كاتب الموضوع :
الروح الطاهرة
المنتدى :
الارشيف
حينما تتعلق روحكـ بمكـان مـا
تفوح رائحة قهوتكـ في جنباته
وتتناثر حروفكـ بين طيااته
وتتراقص كلماتكـ طرباً لصوته العذب
حيث تكون أنت جزء منه وهو جزء منكـ
تيقن حينها أنكما " كيـان وروح"
عدت وقلبي ملي بالشوق أقدم لكم عيديتي في ثالث أيام العيد
البارت يشكل نقلة لمشاعر الابطال وتمرد لا أدري أين يتوقف..؟؟!
(`~*.` لقلوبكم الطاهرة ولسما ليلاس.o )
(`~*.` البارت الثالث.o )
(`~*.` البارت الرابع.o )
سأعود ...؟!
لاكمل لعبتك أيها القدر
أخفى عيونه بنظارة سوداء: ياشيخ أوعدني السالفة ماتطلع
وتعرف ياشيخ إحنا قبايل وعيال حمايل
وهالعلوم لو أحد شم فيها خبر
إنت أدري وش بيصير
مسد لحيته اللي تعطي لوجه المنير
الوقار والاحترام
مستغرب من تصرفات جواد وإرتباكه
وخوفه من كلام الناس أكثر من خوفه من الله
هز رأسه بوقار: ياولدي من ستر مسلم في الدنيا ستر الله عليه في الدنيا والاخرة
وبناتكم بناتنا بنستر عليهم
عسا الله يحفظهم ويسترهم
حرك جواله بحركة دورانية
الشيخ: ياولدي بناتكم أمانة عندكم
جواد: إن شاء الله ياشيخ
هز براسه:الله يهدي الجميع
جواد: ياشيخ اللي بلغ عن الاستراحة حرمة ولا رجال
الشيخ : فاعلة خير ياولدي
جواد: يصير خير
خبث وحقد فداخله عليها.!
ندى
دخلت المكتب بعد مالبست عباية على الرأس
غصبن عني وأنا قرفانه من هالعباية ودي أفسخها وأرميها في وجه المطووع اللي قدامي
أحس نفسي شحادة في هالعباية أو وحدة عجوز أوفقيرة
ماحسيت أني ندى العالي وأنا لابسة هالقرف لمست قماش العباية من القماش اللي نوعه رخيص.!
ميلت فمي وأنا أشوف وجه العجوز المطوع اللي قدامي
ودي أحرق المكان مع اللي فيه
جمدت في مكاني
وإنصدمت من اللي واقف قدامي
"جواد"
توقعت جابر أو عمي صالح
بس ماجاء في بالي " جواد"
قرب من عندي وهويهمس لاذني: إستراحة شذووذ ياللي ماتستحين على وجهك
جمدت في مكاني من نبرة صوته وتهديده إنشليت عن كل شي الا شي واحد
فكرة إنه يقتلني
إيه يقتلني جواد مايرحم ولا في قلبه رحمه
ماكان عندي حل الا إني أكلم الشيخ يحميني من جواد
الرجل الوحيد اللي قدامي أو المنقد من يد جواد
ندى: شوفه ياشيخ يهددني خليه يتعهد إن مايمد يده علي
تكفى ياشيخ لا تخليه يقتلني
هز براسه: لاحول ولاقوة إلا بالله
ولف ظهره مسوي فيها يغض البصر عني
إنقهرت من رد الشيخ ماقدر يسوي شئ له
ماعندي سند يكون معاي ويحميني
ويوقف جواد عند حده
حسيت بيده الثقيلة تدفني بقوة: إمشي الله يسود وجهك فشلتينا
مشيت قدامه بخطوات سريعة
وداخلي حقد وإنتقام
للملعونة " وردينال "
عارفة هالشي كله من تحت رأسها
وهي اللي بلغت عن الاستراحة بعد ماخرجت منها
حقييييييييييرة طول عمرها تغار مني
مسوية فيها بنت شرف وهي جزمة واطية
والله لا أخليها تندم على قد شعر رأسها
فتح لي الباب : إطلعي الله يفشلك سودتي وجيهنا
ياللي ماتستحين
مسكت طرف العباية بقرف وأنا أطلع في سيارته
نظرت في ملامحه الجامدة
تكلمت بجراءة : الشيخ مايدري إنك مو محرمي
ضحك على كلامي هو يتفحص شكلي بخبث :
ليه يامدام إستراحات الشذوذ نستك إنك حرمتي
إنصدمت
حرمتي
صحيت من غيبوبة
لها " عشر سنين"
جواد زوجي من عشر سنين
بس عمري ماحسيت إني متزوجة وعندي زوج
من يوم عمري 13 سنة وأبوي رماني لجواد
عشان يستر علي
زوجة على ورق
ياليت يسمعني كلمة وحدة وأرتاح
إنتي طالق؟
يطلقني من قيود الورق
ومن قيود ربطتنا في بعض
وإحنا مو لبعض
زفرت بآهـ قهر وحسرة
كل الرجال اللي عرفتهم في حياتي باعوني برخيص
أبوي باعني وقدمني لجواد برخيص
وماطلب حتى المهر فيني
وجواد باعني برخيص طول العشر سنين
ولا فكر يكلمني ولا طلب يشوفني
رخيت جسمي على الباب
مسحت دموعي
ضحكت على نفسي أبكي وأنا ماعندي إحساس
إحساسي إندفن
إيه كلمة إحساس من حياتي ملغية
من يوم عرفت إني رخيصة لواحد رخيص
｡｡｡
حور
يارب إرزقني من حلالك وإبعدني عن الحرام
رفعت يدي وأتذكر الدعاء اللي أمي دايم تردده لو إشتدت الضيقة علينا
اللهم إن كان رزقي في السماء فأنزله وإن كان في الأرض فأخرجه وإن
كان بعيدا فقربه وإن كان قريبا فيسره
وإن كان قليلا فكثره وإن كان كثيرا فبارك لي فيه
الهي ادعوك دعاء من اشتدت فاقته و ضعفت قوته و قلت حيلته دعاء
الغريق المضطر البائس الفقير الذي لا يجد لكشف ما هو فيه من الذنوب إلا
أنت فصل على محمد و آل محمد و اكشف ما بي من ضر انك ارحم الراحمين
لا اله إلا أنت سبحانك أني كنت من الظالمين
مسحت وجهي بذل وخشوع للرحمن الرحيم
اللي ماينسى عباده
الرحيم عليهم
والساتر لعباده
الغفور لاخطائنا وذنوبنا
يارب إرزقني من حلالك
رجعت أفكر بكلام هنادي
" كلها مقابلة نص ساعة"
وبعدها أتوظف
أدري نص ساعة صعبة أجلس مع رجال غريب عني
وما اعرفه بس مو كل شي يجي بسهولة
الحياة ماتقدم لنا طبق من ذهب
تنهدت بتعب : الله يعين
لو كان عندي محرم وضعي إختلف
المحرم الوحيد هو سبب عذابي أنا وأمي
عندي أمل أن موت ناصر بداية الخير لنا
بتوظف إن شاء الله
وبشيل عن أمي هم عيشتنا
بريح الغالية اللي تعبت عشاني
وذاقت المر والحياة الصعبة مع ناصر
خانتي الغصة تذكرت سلسلة العذاب
عذبني وحرمني من أبسط حقوقي
حبسني بين أربع جدران شهدت عذابه وجبروته
منعني من كل شي
الرجل الوحيد اللي كرهني في الرجال
إنسدحت على ظهري أتأمل القمر
موكل رجال ناصر
عمر أخو هنادي
رجال شهم يشتغل في كل شي
هنادي دايم تمدحه وتثني عليه وعلى رجولته وشهامته
غمضت عيوني وتخيلت هنادي تخطبني لاخوها
حور بخطبك لاخويا عمر
فتحت عيوني وضحكت على تخيلاتي الغبية
يتبع
|
11-08-10, 11:59 PM
جديد مواضيع قسم الارشيف
العرض العادي
