(الجزء الخامس )

بالمزرعه بغرفة ساره
ساره بالم: شفتي يامها ماقلت لك انه ماراح يهدي لين يجيبها وهذا هو رجع بس يبي ينتقم تعرفين عبد العزيز مايحب شي يوقف بوجهه

مها تصبرها :ماعليك اهم شي مافيه شي يتغير عليك واذا هو اخذها فهو تحدي بينهم وماراح يحبها هو بس يبي يبن لها قدرها وانها ماتحط راسها براسه لااكثر وبعدين انتي الاصل

ساره بخوف :الله يستر بس

مها :لاتخافي وادعي ربي يسخر لك زوجك ولاتشيلي هم شي وانتي تعرفي غلاتك عند عبد العزيز

تنهدت ساره :الله كريم

مها ابتسمت :يلا نطلع برى العائله كلها مجتمعه قدام المسبح وعماني وجدي علشان لاتفكري كثير ويذبحك التفكير




برى كانو جلسين الرجل بحصيره والحريم بحصيره قدام بعض والبنات

جالسات عالطاوله والشباب مو موجدين رون بصوت واطي :حسافه

الشباب بالمسبح هناك كان نفسي اشوف عمر ياويل قلبي
دانيه بضحكه مكتومه :انا بعرف انتي قلبك فندق

ناظرتها رون بقهر موني تكمل بابتسامه : كل مره واحد يؤ بنات شوفو سعد يهبل يؤ يابنات شوفو عمر ياخذ العقل يؤ شوفو ابو طاقيه حمرا

خبطتها رون على ظهرها : اوه شسوي اذا قلبي اخضر يستقبل الكل

ضحكو البنات :هههههههههههههه

هدى لفت عليهم :ضحكونا معكم

موني بقهرها :اوف مشكله الناس القاطه معنا

ناظرتها هدى بقهر وسكتت

مريم ابتسمت : ماعليك بس بالبزران هذولي كملي بس

ورجعت هدى تكمل سوالفيه مع مريم

دانيه ناظرت بموني : انتي ليش كذا تحرجين هدى دائما

موني ابتسمت :احب اشوفها منحرجه وجهها يحمر

رون بضحكه :حبيها ورجعيها حصريا البنت لمروان

ضحكو البنات:هههههههههههههه

دانيه بخبث:بنات ايش رايكم نبدا نلعب على زوجة عمنا شيوم ونروح للغالي

رون بابتسامه :على كثر دلعك الا عليك تفكير خطي
ر
دانيه بدلع :شسوي انا كذا ربي خلقني
موني وقفت بابتسامة حماس: يلا صبيا لنشب نار الغيره

ناظروهم هدى ومريم باستغراب

مريم :أي نار وقت العصر

ضحكة موني :نار الغيره شوفو وانتم تعرفو

مشو البنات جهت عمانهم راحت دانيه وجلست جنب عمها ناصر ومسكت

ذراعه وموني نفس السالفه اما رون جلست جنب ابوها وهي كاتمه

ضحكتها لمن شافت شيماء زوجة عمتهم كيف فتحت عيونها بقوى

مصدومه ومقهوره دانيه بدلع :فدية عمو الغالي

موني تدللع :الله يخلي لنا الغالي

شيماء حست ان نار الغيره تاكلها وهي تشوفهم كيف محصرات زوجها
ناصر بضحكه :عطوني من الاخير

ضحكة دانيه :حلوه لمن تفهمنا قربت منه اكثر وهمست بإذنه خليني نسوق الله يخليك عطنا سياره وتعال معنا

هنا شيماء ماقدرت تستحمل والنار بدت تاكلها قامت وبصوت عالي اشوي :ناصر تعال ابيك

مريم وهدى لم شافو الوضع
مريم تكتم ضحكتها :والله مو صاحيت يتحرشون فيها

هدى :احسن خليها كانه مو عمنا على ايش خايفه عليه منا

مريم :يمكن خايفه نزوجه لها
ناصر ناظر زوجته وكانه فهم عليها يحبها ويعرف غيرتها المجنونه عليه

ابتسم وبصوت هادي للبنات :قومو يلا نتقابل ورى شجرة الليمون اللي باخر المزرعه

انسحبو البنات بهدوء وناصر راح لزوجته اللي مشت ومشى معها مسافه لين اختفو عن الكل بين الزرع

لفت شيماء عليه وماقالت ولاكلمه

ابتسم وقرب منها مسك يدها بيد واليد الثانيه يلعب بشعرها :فدية الناس اللي يغارون

ناظرت بعيونه وبدلع :شسوي بحالي حتى الهوى اللي يحرك شعرك اغير منه

ضحك ناصر :تدرين اني اموت عليك بس هالغيره تذبحني

قربت منه وحطت راسها على صدره ورفعت عيونها اطالعه :شسوي انا مجنونتك وهالغيره مو بيدي غصب عني





بيت ام محمد
من اول مادخلو البيت تركها وراح وهي جالسه هنا انا غبيه شاللي خلاني

اجيب الطاري كنا حلوين سوى قامت طلعت فوق شافت شنطتها اللي جابتها

من بيت ابوها امس بالليل يوه يبي لي اجهز من جديد فتحت الشنطه تشوف

شي حلو اوف مافيه شي بروح السوق اقضي لي كم شي بدق على السواق حق بيتنا دقت عليه

وقفت تلبس عبايتها بس تذكرت انها مااستأذنت من تركي وماتعرف رقمه
ماعرفت شتسوي اخر شي قالت للسواق روح

ماقدرت تطلع بدون اذنه طلعت الغرفه فتحت الشنطه شافت فستان وردي

قصير من فوق قصه دائريه وربع كم كان مره هادي وعليه شيفون ابيض

طلعت من الغرفه ونزلت المطبخ شافت الشغاله وسارت تسألها عن

الاغراض تبي تسوي حلى وقهوه العصر يمكن يجي سوت كل شي وحطته

بالصاله وجلست تتنتظر اذن المغرب وقامت تصلي ورجعت مكانها وهي

تنتظر لازم اعتذر مايسير كذا ياترى وينك قامت ادير بالقنوات سمعت

فتحت الباب وقفت وشافته جاي راحت له بسرعه وقفت قدامه وماعرفت شتسوي وهي تفرك يدينها قالت بطريقه طفوليه وبسرعه :انا اسفه

انبهر بشكلها كانها طفله مذنبه رغم انه كان شايل عليها الا انه ماقدر يعاتبها ماقدر يزعل عليها ابتسم غصب وقرب منها حط يده على كتفها وكانه يكلم طفل :بس مره ثانيه لاتفتحين هالموضوع خلاص

ارتبكت من حركته وابتسامه خجوله انرسمت على وجهها :خلاص حطت يدها تلقائيا على فمها وعد وعد

ماقدر الا انه يضحك وجلس وجلست معه وضمها ملاك اللي يشوفها مايقول عمرها خمسه وعشرين وكانه تذكر شي سرح بعيد عنها كانت مثلها مثل النسمه بحياته هدوئها ونعومتها يمكن هذا من الاسباب اللي علقته بحنان بسرعه تشبها بالهدوء والنعومه ليش لازم اقارن لازم انسى

اما هي كانت حاسه بالامان بالحب بالحضن الدافي اللي تحس انه بيعوضها عن كل شي ماتبي تتركه قطع تفكيرها صوته وهو يعدلها ليشوف وجهها ويحاول ينفض افكاره :صدق انتي ايش تشتغلي
ابتسمت حنان وبنعومه :مدرسه
ناظرها باستغراب: انتي كيف
حنان بوزت : ليش مو مبين انا ادرس اول ابتدائي
ضحك تركي بصوت عالي ابتسمت ضحكته تجنن تاخذ العقل وهاديه رزينه شكله يجنن
تركي بضحكه :بالله كيف بزر يدرس بزران
وقفت حنان بقهر :انا بزر وقف تركي وهو يمسح على وجهها :لا انتي احلى حنان بالدنيا
ابتسمت حنان بسعاده وعيونها دمعت ناظرها تركي باستغراب وبحنان :ايش فيك ياقلبي
رفعت عيونها له وبابتسامه صغيره :شسوي بالفرح ابكي وبالحزن ابكي
أحس كل هذا كثير عليا
مسح ادموعها بطرف اصابعه :هالدموع غاليه ماابغى اشوفها قرب منها وعطها بوسه على جبينها حست بكهربا تسري بجسمها بعدت عنه

وبابتسامه :تعال سويت لك حلى وقهوه بس انت تأخرت وجلست وهي تقرب الحلا وتعطيه القهوه



جت عبير :رغد فيه شخص يبيك بغرفة التمريض

راحت رغد مستغربه فتحت الباب وقفت مصدومه وبصوت باهت : عبد العزيز

وقف بثبات وبصوت قوي :مين متوقعه

حست بخوف مو طبيعي ورهبه من وقفته حضوره يفرض نفسه ارتبكت

وماعرفت شتقول تحس السانها خانها بهاللحظه قرب عبد العزيز وقف
قدامها مباشره رفعت عيونها بخوف

عبد العزيز بنبرة تهديد:سمعيني زين بكر الملكه وماابغى اسمع لك كلمه

ترى بتخسرين وظيفتك جدي عطاك كلمه يحميك وجدك مطلق احترم كلمته

بس انا اقدر اطلع من شوره وبنبرة هاديه :ترى ابو فارس مدير المستشفى

يبي يخدمني بعيونه تدرين اني اقدر اطيرك من وظيفتك كلها لاتحاولين تعندين

حست باختناق وبصوت راجف مو قادره تواجهه : مو بكيفك موموافقه ابدا

قرب عبد العزيز وجهه منها اكثر وسارت عيونه بعيونها :انتي حطيتي

راسك براسي واتحملي يابنت عمي انا حذرتك وانتي بكيفك تبين تجربين

مصير من يعصي اوامري لاتجين بكره بيتكم

وطلع وخلاها وقفت مقهوره حست بصرخه قويه نفسها تصرخ تكسر أي

شي تحس بالعجز وكانها مقيده رجعت القيود كل ماحاولت تفك قيد يرجع

ثاني
صرخت بصوت عالي :ليش كذا ااااااااااااااااااااااااااااااااااااااااااااه

دخلت غيداء بخوف :رغد ايش فيك

رغد ترجف وعيونها حمرا وتتنفس بسرعه : ليش مو قادره اوقف بوجههم

ليش الرجال اقوى منا ليش مانقدر نوقفهم عند حدهم ليش الضرب بالميت

حرام ضربتين بالراس توجع طلال رجع وعبد العزيز يبي يذبحني ماعاد اتحمل اكثر بموت ياغيداء بموت الله لايوفقهم

قربت منها غيداء تهديها :استهدي بالله يارغد

ناظرتها رغد بقهر:فهميني وين العداله وهم كل امورنا بيدهم وين الانصاف
ضمتها غيداء :استهدي بالله

بقت رغد ترجف بحضن غيداء بدون دموع وتتنفس بسرعه وتهز جسمها بقهر وبصوت راجف تصرخ : ياجبل مايهزك ريح ياجبل مايهزك ريح

انهارت وطاحت على الارض وغيداء تسندها وصوتها بدى يختفي تدرجيا


البنات رون وموني ودانيه جالسات ينتظرو عمهم

موني بقهر :اوف اكيد هالهبله اخرته

رون بقهروقفت قدامهن :مو منها منكن ماتعرفن تطلبنه بدون ماتثيرن غيرة الهانم يلا كلو ماسويتو

دانيه وهي تناظر قدامها:بنات شوفو هذا جسوم يسوق هيلوكس المزرعه
ناظرت

ابتسمت موني بخبث: هلا والله باخوي الغالي


وقفو البنات قدامه

موني بابتسامه :جسوم اطلب وامر ايش تبي

جاسم وهو عرف ايش تبي ابتسم بخبث: الاب توب حقك

صرخة موني :لا والله ماحزرت ياماماحامض عليك

جاسم يكتم ابتسامته :اجل ضفو وجيهكم

رون بتافف :موني كله لاب توب

موني :لا والله حبيبتي هذا دما اجهزه سوري

دانيه نقزت :انا انا اعطيك لاب توبي بس يلا

جاسم بابتسامه :اوكيه بس عندي شرط

موني :شحات ويتشرط

دقتها رون :اتركيه

جاسم :تركبون بالحوض اخذ فيكم لفه

دانيه بحماس :ايه وناسه ونقزت ورى ناظرو رون وموني ببعض وركبو معها جاسم بدى يسوق وبضحكه :هين والله لواريكم

ورى عند البنات واقفات وماسكات بطرف الغماره دانيه بفرح :واو الجو يجنن

اشوي الا السياره بدت تسرع والبنات يصارخون دانيه مسكت بقوى وغمضت عيونها وبدت تبكي :يماما

اما رون وموني يضحكون بصوت عالي مستانسات وجاسم يضحك عليهم وهو يسمع الصراخ وهبل فيهم

عند الشباب بقسم الرجال اللي كان قريب اكثر للبنات وسمعو اصوات

الصريخ قام فهد ومروان جري راحو يشوفو ايش هالاصوات طبعا الباقي

كانو بالمسبح وهم مابغو يسبحومشو ورى الصوت وشافو كيف البنات

بحوض الهيلوكس ويصارخو وفيه وحده منهم جالسه واللي واقفت العبايات

طايره كانهم باتمن ضحكو عليهم مع ان مروان كان خايف لانه عرف

صوت دانيه اشرو لجاسم يوقف وراحو له وقف جاسم ورون وموني نقزو

من الحوض وهم مستانسين اما دانيه جلست وهي تبكي بصوت عالي :ابي امي ماما

البنات سكتو لم انتبهو لها قرب مروان وطلع لاخته اول ماشافته مسكت فيه وهي تبكي هنا مروان عصب على جاسم :انت مجنون ايش سويت

جاسم بخوف :والله مو قصدي ماكنت ادري انهم بيخافو بعدين شفت هالسلحيات قويت ايش دراني ان اختك حساسه

موني ناظرته وهي تتخصر : احلف انت وجههك سبه عالطاير عيني عينك
يالبرز اذا ماقلت لجدي انك سقت سيارة العامل

فهد كان ساكت ويتأمل مروان وهو يحاول يهدي اخته رفعت ضغطه

هالبنت يعني هذولي كانو معها وما وحده فيهم بكت بالعكس كانو مستانسين

دائما يقهره دلعها الزايد ناظر باختها اللي مستانسه وتحاول تهدي دانيه

رون وهي تحت :يابنت اعتبريها مغامره حلوه

فهد بإبتسامه ثقيله :خليك طعسه مثل اختي

رون بقهر :فهيدان انا طعسه حرام عليك كل هالنعومه وهي تنثر عبايتها المغبر وهي معطيه ظهرها لمروان مايشوفها
ضحكو الكل حتى دانيه وقفها مروان ونزل وشالها ونزلها من السياره وشالها ضحكة دانيه وهو ابتسم :فدية اختي الدلوعه
وراح هو ومروان وفهد

لفة موني على جاسم :اللحين دورك نذبحك مسك جاسم ثوبه وجرى وهو يصرخ الشرده نص المرجله

ضحكو البنات
رون وهي اطيح نفسها على موني :ياويل حالي شفتي مروان كيف حنون ياقلبي ويلاه لو انه زوجي بس

ضربتها موني وهي تعدلها :يابنت لاتحطي عينك على زوج اختك
رون بتريقه :مو هذا القهر ولاكان من زمان مشبكته

ضحكو البنت ورجعو البيت :ههههههههههه





بالليل كانو الشبا ب جالسين جهت المسبح والانوار مطفيه والقمر مكتمل والجو خطير

جدهم نايم وعمامهم مافيه غير عمهم ناصر

محمد :ايش رايك فهد ادق لنا عود دام الشياب نايمين غمز فهد وناظر بعمه
ضحك ناصر :لاتخاف انا عارف كل شي

سعد بابتسامه :يلا ابو الشباب اطربنا مره انت ومره عمر

عمر وهويمد يده :طلعوني من الحسبه

مروان :لا والله عند اصحابك عادي وعند نا اهلك لا
عمر ابتسم :مو كذا بس

وقف جاسم : ولابس ولاهمس بدق غصب عنك
ناظره عمر بنظره قويه

جاسم يمثل الخوف :الله يخليك قسم بالله نظرتك تخوف يااخي تذوب الحديد بروح بسرعه اجيب عود فهد من سيارته اللي كانه ولده مو عوده وجرى جري ضحكو الكل عليه

كتمو ضحكتهم بهدوء <<عرفتو مين شلة الحشرنه ههههههههههه

رون بابتسامه :ياويلي ذبت عضحكته

موني دقتها :سكتي بس

دانيه بدلع : اقول رون بالله كيف اخوك المرعب عنده احساس

رون وقفت لها : لاوالله حبيبتي اخوي ابو الاحساس وصوته بيثبت لك

موني :لاقومو شدو شعور بعض انطمو خلونا نسمع شوفو جسوم جاب العود

عند الشباب
فهد بابتسامه :عمر ابدا انت

ابتسم عمر :يلا لعيون جسوم ابو لسان

اخذ العود وحطه بتمرس مسك الريشه اشوي الا يسمعو صوت نغمه
اغنية جابر الكاسر بصوته حبك من الله يانور العين صدقني

هنا تلخبطت موني لانه جوالهاواللي اربكها اكثر انه نواف حاولت تقفله

الشباب كلهم التفتو ذيك الجهه ضحك ناصر وكانه عرف :ارقابكم لاتنكسر

يلا كل واحد يلف قدامه عرف انهم البنات كانو متخبيت جنب مجلس

الرجال ورى شجرة الكافور وقريب مره من الشباب بس حظ انه مافيه غير

نور القمر لو كان فيه نور كان شافو البنات قام لهم

موني قفلت الجوال وجو بيهربو بس جى ناصر: تعالي انتي وياها

رون تضيع السالفه :يؤ طلع هذا مجلس الرجال ولفت ضحك ناصر :ههههههههه
اجلسو اجلسو بس المره الجايه اذا بغيتو تتصنتو قفلو جولاتكم واعتبر هالمكرمه لاني طنشتكم العصر

ضحكو البنات مع احراج من عمهم ناصر وجلسو ورجع ناصر عند الشباب واشر لعمر يبدا

ابتسم عمر :ايش تبون

ناصر :سمعنا على مزاجك

عمر ابتسم وهو يبدا يغني لفارس مهدي :
ياهلي ابيها لي مااتصورها مع ثاني
كان داخل جو ثاني وعايش معها وهو ضام العود كانه جزء منه
غنوتي واغلى بعد مني يوم اغني ماني طرباني
ياهلي تكفون ابيها لي مااتصورها مع ثاني
غنوتي واغلى بعد مني يوم اغني ماني طرباني
عند البنات رون ناظرت بالبنات وبصوت هادي :اويلاه ياقليبي يمه يذبح
ضحكو البنات بصوت واطي
من ثمان ترسلي اتمنها وتمناني
مااطلبت حاجه سوى وصلي
من مستحيل اتنساني
ياهلي اسمها مع رسمها
ياهلي خطها دمي وشرياني
اللي قلبي يحبها دمي والشقى
أي والله اشقاني
ياهلي تكفون ابيها لي مااتصورها مع ثاني
غنوتي واغلى بعد مني يوم اغني ماني طرباني

خلص عمر وابتسم لهم والكل كان داخل جوى صرخ جاسم وصفر :ياخطير ياولد ايش هالحنجره الذهبيه ولاراشد عبده
ضحكو الشباب كلهم

عمر بهدوء :استلم فهد يلا

فهد غمز له :مسرع تعبت ولا الاغنيه عالجرح

ضحك عمر :لاوالله بس انا مزكم من قبل

وارسل العود لفهد

رون :ياويل حالي هذا وهو مزكم ياليتني من يغني عنها

موني ضربتها :اقول دنجوانه انثبري عنا نبي نسمع

ناظرت رون بدانيه:شوفي اخوي اللحين يغني كيف احساس ياحلوه
سندت دانيه عالشجره :نسمع ونشوف

مسك فهد العود وبدى بنغمات متفرقه لين جاب اللحن وبدى يدق وهو يغني
:
ماابي جرح والاابي خوف ولااحزان
ماابي جرح والاابي خوف ولااحزان
ابي موقف ابي كلمه ابي موقف ابي كلمه
دانيه بصوت واطي :مشاء الله صوته مره خطير واحساس بعد
رون بغرور: شفتي كيف يهبل ايش رايك نخطب بكره
دانيه بسرعه : مستحيل
موني بقهر :اوف ياليل البعارين خلونا نسمع نعيش جو

ابي موقف ابي كلمه ابي موقف ابي كلمه
تهز اوطان دخيل الله ابي انسان



دخلت البيت والتعب مبين على وجهه مشت بخطوات تنحنحت لانو شافت تركي ضام حنان اعتدلت حنان ودخلت رغد وجلست عالكنبه بتعب
حنان بخوف :ايش فيك

رفعت رغد راسها بتعب وبصوت هادي :ولاشي بكره ملكتي على عبد العزيز

انصدم تركي ووقفت حنان بعصبيه :ايش بعد كل هذا ماكفاهم خلاص تعبنا

مو بكيفهم يزوجونا ويطلقون خلاص انا دفعت الثمن حنان كانت تتكلم بدون

ماتنتبه لكلامها قام تركي متضايق وطلع فوق رغد وقفت :عاجبك يعني

تجرحي زوجك

جلست حنان عالكنبه بتعب وقهر :خلاص تعبت والله تعبت

وجلست تبكي قربت منها رغد وضمتها :خلاص ياحنان اطلعي شوفي زوجك

طلعت حنان فوق ودخلت شافته جالس عالكنبه بميله ويده على وجهه قربت منه :تركي انا

تركي بانفعل وبعصبيه :انتي ايش تغلطي وانا علي اتحمل كل زلة لسان منك واكون تحت امرك بكل شي كل ماقلت زانت رجعت خربت
حنان مسكت يده وناظرت بعيونه مباشره وبصوت هادي :حنا بالبدايه واكيد كل واحد فينا بيغلط لاننا مابعد فهمنا بعض خلينا نتحمل لاتحاول بكل مره

تزعل وتتضايق حاول انك تقدر موقفي حتى لو استسلمنا للوضع ورضينا

نكمل لابد مايكون فيه رواسب هالرواسب راح نتخلص منها مع الوقت بس

بالوقت الحاظر لاتتوقع انو ننسى بسهوله

تنهدت بصمت وهو لف عنها واتمدد عالسرير ببرود لازم تحاول تحاسب على كلمتها اما هي طلعت من الغرفه بهدوء راحت للغرفه اللي فيها رغد
حنان بهدوء جلست جنبها وهي تشوفها هاديه وتفكر :كيف وافقتي

رغد تنهدت وبرجفه خفيفه : رجع ياحنان طلال رجع شبح الماضي يلاحقني ناظرت فيها بثبات وحنان مصدومه انا تبت لربي وربي هداني والحمد الله ليش يرجع الماضي وعبد العزيز هددني ياوظيفتي يااتزوجه الموضوع ماسار زواجه كثر مو تحدي من ولد عمك


حطت يدها على راسها وبصوت مكتوم : انا بضيع وبروح فيها اذا ماكان من طوفان عبد العزيز فهو من طوفان طلال اللي طلع بحياتي من جديد اكيد ربي يعاقبني على ذنوبي قبل بس والله تبت والله
سكتت حنان وهي مصدومه مو عارفه تواسي نفسها او تواسي أختها

تنهدت وقامت وهي مو قادره تقول شي دخلت الغرفه وشافته بمكانه تمددت جنبه بهدوء وهي تحبس صوتها وادموعها تنزل على حالها وحال أختها
وتكورت على حالها






صحت الصباح بتعب اخذت اغراضها وراحت بيتهم لازم تكلمه وتفهمه

عرفت ان الكل راجع بالطريق تنهدت بقهر اكيد اليوم الملكه اخذت تكسي

وراحت البيت دخلت البيت وطلعت غرفتها تشوف لها حل لهاالمصيبه

رمت شنطتها عالسرير وعبايتها واغراضها بطفش مسكت جوالها وسارت

تروح وترجع بالغرفه ياربي ايش اسوي اكلمه او لا انا ايش خلاني اتحداه

بس مو انه قدر يخلينا نملك بيملكني مايدري انها بداية الحرب هين

ياعزوز الحقير كيف اعرف رقمه بدق على حنان تجيبه من تركي

دقت على حنان واخذت منها الرقم طبعا طلبت ان تركي مايعرف شي

دقت على رقمه تحس ديها ترجف لا مو خوف بس اول تحس مو عارفه

ايش تبي سمعت صوته بلعت ريقها وبثبات :عبد العزيز

عبد العزيز بصوته الثقيل :نعم مين معي

بصوت راجف حاولت تثبته قد ماتقدر :انا رغد

عبد العزيز :نعم

حست بخوف من صوته الجاف قالت :ابي اجل الملكه

عبد العزيز بصوت ثابت : مافيه

حست بالقهر :طيب اسمعني يعني مايسير كذا بس الملكه
ابي حفله كبيره

ضحك عبد العزيز بهدوء :ههههههههه

رغد بقهر :ليش تضحك

عبد العزيز : ولا شي المهم الملكه اليوم والحفله نسوي لك حفله يوم الخميس بعد تامرين يابنت الذيب وحفيدة الشيخ مطلق يلا فمان الله وتجهزي لليوم

وقفل السماعه حست بالقهر وكانه يقول هذا قراري مافيه نقاش اه بس لو اقدر اذبحك ماقصرت فيك ياربي ايش هلبلوه حست أنها استوعبت وضعها كيف تكلمه كذا كانها تعرفه انعمت عن الحلال والحرام كله منه المفروض ماتكلمه وهو مو محرم لها ياربي خلاص انا مشتته مو عارفه شسوي ياربي اهدني عالطريق الصواب الله يرحم حالي









الظهر الكل رجع من المزرعه
وقت العصر
بيت ام محمد

ام محمد بابتسامه راحه :الله يديم عليكم وقررتم تسكنو بالشقه اللي قدام محمد

ابتسم تركي :اذا مايضايقك

ابتسمت ام محمد :الا يفرح قلبي الله يديم عليكم السعاده

دانيه بدلع وهي تميل بحظن امها :وانا ماما

ضحكة ام محمد وهي تمسح على راسها :وانتي ياقلب امك

ضحك تركي :يالغياره

دانيه بدلع :تراها امي بعد

عند الباب صوت مروان :ياولد بدخل

وقفت حنان بتطلع وتركي قال:لحظه

لين طلعت حنان قال له :فوت

دخل مروان قرب من تركي يسلم عليه :ياهلا والله بالمعرس بشرنا

تركي وهو يسلم عليه وبسعاده واضحه :تمام الحمد الله اوصيك اعرس

ترك يد اخوه ونقز عند امه من الجهه الثانيه :قول لهالحلوه انا ماعندي مانع

ضحكة ام محمد :قلت لك مافيه زواج لين تخلص دراسه

دانيه بابتسامه خبيثه :وبعدين ليش مستعجل والعروس موجوده

ناظرها مروان بعين قويه تركي يستهبل :مين هي قول لي

مروان ناظره :احلف بعد قول كمان اوصفيلي ياها اكملت والله

ضحك تركي :هههههههههه من اللحين غيره

طلع تركي وخلاهم دخل الغرفه على حنان ابتسمت له :حبيبي بروح مع رغد نجهز ومنها اجيب لي بعد ملابس اوكي ياقلبي

قال لها ببرود : روحي معها ومد الصرافه خذي يمكن تحتاجينه
ناظرت فيه بالم قربت منه وهو معطيها ظهره بيطلع ضمته من ورى وبصوت هادي : خلاص والله بحاول احاسب على كل كلمه اقولها بس لاتزعل مني انا ماصدقت الاقي الامان والحب الله يخليك ياتركي لاتحرمني
حس قلبه ينبض وكلامها حزنه عليها لف لها وضمها بهدوء وبصوت هادي :هالمره بعدي بس مو كل مره بعدي



الشركه
عمر بعصبيه :الطلبيه هذي المفروض مستلمينها اليوم ايش هالتسيب
ممدوح روح شوف شالموضوع بسرعه ورد علي

ممدوح بخوف :تامر طال عمرك وطلع من المكتب

مسح عمر على وجههه يهدي نفسه :يارب احمنا وقف واخذ جاكيته لبسه

ومشى طلع من مكتبه وقف السكرتير سار يتجول بمكاتب الشركه بهيبته

طلع من الشركه ابوه عطاه حمل كبير ركب سيارت الفراري السودا ومشى

يتجول بالشوارع سمع اغنية راشد الفارس
لجلك انت لابتعد عنهم واروح
وانسى لجلك هالجروح وانسى
من مرو بعمري الا انت تدري وش
هو العمر دونك مثل الليل بلا عيونك
وانا مااتحمل غيابك ماابي هالدنيا بدونك

قفل المسجل بعد تنهيدت تعب وقف على جنب ويحس برجفه بيده خلاص

مو متحمل يحبها يموت فيها بس مايقدر ياخذها اه يالدنيا ماتعطيني اللي نبي
اه ياربي لمتى ابقى كذا وين عمر القوي يحسبون قلبي جليد مادرو انه
براكين تشتعل
رجع شغل المسجل بعد ماسند راسه عالمرتبه ونزل الكرسي

ماكذب خافق حبيبك يوم قال انه
حبيبك ياللي حتى بغيابك الف طاري
له يجيبك عطني انت وانت خذني
ماهو بعد اذنك واذني وانسانى وخلينا بواحه





بيت ابو ركان
غرفة رغد
بعد مارجعو من السوق كانت الغرفه مليانه اكياس حقت رغد وحنان

حنان بضحكه :هذا وانتي مو راضيه

سكتت رغد ماردت وهي ترتب اغراضها

حنان تغير الموضوع :صدق راح نسكن عند عمتي مقابل شقة محمد

رغد ببرود : وانتي الهبله وافقتي تعيشي عندها زوجته الاول كانت ببيت مستقل

صرخت حنان بقهر :رغد لاتجيبي طاريها وبعدين اناراضيه لاتدخلي بحياتي ومو ساكنه عند غريبه عمتي

ابتسمت رغد باستهتار :هذا وانا اختك لجاب طاريها زوجك

حنان فلتت اعصابها وبقهر : يعني وانتي مااخذتي واحد متزوج

رغد بهدوء لفت لها وبسخريه : هو اللي اخذني مو انا اخذته
ناظرت فيها حنان بقهر ونزلت تحت شافت صيته جالسه قربت منها :ايش فيك وجهك شاحب

صيته بهدوء :ماادري من رجعنا من المزرعه احس بتعب

جلست جنبها حنان :الله يعين كيف الترتيبات

صيته :خليت الشغلات يسوى كل شي وام عبد العزيز بعد ارسلت شغالتها
وبعدين اليوم عائليه مافيه احد الا عمامك وعماتك

وقفت حنان وكانها تذكرت :وعمتي هاله تيجي

صيته :ايه جايه

راحت حنان تشرف على كل شي وهي خايفه من اختها متاكده انها ماراح اتعدي الموضوع على خير ابدا يارب سترك



بعد المغرب بدى البيت يمتلي من عمامها وعماتها وبمجلس الرجال كان

جدها وعياله وجدها مطلق وولده نواف ولده الكبير عزام وعياله عيسى

وفيصل


انتهى البارت
نلتقي الخميس بإذن الله

يسلمو على البارت الرائع ورغد ياعيني عليهامن وين تلقاها الله يعينها
اعجبت بدلع دانيه وتهور البنات بليز خلي ثلاث بارتات بالاسبوع الله لا يحرمنا منك واهنيك عل الروايه الرائعه

السلام عليكم

احاسيس انا قريت القصه كلها مبدعه ماشالله علييج

عجبتني فكرة القصه وشخصياتها وماشالله عليج مبدعه في تصوير قوة الشخصيه وتمردها

عبد العزيز شخصيه قويهوله حضوره الي يعطيه البطوله انا ما اشوووف انه غلط بنيته تربية بنت عمه الي تحدته وتحدت الجميع اباااه يغسل شراااعها مسودة الويه انا اكره شخصية الحرمه اذا استقوت على الريايل وخصوصا اهلها

رغد ...كسبت هالشخصيه وزاد تمردها يمكن من معاملة الكل الهالان امها كان الها ماضي معاهم وهم دائمن يذكرونها بامها وان اي تصرف منبوذ بسبب انها بنت حصهوبجذيه البنت صارت تكره الجميع وماتحسب حساااب لحد

لاكن لااازم حد يوقفها عند حدهاويبين الها الصح من الغلط

احاسيس موفقه يالغلا واتمنى لك التوفيق

مساء الورد تذكار بارت رائع

الحين رغد كانت قبل لعابه اجل تستاهل عقوبتها عزوزحتى لو تابت خصوص

اللعب با النار مثل المغازل لا وبعد طالعه معه تحملي وش بيجيك والثمن الي بيدفعك اياه طلال

ساره ياربي ياهي دابله كبدي وش ها السلبيه بصراحه تستاهل ان يتزوج عليها ويستاهل البرد من ضيع دفاه

ماهو نا فعك سوالف مها عليك


مها :لاتخافي وادعي ربي يسخر لك زوجك ولاتشيلي هم شي وانتي تعرفي غلاتك عند عبد العزيز

لو لك غلا عنده ما تزوج

بصراحه اتمنى انه يتزوج رغدلكن بعد ما تاخذ حقها منه

حنان وتركي كل واحد فيهم ماضيه ماهو تارك يطلع وقت انفعالاتهم

واكيد بيجيب لهم المشاكل با المستقبل

ننتظر البارت القادم ملكة عزوز ورغد