمنيرة وهني ممكن يتحسف ويكون

بالوقت الضايع

أتوقع منيرة هي اللي كانت تبجي بملكة عاليه ؟؟؟؟؟؟؟؟؟؟؟؟
=====================

استمري بهذا الابداع و
بأنتظار البارت على أحر من الجمر