البارت الـ 8
وقف قلبي , لالا , ان شاء الله ما يكون هو ,
غيث ما بيرحمني , غمضت عيني وانا اشوف نظرآته لي ,
قال : لطيفة ..!!
انا شو قايـل , ماباج ترمسينها
حسيت كآن حد جب علي ماي بارد , تميت اطـآلعه فريت البطآنيه , ولفيت الروب على جسمي
: ان شاء الله
دخلت الحمآم , وانا مخليه ايدي على قلبي , بآب الغرفه تسكر ,
رآح , آآآه , شو بسوي , مررت ايدي على صدري , شهقت , العقد , في سلسله مكتوب عليها اسمي , وينها , تذكري يا جوآهر , استغفر الله وين راحت ..!!!!
غيث
دخلت مكتبي ,
وانا افكر , شو هالوسواس يا غيث , أستغفر الله العظيم
السكرتير دش علي : في حرمه برا تبا ترمسك , تقول هي صديقة المدام ..
أستغربت , قلت : خلها تدخل ..!
دخلت علي حرمه مُنقبه , رمت على طاولتي سلسله جوآهر
خذت السلسله بلهفه وطالعت الحرمـه وهي تقول : أقبض زوجتك عن ريلي , ترى والله افضحكم , .!.
ما حسيت بنفسي , كآن نبضي وقف , جوآهر وريلها , ها يشو تخربط ,
كآنت بتطلع بس , تداركت الموقف وقلت لها : لحظـة
شمسه
نزلت اركض , وقفت عند الباب , ترددت , شو بتقوليين
لالا , لا تترديين هـآي فرصتج الأخيره ,
دقيت الباب , مافي اي رد ,
لا اكيد خالتي ام طآرق على الاقل موجوده , دقيت مره ثآنيه
صوت مروان يآني , : شمسه الظآهر محد ,,,
قآطعته : لاالا ,,
انفج باب جيرانهم , شفت العم سآلم , : شمسه بنتي شحآلج ..!
قلت : بخير الحمد الله
طآلعني وقال : سـآفروا , ام طـآرق مريضه ,
حسيت بخوف قلت : متى بيرجعون ..!
قال : لا تترينهم ,,,
طآلعته وهلت عبرتي , سحبت نفسي من المكآن ـ انهرت في السياره , وسط كلمآت مروان الي تحآول تهديني ,
لطيفه
حضنت عبود الي يالس يصيح ...رجع عشان يعذبنا اانا عارفه ..صحت وياه ...حضنته اكثر لحد ما نام ...خليت على السرير ..رحت صوب غرفه منصور فتحتها بقوو...
الفت وقال : لطيفـ...
قلت : ليش تشاتمه جيه انا رجعت عشاااانهـ واذا بتعامله جيه بخذه
قام معصب ويا صوبي ...تروعت ...بس هو مسكني من ايدي ..شدني صوبه ..حسيت اني بصااارخ بس صوتي راح ..تقرب مني ...وهمس فاذني : انا طلقت عنود
وقف قلبي ...مستحييييييييييييييل الي اسمعه....قالي : تعبان ...ابااااج لطيفه
قلبي دق بقو ...لا لا تسمعين له ...حتى لو طلقها ...انا شو يخصني ....عذبني ...بس هب قااادره اتحرك ...غمضت عيني ...وهو يردد : تحديت الكل عشااانج ..
ما رديت...شو اسوي ..دمعت عيني ...قال : لطيفه تكلمي قولي اي شي ؟!!
سحبت عمري من الموقف وانا اقول : ما عندي شي اقوله ...
ركضت الغرفه وانا انظم تنفسي ....يلست على الارض ...طلقها ...طلقها ...معقووووله ...بس حاله يقول هالشي ...رجعت بالذاكره للورى
(( بعد ما دريت بحال عبود ...وصارحت منصور اني جفته ويا العنود ...اعتذر مني ...وقال انها علاقه عابره ...نزووه ...وترجاني ...وفيوم ياني وقال : لازم نسافر ويا عبدالله ...نعااالجهـ
وسافرت عشان عبدالله ...لانه يتعذب وانا اكثر ...ما ادري كيف كنت غبيه ..صدقت رمست منصور ...كنت متخبله عليه...احبه ...وهالشي خلاني اسامحه ...وجود عبود ومرضهـ
كمل عبود سنتين ...ونحن من مستشفى لمستشفى ...ومن بلاد لبلاد ...منصور خلاني انسى كل شي ...كان وياي ...يحسسني بحبه...سامحته ...وقلت فخااطري ..كل الريايل جيه يخونون حريمهم ..وبعدين يرجعون لهن ...كنت اكره العنود ...وهيه نفس الشي ...اهل منصور كلهم يحبونها ...بعد ما تعااالج عبود ..طرت من الفرحه ...رديت البلاد ...
وبعد مرور فتره
كنت فغرفتي ...ارتب شكلي ...حبيت عبود بعد لانه وعي من الرقاد ...كل يوم ادعي الله يخليه لي ...فتحت الدريشه ...وفتحت الستاير ...جفت منصور يالس فالحديقه يرمس فالتلفون ...وشكله منفعل
: ادري ادري ...العنود قدري ظروفي
تيبست مكاني يوم قال : ادري انج زوجتي شراتها ...بس والله عبدالله تعــ..؟؟
زوجتهـ ...حسيت بدموعي على ويهي ...ما رمت استحمل ...فريت عمري على السرير وصحت ...بعد ما قفلت عليه الباب ...ما طعت افتح له ...وهو استغرب ..كنت اسمع صوت امه وهيه تسبني ...وتقول عني كلاام ..ما استحملهـ ...ما حسيت بعمري وكم مر من الوقت قمت من السرير ,,,عبود يلعب على الارض ..
قال : من الثبح ( الصبح ) اوعيييج ...ما قمتي ..
دخلت الحمام ...غسلت ويهي ...وفتحت باب الغرفه ...وسمعت صوت ضحكه العنود ..اكييد اهله يدرون انها زوجته ...بس ليش خذني يوم يحبها...طلعت...وقفت جدامها ...طالعتني من فوق لتحت
قلت : متزوجيييييييييين ؟؟!!
قالت وهيه تضحك : هييييييييييه متزوووجين ونحب بعض
قلت واناا منقهره : ويوم يحبج ليش تزوووجني ؟؟!!
قالت : عشااااااان الولد
فتحت عيوني على اخرهن ...وانا اسمع صوت ضحكتها هيه وام منصووور ...
قالت : ترا عبدالله انا بربيه ...بياخذه منج
هنيه شهقت ...حسيت اني بطييح من الصدمه ...الدنيا صارت سودا جدامي ...التفت على صررخه قويه : العننننننننننننننننننننننننننننود
التفت وجفته ...حسيت اني خبله ..ركضت وبديت اضربه ...اضربه ..ما حسيت الا بكف يا على ويهي ...خلاني اطيح على الارض ..
سمعته يشاتم العنود ..: ليش تقولييييييييييييييييين جيه ليشششششششششش؟؟؟!!
تمت العنود تصييح ...وركضت بتطلع وهو لحقها ....شليت بعمري ...خذت ملابسي وملابس عبووود ...ورجعت بيت اهلي ...ومن ذاك اليوم انقطعت اخباره ))
فيصل
من المسجات عرفت ان اسمها روووضه ...فديتها و الله انها قمــر ,,,هب من طبعي اتبع البنات ,,,عمري 32 وللحين ما عرست ..ولا حتى خطبت ..ولا حتى فكرت اعرس ...رغد ماليه حياتي ...رحت صوب غرفتها ..فتحت الباب ..وحبيتها وظهرت ..هيه ناايمه ..دخلت غرفتي ...بعدني رديت لصورتها...يااربي قمر ..قمممممممممممممر ...هالبنت دشت راســي ,,,اباها ,,,باااجر ان شاء الله يصير خير ...رن تلفونها ...قمت بسرعه و شليته ...مكتووب البيت ...هيه تتصل ...شكلها ادوره ..
رديت : الو
قالت: مرحبااااااااااا
قلت : مرحبتين ...راعيت التلفون؟؟!!
قالت : منو انته
قلت : فييييصل
قالت : منو فيصل ؟؟!!
قلت : الي ساعدج اليوووم
ضحكت وقالت :سوري نسيت اشكرك ...
قلت : بااجر نلتقي فمكان وبعطييج التلفون
قالت وهيه منحرجه : تعبتك وياااي
ضحكت : تعبج راحهـ
قالت : خلاااص انته حدد المكان...
قلت: مطعم الـ..... عندي اجتماع ...عشا عمل ...وبعدين بعطيج اياه ...السااعه 8
قالت وهيه متردده : خلاااص اوكيه
ابتسمت براااحه ...قمت ...بعد ما سكرت عنها ...طلعت البطاقه من التلفون..وخليت الجهاز في درج عندي ...وضحكت ...احس عمري رجعت مراااهق ...اصلا انا عشت المراهقه ..هع هع
منصور
قمت مفزوووع على صوت تلفوني ...رديت : الو
عبدالله : بيخصمون من راتبك اذا ما جافوك فالمركز بعد ربع سااعه
قلت : ليش كم الساااعه ؟؟!!
قال : 11 وانته دوامك يبدا عشر
فزيت بعد ما سكرت فويه عبدالله ...لبست دريسي ,,(( اللبس العسكري ) ) وطلعت اركض جفت عبود ولطيفه عند التلفزيون
...مضاايج من كل شي ..ظهرت وسكرت الباب ...ركبت السياره وطرت للمركز...جفت عبدالله عند البوابه
قلت : هاه شحالك ؟؟!!
قال وهو يضحك : شكلك من رديت الحرمه نااايم فالعسل
ضربته على جتفه : متى بتعرس وبطييح فيك تطنيز
ضحك : هههههههههههههههههههههههههههههههههههه ...اقول لا تنكت
ضحكت عليه ...قلت : شو فيك احسك تفكر.؟؟!!
قال : آحمد
قلت : بلاه اخوووك الصااايع
دوم جيه نقول عن آحمد لانه هو الوحيييد الي فعايله عبدالله الي غيير ..مروان نفس عبدالله ...بس آحمد غير عنهم ..
قال : جفته طاالع من المستشفى ويا وحده ...وبعدين راح وياها بيت
خمنت : ربيعته؟؟!!!
قال : لا ما احسها ربيعتها ...وآحمد كان منهار من فتره ..شكله لانها هيه فالمستشفى
قلت : لا يكون متزووووج
قال وهو منصدم ...: معقوله ؟؟
قلت : هيييه معقوله
قال: لا حراام عليك شو تتحسب الناس شراتك
ضربته على جتفه ...: انطب احسن لك
ضحك : ههههههههههههههههههههههههههههههههههههههههه
قلت : شخبارها بنت سالم ؟؟؟!!
قال : لا بخيير الحمد الله
قلت : هيه تراها خطيبت ولدي
ضحك عبدالله : ههههههههههههههههههههههههههه
رن تلفوني ...تفاجأت يوم جفت لطيفه تتصل...حسيت قلبي وقف ..لا يكون عبود فيه شي ...
رديت : الو
عذاري
دخلت مكتب محمد وانا حدي معصبه
قلت : دكتوره محمد ...كاااايد تعبان ...هو للحين ما تخلص من المخدرات الي فجسمه ؟؟!!
رد وهو يطالع الاوراق الي جدامه : يمكن انتاكاااسه وانتي تعرفييين الوضع
سكت ...طلعت ورحت صوب مكتبي ...يلست ...لهدرجه يحب زوجته ..معقوله ..غير يوم لمس ايدي وهو يزقرها ..ماا ادري ليش ارتجفت ...وقلبي دق بقو ..سكت ..شو الي قاااعد يصير فيني ..طلعت ورحت صوب غرفه حمد ...دقيت الباب ودشيت ...سمعته وهو يعطس ...ضحكت
: حد قاللك تطلع فالبرد ؟؟؟!!!!!!!!
ضحك : دكتوره والله اني تعبان
رحت صوبه ...قلت : تعال ويانا ..انا بعزم شباب كره السله على الغدا ...وااانته بتكون ويانا
قال وهو فرحاان : ما تقصرين دكتوره
قلت : هذا واجبي ...ما تبا تسالني عن شي ؟؟!!
قال وهو منحرج : العاش شخبارها ؟؟!!
ضحكت : بخيييييير ...من يومين مرمستنها فالتلفون هيه دااقه تنشد عنك ....يلا شد حيلك اول ما تظهر نبا نفرح فيكم ..عنبوه البنت تترياك سنه ..من ملجت سنه
قال : يالله دكتوره والله اني ودي الحييييييييين ما خذنها
ضحكت عليهـ ...قلت : تبا تشوفها ؟؟!!
طالعني بفرحه ..وشردت انا قبل لا يسالني ...ههههههههههه ...بعزمها وبخليه وياااها ...هيه متولهه عليه بعد ...
ركبت سيارتي ورجعت البيت ...اول ما دخلت ...جفت جواهر يالسه فالحوي بروحها ...شكلها واااايد مضااايجه ...رحت صوبها ..نزلت ويلست عدالها ...
قلت : شو فيها القمر .!
ردت : غيث للحين ما رجع, اتصل له ما يرد , اتصل لِ المكتب , السكرتير قال لي انه طلع من الصبح, احآتيه
يلست عدالها : ما عليه ان شاء الله ما صار الا الخير , أنتي اهدي الحين , تلقينه انشغل
خليني اتصل له ,,,
عبدالله
طلعت من دوااامي وسيده على الفله الي جفت آحمد يدخلها...آحمد امس بايت فبيتنا ..يعني اكيد الفله فاااضيه ما فيها الا البنت والحرمه العيوز ...وقفني الحارس ..بس تروع يوم جاف اللبس العسكري ...قلت له : افتح الباب
قال : بس ارباب ..؟
قلت : افتح البااااااااااب الحيييييييييييين اقولك
فتحه ...هههههههههه ...اللبس العسكري يخوف ...دخلت سيارتي داخل...ولمحتها ...هالبنت فالحديقه ...واقفه ...ولابسه بنطلون وقميص وفااجه شعرها ...وعدالها قفص عصااافير ..ويوم جافتني يت تربع صوبي خيفاااااااااااااااانه ...خفت ..شو هالسر الي فحياه آحمد ...وليش ما يخبرني انا اخوووه عنه ....ليش ؟؟!!
ندى
كنت فالحديقه مبسوووطه ...آحمد يعاملني احسن عن قبل ...بووووايد ....امس انجبر ينام فبيت امه ...لانها تباه فموضوع بس ويهه ما عيبني ...التفت على السياره الي دشت البيت ويوم جفت شرطي نزل من السياره ...وقف قلبي ...اكيد شي صااار لآحمد ...رحت اركض وقلبي بيوقف من الرعب الي اعيشه ...صرخت على لاما رالي يت تربع وياي ..مسكت الشرطي من ايده : آحمد فيه شي ...خبرني ..شو بلاااه آحمد ..
بعدها ما حسيت بالدنيا من حولي ...تعباااااانه ...فتحت عيني وانا فالسرير ...رفعت راسي وانا فغرفتي...سحبت عمري من السرير..وقفت عند الدري...جفت الشرطي يالس مجااابل لامار...وهيه تحكي له كيف تزوجت آحمد ..حسيت بالخوف ...يوم قالت له عبدالله ...هذا اخو آحمد ...يشبهه ..وآحمد قايل لي ان اخوه شرطي ...نزلت اركض ورحت صوبه : لالالالالالالالالالالالا انا هب زوجته ...لا هب زوووووجته
ما حسيت الا بـ لمار تسحبني ...وقالت : اهدي ...استاز عبدالله راح يساعدكن
طالعته ...صحت :لا تاذي آحمد ..خلاااص خلوه يطلقني ..بس لا تاذيهـ
تقرب مني وقال : ندى ..انتي كيف تحبينه لهدرجه وهو يخونج
طالعته وقلت : ااااااااااادري ...بس شو تباني اسوي ...اقوله طلقني ..انا مالي غيره ..آحمد هو الي يحبني ويهتم فيني ..ااااااااادري انه كل يوم يناااااااااااام ويا وحده ...ويسهرررررررر ويا وحده ...ويعشق الثااااااااااااانيه ...ويكلم الراااابعه والخاااامسه ...ويوعد المليووووووون بس انا ما اقدر اقوله شي
طالعني وهو مشفق عليهـ ..قال : سمعي ..ترا آحمد بيعرس خلااال هالشهر
طالعته بصدمه ...هذا الي يخبيه عليه آحمد انا كنت حاااسه ...للحضه كنت بطيح بس تماسكت ...مسكتني لامار ..ويلستني ..
وقالت : بليز مسيو عبدالله انته عم تعزب ندى
قال : لااااااااا انا ابا مصلحتها ...سمعي بعد يومين ..اتين عندنا البيت وتخبرين امااايه السالفه ...
يلس جدامي وقااال : ترا آحمد يحبج بس انتي مشكلتج الضعف ..انا برتب لج كل شي ...بس لا تقولييين له انج شفتيني ..فااااااااااااااهمه
هزيت راسي ...دفنت راسي فصدر لامار بعد ما سمعت باب الصاله يتسكر
روضه
دقيت باب غرفه بنات عمي , ابويه رمسني اليوم , شمسه ملجتها قريب ,
ويباني اساعدها ,
فجت لي الباب بس ويها معتفس قلت : مبروووووووووك
طآلعتني ودشت الغرفه , تبعتها سكرت الباب ,
قلت : بلاج ..!
قالت : ولاشي
قلت : ابويه رمسني , لا تحآتين , عندي اكثر من فستان ,ما قد لبستهم , بعطيج وآحد قياسي وقياسج وآحد خصوصاً ان الملجه مابقى عليها شي , مافي وقت نصمم ,
وبالنسبه للمكيآج , انا كلمت الخبيرة الي تمكيجني دوم , وان شاء الله بتطلعين قمر ..!
ابتسمت قالت : مشكوووره ,
قلت : تحبينه ؟؟!
ضحكت وقالت : زميل عمل لا اكثر
طآلعتها وقلت : بس اكيد له مكآنه في قلبج والا ما وآفقتي
سرحت , شكلها خيفانه , ابتسمت وقلت لها , يلا انا بطلع الحييين ,
بنتفآهم بعديين , شكلج مشغوله
عبدالله
وصلت فيه الحقااااره هالكثر ..ما صدقت الكلام الي قالته اللبنانيه لامار ...ادري انه سوى الي مفروض يستوي ...بس هو وااااايد ضالم ...واااااااايد
حراااااااااااااااااااام عليه ...فارنها فبيت ...تتعذب ...وهو بيعرس ...ان متاكد انه يحبها بالدليل صيااااح آحمد يوم تعبت ندى ....انا نويت اساعدهم هم الاثنين ...آحمد وااايد مغازلجي ...يعني ما في بنت ما ظهر وياها ...بس انا بخلي ندى تعلمه ان الله حق ...ويتوب من دروووب الفسق والعصيااااااااااااااااااااان ...لا تفهموني غلط ...آحمد اخوي ويعز عليه وااااااااااااااااااااايد ...وعشان جيه ابا مصلحته ....ومصلحته ويا هالبنت ...دخلت البيت وجفته فويهي ...ابتسمت
: شحاللك المعرس ؟؟!!
ضحك : شدراك اني بملج بعد 5 اايام
فتحت عيني على اخرها ...امايه شكلها مستعيله : والله ؟؟!
قال وهو ينهد : هيييييييييييه ...الله يعين بس
طلع ...وانا رحت غرفتي ....
طيف
انهرت بعد ما بلغني ابويه ان الملجه بعد اسبوع ...ما اقدر ...فهموني ...احب عبدالله ...واخذ آحمد وين تصير هذي ...وين ..دفنت راسي فالمخده واطلقت العنان لدموعي ...حسيت اني بختنق من كثر الصااايح ...فريت المخده وصاااارخت ...ما حسيت الا وانا فحضن هادف ...تميت اشاااهق ...غرست اضافري فايده ...وتم هو يمسح على راسي ...كنت اقول: ما اباه ...ما اباه ..
قال : طيف اهدي فديتج
قلت : هااادف قول لهم اني ما اباه ...قووووول
طالعني وقال : ماشي فايده ...الناس بتحضر الملجه ...الكل عرف ان ولد سعود الـ...بياخذ بنت محمد الـ.....
طالعته وانا فاقده الامل ...عيوني ما راضيه توقف هدر بدموعها ...ما منها فااايده هالدموع غير انها تعذبني اكثثثثثثثر ...واكثررررررر خلاااااص ...الامر صاار واقع..تعرفون يوم تحسون انك لا حول لك ولا قوه ...انك هب قادر تتحكم بمصيرك ...انك ولا شي ...ولا شي ...فريت عمري على السرير ...شو اسوي ...سمعت الباب يتسكر...هادف طلع ..مسكت التلفون بتصل لعبدالله ...بس فريت التلفون باقوى ما عندي ...حقيييييييييييييييييييييييير ...قايل انه بيساعدني ...حقييييييييييييييييييير ...اكرههههههههه
عبدالله
اتصلت على لامار ...قلت لها ان خلال هاليومين تيب ندى عندنا البيت وتفضح السااالفه ...وبهالطريقه بتتكنسل الملجــــــــــه ....عشان آحمد انا اسوي هالشي كله ...فتحت الستاره وجفت عليا يالسه بروحها على الارض جدام المسبح ...شكلها فيها شي ..ما اهتميت هالانسانه مريضه نفسيا ....
عليا
بمووووووووووووووت من الالم ...خلاااص ...ما اقدر استحمل اكثر ...حاولت اهدى ...بس ماشي فاااايده ...صحت ...امايه كانت تهتم فيني يوم اتيني الالم القولون ...خليت ايدي على بطني من جهه اليسار ..بس خلااااص ...اباا ارتاح...سمعت صوت ورايه التفت وجفت شمسه ...قالت : شي فيييييييج ؟؟!!
قلت : لاااااااااااااااااااااااااااااااا
روحت عني ...ما ادري شو بلاني وليش اعاملها جيه ...تميت على حالي لحد ما زقروني للعشا ...الكل كان موجود ...الي يسمونه عمي وحرمته ...روضه الي ما تنجاف ..شمسه ...عبدالله الحقييير ..مروان ...آحمد ابو عيون زااايغه ...يلست ما كنت مشتهييه اابدا
روضه
يالله متى بيخلصون ...بقوم بكشخ وبروح ايب تلفوني ...ما فيني على المشاااكل ..التلفون كله صور لي ...انا هب عارفه كيف طااح مني ...طالعت آحمد ..باله هب عندنا شكله يفكر ...وطيفالله يعينها ...شو حالها الحييين ...اكيد منهاره ..ما ترد على تلفونها ...ما ابا ادق على تلفون البيت ...ما ابا اسمع صوت هااادف الحقييير ...قمت من على طاوله العشا ...رحت غرفتي ....شكلي تاخرت ...لبست على السريع ...وطلعت ...وقفت عند المطعم ..غريبـــــــــه ما فيه سيارتات فالباركنات ...احيد يوم يعزمني عبدالله ما نلقى مكان للباركن ...بندت سيارتي ونزلت ....دخلت المطعم ...وانصدمت,,,,,
لطيفة
وعيت من الرقااااد وانا زااايغه ...قمت بسرعه من على السرير ...وين انا ...التفت ...انا فغرفه منصور ...كيف وصلت هنيه ...تذكرت امس...فالليل ما قدرت ارقد لان البيت فاضي ...حسيت بالخووف ...محد غيري الا انا وعبود ...والي اتذكره اني كنت على الكنبه ...شو الي وصلني هنيه ...شهقت ..منصور ..منصور هو الي يابني هنيه .طالعت الصوب الي ينام هو فيه ...كان نااايم عدالي ...نااايم عدالي ...فريت اللحاف بقو ...فتحت الباب وانا ارفع شعري بعصبيه ...دخلت الغرفه الثاانيه وجفت عبود نااايم ...سكرت الباب ...التفت على باب الصاله الي ينفج ..ويدخل منصور شايل معااه اكياااس ...كنت معصبه وخاطري اضربه ...رحت صوبه وضربته على جتفه ...لف صوبي وهو مستغرب ...
قلت وانا في قمه العصبيه : منو سمح لك ادخلني غرفتك وتخلينـ...؟؟!!
قاطعني : لطيفه اهدي شو فيج
صرخت : ماااااااا ابا اهد اذا انته مفكر بحركاتك هذي بتخليني ارجع لك فانته تحلم
طالعني منصدم ...وقال وهو معصب : خفظي صوتج عبود بيوعى ...وبعديييييين ....انتي كنتي نااايمه على الكنب وانا دخلتج ...واطمني ما تقربت منج
صارخت : وليش ادخلني ؟؟ليش ما تخليني نايمه على الكنبه ..ليش؟؟؟!!!!!!!!!
ودرني ورااح المطبخ ...وقفت عند باب المطبخ وانا اجوف يفتح الاكياس ويظهر فطااير جبن حاره ويبدا ياااكل وهو يطالعني ...قهرني..ما قدرت اسيطر على عمري
صرخت : اكرههههههههههههههههههههههههههههههههههك
ودرته ورحت
منصور
كملت اكل الفطيره بكل برود ما عدا اني احترق من داخلي...اكيد تبون تعرفون شو صار اول ما رجعت الفيييييييير ....انا بخبركم ...فالليل ..وانا سهران مع عبدالله ..اتصلت لي لطيفه ...خفت ..بس هيه سالت كيف تقفل البيبان وين المفاتيح وهالكلام..حسيت انها خيفانه بس ما توقعت لدرجه انها تنام فالصاله ...
(( كنت ما اشوف جداامي ...والله دوام الليل كراااااف وهم ...دخلت ادور السرير ...بس لمحت لطيفه نايمه على الكنبه ...رحت صوبها ...تعرفون يوم يوصفون جمال المراءه ويقولون فتنه تمشي على الارض ...هذي هيه ...فتنـــــــه...تفتني فكل الي فيهااا ...شعرها متناثر على ويها ..تقربت منها..رفعت شعرها
: لطيفه ...لطووف
فتحت عينها بتعب ..قالت : خيفااانهـ
شكلهاا هب عارفه وين هيه ..وشو صااير ...قلت ..: قومي لطيفه
قالت : عبود انا تعبانه
ضحكت فخااطري ...تاملتها ...قلت : لطيفه
قامت وهي تتافف ..احسها ما حاسه بعمرها ...والدليل انها فرت عمرها بحضني ..وقف قلبي ...ريحتها وكل شي فيها يشدني لها ...شليتها وخليتها على سريري ....ما قدرت ارقد وهيه قربي ...بعد ما خذت شور ...طلعت من البيت ورحت صوب المخبز ...رجعت البيت وجفتها مسويه قضيـــــــــــــــــــــــــه ...بس احبهااااااااااااااااااااااااااااا
مضى اليوم عاااادي ...حسيت انها مضايجه...وانا تجنبت ارمسها ..ياني عبود ويلس يسولف وياي ...لعبت وياااه...وبين رمسته قالي ان غيث قال للطيفه ما ترجع البيت ...لازم اتصرف ...لازم اساعد لطيفه اعرفها ما تصبر عن اهلها ...
جوآهر
ركضت صوب غرفة آم غيث , دقيت الباب بخوف
طلعت لي وهي مرتبكه
شو صـآآآآآآآآآآآآآآآير
نزلت دموعي : غيث ما رجع من امس, انا خيفآنه,حآسه ان صار له شـي ,
جسمي يرتجف , حسيت بدوخـه وما قدرت اوقف ... خلاص
روضه
وقف قلبي يوم جفت المطعم فاااضي ...ما فيه حد ..وين الناس وين العالم ...ها المطعم الا بالحجز ...يعني تحجز قبل باسبوع ...استغربت..ياني جرسون
قالي : روضه ؟؟!!
قلت : هيه
قال : تفضلي
خفت ودقات قلبي علت ...شو السالفه ...قلت : وين االاستاذ فيصل ...؟؟؟!!
قال : تفضلي
قلت : لا انا مابتحرك الا لما اجوفه
التفت على صوت ضحكه ..جفته واقف ...كااااااشخ ...
طالعته مستغربه : ليش المكان فااضي ؟!
قال : انا حاجز المطعم كاامل
قلت : وين تلفوني ؟؟!!
قال : اووه لا تتحسبيني حراامي ..بعطيج اياه بس ممكن نيلس
رحت ويلست ...بجوف اخرتها وياااااه ...التلفون فيه واااااااااايد اشياء خصوصيه ...فيديوات هبل انا وطيف....ومرات صوره لهادف ...وفيديو لاخواني...ولي انا ...هالشي اجبرني اروح وايلس
جفته ياخذ المنيو ...قال : شو بتطلبين ؟؟!!
قلت : ما ابا شي شكرا ..ممكن ترجع لي التلفون
طالعني وقال : صراااحه انا ميت من اليووووع وما اقدر اتفاهم ويااج الا بعد ما اكل ..وعشان اكل لازم انتي تااكلييييييين بعد ...فااااااااهمه
طالعته وانا فاااجه حلجي ...يلس يطلب لي وله ...استحملت وبلعت لساني وقلت ما عليه عدي يا روووضهـ ...
مرت نص سااعه وهو على حاله قال : بتمين جيه ساكته روضه ؟؟!!
طالعته : من وين عرفت اسمي
قال بوقاحه : من التلفون
كنت بصارخ فويهه ...بس منعني وجود شخص ثالث ..واااحد ضخم ...خفت ...
قال : طال عمرك رغد تتصل
حسيته نسى الدنيا ...ومسك التلفون ..رد : حياااااااااااتي
اوف بعد من هالنوع من الشباب الي شرات آحمد وهادف ...الله يغربلهم ...شو ها ...بنات الناس يتحسبونهن لعبه ..للحضه رجع لي طيف هادف ..ارتجف ..رفعت عيني وانا اسمع صوت ضحكه : هههههههههههههههههههههههههههههههههه ....يا قلبي ..فديت هالصوت خلااص اول ما اوصل البيت بيب لج الي تبينه
الطرف ثاني تكلم ..وهو شاااق الحلج مبتسم ...اووف ...
قال : بابا احيين روحي نامي
بنته ...بنته وانا كنت ظالمتنه ...نزلت راسي صار تفكيري قذر شرات هادف وآحمد ...ما احسيت الا وانا اسمع صوته : روضه وين رحتي ؟؟
ابتسمت : لا ..ويااك
قال : سوري اخرتج ..بس الصراحه ا نا ما اقدر اعطيييج التلفون
قلت : ليش عاااااااااااااااد ؟؟!!
قال وهو متلوم : صرااحه انا مفتشل منج ...طاح التلفون من ايدي ...وانكسر ...
ابتسمت : فدوا .........ما عليك خلاااص ..ما يهمني
قال : لالالالا..ظهر لي كيس ...وعطاني اياها ...وقال هذي هديــــــه
قلت : لا
قال : دخيلج لا تحرجيني
خذت الكيس ...وعطاني الكرت ...
قال : السموحه عاد
قلت وانا ابتسمـ : مسموح ...ما انسى انك ساعدتني وااايد
قال : لا هذا واجبي ...
قمت بروح ...شكرته وطلعت ...اول ما دخلت البيت ..رحت غرفتي ...فتحت الكيس ...وطلعت التلفون شهقت ..مرصع بالالماس ...شكله خبااااااااااااااااااااااااااال ....لاااااا انا مستحيل اقبل الهديه ...دخلت كرت التلفون ...واول ما اشتغل طلع لي مســــــــــــج
(( روضه ..اول بنت تدخل قلب فيصل الـ... ..اتمنى اسمع صوتج ...اجوفج ..لا تحرميني من هالشي ))
دق قلبي بقو...معقوله انعجب فيني ..يخدع عليه ....حسيت برجفه ...رن التلفون وظهرت صورته ...زغت ...هذا لاعب على التلفون ..ما رديت ....اسمه هب غريب...وين سامعتنه ....فريت التلفون انا لازم ارجع له جهازه ....غلقت التلفون ورقدت...الساعه 11
ندى
ارتجف ...مترووعه ...آحمد ياي عندي شو يابه لايكون درا ....لا يكون عرف ان عبدالله يا عندنا ....تكورت على السرير وانا ارتجف ...آحمد بيذبحني اذا عرف بالموضع ...ادري يحبني ..ادري يموت عليه....بس الكلام الي قاله عبدالله جرحني ...كان عندي شك ...بس كلام عبدالله اكد لي كل شي ...هب قادره اجوف ويهه ..احسني بنفجر بس عبدالله حذرني ...حسيت بايده على جتفي
: ندى يا قلبي
ما رديت ...
قال : نايمه
مسحت دموعي ...بيعرس وبيودرني ...التفت صوبه وقلت: تعبانه شوي
تروع وقال :تبيني اوصلج المستشفى ؟!!
قلت بخوف : لا بس ابا انااااام
سمعت صوت الباب يتسكر ..تنفست براحه ...شو بسوي باجر لما اروح واشوف امه ..بيطردوني ..والا شو بيسوون ...
عبدالله
يلست فالحديقه ..باجر شو بيصير ..امايه شو بتكون رده فعلها ..ما حسيت بالوقت ...الا على الساعه 1 فالليل ..قلت بروح انام وباجر ان شاء الله يصير خيـر ...طلعت ...المكان ظلام والاناره خافته ..حسيت بصوت حد يتألم ..تميت اتلفت ..شفت فالظلام ظل حد ..فتحت الانـاره وانصدمت يوم شفت عليــا ...ويها متغير ..حسيت فيها شي : بــلاج ؟!
قالت : ماشي وما يخصك
قلت وانا معصب : انا الي ما عندي سالفه يالس اسألج انتي الوقحه
كنت بروح ..بس وقفت على صرختها وشفتها ماسكه بطنها ...نسيت كل شي وربعت صوبها ..تمت تصيــح : بمووووووت ...تعباااااااااااااااااانه
مسكتها وانا اشوفها بطيح قلت وانا مرتبك : شو يعورج ؟؟!!
تمت تشاهق ما فهمت لها ...يلستها على الكرسي وربعت صوب غرفه روضه سحبت اقرب عباه ...ساعدتها تلبسها وهيه هب فوعيها ..يمكن الزايده..قلت : يلا بوصلج المستشفى
قامت بس مسكت فيني .. حسيتها ضعيفه مسكتها وطلعت وياها ...كانت شبه غايبه عن الوعي ..خفت عليها من الخاطر .. كل مره تكون قويه شو بلاها الحيـن .. طرت للمستشفى بسـرعه وقلبي بيوقف من الخوف عليها ....
نهآية البارت
06-12-10, 02:58 PM
جديد مواضيع قسم القصص المكتمله من وحي قلم الاعضاء
العرض العادي
