كاتب الموضوع :
Gal2com
المنتدى :
الارشيف
السلام عليكم كل عام وانتم بخير ... وعساكم من العايدين الفايزين
حبيت انزل الفصل الخامس ... قراءة ممتعه
الفصل الخامس :
وفي ساعات الليل الأخيره ومع بداية تباشير الصباح الساعة الآن الثالثه صباحاً على مدينتنا الدوحة سكوووون تام الأ من بعض الهمهمات التي تعلن استيقاظ
البشر للأستعداد للصلاة الفجر ... لحظات وسمع صوت يتعالى من بين لحظات السكون مااجمل هذا الصوت تشعر به وكأنه يتغلغل في أعماقك لتستكين به الأنفس إنه صوت نداء الاذان لتمتلىء القلوب بالاطمئنان ويعم الصوت ارجاء المكان يا لروعه هذا الجمال فيتعالى ويتعالى ويتعالى النداء حي على الصلاه .. حي على الصلاة لتهدى كل نفس وليستيقظ كل نائماً ليلبي نداء ربه0
لاإلـه إلا الله مـحمد رسـول الله ... يـاعيال قـومـوا يالله الصلاة .. سـلطان .. يالله إلـحق عـلى الصلاه .. نـــايف .. يــالله يابــوك قـــوم تــعوذ مـن بـــليس وصــل .. يالله انا بسبقكم على المسجد .. ومــر بوسلطان عـلى بناته يــقيمهم للصلاه لــقى بـــــدور لـــين الــــحين ســـهرانه ..
صبحك الله بالخير .. يبه ..
صبحش الله بالأمن والأمان وطاعة الرحمن .. لين الحين سهرانه
ايه يبه علشان اقومكم .. نخلص بسرعه علشان نمشي دام حنا في البراد قبل لاترتفع حرارة الجو ..
ههههههههه الله يصلحش كـل ذا حرص على الســفره .. يالله قــيمي خوانش وخواتش انا رايح ..
راحت بدور لأمها في المطبخ لقتها تسوي القهوه والشاهي علشان في الطريق يتقهوون منها ومجهزة فطاير بعد للطريق ... هاااااه يمه خلصت تبيني أساعدش
لا مشكوره انا خالصه انتي قيمي خواتش خليهم يخلصون علينا نبي نمشي مع بعض ولانبيهم يتأخرون بسببنا ...
ان شاء الله يمه .... وراحت تقيم اخوانها وخواتها يصلون ويخلصون ويجهزون للسفر ...
............................................................ ...............................
وفي بيت سلطان السوري معلنه حالة الطوارئ ... وين فرشاة شعري ماشفتيها
ونعالي الصندل وينهي ... يووووووووووووه ياربي يمه وين جوازي شفتيه
السوري ومرض صجيتينا بصياحش من صبح كل هل الدوحة درو ان ساره بنت سلطان بتسافر ... مسببه ازعاج من الصبح ...
وانت ويش اللي لقفك ياشينك ... رجاءاً لا تخرب مزاجي من الصبح .. شيوخ شفتي جوازي ...
شيخه : تلقينه في الكمودينو اللي تحت مع باقي جوزاتنا ... ادري فيش لو اتكلت عليش عزة الله ضاعت الجوازات ...
ساره : زين عباتي وصندلي الأسود وينه ..
شيخه : حضرت جنابش منزلتها من الليل علشان على قولتش ماتتعطلين سيده على الباب .
دخلت امهم عليهم هااااااااه خلصتوا والا مطولين مابقى شيء يابنات
العنود : يمه انا خالصه وجهزت لكم دلال القهوه والشاهي وجهزت السندويشات والفطاير علشان في الطريق تاكلون منها ...
هند : بعدي بنتي كامله والكامل الله ...
فهد وزايد : من يشهد للعروسه ... أكيد أمها ..
شيخه : ايه والله ماكنا نسوي شي كل شي العنود .. ماكنه عندش ثنتين أقصد وحدة مثلها سنعه ... اللي هي شيخه بنت سلطان ..
ساره : هيييييييييه وجع نسيتيني .. ماكني أختش .
شيخه : اسمحيلي من قل نفعتش المفروض مانذكرش .. محسوبه بالإسم أخت
والا شغل البيت غاسلين يدينا منش ..
زايد : ولايهمش بكره اتولاها لش واخليها ست بيت عـــدله
شيخه : ماظنتي مامن وراها فايده ...
فهد : اقول يمه ابوي وينه خلص ...
هند : ايه خلص يلله خلونا ننزل علشان نحرك ترانا تأخرنا ...
العيال والبنات يلله ......
............................................................ ..........................
في بيت العمه منيره :
ماتبين تسافرين ياامش وتغيرين جو لش ولعيالش ياهيا ... الله يرضى عليش لاتحرمينهم مساكين من يوم دروا وهم طايرين من الفرحه لاتخلينها في خاطرهم
لا يمه مالي خاطر بالسفر وبعدين دوامي يمكن يردون علي و يقبلوني ويقولون باشري العمل اذا تبين تروحين روحي وانا مابه خوف علي عندي عيالي والخدم في البيت ولاني بزر .. ينخاف عليها والحمد لله الديره آمااااان ...
بس مايجوز كلن بيسافر حتى رجلش معهم يمكن مايرضى بقعدتش بروحش
ماله شغل فيني ... كلها ايام وكلن يروح بحال سبيله ..
يابنتي تعبتي قلبي معش .. خلاص انا بقعد هونت معادني برايحه مكان
يايمه مايصير كذا ... ماردت عليها امها .
يمه .. يمه .. ماتبين تكلميني ... خلاص بااسافرمعكم ولاتزعلين
بجهز العيال والشناط تبيني اجهز لش شنطتش يمه ...
لا بس اعملي حسابش ترى اللي بيودينا هو سعود ولاتناقشيني زياده
ليش يايمه تبين ترخصيني اكثر ...
ويش ارخصش ... الظاهر اني ماعرفت اربي ياهويا خليتش فتره قلت لين تهدا وتعقل بس الظاهر فسرتي سكوتي شيء ثاني .. والحين خلصيني قومي اجهزي ولاعاد اسمع خرابيطش مره ثانيه ..
ان شاء الله يمه بجهز نفسي وعيالي ... وراحت لغرفتها
............................................................ ........................
تجمعت كل السيارات عند بيت عمهم نايف بدو يتوزعون في السيارات وكان ترتيبها بالشكل هذا .......
سيارة نايف كان فيها ( نايف وولده فيصل يسوق فيه ومعه امه وخواته مها ومنى ووصايف )
سيارة مشعل فيها ( مشعل وسلطان يسوق فيه ومعه امه وخواته الجازي وحصه ووبدور )
سيارة سلطان فيها ( سلطان وولده محمد يسوق فيه وامه وخواته العنود وشيخه وساره )
سيارة تركي معه زوجته وعياله وسيارة سعود مع عمته وزوجته وعياله وآخر سيارة هي سيارة العيال فيها ( زايد وناصر وفهد ونايف ومشعل وعبد الله ) طبعا سعود ولد سلطان ماسافر معهم بيلحقهم عقب ... وتحركت السيارات ...
في سيارة العيال الطبلون واصل حده ولأجواء عندهم آآآآآآآآخر وناسه زايد يسوق وناصر جنبه ومعلين على الأغاني والجماعه اللي ورى مستنزليين على اغنية ...
هبت رياح الصيف وتغير الجو
وانا وليفي مايداني سمومه
كنت احسبن شمس الضحى ياسيدي نو
ريان عوده زايدن بالنعومه
ويغنون مندمجين معها طبعاً الحبايب مواصلين من أمس ومقيمين العبط ...
ناصر يشوف سيارة عمه سلطان يكبس لهم على اساس يخفف شوي من السرعه وزايد يضحك .... شوف ياناصر شوف الشيبه يكبس لنا يبينا نخفف اعرفه ابوي وذي حركاته وقام يخفف علشان ابوه .
............................................................ .........................
وفي سيارة نايف بن سعود فيصل كان قاعد يسوق بابوه وامه وخواته وراه اللي يسولف واللي راقد واللي يتناقر كل العاده ... فيصل يسوق وهو فاسخ الغتره سمع مها تكلمه التفت لها ...
مها : فيصل فديتك ياخوي شغل سي دي حمد العامري تكفى الله يخليك
وصايف وهي منعسه شوي : لالالا لا يافيصل لاتشغله الناس يصبحون ويستغفرون ربهم وهي طالعه لي باغاني .. اقول اتركك منها تبي تركبك ذنوب
مها : اقول يالبزر ممكن تسكتين احسن لش لااسكتش بذا السندويشه بحلقش
فيصل : اقول خلصنا يابنات ترا ماراح اشغل شي لحد مانخرج من الجوازات وقبضت طريق الامارات فأحسن لكم تسكتون وتريحون اعصابكم ...
منى : اقول ياخوي يافيصل مامعك بنادول احس راسي بينفجر
فيصل : بسم الله عليش سلامتش الحين المحطة اللي قدامنا بوقف عندها وباخذ لش بنادول .. تصبري بس شوي
ام سعود : تعالي انسدحي على رجلي اهمز راسش شوي لين نوصل المحطة
منى : لايالغاليه بتحمل شوي مابقى عليها شي قربنا منها
مها : انا بااهمزها يمه كم منى عندي ... آآآآآآآآه يمه ليتش وقفتي على منى بدل علة الأكباد وصايف
وصايف : تراني اسمعش .. بس ماراح ارد عليش
............................................................ .........................
وفي سيارة سعود بن نايف عمته منيره قاعده جنبه وقاعده تصب له القهوه وتسولف معه وهو يسولف معها وطول ماهم يسولفون هيا ملتزمه الصمت ومرقده الريم في حظنها ومحمد على رجلها والخدامه جنبها وجالس جنبها ولدها نايف ... وطول الطريق سعود ماشال عينه من المرايه الاماميه للسياره يبي يلمح هيا والا عينها تجي في عينه ....
منيره : هيا يابنيتي قربي حرارة الفطاير خلي سعود يفطر منها
هيا : ان شاء الله يمه .... سمي يمه
منيره : قربيها لسعود .. يدي مشغوله بالدلال
هيا كانت متردده ماتبي تقربها علشان ماتشوفه للحين شايله في خاطرها عليه ومانست ضربه لها .. وجرحه لها بكلامه ..
هيا : يمه الريم في حظني ولاابي اتحرك بعدين بتقوم ولاهي بساكته علي .. اخذيها انتي ..
سعود : أأأأفاااااااااااااا ماتبين تريقيني من يدش الحلوه ؟؟؟
هيا : بيحلى ريوقك من يدين امي يكفي انها مسويته علشانك ..
ضحك سعود على حركة هيا بينه وبين نفسه وحس انه فقدها حيل واشتاق لها وقرر انه يصلح الامور من بينهم ويمكن تكون السفره ذي فاتحة خير عليهم ..
............................................................ ..........................
اما في سيارة مشعل بن سعود الأجواء ساكنه البنات راقدين ومافيه حد صاحي
الا مشعل وفاطمه وولدهم سلطان ...
سلطان : يمه ولاهنتي صبي لي قهوه ذبحني النعاس
ابوسلطان : قومك سهرتك البارحه انت وعيال عمك ..
سلطان : تدري يبه جلست شباب ولعب ورقه وسوالف وضحك وماحسينا بالوقت
فاطمه : سم ياسلطان .. الله يهداكم تدرون وراكم غبشه ليش مارقدتو بدري شوي
سلطان : تطمني يام سلطان .. شفتي القهوه ذي بتصحصحني عدل .. هذي قهوتش لايعلى عليها تسلم يدن سوتها
فاطمه : الله يسلمك ياولدي .. يابوسلطان مد فنجانك خل اقهويك
ابو سلطان : تسلمين .. ماعندكم شي يوكل ..
فاطمه : الافيه ويش بغيت اللي تبيه موجود ... سم يابوسلطان
ابو سلطان : سم الله عدوش .. تسلم يدش
............................................................ ............................
وفي سيارة العم سلطان اللي كان يسوقها محمد ولده وسلطان قاعد يسولف ويتقهوى من القهوه اللي مسويتها العنود ويفطر من الفطاير والسندويشات
ساره تمللت من الجلسه وزهقت التفتت على خواتها لقتهم في سابع نومه وهي الوحيده اللي ماجاها نوم نطت من مكانها لين وصلت محمد ...
ساره : محمد فديتك شغل شريط الوسمي
محمد : معليه بشغله بس ماهوب ذا الحين
ساره : وليه ان شاء الله
محمد : السوري فديتش الحين بشغله اذا مسكنا الخط
ساره : زين تمللت ... ويش اسوي
محمد : سوي مثل خواتش ارقدي
ساره : مافيني نوم ...
محمد : سكر عيونش وبيجيش النوم .. وخلاص لاتصجيني وخليني اسوق بنفسي راسي مصدع
ساره : آآآآآآسفين ازعجناك ... ماااااابه حد تعصبون عليه الا انا ..
ابوسلطان : يابنيتي يالسوري .. الناس الحين الصبح تونا ماامداش تضيقين حتى ماوصلنا للمراكز ... خلاص قالش بيشغله عقب ...... لاتسوينها سالفه وتزعلين وانتي لوماكنت غاليه ماسافرنا علشانش ..
ساره : تقوم وتحب راس ابوه وراس محمد فديتكم يارب يخليكم لي
............................................................ ..............................
وبدأت مسيرة السيارات تجتاز مناطق الدوحة البعيده عن عاصمتها اللي هي برا البلاد في ساعات الشروق الأولى ولم تكد الساعة تصل السادسة والنصف حتى وصلوا الى مركز سلوى وتم تقديم الجوازات وبذلك تم خروجهم من المراكز القطريه للدخول الى المملكة العربية السعودية الشقيقه وبعد الإنتهاء من الإجراءات بدأوا طريقهم الى الإمارات العربيه المتحدة ....
............................................................ ............................
في سيارة العيال زايد يشوف من المرايه مشعل وفهد ونايف وعبد الله راحوا في سابع نومه حب يستنذل فيهم التفت يكلم ناصر جنبه ...
نويصر : شوف ... شوف العيال اشكالهم تحفه كل واحد منهم غادي له شخير ونخير تبيني اروعهم شوي ...
ناصر: الله يخسك يازيود ويش بتسوي بهم ... خاف ربك فيهم خلهم راقدين خصوصا عقب سهرتنا البارحه
زايد : تبي تعرف ويش باسوي بهم اربط حزامك ... وثبت نفسك ان ما رجيتهم لك
مسك زايد بريك قووووووووووووي وبحكم انه كان سايق بسرعه يوم مسك بريك طير العيال وخبصهم لأنهم كانو راقدين ولاهم متمسكين وشوفو الدعاوي والسب اللي على اصوله وزايد وناصر ميتين من الضحك على اشكالهم طيروا النومه منهم عدل ... ( انذال صح ) ....
وبعد ان قطعوا مسافة لأبأس بها كانت الساعه تشير إلى السابعه والنصف توقفوا عند أحد المحطات للإستراحة قليلاً من عناء السفر ...
............................................................ ...........................
زايد نازل في المطعم اللي في المحطة معه ناصر علشان يشربون كوفي علشان يصحصحون وهم قاعدين ينتظرون جاء لهم مشعل وفهد ونايف وعبد الله وأخلاقهم قافله على حركة زايد ... اول ماجلسوا زايد ماقدر يمسك نفسه قام يضحك يوم تذكر اشكالهم وهم طايحين على بعض ...
مشعل : ههههههههههههه مايضحك انت ووجهك مستانس الله لايبارك في عدوك
فهد : شووووي وفر لك الحمد لله والشكر المفروض ابوي مايسلمك السياره لين تركز شوي .. خضيهنت بطونا الله ياخذ عدوك ..
نايف : ضحكت بلا سن ... وووجع ... فهد سكت اخوك لاادوس في بطنه
عبد الله : آآآآآآآآآآآآآه يا رقبتي ... ههههههههه مااعتقد فيه شي يضحك
زايد وناصر ماوقفو ضحك واستفزوا العيال وهم حيل شايلين عليهم
عبدالله وسلال يضرب بطنك انت واياه اعنبوكم بغيتوا تمصعون رقابنا والله لواني راكب مع ابي وفيصل ابرك لي الف مره من مقابل وجيهكم ... بس حنا فيها بااركب معهم اذا مشوا ذا الحين ...
مشعل : لاتشيل هم عقب اللي سواه فينا يحلم اقبضه الموتر ... تعال افطر وانا اللي بسوق بكم
عبد الله : اكيد ...
مشعل وفهد ونايف : اكيدين
............................................................ .............................
يا طويل العمر مثل ماقلت لك فيه تلاعب كبير في حسابات الشركه وبعدين فيه مناقصات كل ماحاولنا ندخل فيها نلاقي شركة بو عبد الله ماخذتها انا اشك ان له جواسيس في الشركه ..
الله يهداك ياعبد المحسن .. كل هذا يصير وتوك تتكلم
سامحني ياسعود بس انا بلغت ولد عمك سعود عن شكوكي وقالي ابلغك علشان تقدرون تتصرفون عدل ... ومثل ماتعرف يد وحده ماتصفق بس اللي لازم نعرفه الحين من هم الجواسيس ..
سعود : خلهم علي وانا بكشفهم ماابي اظلم حد واقطع رزقه قطع الأعناق ولا قطع الأرزاق ياعبد المحسن ... خلني لين اتأكد وعقبها بتصرف ...
عبد المحسن : تآآآآمر طال عمرك وانا بأبطل عيوني عدل وبأوصلك الأخبار أول بأول .
سعود : خلاص وعلشان مانحسسهم بشيء خل الأمور تمشي عادي وأنا بسافر الأمارات على أساس انهم يحسون إن الساحه خلت لهم
عبد المحسن : تروح وترجع بالسلامه
سعود : الله يسلمك
............................................................ ...........................
وعند المحطة وفي سيارة سعود بن نايف وهم واقفين عند كافتيريا علشان يشترون قهوه للسعود طلبت منه عمته منيره يقربها من استراحة الحمامات
وقربها ونزلت ويوم بغت هيا تنزل من السياره قفل سعود بابها حاولت تفتحه ماقدرت وبعدين إلتفتت على سعود تكلمه ......
هيا : وبعدين معك ياسعود بطل الباب لي ابي انزل
سعود : خلينا نتكلم ياهيا انا خليتش تفكرين وتهدين بس كل ماجيت ابي اشوفش رفضتي
هيا : قلنا اللي نبيه ياسعود مااعتقد ان فيه كلام ثاني
سعود : ياهيا الكلام اللي نقال كان في لحظة غضب وماينشره عليه
هيا : ياسعود الله يخليك انا ماصدقت اكون نفسي من جديد وانت لا تنتظرني الله يسهل عليك ياولد خالي
سعود : ويش تقصدين بذا الكلام ... مافهمت
هيا : يعني ياولد خالي انت رجال وماتنرد شوف لك بنت الحلال اللي تسعدك
سعود : والله وانتي ويش
هيا : النصيب وقف بينا خلاص احنا من البدايه ارتباطنا كان غلطة والحين انا قاعده اصلحها ..
سعود : ماشاء الله يامدام وشلون بتصلحينها برايش
هيا : عن الطنازة ياسعود ... والحل ان حنا نتطلق
سعود : زييييييييين وإذا قلت لش ماني مطلق وبخليش معلقه لاني ماابي رجال يربي عيالي
هيا : مايهمني ياسعود حتى العرس ماعاد لي خاطر فيه
سعود : بااعتبر ان الكلام اللي صاربينا ماكنه صار وحرك سعود بعد ماركبت عمته وكانت الأجواء بالسياره متوتره وماريحت منيره وهي اللي كانت متعمده تتأخر شوي تبيهم يتكلون مع بعض يمكن تتراضى النفوس .....
............................................................ ................
في سيارة سلطان السوري مقيمه العبط وقاعده تترقص على أغاني الوسمي ومحمد وابوه يضحكون عليها وهلى هبالها وهم واقفين عند الكفتيريا ومحمد ياخذ طلباتهم .. ساره تكلم محمد بهمس : الله يسلم قلبك ابي انزل الجمعيه اللي في المحطة تكفى
محمد : لاوين تنزلين المحطه كلها رياجيل فضيحه قولي ويش تبين وانا باانزل اجيبه لش
ساره احترت فما كان قدامها إلا ابوها مسكت شيلتها ورمتها على أبوها انا طالبتك يابوسعود ان تقول تم
سلطان : ضحك على السوري ... تم وانا ابو السوري
ساره ابي انزل مع محمد الجمعيه ابي اغراض ومحمد يمكن مايعرفها تكفى يبه
سلطان خلاص انزل معها يامحمد ونزل محمد معها وقرب يهمس لها كبر امورش سويتيها ودخلتي الشيبه يله انزلي بسرعه اخلصي علي بسرعه لايشوفونش اخوانش والله ان يقصبونش تعرفينهم ماعندهم دلع ...
ساره : زيييييييييييييين مايسوى علينا طلعت نزلتي ذي من عيوني وبعدين انا ابوي سامح لي اخوانك ويش خصهم ...
محمد : السوري عيب ذا الكلام مهما كان ذولا أخوانش الكبار وشورش عندهم
ساره : خلاص ولا تزعل بآخذ أغراضي بسرعه وبنرجع بسرعه
............................................................ ..........................
عند المساء كان سعود يزور بيت خاله بو فارس
يالله انك تحيي سعود وينك ياولدي ماعاد حدِ شافك هقوتي إنك نسيتنا
سعود : والله ياخالي إنكم على بالي بس تعرف مشاغلي كثرت ويالله القى لي وقت
بوفارس : فارس قم ياولد خلهم يجيبون القهوه وخلهم يجهزون عشاء سعود
سعود : خيرك سابق ياخالي لاتكلف على روحك انا جاي اتقهوى وعقب بااسافر للأمارات الحق هلي ...
بوفارس : حلفت عليك تعشى عندي يابوك من زمان ماشفناك ومانشوفك الا سرقه
سعود : ولايهمك ولا اخليها في خاطرك قم يافارس وتوصى فيني بالعشى الزين وانا اخوك ....
فارس : تم وعلى ذا الخشم ... كم مره بيجينا سعود وقام فارس لداخل البيت اما ابوه التفت على سعود وقاله : سعود ياولدي بغيتك بكلمه
سعود : سم ياخالي ... آآآآآآآآمر
بوفارس : مايامر عليك ظالم ياولدي ... بس بغيتك في سالفه ولاابي فارس يدري اني قلت لك شي ...
سعود : تآآآآمر واللي بتقوله بينا ... ويش السالفه
بوفارس : فارس ياولدي ياسعود
سعود : ويش بلاه ياخالي
بوفارس : طلعوه تقاعد ياولدي ... وكاسر خاطري ماخلى مكان ماقدم عليهم وماحد منهم رد عليه وحالته حاله ويوم شفت حالته كذا قلت له ليش ماتروح لسعود يمكن يتوسط لك عند ابوه واعمامه لكنه عيا يقولك شي مستحي منك
سعود : ويش يستحي مني ذا شيء جديد .. ماهقيتها منه انت ماعليك منه وخله علي انا بااتفاهم معه بعدين ....
دخل عليهم فارس يقول لهم يقلطون للعشى وقاموا كلهم وبعد العشاء طلع سعود منهم عقب ماسلم عليهم ...
(ملاحظة: يمكن بتتسألون من هم عائلة بوفارس ... بوفارس خال سعود اخو امه الكبير وعمره 55 سنه وزوجته ميثه عمرها 50 سنه وعنده من الأولاد فارس 30 سنه وعلي 28 سنه وبنت وحده هي وضحه عمرها 24 سنه )
............................................................ ..........................
في الجمعية عند ساره ومحمد ......
محمد قد اخلصي علي ... اعنبوا دارش مهاجره انتي ماخليتي شيء ماخذتيه
ساره : ياحبيبي هذي ماهيب لي وبس هذي للشله كامله
محمد : المهم اعجلي علي لا يدخلون اخوانش علينا ترى فهيدان مايتفاهم
ساره : فهيدان وفهيدان ... زيييييييييييين خلصت امش يله انت حاسب وانا بآآآآآروح السياره ..
محمد خذ الأغراض منها وراح يحاسب وساره توها طالعه من باب الجمعيه الأ في وجهها أخوها زايد توه داخل من الباب وتفاجأ بها ..
زايد : السوري ويش اللي منزلش هنا .
ساره : هاااااااااااه لا بس انا نازله مع محمد اخوي ومستأذنه من أبوي .
زايد : زيين خلصتي ... يلله امشي للسياره لااحد يشوفش .. ولاعاد اشوفك متعودتها مره ثانيه
ساره : زيين ماني بمتعودتها بس لاتعصب ... مشت خطوتين والتفت عليه اقول زيود شرايك اخاويك واوسع صدرك ... هااااااااه ويش قلت .
زايد وهو رافع حاجبه : لا والله والعيال اللي معي وين اوديهم .
ساره عادي عيال عمي يعني مابه حد غريب .. وبعدين خابريني وخابرتهم حافظين خشتي وحافظه خشتهم .
زايد : تدرين الشرهه علي معطيش وجه آخذ واعطي معش قومي انقلعي لاذا العقال يلعب على ظهرش ..
ساره : لالالالالالا ولا عقال ولاهم يحزنون اروح بكرامتي احسن لي ... آآآآآآآآف مشكلة التخلف .
راحت منه وهو قاعد يضحك على هبالها وعبطها ويقول في خاطره (البنيه ذي مهيب صاحيه ) ..... ودخل للجمعيه يشتري لأخوياه الأغراض اللي يبونها ..
............................................................ ...............................
في الدوحه الساعه الحين ثنتين الظهر ... في مجلس تنتشر فيه رائحة العود والمقهوين يدورون بين المعازيم بدلال القهوه يصبونها عليهم واللي يوزع التمر واللي يصب الشاهي والمعازيم هم ضيوف ابو عبد الله اللي هو حمود بن عبد الله بن سالم وهو منافس كبير لشركة عيال آل سعود ...
نبذه عنه : ابو عبد الله رجل اعمال كبير هامور من هوامير البورصه من اكبر المنافسين ذمته واسعه مايهمه شيء غير نفسه ولا عليه من الباقي يحب الفوز دايماً مايهمه كيف بس اللي دايماً ينافسه في السوق هي شركات آل سعود علشان كذا ناشر جواسيسه في شركاتهم يوصلونه بأخبارهم علشان يقدر يضاربهم في السوق طبعا متزوج من بنت عمه موضي وهي مره متدينه ومايعجبها تصرفات زوجها وتحاول قد ماتقدر تربي عيالها على الخوف من رب العباد وطاعة نبيه بس لللأسف ولدها عبد الله طلع يشبه ابوه في قسوته وظلمه كانت دايماً تدعي له بالهدايه لأنه وحيدها اللي طلعت به من الدنيا ...
عبد الله : عمره 28 سنه توه متخرج من جامعة الطيران طويل حنطاوي البشره عيونه عسليه شعره بني غامق ظالم قاسي اناني مثل ابوه .
نرجع لمجلس ابو عبد الله الذي لايخلو من الحش والذم والقيل والقال في فلان وعلان وكانوا يتكلمون عن بوعبد الله وولده وانه انسان طايش واللي مثله المفروض يكون عنده عيال شوي ودخل عليهم بوعبد الله يقلطهم للغداء
............................................................ .........................
وفي الساعه الثانيه والنصف ظهراً وصل موكب سيارات العائله الى مدينه دبي التي تسرق الأضواء بمبانيهاومجمعاتها وناطحاتها العاليه تسر النظر وكأنك في مدينه خياليه ...
وبعد لحظات بدأت عملية البحث عن شقق فندقيه للسكن طلباً للراحه من عناء السفر ليجددوا نشاطهم حتى يتمكنوا من الطواف في دبي لزيارة مجمعاتها ومراكزها الترفيهيه وأسواقها الشعبيه ...
وتم الحجز في أحد العمارات للشقق الفندقيه كل عائله مع بعض والعيال توزعوا على مجموعتين .... طبعاً كل الشقق عباره عن غرفتين وحمامين وصاله ومطبخ وكان توزيعهم كالتالي :
1- شقة العم نايف مع زوجته نوره وبناتها كانت شقتهم في الدور الثاني
2- شقة العم مشعل مع زوجته وبناته شقة العم سلطان مع زوجته وبناته وشقتهم في الدور الثالث
3- شقه للعمه منيره وهيا بنتها شقتها كانت في الدور الثاني
4- شقه لتركي وزوجته وبناته في نفس الدور اللي فيه اهله اما بالنسبه للشقق العيال كانت في الدور الرابع بس انه مالقوا حجز جنب بعض
5- شقة العيال الأولى وفيها ( زايد وناصر ومشعل وأكيد التنائي فهد ونايف )
6- شقة العيال الثانيه وفيها ( محمد وسلطان وعبد الله وسعود بن نايف )
............................................................ ....................
في شقة العمه منيره : هيا تسبح عيالها من بعد السفر علشان ترقدهم شوي يريحون وهي بعد تريح لها شوي اما بالنسبه للعمه منيره فكانت قاعده في الصاله تنتظر سعود اللي كان يدخل الشناط للشقه ..
منيره : ياجعل ربي يكبر حظك يعطيك العافيه يابونايف
سعود : الله يعافيش يمه وين تبيني احطهم
منيره : خلها منك وحطها في الصاله .. وتعال قابلني خلني اقهويك
سعود : تسلمين يمه بس ماهوب ذا الحين خليها بعدين بروح اسبح واريح شوي ..
منيره : خلاص وانا امك روح ارتاح لك شوي تعبت من الصبح صالبن روحك وانت تسوق بنا الله يحفظك لعويلك ويحنن قلب بنتي ويهديها
سعود مبتسم وهو يلمح هيا من بعيد داخله وحده من الغرف ويطول صوته ايه يايمه ذي الدعاوي الزينه كثري لي منها ... منيره تضحك عليه وهي فاهمه حركاته ...
............................................................ .....................
في شقة تركي وخلود : تركي منسدح عل الكنبه اللي في الصاله ومغمض عيونه يريح شوي دخلت عليه خلود عقب مارقدت بناتها وجلست على الكنبه اللي مقابلته ...
خلود : تركي روح ارقد داخل جعلني افداك دامك تعبان كذا
تركي : لامافيني رقاد بس اريح عيوني من وجع راسي ... قومي تعالي همزيه
قامت خلود تدلك راسه لين ماحسته ارتاح شوي وشافته رقد قامت وغطته ودخلت المطبخ تسوي لها قهوة .
............................................................ .....................
في شقة العم مشعل .. سكوووووووووووون تام لأن الكل يرتاح من تعب السفر والطريق الطويل وشوي ... فيه صوت بسيط يطلع من غرفة البنات اللي لين ألحين مارقدوا بس منسدحين على أسرتهم الجازي وحصه على سرير وبدور بروحها قاعدين يسولفون ويخططون ويختاروووون الأماكن اللي بيزورونها ..
............................................................ ........................
وفي شقة العيال ( زايد – ناصر – مشعل – فهد – نايف ) اللي راقد واللي يسبح واللي ينطر دوره مثل زايد ..
زايد : مشعل أخلص علينا تراك بتذوب علينا من كثر السبوح
مشعل بصوت عالي من داخل الحمام : روح للحمام الثاني .. انت تعرفني مااعرف اتسبح بسرعه يومنك مستعجل ليه مادخلت قبلي دامك ماتقدر تنطرني .
زايد : الحمام الثاني فيه نايف توه داخل .. اخلص علي
مشعل : زييييين اصبر شوي عطني دقايق بس ولا تقعد تبربر علي
زايد : امرنا لله ننتظر ونشوف آخرتها .... دخل زايد الصاله وخذ الرموت وشغل التلفزيزن وقام ينتقل بين المحطات شوي ويدخل عليه ناصر وهو ينشف راسه بالفوطه ..
ناصر : زيوووود ماسبحت لين الحين
زايد : لا الحبيب ناقع في الحمام تقول عمره ماسبح في حياته
ناصر : يعني ماتعرفه دايم يتأخر في الحمام اخوك موسوس بالنظافه.. دخل عليهم نايف يسألهم من الموسوس ..
زايد : مشيعيل .. هااااه يالحبيب خلصت والا فيه حد يبي الحمام
نايف : لا مافيه بس ياعيال اخلصوا خلونا ننزل تحت نتغدى تراني ميت جوع ..
التفتوا عليه زايد وناصر وتكلم زايد وهو رايح للحمام هااااااااااه الله يعينا جانا بوبطين يدور العيشه تصدق ياولد انت آفــــــه على رجلين مهوب توك ماكل ..
نايف : اعوذ بالله قل لاإله إلا الله ياولد ترا عينك حاره ويمسكه قل ماشاء الله تبارك الله وقعد ناشب له لين مسكه زايد وهو يضحك خلاص تفو ماشاء الله
نايف : الله يقرفك انقلع مني ...
ناصر وزايد يضحكون عليه ودخل زايد الحمام يتسبح ..
............................................................ .......................
في سيارة فارس اللي كان يوصل سعود للمطار كانوا يتناقشون في موضوع تقاعده ... فارس مايبي يحرج سعود في انه يتوسط له علشان ماينحرج في اعمامه وسعود يقنعه انا الموضوع عادي ومافيه إحراج بس هو حساس بزياده وقعد وراه لين ماحس انه بدا يتقبل الموضوع وذكر له انه بيكون عون له في الشركه لأنه حاس انه فيه تلاعب قاعد يصير ويبي يكشفه وبيخليه عين له في الشركه ...
سعود : هااااااااااه يافارس ويش قلت .. يااخوي انا محتاجك ولااقدر أأمن حد غيرك .
فارس : أكيد يا سعود يعني ماهي حركه منك علشان تقنعني .
سعود : الأثنين ابيك لأني عارف خبرتك عدل وبعد لأني محتاج واحد يدخل من بينهم يوصل لي علومهم .... ياولد لاتطولها وهي قصيره ... قول تم
فارس : خلاص تمممممممم ياسعود
وبعد ماوصله للمطار ودعوا بعض واتفقوا على اللقاء بعد ثلاث اسابيع .
............................................................ .......................
شقة العم سلطان : البنات كانوا متمددين على الكنبات اللي في الصاله دخلت عليهم العنود بدلال القهوه والشاهي وصحن حلى مسويته وقعدت معهم يسولفون لأن امهم وابوهم راحو يرقدون يريحون لهم شوي شيوخ تمدح في حلى العنود : الله روووووووعه منين متعلمته
العنود : من الانترنت فيه وصفات حلوه
شيوخ : ياحظك يافيصل ربحتنت مره .. بتبيض وجهك عند الرياجيل
العنود : ليه هو ماخذني علشان بطنه
شيوخ : لا علشان هدب العين يانور العين
العنود : وجع شيوخ تكلمي عدل
شيوخ : خلاص سكتنا ... بس تدرين والله لوان الأخ فيصل حدد زواجكم كان جهزناش من هنا
العنود: وبعدين معش ... ليش ماتقولين لسلطان علشان يعجل بعرسكم دامش مستعجله على العرس .
شيوخ : تصدقين معش حق يله بااروح اكلم مرة عمي احدد عرسي شرايش .
العنود تمسكها : وجع والله انش فاصخه الحياء مره وحده اعنبوش اركدي
شيوخ :ههههههههههههههههههههههههه والله انش مخفه ينلعب عليش بسرعه .
وبعده لاحظوا سكوت السوري قامت شيوخ جنبها ونقزتها .. نقزت السوري : مرض ... مرض ... حفرتي خاصرتي ويش تبين الحين
شيوخ : وين وصلتي سرحانه ومنتي معنا
السوري : ابد معكم بس احاتي شوي
العنود : السوري فديتش ويش اللي تحاتينه
السوري : ابوي ... ماتلاحظون انه ماهو بالعاده ... يعني دايم تعبان وحيله شوي حتى السفر معاده مثل اول فيه ..
العنود : عادي ضغط الشغل بين عليه الحين
السوري : تهقين انه تعب عادي
شيوخ : ايه ولا تحطين في بالش ... المهم ويش قررتوا
العنود : في شنو
شيوخ : في الطلعه للمجمعات
السوري : انا رايي خلوها بكره احسن قد كلن مريح وفيه شده للدواره والفرفره
شيوخ والعنود : خلاص بعد احسن علشانهم الحين محد متفيق لنا بكره احسن .
............................................................ .................
محمد وهو قاعد مع العيال في شقتهم ضحك وسوالف ولعب ورق وشاهي يعني ماخذين راحتهم على الآخر شوي ويرن جواله ... وقف لعب ورد : هلا والله ... طيب طاب حالك ... لاوالله وصلنا الساعه ثنتين ونص .. ايه الحمد لله كلنا بخير ... ابووووي طيب الحمد لله ... وين ... زين الحمد لله على السلامه ... خلاص عطني نص ساعه بالكثير وانا عندك .. يالله فمان الله .. وسكر واخذ غترته وعقاله ومفاتيح سيارته واستئذن منهم بيروح يجيب سعود توه واصل في مطار دبي قام فيصل بيروح معه .
............................................................ .......................
رن تلفون الشقه .... جات مها علشان ترد عليه
مها : آآآآآآلــــو
السوري : السلام عليكم مهوي
مها : عليكم السلام .... من السورررررررري .. عاش من سمع صوتش
السوري : عاشت ايامكم .. شخباركم وشلون منى ووصايف
مها : طيبين وانتي وشلون اللي عندش ..
السوري : المهم لاتنسيني اللي بااقوله لش ...
مها : ويش عندش
السوري : ترانا بنرتاح اليوم وبنروح بكره المجمعات شرايكم
مها : خلاص تم .. عادي عندي متى ماقلتوا امشي مشيت
السوري : عجل بلغي اللي عندش يالله سلمي على امي نوررررره
مها مع السلامه .
بعد المكالمه دخلت مهوي عند امها وقالت لها عن اتفاقهم قالت لها امها على خير ان شاء الله .
............................................................ ........................
وفي الطريق لمطار دبي محمد وفيصل قاعدين يسولفون عن ايام فيصل في امريكا ومواقفه اللي صارت له هناك ..
محمد : هههههههههه الله يرجك ياولد كل ذا يطلع منك .. حرام عليك توثمت في ذا المسيكين طلال
فيصل : ههههههههه ايه والله كل ماسويت شيء طاح فيها بس ماحد مهونها علي إلا هو
محمد : ويش علومه ذا الحين
فيصل : الحمد لله وظفه عمه في الشركه عنده مثل منت عارف تخصصه مطلوب
محمد : لين الحين تكلمه
فيصل : توني مكلمه البارحه
محمد : ياحليله الله يوفقه الحين دامه لقى الوظيفه مابقى له إلا ان الله يرزقه بالزوجه الصالحه
فيصل : تدري ويش كان يقولي ...
محمد : ويش كان يقول
فيصل : كان يقول ليتك ماكنت متملك على بنت عمك كان زوجتك اختي علشان كل يوم مطيح عندكم
محمد : لا يالحبيب انت مكتوب عليك حقوق الحفظ بإسم العنود بنت سلطان فديت قلبها
فيصل : إيه والله فديييييييييييتهاااا
محمد : وجع احشمني تتغزل فيها قدامي
فيصل : مرتيييييي وكيفي .... كفايه انكم ماخليتوني اشوفها
محمد : لا يالحبيب الشوووفه بعد العرس
فيصل : قريب ان شاااااااااااااااااااااااء الله وبشوفها غصب عن خشمك
محمد : هههههههههههههههههههههه يالله انزل خلنا نشوف سعود داخل امش يالمغرم الولهان .
............................................................ ..............................
نهاية الفصل الخامس .........
|
13-09-10, 07:30 PM
جديد مواضيع قسم الارشيف
العرض العادي
