كاتب الموضوع :
احاسيس طفله
المنتدى :
الارشيف
(الجزء الثالث )
فقد عبد العزيز اعصابه ولفها يبي يضربها بس ساره جت بينهم :هدى اعصابك اذكر الله ياعبد العزيز
دفت ساره رغد واشرت لهند اطلعها برى المطبخ
بس رغد سحبت نفسها من هند وهي توقف قدامه وهند تحاول تسحبها رغد بصرخه :وريني ايش
بتسوي مابخاف منك
سحبتها هند بقوى وساره تهدي عبد العزيز دخلو الحريم عالصاراخ وشافو رغد وهند تسحبها وساره تهدي عبد العزيز
قبض يده بقوى وانسحب من ساره وطلع ابتسمت بنصر
وطلعت فوق هذي البدايه لجل تعرف اني مااسكت عن حقي اتوقع ماراح يعديها بس انا بكون بوجهه
قسم ام عبد العزيز
ام عبد العزيز بعصبيه :اللي ماتستحي توقف بوجه الرجال وهي ماسارت على ذمته هذي يبغى لها قص لسان
مها تمسك يد امها :هدي يمه لاترفعين ضغطك على وحده ماتستاهل
ام عبد العزيز بعصبيه :شفتي كيف اخوك اعصابه فارت هذي لوتزوجها ايش تسوي فيه لتقضي على ولدي
مها تهديها :اذكري الله يمه
دخلت عليهم الغرفه هدى بقهر:صدق اللي سمعته عن هالملسونه توقف بوجه عبد العزيز
غمزت لها مها واشرت على امها
ام عبد العزيز بحرقه :شفتي كيف هذا وهو ماتزوجهاانا ماادري ايش يبي فيها عله عليه عنده اللي تسوها وتسوى طوايفه
دخل المجلس وشاف الرجال يتغدو طلع منه ومسك جواله بثبات وهو واصل حده يعرف كيف يرد عليها وبيشوف ايش بتسوي ابتسم بسخريه
رد عليه بترحيب:هلا والله يالغالي ادري اشتقت لك
عبد العزيز قطع كلامه :متى تيجي
تركي بخوف :ايش ساير امي ساير لها شي
عبد العزيز بهدوء :لا مافيه شي بس بغيتك تجيب معك شيخ
تركي باستفسار :شيخ ايش
عبد العزيز بنفاذ صبر :مملك
تركي بصدمه :ليش ايش ساير مين يتزوج بالمزرعه
عبد العزيز بهدوء :اسمعني زين بشوف الاغراض اللي ناقصتنا وادق لك تجيبها معك وجيب معك مقهوين
ومقهويات واعزم الرجال قولهم ملكة عبد العزيز بالمزرعه
تركي بشهقه :شتقول انت صاحي
عبد العزيز يقطعه :قلت سوي اللي قلت لك عليه
تركي بعصبيه :تظلم بنت عمك وبالهالسرعه شيقولون الناس مسويه بلا يسترون عليها
عبد العزيز بعصبيه :اليوم ملكتي ماهمني الناس بتزوجها غصب عن الكل واربيها لهم من جديد واللي براسي بسويه وماعلي من كلام الناس عادي بنقول كان كل شي سكيتي ووقت الملكه اعلنا بس لاتنسى بشوف الاهل ايش يحتاجو
تركي بعصبيه :اقسم بالله مو صاحي هالبنت هبلت فيك
قلت لك خليها بحالها الا تسمع كلام جدي وايش اللي يخليك تتزوجها بعد ماكنت تحاول اطول السالفه
عبد العزيز اخذ نفس وبهدوء :البنت هذي اتهبل بلد بلسانها اللي طوله شبرين يبي لها احد يأدبها وماراح تتربا غير على يدي
تركي :انت حر بحياتك يلا اروح اجهز كل شي
قفل عبد العزيز بثبات والله لتندمين قد شعر راسك يابنت عمي مشى بهيبه ودخل المجلس كانو مخلصين غدا
جلس جنب جده وبكل هدوء :انا دقيت على المملك
بعد اذنك ياجدي اليوم بملك على بنت عمي ماله داعي نطول السالفه
ناظره الكل بصدمه ابو راكان بعصبيه :هو على كيفك بنتي مو رخيصه لهدرجه انا وافقت بس مو بالهطريقه ازوج
قطعه ابو سالم :ومن قال انها رخيصه هذا سلومنا من زمان ماله داعي هالمصاريف ياخذها وخلاص مبروك ياولدي اجل ابدو بالذبايح
الكل بالمجلس مصدوم كيف بالهسرعه
فهد بصوت واطي :يامقوااه اخوي
سعد بهدوء :لانه يدري ان جدي مايرفض له طلب الله يستر على هالبنت
فهد :تدري بعد ذيك السالفه الخوف على عبد العزيز تذكر يوم دخلت التمريض كيف سوت
سعد بابتسامه :واحد ينسى مع طولت لسانها الا انها ذكيه وتحسب لخطواتها الف حساب
فهد بنظره جانبيه :ابي اعرف تعصب منها بتصرف وترضى عنها بعدين ليكون
قطعه سعد :يقولون بتكون زوجة ولد عمي اليوم تبي الصراحه لمن اشوف مواقفها اكرها واتمنى اذبحها بس لمن اشوف ردات فعل اللي حولها احسها مظلومه وارحمها
قبل سنتين
لمن عرفت ان جدها وعمامها بالمجلس ابتسمت بخبث وقفت ولبست عبايتها وتلثمت ناظرتها حنان باستغراب :وين رايحه وليش لابسه النقاب فوق اللثمه
بعيون تلمع :بتعرفين اشوي
نزلت من الدرج بابتسامه نصر اول ماوصلت عند المجلس
دخلت المجلس والكل يناظرها بصدمه كان ابوها واعمامها وعيال عمها وجدها راحت لجدها وقفت قدامه ورمت النقاب عند رجله :انا دخيله على الله ثم عليك
ناظر جدها باللي حوله وماكان يقدر يردها دخلت عليه قال لها بصوت قلق :اطلبي
ابتسمت تحت اللثمه وبخبث : ادخل تمريض وانت نفذت طلبي وهذا ابوي قدامك قول له
اسودت كل الوجوه عمر بناتهم مادخلو هالاقسام ممنوعه
بس هو قال كلمته وعرفت كيف تلوي ذراعه قدام الكل
طلعت الملف من تحت العبايه وعطته جدها اللي بدوره عطاه ابوها هو يقوله بصوت مقهور ومغصوب :هذا ملف بنتك انا عطيتها الامان ومالك فيها وماتسوي لها شي
حست بالنصر وطلعت
ولا واحد قدر يقول كلمه كانت ذكيه وداهيه والجد مايقدر يرجع بكلمته ومن بعدها زاد الكره بين الجد ورغد
انتشر الخبر والاوضاع متوتره
ساره كانت ساكته وتشتغل للعزيمه ولا كانها ملكة زوجها والبنات مقهورات ومعصبات والحريم بعد حتى الجده واصله حدها بس مااحد يقدر يتكلم بعد شور الجد
بغرفة رغد وحنان
وقفت بصرخه :لو يموت ماتزوجه لو اذبح حالي صرخت وهي اطيح كل شي قدامها ماراح اتزوج ماتفهمون ماراح اتزوج والله لاافشلهم قدام العالم والله لااوريهم مو انا اللي انغصب
مسكتها حنان تهديها : استهدي بالله يارغد لاتعصبين حالك اهدي
سحبت نفسها وقفت قدام اختها مقهوره معصبه :ماراح اسكت ماراح اهدى كيف اهدى وهم بيرموني لهالكلاب يحسب لتزوجني ملكني حامض على بوزه
نزلت بسرعه وهي تجري شافت الحريم والبنات جالسات بالصاله وكل وحده مكتمه
صرخت : ماراح اتزوجه ماراح اتزوجه لو يموتون الله ياخذهم وياخذني قبلهم
قامت لها عمتها منيره تمسكها بس هي جرت عالمطبخ وبعصبيه واقفه ويدها تهتز ولاول مره يشفون ادموعها هند
وعمتها منيره
ولحقتهم حنان بكت وهي تصرخ :مااخذه لو على موتي قامت اطيح باغراض المطبخ تكسر الصحون وتصرخ وتبكي اطيح الملاعق القدور قلبت المطبخ كله ولااحد قدر عليها راحت منيره تنادي أي احد
كل جسمها يرجف يدها شفايفها عيونها حمرا من الدموع وجهه احمر تصرخ وتضرب كل شي بوجهه
دخلت عمتها منيره مع ابوها حاول يمسكها بعدت عنه :انت مين خذوه هذا مااعرفه صرخت وهي تبعد عنه شعرها على وجهها ملزق من
الدموع ويدينهاترجف وبصوت راجف بصرخه مكتومه :بعدوه مااعرفه مين هذا
ابي امي وينك يمه وينك يمه
حنان انهارت وماعرفت اتسوي شي جلست على ركبها وتبكي اول مره تشوف ضعف اختها اول مره تشوف دموعها رغد مصدر قوتها ماتقدر تشوفها كذا شهقت بين دموعها بالم وحرقة على حالها وحال اختها
ابو راكان واقف مصدوم من منظر بنته ماتوقع هالزواج بيوصلها لهالدرجه وكانه بيذبحها مايزوجها
هند تحس بالالم لبنت اخوها لو بيدها توقف كل شي تمنع هالزواج بس مابيدها شي مو قادره تساعد رغد موقادره تسوي شي
منيره حست بالشفقه على حال رغد نفسها تسوي شي بس مابيدها شي ومو قادره تقرب من رغد خايفه
ان رغد تأذي حالها ناظرتها بصدمه وهي تمسك السكين بيدها
ابو ركان كانت صدمته كبيره مو لهدرجه حاول يكلمها بهدوء :مو كذا حرام تذبحين نفسك
اتكلمت بين دموعها :الموت اهون من انكم تزوجوني تدرون ليش يبي يتزوجني انا اقولكم ليش لانه يبي يخليني اترك التمريض لان جدي مو عاجبه ومو قادر يكسر كلمته ويخليني اتركه صرخت بين ادموعها وانت تدري بكل شي رفضت محمد اخو صديقتي لانكم عارفين انه وافق على شرطي اكمل شغلي وماكان قدام جدي الا يزوجني من عبد العزيز
سمعته اهم من حيا تنا اللي سار
يلعب فيها مثل مايبي كل هذا عشان عادت وتقاليدمتخلفه عقولكم باقي معشش فيها العنكوبت الدنيا تطورت
حاول ابو ركان يخطي خطوه بس رغد صرخت وهي تقرب السكين من عروق يدها اللي ترجف :لاتقرب
بلحظه حست نفسها مقيده بين يدين ماكانت تعرف مين حاولت تفك نفسها بس هاليدين مستحكمه عليها لفة راسها شافت عمها ناصر كانت تحاول تقاوم بس جثة
عمها وقوته كانت اقوى من انها تتحمل الطريقه الوحيده للهروب هو الاستسلم صرخت بالم بانين بعذاب وكان
روحها تتحترق صرخة انثى مظلومه اتقيدت بالعادات والتقاليد صرخة يمكن تقدر تفك هالقيد
بلحظه دارت الدنيا
وسارت سودا بعيونها اختفت عن الحياه كردت فعل لانسانه مهزومه مابيدها شي تقدر تسويه حاولت توقف بوجه الريح
لكن الريح اقوى منها انتشلتها ودمرتها لجل تبقى بقايا
انثى مذبوحه
مسكها عمها ناصر وابوها وطلعوها فوق وحنان جالسه
بالمطبخ مو قادره تتحرك شافت اختها طاحت قدمها
الحصن القوي انهار وهي مابيدها شي تساعدها
انهارت على الارض وهي تبكي بحرقه ليش مكتوب عليهم الشقى ليش من راحت امهم راحت معها راحت البال
والسعاده هم يتام ليش العالم ماترحم اليتيم يتيم امه
اه يادنيا ليش الظلم استغفر الله يارب يارب ارحمني بكت
وبكت يمكن هالدموع تهدي نفسها يمكن هالدموع تخفف المها ضمتها هند وهي تبكي وبين دموعها :اذكري الله وقومي نشوفها
بمجلس الرجال
عبد العزيز بهدوء :ياجدي هو خلاص حاس بذنبه ورجع وهذا ولده تبونه يخليه هناك بديار الغربه وهو معترف انه
كان متهور وخسر بنت عمه بطيشه بس هذا هو رجع بشهاده كبيره وهو متندم على كل شي وانا كفيله لكم
مايبي غير السماح واللي سار سار وهذا هو واقف برى ينتظر انك تسامحه علشاني طلبتك هو غلط وانتى الكبير ابوه ساحمه وعمر الظفر مايطلع من اللحم
الكل ساكت ينتظر رد الجد وابو ماجد
ابو سالم بهدوء : خليه يدخل بعد هو ولدنا ولاايش رايك ياسالم
سالم بهدوء :اللي تشوفه يبه
ابتسم عبد العزيز برضى واشر لسعد يجيب ماجد دخل ماجد وباس راس ابوه وجده وجلس معهم
ابو ماجد وهو يناظر حول ماجد وبرتدد :وين ولدك
ابتسم ماجد :عند امي داخل
سعد بصوت واطي لماجد :عرفت مين تختار يساعدك
تعرف ان عبد العزيزمااحد يقوله لا
دخل مروان عرض : الا بنت عمك وشكلها بتاكلها على راسها
اشوي دخل ابو ركان وناصر اخوه ووجوهم مقلوبه
ابو سالم بخوف :ايش ساير
ابو راكان جلس جنب ابوه ومن همه ماانتبه لماجد اللي اول ماشاف عمه نزل راسه بالارض
ناصر بهدوء : مافيه شي بس رغد تعبت اشوي يعني لو نأجل الموضوع
ابتسم عبد العزيز بسخريه هذا اللي حاسب احسابه
انهم يأجلون الموضوع لوقال لهم علشان كذا جهز كل شي
بدون علم احد بعدين خبرهم
ابو سالم بهدوء: هذا دلع بنات واحنا عزمنا الرجال
تنهد ابو ركان وهو مابيده شي التفت وطاحت عيونه بعيون
ماجد نزل راسه بالارض بدون ولاكلمه مو ناقص هم فوق
همه ترك المجلس وطلع طول عمري كنت بدون شخصيه
ورى ابوي بس حصه هي الوحيده اللي قدرت تخليني
اوقف بوجه الكل هي اللي ساندتني وكانت تقويني وين
رحتي وخليتي بناتك مابيدي احميهم ياحصه اشوفهم
يتعذبون ومو قادر اسوي شي كنتي كل شي بدنيتي
ياحصه ليش حاولتي تخسريني ليش سويتي فيني كذا
المغرب غرفة حنان ورغد
كانت ساكته متمدده على السرير وتتامل السقف بهدوء
قربت منها حنان تمسح على رسها لفت عليها وهي تضم
ارجولها لصدرها وبصوت مخنوق ومبحوح : خلاص ماقدرت اوقف بوجههم لاني بالنهايه بنت ومابيدي شي
بيدمروني ياحنان وانا مابيدي شي خلا ص ماعاد فيني
اتحمل لاول مره اضعف مو قادره اواجههم اه انهارت
حصوني وسرت مثل الخروف المقيد يو صلونه لذباحه
خروف مايقدر يدافع عن نفسه مايقدر يسوي شي
وهم يربطونه بحبل ويجرونه ولاهمه شي
هم يشوفون خروف بدون شعور بدون احساس ربطوني وقيدوني وسحبوني لعبد العزيز
وقفت حنان بهدوء ناظرتها رغد بالم :بتتركيني
مسحت دمعه نزلت منها وبهدوء :ثواني وراده
نزلت حنان تحت وهي لابسه عبايتها ولافه طرحتها مافيه
احد الكل مشغول ويتحرك ابتسمت بسخريه موحبن برغد
ولا لعيونها كل هذا فشخره لناس وحب مظاهر ولا بكل
بساطته يوصون طاولات وكراسي وكوشه بعد وبيوم واحد
يجهزون كل شي اللي يشوفه يقول عاشق مجنون
ماصدق يخطب يبي يملك
نزلت بهدوء شافت ولد جالس مع جدتها صغيرون مو
حسن ولدعمها ناصر ولا رهف بنت مها قربت منها وشافت
الولد يجنن ابتسمت غصب رغم الحزن اللي فيها
:ياقلبي ياجدتي هذا ولد مين تعال ياحبيبي
اخذته من جدتها اللي تغير لونها ماانتبهت حنان على
جدتها ولا على العيون اللي ورها جالسه وماانتبهت لها
ناظرت بجدتها : ياقلبي ولد مين هذا يهبل مشاء الله عليه شسمه
سمعت صوت وراها تعرفه زين تعرف نغمته زين
زادت طعون قلبها وهي مالها قوه باالالم زلزل كينها رجفت
يدها ويالله قدرت تسند الولدتثبته
:يوسف ولدي
الدنيا تلف بس هي واقفه من داخلها براكين قهر الم
جروح شوق يذبح قلبها كانت جامده بمكانها ماتبي تلف
له لوشافته ماتضمن ردت فعلها تضمه تسلم عليه
تتامل عيونه تسمع ضحكته
نزلت يوسف بهدوء اتلثمت ومشت قدام بدون ولاكلمه
ولاحرف ماتبي تشوفه وبهالوقت بالذات يكفي اختها
ناظر لها وهي تروح اول ماشفاها عرفها هي ماانتبهت له
بس هو كان يتاملها سارت احلى انضج واكبر
مااكتشف حبها الا لمن تركها حس بالشوق يوقف قدامها
يمزح معها بس ماله عين هو تركها وجرحها ليش يرجع لها
تنهد وقام من مكانه طلع يطلب الهو اختنق من شوفتها
وقلبه يدق حس بشوق قوي يعصر قلبه نفسه يلمس
خدودها النعامه نفسه يمزح معها مثل قبل يسمع
ضحكتها الناعمه ريحة عطرها الهاديه
ماتعرف قيمة الشي الا اذا ضيعته من يدك
تهندت وهي ماتبي تشوفه ليش افكر فيه خليني باختي اهم شافت عمتها منيره
حنان بهدوء: عمه منيره وين عمتي هند
منيره ام محمد بهدوء: راحت تجيب فستان لرغد هي والبنات راحو مع سعد ومروان حتى هم يجبون فساتين تدرين عبد العزيز عازم كثير
تنهدت حنان وبقهر :يرضيك ياعمتي اللي يسير
ام محمد بالم :والله يابنتي مايرضيني لكن ايش بيدنا عبد العزيز حطنا امام الامر الواقع حاولي تعقليها والله حاطه يدي على قلبي لاتفضحنا بالعرب يابنتي ماترضينها لابوك وجدك
تنهدت حنان :مع انو موراضيه باللي يسير بس بحاول اعقلها طيب والكوافيره وفستان لي
ام محمد :هند اخذت المفتاح من صيته بتجيب لك اما رغد بيشترو لها والكوافيره بتجيب معها هند وحده تعرفها
والله يسر الامور
مشت حنان من جنب عمتها وطلعت فوق تشوف رغد
دخلت عليها شافتها متمدده عالسرير واتفكر مابقى شي
ويرجعون البنات لازم تقنع رغد باي وسيله قربت منها
رفعت رغد راسها :حنان ايش بيسير معقوله انا استسلم
بسهوله تدرين بفشلهم عند الناس بقول لشيخ مو موافقه وخلي واحد فيهم يقدر يسوي لي شي هذي اخر فكره بسويها
ناظرتها حنان بهدوء هذا اللي كنت خايفه منه حنان بنبرة هدوء :مايسير يارغد
قطعتها رغد بقهر :بتسيرين معهم على اختك ياحنان
مسكت يدها وبهدوء وهي اطالع عيونها : مو كذا سمعيني زين اللي بينك وبين عبد العزيز اعتبريها حرب
بدايتها انتي فزتي لمن قدرتي اطلعينه من طوره وعصب وسوى كل هذا يعني انتي اللي انتصرتي بهالمعركه
عبد العزيز اللي مااحد قدر يكسر راسه ومااحد مثله طولت باله وصبره طلعتيه من طوره وذلحين اذا سويتي حركه ونقصتيه قدام الرجال انتي تنقصي نفسك قبله وبيكون هو المنتصر
انتي اللحين وافقي
قطعتها :أي حرب واي خرابيط وتبيني اوافق لاحبيبتي الحرب كلها انو مايتزوجني تبيني ارضخ له
حنان بهدوء :ومن قال انه تزوجك ملكه بس اعتبريها مرحله وبتعدي شوفي كوني عاديه وطبيعيه وكذا انتي
بتكونين فايزه
رغد بعصبيه :حنان هذا كلام مايدخل العقل احنا بالحياه مو لعبه والزواج مو لعبه وحرب فيها الخسران والكاسب وهالزواج ماراح يتم رجعت تمددت عالسرير وحنان جالسه مو عارفه كيف تتصرف حاولت تجاريها بس شكل كلامها مو قد
نزلو البنات من السياره
هدى بقهر :اخر زمن اجهز لزواج رغيد
رون بابتسامه : يابنت لاتفكرين انه زواج رغد فكري انه ملكة عندنا نستانس فيه لاتفكري من العريس والعروس
مريم بقهر : ليت عندي نص برودك بس انقلعي عني دفتها ودخلت البيت
ضحكة رون :ههههههههه مشكله الناس اللي ياخذون الدنيا بنكد
هدى بضحكة استهزاء : ومشكله الناس اللي يعيشو الحياه بدلاخه ودخلت جوى
صرخت رون :هي مااسمها دلاخه اسمها وناسه
دانيه بدلع :يلا بنات نروح نلبس ونجهز مابقى شي
مشت بخطوات قلقه وهي مو عارفه كيف ردت فعل رغد وقفت عند الباب فتره لقانه وخايفه من ردت فعلها مسكت الفستان بيدها بقوى طقت البا ب ودخلت
رغد اول ماشفات الفستان فزت واقفه تبي تصرخ مسكتها حنان :الله يخليك علشان خطري
رمت هند الفستان وراحت تجري لرغد وهي تبكي
مسكت يدها تبوسها الله يخليك لاتفشلينا عند الناس الله يخليك
ناظرتها رغد باستغراب وناظرت حنان اللي بدورها عيونها ملينها الم وحزن :طلبتك يابنت امي وابوي الله يخليك وافقي مافينا عالفضايح والله وبسماه لودريت باللي يسير قبل مايعزم عبد العزيز ويحطنا امام الامر الواقع كان مارضيت
هند وهي جالسه تبكي :تدرين ان ابوي معه القلب ولو سار شي يمكن يروح فيها الله يخليك عدي الليله على خير
سكتت رغد وجلست عالسرير وهي تناظر الترجي والحزن بعيون اختها والدموع بعيون عمتها هند
تركي بهدوء :عرفت تلعبها صح
تنهد عبد العزيز :حسيت اني تسرعت
وقف تركي قدامه وبصوت هامس بس قوي : ترها بنت عمي ولو ضريتها ياعبد العزيز انا اللي بوقف بوجهك حتى لوكنت غالي فهمتني
وراح عنه
وقف عبد العزيز يناظر بظهر تركي اللي راح يسلم عالرجال
فهمتك ياتركي مو انا اللي اطيح بنت عمي من عيون
الناس بس هي طلعتني من طوري طول عمري احسب
لخطوتي الف حساب بس هي خلتني اتهور يالليل
الشقى معك يابنت عمي والله اني حاط يدي على قلبي
لاتفشلنا عند الناس ماعندها احترام الله يستر بس
مشى ووقف عند الرجال وجنبه عمه ناصر وابوراكان كل
واحد فيهم قلقان وخايف من ردت فعل رغد وانها ماراح
تسكت
رون وهي تعدل الروج وتضغط بشفايفها :شو رايك دندونه
كانت لابسه فستان قصير لونه فوشي وشعرها مجعد
ومستشوره القصه منقدام كان شكلها رائع وناعم
ويميزها عيونها الواسعه البنيه تشبه اخوها عبد العزيز
دانيه بدلع :وااااااااي تهبلين لفت وانا ايش رايك فيني
لابسه فستان بنفسجي لين فوق الركبه ومن فوق مقفل
وربع كم ومنقدام شرايط نازله وشعرها كان مقصوص ايمو قصير كان شكلها مره خطير وستيل
هدى بابتسامه :اكيد تهبلين دامك
قطعتها رون وموني :دامك اخت الحبيب
ضحكو البنات
ابتسمت هدى بغرور وهي تلف :حلو حافظين الدرس
طلعت من الغرفه
كانت لابسه فستان اصفر خطير على جسمها وشعرها كيرلي لونه عسلي ولابسه عدسات زيتيه وعيونها مكحله بمسكره
مع الشامه اللي على خدها كانت خطيره
دخلت غرفة ساره وشافت مريم ومها يلبسون :وين ساره
مها بقهر :الله يحرق قلب رغد مثل ماحرقة قلبها
مريم بقهر وهي تعدل فستانها الاسود :كان فيك خير ادعي على اخوك
هدى بصدمه :مريم
مريم نزلت راسها وبصوت مخنوق :اعذرني من حرقتي على اختي شفتي حالتها ساره لسكتت اعرفي انها محروقه من داخل كم لها بالحمام كل هذا شور والله قلبي حارقني
قربت منها مها وهي تضم اكتافها : حتى حنا والله قلوبنا محروقه بس ايش بيدنا نسوي
داخل الحمام تبكي بقهر والم وحرقه اه ياقلبي من الغيره بيذبحني بتشاركني فيك وحده يالغالي
احترق قلبي يوم غيري سارت له حليله
وانا كنت له زوجه عزيزه
ياعذاب قلبي يوم عيني تشوفه
مع غيري مأخذه مكاني بين ايدينه
ياحرقة جوفي ودموع عيني غزيره
ضاق الصدر والدنيا ماعادت وسيعه
اه من طعون الغيره غزيره
بكت بقهر وبحرقة قلب احبك ومااقدر اعيش بدونك ليش حبي ماشفع لك وماتزوجت غيري ادري انه من جدي ضربت الجدار بقهر تفرغ عصبيتها وهي تبكي ليتني ماوافقت يتزوج اه ياقلبي ياربي ثبتني بكت بشهقات وهي مو قادره تمسك نفسها
حست بخنقه فضيعه وقفت ولبست ملابسها وطلعت من الحمام كانو البنات واقفات قدامها جرت عليها مريم وسندتها ماقدرت ساره الاتنهار من البكي :بيروح مني يامريم بيتزوج غيري بتشاركني فيه عبد العزيز مابيسير
لي وحدي نار تحرق بصدري ناريناس تحرقني
ضمتها مريم وهي تبكي ماقدرت تسوي لها شي ومافيه كلمه تواسيها
مها حبست دمعه بعيونها وهدى ماقدرت تتحمل منظر ساره وهي منهاره زاد الكره بقلبها لرغد وحست بالقهر من عبد العزيز
وقفت بهدوء ولبست عبايتها مسكت جوالها وبصوت هادي :انتظرك ورى المزرعه
والله مااسكت لكم موتي هو زواجي منه ولايحلم
استسلم طلعت بعد مااخذت شنطه صغيره كان الكل برى
مافيه احد بالبيت سمعت صوت الاغاني والدق برى
ابتسمت باستهزاء دورو لكم عروس بدالي طلعت من
الباب الخلفي كانو الشغلات يناظرو فيها باستغراب
وماعرفوها لانها مغطيه طلعت بسرعه وهي تجري
بالمزرعه واطالع وراها الانوار شافت نور السياره رفعت
جوالها ودقت وبصوت هادي :طفي النور مرتين وشغله
قفلت الجوال لين شافت نور السياره يطفي مرتين
ويشتغل مشت بسرعه وركبت السياره وتنهدت براحه لفت له بسرعه وصرخت :اسرع بسرعه
حرك المفتاح وشغل السياره ومشى لف عليها فجاءه :وحنان كيف تخلينها
رغد بهدوء وهي اطالع الطلام برى :لاتخاف عليها مايقدرون يسون لها شي ابوي وجدي الى الان شايلن ذنبها بعد طلاقها
ضرب يده بالطاره بقوى :اه لوبيدي ماكان اخذك ابوك ولاعشتو عندهم بس هذا الشرع
سكتت رغد وعم الهدوء عالمكان فجاءه اتذكرت شي
:جدي مطلق درى
ضحك بصوت عالي :ابوي هو صاحب الفكره قال جيبها وخلي واحد يقرب تدرين مايقدر احد يقرب من الشيخ مطلق
ابتسمت بنصر :تدري يانواف نفسي اشوف وجيهم لدرو
عقد حواجبه :حتى بعد ماساعدتك مافيه خالي نواف
رغد بابتسامه :اقول بس تحلم بتظل دائما نواف حتى لو شيبت وسار عندك عيال وضحكة ههههههه
سوى حاله معصبه وهو يلف :طيب اجل برجعك لهم اصطفلي معهم
ناظرت فيه برعب :فدية خالي نواف
ضحك وهو يرجع الطاره :ههههههههههه ايه كذا حريم مايجون الا بالعين الحمرا
ضحكة رغد
نزلت تجري بخوف قابلتها ام محمد :ايش ساير
هند بخوف :مصيبه رغد مو موجوده وشنطتها وجوالها مقفل
ام محمد بصدمه :شتقولين هالبنت بتفضحنا يافضيحتنا بين الناس
صرخت هند :بدل ماتندبي قولي لاابوي و اخواني
دخلت حنان بوجه حزين وشافت عماتها محتاسات وعمتها
منيره تلف تكلم بالجوال :ايش ساير
هند :مصيبه رغد مو موجوده
حنان بخوف :وين راحت ياويل حالي اختي
طلعت جري فوق مالقت أي شي نكتت الدنيا دورت جوالها ومسكته بس لقته مفتوح عالرسايل
(لاتخافي انا هربت مع خالي نواف وبكون بحماية جدي مطلق واللي فيه خير يوصلي)
ماتدري تفرح او تحزن او تزعل تنهدت مشتته تماما
السالفه اكيد ماراح تعدي ورغد فتحت باب ماراح يتسكر
بسهوله وحطت راسها براس عبد العزيز وهو مو هين
عند الرجال انقلب وجهه اسود لمن درى بالسالفه :كيف ومين قالك
تركي وهو يمسح وجهه :امي قالت شنسوي بهالعالم
عبد العزيز بقهر :قسم بالله مااعديها لها بنت ابوها تحسب انها بطيح راسي ماجبتها امها اللي تذل عبد العزيز نادي العيال ودورو بكل قطعه بالمزرعه مستحيل تبعد
راح تركي ووقف عبد العزيز ثابت كيف ارقعها الله يسود وجهك يابنت عمي مثل مابليتينا والله لاااربيك ان كنت مصره مره عالهالملكه كنت بادبك واخليك لكن اللحين لعيفك حياتك ماعرفتي عبد العزيز زين
بعد ساعه
سعد وهو يتنفس :مالقينا اثر
سكت الشباب وابو ركان والجد كلهم ساكتين كيف يطلعو من هالفضيحه تكلم الجد وهو يثبت عصايته ويناظر بالشباب :واحد منكم يملك اليوم
كلهم شهقو وناظرو بعض
تكلم ماجد :انا ياجدي ابي ارجع زوجتي
ناظره ابو ركان بيتكلم بس قطعه ابوه وهو يمد يده قدام ابو راكان :اليوم ملكة ماجد وتركي لخبط بالموضوع فاهمين ناظر باابو راكان مالك حق تتكلم لو مربي بنتك ماسار اللي سار
سكت ماجد ودخلو الجد وابو ركان بهدوء
سعد بقهر :تاخذها تكمل عليها
ماجد بعصبيه :سعد
لف فهد وجهه بقهر :هالمره كلنا بنوقف بوجهك وبتسير عقولنا حجر لو حاولت اطلق وراح
وراح سعد وراها نزل ماجد راسه حس بيد على كتفه لف وشاف تركي :لاتشيل بخاطرك ترها بنت عمنا واللي يسير لها كانه سار لنا يعني بحسبت اختهم وماعتبوك الا خوف منك
ابتسم ماجد بغصب :بحاول اعوضها عن كل شي
ناظرت بعماتها وصيته بصمت ماهي قادره تعبر الكلام
اللي قالوه مستحيل مشاعرها تلاشت ماتحس بشي
الصدمه شلت تفكيرها حتى صوتها مو قادر يطلع كيف
بهالسهوله يرجع وبساطه لازم اوافق والحجه غلطت
اختي ناظرت فيهم بصمت شفت نظرات ام ماجد الحاقده
وكان الوضع مو عاجبها حست بالقهر ماتبي بعد صمت قربت منها هند
: ولاتخافي ماجد تغير وبيعزك ويرزك
ناظرتها بصدمه قربت هند منها وهي تبتسم :استهدي بالله واكيد ماراح ترفضين
قلبها يبيه وعقلها وذكرياتها الاليمه ترفضه دائما عقلها اقوى من قلبها :مو موافقه
عصبت ام ماجد :تحمدين ربك اللي رجع لك وانتي مطلقه
لاول مره يطلع صوت حنان بعصبيه وقهر:مطلقه من مين من ولدك الصايع اللي مايعرف ايش يعني مسؤليه
العيب منه ولابعد الله يستر ايش مسوي هناك وراجع لنا بولد وتبيني اوافق عليه معصي
وطلعت وتركتهم البنات مااحد حاس بشي ويرقصون
مع ان وناستهم ناقصه
حنان طلعت فوق سمعت طق عالباب وكان جدها داخل
وقفته له تحبه وتحترمه عكس رغد اللي ماتهتم له ابدا
قرب وهي سندته جلس جنبها عالسرير :طلبتك يابنتي لاتفشلينا عند العرب ترضين السمعه السيئه علي
نزلت دموعها وبصوت مخونق : انا موافقه بس مو ماجد طلبتك ياجدي مو ماجد اصحح غلطتها بس مو ماجد انت شفت كيف هاني وخلى الكل يتكلم علي ترضاها لي
تنهد الجد وبصوت هادي :وتركي
حنان بين دموعها :ياجدي حنا بمزاد
الجد نزل راسه بالم :اختك خلت فيها راي والله اني مانفسي اسويها بس مابليد حيله
بكت بشهقه :ولانها اختي انا اخذ ذنبها
ربت الجد على كتفها :لا والله يابنتي بس ماجد هو اللي قال انا ابغى بنت عمي ارجعها ولو واحد غيره طلب أي واحده بتتزوج ماترضون جدكم ينزل مقداره قدام العرب ويقولون بنت ولده طلعت من شوره لمن نكتب الناس يحسبو انهم مغلطين وبعدين تركي لمن عزم قال ملكه عندنا ماحدد وهذا اللي فادنا اكثر انا تعنيت وطلعت لك وانا عارف انك ماتخيبين رجاي
تنهدت حنان بالم وبغصه وصوت باكي مخنوق :انا موافقه بس مو ماجد
ربت الجد على كتفها ونزل
ماجد بصدمه :وشو مستحيل اوافقك
الجد بحزم :ادخل ياتركي مافيه وقت
ناظره تركي بدون استيعاب :شتقول ياجدي ماابغى اتزوج
الجد بوهن وهو يسند على فهد :يرضيك اللي يسيرواانا عطيتها كلمه
ماجد بنفعال :أي كلمه وخرابيط انا ابيها شتقول ياجدي
الجد بحزم :تركي ادخل وانت اذا ماتبغى باللي مايحفظك نسيت ايش سويت فيها
سكت تركي ودخل عدى جده يحس انه بكابوس طول عمره رافض الزواج
وبالاخير يتزوج بهالطريقه الغريبه كان يتكلم بدون احساس وقع بالدفتر
ويده ترجف مو مصدق كانه بحلم وبيقوم معقوله يتزوج وحده مايعرف
عنها أي شي الا انها بنت عمه حتى عمره ماشافها لانها دائما متنقبه مومثل
اخواتها وبنات عمه والامر من كذا ناظر ماجد بالم ياخذ وحده ولد عمه
يبغاه ويتمنها الله لا يعطيك عافيه يارغد كانك دمرتي حياتنا
دخلت القصر بابتسامه فرحه وراحه ياه سنتين مادخلته شافت نواف يمشي قدامها ابتسمت له وبهدوء :بطلع غرفة امي
ابتسم نواف بتفهم :خذي راحتك
طلعت وهي حافظه كل مكان في هالبيت مع ان لها مده تركته مرت عالصاله وقفت فيها فتره وهي تتذكر قبل سنتين
طلعي برى البيت هذا مااشوفك هنا تعصيني يابنتي
رغد بثبات :سامحني ياجدي ولو ماابي رضاك ماجيت انا اعشق التمريض وماراح اتنازل عن حلمي لمجرد عادة وتقاليد سخيفه
صرخ الجد مطلق :شكلي ماعرفت اربيك زين وجدك صادق
شتبين الناس تقول حفيدة الشيخ مطلق ممرضه
لفت رغد وباصرار :ماراح اتخلى عن حلمي لو الكل وقف بوجهي ولو امي موجوده كان وقفت معي بس انا اقدر اخذ حقي بيدي
تنهدت بالم هذا اخر مشهد تذكره لها في بيت جدها حتى في العيد حنان تيجي تعيد وهي جالسه ولاتقدر تيجي تركت الصاله ومشت لفوق مشت بالممرات وهي تشوف صورة امها بكل مكان كانت تمشي هنا كانت تضحك هنا كانت تبتسم
فتحت باب الغرفه ودموعها تنساب على خدها بهدوء قربت من السرير وجلست عليه استنشقت هواء الغرفه وكانها تشم ريحة امها ضمت نفسها وميلت على سرير وبدت بنوبت بكاء قويه
رون بحزن وهي تناظر حنان جالسه عالكرسي بصمت :حرام شوفي كيف حالها
دانيه بفرحه :انا مستانسه مره
ناظرتها رون بقهر :تتشمتي
دانيه باستغراب :لاياغبيه بس قصدي انو ربي رزق تركي بوحده مثل حنان بطيبت قلبها وحنانها نزلت راسها يمكن تعوضه عن الماضي
تنهدت رون :الله يعينها اخذت ماجد وشافت العذاب معه لانه مشغول بحلمه ودراسته واللحين بتذوق العذاب الاكبر مع واحد عايش بقوقعت الماضي مع شبح ماله وجود
دانيه بحزن :رون خلاص
رون تغير الموضوع وهي تتامل بحنان :تدرين حنان سلبيه عكس رغد
دانيه :قولي انها طيبه عكس اختها القويه اللي تركت كل شي وراها من دون ماتفكر بالعواقب وحنان ماحبت تزعل جدي وابوها وتحطهم بموقف صعب وهذي طيبة قلب مو سلبيه
ضحكة رون بتريقه :حبيبتي هالزمن الطيبه ماتنفع وتعتبر سلبيه لو انها مو طيبه ومارضت حتى لمن جدي طلع لها كان احسن لها بس هالزمن الطيبه الزايده هبال
وقفت بينهم بدلع :شتسون
رون بابتسامه :وين كنتي
موني بارتباك :هنا قريب ناظرت قدامها بروح اشوف امي
وراحت
دانيه لفت تناظر بموني :فيها شي مو طبيعي
هزت رون اكتوفها :ماادري
صرخ بقهر وهي يضم راسه بيدينه :ليش كذا ياعالم احبها والله ابغاها ليش جدي مو راضي يفهم
فهد بهدوء وهو ينفخ دخان :شي طبيعي تتوقع بعد اللي سويته ترضى ترجع لك تكون غلطان وحده طلقتها فجاءه وخليتها ترجع بيتهم وقت الفجر لمجرد انك بتسافر بدون سبب مقنع من غير العذاب اللي اتوقع شافته معك ليش هي لعبه بيدينك
قام معصب ومسك ياقة ثوب فهد وبعصبيه :انت جاي تذبحني ولاتخفف عني
دفه فهد وهويعدل ثوبه وبانفعال :انا بوضح لك الحقيقه اللي مو راضي تفهمها البنت كانت بين يدينك انت اللي تركتها واتحمل ماجاك وبعدين لاتجيب طاريها ان كنت رجال ترها زوجة ولد عمتك فاهم
راح وتركه انهد ماجد عالارض وهو يحس بالم ليش الان بس حسيت اني
ابيها ليش تركتها لازم ماافكر فيها فهد صادق هي الان زوجة ولد عمتي
حلم او كابوس واقفه بدون مشاعر بكل هدوء تنتظر زوجها ابتسمت
بسخريه أي زوج في كل مره تتزوج ماعاشت لحظة سعاده وحده
ليش احكم على هالزواج بالفشل قبل يبدا ناظرت بعمتها ام محمد شافت
الفرحه بعيونها عكس ام ماجد اول كانت تشوف القهر والحزن على ولدها
معقوله عمتي مستانسه اني بكون كنتها وزوجت ولدها ناظرت قدام
بابتسامه باهته تنتظر ظهور تركي اللي ماتعرف عنه غير اسمه وانه ولد
عمتها
العقيد في المظلات صاحب الشخصيه الغامضه
دخل بهيبه ووجه جامد من أي تعبير مشى بخطوات هاديه عكس البراكين
اللي داخله تمنى يرفع راسه ويشوفها يشوف ابتسامتها عيونها البنيه الغامقه
يتمنى ان الزمن رجع وهذي حبيبته مو حنان طليقة ولد خاله
حس انه قرب مكانها يسمع الزغاريت وشاف طرف فستانها رفع راسه
وتلاقت عيونه بعيونها لاول مره يهتز من داخله من راحت حبيبته لااول
مره يحس شي بداخله يتحرك نعومتها نظرت الحزن بعيونها منظرها ياسر
عيونها العسليه الناعسه والحزن حس بنجذاب غريب رغم شحوب وجهها
الا ان جمالها ونعومتها مازالت موجوده
ناظرته لمن قرب منها وباس جبينها حست بالبرود رغم حرارت يده لفة
وجهها وسارت تناظر بفرحة عمتهااااا وشافت فرحت دانيه غصب عنها
ابتسمت تحب تفرح لشافت الناس مبسوطه حتى لوكان الحزن ملتهمها
عيونه مازالت مثبته عليها ولمن ابتسمت حس براحه غريبه غصب عنه
انتقلت الابتسامه لشفايفه
اليوم فرحتها ماتوصف حست بدمعه بتخونها لااول مره بقولك الله يعطيك
العافيه يارغد انا اعرف ان حنان هي اللي راح تقدر ترجع الفرحه لقلب
وليدي ناظرت بتركي ونظراته لحنان اللي باين فيهم الاعجاب ابتسمت
وهي تدعي من كل قلبها يارب وفقهم واجمعهم على خير
مريم بقهر :والله عليهن حظ يفلق الحجر هذ يك كانت بتتزوج عبد العزيز وهذي اخذت احسن اثنين ماجد وتركي
ضحكة مها بهدوء :تحسدين الفقير على موتت الجمعه
ساره بهدوء :على كثر مو مستانسه ان رغد راحت على كثر الهم اللي بقلبي
مها ناظرتها باستغراب :أي هم انتي خلاص انفكيتي منها
ساره بسخريه :قولي ربي بلاني فيها اكثر اول كان بيتزوجها وبيضل بينهم معارك بس الان بتضل شغله الشاغل لين يقدر ياخذها كانك يامها ماتعرفين اخوك لحط شي براسه لازم يجيبه بيضل طول الوقت يفكر كيف يقدر يجيبها غصب عنها وبتضل محتله افكاره حتى لو كان بالشر بس بتظل دائما بافكاره والغيره تاكل قلبي
مها بهدوء :هونيها وهي تهون يالغاليه
دانيه واقفه جنب تركي وبفرحه :مبروك يالغالي الف مبروك والله فرحت لك ولفت على حنان وانتي حنونه الف مبروك يامرت اخوي مااحد مثل
فرحتي اليوم
ابتسم تركي وابتسمت حنان وبكل طيبه :الله يبارك فيك ياقلبي
وقف تركي ولف على حنان :مشينا
حست بتوتر ووقفت معه بخوف قربت العمه :وين رايحين
ابتسم تركي لامه بحب :ايه يالغاليه بنروح لنا فندق
ابتسمت امه براحه وهي تشوف راحت ولدها وحنان ناظرته باستغراب
وكان الوضع طبيعي ومبين الراحه بعيونه ونبرة صوته معقوله راضي
بالوضع انتفضت وهي تشوفه مره قريب من وجهه وبابتسامه جذابه :مشينا يالغلا
حست بشي غريب اول مره تحس به ابتسمت بخجل :يلا
مشت معه واستغربت لمن مسك يدها ومشى معها شافت هند منزله ملابسها
وعبايتها ابتسمت بسخريه جايه تتمشى هنا وهي مطلقه رجعت وهي متزوجه
ركبو السياره هي وهو والصمت بينهم
وقفت تغسل وجهها طلعت من الحمام طلعت من الشنطه المنشفه ونشفت وجهه سمعت طق عالباب بهدوء :ادخل
دخلت بالينوفورم العنابي الطويل والشيب ببعض غصل شعرها وبلهجه مصريه :الشيخ مطلق عاوزك دلوئتي بالمكتب
تنهدت رغد وبثبات :قولي نازله
ياربي قدامي مشوار اكبر وجدي ماراح يسكت ادري انه ساعدني بس
بالمقابل بيطلب كثير بس انا خلاص رجعت لقوتي وبدمر أي احد يجبرني
على شي ماابيه حتى لوكنت انت ياجدي مطلق طلعت من الغرفه ومشت
وهي تحاول تقوي بنفسها دخلت الاصنصير وهي تاخذ نفس قوي للمواجهه
فتح الباب وطلعت مشت الين المكتب حست برهبه بداخلها اشتاقت له كثير
دقت الباب بهدوء اتذكرت زمان مااحد كان يتجرئ يدق باب جدها بقوى
غيرها ماتدري ليش حست بالحنين دقت الباب بكل قوه وساتر تتفنن بالدق
انفتح الباب بقوى حست برجفه وبلعت ريقه هيبة جدها تخوف حاولت تبستم
بخوف ناظرها بحنين بنت الغاليه شبه امها كثير قوت شخصيتها اللي
براسها تسويه ابتسم لحفيدته الغاليه تششجعت لمن شافت ابتسامته
وقربت منه باست راسه :كيفك ياجدي
دخل بدون ولا كلمه وجلس على كرسي المكتب عرفت ان سكوته وراه مصيبه جلست عالكنبه وهي تضغط بيدها مستعده لااي شي ممكن يقوله او يسويه
الجد مطلق بصوت قوي غليظ :سمعيني يابنت حصه انا جبتك هنا لسبب واحد انك بنت الغاليه رغم كل اللي سار ماارضى لبنت بنتي بالمذله
بس بما نه سار اللي سار لي شرط بوجودك هنا
ناظرته رغد بترقب :طول ماانتي ببيتي ماتروحين المستشفى وتنسين وظيفتك وانا بوقف معك واحميك من الكل
وقفت رغد وهي تصرخ :انا ماسويت كل هذا الا لجل وظيفتي وانت اتقول اتركها باي قانون ماراح اتركها لوانام بالشارع
ضرب بيده بقوى عطاولة المكتب وبحزم :رغد
سكتت ونزلت راسها بالارض
سمعيني زين هذي شروطي وغصب ترضين فيها
قبضت يدها بقوى وطلعت من المكتب وهي مقهوره شافت نواف واقف مسافه قربت منه وبقهر: شفت ايش يبي مني يرضيك اللي يسونه هو منجهه وجدي من جهه لاحبيبي ماراح اتنازل عن وظيفتي لو يقبروني عند باب بيتنا
طلعت بسرعه صرخ نواف :رغد رغد
الله يهديك يارغد وابوي بعد الله يهديه وقتها يعني سمع صوت جواله
شاف الشاشه رد بابتسامه :هلا وغلا ايش الاخبار عندك
ردت بصوت هادي وناعم : الاخبار ماتبشر
اختفت ابتسامته وبقلق :خير
بصوت خفيف :حبيبي نواف اللي سار انو حنان ملكت عتركي واخذها ورجعو
صرخ بصدمه :شتقولين وين عايشين احنا هذولي مجانين بكيفهم السالفه العتب علينا اللي خلينا لهم الامر ماتدخلنا لكن هين مااكون نواف اذا ماربيتهم
صرخت تقطع كلامه :نواف حاسب على كلامك وحنا مربين قبل مانعرفك
قفلت الجوال بوجهه
تنرفز اوه هذي وقتها اوف مشى لمكتب ابوه ودق الباب لازم نشوف حل لهالمصيبه اول بعدين مصيري ارضيها اوف
دخل المكتب بعد ماسمع ابوه يأذن له
نواف بهدوء :عرفت ايش سار لحنان
الجد بهدوء وهو يقوم :بنتهم وهم احرار ومااحد غصبها
نواف بقهر: وبكل بساطه انت راضي
مطلق وقف قدام ولده :لاتخاف عليها تركي رجال من ظهر رجال والكل يعرفه وترى هي اتصلت فيني قبل كل شي وحتى جدها اتصل وقلت له ان رغد عندنا
نواف بعصبيه :انت شتقول تسويه رغد واطيح فيها هالمسكينه انت كيف سكت عالسالفه هذا ماجد ولد عمها وتركها
مطلق ينهي الكلام :نواف انتهى الموضوع خلاص
طلع من المكتب نواف يحس الدنيا تلف كيف كل هالاشياء تسير كذا
الله يرحمك ياحصه لواانك عايشه ماسار ببناتك كذا مسح على راسه وجلس
عكنبة المكتب ومدد رجوله عالطاوله ابوي لو ماانت ماسك يدي كان من زمان عرفت اردعهم كلهم اتذكر وقت زواج حنان
نواف بعصبيه :شتقول يبه ترها بنتنا مثل ماهي بنتهم
مطلق بعصبيه : اصغر عيالك تصرخ علي قلت لك هي بنتهم ومالك دخل من اليوم ورايح لاتدخل بحياتهن هم اهلهم وانت خالهم وبس فاهم
تنهد نواف بقهر لوبيده ينتقم منهم كلهم ضحك بسخريه لمن بدى ينتقم انقلب
كل شي فوق راسه بس لمن عرف ايش سوت اخته حس انه ظلمها بس
ماقدر ينسحب من حياتها تذكر موني قفلت الجوال بوجهه اتذكر بداية
الحكايه
ابتسم بخبث:قلت لك ياهناء لوجبتي راسها وخلتيها تكلمني لك عشر الاف ريال
هناء :تامر امر بس البنت ثقيله سار لي اكثر من سنه الحق وراها
نواف وهو يسحب من السيجاره :سمعيني زين تكلمني تاخذين المبلغ
هناء بقهر:نواف قلت لك البنت صعبه شوف غيرها
نواف بهدوء وهو يوقف :قلت لك اماني سالم الذيب وغيرها لا
طول الطريق الصمت هو صاحب الموقف مااحد فيهم نطق قطع هالصمت
صوت جوال حنان تنهدت عرفت انه رغد ردت بهدوء:هلا
رغد بنفعال :لحقيني ياحنان مالي غيرك
انتهى البارت
|
29-06-10, 05:42 PM
هلا هلا هلا والله بهالطله انورت واسفرت بعد طول غياب هلا وميت هلا لاحلى كاتبه واحلى شخصيه قراتها ررررررغودة الله يقويها بزياده احب هده الشخصيات وقويها بزياده على عزوزي الواثق
جديد مواضيع قسم الارشيف
العرض العادي
