قصه رائعه وأحداث جدآ مشووقه

عبدالعزيز اللحين دامك تحب ساره الحب هذا كله ليش تتزوج عليها..

بس هذا مو معناته أني ما ابي رغوووود الا أن شاء الله تجيب راسك


وأكيد بنشوف أحلى مواقف الحب والحرب بالقصه..

عمر الحب اللي بقلبه معقوله لرغد لانه وقف عند المستشفى ويبي يشوفها

لو من بعيدد..

أيش السررر الكبير اللي تكلم عنه تركي وقال لو تعرفين ببلوة أمك

وبعد نواف لما تهرب من رغدد هل له صله الشرف؟؟

بأنتظارك يا عسل

أكاليل الورد لروحك الطاهره

( الجزء التاسع )




مر اسبوع

كان عادي

بس الغريب ان حنان مارجعت لتركي وباقيه في بيت ابوها

رغد ابدا ماكلمت عبد العزيز ولااحتكت فيه

يوم الاربعاء

بيت ابو راكان

كانت جالسه بغرفتها دخلت عليها حنان وبهدوء :ابوي يبغاك تحت

ماردت عليها رغد لانها الى الان تتجتنب ابوها

حنان بتوتر : انزلي له

رغد بلا مباله :ايش يبي

حنان بلعت ريقها :يبيك وبعدين حرام كل هالوقت

وانتي باقي زعلانه من ابوي ما يسير

سكتت رغد تبي تنزل له صرخت حنان :وين

رغد باستغراب : لاابوي

حنان بتوتر :ببجامتك

رغد ناظرت ببجامتها : ايش الجديد

بلعت حنان ريقها وهي عارفه انها ماراح تعديها لها رغد بس قالت بتوتر : عمتي هاله تحت البسي وانزلي

رجعت رغد وجلست عسريرها :لمن تروح قولي لي

حنان توترت وحست بقلق : قومي يلا ابوي يبيك وين ينتظرك مافيها شي

بدلي ويلا انزلي هو بالمجلس






تنرفزت رغد بس قامت لابست بنطلون جينز وبلوزه لونها موف طويله

للركبه وربطت شعرها فوق عطرت نفسها ثم نزلت دخلت على ابوها

المجلس وبدون نفس :سلام ايش عندك

حس بالقهر من اسلوبها مع ابوها قال بصوت ثقيل : ماتعرفي تسلمي مثل الناس

لفت بصدمه لمن شافته عبد العزيز حست برجفه خفيفه بس حاولت تثبت نفسها :هذا سلامي

وناظرته بتحدي قام ابو ركان وهو قلقان :يلا اترككم تتفاهمو طلع ابوها وهي مشت بتطلع وراه

وقف عبد العزيز بوجهها حست بخوف وهي اطالعه وهو بهيبته قريب منها بلعت ريقها بخوف وهي تحاول تقوي نفسها

بصوت مرتجف : بعد عني بطلع مااظن بيننا كلام

ابتسم بهدوء وهو يشوف خوفها بالنهايه هي بنت قال بصوت ثابت وهو يقرب وجهه منها : بيننا زواج مو بس كلام بس بما انك مستعجله

كانت منزله عيونها بالارض وهي تبلع ريقها بخوف تحس برجفه نفسها

توقف بوجهها بس كل شجاعتها تخلت عنها بهاللحظه ضعفة بالنهايه هو الجانب الاكبر

بعد ماسكت وقت قطع الهدوء وهو يلف وجهه بيطلع :اتجهزي العرس بعد العيد ومشى

وقفت لحظه ثم استوعبت الوضع مشت ووقفت بوجهها وهي معصبه
بصوت عالي : مو على كيفك تحدد وتيجي بس اتبلغني زواج مافيه الا بعد سنه

ناظرها بسخريه :وانا لازم اسمع كلامك

ناظرته بقهر نفسها تسوي فيه شي تذبحه بس هو طنشها وراح انقهرت

طلعت غرفتها وهي معصبه دخلتها وقفلة الباب وبقى وهي تصارخ بقهر : هومين شايف نفسه هالحقير والله مااعديها واذا يبي يتزوج خليه يتزوج بروحه

دخلت حنان الغرفه بخوف: رغد ايش فيك

جلست رغد عالسرير بعصبيه وهي تحرك يدها بالهو : مافيني شي بس

الباشا يبي يتزوج بعد العيد كانو مو زوجنا انا مو مستعده له مو مستعده
قربت منها حنان ومسكت يدها وهي تهديدها



طلع من البيت وابتسامه هاديه على وجهه مايدري ليس استانس لمن شافها

معصبه ومقهور هذا هدفه يوقفها عند حدها ركب سيارته وشغلها رايح

والله اتوقعت منك رد فعل اقوى من الكلام لكن هين هذي البدايه يارغد

الايام بيننا

وصل بيته ونزل دخل البيت وتخللت ريحة العطر باعماقه ابتسم بهدوءاول

ماشفها واقفه قدامه قرب منها وهمس باذنها :اشتقت لك

انتفضت ولفت بسرعه
ضحك بخفيف عليها اما هي ابتسمت بخجل : خوفتني




المستشفى

مشى بالممرات وهو يتعرف المكان وظيفته الجديده وبنفس المستشفى اللي

فيه بنت عمه ممرضه دخل قسم الجراحه حتى يبدا اول يوم له كدكتور

دخل مكتبه الجديد جلس عالكرسي ورمى الاب كوت عالمكتب

تنهد اليوم اول يوم بحياتي لازم امسح الماضي كله جت صورة حنان في

باله مسك راسه بين يدينه انسى ياماجد ماعادت لك لازم تبداء من جديد

روحي من حياتي ياحنان يكفي خسرت اعز ناسي انا السبب انا تركتها

ورحت استاهل اللي يسير ليش اللحين بس رجعتي لحياتي كنتي مختفيه

منها مسح وجهه بكف يده وهو يعدل جلسته من اليوم حياه جديده

وانسى ذيك الليله المشؤمه شاللي خلاني اشرب وانا تركته قطع افكاره دق الباب

قال بصوت هادي :ادخل

دخلت ممرضه سعوديه متلثمه قالت بصوت جدي :دكتور طالبينك بالعمليات

وطلعت سحب الاب كوت من المكتب وطلع وهو يقول بنفسه توكلت على الله




بيت ام محمد

بالصاله

جالس تركي وامه ودانيه

ام محمد بهدوء لدانيه :قومي جيبي الشاي

دانيه بدلع :نادي وحده من الشغالات ايش فايدتهم زينه بس

ام محمد بانفعال :دانيه قلت لك قومي

قامت دانيه بقهر : قولي ابي اخوك بسالفه مو تخدميني وراحت بسرعه

لفت ام محمد لتركي : وانت متى تجيب مرتك سار لها اسبوع

ماسك الرموت وضغط عليه بقوى وهو يتفرج عالتلفزيون : يمه هي طلعت بنفسها ترجع بنفسها

ام محمد بجديه : يعني صدق فيه شي

تركي بملل : مافيه شي خلاص قفلي الموضوع

اتنرفز ام محمد :تركي

دخل مروان بهاللحظه حس تركي انه انقذه

مروان وهو يناظر امه وتركي : السلام عليكم

ردو السلام بهدوء

ضحك مروان : اوه ليكون قطعت القمه بس

ابتسم تركي : لا مافيه شي اجلس

ناظرته امه بعتب وقامت ناظر مروان تركي : هيا انت ليش مزعل امي

لف تركي عالتلفزيون وهو يلف : مو مزعلها ولاشي وانت ايش دخلك
دخلت دانيه ومعها صينية الشاي

مروان صفر وهو يضحك : لا مااصدق دانيوه جايب صينية شاي ياكبرها عند الله

ضحك تركي :هههههههههه

اما دانيه عصبت وحطت الصينيه وبدلع وهي معصبه : ايه ليش ايش شايفني عندك ايش فيكم اليوم كل احد يهزئني من جهه

قام مروان وهو يضحك مسكها من شعرها بخفيف : افا ياحلوه نمزح معك واصلا كم دانوه حلوه عندنا

ضحكة بدلع : وحده واللي هي انا

جلس مروان ودانيه جلست جنبه وسارت تصب الشاي

تركي ضحك : ياشين الناس اللي ينضحك عليهم بكلمه

تركت دانيه الشاي ومسكت علبة الفاين ورمت فيها تركي : انا ماادري كيف حنان متحملتك

اختفت الابتسامه من وجهه ولف عالتلفزيون وهو سرحان

لاحظه مروان وسكت وهو عارف ان فيه شي مو طبيعي يسير مع اخوه


بيت ابو ماجد

غرفة موني

حاطه التليفون عالسبيكر وجالسه عالجهاز المكتبي : وبعدين يعني ننزل اليوم السوق

صوت رون :ايه ابي لي كم جزمه وشنطه تدرين السبت المدرسه
موني قامت من الجهاز ومسكت التليفون بيدها : المهم نروح اليوم السوق دقي على دانيه وريوف

رون بصوت عالي : لاواللي يسلمك ريوف لا انتي تدرين بانو هي ودانيه مايتقابلو ومن غير كذا تعرفين ريوف بالسوق دائما ملفته بلبسها لعبايتها ولفتها للطرحه مااحب اروح معها اماكن عامه

دق جوال موني قدامها وهي ماسكه سماعات التليفون رجفت يدها وهي عارفه النغمه لمين قالت بصوت مرتبك : رون اكلمك بعدين وماعطتها فرصه تتكلم وقفلت بوجهها مسكت جوالها اخذت نفس وردت

ابتسمت وهي تسمع صوته القوي اللي يهزها من داخل :مساء الورد حبيبتي

اتوردت خدودها اخذت نفس :مساء النور

قال بصوت مازح :بس

قالت بصوت هامس : ياقلبي

نواف : وه باقلبي وه بروح فيها انا

ابتسمت : بسم الله عليك في عديونك
سكت اشوي نواف وتغير مزاجه لو تدرين ان عدويني هم اهلك واخوك وولد عمك استغربت موني سكوته همست : نواف

نواف بصوت هادي: لبيه ياعيون نواف




بيت ابو عبد العزيز

بالصاله

رون بصوت عالي : اوها هدى وصمخه بنتاخر

مر من جنبها فهد: اقول انتي ايش فيك تناهقي

ناظرته من فوق لتحت : ايش الالفاظ السوقيه هذي

ناظرها فهد بصدمه وهي تضحك عليه قرب منها بيضربها بس هي جرت برى ضحك عليها

نزلت هدى وهي تلف طرحتها قابلت فهد وهو طالع
فهدناظرها : ايش فيها الدنيا مقلوبه

مشت هدى بستعجال : بنروح السوق الدومات قربت يلا تشاااو

لف راسه يمين ويسار وهو يضرب يد بيد: الحمد الله يارب
وكمل طريقه

برى عند الباب كانت سيارة السواق ركبت هدى معا رون

رون :بسرعه على بيت عمتي منيره

مشى السواق لين وصلو البيت دقت رون على دانيه انها تطلع
داخل البيت

وقف مروان بوجهها وهو كاشخ :يلا ياحلوه

ناظرته دانيه بصدمه وهو تلف طرحتها : ايش عندك

ابتسم ابتسامه عريضه : انا اوديكم ماعندنا بنات يروحو مع السواق

ابتسمت بخبث : قول ابو اشوف حبيبة القلب

مروان بابتسامه : اشتقت لها بعدين اعتدل وناظر بدانيه : عيب يابنت انتي صغيره

ضحكة دانيه : هههههههه اشوف مين الصغير بس ياحلو البنات برى مع السواق

مروان غمز لها : افا عليك اصرفه بس اشوف بعد قلبي

اخذ محفظته ومفاتيحه ووقف قدام مراية المدخل عدل طاقيته وجكيته لابس بنطلون اسود وبلوزه رصاصي مخربش عليها بالابيض مع جكت اسود وبوت رصاصي بابيض وطاقيه مخططه رصاصي باسود وشعره الطويل من تحت الطاقيه

ابتسم لنفسه ومشى بابتسامة طلع من البيت شاف سيارة السواق راح جهة السواق اول ماوصل كانت دانيه جايه

دانيه فتحت الباب من عند البنات

مروان بابتسامه :يلا انزلو بسيارتي

ارتبكت من صوته وشكله الخطير مسكت يد رون بقوى وهي مو قادره تتكلم اما رون :لا مو لازم نروح مع السواق
مروان بابتسامه خبيثه :مااقدر اخليكم بالسواق لازم اوصلكم

رون بضيق :من متى مهتم فينا

طنشها مروان وقال لسواق :انت روح انا اخذهم

ومشى لسيارته كانه يقول لا بدون مناقشه

رون تركت يد هدى بقهر :اوف لازم يعني

هدى وهي هيمانه تتتابعه بنظرها :طيب جزاته يخدمنا ونزلت من السياره

هي ودانيه اضطرت رون تنزل بعدهم وركبو السياره مع مروان




بيت ابو ركان

جلست جنبها :لمتى وانتي هنا ايش بينكم

تنهدت حنان :مافيه شي

رغد باصرار : الا فيه قولي حنان يكفيني اللي فيني من ولد عمك

حنان بهدوء نزلت راسها : عادي خلافات عاديه مافيه شي وبعدين تدرين الان العوده للمدارس فحبيت اول اسبوع اداوم من هنا الين تخلص الشقه حقتنا

سكتت رغد وماحبت تقول شي

قامت رغد ناظرتها حنان :وين بتروحي
رغد بقهر : اشوف صرفه مع ولد عمك اللي مو صاحي لو سار لي شي منه كيف زوجنا بعد عيد الاضحى كنت حاطه اقل شي سنه سنتين بطفشه بدون زواج بس ولد عمك ناوي شر وبالشر انا اعند منه والله مااعديها له
وبيجي يوم بيندم قد شعر راسه

حنان :رغد هذا نصيبك ارضي فيه مايسير كذا

رغد بعصبيه : ليش ماتقولي هالكلام لنفسك وانتي جالسه هنا وتاركه زوجك أي رضى واي هم يحزنون لاخر يوم بعمري وانا بوقف بوجهه
مو انا اللي احد يدوس لي على طرف واسكت له

قامت رغد معصبه وخلت حنان بمكانها اه يارغد ليتني مثلك بس ماقدر

اوقف كل احد عند حده بس انا غير لازم ارجع لتركي ليسير شي ماابيه انا


رضيت من البدايه ولازم كل شي يمشي واتحمل اغلاطي

طلعت غرفتها جهزت اغراضها كلمت السواق يجهز السياره ونزلت وهي

ناويه ترجع بهدوء




فوق بغرفة رغد متمدده على سريرها وتفكر

كيف اقدر امنع هالزواج باي طريقه لازم فيه مفر من هالعله اوه نسيت

ابوي يوه ابوي زمان ماكلمته بس خلاص بعتبره انتهى من حياتي هو اللي

باعني برخيص لهالخايس اللي ماراح اسكت له اهدد اهدد ومن اشوفه

مااقدر اسوي شي ليش يمكن بسبب هيبته صعب على أي احد يتعامل معه

كيف وانا بنت بس ماراح اسكت ومصيري برجع له الكف كفين



السوق

نزل مروان ونزلو معه البنات مسكت رون جوالها ودقت على موني
:وينك فيه

موني :انا في البيت ماقدرت اجي لانو امي عندها حريم ايش رايكم لمن تخلصو تيجو عندي

رون بعصبيه :يسير خير

قفلت الجوال وناظرت بمروان اللي معهم :موني مو جايه يلا نكمل
مشو البنات ومروان وراهم هدى كانت تمشي وهي مو قادر تشتري شي
بسبب وجود مروان

دخلو محل كل وحده راحت بجهها هدى وقفت عند بلوزه عجبتها مره

في لونين محتاره بينهم احمر ووردي مسكتهم ثنتينهم تختار وحد منهم وهي

محتاره سمعت صوت قريب منها يقول بهدوء :الوردي عليك احلى

لفت بسرعه وخوف بس حست دقات قلبها تزيد ورجولها مو قادره تحركها عيونها ثبتت بعيونه وهو ابتسم بحب حس برجفتها غمز لها :الوردي احلى ياقلبي

وراح عنها بحركه تلقائيه حطت يدها مكان قلبها ياربي بيذبحني قربت منها رون :ايش فيك

انتفضت بخوف ولفت عليها رون باستغراب:ايش فيك

ناظرت هدى باللي ورى رون وبتوتر :مافيه شي فزعتيني

لفة هدى واخذت البلوزه الورديه رون :مو الحمرا احلى

هدى بخجل وهي تضم البلوزه :لا هذي احلى

انتبه لحركتها وابتسم

تسوقو البنات مروان معهم خطوه بخطوه وهدى اشوي تتسوق واشوي

تتامل بمروان اللي ينتبه لها ويبتسم ويغمز ويهبل فيها وهي تضيع كل شي




بيت ابو ركان

نزلت وهي لابسه عبايتها بيبد دوامها سمعت صوت التليفون ومااحد حوله
مسكت السماعه رفعتها

صوت رجال :السلام عليكم

رغد باستغراب :وعليكم السلام

الرجال :بيت عبد الرحمن الذيب

رغد بتوتر :ايه


اول ماسمعت الكلام حست الدنيا تلف فيها

سندت نفسها باالطاوله وبغصات صوت يالله يطلع : مت

بيت ام محمد

بغرفة تركي

دخلت بعد مانزلت شنطتها وهي تحاول تقوي نفسها مشت بالغرفه بقلق

تنتظره بتشوف أيش ردت فعله جلست عالسرير وهي تفرك يدها بتوتر

ابين له ان الوضع عادي ولاكأن شي سار بينا ياربي كيف اقابله معقوله

بيكون لقاءن عادي ليكون يعصب لانو تركته ويمكن يزعل لرجعتي ويكون

مقرر طلاقي

طلاق!!!

ابدا مراح افكر بالهفكره مهما كانت حياتنا انا ذقت عذاب انو اعيش مطلقه

نزلت دموعها بهدوء اكيد يقولو انا السبب مطلقه مرتين وكلهم عيال عمي

ياربي ايش ذنبي اذا حظي كذا

بكت بهدوء اه ياجدي وابوي كله منكم ومن نفسي لاني ماقدرت اوقف لكم




المستشفى

مشت بخطوات متهالكه وعينها تدمع وروحها موجعه تون بالم معقوله
يروح بدون مايسامحني معقوله يتركني بالهدنيا لا يارب عرفت قدرك يبه

لاتروح وانت غضبان علي ياابوي سالت الرسبشن وقالو بغرفة العمليات

مشت ودموعها تنزل بصوت مخنوق ابوي سامحني يبه لاتروح ياسند

دنيتي مهما زعلت منك وقلت تبقى ابوي اه ياابوي وصلت للعمليات وشافت

الكل مجتمع رجال كثير اكيد عمامها وعيال عمها مشت ومهمها احد وعينها

على باب غرفة العمليات تحول تسند نفسها وهي تحرك رجولها بصعوبه

وقفت قدام الباب مباشره وعيونها عالباب

ناظر لها بهدوء من اول مادخلت لين وقفت قدام الباب بطريقه غريبه

واكتافها تهتز وصوت وناتها كل الرجال لفو وجههم ونزلو عيونهم

بالارض قرب منها وهو يحاول يكتم غضبه من تصرفها مسك اكتافها

بيحاول يبعدها

كانت واقفه وماتشوف شي عيونها كلها دموع تدعي من كل قلبها ان ابوها

يقوم يارب تقومه يارب يسامحني يارب مايروح وهو غضبان علي بكت

بالم اول ماحست باليد اللي على اكتافها لفت وجت عينها بعينه

قال بصوت جامد : ابعدي عن الطريق ماتشوفي هالرجال

قالت بصوت باكي يرجف مخنوق ضايع : هذا ابوي مو ابوهم

انصدم حس كانه يكلم طفله صغيره اتوقع منها رد اكبر من كذا

لفت عنه وهي اطالع باب الغرفه تنتظر أي خبر




سيارة عمر

انا لازم اروح لها المستشفى اشوفها سار لي اكثر من شهر ماشفتها ليش

يمنعوني عنها مسح بيده على وجهه وهو يسوق غير طريقه للمستشفى

اليوم بشوفك يعني بشوفك وماهمني أي احد ليش يبون يحرموني منك انتي

اغلى شي بحياتي حس بغصه وضيقه اه يابعد قلب عمر مشتاق لك اليوم

بروي شوقي ماهمني احد بتظلين حبيبتي وعمري قطع افكاره دقت الجوال

طلع جواله من جيبت الثوب

شاف رقم سعد رد بهدوء : السلام عليكم حياك يارجال

سعد بصوت مكتوم :وعليكم السلام

عمر بقلق : ايش في صوتك

سعد بغصه : خالتي عطتك عمرها وعمي بغرفة العمليات

عمر بصدمه :أي خال وعمه

سعد بصوت حزين : عمي ابو ركان سار عليه حادث هو وزوجته وخالتي توفت قبل مايسعفونهم بس عمي بمستشفى .....بغرفة العمليات
بيصلو عليها بكره الظهر

عمر بضيقه : إن لله وإن اليه راجعون لاحولا ولاقوة بالله عظم الله اجرك
سعد :اجرنا واجرك فمان الله
عمر :فمان الكريم

قفل جواله ولف عالمستشفى اعذريني ماقدرت اشوفك تنهد بالم وهو يسوق رايح يشوف عمه



ببيت ابو ماجد

وقفت موني تعدل بالمطبخ الضيافه لجارتهم اللي بيجون سمعت صرخه

برى طلعت وشافت امها طايحه بين يدين ماجد اخوها وعيون ماجد حمرا

ولابس الغتره بدون عقال وحالته حاله حست بشي صعب ماتبي تعرف

مين راح نزلت بمكانها وهي تبكي ودموعها تنزل ماتبي تقرب وتشوف

امها ماتبي تقرب وتعرف مين راح خايفه

حاول ماجد يسند امه ويصحيها انتبه على اماني كيف مصدومه وجالسه

تبكي بصمت واقفه بمكانها

صرخ عليها :تعالي ساندي امي

قامت تجري وهي تبكي استوعبت الوضع وان امها طايحه شالوها عالكنبه
ناظر ماجد باماني وبصريخ : روحي جيبي مويه

جرت بسرعه للمطبخ وهي تبكي حتى بدون ماتعرف مين اللي راح اخذت

كم كاسه وكل وحده اطيح منها جت الشغاله قالت لها بصوت مبحوح : ودي مو يه ماما

دخلت مريم المطبخ وهي تبكي :اماني خالتي صيته راحت سارت تصرخ خالتي راحت وعمي بالمستشفى بين الحيا والموت

بكت اماني زود ومريم تبكي قربت منها وساندو بعض يـبكون على خالتهم اللي راحت وعمهم اللي بين الحيا والموت

المستشفى

كانت واقفه قريب من الباب وظهرها للرجال اللي ينتظرو وعيونها على

الباب تنتظر أي خبر يطمنها عيونها تبكي وهي تدعي يارب مايموت

غضبان على يارب مايموت وهو ماسامحني

قرب ووقف قدامها ناظرته بهدوء وبصوت مخنوق :منو كان مع ابوي

وقف جامد معقوله ماتدري ان خالتي توفت تنهد بالم وبصوت هادي :خالتي وعطتك عمرها

وقفت تناظر فيه بصدمه وهي ثابته ولاشي يتحرك منها بدون أي ردت فعل

انتظر منها تصرخ اتسوي شي بس كانت جامده حتى دموعها وقفت

قرب منها وهو مستغرب من ردت فعلها بس انفتح الباب وطلع الدكتور

كلهم لفو له سال عبد العزيز :طمنا يادكتور

الدكتور بهدوء :عظم الله اجرك

الكل كان قريب وسمع الخبر والكل سار يذكر الله كل واحد من اخوانه لف

وجهه بشماغه وهو يحاول يخفي دموعه عن الناس هذا اخوهم سندهم

اول ماجاه الخبر انتظر ردت فعلها بس كانت ساكته قرب منها ومسكها من

اكتوفها بس هي طاحت بين يدينه وكانها ورقه صرخ وهو ينادي

الممرضات وشالها بيده




السوق

كانو جالسين بالكوفي بعد جلست التسوق مروان جلس معهم وجلس بوجه

هدى عيونه مايشيلها عنها وهدى منحرجه ورون مقهوره منه

دق جوال مروان رفع حاجبه لها وغمز نزلت راسها مستحيه ورون نفخت بقهر اول ماكلم بالجوال انقلب وجهه ميتين لون بصوت مصدوم :لاحول ولا قوة الا بالله طيب جاي

وقف وناظر فيهم وبصوت مخنوق :يلا قومو بسرعه

طلع والبنات متافجئات حتى مااخذو طلباتهم طلعو وراه بستغراب رون بعصبيه: قلت لكم ايش نبي فيه

هدى بضيق : رون

ناظرتها رون بقوه سكتت هدى وراحو ركبو السياره والجو متوتر مروان كان يسوق بقوى وبقلق


بيت ابو عبد العزيز

صرخت باعلى صوتها وهي تبكي :ياويلي ياأختي راحت وماشافت ضناها ياولي راحت بنت امي وابوي

مسكها فهد وهو يصرخ : يمه اذكري الله

بكت وهي تصرخ :راحت اختي ياولدي راحت اختي ياويل قلبي عليك ياصيته صرخت وهي تبكي بالم ووجع قلبها على اختها راحت ومافرحت بولدها

حاول فهد يهدي امه ويمسكها بس هي كانت تبكي وتصرخ بهاللحظه انفتح الباب ودخلو هدى ورون بس انفجعو بمنظر امهم جرو عليها

هدى بخوف وعيونها تدمع :ايش ساير

زاد بكى ام عبد العزيز : راحت اختي وهي تضم ولدها راحت اختي

انفجرت رون تبكي وهدى معها صرخ فهد :بس انتي وياها اذكرو الله وترحمو عليها مايسير كذا

دق جوال فهد حس الدنيا انقلبت لاحول ولاقوة الا بالله وقتها صرخ بعصبيه :وقتك انتي خير ايش عندك

ردت ببرود : ابيك اللحين

فهد بعصبيه :فاضي لك انا

قفل الجوال بوجهه دق جواله ثاني رفعه بعصبيه :خير

انقلب وجهه : ايش هالمصايب لا اله الا الله لاحولا ولاقوة الا بالله
قفل الجوال وكلهم يطالعون فيه


فهد بهدوء: عمي بعد عطاكم عمره صرخت رون وهدى وزاد بكاهم بقهر بحرقه خالهم وعمتهم بيوم واحد صعب الموت لشخص كيف لااثنين وبنفس الوقت
كارثه صابت هالعائله بموت اثنين بنفس الوقت



بيت ام محمد

بكت بهدوء وهي تدعي ربها :اللهم اجرني بمصيبتي خيرا منها اللهم اجرني بمصيبتي خيرا منها الاحولا ولاقوة الا بالله

سار مروان يمسح على راس امه ودانيه جالسه جنبها تبكي

مروان بهدوء: هذا يومهم مكتوب لهم اصبرو واحتسبو الاجر عند الله كلنا لهالطريق يمه سار يمسح على راس امه وراس دانيه ويهدي فيهم

دخل تركي وشكله مبهدل و االشماغ على كتفه هموم الدنيا على راسه

اول ماشفته امه جى باس فوق راسها وعزها بكت منيره بهدوء ولسانه يلهج

بذكر الله شهقت بين دموعها :روح ياولدي حنان فوق ماعرفت بشي جت

اليوم وشكل مااحد قال لها اطلع شوفها لايجيه احد يفجعها

ناظر امه بصدمه وطلع فوق وهو يفكر جته بروحها كيف بيخبرها ويعطيها

الخبر وقف عند الباب متردد وياخذ نفس كيف اقولها

كانت جالسه عالكنبه بعد ماكشخت ولبست احلى ماعندها ظلت تنتظره بملل

وهي تلفلف بالقنوات انفتح الباب عدلت جلستها وهي تبتسم بس اختفت
ابتسامتها من شكله قامت له بخوف قربت وبهدوء: ايش سار لك

تنهد تركي وجلس عالكرسي جلست جنبه ومسكت يده :ايش سار

ضم يدها بيدينه الثنتين وبهدوء وصوت هلكان من التعب : تدرين ان الدنيا حياه او موت وان ماديم الا وجه الله

حس برجفة يدها بين يدينه وشفايفها بدت تهتز تنتظر الخبر قال بتنهد :أبوك سار له حادث

وقفت وهي تبكي :ابوي ايش فيه راحت عند الدولاب مسكت عبايتها :يلا وديني له بشوف ابوي

وقف جنبها تركي ومسكها من ذراعها بقلق وهو يناظر عيونها :عمي عطاك عمره

صرخت بكت بالم رمت العبايه
:لا ابوي ماراح سارت تضرب فيه بهستريا لا انا مو يتيمه يكفي امي

راحت ضربته بقوى وهي تصرخ وتبكي بالم اكبر ابوي ماراح انت كذاب

بعدت عنه وسارت ترمي كل شي بالغرفه وتبكي بهستيريا وين ابوي لا

ابوي مامات تكذب علي ابي ابوي ابي ابوي وسارت تصرخ بااعلى

صوت وينك يبه يبه بكت بحرقه وهي تصرخ يبه وانهارت على الارض

وهي تبكي كان يناظرها ومو عارف يسوي شي قرب منها وهو تعبان مره

مسكها من كتفها وضمها له بكت بحرقه بحضنه : راح ابوي ماعد لي احد بالدنيا

تركي وهي يضمها ويمنع دموعه من انها تنزل: انا معك ماراح اخليك
بكت زياده : بيجي يوم وتتركني

تنهد بالم وهو يضمها اكثر : وعد ماراح اتركك

بكت بحرقه : ابي ابوي ياتركي جيب لي ابوي

تنهد بالم وهو يهديها وهي تبكي بين يدنه



انتشر خبر الوفاه بسرعه اعلنو الدفن بيكون بكره بعد صلاة الظهر الكل

اجتمع في بيت ابو ركان بس رغد كانت باقي بالمستشفى فاقده الوعي

الكل حالته صعبه فقيد واحد يهز اسره بكامله كيف فقيدين وبنفس اليوم

جوى الحزن كان مالي البيت وكان الجدران بتنطق وتبكي مع اهلها

اظلمت الدنيا بعيون الكل والالم بكل القلوب

مر اسبوع بعد وفاتهم وانتهى العزا ورغد باقي غيابه عن الوعي

المستشفى

غرفة رغد

جالسه جنبها تبكي وهي ماسكه يدها

:متى تصحين يارغد تعبت اه راح ابوي راح الغالي ومالي غيرك بعده قومي علشاني الله يخليك لاتخليني

كالعاده تكلم نفسها ورغد ماتحس باي شي حولها انتهى وقت الزياره وطلعت من الغرفه وهي تدعي لاختها تقوم بالسلامه




بيت ام عمر

صوت الاغاني باعلى شي وجالسه ترقص وماهماها احد انفتح الباب ودخل سلطان قفل المسجل وقف بوجهها :انتي ماتستحين على وجهك عمك ماله اسبوع متوفي وانتي مشغله الاغاني على اعلى صوت يعني ارحمي شعور امك

ضحكت ريوف وهي توقف بوجهه : يااخي مات شسوي له يعني لو ابكي بيرجع وحيتنا ماتوقف على واحد ميت نظل طول عمرنا حزنانين مرت ثلاث ايام خلاص واصلا اللي يسمعك امك موجوده راحت لبيت خالك يعدلون ملابسه وملابس زوجته يتبرعون فيها
ضحكة زياده ولاتحاول تنصح وانت امس دخلت البيت سكران

ناظرها وهو يحك جبهته : يعني ماانفع انصح

ضحكة وهي تحرك راسها :ابدا

سلطان جلس عالسرير قالت ريوف وهي تجلس جنبه وترفع رجلها بجلسه شبابيه وبصوت خشنته اشوي ضربت على رجله : قول ايش تبي

ضحك سلطان: فهمتيني

ريوف بضحكه : من متى تنصح اصلا بس عرفت هالمقدمه ورها سالفه
ابتسم تفهميني عالطاير بس بغيت منك اطلعين هالبنت هي بمدرستكم

وطلع من جيبته ورقه وعطها اخذت الورقه وهي تفكر :مااعرفها بس

بشوفها ابتسمت بخبث : كم السعر

وقف سلطان : لمن تلاقينها نتفاهم

وقفت معه وحطت الورقه بيده : نتفاهم قبل

سلطان بملل : اوف استغلاليه ولاتزعلين لك اللي تبين

ابتسمت بخبث :نسافر سوى بدون احد

سلطان ضحك :انا صاحي اسافر معك اعرفك لبغيتي تفلينها تدرين لو انك

مثل البنات كان وقفت لك بس دامك كذا خذي راحتك ضحك وطلع بعد

مارمى الورقه عليها مااهتمت لكلامه ورجعت تشغل الاستريو من جديد




بيت ابو ماجد

غرفة موني

خلصت صلاة المغرب قامت وشالت سجادتها وفكت شرشف الصلاه دق

جوالها عرفت النغمه ماردت عليه من بعد وفاة عمها تنهدت بالم وهي تمسك الجوال ردت بصوت مبحوح :الو

نواف بصوت ملهوف : وينك ليش ماتردين خفت عليك عظم الله اجرك

انسابت دموعها بهدوء على خدها وبصوت مبحوح : اجرنا واجرك
نواف بخوف : ايش فيك

مسحت دموعها وبصوت مبحوح واثق : نواف لا عاد تتصل فيني خلاص مابينا شي انا خنت ثقة اهلي وقبلها انا اغضبت ربي والانسان مايضمن عمره والموت يجي فجاءه واللي احنا نسويه اكبر غلط اذا فعلا تحبني انت

تدل بيتنا اتمنى من كل قلبي تمسح هالرقم وماعاد تتصل والله يوفقك بحياتك

قفلت الجوال وسحبت الشريحه وكسرتها ورمت الجوال عالسرير وجلست

تبكي بالم خلاص انتهيت من حياتي يانواف بس حبك باقي بقلبي والله احبك

بس مااقدر اكمل بالذنب علاقتنا من اول خطاء يارب ارحمني وسامحني

مشت لدرج التسريحه وطلعت صندوق طلعت منه هدايا نواف وصورته

بينهم ناظرت الصوره نواف علمتني احبك وخليتني مجنونتك كيف بقدر

اعيش من دون وجودك بحياتي نزلت دموعها احلى ايامي معك

لاتفكر تخليني انا انتظرك لاتحرمني منك ضمت الصوره وجلست تبكي

تودعها الوداع الاخير يمكن ينتهي من حياتها ويمكن يرجع يخطبها ماتدري

بس اللي تعرفه انها ماراح تنساها ابدا ويبقى بحياتها دائما عرفت الحب معه

وبيضل الحب دائما نواف

انفتح باب الغرفة ودخلت مريم انصدمت بشكل اماني قربت منها بخوف : مو ني ايش فيك

ارتبكت اماني وخبت الصوره تحت المخده رفعت راسها لمريم : مافيه شي تعبانه اشوي
تنهدت مريم بالم : كلنا تعبانين بس لازم نصبر نفسنا انزلي امي جت من بيت عمي الله يرحمه منهاره تعالي نشوفها

موني بهدوء : انزلي وانا بلحقك




المستشفى

جالس عند راسها ومصدوم من القرار المفاجئ لموني معقوله تتركني انا

خلاص ادمنت صوتها وجودها بحياتي غير غيرت نظرتي بالانتقام من

اهلها علمتها دروس الحب خليتها تعشقني بس السحر انقلب عالساحر

وسرت انا الهايم فيها انا مجنونها اه يانواف كيف بتتحمل بعدها رفع نظره

لرغد لو تدرون حقيقة اللي حولكم انتي واختك لوتدرون بالحقيقه المدفونه

انا اكتشفت الحقيقه متاخر الا بعد ماانعمت عيني بالانتقام اتمنى السر يظل

مدفون وماتعرفونه لانكم وقتها بتكرهون امكم انا كنت ناوي انتقم بس لمن

عرفت الحقيقه احتقرت نفسي الله يرحمك ياحصه ويسامحك

تذكر ذاك اليوم لمن دخلت عليه

دخلت حصه وهي تبكي وتصرخ :طلقني يااخوي طلقني بسبب اخوه

قرب منها نواف بخوف : ايش فيك ياحصه

حصه قربت منه :طلقني بسبب اخوه ابو ماجد هو يحبني بس اخوه ضحك
عليه انا احبه واحب بناتي ماابيه يتركني ومن يومها عاشت اخته عندهم

بعدها بسنتين اتوفت البنات قبل وفات امهم بسنتين كانو يحسبو انها ماتت

مايدرو انها كانت عايشه برى السعوديه تنهد بالم بس توي قبل سنه عرفت

انها كانت ظالمه مو مظلومه يارب مااحد ينبش بالماضي ناظر رغد قرب

منها ومسح على راسها متى تصحي يالغاليه

بالليل

باستراحه

دخل بسيارته الهمر قابلته اشجار مسافه طويله لين وصل للاستراحه داخل

سمع صوت الاغاني والضحكات المختلطه شاف مااحد برى اكيد من البرد

نزل من السياره عدل قميصه لابس قميص لونه ابيض مفتوح اول ازراره

ونص داخل بالبنطلون ونص بر ى ومعه جاكيت لونه بني ماسكه بيده

وبنطلون جينز مشى و حاط يد بجيبت بنطلونه ويد ماسك فيها الجاكيت

دخل المكان والكل التفت له الهيبه المتوارثه بالعائله دخل بغرور ونظرة

سخط على الكل مااحد يعجبه ناظر جهت البار وشاف سلطان ولد خالته


معه وحده قرب منه :اوه سلطان هنا ضحك سلطان بعد مابعد البنت اللي راحت قام وسلم عليه :اوه الجنتل هنا
ابتسم فهد بعد ماجلس على كرسي البار وحط جاكيته على رجوله وجلس بطريقه مايله : اشوفك اليوم جاي للمزاج

سلطان بضحكه :كل يوم جاي اتوقع انك اليوم اول مره تشوفني صاحي

بنبره استغراب :تدري مستغرب مع اني دائما اشوفك بس مااحد يعرف سرك من الاهل ودائما يقولون فهد ماله بالهحركات ورجال وومن نعم الرجال

ضحك فهد :ليش انا مثلك لاحبيبي لبغيت اسكر نمت بمكاني ومع الرجال رجال

سلطان رفع حواجبه :يعني انا مو رجال

فهد كتم ضحكته :انا مااقصد بالمعنى اقصد بالتعامل تدري مااحد يقدر يشك فيني

سلطان لف وهو يشرب كاسة المويه :صدق ليش ماشاركت عمر بتجارتك

انقلب وجهه فهد ولف الجهه الثانيه بهدوء :سلطان انت تعرف ان اعمالي مشبوها وماابغى ارمي عمر بشي ماله ذنب فيه الا صدق اخباره

سلطان :ماادري عنه تدري انه عايش مع الاطلال اول مره اشوف واحد يعشق بنت مثله بس تدري على قولتهم حب الطفوله اصدق حب
مع ان عيال عمي كلهم يلومنه ويبونه يشوف حياته بس هو مو راضي عايش على امل

ابتسم فهد :اخوك رهيب وغريب وفي مره وشخصيته خطيره

ضحك سلطان وهو يشرب المويه :هههههههههه تبي تخطب له انت

ضحكه فهد :هههههههه ناظره باستغراب :الا صدق ايش فيك من اليوم تشرب مويه بدل هالسكر
سلطان بابتسامة خبث : بس منتظر وحده لخلصت منها شربت وضحك

جى بودي قارد لابس اسود باسود وقف عند راس فهد : طويلة العمر تبغاك

صفر سلطان :اوهو ياشخصيه والله انك واصل

ناظره فهد بطرف عينه ومشى وهو شايل جكيته بيده وسلطان يضحك



بيت ابو ركان

جالسه بغرفة ابوها على سريره تحس بخنقه حتى ادموع عينها جفت

من يوم وفاته وهي جالسه هنا خايفه على رغد وعذبني فراق ابوي

بكت وهي ترمي نفسها على سرير ابوها ببكى اليوم شالو كل شي يخصه

كل شي يذكرنا فيه

تحت بالصاله

تركي بهدوء : يمه ابغى اروح اشوفها

ام محمد :اطلع لها فوق مافيه احد

طلع تركي لها مشافها بعد مابلغها الخبر يارب انها ماتكون شايله منه معقوله تحقد عليه لانه هو اللي بلغها

اول ماصول الدور الثاني احتار أي غرفه بس شاف قسم بعيد معزول

اتوقع انه هو راح وفتح الباب سمع صوت شهقتها دخل بالصاله حقت

الجناح لين وصل الغرفه فتح الباب ودخل لها

اول ماسمعت صوت الباب بصوت مخنوق تحت المخده : هند خليني بروحي

قرب منها جلس جنبها عالسرير وحط يده على اكتافها نقزت ولفت عليه

عرفت انه تركي عدلت شعرها البني الطويل بيدها وهي تحاول تمسح

عيونها قرب منها ومسك يدها بحنيه وبصوت دافئ :أخبارك ياقلبي

نزلت حنان راسها ويدها ترجف من قربه وبصوت هامس :بخير

سحبت يدها منه وكانت بتنزل من السرير بس هو مسكها وجلسها جنبه

مسكها من اكتافها ووجهها جهته : حاولي تقاومي هااللألم اللي بعيونك

نزلت منها دمعه : غصب ياتركي انا يتيمه ابوي راح واختي بين الحيا والموت ماادري عنها انا وحيده راحو كل اللي حولي

قرب منها وضم راسها بيدينه وهو يمسح دموعها بطرف اصابعه :انا معك

ولامو حسبتني من اهلك ناظر بعيونها وبحنان : انا امك وابوك واختك

واخوك انا دنيتك كلها انهارت ورمت نفسها بحضنه ضمها له بحنان وهو

يمسح على راسها :قلت لك انا اهلك كلهم ماابي اشوف دموعك يالغاليه

انا معك ومثل ماوعدتك مابترك ابدا كوني اقوى ياقلبي

رفعت راسها وهي تبتعد عنه بهدوء:قلتها قبل وهزئتني بدون سبب
وعايرتني قطع كلامه وهو يقرب وجهه من وجهها وعيونه بعيونها

وبصوت هادي اسرها وذوبها :خلاص انسي كل شي من اليوم انا دنيتك وانتي دنيتي

بلعت ريقه بخجل من قربه اسرتها عيونه ابتسمت بخجل من كلامه قرب منها انفتح الباب بقوى هند بخجل : ماكنت ادري

ابتعدت حنان عن تركي

تركي بقهر: يعني ماتعرفي ادقي الباب

هند بمزح تغطي احرجها :ماشفت ورقه مكتوب عليها ممنوع الدخول او الازعاج

تركي وقف وهو يطلعها برى الغرفه :اللحين عرفتي يلا اطلعي برى يااختي ابي اتهنى

انحرجت حنان وهند رفعت حواجبها : ياقليل الادب بعدين انا خالتك

دفها على برى وقفل الباب وهند تصرخ برى الغرفه : عندكم بيت هين ياتريك مردوده انت وزوجتك الشمطاء

ضحكة حنان وتركي رجع جلس جنبها وبابتسامه : يالبى هالضحكه


الاستراحه

مشى مسافه لين وصل للصاله الكبيره اللي تبعد تمام عن الصاله الخارجيه

كان حول المكان حرس مشى بثبات ولاهز فيه شعره دخل الصاله الفخمه

بالونها الاورنج والزيتي مع البيج كانت قمه بالفخامه والبار الصغير اللي

على الجنب شافها جالسه عالبار وقفت تناظره بخبث كانت قمه بالانوثه
والجمال لابسه فستان اسود ينسدل على جسمها المميز وشعرها الشكولا

مسدول على اكتافها بحريه عيونها الرماديه الواسعه ورموشها السودا الكثيفه

ابتسامتها الجذابه تسحر أي رجال بغمزاتها عالجنب شفافيها الجذابه بس

ماكنت تهز فيه شعره قرب منها وبملل وبرود : ايش عندك خلصيني وراي شغل

حست بالقهر جمالها الاخذ ولارجال يقدر يوقف بوجهها وبرود فهد معها

يخليها تعصب وتنقهر منه قربت منه ولفت يدها على رقبته وبصوت دلع :متملل مني حبيبي

ناظرها بسخريه ونزل يدها : رنيم عندي شغل اخلصي علي










المستشفى

صحت ولفت حولها انا وين استوعبت انها بالمستشفى رفعت يدها تمسح

على ر اسها شافت المغذي بيدها اوف ايش هذا رجعت اتمددت بتعب

وراسها تحسه ثقيل غمضت عيونها بقوى وكأن كل شي مر قدامها صوت

عبد العزيز وهو يبلغها وفاة خالتها وصوت الدكتور وهو يعزيها بابوها

صرخت باعلى صوت صرخة الم صرخة قهر راح ابوها وهو مسامحها

غضب والدين بكت بصوت عالي وهي تصرخ بصوت مجروح صرخة

عذاب يبه بكت بحرقه يبه تبكي وهي تصرخ يبه

كسرت كل شي على الطاوله جت بتوقف سحبة المغذي ودمها يسيل

ودموعها تنزل بالم ابوها راح وهو مو راضي عليها راح وهو غضبان

ياعذاب فرقى الاب يوم تسير يتيمه واقوى العذاب موته مو راضي عنها

نزلت من السرير وطاحت على الارض البارده وهي تبكي بحراره بحرقه

قلب وتصرخ يبه سامحني يبه لاتروح مني يبه

دخلو الممرضات ومسكوها يهدوها بس هي تصرخ باعلى

صوت راح وماسمحني راح ابوي بدون مايسامحني يبه

عطوها ابره مهدئه تدريجيا بدى صوتها يختفي وهي تلهج باسم ابوها









بيت ابو عبد العزيز
شقة عبد العزيز

جالس على مكتبه وصورتها ماتفارق خياله طاحت بين يده بدون حركه

انهارت قدامه مااتوقع ردت فعلها دائما قويه ونظرت التحدي اللي بعيونها

اول مره احس اني ظلمتك يارغد وظلمت نفسي وزوجتي اللي احبها

بس كله بسبب عنادك حركتك بالملكه نرفزتني عمر مااحد وقف ابوجهي

مثلها حالة ساره مو طبيعيه من اول ماعرفت انها اول ماتصحى بتعيش

معي كيف اخليها وهي مسؤلية الله يعين والله اعرف انها ماراح تسمع

الكلام بس مو انا اللي تقدر توقف بوجهي حط راسه بين يدينه وهو يتنهد يارب سترك

قام وطلع من المكتب شافها جالسه عالتلفزيون بس بالها مو عندها سرحانه ولا تشوف شي قرب منها بهدوء وهو شايل همها
جلس جنبها وبهدوء : ساره

ماانتبهت له ولا ردت رجع ثاني يناديها بصوت اعلى اشوي وهو يحط يده على يدها :ساره

انتفضت لفت وشافته جنبها هم كبير بصدرها حاولت ترسم ابتسامه بس فشلت نزلت راسها
ماقدر يقول لها شي كان بس يناظر فيها
كلمه بس تنسين كل شي كلمه ياعبد العزيز غصه مو طبيعيه كان عندي

امل كبير ان رغد تمحي كل شي بس لا مااقدر اتحمل اشوفك مع غيري

انت لي بس انانيه حب تملك أي شي بس انت حبيبي ودنيتي من يوم وعيت
عالدنيا وانت حبي الوحيد اتزوجنا وزاد لك حبي حتى سار جنوني

لاتتركني مااقدر اشوفك مع غيري كذا انا اموت بالبطئ ماكانت حاسه بالدموع اللي تنزل

ناظرها بالم وهو يقرب منها مسح دموعها بطرف اصابعه ماقدر يقول شي

غير انه ضمها له وهي تبكي بين حضنه الم وقهر وغصه كيف ببتتحمل

احد يشاركه حضنه يكون جنبه وحده تحس بلمساته الدافي بحنانه وطيبته

حتى لو مايعرف يعبر عن حبه تكفي لمسه منه يارغد ماعرفتي النعمه اللي ربي رزقك فيها

ضمها وهو يمسح على راسها يبي يطمنها همس لها بهدوء :احبك ياساره واللي خلقني احبك










الاستراحه

صحى من النوم رفع راسه وهو يفركه بيدينه الثنتين ناظر حوله وعرف هو

وين رجع مدد راسه عالسرير وهو يفركه بيده يحاول يخفف الصداع انفتح

باب الغرفه دخلت منه بابتسامه مشرقه لابسه تنوره فوشي قصيره وبدي

ابيض شيفون وشعرها الطويل مرفوع بربطه فوق كانت رائعه بكل ماتعنيه

الكلمه بجمالها وانوثتها القويه بابتسامه واثقه ناظر لها برود ورجع وهو

يفرك راسه قربت منه بصوت غنوج بدلع :صباح الورد حبيبي

مارد عليها وهو يفرك راسه من الصداع وقف وهو مطنش وجودها وحتى مارد عليها

بنفعال :فهد الى متى كذا

اخذ له ملابس من الدولاب دخل الحمام بدون مايرد عليها رمت الوسادت وهي تصرخ بقهر :اعمى ماتشوف قدامك الى متى يافهد

جلست تنتظره بعد فتره طلع من الحمام وهو يمسح شعره بالمنشفه ناظرته بابتسامه خبيثه :يليتك دائما سكران

ناظرها بطرف عينه بدون كلمه رمى المنشفه جهتها وطالع بالمرايه مشط

شعره وبعده حركه بيده وهو ينفضه مشى جهة السرير اخذ ساعته وبوكه

وجواله ومفاتيح السياره عدل ياقة القميص وهو طالع مشت ووقفت قدامه

بميله :وين بتروح وتخليني

ناظر لها ببرود: تدرين شلي مخليني صابر عليك

قربت منه ومسكته من ياقة قميصه وهي تصرخ بقهر وعيونها تدمع : لمتى بتظل كذ ا بارد معقوله مااهز فيك شي الكل يتمنى ظفري وانت ماتبي حتى تناظر فيني

نفض يدها ومشى بدون أي كلمه نزلت على الارض تبكي منهاره
طلع من الاستراحه وهو ناوي يروح البيت






بمكان ثاني عند المستشفى

نزل بخطوات ثابته هالمره بشوفها مهما يكلف الموضوع مشى من بوابة

المستشفى دخل القسم وقلبه يرجف ماراح اتحمل اشوفك كذا بس خلاص

ماعاد اقدر اتحمل مااشوفك وقف قدام الباب وتنهد بالم داخل داخل فتح

الباب بهدوء حس بالم قوي يعصر قلبه شعور مؤلم وكانه ينتشر بكل

جسمه شافها بس مو بعقلها نفس الوجه الابتسامه العيون الهاديه الحالمه

الوجه الهادي بملامحه الناعمه قرب منها بهدوء لفة جهته :مين انتا

طعنه قويه اجتاحت قلبه قرب منها وجلس عالسرير بلع ريقه والعبره خانقته

ماقدر يتكلم شي يخنقه بقوى جلس ساكت يتاملها لفت عنه وهي اطالع قدامه

عدلت جلستها وهي تنفض شعرها المزعج من على وجها وبصوت عالي :
يبه بس انت وولدي مااسمع لكم صوت فيه هنا رجال غريب

غمض عيونه بالم ودمعه نزلت غصب منه

قربت منه باستغراب واتناظر وجهه :ليش الدمعه مسحت دمعته باناملها الناعمه بكل هدوء :ليش تبكي انتا كمان ماعندك بابا وبيبي عادي انا اعطيك بيبي

وقفت وجلست عند ارجوله :ليش انتا اتبكي اجيب لك عمر ولد عمي هو دايما لم ابكي يمسح دمعتي شوفه هذاك هو جالس بالزاويه

ماقدر ياتحمل الالم سارت ادموعه تنزل مسك يدها ونزل عندهاا وبصوت مخنوق :انا عمر

مسح على راسها سكتت بين يدنه وهو يـبكي على حالها فجاءه نقزت من

بين يدينه وقفت بعيد عنه وهي تصرخ :عمر امسك البيبي عمر تعال

نزل راسه بين يدينه وهو يحاول يقاوم الالم ليش انا جيت ليش ماتركتك

ليش مو قادر انساك وقف لها وراح بوجهها مسك كتوفها :شوفيني انا عمر

حبيبك انا ولد عمك ناظري هنا مسح على راسها انا عمر حبيبك جومانه

حبيبي

ناظرت بعيونه بصمت وهو يناظر بعيونها بحب ابتسم لها بس هي تركته

وراحت جلست عالسرير وغطت حالها باللحاف

وقف يناظرها وقلبه ينفطر عليها كل مره نفس الحاله ليش تكسريني ياجومانه ليش

طلع من الغرفه وحالته صعبه وهو يحاول يخفي عيونه الحمرا من الدموع

بالنظاره الشمسيه طلع لسيارته وركبها وساق بكل سرعته يمكن يختفي من

هالدنيا ولايشوف عذاب حبيبته بعيونه



انتهى البات
البارتات كل أثنين وخميس يالغوالي
نلتقي الاثنين بإذن الله
قراءه ممتعهم