هذا رد الكاتبه في المنتدى الثاني

تفتح بطلب من الكاتبه

مشرفات القسم

السلام عليكم ورحمة الله وبركاته


سلام لكل الغاليين ..والسموحه على التاخير










..فرسان على جمر الغضى



الجزء الخامس والعشرون


قدام بيت فهاد والمها شرعو الرجال البيت وشبو النار وتقدم سعد ومعاه الشيخ والمها وفهاد لوسط البيت

مسك سعد يد اخته وجلسها بجنبه وهو يلمها لحضنه وهي فرحتها واصله للسما لاكنها ماقدرت الا انها تنفجر مرتن ثاانيه تبكي بحضن اخووها

جلس فهاد قريب منهم وهو يناظرهم وبعده ماهو متخيل ان الي يصير صحيح وحس بوجع بقليبه وهو يشوفها تبكي بحضن اخوها وده هو من ياخذها لاحضانه ويهدي شهقااتها الي بدت تزييد

اخذ سعد يهمس لها ويهديها ويوعدها انها ماتشووف من بعد اليوم الي يكدر خاطرها لاكن المها ظلت تبكي وتبكي

ناظر سعد فهااد

سعد بهمس مرتن ثانيه للمها:يا المها انا اخطييت اني خلييتج تعاااودين مرتن ثاانيه لفهاااد

هزت راسها بلاااا

سعد:اجل ليييه البكا

المها :يا خووي احس ان الي يصيير لي كثيير وماني متخيله والله رجعتك واني اكون ببيتي مع فهااد مرتن ثاانيه

ابتسم سعد:ايييه يا خيه فهاااد يستااهل الي فداااج برووحه يستااهل تكوون المها من نصييبه

ابتسمت المها وهي تمسح دمووعها

الشيخ ابو طايل:الحمد لله على رجعت اخوووج بالسلااامه يا بنيتي

التفتت المها لعمها الشيخ:الله يسلم لك كل غاالي يا عمي

ابعثت نظره حينها لفهااد الي كانت نظراتها تخلي قليبه يرجف منها

الشيخ ابو طايل:يا ولدي ودنا نعرف وش الي صااار لك وشلووون قالو انك ميت

حكا سعد لهم كل السالفه وجاب طاري الباروده الي ثارت بيد الحرمه الي قالت انها سدحان السحوومي حينها ناظر ليث الي كان جالس هو وعتاب بالمجلس عتاب ولاحت ابتسامه على شفايفه حس بالشوووق للي يحجو عنها ام العيون الكحيله

كل الي صااار كان سببه راعية العيوون الكحيله...يا شووووقي لج يا ام راكاااان الله يعيييين والله اني مقدر على الفرقا


التفت سعد لفهااد:اقووول يا خوووي ترااني ماسمعت منك كلمه هقوتي ان الي سويته بك اليوم مهب راضين لك

ابتسم فهاد وناظر المها:وش اتريد تسمع من واحد كان مفااارق روووحه

حست المها بخجل ونزلت راسها لتحت

سعد بنظرات لخيته :ايييه


ظل الشيخ ابو طايل وسعد فتره من بعد ما طلع كل الي بالبيت كانو يكلمون فهاد الي كان ابد مايدري وش يقولو وروووحه ترفرف من السعاااده الي اغمرته وهو يختلس النظرات لها وهي منزله راسها لتحت خجلانه ...

بعدها قام الكل وودع الشيخ وسعد فهاد وطلعو من البيت ....ظل فهاد لحاله هو وهي وماحولهم حد كان يناظرها وهي وااقفه ومنزله راسها

دار فهاد حواليها وهو يناظرها ويتمعن بالي يناظره ...

حست المها بارتبااك منه وهو يناظرها رفعت نظرها له ونزلت راسها وبتوتر

المها:فـ ـ ـهااااد

فهاد:يا رووووح فهاااااد

زاد خجلها وحست انها ماتقدر تقول شي

فهاد:صحيح الي يصير يا المها ولا انا روووحي من بعد مافارقتني اشوووف حالي بعااالم ثااااني

المها بخوف:سلاااامت روووحك يا فهاااد ليييه تحجي كذا؟

فهاااد:وانتي تشوووفي الي يصير يدخل العقل.....الميت يعاااود وروووحي اتعووود لي


المها:الحمدلله يا فهااااد انا الي قدني ياست من حياااتي وماعدت اشوووف للدنيا طعم

مسك فهااد ايديها ورفعهن لشفااايفه

فهااااد:يا وييييييلي والله اني انا الي قد شفت ماللحياااه لزووووم ...بدا يحب بيديها

فهاد:المها متولعن فيييييييج حيييييييل يا المها حييييل حييييل متولع

المها جرت ايديها والتفتت عنه:متولع وانت عندك الي اغنتك عني

ابتسم فهاد ولفها ناحيته:ومن يقدر يغنيني عنك

المها:نسيت انك تجوزت ما هقيت انك تخلص مني وتجوزت ولا دريت عن حااالي

فهاد وهو يا خذ نفس طويل:اتهقين يا المها اني تجوزت لجل انسااج للا يا المها انتي صرتي نفسي الي اتنفس بيه انتي يا المها ماتدرين وش سويييتي بي اتهقين لو اني فهاااد الي على خبرج رضييت بالي سوااه اخوووج بي اليوووم ما هقوووتي اني كنت ارضى اساامح لو كنت ما اغلييج مير يا المها روووحي احس انها فااارقتني واليوووم احس بيها تدب فيه

المها:وهي ابد ما نستك المها ...ترا علووومكم كل يوووم اتحجي بيها عندنا

فهاد:علوومنا !؟....وش لعلوووم الي جابتها لج؟

المها:وش علووومه بعد ....كل الي يصييير معكم تقوووله ..غزلك لها وتعللكم كل يوم سوا

فهاد:سود الله وجهها ....وش اتهقين بوحده تسببت بموووت ابوها واخوها غير الخسه وكانت سبب بفراقنا والله مدري وشلووون قدرت تجرني وتنشبني معها

ناظرته المها وبعدها تحس بغصه


فهاد:انا يا المها ماتجوزتها الا لاني حسيت اني السبب بمووت ربعها وانها صااارت من غير عزوه وسند ويشهد الله اني ابد مالمستها ولا دريت عن هواها ....انا تصبرت واحترقت من ناااس كانو ينامون جنبي ومسكت حالي ودج اياااني اتركها لناااس ابد ما درييت عنهم


ابتسمت المها وهي تنزل راسها لتحت ووجهت له نظره عشق ذاااب فيها فهااد

مسكها فهاد من يدها وخلاها تتبعه للجلسه:تعااالي يا المها تعااالي خليني احجي لج وش سويييتي بقليييبي من يووم ما شفتج

..................................................



عتاب وليث ترخصو من سعد والشيخ انهم ياخذو الفرسان الي معهم ويرحلو وظل قماد مع سعد واتفق معهم انه من بعد مايرحل سعد يعاااود لهم

الفرسان الي كانو مع عيال العطاوي كلن عاااد للمكان الي كان فييه واتفق معاهم عتاب ان الوقت قرب لجل يغزو الديره الي ودهم ينتقمو منها

اول ما وصل عتاب وليث للمغاره تفاجءو بالشيخ الي زحف لخارج المغاره وهو مربط نزل ليث بالسرعه ناحيته يشوف وش صااار له بينما انفجر عتاب يضحك عليه وهو يتخيل ان ضبيه هي الي سوت به كذا

اول مافتح ليث الثااام عنه صاح الشيييخ:تقووول لك يا خوووي ظنك فيها ماخاااااب

وقف عتاب وهو يضحك:وش بك يا شيييخ من الي سوابك كذا

الشيخ وهو ياخذ انفاااسه وصوته رااايح:اقووولك يا خوووي تقووول لك ظنك فيها ماخااااب

ليث:انت وش تقصد ؟ومن الي سوابك السواااه ذي؟؟


الشيخ بصريخ عااالي وهو يمسك رااااسه:انهبااااااااااااااتنا انهبت الذهوووووووووب يا خووووووووووووي


عتاب وقف من الضحك وناظر لناحية المغاره وشاف طرف ضبيه ونط رايح ناحيتها...فك رباطها واخذ يناظرها ويناظر حوله

عتاب:وش الي صااار يا ضبيه؟؟ ولبنيااات وييييين؟؟

ضبيه:الله يااااخذهن الله يووووخذهن انهبتنا يا خووووي انهبت الذهووووب كلها

عتاب بصدمه:وش الهرج ذا ؟؟من الي نهبتنا؟؟؟

ضبيه:حرمتك يا خوووي حرمتك انهبتنا ومعها خويتها

عتاب اتسعت عيونه والتفت عنها رايح لمكان الذهوب يشوف وش الي صااار ما حصل شي وعاااود وناظر لشيخ

عتاب:وش الي صااار يا شيييخ ؟؟؟هذي مزحه ودك تمزحها معنا الذهوووب ويييين نقلتها؟؟

جلس الشيخ على الارض منهار:للا يا خوووي للا انا مامزح معك ومانقلت الذهوب لمكااان الذهوووب انهبت الحرمه ومعها الحرمه الثانيه انهبن الذهوووب وهجن


مسك عتاب الشيخ من ثوبه من قدام ورفعه لجل يكووون موجهنه

عتاب:وش الهرج ذا؟

الشيخ وهو يناظر ضبيه وهي تولول من وراهم:يا خووووي اغدرت فيييينا اغدرت فييينا ماهقيتها والله منها

عتاب بصراخ:وشلوووووووون قدرت تنهبكم انت وييييين كنت


الشيخ وهو يرتجف:انا اهنيا يا خوووي اهنيا مير هي اغدرت فييينا

عتاب:تراااني حذرتك منها يا شييييخ حذرتك منها وشلوووون ماتسمع لحجيي

الشيخ:السموووحه يا خوووي السمووووحه والله اني ماهقييييتها

ترك عتاب الشيخ واسرع لفرسه على امل انه يقدر يتتبع اثارهن لاكنه تعب من كثر ماتبع الاثر وبالاخير تفرق الاثر لاثرين واحتار اي منهم يتبع كان بركااان يغلي بصدره من الي صااار وتعهد على نفسه انه مايرتاح لا ليل ولا نهار لين ما

يخلي قوت اطحيح بيديه مرتن ثانيه كان يحس بالقهر لانه كان متاكد من احساااسه ناحيتها ومن الي صار بالمره الاولى تهاااون بامرها وتركها تسوي الي تريييد تسوييييه ااااه والله اني احس بحاااالي مقهووووور حيييييل منج يا قوووت

..................................


وصل الشيخ طايل ومرته وبنته شوق للقبيله ورحب بهم الشيخ ابو طايل الي نوا ان تكون الليله ليلة افراح على سلامة سعد ورجووعه واحتفال لفهاد والمها وفرحته برجوع اولده طايل مع هله بالسلامه

شوق عرفت بالي صار وسالت عن الربع الي كانو مع سعد وقالو لها انهم رحلو من الديره

احضنت شوق المها وهي سعييده كثييير بالي صار لهم


شوق:والله اني سعيييده حييييل يا المها عمي فهاااد يستاهل كل خيير والحمد لله على سلااامة اخوووج

المها والي كانت متزينه وبخجل:الله يسلمج ويسلم لج كل غااالي

شوق:يا ويييلي الحمد لله الحمد لله

وهمست لها:زييين وشهي علوووم عمتي وكاااد انها خااابت امانيها يوم انها نوت تزوجج لولدها عااايض

ابتسمت المها:علووومها زييينه وودها تخطب ناااس ثانييين لولدها

ضحكت شوق:وش اتقووولي؟؟ لقيت لولدها حرمه

المها:ايييه لقيت وهي يحصل لها تلاااقي حرمه اخير من شوق القبيله

شوق بصدمه:وش اتقووولي؟؟

ضحكت شووق:للا ما ظنتي هي ماتواطني وشلووون ودها تزوجني ولدها

المها:زين هي هالحين مالقيت حل لجل تكسبج وانتي بنية اخوها الا انها تجوزج ولدها....وترا فهاااد هو الي شااار عليها وهي وااافقت وعمي الشيييخ ابو طااايل كان كثييير سعيد بالخطبه ذي

قامت شوق وهي تحس بالغيض:وش الي قاااعده تقولينه؟؟ وهو امر انتهيتو منه انا مااالي شور بالسااالفه

المها:يا مجنووونه وانتي وييين اتحصلييين رجال احسن من ولد عمتج والله انه رجال ونشمي ويسوا عشره من الرجال

تحنحن فهااد وهو داخل:من هو سعيييد الحظ الي يسوا عشر رجاجيل بعين المها

ابتسمت وناظرت لتحت

شوق:عمي فهاااد انتو وشلووون تريدوووني اخذ عااايض ليييه يا عمي اتدخل الفكره بروووسهم هو انا ماااالي شووور

ناظر فهاد المها وهو شبه مبتسم:اممم اجل المها جالسه تقنعج فيييه ايييه وش قلتيلها بعد لجل اتوااافق عليييه

المها:فهاااد انت وش الي يدووور براااسك؟

قرب فهاد وجلس قريب من المها ولامس صدره جنبها وهو يميل ناحيتها

فهاد:راااسي تدووور فيه علوووم كثييييره كثييييره

ناظرته المها:فهااااد

فهاد:قليييب فهاااد ورووووحه وعمره الي انولد اليوووم

شوق وهي تحس بخدودها ولعت:يا ويييييلي وش الي جاااااك يا عمي

اعتدل فهاد:اقوووول يا بنت اخوووي انتي وجهج مابه سحى الليل تناصف وانا كل شوي اسال هووو في حد عندها يقولون لي بعدهم الضيوف ما طلعو وبالاخير تكوني انتي اقووول تيسري الله ييسر حااالج

ضحكت شوووق:يا ويييلي انا اشهد ان الشووووق لاعب بك حييييل يا عمي

فهاد:ايييه الشوووق وبنت اخوووي شوووق دربج سمح يابنت


شوق:زيين زييين انا طااالعه مير لزوووم تطلع الفكره الي خليتها براااس العمه انا ما ودي بعااايض

فهاد وهو يوقف ويمسكها من يدها ويمشي معها لين باب البيت:عااايض رجااااال ما يتفوت وهو مثل ما قالت المها رجال يسوا عشر رجاجيل

شوق:انت ودك تطردني يا عمي؟

فهاد:يا وييييلي انتي وش النشبه ذي معج.. توكلي يا بنت اخوووي وما رااح يصير الا الي يسرج توكلي توكلي

شوق بابتسااامه:وهو انا راااح انتظر لين تقررو كل شي ..انا هالحييين ودي اروووح عند ابوووي الشيييخ واخلي الوجه من الوجه ابيض

التفتت شوق وطلعت بسرعه متوجهه لبيت ابوها الشيخ ابو طايل

فهاد بابتسامه وهو يتبعها بعيونه:البنت ذي مجنووونه

التفت بعدها للمها ودقااات قليبه تشتعل من شوفتها

جلس قريب منها وهي تصد بنظرها وابتسامتها ماليه وجهها

اتكى على يده وهو يناظرها وابتسامتها تزيد كل ما لمحت طرف وجهه الي يناظرها

مسك يدها ورفعها لشفاايفه

فهااد:اقووول يا المها وش هي لعلووم الي كااانت هند تجيبها قولييلي يمكن اني معرف شي

ناظرته بنظره غاضبه:فهااااااد

ضحك فهاد وهو يعتدل بجلسته:روووووووحه رووووح فهااااااااد

. . .


قبل ما توصل شوق لبيت ابوها الشيخ كانت العمه بطريقها

العمه:على وييين يا شوووق؟

شوق:ودي ببوووي الشيييخ

العمه:هالحيين وهو بمجلسه وانتي بالزينه ذي

شوق:هقوتي ان الليل تناصف وما هقوووتي ان به احد معه وزينتي لجل اني سعييده حيييل لجل عمي فهاااد

العمه:عاايض يقول ان عنده ضيوووف ما بعدهم راااحو

شوق:ايييه يا عمه وانا وش لي بالضيوووف انا ودي ببوي الشيييخ

العمه:الشيييخ ما يرضى ان الحرييم تجييه بمجلسه

شوق:اييه مير انا مهب مثل الحرييم انا شوووق والي ودي اياااه يصييير

التفتت شوق ورااحت لبيت ابوها الشيييخ


العمه:البنت ذي ما تستحي

اندفعت شوووق لبوها الشييخ الي كان جالس بوسط المجلس ومامعه غير ابوها ورجالين كانو جالسين قريب منهم ولانها شافت المجلس مابه احد تجرات ودخلت المجلس مندفعه بشووووق لجدها الشييخ

لاكن قليبها اوجعها حتى قبل لا توصل عند ابوها وهي تلمح الفارس الجالس قريب مع الفارس الثاني ...هو هو ولد العطاااوي حست ان ارجولها بالكاااد قدرت توصل بيها عند جدها وهي ترمي حالها باحضانه الي استقبلتها بفرحه

ابو طايل:يا هلا ياهلا ياهلا ببنيتي ياهلا برووح ابوووها وحبة عييينه

شوق بلعثمه واحساااس غريب بدا يسري بيها:يا هلااابك يا بوووي والله اني اشتقت لك حيييييل

بعد السلام والعناق الحار جلست شوق وكانت مواجهه بوجها ان رفعته لقماد الي كان يناظر قدامه ومارفع عينه ناحيتها وسعد اخو المها جالس جنبه متجاهلين ان لهم معرفه ببنت الشيخ

الشيخ ابو طايل كان فرحااان حييل بشوفة شووق الي اخذ يسالها عن علومها وان كانت تونست بالديره الثانيه

شوق كانت تجاوبه وكل حين تسترق نظره لقماد الي ابد مارفع عينه ناحيتها تحس ان قليبها صار يدق بحيل وماتدري وش اتسوي

الشيخ ابو طايل ومن بعد ماتبادل مع ولده طايل النظرات:وش رااايج يا بنيتي بولد عمتج عااايض عرييس لج

شوق رفعت نظرها ناحية قماد وهي تتمنى ان ابوها الشيخ مايحجي بالموضوووع ذا هالحييين

شوق وهي تناظره"يا وييييلي منك يا ولد العطااااوي انا اشهد ان لك هيبه وانت جااالس كنك شيييخ جااالس وسط ربعك يا وييييلي وش الي قاااعد يصيييرلي"..

بعد سكوتها رد ابوها الشيخ طايل وهو يضحك:تدري يا بوووي ان بنيتي ودها بواحد من عيال العطااااوي

تفاجئت شوق بكلاام ابوها ورفعت نظرها لقماد المتفاجئ وتلاااقت عيوونهم كان مستغرب

ابوها الشيخ ابو طايل وهو يضحك:من؟؟ عيال العطااااوي؟؟ يا بنيتي هههههه وش الي يخليييج متامله فيييهم يا بنيتي

كانو يهرجون وكآن عيال العطاااوي مطلب يصعب عليهم يحصلونه

نزلت شوق نظرها لتحت وهي تحس بالتوتر

الشيخ ومن بعد ما سكت من الضحك:الله لا يحرمني منج يا بنيتي ..كفو ولد العطاااوي مير يا بنيتي العيال ذولا ما هقووتي ان لهم هوس بالجوااز هذولا يا بنيتي لهم مطلب بالحياه وهو انهم ياخذو بثااارهم من القبيله الي افنت قبيلتهم وقدامهم حرب كبيره ماتدري من بعد الحرب ذي من يعيش فيهم ومن يموووت وهم رجال الكل يشهد بشجاعتهم وحنا لنا الشرف يابنيتي بمناسبتهم مير يا بنيتي هذا مطلب ماهقووتي يتحقق بيوم وعااايض رجااال والنعم منه

وجه حينها قماد لها نظره تشفي فيها غليله منها ناظرته وهي مقهوره ورجعت تلتفت لابوها الشيييخ

شوق:الله يهداااك يا بوووي وش الي قاااعد تهرج فييه ...الحجي الي قلته لابوووي كان هرج من زمااان وكان هرج مزوووح ودي فييه اوسع بخااااطر ابوووي وانا ادري يا بوووي ان حنا وييين وعيال العطاااوي وييين وانا مااالي غير ولد عمتي هوعزوتي وتااج راااسي

الشيخ ابو طايل:ايييه يا بنيتي هذا هو الهرج الي ودي اسمعه وباذن الله ان يكووون عرسج عرس ماصااار ولا سمع عنه احد

ابتسمت شووق وهي تناظر لتحت وماكاان ودها تناظر قمااد وهي تحس بقهر منه

مال قماد على سعد يطلب منه طلب ورجع يعتدل بجلسته

سعد وهو ما وده يقول الي راااح يقوله:اقووول يا عمي الشيييخ


الشيخ:سم يا ولدي

سعد:الفااارس الي معي ماسالتني عنه وولد من هو ومن اي قبييله

الشيخ:الفااارس باين عليييه رجال والنعم وهقووتي انه من اصل طيب

سعد وهو يناظر قماد:ايييه يا عمي هذا هو قماد العطاااوي واااحد من عيال العطاااوي الي سمعتو عنهم وهو ووده يباااارك لبنيتكم الخطبه ويتمنى لها التوفيق ..عيال العطاااوي هم يا عمي الي وقفو معي بمصاابي وكانو كفوء رجال تنشد بهم الظهور وانا والله افديهم برووحي ومااالي وحلااالي

الشيخ وولده تبادلو النظرات متفاااجئين ولا هم مصدقييين الهرج الي يقوله سعد

الشيخ:ولد العطاااوي!!؟

ابتسم قماد وهو يناظرهم وزاااااد القهر بقليب شووق الي قااامت وطلعت من المجلس وش يقصد بهرجه ؟؟؟انه يقول لهم انه قريب مير مالي لزووم ببنيتكم


قام قماد وجلس مقابل للشيخ


الشيخ:انت ولد العطاااوي؟؟؟


قماد هز رااسه بنعم:ايييه يا عمي وانا تراااني افديييك وفدي قبيلتك وكل غااالي عندك بروووحي ودمي


ارتبش الشيييخ وماعرف وش يقوووول مهو بمصدق ان ولد العطاوي قدامه ويسمع منه الهرج ذا

ناظر الشيخ سعد وهو بعدهماهو بمصدق:يا ولدي يا ولدي انا انا....ليييه يا سعد ماقلت لنا انه واحدن من عيال العطاااوي كان لزووومن منا نضيفه بمضيييفه تليق به

قماد بابتساامه:يزيييد فضلك يا عمي مير انا ما ودي حد يدري خشيه من النفوووس الي شايله بقلوووبها من عيال العطااوي


الشيخ:حنا يا ولدي تراانا نساايب وام طايل كانت عطاااويه

قماد بابتسامه:ايييه يا عمي ما كااان ودي افصح لك عن حاالي الا لاني ادري ان عمتي هي ام الشيخ طااايل


الشيخ ابو طايل:انتو عيال الشيخ راكاان؟؟

قماد:للا يا عمي ولد عمنا الليث هو ولد الشيخ راكااان

الشيخ:ايييه يا ولدي هذي الساااعه الطيبه الي لفااابك علييينا يا هلااابك يا ولدي يا هلللابك وترا مااالي وحلاااالي وكل فرسااانا جاهزيييين انهم يوقفو معاااكم بغزوكم

قماد:ماتقصر يا عمي الشييخ ماتقصر هذا هو عشمنا فيييكم

سعد:وانا يا خوووي يا قمااااد ترااني حاااضر بماالي وحلااالي وكل فرسااان قبيلتنا للي تريدونه وناااوييين عليييه

ابتسم قمااااد وقااام واقف

باخر الليل كان سعد وقمااد جالسين لحالهم وكان قماد نايم على ظهره وشكل النووم مجافيه

التفت عليه سعد:وش فييك يا خوووي يا قمااااد؟؟

ناظره قماد:ابد مافييني شي

اعتدل سعد وناظر قماد:ترا انا يا خوووي مدري من هي الي ملكت قليبك

ضحك قماد:قماد قليبه مايملكه حد

سعد:الا يا خوووي انت هووواوي بزياااده

قماد:اييه يا خوووي انا احب الزيين والمزااييين

سعد:اييه وبنت الشيخ طايل مزيووونه بزووود

ابتسم قماااد:هذي مالي فيها مطلب

سعد بابتسامه:اييه مطلبك عند البنت الي تركتها بالمغاااره

التفت قماد لسعد:انت من تقصد؟؟

سعد:البنيه الي شفتك معها ذيييك الليله وانتو تعللون سوا

تذكر قماد عبله:تقصد عبله؟

سعد:مدري عنها مير انا شفتك وانت تبعد معها عن المغاره ...حيينها درييت انك رااعي علوووم


ضحك قمااد:للا يا خوووي انت ما شفت وش صااارلي من بعد ما ابعدت معها

سعد:وش صااار؟

قماد:الي صار اني كنت نااوي اتسلى معها مير فاجئتني بالخنجر الي حطته على رقبتي وهددتني ان لمست شعره منها اني افااارق الحياااه

سعد باستغراب:وانت سكتت لها

قماد:ان كان ودك الحق انا اعتقدت انها هي الي تريدنا نتسلى ويوم اني درييت انها مهب رااعية السواالف ذي تعهدت لها اني ابعد عنها ومن يومها مابينا غير السلاام والكلاام العااادي

ابتسم سعد:زييين ماكنت اهقي ان في بناات بشجااعتها ههههه زيين سوت فييك

قماااد وهو يسحب نفس:ايييه يا خوووي انا مدري وش صااارلي احس حااالي مالي خاااطر مثل لول ...تخيل يا خوووي اني ما كنت اقدر افااارق غدير العربااان الثانيه وتلقاااني دووووم مخاااوي

سعد:وكااد ان القلب جاه الي بلاااه

قماد بابتسااامه:للا ما هقوووتي


..........................................


في الغار الي كان فيه عيال العطاوي كانت ضبيه بعدها تولول وتدعي على قوته الي اغدرت فيهم بينما عتاب جالس لحاله في مكان بعيد خارج المغاره وسارح بفكره اما ليث فكان بعد منصدم وماهو متخيل الي صار وان قوته يجي منها ذا


الشيخ:هالحيين وش ودنا نسوووي ؟

ناظر ليث الشيخ ورجع يصد بنظره لمكان ثاني وهو يفكر بالحال الي وصلو له ماكان قدامهم الا خطوات بسيطه لجل يحققو مبتغاااهم ماكان قدامهم الا انهم يبيعو الذهوب ويشترو بدالها السلاح والخيول لجل الفرسان الي رااح تساااعد بالغزو الي ناااوييين عليه

قماد رجع لهم وسعد توجه لديرته من بعد ما ودع اخته المها لجل ايشوف احوال الديره ويستعد للغزو الي ناوي ينظم بيه مع عيال العطاااوي


تفاااجئ قماااد بالي صااار وتندم انه ماقاال لخوانه عن شكووكه هو بعد ناحية عبله...خبرهم عن استعداااد الشيخ ابو طايل وسعد بمشاركتهم بالغزو والامر ذا هون الامر عند عتاب الي كااان ناوي على الغزو باي حال من الاحوااال


......................................

صحيت البدور بيوم ولقيت السكين الي كان لها وصار عند ليث قريب من ولدها وهذا معناه ان ليث كان موجوود عندها قامت بسرعه من فراشها وتلفتت حواليها تدوره ومالقته رجعت تناظر السكين هي متاكده ان السكين كانت عنده

حست ان دقات قليبها تزيد اشلون جا وماحست بجيته

ظلت البدور طول اليوم تفكر بليث الي جا وماحست بجيته وقررت انها الليله ماتنام لجل ان جا تكون صاحيه وعدت الليله ومابين... الليله الي بعدها بعد ظلت ساهره الليل لين ماجااها النووم ونااامت

واول ماصحيت وشافت الملابس الي جابها لراكان الي تركها ليث مع المكحله حست ان ودها تجن وشلووون جا مرتن ثااانيه ومدريت فييه هو وده يجننها يكفيها انها راح تنجن وهي تتخيل عبله جالسه معاااه طوااال اليووم

البنت الي جالسه مع البدور:يا عمتي وش بلاااج يا عمه صارلي يومين ما اشووفج تلمسي الزاااد مستوجعه يا عمه من شي

البدور بسرحان:مافييني شي..ركااان صار يبكي كثيير

البنت:راكان جيعااان يا عمه وانتي من صدوودج من الطعام ما صاار بصدرج حلييب

البدور:وش اسووي احس نفسي مصدوووده عن الزااد

البنت:زيين يا عمه لزووم يعاااينج الحكيم

البدور:للا للا ما ودي حد يعااايني ...ودي ..........

البنت:وش ودج فييه؟؟

قامت البدور وهي تاخذ نفس وهي تحس بغصه تلهب صدرها:هاتيلي من حليب النووق


...........................



جهز عتاب كل شي لجل الغزو وبعث مراسيل لجل ايجيبون له لعلوم عن الديره الي نااوي يغزيها وتفاجئ انها ديره مشيده حواليها فرسااان كثير لجل ايحموها

كان يخطط ويحط الخطط لجل يقدر يتغلب على القبيله الي نااوي عليها ومن ناحيه ثانيه ارسل من اعطاه مهمة انه يجيبله اي علوووم عن البنتين الي انهبن ذهوبهم وهجن


مال الشيخ على ليث الي جالس :اقوول يا لييث

ليث:وش عندك؟؟

الشيخ:هو خوينا قماد وش صااار عليه احس انه مهب خوينا الاولي

ليث بابتسامه موجووعه:لييه هو بقي حد مننا ماقلت عنه مهب خويك الاولي

الشيخ:اييه يا خووي اني دااري ان راكاان ماخذن عقلك وان عتاب صار نار مايقوا حد يجي جنبه والسبب الي صااار.. مير القماااد ذا وش علته نشوفه قدامنا وحنا ندري ان عقله مهب معنا يا خوووي كلن يجي ببالي يتغير الا قماااد ماخبرت انه يصير عليه الي صاير هالحيين ..ماتدري ليييه يا خوووي

قماد:وش اتقووول يا شيييخ؟؟

فزع الشيخ:هاااه ما قووول شي يا خوووي؟؟

ابتسم قماد:ودك ايااانا نهج اشوي جنب غدير من غدران العربان الي حووولنا

الشيخ:هاااه للا للا يا خووووي

واشارله ناحية ضبيه الي كانت تجهز للغدا


ضحك قماد الي كان يحس بالضيقه وما وده يحس بيها

..............................

صباح اليوم الثاني صحيت شوق على صوت ابوها وهو يحجي

الشيخ طايل:ايييه يا ولد والله اني اشتقت للقهوه الي تسويييها

قامت شوووق بسرعه وطلت للمجلس وشااافته جالس جنب النااار

قماد وهو متلثم:ثووواني يا عمي وتصييير لقهوه جاااهزه

التفت الشيخ لشووق الي كانت تناظر لمقهوجي:يا بنيتي يا شوووق

التفتت له وتفاااجئت بعااايض جالس جنب ابوها وهو يناظر لتحت

طايل:حياااج يا بنيتي حياااج تعااالي وسلمي على عااايض ولد عمتي

شوق ماتدري وش صااابها ...زينت من حالها شوي ورااحت لبوها كان كل عقلها وتفكيرها عند قماد الي اصبح اليوم بمجلس ابوها وهي تدري انه رحل من الديره من قبل اسبووع

طايل:هلا ببنيتي هلا

جلست شوق وهي بعدها تناظر قماد

همس ابوها:يا بنيتي ارجااج ..لا تشغلي بااالج بالمقهوجي ترااه جااي يسلم وراايح وانا بغيت اشرب من قهوته

سكتت شوق وهي بعدها تناظره ورجع طايل يهمس لعايض ان شوق ما ودها بالمقهوجي ذا بالبيت

كان قماد متوجه ناحيتهم وهو ماسك الدله والفناجيل يوم قال طايل


طايل:ارجاااك يا عاايض تخلي شووق بعيوونك تراها غااليه عندي حيييل

مايدري ليه قماد حس ان طاقته بمسك الدله انسحبت وفرطت من يده لاكنه تداركها بيده الثانيه من بعد ما انكب اكثرها على يده وتناااطرت قطراات منها عليهم

صرخ عايض:وش فييييييك يا ولد وش الي مرخي يدك؟

قماد وهو موجوووع من يده:السموووحه يا عمي السموووحه ماكااان قصدي

شوق وهي توقف وتمشي ناحيته:هبييييل هبييييل قلتلك يا بووووي انه هبيييييل

امسكت شوق بطرف كمه وجرته معها:امش قدااامي وش كااان ودك تسوي تحرق ابوووي


طايل:يا بنيتي اتركيييه


شوق وهي تجره معها:امش اشوووف

تبعها قماد وهي تشتمه وتسب فييه لين ماعدو الحاجز الي بالطرف والتفتت شوق له وكان باين بوجهها الوجع لحال يد قماااد ...التفتت وهي بعدها تسبه واخذت جربة المي وسكبتها على يده

قماد لثوااني ماصااار يحس بالوجع وهو منصدم من الي قاااعده تسويييه قاااعده تحااااول تسعفه وهي تسبه

رفعت نظرها له وباانت دمعه بعينها وبهمس:وش الي جاااي اتسويييه؟؟

اخذ قماااد يناظرها:ودي اشوووفج خااارج القبيله اليوووم

شوق بصدمه:وش اتريييد مني ؟؟ترا الي جااني منك كثييير يا ولد العطاااوي اتركني بحااالي

مسك قماد بيدها وضغط عليها:قلت لزوووم تجييين ولا ترا والله يجييج مني الي مايسرج ابد

وقبل لا يمشي مد يده ومسك وجهها ومسح بطرف اصبعه الدمعه الي كانت متعلقه برمش عينها

تركها بعدها وراااح وهو يناظر يده الي شاف ان الجلد بدا يتغير لوونه

ظلت شوق تتبعه بنظرها لين ماغااب وهي تحس بقليبها موجووع عليه


.............................................



استقبل عتاب سعد الي جااه ياكد له انه معااه بغزوته الجااايه وانه تسلم مشيخة القبيله لان عمه رجال كبير بالسن وهو من خاطرن طيب تنازل عنها

فرح عتاب الي بعدها النار قااايده بصدره على قوته وشكر سعد كثير

عتاب:انا ناااوي على الغزو حتى لو ماكان تجهيزي للغزوه مثل ماكنت اريييد مير يا خوووي بصدري نااار ولا ادري وشلووون اطفيها

سعد:يا خوووي ...انا والله الي ماهقيتها منها...وانا والله جاي بكل ماالي وحلااالي لجل انكون لكم عوين

عتاب:للا يا خوووي النار الي بصدري مهي لجل الذهوووب الي انهبت للا باذن الله اننا نتغلب عليهم مير النار شاابه منها هي ..ترا انا من اول يوم شفتها فييه وانا اقووول انها مهي مثل الحريم الباااقيه مرتن اشك بالي افكر فييه ومرتن اشووف ان محدن اخبث منها داااهيه يا خوووي ومدري وشلووون جت بطريقنا

حط سعد يده على كتف عتاب:انساااها يا خوووي انسااها وخلك هالحيين بالي انت مقبل علييه

هز عتاب رااسه ولزم السكوووت

خبر بعدها الشيخ ..سعد بكلاام عبله ..ابتسم سعد ومارد علييه بشي


..........................


انتظر قماااد كثير شوق لجل ايشوفها لاكنها ابد مابينت لين ماتملكه الغضب وحينها قرر يعاااود للمغاره على انه رااح يعاااود مرتن ثااانيه

زياراات ليث للبدور تكررت كثير وماكانت البدور تحس فييه يوم يجي ويروح لين ما حست انها مقهووره منه حيييل


البدور وهي تكلم البنت الي عندها:اسمعيني زييين قومي هالحيين ونااامي ودي اياااج تظلي طوااال الليل صاحيه لجل راكاان انا مدري وشلووون يغلبني النووم ومحس فييه يومن انه يصحى ويبكي

البنت:اييه يا عمه ترااني قلت لج اتركييني اناام معج مير انتي ما رضيييتي

البدور:من اليوووم راح تنامي عندي وتحرم عين الذيب وليدي

البنت بخووف:الذيييب ليه يا عمه الذيييب وش وده براكااان

البدور:قصدي الجوووع يا بنت راكاان يصحى من الجوووع وانا مدري عنه ...نااامي هالحيييين وانا من بعد ماتصحي انااام


البنت :زين يا عمه


باليوم الثااني صحيت البدور وهي تصرخ على البنت الي كانت نااايمه:قووومي قووومي الذيب جااا وانتي نااايمه انتي يا بنت ما شبعتي من النوووم امس ليييه تناااامي

قامت البنت مفزوووعه:يا عمه وييين الذيييب قصدي ياعمه

واخذت تحك اعيووونها:يا ويييلي راكااان صحي وبكا وانا مدرييت عنه والله اني يا عمه لين ما طلع النور وانا صاااحيه مانمت

البدور:اجل وشلووون جا ومدريتي عنه

البنت:من هو يا عمه

البدور:انقلعي انقلعي روووحي نااامي

قامت البنت ورااحت وظلت البدور وهي مقهوووره


بالليله الثاانيه ظلت البدور سهراانه وهي تحااول تمنع عينها تنام وماقدرت الا وعينها تغفو شوي لاكنها صحيت على حركه قريب منها حست حينها ان قليبها وده يطلع من مكانه

كانت تدعي انها نايمه وهي تشوفه من بين رمووش عينها وهو يشيل راكان ويحبه حست حالها متقدر تفتح عيونها وتعلمه انها صاحيه..نزل ليث راكان وظل يناظرها ثواني وحست برعشه قويه وهي تحس بحالها بين ايديه وهو يضمها حييييل لصدره بعدها اخذ ينثر حباته على جبينها وشعرها وتركها بسرعه وهو يسمع صوت البنت تنااادي على البدور عند النااار

جلست البدور وهي تناظره يطلع من الشق الي بزاوية البيت ويختفي والتفتت للبنت الي طلت عليها

البنت:يا عممممه

البدور:وش اتريييدي

البنت:موجوووعه يا عمه من بطني

البدور وهي تحس بحالها متدري وش اتسوي وهي تحاول تهدي انفاااسها:زيين وش اسوي لجلج

البنت:ودي ارووح لخيتي كود اني الاااقي عندها لي دوا

البدور وهي تحط راسها على المخده:زييين روووحي

وبهمس قالت:وكاااد انه دري اني صاااحيه اااه يا ولد العطاااوي وش انت نااوي تسوي فيييني



!! !!

!! !!

!! !!

ودمتم وديمه العطا

لالالالالالالالالالالالا ياربي ما ابي شووق تاخذ الا قماااد...
ليه اللي يحبووون يكااابرون ...
الله يعينهم يحبوون بعض ولا احد راااضي يعترف ...
وقوووته ماطلع لها اثر والله انها ختيره بس عتاااب غبي ليه ماتبع احد الخطين عموماً مو خسران لانه راايح يلاقي وحده منهن وراح ياخذ الذهب الي معها وراح تدله ع مكان الثانيه ....
وام راكان وابو ركان حاله ثاانيه هههههه

الحمدلله ع السلامه
ويعطيك الف عافيه ع الارت يجننننننننننن
قماد وشوق ومين قدك خطب ولد العطاوى
المهاوفهاد الف مبروك رجعتكم للبعض وان شاء الله نهايه المشاكل بينكم
ليث وبدور وراكان ياقلبى عليكم انت اللى قسيت علي يابدور وتحملى اللى يصير
عتاب وقهرك من قوته انا معك يانى منصدمه منها للحين
سعد معقول راح تفكررر ف عبله
عيال العطاوى الله معك ف غزوكم وننتظركم ع نار
خيتو بجد كانت بارت ممتع من اوله الى نهايه
ربي يسعدك وين ماكنتى
انسى العالم