كاتب الموضوع :
وديمه العطااء
المنتدى :
القصص المكتمله من وحي قلم الاعضاء
فرسان على جمر الغضى
الجزء السابع والعشرون
كشف عتاب الستاره وناظر للخارج وشاف ان قوته ابتعدت بالفرس هااربه حينها هو بعد قفز على واحد من الخيول الي عليها واحد من الفرسان
والي رماه عتاب من ظهر الفرس لجل يقدر يلحق بقوته
سعد والي معه تحااوطو ببقية الغافله وجردو الكل من سلاحه والي حاول يهرب صابوه.. ومن الي حاولو يهربون عبله الي قدرو الفرسان يمسكوها ويجروها لسعد من بعد ما امر انهم يجيبوها عنده
اشار لهم سعد انهم يتركوها وبالسرعه ركضت عبله وجلست قريب رجول سعد
عبله:يا شيييخ انا داااخله على الله ثم عليييك يا شيييخ
ضحك سعد:والله اني كني شفته الموقف ذا من قبل
ناظرها:اقووول فزي قووومي يا حرمه
عبله:ارجااااك يا شيييخ ارجاااك تراااني مسيكييينه ومالي بالي صااار يد
سعد:بس انا الي سمعته انك يد قوته اليميين
عبله:اتخسى يا شيييخ انا مهب يد حد
سعد وهو يدور حوالينها وهو يناظرها بابتسامه:اييه اجل وش اتسوييين معها ...ولييه كل الزييينه ذي؟
عبله بارتبااك:ا ا انا انقصبت يا شيييخ على كل الي اساااويه معها ...وتراها هي العروووس الي ودنا نزفها لولد الشيييخ
سعد:وش سااالفة العرس ذا؟؟
............................
بنفس الوقت كان عتاب مازااال يطااارد قوته الي ابعدت كثييير عن المكان الي كانو فييه لين ما احتدت انها لزوووم تسلك طريق الجبل يمكن من خلال
الصخوور تقدر تضيع عن عيون عتاب لاكن الامر ساعد عتاب الي كان عنده خبره كبيره بطرقاات الجبل
الي كانت تجهلها قوته والي صارت محصوره قدامه وقدر حينها انه يلحق عليها واول ما وصل بفرسه قريب منها قفز على فرسها وجرها منه وطاحو منه الاثنين
وبقاومه شرسه من قوت قدرت تفك حالها منه وتهرب وهو يلحقها لين ما صار ما قدامها شي تقدر تهرب منه
التفتت لعتاب وهي تلهث من التعب وطلعت من بين ملابسها خنجر واشاارت به قدامها عتاب الي كاان هو بعد يلهث وعيوونه صااايره دم من الغضب الي تفجر بصدره عليها وخصوصا يوم شاااف زينتها الكااامله بالذهوب
وقف مقابلها في حالة الانقضاض
وبانفاااس متسااارعه وهي تناااظره :الزم مكااانك تراااك ان جيييت حدي قتلتك
عتاب بغضب:تحسبيين اني راااح اتركج اليوووم يا قوووته والله انه حتى لو يكووون على موووتي اني ما اتركج
قوته:ترااني حذرتك يا عتاااب
وبابتسااامه من بين غضبه:كان غيييرج اشطر ...اليوووم راح اخذ حقي منج ورااح اورجييج وشلووون تكووون عقوووبة الي يغدر بي
قوته:تستاااهل كل الي جااااك
عتاب بصراخ:انكتمي يا الخسييييسه ...هذي جزاااتي من بعد ما منت فيييج
قوته بابتسامه:انت ما امنت في يا عتاااب تراااك قلت كل الي بخاااطرك النوبه الي فاااتت وذا خلااني مترااجع عن كل الي كنت ناااويه عليييه
عتاب:لجل تعرسي تسوي كل ذا؟
قوته:اييه ...لجل اعرس لزوووم اكووون بمقاامه واكوووون عروووس ما لبست مثل زينتها اي عروووس
عتاب:كل الي كنتي تسوينه لجل تكووني بمقااامه
قوته:ايييه يا عتااب ان كنت انت طوووال حياااتك تلم بالحلال والمال والذهوب بالغزو لجل اتغزو انا كنت ادوور من ديره لديره لجل اسرق ذهوووب الحريم وانت اخذت كل شقاااي بغزوه وحده كان لزوووم مني اسوي الي سويييته
عتاب:لجل اتكووني بمقاااامه!!؟
قوت:ايييه يا عتاااب ..انت ماتدري من هو عساف ولد الشيييخ هذا مطلب كل بنيه بالدنيا رجااال عنده المااال والجااه والسلطه ويقدر يا عتاااب يحمييني يحمييني من اي حد بالدنيا ويوم اني اكووون بحماااه ما راااح اشوووف اي غزو بحياااتي لانها ديره قويه ومنييعه ومابه حد يقدر يغزيييها
عتاب :وانتي يا قوووته ماتدري ان هي ذي الديره الي عيال العطاااوي مطلبهم فيها
تفااجئت قوت:وش اتقووول ..هي نفس الديره؟
عتاب:وحنا على وجه غزو ماصااار ولا راااح يصير
قوت بابتساامه:ما تقدر يا عتااااب ماتقدر الديره واهلها مهي مثل ماانت تحسب هذي ديره منييييعه وحتى لو انك قدرت كل ارجااال الارض ماتقدر عليها
عتاب:الا اقدر يا قوووته بالدم الي يغلي بعروووقي راااح اقدر وراااح اتشوووفي وش فيييه راااح ابدا
انقض عليها عتاااب ومسك يدها وابعد الخنجر بعيييد وصااار يصااارع قوته الي حاااولت انها تخلص حااالها منه
قوته بصرااخ:اتركني يا عتااااب اتركني
وبانشقاااق الثوب من جيب قوته وبروز اكتافها العاااريه جمدت عيووون عتااااب على الوسم الي كان نازل اشوي عن كتفها
قوته وهي تضربه:خسيييس خسييييس اتركني يا الخسييييس
نظرة عتاااب الي خلت لون وجهه يشحب خلت قوته تنظر وين هو ينظر وابعدته بالسرعه وهي تحس ان قوته خاارت بنظره للوسم
لمت الثوب عليها وهي تناظره وتلاااقت عيونها بعيونه
عتاب: ......... انتي عطااااااااويه يا قووووته؟؟
ناظرته قوته باستقراااب:وش اتقووول؟؟
عتاب:الوسم ذا ...يقووول انج عطاااويه يا قووووته
قوته :وش الهرج الي قاااعد تقوووله وسم ايييش هو انا بهيييمه لجل اتوسم
عتاب وهو يكشف لها عن صدره ووسوووم كثيره نفس الوسم بصدره:وسمج ذا ماهو نفس الوسوووم ذي
تفاااجئت قوووت اكثر وهي تناظر وسووومه وعينها تحاول تتاكد من الوسم الي بكتفها مع خجلها انها تكشف
قوت :اني مني فاااهمه شي يا عتاااب ليييه الوسوووم ذي؟؟
عتاب:الوسم ذا كان لحلااال ديرتنا وانا اذكر زييين ذاك اليوووم ...كان بالديره رجال مهبووول شاف الرعيان وهم يوسمو الحلال بالوسم ذا والسالفه جازت له وحينها استغفل الرعيان ونهب الميسم..والمهبول جمع لعيال الصغار واخذ يوسم فييهم يقلد الرعيان يومها انا كنت افهم وحااولت اني ابعد الجهااال واخذت اقاااوم المهبووول الي راااح يوسم بصدري بكل مكااان لين ما قدرت اني انهبه منه واخذ الميسم لبعيييد
ظلت قووت تناااظره تحاااول انها تستوعب الي يقوووله
قوت:انت كذووب يا عتاااب كذوووب
جرها عتاب بقوه لصدره وخلا نظرها على اوسووومه وايديه محااوطه حواليها
عتاب:ناااااظري زيييين يا قوووته هذي لوسوووم مهب هي نفس لوسوووم ؟؟...تشوفيها وسووومن جديييده ولا قديييمه؟؟
قوت وهي تناااظره واحسااااس غريب يدب بوصاالها وحلم بعيييييد صار قريب:وانا كنت من الجهااال الي صااار لهم الوسم
ابتسمت وهي بعدها قريبه منه
حينها ر ف قليب عتااب لابتسامتها
قوت وعيونها بعيونه القريبه:صحيييح يا عتاااب ...انا عطاااويه
تنهد عتاب بوجع:عطاااويه يا قوووت وانا اشهد انج عطاااويه
سحبت حالها من حضنه وهي تهمس:انا عطااااويه؟؟!!؟
شهقت قوت وهي تبكي وايديها على وجهها وظل عتاب يناظرها وهو مايعرف وش يسوي
زاد بكاها ونزل الثووب عن واحد من اكتوفها حينها مد عتاب يده ورفعه وخذت هي الطرف ورفعته
عتاب:خلاااص يا قوووته خلاااص اسكتي
قوته ببكا يزيييد:مقدر يا عتاااب مقدر ارجااااك اتركني انا عمري كله قضيته ادووور الامااان تراااني يا عتاااب اذكر الغزو مير ما اذكر شلووون ولا من هم الي غزوونا مير اذكر مووت ابوووي وامي ولحلوووم دايم الدوووم اشوووفها ودي احصل مكااان منييع مكااان مايوووصله الغزوو ابد
عتاب:المكاان الي تحلمي فيييه هو مكاان الناااس الي غزت ديرتنا نااس ماتستاااهل يا قوووته تكووني معهم انتي عطاااويه ولزوووم تعييييني عيااال ديرتج بالي هم عليييه ناوييين
هزت قوته راسها مواافقه على حجي عتاااب
قوته:بس يا عتاااب هذي ديره منيعه متقدر عليها انت وربعك
عتاب:الجمر الي حنا نمشي عليييه ويغلي بعرووقنا هو الي رااح يخلينا نهزمهم
مسحت قوته عيونها وعتاب يناظرها بنظره رحمة حالها والحال الي هي فييه والي خلها تووصل للمواصييل ذي
طولت نظراات عتاب لها وهو ينظر لها نظره جدييده نظره لحرمه كانه بالتو يشووفها
قوت بهمس:انت مطوول تنااااظر كذا
ارتبك عتاب:هااه اييه ...وو ودج اخلعلج ثوووبي
قوت باحمراار خدودها وابتسامه كان لها مفعولها بقليب عتاب:وانت؟
عتاب:انا رجاال مير انتي مايجووز تكووني بثوووب مشقوووق
هزت راسها بنعم وهي تصد عنه خجلااانه
قام عتاب وخلع ثوبه واعطااه لها
خذته قوت
قوت:زيين صد بنظرك للناحيه الثااانيه ولا انت تحسبني اسييرتن عندك
ابتسم عتاب وناظر للجنب الثاااني
كان يسمع صوت الذهوب بيديها وكل حركه تسويها يوصله صوت الذهوب زاادت ابتسااامته وهو يفكر وماهو متخيل ان تكووون قوووت عطاااويه رجع يذكر كل الي كاانت تسويييه ودهاااوة عقلها وتطلع بالاخيررر عطاااويه
لبست قوت الثوب وابتسمت وهي تناظر عتاب
عتاب:انتهيتي يا قوووت؟؟
قوت :للا بعدني
قربت قوت ناحية عتاب ثوااني وحس عتاااب ان الدنيا صااارت قدااامه سودا
من ضربة قوت له بالحجرعلى راااسه
خذت الفرس وهربت من الجبل لديره الي كاانت نااويه تجيييها ...وعلى مشااارف الديره التقت بالفرساان الي يحرسون الديره وخبرتهم انها عرووس الشيخ عساااف وان قافلتهم انهبت من قطااعين الطرق خذوها الفرسان لداخل القبيله وتوجهو بها عند الشيخ ابو عساف
قماد وليث من بعد ما التقو بسعد والفرسان ودريو بالي صاار رجعو يتبعو اثر عتاب لين ماوصلو للجبل وتفاااجئو بعتاااب مغمي علييه اسعفووه وفيقووه
ليث وهو يحس بنااار شابه بصدره على حال خويه تذكر حاله
عتاب شهق:قووووته قووووته ويييين
ليث:الخسييييسه هي الي ساااوت بك كذااا
عتاب اخذ يتلفت حواليييه وهو يحط يده على راااسه ماهو متخيل الي صااار
عتاب:قوووته قوووته عطاااويه يا لييث
ليث:تكذب عليييك يا خوووي وش الهرج ذاااا
عتاب:ماهو كذب يا خوووي ماهو كذب...الوسوووم الي بصدري ذي تذكر سالفتها يا ليييث لقيييت نفس الوسم فييها نفس الوسم الي كااانو يوسمووون فيه الحلااال
ليث وقماد كل واحدن منهم ناظر الثاااني
عتاب:العياال الصغاار الي كان المهبوول يوسم فيهم كاااانت قوووت وحدتن منهم انا شفت الوسم
قماد:هذا كلاام مايدخل العقل وشلووون
ليث وهو يناظر عتاب بنظره غريبه:ما كاان بين لعيال بنيه الا وحده يا عتاااب
فهم عتاب نظرة لييث وحس برعشه قويه تصييبه
عتاب:تــ....تقصد منوه اختي؟؟
كلان تبااادل مع الثاااني النظراات وقليبه تزيييد فيها الدقااات
نزلت دمووع قماااد بالغصيبه منه :اويلاااااه وش الي قاااعدييين تقولووونه اختن لنا قوووته اختن لنا هذي صعييبه يالربع صعيييبه
قام قماااد وطلع من المكان الي هم فييه ومشااعر غريبه تلم فييه بينما عتاااب كانت الحقييقه تنحره رغم انه كان نااوي ينتقم منها الا ان كان في شي يكنه لها بان ووضح يوم انه دري انها عطااويه ما يدري هو يسعد ان خيته بعدها عااايشه ولا يتالم ان الي كاان متولع فيها صارت محروومه علييه
ليث بصرخه:عتاااب هرجك ذا ماله اي صحه بالواااقع وكااد انها تكذب عليييك ...منوه هي الوحيييده الي كااانت بين العيال ومنوه يا عتااااب قدااااام عيييني ماااتت وش اتمني نفسك فيييه يا خووووي
ناظر عتاب ليث متفاااجئ بالي يقوووله:وش تقووول ماااتت قدااامك؟؟
ليث بغصه:ما كنت اريييد اقووول لك يا خوووي مير صااار وانا بنفسي الي حفرت لها القبر ودفنتها فييه
عتاب بالم:متوكد يا خووي انها كاانت ميته
ليث:متوكد يا خوووي متوكد ...الي تجييه عشر طخااات وش تنتظر منه حيااه
عتاب:اجل وشلووون الوسم بقوووته انا متووكد يا خووي متوكد انه نفس الوسم
ليث:يجووز يجووز ان المهبول بدا فيها بمكااان ثاااني عن المكاان الي لقيييته يوسم بالعيااال
هب حينها عتاااب واقف:انا قلت لها انها عطاااويه وان حنا جايين لجل انغزي الديره ومدري لييه سوت الي سوته بي وهربت وش اتظن يا خوووي
ليث:لزووم نعرف كل شي
...................................................
تكدر خاطر قمااد الي مالحق يفرح ان خيته بعدها عااايشه وزااده الامر انه يتحمس اكثر من اخذ الثااار
بديرة ابو عساف كان عساااف يدور حوالين قوته منبهر بجماالها وزينها
عساف:ذهب يا بوووي ذهب ...البنيه ذهب
حست قوت انها رااح ترجع وفقدت وعيها من غير ماتدري وطااحت
عساف بصراااخ:وش صااار لها يا بووووي
ابو عساااف:الله يااااخذك وهي الي تشوووف خلقتك تريييد منها تكووون صااااحيه انقلع عن البنت واطلب الحكيييم خله يشوووف وش الي جاااها
عساف وهو يمشي وينااظر ورااه عند ابووه:تراااها لي يا بوووي تراااها حرمتن لييي انت قلت اليوووم ازفك على عروووسك
ابو عساف:اقووول انقلع
ناظر ابو عساف قوته من بعد ما غااب عساف وهو ماهو متخيل الي يشوووفه
ابو عسااف:والله انك رااح تبطي يا ولد انك تلمس الذهب ذا ماهقييييت ابد ما هقييييت انها تكوون ذهب كذا
...................................
اختار عيال العطاااوي مكان منيع لهم قريب من الديره الي ناااويين يغزووها وخذو يعدووون العده ويرسمو كل الخطط الي رااح يبدو فيها قريب
عتاب كان يحس ان قليبه منحرق من الي سوته قووت وهو بعده ماهو فاااهم لييه سوت كذا
واول مادري بعبله انها اسيرتن عندهم رااح لها واخذ يطلب منها تقول الحقييقه
عبله:تحبه يا شيييخ قوووته متولعه حيييل بالشيييخ عساااف هي دايم ادوووم تحجي عنه واتقووول انه وكاااد مايرضى ياخذها الا ان دري انها ماهي بطااامعه بحلاااله وماااله وقااالت لزوووم اكووون بعينه اغنى حرمه بالدنيا يوم دري ابو الشيخ عساف طلب انهم يحضروها عنده لجل يقرر ان كاانت تليق لولده
عتاب:يعني هي بعدها ما اعرست
عبله:للا يا خوووي تقول وكاااد ان شااافها رااح يعرس فيييها
عتاب:وهي وشلووون تولعت فييه
عبله بعد صمت وعيونها تدور:ا اا
عتاب :اسمعيني زيين ترا والله ان كااان بهرجج شي مهوب صحييح انه يكووون اخر يوووم بحياااتج
عبله:اييه انا بوجه الشيييخ سعد وشلووون تقووول كذا
عتاب:انكتمي وقووولي وشلوون تولعت فييه
عبله:انا وقوووته كنا عايشييين بالديره نفسها
عتاب وهو متفااجئ:وشلووون كنتن سوا بالديره هي.... زيين وش الي صاار من بعدها
عبله:من يوم حنا صغااار وحنا بالديره نفسها ربينا سوا مير ربينا عند حرمه ماترحم ابد دايم الدوووم تخلينا بخدمتها وبيوم ماتت الحرمه وكان يوم سعدنا وجت اختن لها وخذتنا معها لخااارج الديره كنا يومها بنياات كباار ونفهم ونعشق وهي كاانت متولعه بولد الشيخ الي كان ابد مايدري عن هواها وحينها عزمت قوته انها لزووم تكوون بمقاامه لجل تعرس فييه
هز عتااب راسه:مهبولااات وهي على دهاااوت عقلها ماشفت اهبل منها
...........................................
بخيمه خاصه كانت الحريم سوا وخيمه ثانيه نصبوها للحكيم والي يعينه لجل الي ينصابو بالغزو
عبله ومعها الي بالقافله خذوهم بمكان ثاني اسيرين لين ماينتهي غزوهم ويشوفو وش رااح يسون معهم
المها بعد انضمت للحكيم وحرمته والبنات لجل اتكون عوينه معهم وخذت حرمة الحكيم تعلمها وش راح تسوي
اما ضبيه والبنيات راحن يوردن المي
ناظر عتاب ليث الي كان شكله منكتم
عتاب:وش فيييك يا خوووي
ليث :احس حااالي منكتم وضيقه بصدري تزيييد
عتاب:لجل الغزو يا خووي ترا الامر هين
ليث:للا صدري ضااايق من المسااافه الطويله الي صااارت بيني وبين راكاان وامه ...تمنيت لو اني قدرت اروووح لهم من قبل لا نمشي للغزو
عتاب:يا خووي تراااك اهلكت حااالك من سرياااتك لهم...باذن الله تعاااود لهم
اخذ ليث يسحب انفااسه بصعوبه:وكاااد شي كااايد صاااير لهم
عتاب:تعوذ من ابليس حنا بحااجتك اكثر هالحيين وباذن الله ميجيهم شر
هز ليث راسه وهو يناظر لقدام
نادى فهاد شوق وطلب منها تاخذ الزااد لعايض الي كان جالس على تله قريبه وهو كانكل همه انه يقرب بينهم من بعد ما شاااف ان كل واحدن منهم مايسال عن الثاااني
توجهت شوق بالطعااام وصعدت التله واول ماشاافها عاايض قام واقف وطلب منها تجي وتجلس قريب منه وهو ياكل الزاااد
ظلت شوق جالسه وعااايض ياكل وعيووون كثيره تناظرهم
بديرة البدور على الليل كانت البدور ضامه وليدها ومعها جالسه البنت الي تخدمها ووحده من رفيقاااتها
جالساات يتعللن سو عند الناار
مضاوي:اقول يا خيتي ما ودج تجييين باااكر عندنا تعللي
البدور:وراكاان يا مضااوي
مضاوي:تجلس عنده البنت
البدور:للا ماقدر
مضاوي:يا بدوور لين متى وانتي راح تظلي على هالحاال
البدور:راكاان بعده صغيير يا مضااوي لزووم اكوون معه
مضاوي:اتركي عنج راكاان انا اقصد حاالج منتي بالبدور الي اخبرها صااايره طوال الوقت سارحه بفكرج
البدور:انا يا مضاااوي
مضاوي:ايييه كلان يقول البدور متغيره وصاير الهم راكبج
البدور:انتي يا مضااوي متدري وش الي انا مرييت فييه
مضاوي:بعد تظل البدور مثل ماهي مايهزها رييح..انتي صاير لج شي كااايد قووولي يا خيه وش الي صااار...تولعتي ببو راكاان
البدور بارتبااك:وش اتقووولي اتولع فييه ليييه..من بعد ما ساوا الي ساواااه فييني اتولع فييه انتي انجنيتي
مضاوي:وحااالج ذا يا خيه؟؟
البدور:انا ماهمني بالدنيا ذي غير راكاان وما ودي شي ياذيه
مضاوي:اجل ابشري انتي بين عربج واهلج وراكاان مننا وفينا وباذن الله مايجيييه شي يكدر خاااطرج
هزت البدور راسها
لاكن صار شي خلا الكل ينتفض ويوقف
صريييخ بالخااارج ورجااال تركض
البدور:وش الي يصييير
مضاوي :مدري يا خيه
طلت مضاوي لخارج الخيمه:وش الي يصيير يا ماجد
ماجد:اظاهر يا خيه ان به حرااامي جاااي للديره والرجال شافوووه وهم هالحيييين يحاولو يمسكوونه
مضاوي:بسم الله الرحمن الرحييم حرااامي بالوقت ذا
البدور حست قليبها طاح منها وهي تلتفت للبنت وتعطيها راكان
تقدمت من مضاااوي:وش قااالو
مضاوي:يا دااافع البلا يقول سراااي لييل الله يا خذه وش جااابه لديرتنا
البدور:زيين يمكن انه واحد من الرعيان ولا واحدن من اهل الديييره
مضاوي:اسمعي يا البدور اصواتهم تقول انه صحييح حرامي
الصوت ازعج البدور كثير وهي تحس ان الكل بالخاارج بحركة بحث
البدور:خلينا نطلع يا مضاااوي
مضاوي:نطلع وييين يا خيه انتي ماتسمعي وش الي يصير
بعدها بشوي سمعن اصواات البارود والطلق وحست البدور ان روحها طلعت منها
ومن غير ماتحس اندفعت ترييد تطلع
مسكتها مضاوي:تعااالي اهنيا انتي وييين تريييدي تطلعي ما سمعتي وش قااالو قالو كلن يلزم بيته لجل يقدرو يمسكو الرجااال
البدور بانهيار:للا للا اتركيييني اتركيييني لزوووم اشوووفه
مضاوي:من الي ودج تشوفييينه انتي انجنيتي
البدور وهي تبكي:اتركييني اتركيييني :ليييه ودهم يقتلوووه لزووم مايقتلوووه
مضاوي وهي تحاااول انها ماتترك البدور تطلع:بدور يا خيه الله يهداااج
الطلق زااااد واصوااات تقول انهم طخوه ..حست مضاااوي ان البدور كانت على وشك انها تطيح على الارض وهي تسند لها
البدور :اتركيييني اتركيييني ارجااااج اتركيني
دفعت البدور مضاوي عنها بعيييد وطلعت وهي تمشي وماتدري وين رااايحه تمشي بالظلام لين ماجتها طخه من بعض الفرسان الي يدورو بالقبيله
""حد قالها تطلع ؟؟""
التعديل الأخير تم بواسطة نوف بنت نايف ; 13-01-11 الساعة 01:35 PM
سبب آخر: تنسيق النص ^_^
|
11-01-11, 07:28 PM
جديد مواضيع قسم القصص المكتمله من وحي قلم الاعضاء
العرض العادي
