كاتب الموضوع :
شبيهة امي
المنتدى :
القصص المكتمله من وحي قلم الاعضاء
الجزء السادس عشر
بسم الله الرحمن الرحيم
مسااء /صباح الخيراات
ماااروع التميز في جنباتك ياليلاس
شاااكره لكم التثبيت والتمييز
اسعدتوني ربي يسعدكم
الجزء السادس عشر
************
مع اشراقة الشمس
وسطوع اشعتها
توقفت السيارات
كان المكان بديع
ارض بكر
بساط اخضر
زهور الربيع
على مد النظر
الوان تداخلت بشكل سبحان الله
تغريد العصافير يملى المكان
وريحة الشيح والخزامى والنفل
تنعش الخاطر
::::::::::::::::::::::::::::::::::::::::::
نزلو من السيارات وكلهم شوق للفضا
والسعه والراحه اللي من اقبلو على
هالمكان وهم حاسين به
الرجال جهزو المكان للحريم وفرشو لهم الزل
وراحو لجهه قريبه من ورى السيارات
عشان ياخذن الحريم راحتهن
بعد ساعه كانت ام محمد وام نايف
وام عبد الله وجدتهم والبنات
جالسين على فرشتهم مستمتعين
بالجو والسوالف تدور بينهم
طفله جالسه معهم بجسمها بالها
وتفكيرها باللي صار بالسياره
بكل سهوله يقولي بنتي
لاا انا بنت بادي مو بنته .
طيب ممكن تكون عنده اسباب
خلته يتركني ويتخلى عني!!
لا لا لا مافي اب يترك ضنااه ماااافي !!
وضحى كانت حايسه تقهوي الحريم
ولاحظت مزاج طفله
عطت المهمه لاختها اشواق
وجلست جنب طفله دفتها من كتفها : بخخخ
طفله وهي مفزوعه
لأن وضحى طلعتها من عمق تفكيرها
: بسم الله وهي تحط يده على صدرها
فجعتيني يا بايخه
وضحى : الحلووو وش فيه
طفله : مافيني شي
وضحى: الا والله ان فيتس شي وشي ماهو بهين
طفله تلفت حوالينها تشوف احد منتبه لهن
وبهمس : ابوي بادي علمني
وضحى تحفزت وقربت اكثر
: بالله وشلووون وش قالتس
طفله بتكشيره : ابد يوم جينا قبل البارح من عندهم
علمني قالها لي
قالي ان ابو مساعد ابوي
وضحى ولا زالت علامات الحماس
في وجهها : وش سويتي يوم قالتس
طفله نزلت نظرها وسكتت شوي
: وش بسوي يعني سكت
وضحى لو شفتي وجهه يوم قالها لي
حسيت الموت اهون عليه
ما حبيت ا ني اصعبها عليه
وضحى حزنت على طفله وابوها بادي
وحست بهم صديقتها
شدتها : قومي قومي تعالي نتمشى شوي
طفله قامت بسرعه ودها تطلع
اللي بخاطرها لصديقتها براحه من دون
ما احد ينتبه عليها
ام محمد : وضحى يمه لا تبعدين انتي وطفله
وضحى :ابشري يمه
***********
جى محمد وهو مشمر ثوبه
نادى امه : يمه ابوي يقول لا تأخرون
علينا بالفطور
ام محمد وهي تتناول منه قدر صغير
فيه الكبده وشوية لحم
لزوم المقلقل ((لحم مقطع صغير
محموس على النار مع بصل ))
:ابشر انت وابوك
جت اشواق عند امها
وهمست لها : يمه شكلنا نسينا ...
ام محمد التفتت لبنتها بقوه
ومن بين اسنانها : وش انتن ناسيات ؟؟
اشواق وهي كاشه من ردة فعل امها
: يمه والله ما قصدت حطيته على الطاوله
ام محمد بقل صبر : اخلصي علي وشهو
اشواق : الملح والخبز
ام محمد تفرك يدينها ببعض : لا حول ولا قوة الا بالله
هالحين وش يفكني من كلام ابوتس
اشواق : يمه تكفين لا تزعلين علي
هالحين انادي محمد واقوله يروح لاقرب
محطه ويجيبهن وفعلا هذا اللي صاار
*****
عند الرجال بعد ما ذبحو ذبيحتهم وشبو نارهم
تولى ابو عبد الله الدلال و القهوة
عنده مزااااج يقلب بالنار
ويزل القهوة بدلالها ويقهويهم
وكل شوي يجيب له سالفه والا قصيده
والجو بينهم من اروع مايكون
بس ابو مساعد وبادي كانو اغلب
الوقت مستمعين
المزاج معكر من الكلام اللي دار بالسياره
بادي شايل هم من روحة طفله مهما
كابرت ابو مساعد ابوها ومقدر
امنعها منه واصلن مالي حق
ابو مساعد حز بخاطره زعل طفله عليه
وخوفه من مواجهتها وانه تطلبه تفسير
وتوضيح شلون خالها هو اللي يربيها
وانا موجود
يااربي والله ان زعلها علي كايد
وان نفسي ضاقت ابيها ترضى علي
هذي ريحة الغاليه الله يرحمها
*************************
ابو نايف : يا الربع انا متولع بالرمايه
ولي كم مارميت
وولدي متحديني اني ما اقدر اصوب على الشاره
من اول طلقه
ابومحمد با ابتسامه : وتبينا نحكم بينكم
ابو نايف : أي والله هذا اللي ابيه
ابو محمد بعد يحب الرمايه والصيد
لدرجة انه معلم بناته كيف يستخدمن السلاح
وكيف التصوييب ودائما يتبارى معهن وولده محمد
ابو عبد الله : شف يا ابو نايف ابو محمد بعد
يحب الصيد والرمايه مثلك نبي التحدي بينكم
انت وابو محمد ونايف ومحمد
واللي يفوز هو اللي بيعشينا من طبخ يده
ابو نايف وابو محمد : تم
ابو عبد الله :خلاص بعد صلاة العصر الوعد
ابو مساعد : أي والله خل ولدي مساعد يجي
غير يغلبكم
ابو محمد بمزح : ما يهبى
ابو نايف مواصل المزح :أي والله هالحين هالبزران
بيغلبونا حنا يالخبره
وضحكو على مزحهم وهم بانتظار العصر
والمنافسه اللي بينهم
*********
بعد الفطور
انتشرن البنات يتمشن ويلعبن اللي تحفر لها حفره كبيره
واللي تركض ماتبيهم يمسكونها
واللي جالسه هي وصديقتها ويسولفن
عند الحريم ام محمد بدت بطبخ الذبيحه
وجاراتها يساعدنها
وكل وحده تحط خبرتها بهالطبخه
**************
على الساعه عشره وصل مساعد
واهله وداهم لمكان الحريم
كانت وضحى تمشي هي وطفله
وحاطه شرشفها على كتوفها
ماهي منتبهه للي جى بسيارته
تناظر بطفله تبي تضحكها
كانت تبي تعبي مويه من الجالون الكبير
اللي على حوض الوانيت
و تسوي حركات بوجهها
و تحيول عيونها تمد لسانها
وطفله تضحك عليها يالخبله
:والله لو اسوي مثلتس يصدع راسي
وضحى: وش عليتس عيوني والا عيونتس
مساعد بالسياره شاف وضحى وعرفها
وابتسم على خبالها
ام ماجد : خلاص مساعد وقف هنا
الحريم مهن متغطيات
هند المطيورة : مسااعد شف هذيك طفله
مساعد بخبث: بالله وينها
هند وهي تأشر على طفله اللي لابسه عباتها
مساعد بضحكه : اللي لابسه الشرشف
هند بسرعه وغباء : لاا لاا ذيك بنت جيرانهم
الظاهر اسمها وضحى الثانيه ذيك طفله
ام ماجد : مساعد يبه ما يجوز كذا
كان ظربت بوري نبهنا البنيه مسكينه
مساعد بمزااج رايق : وهو يظرب بوري
ولا تزعلين هه نبهناها
وضحى وطفله يوم سمعن صوت السياره
اندسن ورى الوانيت وتغطن
طفله : الله هذا مساعد اكيد
جايب خالتي ا م ماجد وهنوده
وضحى : وجع يوجع الظالم ليه اخوتس
كذا فجعني هو والبوري حقه
ويومنه وصل وتمقلنا نبهنا
يا عيني عليه والله
الله من قلت ادب اخوتس
طفله وهي تضحك : هههه حدتس
ما ارضى على اخووي
وضحى : هههه بالعدال لا تقطعين
وانتي تقولين اخوي
طفله : ههههههه يختي خليني
والله انها كلمه تونس اخووووي
سامعه اخوووووووي
وضحى تكش بيدنها على وجه طفله : كش عليتس
انتي واخوتس قليل الادب
طفله : ههههههه والله لا اوريتس تشوفين
ما اخطبتس له
وضحى : ووووعع انا وضحى على سن ورمح
اخذ اخوتس الشيفه
طفله : بسم الله عليه والله انه يجنن
موتي ماهو بحاصلن لتس
اصلن انتي ميته عليه
من يوم ما صكت جبهتتس الارض
قدامه ههههه
وضحى وهي تقرص
طفله : ياربي منتس ليش تذكريني
بالموقف الخايس
طفله : اححححح عورتيني
وضحى : تستاهليين
طفله تسحب وضحى :قوومي خلينا نسلم عليهم
وضحى : اصبري خليني اعدل كشتي
طفله :هههه كشتتس مرتبه
لا تخافييين بتعجبين
خالتي ا م ماجد وبتخطبتس لاخووووي
دفتها وضحى :امشي امشي لا يكثر بس
راحن وسلمن عليهم
طفله بحفاوة : ياهلا ياهلا والله حيا الله من جانا
ام ماجد وهي تحضن طفله وبابتسامه : هلا بتس يا قلبي
وبعدها سلمت على هند
طفله : هنووووده هلا والله حبيبتي
هند : اشتقت لتس مووووت
طفله : وانا والله الحمد لله اللي جيتو
ام ماجد : أي والله من قالنا ابو مساعد
وهند مطيرتنا متى نروح متى نروح
هند : يمه لا تقولين عني كذا يحسبوني مطفوقه
ضحكن الحرريم على هند وخفة دمها
**********************
مساعد جى وجلس مع الرجال بعد
ماسلم عليهم وجلس عند ابوه
واخذ يد ابوه وباسها :شلونك يبه
ابو مساعد : طيب ياربي لك الحمد
مساعد : يبه علامك وجهك ماهوبعاجبني
ابو مساعد : مافيني شي بس يمكن قل نوم
مساعد يعرف ابوه اصلن نومه خفيف وقليل
واذا قال قل نوم معناه مانام ابد : يبه صاير شي
وناظر بخاله بادي
حتى خالي شف وجهه ما عجبني
انتم صاير بينكم شي علمني ؟؟
ابو مساعد : خالك علم طفله
مساعد ووده يطير من الفرح بس مسك نفسه
لا ينتبهون عليه الرجال
.والله يعني الحين هي عرفت انك ابوها
وانا ا اخوانها
بس تنبه على شي حال خاله وعرف وش فيه
ابوي ليش ما هو فرحان مثلي !!!
: يبه ماني حاس بفرحتك
ابو مساعد : الا يبه والله ان الدنيا ماوسعت فرحتي
بس اللي مكدر خاطري هي ماتبيني
تقول ان ابوها بادي بس وقالتها لي زعلانه
وانا لو بعلمها با اسبابي بيزود زعلها علي
ويمكن تكرهني
مساعد : انت كلمتها
ابو مساعد: اي اليوم وحنا جاييين للبر خالك قالي
قدامها وهي ساكته بس يوم نطقت ذبحتني يابوك
مساعد ضغط على يد ابوه : معليش يبه
استحملها مصدومه هي الحين ومع الايام
بيتصلح الوضع بينكم
بس يبه انت وش ناوي تقولها ؟؟
ابو مساعد : والله يابوك مدري !! بقولها الصدق
وناظر ببادي : انا حالي اهون من حال خالك
بالله قم شفه وخذ ما بخاطره
مساعد طيب يبه وقام وجلس
عند خاله : شلونك يا خال عساك بخير
بادي وهو يحاول يبتسم لولد اخته :الحمد لله يا ولدي
مساعد : تقوم تسابقني يا خال
بادي : ههه يالله حسن الخاتمه انا شويب
وانت ما شاء الله عليك شباب وربي معطيك
مساعد:هههه افى يا خال اكيد انك تخاف
من العين حتى انت توك شباب
اصلن انا ناوين ازوجك
بادي : لا لاااا يابوك ما هنا نفس للزواج
انا رجالن عاف الحريم
عقب ام طفله الله يرحمها
مساعد: ههه ماشاء الله عليك وفي ياخال
وفي بس ما فيها شي
بادي : صح ما فيها شي بس الدور عليك انت
ما عندك نيه تزوج
مساعد تبسم وجت وضحى
في باله : قريب يا خال ان شاء الله
بادي : اجل انت معزم
مساعد : والله النيه موجوده بس باقي بنت الحلال
بادي مسك يد مساعد واشر
براسه على ابو محمد وبهمس: لا يفوتكن
بنات ابو محمد تراهن من بيت اصيل
مساعد يجاري خاله بالكلام
: لااا ابو محمد عنده بنات ما شاء الله
بادي : اكبر بناته بعمر اختك طفله وهن رفيقات
مساعد يغير الموضوع : ايه على طاري طفله
ابوي علمني انها درت
بادي : اي درت والله يعين بس
مساعد : تأكد ياخالي انها بنتك وماراح نحرمك منها
بادي : تدري يا ولدي اليوم حسيت بعظم ذنبي
اليوم طفله ازعلت ابوها وانا السبب
مساعد : لا تضايق روحك ولا شي
طفله ماتنلام وش ما قالت
بادي : اعرف ياولدي ان فراقها عني مثل
فراق الروح بس
لو بغيتم انها تروح معكم جبرتها
مساعد : شف يا خال ما دام انت فتحت الموضوع
طفله ما حنا ما خذينها وتاركينك
كلكم بناخذكم
بادي : لا يا بوك انا مالي روحه معكم
انا هنا بيتي ومالي طلعه منه الا لقبري
مساعد : بسم الله عليك ياخال وبتترك بيتك
وتجي لبيتك الثاني مع بنتك طفله
اعرفك ما تصبر دونها
بادي : انا علمت ابوك من قبل واعلمك انت
ما انا بتاركن بيتي
وخلاص ياولدي خلوني على راحتي
***************
بعد صلاااة الظهر
غيمت السما وصار الجو بديع
ابو مساعد انسدح يقيل
وبادي جالس مع مساعد يسولفون
وابو عبد الله وابو محمد يلعبون ضومنه
وابو نايف يتفرج على لعبهم
والشباب يسولفون عن الكورة والمباريات
بسمه جت عند ابوها : يبه شف شف
وهي تمد له مجموعة زهووور صغيره باللون الاصفر والابيض والبنفسج
صالح : الله وش هالمزهريه اللي انتي مسويتها
بسمه :هذي وروود جمعتها لك يبه
صالح وجلسها بحضنه ورده جايبه لي ورد شكرا يا عمري انتي
وقعد يبوس فيها وهي تتضحك وتتلوى من الدغدغه
بسمه : بس يبااااه باااس هههههه خلاااص
صالح هههه ياعمري انتي
بسمه : وخر ابي اقوم
صالح :افى وين انتي رايحه
بسمه :بروح العب مع نوره وهيفا
صالح وهو يقوم تعالي معي
ابيتس تناديين امتس من عند الحريم
وفعلا راحت ونادت امها وصالح
واقف بعيد عن الحرييم وصاد عنهن
جت سا ره وشرشفها عليها وغطاها
: هلا صالح بغيت شي
صالح : تعالي هنا اقربي ليش تكلميني من بعيد
ساره قربت : هلا في شي تبي شي ؟
صالح : يابنت الحلال وش فيتس انتي
تراني ما اعض
ساره
:صلوووح عويذ الله منك ومن حركاتك لا تفضحني
حنا بين الناس
صالح : هههه هههههه ما دام عارفه حركاتي
تعالي نمشي شوي بعيد من هنا
ساره : طيب بس بلاها حركاتك تكفى
صالح : امشي وشبك اصابعه باصابعها
وقربها منه وراحو يمشون
ساره : صلووووحي اليوووم انا مبسوطه بالمره
صالح بابتسامه هاديه : الله يديم عليتس يا قلبي ليه مبسوطه
ساره بحيا : عشانك بجنبي
صالح : انا يا ساره اللي مبسوط اني
معكم وان الله سبحانه فرج عني
ساره : خلاص يابو نايف تكفى لا عاااد تجيب
طاري هاك الايام انساها
صالح: تبيني انساها عندي شرط صغير
ساره : آمرني وش تبي
صالح وهو يناظر بعيونها ويغمز لها : ابي نونو صغير
ساره بخجل وحيا : هههه هههه ههههه
صالح وش يضحكتس هههه
تراني ما قلت نكته
ساره : هههه معليش حبيبي لا تزعل بس هههه
انا حامل ههههههه
صالح بفرحه : والله قولي والله
ساره : والله العظيم
صالح : يارب لك الحمد يارب لك الحمد
ساره : مبسوط يا قلبي
صالح : اي والله اصلن متشفق على صغير
الاعبه واشم ريحته
ساره هانت يا عمري كلها كم شهر
وبتلاعبه وتضمه وتشمه على كيفك
صالح : الله يجيبه بالسلامه ويخليتس لي
وهو يضمها قوووة لصدره : هالحين خل نضم امه ونشمها
**************************************
طفله نادت هند : هنوده تعالي معنا انا والبنات نبي نتمشى
قامت هند مثل اللي عطوها افراج : اي يختي عطينا وجه من اليوم
وانا مرتزه بين الحريم
وضحى : ههههه عاد اكيد مرتزه غصبن عليتس
طفله : هههههه شفتيها شلون جالسه كنها بالمدرسه
ما بقى الا تحط اصبعها على فمها من الادب
هند: هههههه شوي واسويها
نوف : باقي الشبرات البيضا ( الشرايط) والمريول وتصيرين رسمي
طالبه مؤدبه خخخخ
هند: ههههه يووه باقي شنطة المدرسه نسيت اجيبها
اشواق: الله يقطع شركن لازم تجيبن طاري المدرسه
نوف : يووووووه من الخايسه اللي طرت المدرسه
طفله : ههههه يالكسلانات كل ذا كره للمدرسه
احمدن ربكن غيركن محروم منها
وضحى نطت عند طفله وحطت خشتها بخشت طفله : طفله !! طفله! ليش
ما ترجعين تكملين
طفله : ياشينتس انتي وخشتتس ابعدي شوي
وضحى: يابايخه كذا تفشليني
هند : ههههههههه ههههههه لقطي وجهتس
طفله وهي تحضن صديقتها : لااا كله ولا وضوووح ما اقدر على زعلها
تعالي هنا وحبت راسها
وضحى : ايه حبي راس عمتتس وضحى
طفله دفتها : عمتي ؟؟
وضحى : عمتتس وتاج راستس
طفله لااا مادام فيها تاج راسي ماني معلمتتس بقراري
وضحى : لا تعلميني وهي ترفع عيونها بغرور
أل ياخبر النهارده بفلوس بكره يبأى ببلاش
هند بخفة دم : كلللللللويششششش
طفله : ههههههههه يالخبله ليش هالزغروطه
هند بضحكه : مدري بس حسيت انا بمسلسل مصري
وهم بس يزغرطووون
وفكن البناات ضحك على هند وخبالها
نوف بنااات وش رايكم نتسااابق
من هنا لين هاك الضلع (( التله ))
البناات يله
قامت اشوااق وخطت خط بالارض
هذا خط البدايه وترى السباق
روحه وجيه مو لوصلتن الضلع وقفتن
اول وحده تمسك هالحجر هي الاولى
واستعدن لبنات ووقفن على الخط
نوف بصوت عالي
1 2 3
وانطلقن يركظن بكل حماس
اول وحده كانت نوف بعدها
هند واشواق وبعدها طفله ووضحى
وصلن الضلع طاحت نوف
وقالت وهي يالله تتنفس
:خلاااااص ما اقدر اكمل
البنات طنشنها وكملن ركظ
اول وحده وصلت كانت هند
وصارت تنط : فزت فزت
بعده اشواق وطفله ووضحى
اخر شي جتهم نوف تتمشى
: هند ههههه تراني انا اللي خليتتس تفوزين
هند تاخذها على قد عقلها
: شكرا يانوف شكررررا خليتيني
افوووز بصراحه انتي كريمه مررره
البنات كل وحده طايحه بجهه من التعب والضحك
اشواق: هههه يالله من زمان ماركظت كذا
طفله : هههه انا بصراحه اول مرة
اركظ واسابق حتى وانا صغيره
امي كانت تخاف علي ودايما
تقولي لا تركظين اخاف تعورين
وضحى : هههه وانت كنتي مره مطيعه
اذكر وحنا صغار اناديتس تلعبين معنا
هريبه و انتي تعيين
#(طيره –طش_حبشه) مدري وش تسمونها
بس لعبه كنا نلعبها وحنا صغار
واحد يعد والباقيين يندسون عنه
وبعيدين يحاول يمسكهم عرفتوها #طفله : هههه للحين بقلبتس
وضحى : هههه اي والله كنتي دايم هاديه ومرتبه
مستحيل اشوف شعرتس مو مرتب
ودايم لبستس نظيف
تصدقيين في شي من زمان ودي اسويه وما سويته
وقربت من عند طفله وشدت شعرها بقوه وهجت
طفله : وضحى يااازفته
وقامت تركظ ورااها والله
لا قطع شعرتس وانتفه
وصارن يتراكظن
والبنات حولهن يظحكن عليهن
بعد صلااة العصر
كان خلااص متغديين
وشاربين الشاهي المخدر على الحطب
استعدو الرجال للرمايه
ابو عبد الله وبادي وابو مساعد
كانو الحكاام وحطو شارتهم
الاولى واللي هي علبة بيبسي
الحماس كان على اعلى درجه
حتى الحريم فرشن فرشتهن بمكان
يشرف على الرجال حتى يتفرجن ويشجعن
اول من بدى الرمي كان محمد
وجابها ام محمد : ياقلبي يا حمووود
وخواته الصغارر يتناقزن مبسوطات
بعده نايف وجابها ام نايف ونوف
حظنن بعض و جدته تذكر الله عليه
بعدها مساعد جاب الشاره
وهند وام ماجد فرحن له
وطفله بعد بس ما بينت فرحتها
وضحى تسوي عليه كش من تحت
لتحت وطفله تضحك عليها
بعده ابو نايف وجابها بكل سهوله
ام نايف شوي وتزغرط من فرحتها بابو عيالها
ونوف تدمع عيونها من شوفت ابوها
ابو محمد رمى الشاره وجابها بعد بكل سهوله
بناته فرحن لابوهن
ووضحى : ايه هذي الرمايه مو بعض الناس
طفله ميته من الضحك على وضحى : الحين هو وش سوى لتس
وضحى : يختي خليني قاهرني هالمساعد
طفله : لييييه عشانه الوحيد الشاهد
على فشيلتتس يوم طحتي
وضحى :ايه وهذي هينه
طفله : ايييه خلاص فكينا هالحين الشاره الثانيه
وفعلا كانو حاطيين الشاره الثانيه اللي عباره عن سيجاره
والرمي من اول طلقه اللي ما يصيبها يطلع برى المنافسه
محمد ونايف حاولوا بس ما صابوها
الثالث مساعد وجابها بحكم انه عسكري
بعده ابو نايف وجابها وابو محمد صابها بعد
انحصرت المنافسه بين مساعد وابو نايف وابو محمد
الشاره بعد كانت سيجاره
بس المسافه ابعد شوي
رمى مسااعد وصابها
وجى دور ابو نايف وتوتر بس
حاول انه يركز
ورمى بس للاسف ماصابها
تضايق انه فقد مهارته
والا اول يجيب اللي ابعد منها
وكان يصيب اية هدف متحرك ماهو هدف ثابت
جى ابو محمد ونزل شماغه
ونزل جاكيته ومسك البندقيه
وثبتها تمام واطلق
ووطبعا جابها بكل سهوله
لانه دايم يدرب نفسه على التصويييب
بكذ ا صار التحدي بين ابو محمد ومساعد
ابعدو الشاره مسافه ابعد
وصارت المنافسه اقوى
ام محمد وبناتها مع ابوهن طبعا
وصارن يدعن ان ابوهن هو اللي يفوزز
وام ماجد وهند مع مساعد
وهند ارتفع عندها الحماس ووقفت
عجزت تجلس عشان تشوف مظبوووط
وطفله ماقدرت ما تحمس لأخوها
وصارت تدعي وتشجع انه هو اللي يفوزز
ابو محمد بمزح : هاه يا مساعد ما تستسلم وانا ابوك
مساعد يبادله المزح : الا انت ياعم ما تستسلم احسن
ابو محمد : هههه لااا والله ياولدي
انا رجالن استعرض قدام ام العيال
بادي : ههههه اجل خل الولد بعد
يستعرض قدام البنات
مساعد ارتبك من كلام خاله
وصوب على الشاره
وجى بخياله طيف وضحى
واطلق على الشاره
و اخطاهاا
وضرب على ركبته مقهور من نفسه
وضحى فكت ضحك
وهند جلست بخيبه
طفله قرصت وضحى : بلا ضحك يا سخيفه
وضحى : هههه والله غصبن عني
ابو محمد استعد وصوب وجاب
الشاره بكل سهوله
وقاموا الرجال وهنوه وباركو له بالفوووز
والفرحه عند البنات ما توصف ابوهن وفاز
وذاتا وضحى عشانه فااز على مساعد
ابو محمد بفوزه وورررط نفسه بطبخ العشا
ووعدهم بعشا معتبر من طبخ يده
*************
قراءه ممتعه
|
08-12-10, 08:59 PM
جديد مواضيع قسم القصص المكتمله من وحي قلم الاعضاء
العرض العادي
