تسلمين احاسيس طفلة على البارت ارائع

رغد والمعاناه مع عايله ابوها مستمره
انا لو كنت مكان رغد لأتزوج عبد العزيز واسحبه على وجهه يعني الي متى المقاومه ومن مين من اهلها يعني بتهرب لمين يحميها غير الله

واخلي ساره صفر على الشمال اعيش حياتي والي في القلب فا القلب وافرض شروطي وانتقم منهم يوم يشوف عبد العزيز مايل معاها وتارك غاليتهم ساره حتى بناتهم ماتركو رغد يدعون عليها وعبد العزيز باليها على عمرها وقاطع نصيبها والرجال اذا اختل ميزانه والله ما يعدله الا ربه الي خلقه وان شاء الله انك ام عيال عبد العزيزيتحملون وقفتهم مع زواج عبد العزيز منها
عداوة اعمام رغد لخوالها جماعيه العيلتين بينهم نيران حتى حنان المغلوبه على امرها ما سلمت على كيفهم زواج طلاق ورئيها ماله اهميه

لكن رب ضاره نافعه يمكن هي وتركي كل واحد منهم يلقى الي فاقده في الثاني

ماجد وام ماجدماجد يحسب الدنيا على كيفه ترك حنان ويوم لف ولا لقى مثلها يبي يرجعها احسن شي رفضتك قدام الكل واخذت حقها منك وانت اقعد عد النجوم

نواف انقلب السحر على السحر يبي ينتقم من عايلة الذيب طاح بلي خايف منه

مبدعه احاسيس ننتظر القادم بشوق لاتطولين

مسا الورد تذكار

اتمنى انك تكتبين اسماء ابطال الروايه

واعمارهم احس اني ضايعه بين الأبطال رغم روعة الروايه

مشكوووووووووووره

السلام عليكم
مرحبا احسااااس بارت قلب كل الموازين
صراحه برجعت ماجد توقعته يرجع حنان ولو بعد زمن
لاكن انها تاخذتركي كانت الصدمه ما اعرف بس حسيت ان تركي كان يبيها قبل ماجدبس هي وافقت على ماجد وضاع الحلم
************
رغد ليش كل هالزحمه والتمسك برئيها وجدانها واهلها كلهم مو راضين على شغلها كان دوره مجال ثاني يحفظ لها كرامتها وحب عائلتها
ما اشوف ان اي وضيفه تستاهل زعل اهلها منها
*************
سارا بدة تظهر غيرتها غير عن قبل صراحه مسكينه جنة على عمرها بموافقتها عبد العزيز على العرس
ياليت سعد هو اللي ياخذ رغد بس مع كذا اتوقع مافي احد ياخذها غير عزوز
ويمكن تعيش معه سعيده ولو لفتره
***********
الخال نواف وطريقه انتقامه من بنات الذيب جدااااااااااا بشعه ومو لطيفه
كان دور غير طريق بناتهم
رغد تشبه امها حصه احسه نقطه كبيره في صالحها
**********
مشكوره احساس على البارت وبانتظار القادم

(الجزء الرابع )

طول الطريق الصمت هو صاحب الموقف مااحد فيهم نطق قطع هالصمت

صوت جوال حنان تنهدت عرفت انه رغد ردت بهدوء:هلا

رغد بنفعال :لحقيني ياحنان مالي غيرك

حنان اعتدلت بخوف :ايش ساير

رغد بقهر :جدي مايبيني اداوم وقال طول ماانتي ببيتي مااداومي اه ياحنان بعد كل اللي سويته مالي احد يوقف معي بوجههم بصوت مخنوق لوامي عايشه ها مصيرنا

حنان بثبات وهي تحاول تقوي صوتها :جهزي حالك بنمر عليك ذلحين
وبعدين يسير خير
رغد باستغراب :تمرون مين انتم
ارتبكت حنان :انا وواترددت بعدين قالت تركي

صرخت رغد وبعدم فهم : مين تركي وايش ساير

تنهدت حنان :سالفه طويله..وبهدوء.. وتركي زوجي
حست نفسها مخنوقه الكلمه صعبه حاولت تشيل الغطا لجل تعرف تتنفس
بس انظاره منعتها ماقدرت تكمل مع رغد وقالت لها بصوت مخنوق :انتظرينا ذلحين نيجي لك

قفلت الجوال


تركي بنظرة حاقده :شتقولين انتي تبينا ناخذها

حست حنان بسخريه كانت تشك انه راضي بس نبرته تبين سخطه قالت بنبرة حزينه هاديه :تكفى كله ولااختي تكفى ترى والله مافيني اتحمل أي شي

ناظرها بهدوء وبعدين لف يسوق هالنبره ذبحته حس حاله مجرم بحق

هالانسانه هو وجده وماجد وعمامها تركي بصوت هادي ونبرة حنان
:لعيونك كل شي يسير بس بغيت اقولك حنان خلينا نبداء من جديد وقف السياره على جنب لف جهتها وبنبرة حنان :انسي كل شي سار ادري انا عشنا هاليوم بضغوطات وتعب وسار شي ابدا ماكنا نتوقعه

قطعت كلامه بنبرة يأس :ادري شتبي تقول فتره وتعدي وكل واحد يروح لطريقه

رد عليها وهو يمسك يدها اللي رجفت بين يدينه وبصوت دافي :لا بننجح

هالزواج وبنضغط على بعض ونتحمل بعض كل واحد فينا مر بتجربه

قاسيه خلينا نعطي بعض فرصه ونعيش تجربه مختلفه ونستفيد من اغلاط

قبل خلينا نبني حياه سعيده ومانفكر بطريقة زوجنا الغريبه تقبلين ياحنان

بعد صمت قالت بهدوء:موافقه بس تصبر علي

ابتسم تركي :بصبر ياقلبي ليش مااصبر حست بخجل وسحبت يدها من يده ابتسمت لاول مره بهاليوم من كل قلبها وكانها اتذكرت شي لفت عليه

وبصوت هادي :للحين تحبها

لف ومسك الطاره بدون أي رد



عند البوابه الرئيسيه لقصر الشيخ مطلق واقفه بثبات وهي ماسكه شنطتها
لاخر نفس بدافع عن مهنتها وبتضل ممرضه غصب عن اللي مايرضى
منهو تركي وايش سالفة حنان ليكون تركي ولد عمتي والله يسونها وهالهبله كلمتين تسمع لهم هي حياتها لازم يكون لها راي ليش كذا سلبيه ياحنان شافت نور سياره ومعه سمعت نغمة جواله كانت حنان طلعت رغد بهدوء وركبت السياره
رغد بهدوء بعد ماتحرك تركي :ايش ساير
تركي يحاول يضغط على نفسه ماينفعل :اخر من يسأل انتي
حنان تقطعه : تركي ايش قولنا الماضي ندفنه ورانا لفة على رغد انا اتزوجت
رغد بنفعال :ايش باي حق
قطعتها حنان بحزم :رغد هذي حياتي مثل ماانا ماادخلت بحياتك رجائا لاتدخلي
سكتت رغد بكل قهر وعم الصمت السياره





وقت الفجر طلعن من البيت وكل وحده تدف الثانيه
دانيه بدلع :اوف ذا النشبه لازم نلبس ثوب واشماغ

وقفت موني وهي تخشن صوتها : انثبر ياورع خلك رجال

ضحكة رون وهي تطوي اكمام الثوب:هههههههههه قسم بالله عايشه الدور الاخت

كانو الثلاث بنات لابسين ثياب العيال وشماغات ومتلثمين رايحت جهة الرجال موني بصوت اقرب للهمس:لو فيه واحد فيهم صاحي

دانيه بخوف:نروح وطي

رون وهي تتقدمهن :بلا خوف تعالو بس اقوى قلبك

مشو ورى مجلس الرجال وقفو ثلاثتهم

رون :يلا وحده تروح تجيب مفتاح أي سياره

موني حطت يدها على خصرها :لاوالله حبيبتي ماتروحي انتي تخيلي ادخل بوسطهم يماما بروح فيها

رون هزت راسها :اوف مشكله البزران ولابعد مسويه مسترجله روقينا ياشيخه كان نفسي عمتي هاله جت مافيه مثل ريوف بنت رجال

دانيه بدلع : قولي مسترجله اوف هالبنت بويه مااحبها ابدا

رون بقهر :الله يقلعكن كاني اجي معكم مره ثانيه حنا جينا نحش بالبنت ولانسرق لنا سياره بعدوودفتهم

مشت بخطوات خفيفه بعد ماتلثمت شافت واحد نايم عالباب قربت بهدوء

والله اني مجنونه مين هذا اوه والله دلاخه دامي مااعرف مين هو كيف

بعرف مكان سيارته وقفت لحظه تحاول ادور حل حست بحركه وراها


خافت ولفت بسرعه بس كان فيه يد اسرع منها ومسكتها ولفة يدها
مسك يده ولفها مين هالرجال اللي يتجرئ ويدخل مجلسهم اول مالفه طاحت

لثمة الشماغ وبان وجهه للحظه التقت عيونهم زادت دقات قلبها حست بالم

بمعدتها ووانفاسها اختفت

وقف بجمود وبعدها عنه ولف وجهه وبصوت ثابت :ايش جابك هنا

حست صوتها اختفى ضلت مفهيه تناظر فيه ماتدري ايش سوى لها بنظره وحده قدر يملكها انتفضت من افكارها بعد صرخه منه : يابنت ايش عندك
ماتعرفو ان التشبه بالرجال حرام
رون ببلاهه :نبي مفتاح سياره نسوق
اخفى ابتسامته على ردها واسلوبها بالرد حاول انه يتمالك صوته ويهزئها بس ماقدر الا انه يضحك :ههههههههه
رون وكانها استوعبت الوضع وين الاخت باباريس واقفه كذا جرت بسرعه للبنات اول ماوصلت صرخة :اجرو
ماتشوف الااغبار البنات قدامها وهم مايعرفون السالفه اما هو لمن لف شاف كيف كانو معها البنات وكيف طريقة جريهم ضحك : الحمد الله على نعمة العقل




داخل البيت دخلو الغرفه وقفلو الباب
رون سارت تتنفس بسرعه :ياويلي يخوف احس قلبي بيطيح

دانيه بخوف :اتكلمي ايش سار

رون وهي تتنفس بسرعه :كنت ماشيه بهدوء شفت واحد نايم عند الباب
جلست افكر ماحسيت الا اللي لف يدي وجهي بوجهه سرحت اشوي
ياويل حالي عليه عيون ذباحه مثل عيون الصقر حاده
قطعت تفكيرها دانيه :كملي

صرخت رون وكانها اكتشفت شي :بنات عمتي هاله ماجت كيف عمر هنا

موني بقهر: ايش جاب هذا قلت لك كملي السالفه مين مسك يدك

رون بصوت هادي وحالمي: عمر

موني بقهر :رونو ياتبن كملي مثل العالم ايش سار

رون باتافف: اوهو قلت لك مسكني ثم جريت وقلت لكم فحطنا يلا لفت عليهم
بنات صدق التشبه بالرجال حرام وحنا لبسنا مثلهم


دانيه فسخت الشماغ وجلست عالسرير : بس عادي حنا كنا نمزح

رون وهي تقلع الثوب :لا والله صادقه المفروض هالامور مانتهاون فيها
دانيه بدلع رمت الشماغ بعيد : اوه حسستوني بالذنب





صلى الفجر وتنهد مايبغى يضرها بالنهايه بنت عمه بس هي اتحدته

وقف وهو يستنشق هو المزرعه مسك جواله ودق عليها سمع صوتها وهو

مليان نعاس:هلا قلبي

ابتسم براحه : قلبك جوعان يبي اكل ترضين

ضحكة بنعومه : خسى الجوع اللحين اسوي لقلبي احلى فطور بس بشرط

ابتسم بهدوء: انتي تامرين مو تشرطين

ساره بهدوء: تسلم ابيك تيجي تفطر معي

ضحك بهدوء: من عيوني ابيها من الله شوفي انا بكون بجهة المسبح جهة بيت الحريم

قفل جواله وراح ينتظرها يحبها ويشوف الدنيا كلها بعيونها ايش لك ياعبد
العزيز برغد مالي فيها بس هي تحدي وبكسبه ابيها تعرف شي واحد مو
انا اللي تيجي بنت فصعونه مثلها وتكسر كلمتي اللي حد سيف على رقاب الرجال



صحت من النوم ناظرت جنبها شافت حنان متمدده وصاحيه لفت وجهه وعرفت انها في بيت عمتها ناظرت حنان وبصوت مهموم :كل ها حلم لا مو حلم كابوس صح

تنهدت حنان :لا هذا حقيقه

رغد بحزن :موعدل ابدا انا اغلط وانتي تدفعين الثمن

ابتسمت حنان بخجل :ياريتك غلطتي من زمان

رغد بابتسامه عدلت جلستها :ها حنانوه اشوف الوجه منور صباحيه مباركه ياعروس

حنان وجهه احمر من الخجل :رغيد روقي عني

ضحكة رغد :فدية اللي يستحون الا تاركه بعلك وجالسه معي روحي له بعدين انا ذلحين عندي دوام

حنان بترجي :الله يخليك

قطعتها رغد باصرار :الله لايخليني كاني بترك شغلي
ناظرت فيها حنان وهي فاقده الامل طلعت من الغرفه اللي فيها رغد غرفة
الضيوف في بيت عمتها وراحت لغرفة تركي دقت الباب بهدوء دخلت شافته واقف ينشف شعره ابتسمت وقربت منه اول ماشافها ابتسم : صباح الورد ياقلبي

قربت منه بخجل وجلست جنبه وهو ينشف شعره ابتسم بهدوء رمى المنشفه و سحب يدها وباسها :الله لايحرمني منك

ابتسمت حنان بخجل وبصوت هادي: فيه ناس كانك تعرفهم من سنين من اول لحظه تعيشها معهم تحس انك جزء منهم مع انك مالك ساعات معهم بس تحس انهم مهمين بحياتك

ابتسم ورفع حواجبه :يعني انا

ضحكة بنعومه وهي توقف: يعني انت





متمدد عالسرير بمملل صرخ بصوت عالي :مهند

انفتح الباب ودخل سكيورتي لابس اسود وبصوت سريع : سم طال عمرك

بانفعال : روح شوف هالدكتور بسرعه تعبت من هالمستشفى

مهند بهدوء : طال عمرك الوالد قال

قطعه بصرامه :انا اقول مو الوالد يقول انقلع عن وجهي

طلع السكيورتي بهدوء بدون ولاكلمه جلس بعصبيه اوه لمتى بظل كذا ناظر برجله المجبوره بقهر يعني يبغى يحبسني هين يتوقع مني اهدى لكن الاقوى جاي يبه ادري اني ماهميته همه بس سمعته صرخ بقهر :اووووف ملل ياعالم
دخل السكيورتي :تامر شي طال عمرك

طلال بتافف :تعال ساندني بجلس وبعدها ابغى اكل



مشت بخطوات ثابته لغرفة الممرضات حطت شنطتها ضبطت نقابها لبست
الاب كوت انفتح الباب ابتسمت :هلا والله غيداء اخبارك

جت لها وسلمت عليها :انا بخير ياقلبي اشوفك رجعتي مو كنتي بتجلسي وقت

تنهدت رغد :سالفه طويله بعدين احكي لك يلا بروح استلم عن البنات انتي خلص شفتك

غيداء وهي تقلع اللثمه :توه بدا بس جايه ابي اشرب ماي وبرجع سلمتني منيفه الحالات بس سكتي فيه هنا واحد شخصيه بس مطلع عيون البنات عبير تقول مااحد يقدر عليه غيرك

ضحكة رغد :ليش انا فيلم رعب وايش عنده الاخ نافش ريشه
غيداء وقفت وهي تعدل لثمتها :اقول انتبهي ترى هالولد مو هين ابدا لاتحاولي تقربين منه
رغد مشت معها بثبات :ايش ابي فيه اتعرض له بروح استلم شفتي





ام ماجد بهدوء :ياصيته يااختي من يومه وهو سلبي لو ماتزوج حصه ماكان
قدر يوقف بوجه أي احد ولو هي عايشه ماكان احد قدر على بناتها
والله لايسامحها كانت انها تبي تفرق بين الاخوان وياخوفي بنتها تطلع عليها
نسيتي ايش سوت ياصيته ولو مو الله كشفها كان ظل عبد الرحمن منخدع فيها

صيته بحزن :والله هذا اللي ذابح قلبي حتى وهي غلطانه ومتوفيه مكانها موجود دائما يغلط باسمي واسكت احس انه معي جسد والروح راحت معها تزوجته وقلت يمكن انسيه من زمان وانا احبه حتى بعد ماتزوج كنت اتمناه
وهذا انا زوجته بس قلبي مليان حسره

ام ماجد :يما حذرتك ياصيته قلت لك لاتوافقي ترى ها شور عمي بس رضيتي تحملي هذا نصيبك
تنهدت بالم وحسره : الله يعين بس





وقت الغدا بالمطعم جالسين بوجه بعض والهدوء حالهم غير صوت

الملاعق بالصحون قطع هالصمت حنان بهدوء :تتوقع بنكمل حياتنا

ناظرها باستغراب كملت حنان :حنا الان مبهورين ببعض بس بعدين تضمن لي انك ماراح ترجع مثل ماكانت اول بين حياتك الماضيه

تغير وجه تركي وعرق برقبته ينبض مسك الملعقه بقوى وبصوت مكتوم :طول ماانتي تذكرينا بالماضي ماحنا بمطولين

حنان بهدوء :اضمن لي انك ماتفكر بيع بيتك الاول نزلت راسها واتخلص من اغراضها اللي تقول عمتي انك ماتركتها من توفت الله يرحمها

فلتت اعصابه وصرخ متناسي نفسه :انتي مالك دخل بحياتي اللي فاتت وفيه وحده عاقل تذكر زوجها بالماضي باول جلسة غدا مع بعض
ليش النكد كله قومي يلا عالبيت ربي بلاني فيك بلوه

سكتت وهي تقاوم دمعتها رمت الغطوه على وجهها وراحت السياره وهو راح يحاسب استاهل انا اللي جبته لنفسي



الجد ابو سالم :اسمعني بنتك لازم تعقلها والله مااعديها هالبنت بتهبل فينا رايحه بحمايت جدها لكن والله وكلمتي مااثنيها غير تاخذ ولد عمها


ابو راكان :يبه انت ماقدرت عليها تبغاني اقدر عليها

ابو سالم بعصبيه :لانك رخمه ماعرفت تادب بنتك لين طلعت من شورك اولها بالمستشفى وتاليها تهرب من ولد عمها

ابو ركان بنفعال :يبه انتي اللي خلتها تدخل التمريض وخليتني اوافق

ابو سالم :مو مني من عقل بنتك بس نرجع بكره وترجع بنتك وتتزوج عبد العزيز غصب عنها فاهم مو تهرب
ابغى حراسه


فتح جواله وشاف رسالة رغد ضحك بنفسه قسم بالله موهينه مصيرك

تنهدين وتستسلمين لهم مانتي قد جدك وابوي دور رسائل او مكالمات

اوف هذي من جدها زعلت مووقتها ابدا معقوله يانواف صدق اللعبه انقلبت

وحبيت اماني اخت ماجد لامستحيل انا هدفي انتقم وبس اجل ليش ضايق

صدري لانها مااتصلت .....بس خلاص انا اكتشفت الحقيقه وان الغلط من اختي مو من ابوه بس بعد ايش..شكلي بديت احبها
صرخ بقوى ورمى اللحاف وقام بسرعه وهو يضغط على راسه خلاص اطلعي من تفكيري




وقفت عالرسبيشن وهي تكتب بملف جتها عبير :طلبتك يارغد
رغد باستغراب حطت القلم ولفة لها :ايش فيك
عطتها الادويه :عطيها للمريض بغرفه 207
رغد :ليش ماتروحي
جها صوت غيداء من ورها وهي تضحك :هذا المتوحش اللي حكيت لك عنه

عبير مسكت يدها :طلبتك روحي له قسم بالله احس ركبي يتصاقعو بس اشوفه

ضحكو رغد وغيداء :ههههههههه

رغد بضحكه :هههههههه طيب بروح بس احفظيها خدمه وغمزت لها

ضحكة عبير :بحسبها جميل كبير وخدمات كثيره

ضحكة رغد :للدرجه هاي مرعب

غيداء بضحكه :قبل ماتدخلي اقري المعوذات

ابتسمت رغد وراحت للغرفه










ابتسمت رغد وراحت للغرفه شافت السكيورتي واقف عند الباب الله بدايتها خير وقفها السكيورتي قالت له :بعطيه الدوا

شال يده ودخلت رغد الغرفه هاديه شافته حاط يده على عيونه وشكله نايم ابتسمت الحمد الله نوم الظالم عباده والله انه مو هين مسبب رعب لكل البنات

كان مغمض عيونه وحاس بحركه بالغرفه بس ماتحرك لانه ماله مزاج لاحد يحس انه بيفش حرته باول احد يشوفه

رغد قربت منه بهدوء وبصوت ثابت :لوسمحت

حس انه سمع هالصوت قبل رفع يده عن وجهه اول ماشافته طاح الدو من يدها وارتجفت حس برجفتها ناظر عيونها وبصدمه : لين


بلعت ريقه وماعرفت شتسوي لو اتكلمت بيعرفها حاولت تغير صوتها بجديه :لو سحمت انت نقزتني حسبتك نايم بروح اجيب الدوا لفت بتروح بس هو تكلم بصوت عالي :لين ارجعي
لفة عليه وحاولت قد ماتقدر تكون ثابته مع ان دقات قلبها كانت قويه تحس انه سمع دقاتهاويدها ترجف : لو سمحت هذا مو اسمي ايش تبي
ناظرها بصدمه تنحنح :خلاص


طلعت رغد وهي تتنفس بسرعه وقلبها تزيد دقاته شوق مو طبيعي وحقد مو طبيعي تناقض كبير راحت للبنات عند الرسبشن مالقتهم

دخلت يدها وهي ترجف بالاب كوت وطلعت جوالها وهي تحاول تثبث نفسها :الو عبير بليز الدوا طاح مني وماقدرت اجيب واحد ثاني للمريض وطلعت لي حاله طارئه سوري خذلتك

عبير بتذمر: لا واللي يرحم والدينك اوف ماابي بس يلا بروح نتحمل ثقالته مقابل وجه المزيون

ضحكة رغد بخوف وارتباك :ههههه يلا فمان الله

قفلت جوالها ودخلت غرفة الممرضت جلست عالكرسي وهي تحاول تخفف رجفت يدها

تأففت :مي قلت لك بطلع معه يعني بطلع

مي بخوف :وحصة التاريخ

رغد بقوه : اوهو علينا اصلا هي تحس بشي واذا ماشفاتني قولو لها استئذنت

مشت رغد لين وصلت عند باب لبست عبايتها وطلعت طبيعي بعد مامسكت

الجكيت الاحمر مشت بخطوات ثابته شافت الهمر اللي واقفه وجنبها واحد

لابس نظرات بيضا وغتره وعقال كان كشخه ورزه ومبين فيه العز وكان

ماسك سبحه لونها احمر حست بقلبها يدق ومشت له بخطوات متردده لين وصلت عنده

ابتسم لها وفتح الباب:لين حيا الله القمر

ركبت معه السياره وهو ركب بمكان السايق انطلق شغل اغنية

عمري مااتمنيت شي قد مااتمنيت اشوفك
ضحكة رغد بدلع :كل هذا لي

حست بدمعه حاره عخدها وضيقه بصدرها ليش ياطلال رجعت ليش

خلاص انا صرت اكره كل الرجال اكرهم كلهم ليش يرجع بعد مانسيت

الماضي بعد ماربي هداني ليش ياطلال ماابي اتذكر أي شي من الماضي
ليش حسيت قلبي بيطلع ليش اشتقت له ليش مااصدقت ابني كياني واوقف



واسير بهالقوه ليش يرجع ماابي شي يهدني ويدمرني ابي اضل دائما

شامخهليش يرجع بعد ماربي هداني للصلاح خلاص ياطلال انتا ماضي وانتهى لاترجع ابدا ماراح اسمح لك ترجع وادمرني يكفي عبد العزيز وقفت بثبات بروح لشغلي يمكن انسى ودفنت نفسها بالشغل





بغرفته دخلت عبير ومعها الدو ناظرها بهدوء معقوله تكون لين وارسلت صديقتها ليش اتربكت معقوله لقيتك يالين
اماعبيراستغربت هدوءه عطته الدو ولمن جت تطلع طلال بهدوء :مين الممرضه اللي جت قبل

عبير باستنكار :ليش

طلال بهدوء وبصوت مبحوح : طلبتك شسمها

استغربت عبير :رغد

غمض عيونه وطلعت عبير وهي مستغربه بس شكيت انها هي هديت اه لوترجعين لحياتي يالين ليش ماتكون هي صرخ بصوت عالي :مهند مهند
دخل السكيورتي بخوف : سم طال عمرك

طلال بنفعال : فيه ممرضه اسمها رغد ابغى كل بينتها ومن بنته وكل شي عنها حتى مكان بيتهم كل شي فاهم

مهند بثبات :ان شاء الله طال عمرك

طلع مهند وطلال تنهد اه لو تكوني لين دورت عليك لين تعبت انتي البنت
الوحيده اللي قدرتي علي كنتي غير عن الكل عرفتك ثلاث سنوات يالين

ورحتي وتركتيني لوحدك وانا ادور عليك مثل المجنون والله ماراح اسيبك

بحالك عمر مافيه بنت جلست معي كثرك بس لو اعرف مكانك ولوكنتي

انتي بنتقم منك مثل ماتركتيني بروحي اول بنت اتعلق فيها وتتركني

عمري ماعرفت ايش يعني حب الا معك مع اني كنت دائما اقول عمر مافيه

وحده تجيب راسي انا متأكد انك لين احساسي وقلبي يقولون انك لين صوتها مشيتها عيونها
شافتني وصدت ولا كنها تشوف
الله واكبر كانها ماعرفتني
اللحين
صرت بقلبها غير معروف
واول
تطير من الفرح لا لقتني
اقولها وقلبي عالوصل ملهوف
حبيبتي بعد المحبه نستني
ابتسم وقف بمكان بعيد اشوي وفاضي :يلا شيلي الطرحه عن الوجه السموح
ابتسمت بخجل وبضحكه هاديه :اخاف تخاف وتشرد
ضحك طلال :لوكنتي ابشع خلقه اموت عليك
شالت الطرحه وهي مبتسمه حط يده على قلبه وسوىحاله ميت :واي ياقلبي بروح فيها شهالجمال يابنت بتذبحيني
اضحكة بدلع : بسم الله عليك


انتهى البارت
بتكون البارتات كل اثنين وخميس وهالبارت هديه لكم
ولقئنا بإذن الله الاثنين

مشكووووره ياعسل يعطيك الف عافيه
بس احس دخول طلال بالنص بين رغد وعبدالعزيز غلط
@@
بإنتظارك بكره بإذن الله تسلم يدك الإحداث في بدايتها بس ان شاءالله
القادم أحلى
انا فاكره كتابتك الأولى ذيك حلوه
واتوقع هذه ماراح تكون اقل منها
جافيني النوم