كاتب الموضوع :
منصور السديري
المنتدى :
القصص المكتمله من وحي قلم الاعضاء
الجزء الثاني عشر
للامـــــ بقيه ـــــل
أحس بالخجل مسيطر علي مادري ويش أسوي
أكيد سارة زعلانه مني ولا ليش مانزلت عالغدا
ياربي وش أسوي مالي ألا حنان من الحين محتارة وأقول أذا راحت حنان وش أسوي هي الوحيده اللي تفهمني
XXXXXXXXXXXXXXXXXX
للامـ أمنيه ـــــــــــل
من أول ما شفت ناصر جا من الدوام وأنا أقول الولد أكيد فيه شئ يارب سترك نفسي ولدي موهوب طبيعي اليوم أكيد فيه شئ
وزاد أكثر علي يوم رجع نازل وهو مقرر أنه يطلع ينام
ناصر : يمــــه أنا تعبان أجلي زواجي تكفين
منيرة:ناصر بطل حركات
تأجيل مافيه لوأشوفك منسدح من التعب
XXXXXXXXXXXXXXXXX
للامــــ بقيه ـــــــــــــــــــل
الدنيا عندي الآن ما تعني لي شئ كنت عايشه على أمل أني
أتزوج أعيش الحلم أبني وأبني
وفي النهايه يصير البيت
يكون أطفال وعش أحن له
كنت أقول لما أتزوج ماراح
أقطع أهلي وبزورهم كل يوم
أحلام وللاسف راحت راحت
الحين أحس لالم أصعب
لاني حاسه أني الوحيد الخسرانه في ها لزواج
XXXXXXXXXXXXXX
بصراحة دخلت على أمي وخواتي وأنا شايل هم كيف أخبرهم بالخبر اللي الوالد وكلني فيه باقي على زواج أختها أقل من أسبوع
طلعت من المجلس وما لحقت إلا سعود ناط في وجهي
سعود : ها خبر الوالد وش يبي فيك
فيصل : أبد يبيني أخبر أمي والبنات بموعد زواجي
سعود: ليه حددوه
فيصل :أيه على كلام الوالد أذا رضوا لاحظ أذا رضوا بعد شهر تقريبا أن شاء الله
سعود: أقول وش صار على أختهم الكبيره مويقولون الزواج بعد الكليه وألا لا تزوجت أختها
فيصل : يقول الوالد أنها تزوجت
سعود : صدق
فيصل : أيه مو مصدق طبعا أخيرا تصدق أحسبها ماتت
سعود : آه فال الله ولا فالك تصدق كنت أبي أخطبها لا خلصت أختها الكليه وما تزوجت
فيصل : زين فكها الله منك ولا من زينك
سعود: جعل اللي صار لي تذوقه قل آمين
فيصل : ليه وش قالولك بخلي مرتي لامي تفترسها أنا باخذها معي للربع الخالي أستوعب الربع الخالي يعني لابشر
سعود : الله يوفقك بس قلي ماعندها خوات
فيصل :لا حبي آخر العوانس
XXXXXXXXXXXXXXXXXX
للامـــــــ بقيه ــــــــل
أكذب على نفسي لوما قلت أني زعلت شوي من سالفة خطبتي بس أني فرحت موشوي إلاشويات لاتلوموني صراحة كنت خايفه أصير مثل حنان صحيح أنها في النهايه تزوجت بس بعد أيش ولا واللي آخذته من كثر السوالف اللي جتنا عنه ما ندري هو صاحي ولا مجنون
الحمد الله على كل حال أمي جتني تتأسف وتعتذر مادرت أني مو زعلانه بقدر ماأنا مصدومه بس الدنيا كذا دايم ماتعطي على الكيف
على أن أمي دايم تدعي لحنان بالحظ الطيب
ولامره سمعتها تدعي لي
بس هي القسمه والنصيب دايم كذا
XXXXXXXXXXXXXXXXXX
الحياة علمتني الكثير خاصة أني ماتزوجت أبو نادر ألاكبيرة تقريبا كان عمري واحد وعشرين وفي ذاك الوقت كان العمر هذا مو بس عانس ألاكارثه بس اللي كان مشغل بالي أني أنا كان عندي سبب وجيه على كثر الخطاب اللي جوني كنت أردهم لسبب ألا هوالوالده الله يرحمها كانت محروله ماتقدر تسوي شئ لنفسها يعني لازم رعاية نفسيه وجسديه وأي أحد أشوف فيه الزوج الصالح أنا وعماني أشرط عليه الوالدة وكان على طول ينحاش
حتى بعضهم كان يذمر لما أقول الشرط
وعماني أعبّر منهم كانوا يقولون أنتِ ليش مخليتها عندك حطيها بدارالرعايه حتى عرف ما تعرفك
بس هذي أمـــــــــــــــــــــي
ليش محد قدر
لين جاني أبو نادر وأخذته كان وحيد أبوه وعند خوات واخوان كثير من أمه الله يرحمها وتزوجني مع أن خوانه مو راضين بشرطي بس أخذني وجبت البنات وفي الثلاثين جبت نادر الله يخليه لي الله سميت الاسم لاني كنت عارفه أني ماراح أجيب غيره أبيه نادر في كل شئ
وأنا متفائله أن حنان راح تجيب نادر ثاني في عايلتنا
يارب لا تخيب رجاي كنت جالسه أدعي على سجادتي لما جاني أتصال قالت لي بنت هيام أن أسم الحرمه أم سعود
XXXXXXXXXXXXXXXX
للامـــــ أمنيه ـــــــــــــــــل
شفته جاني يمشي وخطواته مهيب متوازنه قمت فازه له علشان أعضده وأجلسه جنبي
منيرة : ناصر سم الله عليك وش فيك عسى ما شر ياعمري
ناصر : يمه أحس بشوية تعب وأرهاق
منيرة: أسم الله عليك يمه
ناصر : يمه تكفين لاتقلقيني
منيرة : أقول ناصر من قابلت اليوم وخلا مزاجك كذا
ناصر : الله يهديك يمه يني مين بقابل
منيرة : مادري عنك تعبان وأجلي الزواج وش فيك ياناصر أنا عارفه أن كل هذا هول وش فيك
ناصر : يمه ودي أسألك وجاوبي علي بصراحه نجلاء تزوجت
بصراحه أنصدمت في البداية بس بعدين قلت أحسن أنه درى هالحين
منيرة : أية تزوجت من شهر تقريبا ليه تسأل
ناصر : لأنك يا عمري يوم سمعتي بالخبر وطيران ماصدقتي ودك تخطبين لي بأي طريقه كانت حتى لوكنت غير راضي عن العروس بس عشانك وافقت
منيرة : ناصر أنا بس أدور مصلحتك وصدقني أنا مازوجتك لك حنان ألا بعد ما أستأ خرت في الأفضل لك وحنان هي أحسن وحده صدقني ياقلبي وخل ثقتك بالله ثم بي كبيرة
ناصر: يمه أنا إلى الان أحب نجلاء وأبيها أحبها يمه وما ني متخيل أني أعيش مع وحده غيرها يمه أنتِ ماتدرين وش هنا وأشر على قلبه
منيره: ناصر تعوذ من الشيطان هذا وهم وأنا أمك
ناصر : وهم يمه صورتها ليلة الزواج مو راضيه تفارق خيالي يمه أربع سنين وهي زوجي بخيالي أتخيلها في كل مكان أنا فيه وتقولين وهم
يمه أنا قلبي مايعرف مخلوق غيرها
يمه عمرك جربتي أحساس الموت أنا الحين أموت أنها مع أنسان غيري
منيرة: بسم الله عليك من الموت ياعمري
ناصر : تامرين على شئ يم
منيرة: مايامر عليك عدو ياقلبي جعلك سالم غانم ياقلبي يالله قوم نام
XXXXXXXXXXXXXXXX
دخلت على الوالدة والبنات وعطيتهم خبر أن هالاسبوع رايحين نحدد مع زوجتي وأهلها كل شئ بما في ذالك تفاصيل السكن وشروطي طبعا فوق كل شئ
شفت الوالدة تلطمت بشيلتها يعني غيرراضيه عن الموضوع ياربي سترك قلت لها
فيصل : عسى ماشر يمه
أم سعود : الشر كله زواج وتحديد كله هذا وأنا مالي وجود أجماعات خاصة وانا خبر خير ماعندي علم
فيصل :الله يهديك يمه أنت الكل بالكل
أم سعود :خلاص مادام أنا الكل بالكل شروطـــــي قبل شروطك
|
03-11-10, 01:13 PM
جديد مواضيع قسم القصص المكتمله من وحي قلم الاعضاء
العرض العادي
