كاتب الموضوع :
احاسيس طفله
المنتدى :
الارشيف
(الجزء الثاني عشر )
السمتشفى
واقف عند غرفة الملاحظه وهو متوتر يروح ويجي يارب احفضها لي
يارب جلس عكرسي الانتظار ويده على راسه وهو يدعي لها حطي لها
مغذي ويحاول ينزلو حرارتها سمع صوت اذان الفجر ردد مع الاذان وقام
لمسجد المستشفى يصلي بعدين يرجع لها
بيت ابو ركان
خلصت صلاتها وجالسه على سجادتها بعد ماخلصت قرائت وردها جلست
تدعي لولدها وزوجته وهي تمسح دموعها بشيلتها قامت من السجاده شافت
النور بدى يطلع طلعت من غرفتها وجلست بالصاله بعد ماندات الشغاله
تسوي لها القهوه وتجيب التمر ناظرت بالمكان اه يالدنيا هذا هم كلهم تحت
التراب كلنا من تراب ونهايتنا لتراب ليش الجبروت يالدنيا الله يرحمك
ويسامحك يابنت مطلق
وقفة بغرور :البيت يتعذرك هذا بيتي وانا حره فيه وولدك مو موجود
ناظرت فيها بشموخ :هذا هو استقبالك لضيوفك يابنت الاجاويد حنا مو جين
لك نبي نشوف بناتنا
مشت عنها وعطتها ظهرها :مالك بنات عندي انتم ماتملو
وتركتها لحالها بالصاله واقفه وهي طلعت فوق
مسحت دمعه نازله من عيونها بشيلتها الله يسامحك كانك زرعتي الحقد
بقلوبنا قبل ماتزرعيه بقلوب بناتك الله يرحمك ويستر عليك
بمكان ثاني
دخل البيت بخطوات حذره طلع غرفته اول ماشافها راح جري للغرفه
نكت السرير لين لقى الابره طلع المحلول حط الابره فيه
وبعدين غرسها بجسمه وهو يغمض وعيونه ومثل كل مره دمعه يتيمه
نزلت من عيونه
المستشفى
جالس جنبها عالسريروماسك يدها والثانيه فيها المغذي يناظر فيها بتامل
والله ندمت ياساره نسيت مشاعرك غروري وكبريائي عماني عن اشياء
كثيره ظلمتك يالغاليه ظلمتك ياقلبي باس يدها عالخفيف وبصوت مسموع
سامحيني يالغاليه والله مو قصدي اجرحك سامحيني ياساره
سمعت صوته وكانه بعيد كانه حلم مو قادره تفتح عيونها ابدا تحس راسها
ثقيل
بيت ابو ركان
جالسه الجده وحولها عيالها ابو ماجد وابو عبد العزيز وناصر
ابو عبد العزيز :زين انه رجعها وعرف غلطه
ابو ماجد: طيب هو وينه
ابو عبد العزيز وهو يشرب فنجال القهوه : ادق عليه يقول مشغول
ام سالم :الا ايش قال ابوكم
ناصر : يمه احنا ماقلنا له ولانبغى احد يقوله شي خليه كذا واذا انتي تبين
تروحين عنده المزرعه عادي رغد تجلس عندي
ام سالم :لاوالله ياولد انا بجلس هنا عند بنيتي بغصه وهي تمسح دمعتها
بطرف طرحتها في بيت الغالي
الكل همس بصوت واطي : الله يرحمه
بيت ام محمد
بالصاله
ضامه المخده بيد واليد الثانيه ماسكه الروايه ومندمجه فيها لدرجة عيونها سايره حمرا
نزل من الدرج وهو يعدل البدله العسكريه عنده استلام من صباح الله خير
قرب منها بهدوء واول ماوصل عندها صرخ :شتسوين
تقزت وطاحت الروايه منها ويدها على قلبها والدموع بعينها :حرام عليكم
اختكم الوحيده تبون تذبحوني بدري
عارف انها حساسه ولام نفسه قرب منها وضمها بيده من كتفها :خلاص
يالدلوعه ماسارت مزحه
فكت عنه بدلع وهي تمسك الروايه : لو طاح قلبي كان رضيت
ضحك تركي:دانيه يالدلوعه خلاص غريبه صاحيه من بدري
دانيه بابتسامه عريضه : قول مانمتي وبعدين اليوم خميس خساره اعدي
ايامي الاجازه بالنوم كلها يوم والسبت يجي
ضحك تركي وهو يلعب بشعرها :فلسفه غريبه الا صدق شتقرين
ابتسمت دانيه وهي تفتح الروايه :الجنيه لغازي القصيبي مره خطيره مو
قادره اتركها لين اخلصها
عقد تركي حواجبه :غازي القصيبي افكاره متحرره وغربيه
دانيه بابتسامه :تركي انا لمن اقراء له يعجبني ادبه اسلوبه وانا مو صغيره
حتى مااعرف الصح من الغلط
ابتسم :فديت الكبيرين يلا انا رايح الدوام عطلتيني
وقفت له دانيه بيد الروايه واليد الثانيه رفعتها دقت التحيه العسكريه :فمان
الله سيدي
ضحك تركي وطلع من البيت رايح دوامه ودانيه كملت تقراءالروايه
المستشفى
دخل ماجد بهدوء وبهمس :كيفها
عبد العزيز اللي كان شكله مبهدل من السهر وعروق عيونه حمرا منغير
الشماغ على كتفه بصوت تعبان :باقي ماصحت شوفهم يماجد
ماجد بهدوء:ان شاء الله تقوم اهم شي الحراره نزلت
تنهد عبد العزيز وهو يمسح على راسه :الله كريم
ربت ماجد على اكتافه :قوم نصلي الظهر والله كريم يفكها علينا
عبد العزيزقام معه وهم طالعين همس عبد العزيز بوهن:احد درى عمي او
عمتي
ماجد تنهد :لا مو قايل لااحد لين نطمن عليها
وراحو متوجهين لمسجد المستشفى لصلاة الظهر
بيت ابو ركان
لابست طرحتها وهي تعدل نقابها هند وقفت قدامها : يابنت توك ماامداك
تراتحين امس طلعتي من المستشفى ومن غير روحتك مع عبد العزيز
ورجعتك
رغد بدون اهتمام وبرود :سار ليا اسبوع وكم يوم مارحت المستشفى
الاجازه خلصت
وطلعت مو مهتمه لهند اللي واقفه تبي تمنعها تروح المستشفى طلعت رغد
ركبت مع السواق والشغاله وراحت للمستشفى ناظرت بالشوارع وهي
تتنهد الله يرحمك يبه أشتقت لك مسامحني يبه حست بدمعه حاره على خدها
نزلت يدها من تحت النقاب ومسحتها اه يبه ابي اشتغل ابي اشغل نفسي عن
التفكير تعبانه موجوعه متالمه مو قادره اتحمل جرح عميق ابوي راح وهو
مو راضي عليا يارب سامحني يارب ابوي يكون راضي علي خنقتها
العبره وحاولت تقوي روحها وصلت المستشفى راحت غرفة الممرضات
دخلت لبست الاب كوت عدلت نقابها وحطت شنطتها تحس بالم داخلي
روحها منهاره مكسوره بس مستحيل تسمح لنفسها انها تنكسر قدام الناس
مشت بخطوات ثابته عكس الروح المكسوره داخلها راحت الرسبشن
ابتسمت لها الموظفه
رغد بصوت هادي : وين استلامي اليوم
الموظفه مسكت الاوراق تقلبها بيدها بعدين ناظرت رغد :الطوارئ
رغد بصوت هادي :مشكوره
وراحت لقسم الطوارئ وقفت عندالرسبيشن الطوارئ وهي تقراء ملفات
المرضى حتى تكون على علم بالحالات جتها عبير :الحمد الله عالسلامه
رغد عظم الله اجرك
هزتها الكلمه من داخل لكن قالت بصوت بارد :اجرنا واجرك
بغرفه من غرف الطوارئ
جالس جنبها ومو قادر يتركها من امس وهي تحت المراقبه حرارتها تروح
وترجع يسمع صوت وناتها اللي تقطع قلبه من داخل كانها خناجر بقلبه الى
الان ماصحت وهم قربو عالعصر مسح باصابعه على خدها بهدوء يمكن
تحس فيه تحس بخوفه بحبه سمع صوت الباب ينفتح سحب يده وعدل
جلسته اول مادخلت كانت عارفه انها ساره بس انصدمت من وجوده
حاولت تكون طبيعيه مارفع عيونه عليها لانه اصلا ماعرفها
حست بدقات قلبها شعور قلق منه مو خاف كثر مو قلق هالانسان ماتتوقع
ردات فعله لوعرف انها داومت تنهدت بهدوء مسكت يد ساره وهي تقيس
الضغط والحراره حاولت تكون ثابته
قال بصوت تعبان وعيونه بالارض :كيف حرارتها وضغطها
هزها صوته ماتدري شهالتاثير اللي ساير لها من صوته بس قالت بثبات
وصوت جامد :الحراره نزلت 38 ونص و
ماقدرت تكلم كلامها لانه رفع عيونه عليها لمن عرفها زين بلعت ريقها من
نظرته اماهو حس انه تعبان مافيه يناقشها عرفها من صوتها البارد
المتجمد
لاولى مره تشوفه بهالمنظر تعبان مرهق دائما تشوفه قوي صلب شامخ
دامك تحبها ليش تعذبني ليش حرام عليك رجعت ناظرت بساره معقوله
اللي فيها منا انا مالي ذنب اذا هو مايعرف يراعي شعور زوجته قطعها
صوته بثبات رغم شكله المرهق : من سمح لك تطلعين من البيت بدون شوري
رغد بجمود ولاكانها سمعته :الضغط مضبوط والحراره بعطيها ابره الان
ضغط على يده وهو يحاول يمسك اعصابه كان ناوي يتكلم رجفت من
نظرة عيونها ولكنها مابينت كان بيقوم لها لولا صوت ونات ساره اللي بدت
تفتح عيونها ترك رغد وقرب من ساره مسك يدها وبصوت دافي :ساره
فتحت عيونها اشوي اشوي وهي تحس بالم قوي برسها سمعت صوته
همست بصوت تعبان متقطع :عــ..ـبـ..د الـ..ـعـ..ـز.يـــ..ز
استغلت الفرصه وطلعت من الغرفه وهي طالعه قابلت ماجد ناظرت فيه
بحقد وراحت استغرب ماجد من هي بس طنش ودخل عند اخته
شاف عبد العزيز ساندها ويشربها مويه ابتسم وانسحب بهدوء
ناظرت فيه وهو يشربها المويه وعيونها بعيونه التعبانه ويدها على يده اللي
ماسكه الكاسه ودموعها بعيونها تنزل بدون ادراك تنهد بالم :ليش هالدموع
يالغاليه
وسحب الكاسه وحطها عالطاوله وهي عيونها باقي بعيونه ساره بهمس
وصوت مخنوق تعبان بغصات :ليش رحت عني
قرب منها عبد العزيوز وضمها له :انا جنبك هنا مسح على شعرها وهو
يحس بحرارة جسمها تعذب قلبه وروحه مسح على راسها
مرتاحه بحضنه مصدر الامان لها تحس انها تحلق بعيد وهي بين احضانه
راحه كبيره تحتويها ماهمها تعب جسدها خلاص دام روحها تعانق روحه
دامها بين احضانه الم الجسد يهون
مسح على خدها باطراف اصابعه وبصوت مداعب همس بذنها :تبين
تعرفين غلاتك
رجفت كل خليه بجسمها من صوته ولمست اصابعه ابتسم بخبث :الى الان
ياسرونه
ابتسمت بخجل وهي تحاول تعدل جلستها ضمها له اكثر وهو مبتسم :مافيه
مفر مني قرب وجهه من وجهها وانفاسه تداعب وجهها وحرارة وجهها
تزيد عن الحراره اللي فيها نست الدنيا كلها وهي بين احضانه وتتنفس
انفاسه مهمها شي الا قربه وبس
بيت ابو عمر
نزلت جري بعد مالبست عبايتها وشنطتها بيدها تبي تروح قبل مااحد يمنعها
سمعت صوت ورها جمدت ياربي مو ناقصه ابي اطلع اغير جوى
غلض صوته وهو كاتم ضحكته شافها جمدت :وين رايحه
بلعت ريقها بخوف بس بعدين استوعبت لفت بشوي اشوي اول مالفت عليه
ضحك اما هي ناظرته بقهر :سليطين طيحت قلبي الله ياخذك
سلطان بضحكه :وجع لاتدعين الله ياخذك قبلي
ريوف بتعالي :طيب شوف مين يجيب لك هيا ذيك
ابتسم سلطان وبخبث :بتجيبنها لانك لو ماجبتيها ماراح تطلعين من البيت
تعرفين مااحد بيقول ليا شي
ريوف بقهر :يعني لانكم رجال لازم تحددون مصيري لكن هين بس
انا بطالب بالمساوه بين الرجل والمراءه
ضحك سلطان :تتدرين احس كلمة المسواه شي مضحك اذا الناس اللي
طالبو فيها هم نفسهم مستدين ارجعي للعصور الاوربيه القديمه وشوفي
كيف كانت المراءه لاتسوى وانتي بكرامه مداسهم وشوفي العصر
الاسلامي وتعرفي ان الاسلام كرم المراءه لاتحاولي ادوي عن المسواه
لانها ببساطه فقاعه لو وصلتي لها انتي المتضرره
وراح يطلع الدرج ضحكة وهي تصفق بيدينها :برافو برافو من متى سلطان
هالافكار جديده
سلطان بابتسامه :ابدا موضوع قريته بالمنتدى امس وجاي اتفلسف عليك
حظك انو مو شارب وضحك وتركها
ضحكت وطلعت من البيت مرتاحه عمر ولاابوها موجودين وامها معزومه
على عرس
بيت ابو عبد العزيز
شقة عبد العزيز
صحت من النوم ماشافته جنبها قامت بتعب الا الباب يفتح ابتسم لها :كنت
بالمسجد اصلي العشاء
ابتسمت له :تقبل الله
قامت بعدها دخلت الحمام توضاءت وهي تحس بدوخه خفيفه راحت صلت
العشاء وبعد ماخلصت بدلت ملابسها لبست لها برمود ابيض مع بلوزه
ورديه طويله بقصه دائريه من فوق مشطت شعرها ورتبته ورفعته فوق
طلعت لعبد العزيز ابتسم لها بحب وهويرفع يده يناديها تجلس بحضنه
ابتسمت بخجل وهي تجلس جنبه وهو يضمها بيده حطت راسها على اكتافه
وبصوت تعبان هادي :اهم حاجه انكم ماقلتم لااحد على تعبي مااابي اقلقهم
ابتسم عبد العزيز وهو يلعب بخصل شعرها ويتاملها بهدوء
ساره بخجل :ايش فيك اليوم عالصامت
ابتسم عبد العزيز وقرب منها همس وهو يضمها اكثر :كنت خايف افقدك
مو مصدق انك بين يديني
قدام المستشفى
كان طالع من المستشفى وشاف سياره قدام المستشفى وراح لها
: عمر الى متى وانت كذا حرام اتقي الله في نفسك واقف هنا شتسوي
عمربنرفزه : الحين مين قالكم اني مذنب بنفسي انا ابغى افهم انتو ماعندكم
قلوب في صدوركم مااتحسو ياناس خلوني في حالي بدر انا مرتاح كذا
الله يخليك خليني
بدرق بهدوء : اذا انت تشوف انك الوحيد الي متضايق غلطان ترها زي
ماهي تهمك تهمنا اكثر
بس مو معنا هذا انك توقف حياتك مافي امل خلااااااااااص
عمرويده ترتجف :مالكم دخل فيني وبعدين الامل موجود لاخر نفس فينا
مين الي كان يقول
محد يفقد الامل من الي كان يقول رح الف الكون كله لجلها مو انت
لف وجهه بدر على المستشفى وعيونه حمرامحبوس الدمع فيها : تبيني
اقول لك انا غلطان ايه انا غلطان
عمر مسك كتوفه : لا انت مو غلطان وراح تشوف بترجع لي
تركه عمر رايح للمستشفى وقف قدامه بدر :اركب سيارتك وروح اللحين
هيا نايمه
عمر بتعب :بتحرموني منها يابدر
بدر بغصه : روح بيتكم ياعمر اتركها ياعمر
راح عمر السياره وترك المكان كله ليش يبوني اتركها ليش يبوني انساها
هي حياتي كلها شغل الاذاعه وجت الاغنيه
والله والله واحشني موووت والله واحشني مووت
اخاف بعدك امووت قلبي لو من حديد ذاب وانت بعيد
لو خسرتك حبيبي شلون احب من جديد وين القى وفاء او احس بدفاء ظلمه
بعدك حياتي
كل شي فيها اختفى روحي يمك حبيبي وبيدك اتمنى امووت
كان ماشي بالسياره ويسمعها
وينك وعدتيني ماتخليني تذكر قبل سنتين وهو يسمع نفس الاغنيه
: حبيبي قفل الاغنيه مااحبه
عمربابتسامه :حبيبي انا بعدك اموت تدرين مااقدر اعيش بعدك احس بموت
جومانه بخوف : بعيد الشر عنك اصلن انا مستحيل اتتركك واذا تركتك
مايفرقنا غير الموت واذا مت بموت بعدك وبمزح مت انا ابيك تنتحر بعدي
عمربضحكه : يمه منك طيب اذا تركتيني لا تذبحيني خليني ادور احد احبه
جومانه بابتسامه ودلع :لاتحاول مالك غيري ابدا ابدا
ابتسم عمر واثقه بس تبين الصدق يحق لك فديتك ورجع يغني
انا بعدك اموت اكون جسد بلا روح
عمروهو مخنوق : هذا انتي تركتيني لحالي بهدنيا ومااخذتيني معك ولا
ذبحتيني
تعالي اذبحيني لاني خلاص سرت جسد بلاروح حياتي ظلمه من غيرك
مافيها نور ليش خليتيني ياقلبي ليش رحتي عني انتظرك انا
بالدنيا الي ماترحم
بيت ابو ركان
رجعت البيت براحه التهى مع ساره ونساني جعله دوم ملتهي يارب فكني
منه ومن طلال هدوء طلال مو مريح الله يستر اتذكرت ان نواف عازم
نفسه عندها بدلت ملابسها ونزلت راحت المطبخ شافت هند تطبخ
رغد بابتسامه :اشم ريحه حلوه شطابخه
هند بمزح :يقولون اقرب طريق لرجل من معدته فقلت فرصه يمكن اعلق
خالك واخذه ماخليت شي ماسويته
ضحكة رغد وبهمس :مايسير العمه وبنت اختها
هند لفت عليها :شتقولين
ابتسمت رغد تصرف :متى يخلص الاكل
دق جوال رغد وشافت نواف :يلا انا بطلع المجلس اشوف نواف شكلها جى
عند الباب
نزلو البنات كلهم موني بهدوء :يؤ نسيت شنطتي
دانيه بدلع :احد ينسى شنطته
ضحكة موني: انا بسيار مو مدرسه
ضحكو البنات ودخلو وموني دقت عالسواق يرجع راحت اخذت الشنطه
من السياره اللي كانت بحوش البيت الا سياره ثانيه داخله قالت يمكن احد
من عيال عمها او عممها وقفت تفتش الشنطه ادور جواله :اوه شكلي نسيته
بالبيت ياربي
حست بحركه جنبها لفت تلاقئيا وهي ماغطت وجهها بس انصدمت فيه
وهو وقف يناظرها مشتاق لها حست بدقات قلبها تتسارع مشت بسرعه
وتركته بمكانه عيونها تدمع لوحدها وهي تجري مرت من جنب رغد اللي
شافت المنظر دخلت موني ونواف واقف بمكانه مثبت فيه يحبها ياناس
يعشقها قربت رغد وبهدوء :حياك نواف التفت نواف وحس بحاله بصوت
مخنوق :الله يبقيك دخل معها المجلس
جابت الشغاله القوه والشاي ورغد قهوته ماسك الفنجال بيده ويهزه رغد
بهدوء :دامك تحبها اخطبها
اهتز الفنجال بين يدينه تنهد وهو يحط الفنجال على الارض
بصوت هادي :رغد انا طول هالوقت كنت بصراع بين عقلي وقلبي قلبي
يقول خذها وعقلي يقول لا رغد تتوقعي بتهنى بحياتي وانا اخذ وحده كنت
اكلمها بيبقى الشك بينا حاجز كبير ماراح اقدر اعيش حياه سعيده معها مهما
كانت قوت محبتي لها يبقى بداخلي شك كبير يمكن يجي يوم وتخوني
بالنهايه انا رجل شرقي مثلي مثل غيري والحب مو دافع قوي يخليني اتقدم
سكتت رغد تمنت لو هذي وجهة نظر طلال ويرتكها بحالها الى الان خايفه
منه قلقت كثير على نواف شكله بدوامه مو قادر يقوم منها
داخل البيت بالصاله
جالسه دانيه بحضن جدتها وتضحك ورون جنبها وموني جالسه عندهم
بمسافه سرحانه
ام سالم وهي تمسح على شعر دانيه : الله يصلحك يابنتي
رون قربت من موني : ايش فيك
موني بهدوء تحاول تتماسك : مافيه شي عادي
جت هند بابتسامه :ايش عندهم الثلاثي
ابتسمت دانيه :ماادري عن الدنيا صحوني من النوم وجابوني نزور جدتي
بعد تدرين من لمن دخلت شميت ريحة اكل قلت الله خالتي الغاليه تسوي ليا
اكل وتعرف شعوري على بعد اميال وبعد عرفنا انو رغد رجعت قلت
نشوف اذا فيها اصابت او لا
ضحكو الكل بدخلت رغد دانيه بابتسامه :هلا والله بنت خالو ليكون بس عبد
العزيز معك بالمجلس
ابتسمت رغد عدانيه اللي دائما تدخل عرض على دلعها الا انها حبوبه :لا
قابلت خالي نواف ارتجفت اوصالها من ذكر اسمه رغد التفتت لها بهدوء
وسلمت عليهم بعد ماسلمت على دانيه
رون بابتسامه :لاتقولي ذاك المزيون اللي دخل معك يوم الملكه
ضحكة رغد :ايه هو اما الجده مدت العكاز عليها تبي تصربها بس رون
بعيده :استحي يابنت
رون بابتسامه خبيثه وماانتبتهت للي جالسه جنبها وقلبها ينحرق مية مره
:رغد لمن تبين تخطبين تكفين قولي ليا وغمزت لها
ضحكة رغد حاولت تقطع أي امل بين موني ونواف حتى لو كان نواف يبي
موني فعلا حبهم مستحيل يكتمل :ايش رايك لو خطبتك له توافقين
رون بابتسامه وبحركه مطيوره مسكت جوالها :تعالي سجلي رقم ابوي
ضحكو البنات والجده تتحلطم على رون وموني تحس نار تحرق قلبها بس
خلاص اختارت النهايه وهذا نهاية هالطريق
دانيه بمزح غمزت لرون : ابي سال في مكان بفندققك اقصد قلبك ناظرت
برغد اذا ماتبينه خطبي له رون
ضحكت رغد ورون دفت دانيه وجلسو يتخانقو وموني بعالم ثاني ورغد
طلعت وهي تبتسم الان بس عرفت بنات عمها زين حبوبات وخفيفات دم
بس لو اعرف شالسر ورى كره امي لهم ليش شوهت صورتهم بنظري
ليش هم كانو بعدين عني موني شكلها تعبانه صدق معقوله تحبه هو بعد
يحبها بس ربي يسهل من عنده دخلت عليه شافته سرحان تنهدت موني
جوى سرحان ومرهق وهو هنا يعاني يختصر السالفه ويتقدم لها
الاستراحه
جلس فهد يدخن وهو يفكر بالعمليه الجايه دخلت عليه بفستانها البحري
قصير للركبه وخصل الشوكلا اداعب وجهها وعيونها الرماديه الواسعه
بالكحل الازرق والقلس الوردي الفاتح المبرز شفايفها وصوت كعبها القوي
بابتسامه لعوبه قربت منه ناظرها ببرود ومد يده يبعدها عنه : رنيم ابعدي
جلست جنبه بدلع وهي تحرك خصل شعرها :اممم ايش فيك حبيبي
طنشها فهد ومسك جواله دق على فارس :الو ايش سار عالعمليه
فارس بضحكه قويه :ارقد وامن ياطويل العمر حنا نكفي خليك منخزن عنا
صرخ فهد دائما فارس يستفزه : فارس
ضحك فارس :لا لا ياطويل العمر هدي اعصابك
مسك اعصابه فهد وحاول يكون بارد : متى بتبدون
فارس : بكره بعد صلاة الجمعه
فهد بهدوء : اهم شي اللمرضين واثق فيهم تدري هذي عمليه خطيره
والدكاتره لازم يكنون على مستوى اهم شي غرفة العمليات مامنه
فارس :لاتخاف كل شي تمام وان شاء الله العمليه بتنجح
فهد بهدوء وهو يمسح على شعره :فارس انت قدها
فارس بصوت باسم : على كثير مااكرهك على كثر مااعزك
رغم مزاجه المنقلب الا انه ماقدر الا يضحك :يلا فمان الله
قربت رنيم وجلست على رجوله وبهمس وهي قريبه من اذنه :دوم
هالضحكه
انتفض قرف منها بعدها عنه وقام عنها مقارنه صعبه بسنها وبين دانيه
الملاك الهاديه اصلا يظلم دانيه لمن يقارنها بهذي مع انو بالجمال رنيم
تفوق دانيه بدرجات كبيره ولكن بنظره دانيه احلى البنات بس صعب جدا
تكون له طلع من القسم حق رنيم وراح للاستراحه جوى يمكن يلاقي
سلطان يجلس دخل وشاف الاشكال وسلطان مو موجد طلع من المكان
بكبره ركب الهمر وراح دق على سعد انتظر اشوي لين جاه صوت سعد
نعسان :الو
فهد بهدوء :نايم
سعد بصوت نعسان :يؤ اخيرا اتذكرتني وين سار لك مختفي بس بعرف
وين تغط
تنهد فهد :مشاغل تيجي نتقابل بكوفي
سعد يتثاوب :طيب بس اغير ملابسه واكل واجي
ضحك فهد :اجل ليلك طويل تعال بس انا اوكلك
ضحك سعد :اذا كذا جايك طيران بس أي كوفي
بيت ابو سعد
نزل وهو يعدل شماغه البيت هادي شاف الباب الخلفي مفتوح راح جهت
شاف مريم متكوره على حاله وصوت شهقاتها بالمكان راح لها وحط يده
على اكتافها انتفضت بقوى بعيد عنه ابتسم بالم :مريم انا سعد
مريم تمسح دموعها وتحاول تخفي شهقاتها :هلا شهقت سعد
قربمنها حطت يدها على جهها وبعدت عنه فبض يده ووقف مكانه :لمتى
يامريم مريم مرت اكثر من 12 سنه عالسالفه
مريم بين ادموعها بعد مابعدت عنه مسافه جلست :مستحيل انسى ياسعد انا
انذبحت طفولتي ضاعت مراهقتي عشتها بالمصحات وحياتي ادمرت ايش
تبيني اسوي ياسعد بين ادموعها بشهقاتها :مين بيرضى بمستعمله
قرب منها وضربها كف على وجهها :خلاص يامريم خلاص انسي انسي
ايش هالكلام انهارت على الارض تبكي بالم وتشهق وسعد ماسك يده وهو
متالم لها ليش مديت يد بصوت مخحنوق ذبحه كسره صوته اخته :انا اسف
يامريم بس تعذبيني وانا اشوفك كذا تحسبيني مااحي فيك مريم انا تؤمك
احس فيك اكثر من أي احد الله يخليك ارحمني وارحمي حالك حسو
بخطوات وراهم التفت سعد بس مريم كانت ضامه نفسها وتبكي
شاف ماجد مو وقتك يامجد اشر له يطلع بس ماجد تقدم ماانتبه لاشارة سعد
بظلام الحوش ماجد بصوت ثابت :ايش ساير
انتفضت ووقفت قربت منه وسارت تضرب فيه صابتها حاله هستيريا :انت
السبب انتا اللي ذبحتني انا اكرهك تصرخ تبكي تشهق وتضرب فيه
يتعذبون حولها ماجد يحس بالضعف بالقهر بالالم وسعد مذبوح على اخته
سحبها من ماجد وهي تصرخ وتبكي بهستيريا :هو السبب دمر حياتي الله
لاياسامحك ياماجد انت عذاب لناس مثل مادمرتني دمرت حنان كمان انتا
المروفض ماتعيش حاول سعد يتحكم فيها وهي تسحب نفسها منه تبي
تضرب ماجد بس قدر انه يسحبها ويطلعها من المكان سحبها لين غرفتها
وهي منهاره تبكي دخلها الغرفه ودور بالادراج عالمهدئات حقتها اخذ حبه
وجاب مويه من ثلجتها وشربها اياها وبدت تبكي مع ونات بسيطه بالم
وسعد يتالم معها دق جواله شاف فهد رد عليه وبصوت تعبان :فهد اعذرني
مااقدر اجي
فهد بقلق :سعد ايش فيك
تنهد سعد بالم :اختي يافهد تؤمي يافهد تتعذب دمعه وحيده خانت رجولته
وطاحت حتى تلين معالم الرجوله وخشونة وجهه
فهد فهم الوضع وبهدوء :اذكر الله ياسعد ان شاء الله ربي يهديها وتلقى اللي
ينسيها عذابها
سعد بهدوء :تاخذه يافهد
سكت فهد بصدمه مو متوقع هالكلام بس هذا طلب من اعز اصحابه مايقدر
يرفضه سكت رد سعد بصوت متالم :انسى يافهد انسى يلا انا بقفل
قفل جواله وجلس مع اخته وهويتالمها بالم
تحت كان ماجد جالس مكانه بالحديقه مو قادر يتحرك كل مشاعر الالم
والحزن والعذاب بقلبه مشى بخطوات متهاويه جسد بلاروح
الجمعه الصباح
بيت ابو ركان
مشى بخطوات شامخه مع عكازه شموخ وهيبه وعمر كبير دخل البيت
شاف زوجته وام عياله وشريكة عمره جالسه على ثلاجة القهوه قرب منها
وبصوت شامخ شايخ :السلام عليكم
رفعت راسها بوهن وبابتسامه تبي تقوم :وعليكم السلام والرحمه الله حيه
قرب منها :اجلس لاتعبي حالك فيك حيل يالعجوز
جلست وجلس جنبها :الا انت الشباب شوف الشيب اللي غزا راسك
ضحك ابو سالم :يامره الشيب مو عيب
ام سالم وهي تقدم له فنجال القهوه: اجل لاتقول عجوز
جت لهم بابتسامه الجو الدائم مناقرة الصباح بين ابوها وامها ابتسمت بحب
:الله حيه ياابوي
باست فوق راسه ابو سالم بابتسامه :الله يبقيك ياابوك
جلست هند جنبه ابو سالم بامر :دقي على اخوانك وقولي لهم الغدا اليوم هنا
هند بوزت :يبه تعبانه مافيني اطبخ
ابو سالم وهو يمسح على راسها :خلاص يابنيتي دقو على المطعم يجبون لنا
اكل
ام سالم مسكت طرف طرحتها وبصوت واطي :وسرنا نعرف المطاعم
يالشيخ
ابو سالم بضحكه :اعرفهم قبل مااعرفك يامره
نقزت ام سالم ولفة جهته :اهب يارجال استح على شيبتك تكذب الله يرحم
ماغير عيشت امك
ابو سالم يهدد بعصاه قدامه :افا ياذا العلم تكذبيني يامره
هند جالسه مستمتعه وكاتمه ضحكتها عليهم
ام سالم ببرطمه :حشا لله يالشيخ
المسجد بعد صلاة الجمعه
كلهم طلعو من نفس المسجد اللي بحي ابو ركان
وقف فهد على جنب ابتسم لبوه : يبه عندي شغل اخلصه واجي
ابتسم له ابوه : روح ياابوك بس لاتتاخر عالغدا
فهد وهو رايح ويعدل شماغه :ان شاء الله يبه
راح معهم للبيت اخذ الهمر حقه رايح لهم للمصنع القديم وقف السياره
مسافه بعيده لف الشماغ على راسه حركه حمدانيه ورمى العقال بالسياره
ومشى لين المصنع وكلام سعد امس يلف براسه تذكر دانيه وشغله كل
هالاشيائ ماراح تعالج بنت عمه بالعكس بتزيدها تعب دخل المصنع
بصوت جهور :السلام عليكم
الكل رد السلام
قرب فهد منهم وهم يغلفو اخر كرتون فهد بهدوء لفارس :انتبه ترى الايام
هذي مفتحين عيونهم كثير هذي اخر عمليه بنقبى بعدها شهور بعدين نرجع
ثاني
ابتسم فارس: لاتخاف يالكنق انا قدها بتريقه بس اذا جبت العمليه ليا الرائسه
ضحك فهد :خذها اذا تبي اللي يسمع يقول انها شي مميز
ابتسم فارس بخبث :الرجال عند كلمته
فهد ابتسم وهو يطلع بكت الدخان من جيبته يولع السيجاره وياخذ نفس
ويناظر بالسيجاره :خلاص كلمهم وانا ماتنازل
فارس وهو يربت على كتف فهد :الزعامه مالها الا ارجالها
ابتسم فهد يبسخريه :انت متناقض مره
ضحك فارس :قلت لك اكرهك واعزك
بيت ابو ركان
عند الحريم
الكل موجود الحريم والبنات حتى رغد كانت جالسه محتفظه بهدوء الكل
كان مستغرب بس مااحد قرب منها زوجات عمامها الى الان مجروحات
من وفات اختهم
هند بهدوء لرغد :شوفي ام عبد العزيز من يوم وفاة اختها وهي هاديه الله
يصبرهم
رغد بهدوء :فقدان الاخت صعب مره
في الجهه الثانيه هدى لموني :وين مريم
موني بحزن :امس ياهدى تعبت علينا وجلس معها سعد لين صحت
هدى بالم وبصوت مخنوق :ياربي متى تنسى وتصحى لنفسها
جهة الحريم
ام عبد العزيز تمسح دمعتها بطرف اصابعها
ام سالم :يابنتي اطلبي لها الرحمه
ام عبد العزيز بحزن وغصه :ياخاله مندخلت البيت وانا اسمع حسها احس
بوجودها هنا مو بيدي كانت تنتظر الضنى وراحت وراح معها ورجعت
تبكي بالم وقامت عنهم وام ماجد تغلب دموعها اللي نزلت على اختهم اللي
راحت
انقلبت الاجواء لحزن حست انها مخنوقه اذا هم فقدو اختهم هي فقدت ابوها
وهو غضبان عليها قامت من عندهم طلعت غرفتهاتعبانه مو قادره ملخبطه
مو عارفه ايش فيها خوف قلق من كل شي حزن عميق على ابوها اللي راح
وهي مو عارفه راضي عنها او لا
مجلس الرجال
ابو سالم بعصبيه :هذا وانا اقول انتا الرجال اللي بتشيل بنت عمك
عبد العزيز بهدوء :خلاص تبون اطلقها ماعندي مانع اذا شايفني مو رجال
عندك
وطلع من المجلس
انتهى البارت
|
30-07-10, 03:22 PM
جديد مواضيع قسم الارشيف
العرض العادي
