كاتب الموضوع :
Gal2com
المنتدى :
الارشيف
السلااااااااام عليكم ورحمة الله وبركاته الفصل الرابع عشر قراءة ممتعه
الفصل الرابع عشر :
في مجلس سلطان بن سعود الناس معزومين في بيته على عشاء مشويه سعود بن نايف في بيت عمه وعازم كل جماعتهم واصحابهم وكل من يعز عليهم في بيت عمه سلطان والعيال قاعدين يصبون القهوة لضيوفهم وبعد دقايق معدوده دخل عليهم بوراشد وعياله
بوراشد : السلاااااااااااااااااااام عليكم
سلطان وخوانه : وعليكم السلاااااااااااااااام حياك يابوراشد تعال اقعد جنبي : وشلونك يابو راشد عساك بخير
بوراشد : بخير الله يسلمك بشرني عنك عساك طيب
سلطان : طيب طاب حالك .. وشلونك يابوك ياراشد
رد عليه راشد : الحمد لله ياعمي مانشكي من باس
وبعد لحظاااااااات دخل فاااااااااااااارس وابوه : السلااااااااااااااام عليكم
سعود بن سلطان فز من مكانه ورحب بخاله وولد خاله وصديقه : وعليكم السلاااااام ياخالي شلونك وشلون العيال
بوفارس : بخير جعلك بخير وانت ويش علومك طمني عن ابوك
سعود : الحمد لله على كل حال الحين هو احسن عن اول تفضل يبه اجلس اقهويك
والتفت على فارس وسلموا على بعض وقعدوا جنب بعض يسولفون
فارس : وشلونك احسن الحين عقب ماتطمنت على الوالد
سعود : ايه الحمد لله ارتحت كنت احاتيه لكن عقب سفرتنا طمني الدكتور على وضعه وقالي تجنبوا التوتر العالي والعصبيه الزايده
فارس : خلوه يرتاح شوي قبل لايرجع للشركة
سعود : إلا على طاري الشركه هاااااااااه بشر ويش العلوم
فارس : والله الأوضاع شوي متوتره في الشركة وكله من روس الفتن حمود وسالم
سعود : ويش فيهم مسوين شيء ماادري عنه تكلم
فارس : من يومين صارت سالفه ....... وقعد فارس يعلم سعود بالسالفه اللي صارت في الشركة وموقف حمود وسالم منها واستقالتهم
سعود : خلهم الله لايردهم ولا ولهم وجه بعد يحددون من يقعد ومن يطلع ماخذين مقلب في نفسهم
فارس : وانت الصادق ماتصدق شلون ارتحت منهم
سعود : خلااااااااااص راحوا وراح شرهم معهم بس حبيت اتأكد التلاعبات مستمره والا وقفت
فارس : انا كنت اراقبهم من بعيد واحسهم هدوا اللعب شوي المشكة مافيه شيء يثبت عليهم ولا اعتقد امداهم يسون شيء ومثل ماتعرف صارت سالفة الشركة وعصبوا وطلعوا من الشركة ولاااا اسمع حمود ويش يقول الشركات يتقاطون عليه لخبرته
سعود : اهم شيء الحين انهم طلعوا من غير خساير كبيره للشركة .. وانت ويش علومك منت بناوي تتزوج
فارس : والله ودي عندك وحده تزوجني إياااااااااها انا بصراحة كنت حاط وحده من خواتك بس سبقوني عليهم عيال عمك مابقى الا الصغيرة شرايك انتظرهااا وتزوجوني ايااااااااااهاااااااا
سعود يضرب كتف فارس : لااااااا يالحبيب الا بنتي ماني مزوجها ذا الحين
فارس : زيييييين وانت منت بناوي تراك منت بصغير اللي مثلك عنده عيال
سعود : لاتخاااااااف ياخوي انا ماني ناسك مصيري متزوج بس خلني اخلص من عرس خواتي ومشاكل الشركة وارتبط بالأنسانه اللي ارتحت لها
فارس : منت بهين حاااااااط وحده في بالك وانا ماااااااااأدري
سعود : ولا أنت بداري الا عند ملكتي ... وكملوا سوالف
زايد وناصر قاعدين مع العيال عقب ماقهوو الرياجيل قاعدين يعلقون على حالة زايد صاير هاااااااادي ولاهو بخويهم الاولي وكانوا ينقزون عليه وهو مطنش لهم وشوي سمعوا صوت سعود بن نايف : فهد والا انت يازايد قم جب لنا من مطبخكم العشى والحلى اللي مسوينه النسوان يله قوم انت واخوانك
ناصر يدف زايد : ماتسمع الرجال يكلمك قوم اخلص
طلع زايد وفهد ومشعل للمطبخ الخارجي يجيبون العشى ويحطونه في مجلس الرياجيل مشعل وفهد تعاونوا على العشى وخلوا زايد يجيب السلطات وفي نفس اللحظة كانت شيخة داخله للمطبخ معها الجازي وكانوا مشغولاااااااات بالسوالف وماانتبهوا على زايد يحسبونه طلع مع باقي العيال عقب ماشلوااااااااا العشاء اما زايد عقب ماسمع اصواتهم توهق وماعرف وين يروح دخل المخزن الصغيرالموجود في المطبخ وتوارى ورى الباب المفتوح وفي ظلااااااام المخزن شافهاااااااااا تكحلت عيونه بشوفتها وهي غافله عنه ماتدري به ...
شيخة : يابنت الحلال امشي مااااااااابه حد زايد والعيال طلعوا خذوا العشاء ومشوا للمجلس يلللللللله تعالي خليني ارويش الحلى اللي مسويته تعرفين امي حبت تعلمني الطبخ تقول ماتبيني افشلها عند بيت زوجي اللي هم انتوااااااا
الجازي : يله روينا يالفالحه مع اني متأكدة ان العنود فديت قلبها هي ست البيت
شيوخ : هين يالجويزي عجل اناويش اطلع
الجاااااازي : هههههههههه خدامتها
شيوخ : والله فيش ان كاني خليتش تذوقين حلاااااااااااي
الجازي وهي تقرب منها وتحبها : خلاااااااااص وهااااااااذي بوسه ولاتزعلين يله رويني انجازش .. وبعدووووووو ا وراحوا للثلاجة وخذوا الحلى وجااااااابوا معه الصحون والملاعق ودخلواااااااااا للصاله وخلوااااااااا زايد منصدم طلعت البنت اللي حبها وتمناها من يوم شافها هي الجازي بنت عمه مشعل .. يااااااااااااااالله شلون تغيرت ذا البنت شلون كانت وشلون صارت الله يخسك يازيود الحين البنت تلقاااااااااااها كارهتك على اللي سويته فيها وهي صغيره .. خل اروح اودي السلطة للرياجيل وعقب لكل حادث حديث .
............................................................ ......................
وفي المجلس وبينما كانوا يتعشون صاااااااااح تليفون سعود بن نايف وشاف الرقم طلع رقم الحارس محمود رد عليه : آآآآآآآآآآآآآو هلااااااااا محمود
الحارس محمود : الوووووووووو الحقنا ياسعت البيه المخازن بتتحرق
سعود نط من مكانه وبعد عن العشاء علشان ماحد ينتبه له بس فيه نظرااااااااات ماكانت غافله عنه وعن ردة فعله وقام وراه ...
سعود : زيييييييين طلبت الدفاع المدني يامحمود
محمود : ايووووووووه يابيه بس ارجوك تعال بسرعه انا مش عارف اعمل ايه
سعوووووووود : خلااااااااااااااص انا جاااااااااااااي الحين
وسكر سعود بن نايف وتوه بيطلع لسيارته لقى سعود بن سلطان وتركي وفارس قدامه يسألونه ويش السالفه قالهم ان مخازن الشركة تحترق والدفاع المدني يطفونها ومحمود متوهق ماهوب عارف ويش يسوي علشان كذا كلمه وهو الحين طالع لهم .. سعود وتركي قالوا انهم بيروحون معه
سعود بن سلطان : لا ياتركي انت وفارس خلكم علشان ابوي واعمامي مايحسون بشيء وتصرفوا عااااااااادي وانا باأروح مع سعود وإذا سألوكم عنا قلو لهم خوي لنا تعبان واخوه كلمنا انه يبينا ورحنا له .
تركي : بس لازم اروح معكم
فارس وهو يمسك تركي : خلااااااااص ياتركي خلهم يتصرفون واذا صار شيء رحنا لهم
سعود بن نايف يلتفت على سعود ولد عمه : يله خلنا نمشي مانبي نتأخر على الرجال وتوهم بيمشون مسك تركي ذراع اخوه : تكفى طمنا عليكم
سعود بن سلطان : لاااااااااتخاف تطمن
وطلعوا بسيارة سعود بن نايف وكان يسوق بسرعه علشااااااااان يوصلون للمخازن بسرعه
واول ماوصلوا شافوا الحارس محمود يكلم ضابط ويشرح له اللي صار وكان يتكلم والتفت وشاف عيال آل سعود وراح لهم : الحمد لله انا كنت خايف مااعرفش اعمل ايه
سعود بن سلطان : هدي يامحمود هدي وخلنا نعرف السالفه
وشوي وتقدم منهم الضابط : السلام عليكم اخوي
سعود بن نايف : معك سعود ولد نايف وهذا ولد عمي ومحامي شركتنا سعود بن سلطان .
الضابط : هلا والله اخوي معكم الضابط غانم .. والله مثل ماانتم عارفين وصلنا بلااااااااغ عن حريق في مخازنكم
سعود بن نايف : زين ماعرفتواااااااا اسباب الحريق
سعود بن سلطان : هل هي قضاء وقدر والا من فعل فاعل
الضابط غانم : يااااااااخوي الحين شوفت عينك اخوانا في الدفاع المدني قاعدين يطفون الحريق وبعدها لكل حادث حديث
وقعدوا يشوفون الدفاع المدني وهو يطفي الحريق ... وبعد ساعات تم السيطره عليها واطفائها وبعدها بدأت التحقيقات في اسباب الحريق وبعد مداولات كثيره توصلوا إلى ان اسبابه كان ناتج عن سيجاره .. وهنا الحارس محمود ارتبك لأنه كان عازم واحد من اصحابه وكان يتمشى معه يتفقدون المخازن والظاهر انه نسى يطفي سيجارته وهي اللي سببت هذا كله ..
وبعدها الضابط غانم كلمهم : الحمد لله على كل حال ومافيه اصابات والحريق قدرنا نسيطر عليه قبل لايحرق بضاعتكم كامله وطلعتوا بأقل خساره ممكنه
سعود بن نايف : الحمد لله على كل حال
سعود بن سلطان : الحمد لله خسارتنا ولله الحمد هينه ونقدر عليها بإذن الله والمره الثانيه راح نتأكد من قوانين الأمن والسلامه والتفت على محمود اللي خاف من نظرته : وانت يامحمود خلك تتعض من اللي صار والمره الثانيه مانبيك تدخن جنب المخازن فاهم
محمود : اكيد ياباشا انا بعد النهرده حبطل دخان
الضابط غانم : الحين احنا تفقدنا كل شيء وبكره راح نكمل باقي الإجراءات وانت اخ سعود تعال لنا علشان نكمل الإجراءات اللازمة يله مع السلامه
سعود بن نايف : تسلم اخوي غانم ماتقصر
الضابط غانم : ماسوينا الا الواجب يله اسمحوا لي
سعود بن سلطان : الله يحفظك مشكور وبكره نتقابل
وبعد ماراح الضابط منهم التفت سعود بن نايف على سعود بن سلطان : والحين ويش السواه وين بنحط البضاعة المخازن واحترقت ويبي لنا وقت لين نرممها
سعود بن سلطان : تطمن ووسع صدرك ياخوي الحمد لله انها جات على المخازن ومامست البضاعه اللي بالملايين .. وبعدين ماتضيق الاماتفرج انا عندي خوي يأجر مخازنه للشركات باأكلمه واسـتأجر منه مخزنين للبضاعه لين وقت تسليمها واتصل سعود بن سلطان على رفيقه وهنا استغل سعود بن نايف الوقت علشان يكلم تركي يطمنهم ..
سعود : الو هلاااااااا تركي
تركي : هلااااااا سعود هاااااااه طمنا ويش سالفة الحريق والمخازن عساااااااااها مااحترقت
سعود : لا المخازن الحمد لله ربك لطف بنا ومااحترقت كلها جزء بسيط منها وتلاحقوها اهم شيء البضاعة ماوصلها الحريق والا كان توهقنا مع الشركات اللي متعاقدين معاها
تركي : الحمد لله زين ماعرفتوا ويش سبب الحريق اكيد له اسباب
سعود : بلى عرفنا طلع انها سيجاره ومحمود اعترف بذنبه وقال انه يمكن نساها يوم كان يدخن
تركي : مجنون ذا والا خبل اربك سنعته عدل حسبي الله عليه بغى يضيعنا
سعود : جاااااااه اللي كفااااااااه خضينا بطنه اللي جااااااااااه بيخليه يحرم ماعاد يمسك سيجاره المهم ابيك تعلم الشيبان ولاتروعهم ترى الامور سهالات
تركي : لاتخاف ترانا علمناهم وهذه عمي نايف معك يبي يتطمن عليكم
سعود : آلـو يبه ..
العم نايف : هلا سعود هاااااااااااه بشر وانا ابوك طمني
سعود : لاتطمن الـمال الـحلال عمره مايضيع
العم نايف : جعل ربي يطمن قلبك مثل ماطمنت قلبي والخساير ياولـدي يـا سـعود اربها ماهيب كبيره
سعود : لا الحمد لله ماهيب كبيره والبضاعة ماجاها شيء والحين سعود اقترح علي نخزنهم في مخازن واحد من خوياه يأجر مخازنه
العم نايف : ياجعل ربي يكبر حظك ياولدي ياسعود ويفتحها عليك ويفرحك باللي تبيه
سعود : الله واكبر الحين انا اللي متصل ومتعني وانت قاعد تدعي لسعود ولد عمي الله يسامحك يبه ماكني ولدك وبكرك
العم نايف : هههههههه اشتغلت الغيره .. خلاااااااااااص ولايهمك جعل ربي يكبر حظك ويفرحك بعيالك قول آآآآآآآآآآآمين
سعود : آآآآآآآآآآآآآآمين يارب العالمين يالله يبه انا الحين اترخص منك بااروح لسعود
العم نايف : الله يحفظكم
وسكر سعود من ابوه وراح يشوف سعود ويش سـوى
............................................................ ...............
وفي مجلس سلطان بن سعود العم نايف بلغهم بالأخبار الطيبه وطمنهم على ان الخساير بسيطه وان سعود بن سلطان اجر لهم مخزن من مخازن خويه
وبعد ما تطمنوا بعد سماعهم الاخبار الطيبة من العم نايف كملوا سهرتهم عادي سوالف عن مواقفهم في بنغلور شـوي مشـعل قام من مكانه وقرب من أبوه سلطان : يبه تكفى كلمه الحين
العم سلطان : ويش بلااااااااك مطيور كذا اصبر شوي
مشعل : يبه تكفى كلمه ماعاد فيني صبر كلما قلت لك كلمه قلت بعدين
العم سلطان : زيـن زيـن خلاااااااااص هذا انا بكلمه اثقل شوي لاتغدي خفيف
مشـعل : يبه الله يهداك اكثر من كذا ثقل تبيني انفجر عليكم
العم سلطان : لاحول ولاقوة الا بالله والتفت على اخوه نايف وتحنحن : اقول يانايف بغيتك في سالفه
نايف : آمر ياخوي باللي تبيه
سلطان : والله يـاخـوي ومثل منت عارف الواحد يشتري النسب وانا يااخوك ودي بنسبك واشتريه ... شرايك بولك مشعل
نايف : مشعل مثل ماقلت ولدي وتربيت يدي رجال سنافي مصلي ومافيه مثله وما شاء الله عليه قابظ وظيفته
سلطان : عجل مادامه مثل ماتقول بغينا بنتك مها لولدي مشعل وشرايك
نايف : انا يااخوك ماعندي مانع بس تدري لازم اشاورها وآخذ برايها
سلطان: على خير متى ماخذت رايها رد علينا
وكملوا سهرتهم ومافيها شيء جديد غير تحسر زايد على نفسه ليه ماتجرأ وطلب الجازي مثل ماطلب مشعل مها ...
............................................................ ...............
في بيت عبد الله وفي مجلسه بالذات قاعد سهران مع ربعه واصدقائه السوء مصادقهم من فترة طويله كانوا جالسين يلعبون ورق وماخذتهم السوالف والضحك ...
عبد الله : ألعب بس ألعب مسوي لي فيها فاهم
مرزوق : معليه ألحين بتشوف اللعب على أصوله ذا الحين .. الا ياعبد الله ويش اخبار ابوك
عبد الله : لااااااااااهي مع حلاله وشريكاته والصفقات اللي يسويها
مرزوق : يااخوك ماتكلمه لي يوظفني عنده تراني مليت من قعدة البيت وما خليت مكان ماقدمت أوراقي عنده ولاردوا علي
مسعود : ويش لك بالشغل والشقاء .. أقعد مكانك لين يجيك رزقك وبعدين أهلك ماهم بعاجزين من مصاريفك .
مرزوق : بس ياخوك حنا كثار وخواتي لهم مصاريفهم بعد وراتب الوالد التقاعدي يالله انه يكفينا الدنيا صارت ضـو وكل يوم يزيدون في الاسعار .
مسعود : بكره يتزوجون ويفكونك من شرهم ولا يمكن تستفيد من وراهم بعد الحين المهور صارت موضة دارجة في ذا الوقت كلما زدت فيها استفدت اكثر
وانت عندك ماشاء الله سته ماهوب مثلي ماعندي الا فطوم اللي عاله قلبي معها
عبد الله : ايه ياحليلها فطوم ويش آخر أخبارها عادها في الجامعه والا تخرجت
مسعود : لاعادها مقطنة فيها ولا اظن انها بتتخرج بسرعة الاخت لاعبة لعبتها في الجامعه ومسويه لي فيها فـتـوة .
مرزوق : هههههههههه ياحليلها تذكرون يوم تطلع معنا وهي لابسه ثياب اخوها الصغير وتتهاوش وع ولد راعي البقاله كسرت سنه المسكين
عبد الله : وانت الصادق غلى قد مانرزل فيها ونلعن خيرها لكنها لاصقه فينا وويش كانت مسميه عمرها بعد
مسعود : فـهد
عبد الله : هههههه ايه فهد والله ايام بس تصدق مااحسها بنيه احسها ولد والله لواني منك كان وديتها يسووون لها عمليه ويقلبونها ولد
مسعود : يااخي من قل الاخوان اللي عندي تبيني اقلب فطوم ولد اااااايـه ذكرتني تراها تسلم عليك وتراها تعرف زوجتك شافتها مرافقه بنات آل سعود
عبد الله هنا تنبه لشيء كان غافل عنه : لـيش زوجتي مرافقه بناتهم
مسعود : إيـــه واختي فطــوم ميته قهر من وحدة منهم ماتعطيها وجه
وشوووووي رن تليفون مرزوق : آآآآآآلـــــو هلاااااااااااا خلااااااااااص يبه جااااااااايكم ... جااااااااايكم في الطريق
وترخص منهم وطلع وفضى المكان الا من عبد الله ومسعووووود
عبد الله : يـاحليلها مـاخذه عزة نفس أهلها .... زيــن يــامسعود عطني رقم اختك فطوم ابغي اكلمها واوصيها عليها توصيه خاااااااااصة
مسعود : لــيش ويــش لـك في البنيه ياعبد الله
عبد الله : أنا أكره عيال آل سعود كره عمرك ماتتصوره من يومني صغير ولا أحب غرورهم وأكثر اثنين ماأطيقهم هو سلطان بن مشعل وولد عمه سعود بن سلطان .
مسعود : الله يستر منك جعلني مااصير لك عدو شكلك ناااااااااوي لهم على نيه شينه
عبد الله : لابس قرصة إذن علشان أكسر غرورهم الزايد وآخذ حق ابووووووي منهم مناشبينه في تجارته ورزقه
مسعود : زيـــن ويــش دخل اختي فطوم بالسالفه ليش ماتستدرج البنت عن طريق زوجتك ماهيب رفيقتها
عبد الله : لاااااااااا بعدين بتشك فيني وانا بيني وبينك ماأبي ادخلها في السالفه عشان كذا اختك اصلح وحده للمهمة هاااااذي محتاج لها توصلي معلومات عن بنتهم علشان احدد الوقت اللي اضرب فيه ضربتي واوجع فيها سعود وسلطان
مسعود : ياخطير تصدق خوفتني منك تدري شلون يبه هااااااااك الرقم وفكني وبعدها كملوا لعبهم لين نص الليل .
............................................................ .........................
وفي نفس الوقت في بيت نايف بن سعود وعقب مارجعوا من سهرتهم عند بيت سلطان بن سعود العيال والبنات كانوا جالسين في الصاله ويلعبون لعبة جلاد وحرامي لعبة ناصر المفضله علشانه يموت في الضرب وكون فريق مع اخوانه فيصل وعبد اللع ومها ووصايف وكان الجو آخر وناسة واللعب كان بحماسة شديده .
ناصر : يالله يافيصل طلع الحرامي صار لك ساعة
فيصل : اصبر انت الثاني انا شاك في حدا الثنتين يالدبه مهوي والا ام لسان وصايف .
عبد الله : خلصنا زهقتنا قول يامها والا وصايف
والثنتين لأول مرة في التاريخ يتفقون ويسوون تحالف نسائي ضد اخوانهم لأنهم خايفين من ضرب ناصر اللي مايقتنع بالضرب بمسطره لا يلشطهم بالعصى ( الاخ دموي بزياده )
مها : يــا الله ماصارت يــافصيل خلصنا ذبحني النعاس
وصايف : بسرعه اعجل علينا قبل لاتط علي امي تراهاااااااا تتحلف فيني علشاني غايبة اليوم ان جات وشافتني سهرانه بتلعن خيري
عبد الله : احسن تستاهلين وراش مدرسة وقاعدة سهرانه لين الحين مااكتفيتي تعهدات كاتبتها من بداية السنه لين الله شاف لك
وصايف : اكرمني بسكاتك بس بسم الله عليك كنك الحين موظف ماكنك تلميذ مثلي يعني حالك حالك حالي وبعدين تراه ماهوب من زين ملفك تراه اسود مثلي والا نسيت وتبيني اذكرك ( تذكره بالأشرطة اللي يستعيرها من خويه في المدرسه )
هنا عبد الله خااااااف لاتفضحه قدام اخوانه قام يرقع لوصايف
ناصر وفيصل يوم شافوا اخوهم بلع لسانه وماقام يراددها كعادته استغربوا
ناصر : افااااااااا ياعبود الحين وصايف تسكتك وين لسانك
فيصل : هههههههه قطعته له وصايف يوم انا اقول لكم البنت ينخاف منها وماتخلي حقها ابد ولا مدلعه من الشيبه ولا يداني حد يقولها شيء
وصايف : لاااااااازم ياحبيب يحبني انا آخر العنقود وبعدين انا وصايف موحيل الله
المهم خلصونا تراكم مصختوها
مها : ياللع يافيصل تراني ماعاد قمت اشوف من النعاس ذبحني
فيصل : زيــن بقول الحرامي هـــــــــــو هـــو هـو مهوي الدبة
وصايف هنا نقزت : هههههههههههههههاي غلط انا الحرامي يعني ماصدتني يالله الله يعينك على الضرب بس عادي جلدك جلد تمسااااااااح ماراح تحس بشيء
ماهوب مثلنا تجرح خدنا الريشه يالله تصبحون على خير
وقامت هي ومهوي معها وهم في نص الطرق سمعوا فيصل يترجى ناصر : نويصر انا اخوك الكبير عيب عليك تضربني خلااااااااص الحين ماحد منهم موجود إلشط الكنبة وانا بأصيح ولا حد بداري
هنا وصايف قاطعتهم : لاو الله يعني انا ومهوي تضربونا وهو لا ليش على راسه ريشه والله مااتحرك لين تضربه قدامي والا والله لااصيح وافضحكم واجيب العيد لكم تراكم مثلي يعني لو شافكم الوالد سهرانين لين الحين ويش بيقول
ناصر : بسم الله الرحمن الرحيم كلتنا خلااااااااص صكي حلقش وباأضربه قدامش يله شوفي وقام يلشط بفيصل من الحره على وصايف السوسه
وفيصل يترقص من الضرب : آآآآآآآآآآح بس بس الله يخسك قطعت يديني وانا اقول وشبلااااااااها البنت كلتنا أثاريها من حــر مافيها يالله انقلعي اخمدي لابارك الله فيش وفيه لكن انا الحمار اللي بيلعب معكم مره ثانيه
وصايف : لاتلعب معنا العب مع عنوووووووودي
فيصل : فديتها تبيني العبها لعبكم الخشن لاياعمري يالله تصبحون على خير .
وكل واحد فيهم راح يكمل نومته .
............................................................ ..............................
في غرفة العم نايف ونورة .... نايف يعلم نورة بخطبة مشعل ولد اخوه لمها بنتهم وياخذ رايها في الموضوع
نوره : والله يانايف انا ماعندي مانع ومشعل والنعم فيه وبعدين بتروح عند هند جنة ربي
نايف : وانا ماعندي مانع بس حبيت اشاورش علشان تاخذين رايهااااااااا
نوره : ولايهمك بكره افاتحها بالموضوع وكانو يتكلمون وماحسوا بوصايف وهي عند باب الغرفه اللي سمعت كل شيء وبعدت عن غرفتهم وراحت تكمل نومتها .
............................................................ .........................
نهاية الفصل الرابع عشر
تقبلوااااااااااااااااااا مروري غلاااااااااااااكم
|
15-01-11, 12:12 PM
جديد مواضيع قسم الارشيف
العرض العادي
