كاتب الموضوع :
احاسيس طفله
المنتدى :
الارشيف
هالبارت هو القلبه بالروايه
اتمنى يعجبكم لقئنا الجمعه الجاي ان شاء الله
دعواتكم لي انجح واتخرج
(الجزء الثالث والعشرون )
يوم الخميس
(الاستراحه )
دخل بهدوء يبي يمر يشوفهم يتمنى يتركهم بس اللي يطيح هنا ماهو بقايم ابدامشى بخطوات الثابته بشموخه وهيبته الكل يلتفت له جاذبيه مع هيبه غير طبيعيه شاف فارس قرب منه وسلم عليه جلس جنبه :كيف الاوضاع
فارس بهدوء :نوزع من اللي عندنا بالمخازن يااخي حركو خلينا نشتغل فهد طلع سيجارته وولعها وسار يدخن :قلت لك مو وقته قفل الموضوع
قام بهدوء يبييطلع بس لفتت انتباه ضحكه يعرفها زين دخل الصاله الثانيه وكانت الصدمه جاسم وتحت رجله ابره قرب منها بنرفزه سحبه من ملابسه وطلعه بكل عصبيه لامو هذا اللييبيه هو اللي يدمر ولد عمه جاسم كان مستسلم بدون ولاكلمه ركبه ورماه قفل الباب ورجع ركب من الباب الثاني وهو يسوق بسرعته
(بيت هيا )
دخلو ريوف ودانيه وكانو ماخذين معهم رون غصب عنها اول ماشافتهم هيا جت ترحب :هلا والله وغلا
نور البيت ابتسمو لها البنات سلمو وكل وحده قلعت عبايتها اشرت هيا للعاملات ياخون العبايات
ريوف كانت لابسه فستان ابيض من فوق ومن تحت الخصر فوشي وقصير
دانيه لابسه فستان فوشي كان نعوم عليها
رون لابسه فستان كحلي
دخلتهم هيا وهي تاشر لرنيم اللي ابتسمت بخبث وبدينا يافهد
(المستشفى )
ثقل مو طبيعي تمسع اصوات حولها تحس انها بحفره تبي تفتح عيونها بس في شي ثقيل على عيونها جسمها ثقيل مو راضيه تحركه حتى يدينها تحاول تفتح عيونها جفاف بحلقها مو قادره تصرخ او تتكلم فتحت عينها حست بضوء قوي فيها رجعت غمضتها
حس بحركه ماجد لف لها بامل شاف عيونها تفتح وهي تهمس ماي طلع بسرعه يشوف الدكتوره لانها تعتبر بالعده مو مصدق انها صحت الفرحه بقلبه ماتنوصف يارب تكون صحت يارب
بالغرفه فتحت عيونها بهدوء صداع شديد هي وين وش هالمكان غمضت عيونها بتعب وهي تسمع حركه كثيره حولها دقات جهاز القلب كانت غير منتظمه ترتفع وتنزل بشكل جنوني
(سيارة فهد)
وقف السياره على جنب نزل من السياره بدون ولاكلمه جلس عند كفر السياره قلع شماغه وعقاله وطاقيته رماهم على جنب فتح ازرار ثوبه وهو مخنوق مخنوق
هذا اللي منتظره من هالطريق هو يبيع وولد عمه يدمن ضرب راسه بقوى توي احس يعني الا لمن جت على ولد عمي انا اللي موت كثير من عيال ديرتي وين قلبي وين غيرتي من بدري بس مو بيدي مو بيدي غمض عيونه بالم وهو يتذكر الماضي المر اللي خلاه يسلك هالطريق
:فهد بسه المره جرب منت بخسران شي وانت رجال شديد مااحد يقدر عليك
فهد يدخن ويفكر بكلام صديقه بعد فتره من الصمت :خلاص بس اجرب الشغله
ابتسم بخبث: لاتخاف بتحبها
كان وقتها باول سنه كليه سوى عمليه ورى عمليه حاول انه يترك الشغله بس ماقدر لان هالمجموعه جذروها قويه وكبيره ظل مستمر معهم بغير ارادته
وهو داخلي رافض كل شئ والشئ الوحيد اللي قدر يسويه ان فلوس كل العمليات اللي تجيه يعطيها للمحتاجين والجمعيات الخيريه والشركه اللي بناها كانت من تعبه وشقاه وراس مالها كان من عبد العزيز وحلف انه مايدخل عليها ولاريال حرام الى اليوم مع مرور اكثر من 8 سنوات ماقدر يتخلص منهم لانهم بساطه مافيه كبيره اللي يدخل مايطلع الاميت غمض عيونه بتعب
حس حركه وراه عرف انه جاسم مالف عليه كيف يطالعه وهو السبب هو اللي دمره ودمر غيره بهالسم سمع صوته المخنوق بين دموعه وشهقاته :تكفى فهد لااحد يدري والله حاولت اتركها بس ماقدرت
وقف فهد اخذ شماغه وعقاله والطاقيه لف عليه وبهدوء :اركب السياره
مشى جاسم وهو يهتز يمين ويسار وعيونه كلها دموع
ركب السياره مع فهد مشى فهد وبهدوء :اسمعني انا مابقول لاحد بترجع بيتكم عادي الين الشهر الجاي بعد الاختبارات باخذ ك واتصرف
جاسم بتعب وبكى :فهد انا تعبت خذني اللحين فهد انا حاولت اترك هالسم كله من واحد هو اللي عطاني حبه وقال انها مسكن علشان اقدر اذاكر ومن بعدها ادمنت الحبوب لين وصلت للابر فهد تكفى ساعدني ياولد عمي
فهد بقهر : اللحين مااقدر عمي بيعرف ودراستك باقي شهر على اجازةنص السنه بعدين يسير خير
(بيت هيا )
سلمو على الكل وجلستهم هيا جنب رنيم
دانيه بابتسامه :اتوقع شفتك قبل
رون وهي تتذكر :انا بعد
ابتسمت رنيم وبخبث :اتوقع يوم عرس اخوكم اوعمكم اذا ماخانتني الذاكره
ضحكة دانيه :ايه اتذكرتك
رون سرحت مو هذي البنت اللي قال فهد لاتجلس مع دانيه ناظرت بالبنت وهي تسلف مع دانيه وريوف شالسر اقول لفهد او ابعدها انا اعرف فهد مستحيل يكون من النوع هذاك خليها ماراح تظرنا
دانيه وقف ونادت هيا جت هيا
دانيه بابتسامه محرجه :بليز ابي الحمام
ابتسمت رنيم بخبث راحت دانيه الحمام وقامت رنيم لفت من الجهه الثانيه علشان مااحد يكتشف وقفت قدام الحمام مباشر وعطت المغاسل ظهرها اول ماشافت دانيه طالعه من الحمام تعدل لبسها مسكة جوالها وحطته عند اذنها وبدلع وغنج :فهودي حبيبي خلاص
انتبهت دانيه للاسم ابتسمت ليش ابتسم الله يقطع ابليسه هلوس فيني حتى اسمه لانطرى نفضني تنهدت وهي تفكر بس اللي صدمها وخلها تثبت يدينها تحت المغسله بدون حتى أي حركه كلام رنيم
رنيم كملت بدلع :ايه شفت اختك وبنت عمك وبنت عمتك اللي تقول فكيت ملكتكم تبي الصدق البنت حبوبه حرام تتركها كذا ضحكة بدلع بس فهودي مااقدر اتحمل كلامك
حست كان الدنيا ادور براسها شعور غثيان تحس قرف الم تعب ماتدري ايش تحس فيه اخذت نفس سحبت يدها من تحت المويه نشفتها وطلعت تحس كل شي ضباب عيونها مليانه دمع لامايستاهل حتى دموعي هذا اللي يقول رجال وحنون هذا اللي وافقت عليه علشانهم يطلع حقير واطي سارت تتنفس بسرعه وراسها يدور شعور الغثيان كل ماله يزيد راحت للبنات انخرعو من شكلها
دانيه بصوت مهتز مخنوق ماقدرت تخبيه :يلا نروح
قامت لها ريوف بخوف ورون مسكوها
ريوف بخوف وهي تسندها :وش فيك
دانيه ببين دموعها اللي ماقدرت تمسكها وبصوت مخنوق :ماادري احس بدوخه
وطاحت عليهم صرخو البنات مسكوها ريفو ورون بخوف مسكت رون جوالها دقت على فهد وبصوت خوف :فهد الحق علينا
فهد اللي كان منزل جاسم ورايح للبيت بخوف :وش فيه
رون حاولت تهدي حالها :دانيه اغمى عليها واحنا عند صديقتنا
فهد بخوف :وين بيت صديقتكم
رون بخوف وعيونها ادمع على دانيه اللي طايحه :ماادري لحظه
عطت هيا السماعه توصف البيت لفهد اللي اول ماقفل سار يمشي اسرع شي لا مو كل هالضغوط عليه ايش فيها دانيه ياقلب فهد الله يحفظك لي
عند البنات
حاولو يفوقها بالمويه وبالعطور حتى هيا كانت خايفه بس رنيم كانت واقفه عند الباب وابتسامت خبث مرسومه على شفايفها وهي تردد بصوت مخنوق بلغ حبيبك وقله باخذك منه هذا هو الحل مالي ايحل ثاني مااقدر اقعد واشوفك بس واستنى كل يوم عنك بعيد يزود جناني
فاقت رون وهي اطالع البنات بنظره مافهموها
وصل فهد بزمن قياسي دق على رون يطلعو طلعو البنات وهم ساندين دانيه اللي مو حاسه باي شي حولها دايخه ركبقت السياره بدون لاتنتبه لليد اللي سندتها الين ركبتها السياره كان ىفهد وكل الخوف بوجه
كانت واقفه عند الشباك وعيونها تدمع الخوف اللي بعيونه ضيع فرحت النصر تبخرت الفرحه وحل مكانها ضيقه واختناق ليه يافهد انا احلا منها ليش هي مو انا ليش انا العز والفلوس والمال انا القوه والجاه انا الجمال ليش هالطفله تاخذك مني ليش
(المستشفى )
طلعت الدكتوره المسؤله عن الحاله كان ماجد وسعد وجاسم اللي شاف ابوه وسعد وهم رايحين راح معهم وابوهم وكلهم امل انها صاحيه قربت الدكتوره وبتوتر
:سوينا اللي علينا بس الله ااراد المريضه عطتكم عمرها
صرخه هزت المستشفى كانت صرخت جاسم :ساااااااااااااااااااااااااااااااااااااااااااااااا ااااااااااااااره
طاح ابوهم من طوله سنده ماجد وعيونه تدمع وهو يصرخ عالممرضات وسعد سانده من الجهه الثانيه وقلوبهم كلها مكسوره وجاسم طايح على الارض ويبكي كانه طفل زحمه بالممر يساعدوهم ودخلو ابو ماجد عالطوارئ وماجد وسعد ينتظرون وقلوبهم مكسوره
على اختهم اللي ماتت وابوهم اللي مايدرون ايش فيه
(سيارة فهد )
كان يسوق وعيونه عليها استغرب من نظرتها الحاقده
خلاص يافهد طاح قناعك واذا انا تعبت اشوي بقدر اعدي هالمرحله لفت جهت الشباك تحاول تضيع نظراته دق جواله رفعه بهدوء بس الصرخه فزعته وهو يسمع صوت جاسم يبكي :الحقنا يافهد ساره راحت اختي راحت راحت الغاليه يافهد
فهد بهدوء وبصوت حزين :ان لله وان اليه راجعون لاحول ولاقوة الا بالله عظم الله اجرك وامسك نفسك اكثر من كذا ابوك واخوانك محتاجينك
جاسم وكانه تذكر شي :ابوي طاح ماادري وينه ابوي ليكون راح قفل الجوال بوجه فهد
رون بخوف: فهد ايش فيه
فهد بحزن :ساره عطتكم عمرها
صرخات البنات بالسياره واصوات بكائهم دانيه كانت متعذبه وهالخبر دمرها سارت تبكي بهقات وريوف كانت تحاول تهديها وهي محتاجه من يهديه رون تبكي بالم راحت ريحة اخوها راحت ساره ماقدرت تجلس بالدنيا بدونه ورحلت له
رون بصوت بكاء :ودين بيتهم
فهد بصوت تعبان :ابوصلكم واروح لامي
وصلهم البيت نزلو البنات وهم يحاولو يمسكو حالهم علشان ام ساره وموني دخلو البيت وكانت امماجد جالسه في الصاله وقدامها الشاي اول ماشافت البنت داخلت مبين على عيونهم البكى بصوت مخنوق :بنيتي والله قلبي حاس طلعت شهقه من دانيه خلت ام ماجد تعرف رمت نفسها عالكنبه :يمه نبيتي ر احت الغاليه بكت جلسو البنات يهدوها بنزلت موني اللي اول ماشفت المنظر جلست بمكانها وهي تبكي وتشاهق راحت اختي يمه راحت ساره يمه صرخت راحت سا ره قولو كذب قولو انها صحت مااصدق اختي راحت لاا قربت منها رون تهديها :اذكري الله ياموني رمت نفسها بحضن رون راحت اختي راحت الغاليه كنا نتتظر تصحى راحت وخلتنا راحت بطيتها راحت بضحكتها ابي اختي يارون ابي ساره جيبو لي سا ره بكت وهي تصرخ باسم ساره وام ماجد تبكي ودانيه وررويف يهدونها دانيه بين دموعها :اذكري الله يخاله اذكري الله
(بيت ابو عبد العزيز )
دق على عيال عمته منيره وعمته هاله علشان يقومو بالازم ويبلغو جدهم وجدتهم دخل البيت شاف ريم جالسه سالها عن امه قالت فوق طلع لغرفتها دخل بهدوء شافها تقراء قراءن جلس جنبها لين خلصت قرب منها وباس راسها ويدها
ابتسمت ام عبد العزيز :الله يطول بعمرك يحفظك طول عمرك بار
ابتسم فهد بتعب
ام عبد العزيز ناظرت بعيونه :وش عندك ياولدي
تنهد فهد :يمه الموت حق وكلنا لهطريق
شهقة ام عبد العزيز :مين
فهد نزل راسه وهو يضم امه :ساره عطتك عمرها
بكت بحضن ولدها راحت خلاص راحت تلحق زوجها ربي يجمعهم بجانته بكت بحضن فهد على اختها وعلى بنت اختها وعلى ولدها اللي راح وحياتهم اللي انقلبت بيوم وليله بكت وهي تذك ر الله بكل شهقه لاحولا ولاقوة الا بالله الللهم اجرني بمصيبتي هذه واخلفني خيرا منها
رفعها فهد بهدوء وهو يمسح دموعها باصابعه :يالغاليه اختك اللحين بحاجتك راحت ضنها ومحتاجتك جنبها
ام عبد العزيز بين دموعها وبشهقه :وش يعوض الضنى ياامك وش يعوض الضنى
دخلت هدى وشافت امها ودموعها على عينها وفهد ساندها :وش سار
ام عبد العزيز بصوت مخنوق وهي تبكي :ساره عطتك عمرها انتفضت هدي الحساسه وعيونها تدمع وتشاهق بالم :متاكده يمه
سارت من الصدمه تبكي وتشاهق بدون أي صوت سحبها فهد وضمها مع امه بحنان وهو يهديهم
(بيت ام محمد )
شقه محمد
دخل ووجها مقلوب مها بخوف :محمد و سار ابوي اخواني
محمد بجمود :ساره عطتك عمرها
صدمه الم ساره مو بس بنت او زوجة اخو ساره صديقتها القريبه منها ساره رفيقتها ماقدرت تتحمل ضمت محمد وهي تبكي :رحت ساره لحقت عبد العزيز راحو الغالين يامحمد بكت بشهقات راحو الغالين يامحمد
محمد بمواسه :اذكري الله يامها اذكري الله
تحت
اول مادرت ام محمد طلبت من مروان يوديها لبيت ابو ماجد
(بيت ابو ركان )
جاء عمر وطلب يدخل يشوف جدته بعد جلس عمر وهو متحكم باعصابه قهوته هند وجلست :اخبار الشيخ عمر
ابتسم عمر بهدوء :الحمد الله
لف عمر لجده وبصوت هادي :ياجدي الله اللي عطى والله اللي ياخذ
ابو سالم بهدوء :مين راح ياولدي
عمر بهدوء :ساره يبه عطتك عمرها
بكت هند وبصوت عالي:لا متاكد حرام عمر متاكد لامو ساره مو ساره مسكها عمر وهو يهديها
الجد ودمعه تايهه اطيح على شيباته على حفيدته اللي راحت وهو يقول بصوت مخنوق :ان لله وان اليه راجعون اللهم اجرني بمصيبتي خيرا منها
والجده تمسح دموعها وهي تدعي لساره :يارب ارحمها ودخلها جناتك لا حولا ولاقوة الا بالله يارب نور عليها قبرها
وهند بحضن عمر تبكي وهو يهديها
فوق
حنان ورغد جالسين بنفس الغرفه سمعو اصوات بكى هند حنان بخوف وهي تبكي يارب استر يارب استر مسكتها رغد تهديها اذكري الله يابنت ان شاء الله خير وهذا استهبال من هند
اشوي دخلت عليهم هند عيونها حمرا وتبكي طالعوها البنات بخوف هند بصوت منهار راحت ساره
بكت حنان والغريب ان رغد تركتهم وراحت غرفتها اللي مايعرفوه انها بكت على سريرها وعلى مخدتها وهب تكتم صوتها ذنبهم برقبتي راحت الطيبه بسببي اتذكرت كلمة عبد العزيز :انا مسافر ماتدرين ايش يسير معي بالحج وكانه عارف بكت على ساره بالم كان المفروض السفره لها ولعبد العزيز بس هي اللي دبرت ان ساره تطلع معه تحس بالذنب اللي يخنقها بلعت غصتها دخلت الحمام مسحت دموعها اتوضت وصلت ركعتين وجلست تقراء قراءن بهدوء هذا اللي تقدر تسويه دموعها وقفت هذي رغد طول عمرها اقوى من أي شي ممكن انه يضعفها وقوتها بقدرتها على السيطره على نفسها
(بيت الدكتور سلمان )
جناح سلطان
هي بالغرفه اتذاكر وهو جالس بالصاله من اول مابلغوه مو قادر يقولها ماعنده الشجاعه يقولها او بالاحرى مايبي يوشوفها منهاره قام يطل عليها دخل بهدوء
رفعت مريم راسها بهدوء وهي تتامل فيه وجهه متغير
سلطان شال الملزمه وجلس قدامها مريم بنفرزه :سلطان خلني اعرف اذاكر
سلطان سحبها وضمها وهي تحاول تخلص نفسها منه همس باذنها بهدوء :ساره عطتك عمرها استكانت ثواني بحضنه حسب انو اغمى عليها رفعها شاف الصدمه بعيونها بدون أي ردت فعل ناظرت عيونه بهدوء همست :ساره
سلطان بلع ريقه وبخوف عليها هز راسه
رمت نفسها عليه وهي تبكي وتصرخ باعلى صوتها :
لااااااااااااااااااااااااااااااااااااااااااا ابيها ياسطان ابي ساره اختي ابيها قول انك تكذب راحت اختي راحت شهقت بالم ودموعها تنزل وصوت مخنوق لامامات اكيد انها صحت قوم خلينا نروح المستشفى سحبت نفسها منه اخذت عبايتها وقامت بسرعه سحب منها العبايه وبصوت مخنوق على حالها :ساره راحت الله يرحمها
صرخت بهستيريا وهي تبكي بالم :لا اختي ماراحت سلطان هذي اختي لاماراحت الطيبه الحنونه ماراحت الكبيره العزيزه ماراحت ساره ماراحت ساره اختي بالمستشفى نايمه تكفى سلطان قول انك تكذب ببكى لا ماابي اختي تروح ابيها ابيها سااااااااااااااااااااااااااااااااااااااااااااااااا ره
ضمها وهو يمسح على راسها وعيونه تدمع لحالتها :اذكري الله يامريم
بكت بهستريا :اختي ياسلطان راحت اختي ياسلطان ماتت اختي ماعاد اشوفها اختي راحت
(المستشفى )
بعد ساعه ونص تقريبا الكل واقف عند غرفة الطوارئ
سعد لاف الشماغ ومتلثم فيه وجالس على جنب وقلبها مذبوح من فرقا اخته وابوه مايدري ايش حالته جنبه مروان ومحمد
ماجد جنب الغرفه جالس عالبلاط وجنبه عمر وفهد
والجد وابو عبد العزيز وابو عمر واقفين ينتظرو أي خبر
ابو سالم بتعب ناظر بماجد :ياابوك ادخل شوفهم ليش تاخرو
ناظره ماجد بنظره تايه لاخايف مايبي يخسر ابوه واخته الانتظار اهون من الكارثه يارب ارحم اختي واحفظ ابوي
طلع الدكتور من الغرفه كلهم التمو حوله ابتسم الدكتور لماجد :دكتور الوالد الحمد الله بخير كنا شاكين بازمه قلبيه بس الحمد الله بس ارتفاع بالضغط والسكر وقدرنا انسيطر على الوضع
الكل باصوات متفرقه :الحمد الله
يوم صعب قوي مؤلم للكل
يوم الجمعه
صلو عليها وبدت ايام العزا ابو ماجد طلع على مسؤليته علشان يحضر دفن بنته وعزاها الكل ببيت ابو ماجد الا رغد بسبب العده ماطلعت وجلس عندها نواف
بيت ابو ركان
رغد بهدوء :يعني استقريت تبيها
تنهد نواف :ايه وابوي وافق بس انتظر ظروفهم تخلص واروح اتقدم
رغد بثبات :تتوقع توافق
لف لها نواف بقلق :ان شاء الله توافق
رغد لفت عنه وبصوت هادي :حط كل الاحتمالات يانواف
نواف بعصبيه :رغد خلاص
رغد بهدوء :نواف لازم تتهيألكل الاحتمالات
نزل نواف راسه معقوله ممكن ترفض لامستحيل ان شاء الله توافق مستحيل اخسرها بموت
بعد صلاة العشاء
بيت ابو ماجد
مجلس الرجال
دخلو اثنينهم بحزن والم اول ماقرب من اخوه باس فوق راسه وهو يجاهد دموعه لمن شاف اخوه كيف طايح ومنهد :البقاء براسك ياابو ماجد عظم الله اجرك
ابو ماجد بحزن همس :راحت ياناصر راحت الغاليه يااخوي
تنهد ناصر بالم :الله كيرم يااخوك
بعد ناصر وسار يسلم على الكل قرب بعده تركي عزا خاله وراح يسلم على خواله وجده قرب من ماجد بهدوء مد ماد يده بس تركي سحبه له وضمه وماجد يجاهد دموعه مهما فرقت الحياه بين الاصحاب الخوي الصح مايترك خويه وتركي وماجد من اشد الاصحاب حتى مشكلة حنان ماقدرت تفرق بينهم ماجد حس بالراحه بحضن خوي عمره حس ان هذا اللي محتاجه خوي يواسيه ويد على يده تركه تركي بابتسامه يطمنه ابتسم ماجد بالم كمل تركي سلم على الكل ورجع جلس جنب ماجد ويده على افخاذه يخفف عنه ماتعرف اخوياك الصح الا وقت الشده والكرب
ماجد بهمس :كيف رجعت انت مو قالو بطول
تركي بطيبه :وانا اقدر اخلي خوي عمري بشدته
ماجد بنظرة امتنان طبطب على يد تركي :والله انك نعم الخوي
ابتسم تركي :تسلم والله انا اخذت اجازه ماتخلص اجازتي الا دفعتي جايه فراح اداوم هنا
ماجد براحه حسها من قرب تركي :الحمد الله عالسلامه
تركي بهدوء :الله يسلمك
قام تركي يبي يشوف امه ودانيه وحنان اللي اشتاق لها طلب من هند تقولهم يدخلون المقلط بدون ماتقول انه جى
نادت هند ام محمد ودانيه وحنان اللي دخلو المقلط بدون مايفهمو السالفه
تركي كان جاي من المطار على العزاء بلبسه العسكري
دخل بهدوء اول ماشفته دانيه جرت عليه ضمته وهي تبكي اشتاقت له وبداخلها هم كبير محتاجه صدر حنون تبكي عليه بكت وبكت شوق لاخوها والم على حياتها اللي انقلبت فوق تحت
اول ماشفته حست الدنيا تضحك بعيونها نفسها تجري وترمي بحظنه بس دانيه سبقتها واول مااترحكت دانيه قرب تركي من امه باس فوق راسها وهي تبكي :الحمد الله على سلامتك ياولدي
ابتسم تركي بتعب :الله يلسمك يالغاليه ليش هالدموع خلاص انا رجعت بخير والحمد الله
ام محمد وهي تمسح دموعها :الحمد الله ياولدي
تركي بحزن :عظم الله اجرك يمه ببنت اخوك
ام محمد بحزن :اجرنا اجرك ياولدي
اشرت لدنيه اللي اتمسح دموعها يطلعو انسحبت دانيه وامها وتركي واقف بتامل في حنان وهي منحرجه وكانها اول مره تشوفه ابتسم بحنان :ماتبين تسلمين
قربت منه بس هوقرب اكثر وضمها وبحنان :اشتقت لك يالغاليه وحط يده على بطنها :وعلى ولدنا
بكت اول ماجت بحضنه اشتاقت له بجنون اشتاقت لهحنان والدفئ بحضنه وهو يمسح على راسها باس راسها وبعدها :خلاص حنونتي اهدي
ابتسمت وهي تمسح دموعها وبين شهقاتها :خلاص ماراح ترجع
ابتسم بحب :خلاص بجلس هنا جنبك وماراح اتركك الين الله ياخذ امانته
ضمته بخوف :الله يطول لي بعمرك ويحفظك لي وبخجل لولدك
ضحك تركي :فديت الخجول ياناس يلا خليني اروح لرجال اتاخرت غمز لها نتقابل بليل
|
16-12-11, 11:48 PM
جديد مواضيع قسم الارشيف
العرض العادي
