ابدعتي ابدعتي فديتك ياوديمة هكذا وإلا فلا
بارت رائع بروعة الانامل التي صاغته سعيدة جدا بهذا البارت والاحداث التي وقعت فيه

اهلا هلا براكان ماأجمل المشاعر التي جسدتيها لليث كل ام او اب سيشعر بمصداقية ماكتبتيه

راكان العطاوي سيكون نموذجا قويا لخليط من قوة وعناد وكبرياء كلا من ليث والبدور حضور قوي

قماد وشوق لحظة حزينة جدا ماحدث بينهما ولكنه الافضل ا عتقد انها ستعود ثم سنتشعر بالحنين لقماد وقمادايضا

فهاد اقف عن التعليق لاني فاض بي الكيل من هند الله ياخذها قبل مايدخل عليها فهاد قولوا امين يعني غصب معاد فيه حياءياهند ههههههههه


احلى ثنائي عتاب وقوت لكن خلوني اروح بفكري بعيد لان وديمة تجيب احداث احيانا خارقة نقول تطلع قوت اختهم ولابنت عمهم حلوة ذي
اقول وديمةامضي على بركة الله متوقعة ان تعودي بقوة وهاانتي على الوعد

رووووووووووووووووووووووووووووووووووعة
تسلم يدك وديمة العطاء
اعذرني ما اعرف اعلق على الرواية بس اتحمليني
ليث - مبروك ما جاك ويتربى في عزك
يا فرحتي وربي انبسطت انو عرف انو ولدو من أول وأنا أبغاه يعرف

عتااااااااااااااااااااااااااب وقوووووووووت - يجنون الاتنين رهيبين
وضحكني عتاب وردة فعله لما مسك يدو البيبي

قماااااااااااااااااااااااااااااااااااااااااااااااااد -ياااااااااااااااويلي ويلاه وربي اني ادوخ عليه بس يجنن والله ان شوق تستاهل ما جاها مير عاد زودها ولد العطاوي

ياااااااااااااااااربي منهم خلاص اباهم يعرفو انو قوت عطاوية منهم
وسعد خلاص الحمد لله على السلامة روح لاختك يالله والله انا مررررررررررا فرحت انك عايش وفرحت اكتر لما رجعت لك الزاكرة


المها ياااااااااااااااناس عليها وربي انها تكسر الخاطر من قلب مستعجلة ابا اشوف ردة فعلها لما تشوف سعد

هند - الله يا خذها حسبي الله عليها ما عندها قلب ابد ما عندها قلب ولا وحدها ابوها واخوها دوبنهم ميتين وهيا السببب في موتهم تسوي كدا اكرههههههههههههههههههههههها

السلام عليكم ورحمة الله وبركاته

حبايبي اسفه على التاخير البارتات بتكون ان شاالله الاثنين والخميس

محبتي للجميع

فرسان على جمر الغضى


الجزء الثاني والعشرون

اول مارفع ليث راسه من بعد ماحب العيل تلاقت عيونه بعيونها وكانت البدور منحرجه من قربه الزايد لها

ليث:ترااني سميته راكاان

سكتت البدور وهي تناظر لمكان ثاني

ليث:راكاان العطااااوي ...ليييه ماقلتي لي من الاوله انه ولدي؟؟

كانت تحس برجفه تجيها وهي صاده بنظرها عنه وسااكته

قرب منها ليث وحبها على جبينها وبالسرعه رفعت يدها ومسحت الحبه الي طبعها بجبينها

ابتسم ليث:هذا وانتي بعدج مااسترديتي عافيتج تسوين كذا ..اجل وش راااح تسوييين بي باااكر

البدور :تسوي نفسك ماتدري انه كان ولدك؟

ليث:ماكنت ادري؟

ناظرته بتشكيك:ماكنت تدري؟ اجل وش الي قلب حالك وخلاااك تكف يدك عني وتدور رااحتي وحتى يوم اني طعنتك ابد ما اشتككيت ويوم انك دريت بالرجال الي ارسلني للشيخ حماااد حينها رميتني على القاااع وابد ماهمك حالي من عقب..انت بس صبرت علي لجل ولدك وودك تاااخذه مني وانقلع انا حينها خذه خذه انا ماودي اياااه

ليث بغضب:تعوذي من ابليس ياحرمه العيل بعده يرضع

بعدت البدور العيل وهي تصرخ:ماودي اياااه ماودي اياااه خذه

خذت العجوز العيل وطلبت من ليث يتركها:يا ولدي اتركها ترااها والده اليوووم ووكاد انها تعييب وماتدري وش اتقوول ..اتركها تريح شوي

قام ليث ونظراته لها نظرات مصدوم من حالها

كانت تنتحب من البكى وهي متكومه على حالها

البدور:ماودي العيل ماودي ايااااه خله ياااخذه خله ياااخذه ويتركني بحااالي

العجوز:يابنيتي تريحي تريحي

طلع ليث وكان كل شوي يعاود للمغاره ويشوف وش هو حالها
....................................

جلس عتاب جنب سعد الي كان ينام فتره ويرجع يصحى شوي

عتاب:ياخوووي تانس بشي

سعد:مدري احس اني تعباااان حييييل وودي اني اروووح لعربنا واشوووف خيتي

عتاب:ماعليييه ياخوووي هالحييين انت تعبان تريح كم يوووم ومن بعدها ناخذك لقبيلتك ولزوووم تكون بعافيتك انت هالحييين بنظرهم ميت ووكاد انها رااح تكون صدمه ليهم

غمض سعد عيونه وهو يحس فعلا انه تعباااان حيل


البدور نامت وخلت العجوز العيل جنبها نايم وظل ليث فتره طويله جالس يناظرهم وماوده يفارقهم

العجوز ترخصت من عقبها وقام ليث لجل يعاود بيها وتعذر منها من الي جاها منه

قماد قال لعتاب انه معاااد له دخل ببنت الشيخ طايل وان كان ودهم يعاودو بيها يعاودو


عتاب:وشلووون ودك نعاااود بيها نقول انها كانت مع عيال العطاوي لجل ننتشب معهم انت نسيت القرابه الي بيننا

قماد:سو ياخوووي الي ودك تسوييه مير انا ارخصت لها ومعااادلي بيها لزمه


مشى قماد خطوتين ورجع التفت لاخوه وكان شعره سايح على عيونه:وان كان ودك تبيعها لاي رجال يمر جنب الجبل تراها فكرتن زينه ههههههه

عتاب:انقلع يالخسيييس


نادى عتاب قوت وطلب منها تهتم بشوق

ناظرت قوت عتاب:انت وش بيييك على النسوووان؟

ابتسم عتاب:ليييه؟؟

قوت:ماودي اياااك تناظر حد غييري

اشار لها عتاب على عيونه وولعت قوت من الخجل


...................................


دخلت هند بيت العمه ومعها حرمه طلبت منها هند تكون معها دوووم وراح تعطيها بالمقابل مال

وقفت هند تناظر المها بطرف عينها

العمه:تفضلي يابنيتي تفضلي

هند وهي رافعه راسها لفوق:يا عمه انا الليله عرووس وودي اياااك بسااالفه ودي نكووون لحالنا

قامت المها وراحت للشق وهي تدري ان كل الي راااح تقوله هند وكاد راح تسمعه وبالفعل سمعت كلامها وكان ودها الارض تنشق ولا تسمع ان فهاد الليله راح يمسي عند هند....وش بقي فيه القلب مكان ما انوجع فيييه


على المسا انجبر فهاد انه يروح يمسي عند هند الا انه اول مادخل للبيت ظل جالس بمجلس البيت طلعت له هند وهي متزينه وجلست قباله

هند:مسيييك بالخير يافهااااد

كان حاسس بغصه تخنقه وهو يفكر ان المها هالحييين وكاد تدري انه ممسي الليله اهنيا

هند:ماودك اتحجي معي يا فهااااد

فهاد:زينيلي افراااشي اهنيا ودي امسي هنا

قامت هند بكل غيض:قلتلك يا فهاااااد انا مهب المها مهب المها

قام فهاد ومسكها من يدها وهو يحجي معها بصوت باين فييه الغضب والقهر:وانا يابنت الاجوااااد ماتجبرني حرمه على هواها بالغصيبه

تمسكنت حينها هند:ليييه تقول كذا يا فهااااد انا مابغيت الا اني اخليييك تنسى هواها انت يافهاااد من بعد ما طلقتها معااااد بقاااادر على رجعتها المها صارت امر منت بقااادر بيوم تقدر ترجعها وانا ودي اكووون العوض يا فهااااد لجلك ولجل راااحتك

تركها فهاد وبعدها الغصه بصدره:اجل اتركيييني اتركييييني لحااالي ويصييير خير من بعدها

هند:زييين راح ازين لك الفراش وراااح اصبر يا فهاااد لين ماتجي لحاالك


.............................................



بنصاص الليل صحيت البدور وشافت ليث نايم قريب منهم ومايفصله عنها الا العيل اعتدلت جالسه وناظرت بالمغاره وماكان حد حولهم حست برجفه

بعدها التفتت لليث كان شكله غييير وهو نايم ومقرب برااسه قريب من العيل والي ماكانت تدري عنه البدور ان ليث طول الوقت وهو شايل العيل يهديه لين ماينام لجل يتركها تنام وترتااح

فتح عيونه وشاف انها صاحيه وهي جالسه نط جالس:ترييييدي شي؟؟

ناظرته وصرفت نظرها لقدام من غير ماترد عليييه

قام وجاب طاسه بها حليب وقرب جالس قريب منها

ليث:خذي اشربي

البدور وهي تناظره بنظرات كره:ماريييد اتركني لحااالي

ليث:لزوووم تشربي لجل العيل

البدور وهي تهم توقف:خذه واعطيييه انت

واول ماوقفت حست بدوخه وجلست بسرعه وهي تحط ايديها على راسها

ليث قرب منها ومسكها:وش فيييج وش الي يوووجعج؟؟

البدور بعصبيه:قلتلك بعد عني واتركني

ليث:زيين زييين مير اقعدي ولا تفكري تقوومي من مكااانج انا رااايح اشوووف وحده من الحريم لجلج

طلع ليث ولقي قوت وعتاب وعبله وقماد جالسين قريب النار سهرانيين

عتاب:وش عندك يا خوووي؟

ليث:قوووته تعااالي اشوي

قوت:يا جهد البلا ودك اياااني انا؟!!!؟

نطت عبله:ودك اياااني اجي انا يا خوووي؟؟

ليث بنفااذ صبر :تجي وحدتن منكن

الثنتين لحقن ليث ووصاهن انهن يشوفن البدور وش اتريييد وطلب منهن انهن يقنعنها لجل تشرب الحليب

طلع ليث وجلس قريب من عتاب

ابتسم عتاب:اويلاااااه تحيد يا لييث يومن انك تقولي ياخوووي حنا وش لنا بالحريييم حنا ورانا ثااار ولزوووم نخلص منه هذا حنا ابتلينا بيهن وماندري وش انسوووي لجلهن

قماد مؤيد:اييييه يا خوووي حتى انت كنت تقووول لي كذا وهذا انت والقوته ما تفااارق عييينك وانا يومني كنت اتسلى ماكااان يجوووز لكم


ليث كان مشغول باله بالبدور واصرارها انه يبتعد عنها وشلووون وده يخليها تتقبله

ومرت عليهم ثلاثة ايام البدور اصبح العيل ياخذ كل اوقاتها وهي تحس بسعااده تكتمها من وجوده معها وكان ليث ملازمها وماكان بينهم اي حديث كان ينام جنبهم واكثر اوقاته بالليل يشيله ويتركها تنام كانت اتحس براااحه من وجوده معهم وهو موفر ليها كل حاجه اما ليث فالعيل كان شي ابد ماخطر بباله انه يكون فيوم بحياته ومسؤل عنه كثير كان يناديها بام راكان وكانت تتجاوب معه بالنظرات

عتاب كلم شوق وقال لها انها حره وانه وده يعاود بيها لقبيلتهم مير تصبر عليه كم يووم لجل ايرتب احوالهم وانتقالهم من الجبل ذا وبالفعل ارحلو من الجبل ذا لجبل ثاني كان اكبر ومغاراته كثيره وكانو ناقلين فييه الذهب والسلاح

سعد كان على حاله يحس ان فكره مشوش.. مرااات يذكر الي مضى كله ويعزم انه يعاود لديرته.. ومراات يحس بتعب وان كثير اامور مايذكرها عتاب طلب منه انه يرتااح ووعده انه راح يشوف طبيب يعطيه اعشاب تساعد على ترجيع عافيته وذاكرته بشكل اقوء

من بعد لعصير جلس عتاب مشغول بحاجه بيده تخص السلاح وجت عبله وجلست جنبه واخذت تساعده بحكم ان زوجها من قبل كان راعي اسلاح وهي تفهم بالامور ذي

وطووال الفتره كانت عبله اتحجي معه عن رجلها الي مات وشلون كانت احوالهم وعتاب عجبه حجيها وتونس بيه حييل .. واعجبه اكثر.. الشغلات الي كان يجهلها كانت اتقولها له

من بعيد كانت عيون قوت تناظرهم وهي تجهز العشى ومعها شوق الي بدت اتميل لقوت وتساعدها بالي تريده

اما قماد فكان يجلس اكثر اوقاته مع سعد ويشوف وش يريد

قام عتاب ومشي رايح لجهه ماكان فيها حد

غير قوت الي كانت تجمع الحطب وتحطه فييه

ابتسم ليها وصدت عنه وهي مقهوره

تعجب منها عتاب وترك الي بيده وراح ناحيتها لاكنها همت انها تتركه ومسكها من يدها

عتاب:على وييين يانظر عيييني

قوت وهي تبعد يده:اتركني اتركني وش اتررريد مني وانت متونس مع الحرمه تسولف عليها

عتاب ضحك:انا اسولف عليها !!!؟؟تراها هي الي تسولف على وسوالفه حبيتها كثيير

قوت وهي تسحب يدها من يده:اتركني اتركني وخلك معها

سحبها بالقوء ولفها بيديه وهو يضمها لصدره

عتاب:وش الغييييره ذي الي اقتلتج

قوت تفاجئت بالي يسويه واخذت تحاول تخلص حالها منه:عتاااب اتركني اتركني وش الي قاااعد تسويييه


عتاب:يعني لزوووم مني بكل مره اذكرج اني رجلج

قوت وبدت تتضايق من الي يسويه:زيين زيين مهب اهنيا العيووون كلها علينا

تركها عتاب وهو يناظر بعيونها:اسمحيلي ترااني مراات انسى حااالي وودي اني اضمج بين الضلوووع

قوت واخدودها ولعت من الخجل:للا ودك اياااني انسى الي كنت تسوييه من قبل اشوي وانت جالس تسولف معها

عتاب:يا وييييلي وكاااد انج تغااااري؟؟؟

قوت:انت تدري انه ماودي اياااك تناظر حد غييري

عتاب:والعييين ابد ماتشووووف غير القووووت...اقووول يا قوووته اليوم انتي زااايده من الحلا وش الي جد فيييج

تركته واحمرار وجها باين له ومشيت وهي تشيل الحطب رايحه للنار

من بعدها وعتاب طوال الوقت وعيونه تتبع قووت وهي تحس بالخجل من نظراته ومن بعد ما انتهو من العشى جلس عتاب بمكان بعيد يفصل بينه وبين الي جالسين حول النار صخره كبيره


الجبل كان عباره عن كهف كبير مفتوح نصفه للخلا احجاره من فوقهم تغطيهم ومفتوح من قدام وتتبعله مغاره كبيره وين ماكانت البدور فيها اما البقيه فكان اكثر جلوسهم قدام باب المغاره وين الاحجار الكبيره منتشره

مرت قوت ومسكها عتاب وجرها لجل تجلس معه

قوت:عتاااب

عتاب:تعااالي واجلسي معي ماودي شي اهنيا ترانا قريبين منهم

قوت وهي خجلانه:للا حنا اهنيا محدن يشوفنا

عتاب:زييين ليييه خايفه احنا جالسين معهم مير تفصل بيننا وبينهم الصخره ذي والي وده يمشي من اهنيا لزووم يكون كاشفنا من ويييش انتي خااايفه

قوت بتردد وخجل:وش انريييد نجلس الحالنا خلنا نجلس معهم السوالف مع قماااد زييينه وتونس

عتاب:ايييه ما ودج اياااني اسولف مع الحرمه وانتي ودج تسولفييين مع قماااد

قوت:ايييه عتاااب انت تغااار؟؟

عتاب:وليييه ما اغااار مهب حرمتي

قوت بابتسامه:زيين زيين هذا انا معك وش ودك تسولف لي

عتاب وهو جالس اتكى على يده وهو يناظرها ومد يده وسحب الشال:بالاوله ودي اياااج تخلعي الشال ذا

غمضت قوت عيونها وهي تحس بيده تتخلل شعرها

قوت بهمس:للا للا يا عتاااب حنا قلنا نجلس نسولف بس

تركها عتاب وهو يتمدد ويشبك ايديه ورا راسه:زيييين نسوووولف



عند النار ماظل حد غير عبله وشوق وقماد الي كان يناظر عبله وهو مبتسم

قماد:يا وييييييلي ويلااااه اليوووم المسا غييير غييير

عبله ضحكت وهي تفهم لكلام قماد وتدري انه راعي نسوان

عبله:وش الي تغير اليوووم بالمسا؟؟

قماد وهو يقوم ويجلس قريب منها:كل شي اليوم فييه تغير هو الي يجلس ورفيقه القمر ما ودج ايااه يكون مسااه غيير صحيح ان الجو فييه غيم مير ماعلييينا خله بحاله

ناظرت شوق ناحيته وهي تدري انه يعنيها بالغيم ورجعت تناظر قدامها

شوق"والله انه بجح وقليل خاتمه الله ياخذك انت وهي معك"

ظل قماد يسولف مع عبله متجاهل شوق الي جالسه بالطرف الثاني من النار وهي تحس بنااار بصدرها عليه من قله الادب بحجيه مع عبله الي كانت تجاريه بسوالفه



البدور بالمغاره صحيت وحست بانفاس قريبه منها انتبهت حينها ان في يد مطوقه خصرها وشخص نايم وراها شهقت وهي تريد تجلس واعتدل ليث بسرعه وهو يتكي على يده ويناظرها

ليث:وش فيييج

البدور:انت انت انت وش اتسوووي اهنيا؟

ابتسم ليث وناظر العيل الي لقيه اليوم نايم بمكانه:هو خذا مكاني وانتي مكانه وانا مالقييت الا مكااانج

كانت اتريد تجلس وهو مانعها من الجلوس:عاااودي وناااامي

البدور:لييه ما ودك تتركني بحااالي؟

ليث:زيين ودج ايااني انااام بعيد عنج انا رااايح اقووم مير خليييج قريبه من راكاان

زفرت البدور بغيض والتفتت عنه لجهة راكان وهي تمد يدها وتطوقه

ظل ليث يناظرهم باستمتاع ورجع وعاود ينام مرتن ثانيه من غير مايبدل مكانه الا انه كف يده عنها




عتاب وهو يناظر قوت الي كانت سانده جسمها على صخره:ما ودج تجي وتحطي راسج على يدي

وبعدها اشار لصدره:او اهنيا

قوت بابتسامه:للا

سكت عتاب وظل يناظر للسما والنجوم:اقووول يا قوووته

قوت وهي تلعب بخصايل شعرها:وش اتريييد؟

عتاب:صحييح ما ودج تجيبي لي عيل؟؟

احمرت اخدودها وهي تسب فيه بخاطرها لانه بس يريييد يحرجها

قوت:للا للا ما ودي وش لووون اجيب عيل من بعد ماشفت الي يصير للحرمه يا ويييلي انا مقوء على شكت الشووكه تريدني اتوجع كل الاوجااع الي جتها للا ما ودي

عتاب بخبث:زييين اجل ارخصيييلي اعرس حرمتن ثااانيه

ناظرت قوت عتاب بغيض:اعرس انت وشف وش راااح يصير لك انت وهي

ضحك عتاب بصوت عاالي ومسكها من قبل لا تقوم وتروووح وهو يراضيها




قماد:ايييه الغيم اليوووم ابد ثااابت ما وده يحرك من مكااانه

عبله:ارجاااك يا قماااد تراااك هلكتني من الضحك

قماد:زييين وش راييج ببيتين من القصيييد

عبله:تعرف تقصد يا قماااد

قماد:اييه اعرف مير انا بوادي والقصيييد بوااادي

عبله :ههههههه اجل قل وش عندك

قماد وهو يحرك رموووشه وشعره بعده نازل على جبينه:زييين لجل عيووونج يا عبله راااح اورجيييج وشلووون راح اقول لج البيتييين

عبله :وانا اسمع

قماد وهو يفكر:ايييه ..اسمعي...

لجل عينن ناظرتها ودي احرك جنووون القصيييد بخاااطري

واكتب من القصيد بيتين اوصف فيييه ناعم الخد الي فتني

ضحكت عبله بصوووت عالي:هووو ذا القصيييد يا قمااااااد ههههههههه

قماد:ايييه تريثي علي والله ان ودي اقووول القصيييده مير امهليييني

عبله:ههههه للا للا ما ودي اسمع شي يكفي الي قلته

شوق كان ودها تقوووم وتبتعد من المكان وهي تحس بالنااار تشتعل ازووود ورااعي قصيييد بعد

قام قماد ومد يده لعبله وهي مسكت بيده وقامت

قماد وهو يغمز بعينه:يالبيييي الناااس الفاااهمه

مشي قماااد وهو يحثها تمشي معه الا ان صوت عتااب وقفه

عتاب:وييين ودكم اتروووحو يا قماااد؟؟

وقف قمادوهمس:يا جهد البلا هذا من وييين جاااي؟؟

التفت قماد لعتاااب:اهنيا اهنيا يا خوووي ودنا نشم هوا

عتاب وهو يمشي لناحية النار:اهنيا الهوا زيييين

قماد:يا خووي وش فيييك حنا هوااانا غييير

التفت بسرعه قماد وجرا بسرعه وهو ماسك بيد عبله الي جرت ورااه بعد وهي تضحك

قربت قوت من عتاب:شفت شفت الحرمه ذي انا قلييبي مهب متريح منها ابد رجالها ميت وماعليييها كل شوي مع واحدن من الرجاال

ناظر عتاب قوته بطرف عينه ومشي عنها وظلت قوته تنكت بمكانها


بمكان بعيد جلس قماد وهو يضحك انه قدر يهرب من عتاب وطلب من عبله تجلس قريب منه

جلست قريب منه وهي تضحك

قماد:هاااه ودج ايااانا نكمل بيتين القصييييد

عبله:ههههههه ايييه نكمل

شووق من بعد ماراااحو راحت لفراشها وانكتت فييه وهي تحس بوجع ماتدري وش هو سببه وظلت تبكي ببكا مكتووم


طلع ليث خارج المغاره من بعد ماسمع شهقات كانت تحاول شوق تمنعها وسال عتاب وش فيها

عتاب:الله ياااخذك يا قمااااد وكاد الي سواااه اوجعها مير المهبوله وشلووون تتولع فييه من بعد كل الي سوااه فيها
................................

باليوم الثاني ناظر ليث شوق الي كانت جالسه بمكانه ومافاارقته التفت للبدور

ليث:ودي اشييل ركان شوي وجااايبه

قام وركان بين ايدييه وقرب من شوووق

ناظرته شوق وهو واقف قريب منها ونزل وهو يمد به ناحيتها

ظلت شوق تناظره

ليث:تدريين ان في صلة قراابه بينكم

ناظرته

شوق:وشلوون؟؟

ليث:جدتج عطاويه وانا اذكر زييين انها كانت عمتي اخت لابوي كانت تزورنا كثير وتجييب لنا عطايا كنت حينها صغير مير اذكرها زييين

شوق:انت تقرب لابووي حييييل

ليث:ايييه..... زييين والعيل ذا بعد يقرب ليييج شوووفي هقوتي ان عويناااته شبييه بعيوونج

ابتسمت شوووق وهي تناظر راكااان:صحيييح؟؟

ابتسم ليث:خذي امسكيييه

اول ماجت شوق تمسك بركان كانت البدور الي ماعجبها حديثه معها ناطه عندهم وماخذه العيل

ليث بغضب:وش الي قاااعده تسوووينه ليييه اخذتي العيل؟؟

البدور:هذا ولدي انت وش تريييد منه؟

ليث وهو يقرب منها:وتراااه ولدي

سكتت البدور وماردت علييه وسكوتها ذا مرااات يقهره

ليث:هاتييه

البدوروهي تبعد عنه:للا

ظل ليث يناظرها اشوي ومن بعدها طلع وتركها


لاكن شوقه منعه انه يظل كثير برا طالع ورجع مرتن ثانيه من بعد ماقااامت شوق وطلعت لخارج المغاره

قرب منها وهي ترضعه وصدت بجنبها عنه للجهه الثانيه ابتسم وتمدد قريب منها ظل يناظرها ومن بعدها مد يده واخذ يلعب بنهايه خصايل شعرها الملامسه ظهرها

لين ماغطت عينه ونام التفتت تناظره وهي تدري انه نام لانه بالليل كان طوال الوقت جالس معها وهي ترضع راكان هي تدري ان روووحه تعلقت كثييير بالعيل وماتدري لييه هي ساااكته عنه ومتقبله الوضع



ناظرت شوق عبله الي كانت جالسه تسااعد عتاب كالعاده بتنضيف السلاح ومن بعدها راحت تدور قوته

وظلت شوق مع قوته تساعدها كالعاده وتسالها عن البدور هل هي زوجة ليث ولا اييش

مر من وراهم ليث الي كان طالع من المغاره وسمع حجيهن وتوجه حينها لفرسه وركبها وغاب عنهم

بعد حوالي الساعه رجع ليث ومعه شييخ يملك

عتاب:من ذا يا ليث؟

ليث:ودي املك على ام راكااان...ما ودي ولدي تكون امه معبوده

عتاب هز راسه موافق على حجيه

ليث:قوته خلي البدور تجي لجل الشيخ يملك بي عليها

دخلت البدور للمغاره :يا خيه قووومي

وناظرت ناحية العيل وشافته نايم:زيين انه نااايم قومي يا خيه العطاااوي وده يملك عليييج

البدور بنظرات استغراب:وش اتقووولي؟؟

قوته:ال العطاااوي ليث ابو ركااان وده يملك عليييج ويقووول تعااالي بالخااارج معه الشيييخ الي يملك

ظلت البدور تناظر قوته وبعدها صدت عنها وهي تلم ملابس العيل الي جابهن ليث والشالات الي معهن

قوته:يا خيه ماودج تجيييين؟

البدور:للا

قوته بصوت واطي:عووووذه لييه ما ودها

طلعت قوت وقالت لليث بان البدور ما ودها

قام ودخل عليها وظل واقف يناظرها:ما ودج تقوومي لجل نملك؟


البدور ظلت على حالها ترتب بالملابس

ليث:تراااني احجي معج ما ودج اتقووومين؟

التفتت له:للا ما ودي ودك اتغصبني بعد

ليث:ما ودي راكان العطاوي تكوون امه معبوووده

البدور:وانا مهب معبوووده لحد قريييب اعاااود لديرتي وان كااان ودك بالعيل خذه

تماسك ليث عن لا يظهر غيضه

ليث:اتركي عنج الهرج ذا وقووومي لجل نتملك

البدور باصرااار:ما ودي

ليث:ليييه صااايره عنييييده قلتلج انا ما ودي رااكان تكوون امه معبوووده

البدور:اتركني لحااااالي

ليث:زييين خليييج على هووواج ....وانا مثل ماقلت ماودي راكان تكون امه معبووده وانتي اعتبري حالج من اليوم حره

ابتسمت البدور وهي صاده عنه وظلت على حالها

طلع ليث وتعذر للشيخ حينها تلاقت نظرات قوت بنظرات عتاب

قوته بارتبااك:ااا انا ودي اروووح اشوووف العيل وامه

وبالسرعه غااابت عنهم وهي رااايحه للمغاره

ظل عتاب يناظر باب المغاره الي اختفت منه قوت وراح بعدها مع ليث يودعون الشييخ


كان حينها ليث يحس بضيقه ونار تنهشه ركب فرسه هو بعد وغاااب

قرب قماد من عتاب وهو راكب فرسه ونزل منها

عتاب:وين انت من الصباااح؟

قماد:يا خوووي من البااارح وانا اشووف رجال تدور حولنا واليوووم انا تبعتهم ودي اشوووف وش سالفتهم؟؟

عتاب :وليييه ماقلت لي؟

قماد:حسبت انهم مارين مير هم اليوم بعد عاااودو

عتاب:الحال ذا ابد ما يطمن لزوووم نسوي شي ونطلب لنا عووون لجل ان انغزينا يكون اهناك من يساندنا ..زين يا خوووي خل بااالك انت للمكان وانا ودي اغييب يومين اشوف من اقدر اجيييب لجل ايكوون معنا

عاود عتاب لجل يقول لقوته انه راح يغيب ولقيها عند واحد من ابواب المغارات الي فيها الذهوب والسلاح

ناظرها عتاب باستغراب:وش اتسوووين اهنيا؟؟!!!؟

قفزت قوت:هااه وووش اسوووي كنت جااايه ادور البنت شوووق مدري هي وين راااحت؟؟

عتاب وهو يناظرها بنظرات غريبه:البنيه بالخاارج ومعها عبله

قوت:ايييه زييين هالحييين اروح لهن

اول ماخطت قوت ماااشيه مسكتها يد عتاااب بقو

التفتت له وهي ترجف وتناظره باستغراب جرها ناحيته وطوقها بيده

عتاب وكان صوته غريب متشكك من شي:وهالحيييين وش رااايج وحنا بعيييد عن عيووون الكل

قوت ارتبكت وبدت ترتجف وهي تبعد ايدين عتاب:عتااااب انت وش فيييك؟؟

عتاب:وش تعتقديييين يكووون فيييني؟؟

ابتسمت له:اقووول يا عتاااب

بعدت قوته ايديه عنها بالغصيبه

قوت وهي تركض مبتعده عنه:ترااااك انجنيييت

ظل واقف وبعدها طلع ومر عليها وهو يقول:انا رايح ومعاااود باذن الله بالمسا

قوت وهي تلحقه:وييين ودك تروووح؟؟

ركب عتاب فرسه:معاااود معاااود باذن الله خلي بااالج ياقوووته من العربااان الي عندج


ظلت قوت تناظره لين ماغاااب وبعدها التفتت لشوق وعبله الجالسات

ابتسمت عبله:من زمااان هو رجلج؟؟

حطت قوته يدها بوسطها:وش تقصدي ياحبة عييييني؟؟

ضحكت عبله:ههه ابد ماقصدت شي

قوت:ايييه تسنعي بالحجي ولا تراااني اعرف وشلووون اسنعج

هزت عبله راسهابالطاعه وهي مشغوله بالي بيدها

طوال اليوم ليث ماجا عند البدور رغم انه كااان مشتاااق حيييل لركان الا انه بعده خاطره ضايق منها ومن رفضها

الليل حل وعتاب ماعاااود وقوته جالسه تنتظر...ليث ظل جالس مع سعد الي كان عازل نفسه عن جلستهم وهو يحس انه ماوده بالجلسه وفيها حريم

اما قماد فكان كالعاااده جالس يسولف مع عبله وهي تضحك على سواليفه وشوق جالسه بمكانها وعيونها بالناار وسرحااانه كانت نظرات خفيه يناظر بها قماد شوق وهو ما وده حد يحس بنظراته ذي لها بالصباح عاتبه عتاب ان البنيه باتت تبكي ويمكن انها متولعه فييه حينها ضحك قماد من الفكره الي طرت ببالهم ونهى انها تكون صحيحه


شوق بالفعل كانت تحس باحاسيس غريبه تشدها له وماودها تشوفه جالس يهرج ويسولف مع عبله وكانت تناظر النار وتعيد ببالها كل الي كانت تسويه بالراعي وكيف كانت تعامله وكاد انه تاذى منها كثير


بانصاف الليل فتحت البدور عيونها وماشافت ليث بمكانه اعتدلت جالسه يمكن انه يكون نايم جنبها لاكن بعد ماكااان موجوود جلست وهي تحس بحالها وحيده وخذت راكان وجلست ترضعه انشغل بالها ياتراى هو وين هالحييين؟؟ وليييه ماجالجل يشووف راكااان؟؟

بعد ما ارضعته حطته بمكانه نايم ورجعت تنام وكل حين تفتح عيونها تناظر ان جا وراكان اليوم كان يصحى كثير وابد ماحست حالها نامت كل شوي يصحى ويبكي

البدور:وش جاااك اليووم انت تريييده؟؟ وهو ابد ما سال عنك

سكتته وقامت رايحه تطل على الي جالسين قدام المغاره عند النارتلاقت نظراته بنظراتها وهو كان قلبه معلق بباب المغاره ولمحها صد بنظره للنار وعاااودت هي بسرعه لمكانها

ظلت جالسه وهي تعتقد انه وكاد راح يدخل عليها لجل يشوف وش تريييد مير هو ما جا ولا جاحد بعد

حاولت انها تناام مير النوووم جافى عيونها لين ماحست ان الاصوات بالخارج هجدت وشافت شوق جايه ورايحه لفراشها الي كان بطرف المغاره بعيد اشوي عنها وصاااد

تقلبت وتقلبت وماقدرت تنام

قامت وراحت تشوف ان كان حد بعده صاااحي ولقيته هو وعبله ومحدن معهم

البدور"خسيييس جالس معها

طلعت البدور وناظرو ناحيتها وقام حينها ليث اعتقدت انه راح يمشي ناحيتها ويسالها وش اتريييد مير هو التفت عنهن ومشي باتجاه يودي لفوق الجبل

انتبهت حينها البدور لقوت الي كانت جالسه على جنب وشكلها كانت تتنتظر

قوت:هقووتي ان عتاااب الليله مهب بمعاااود

فكرت البدور ان ليث يمكن يكون منشغل باله على ليث حينها عاااودت للمغاره ونامت

ومر اليوم الثاني من غير مايعاااود عتاب ومن غييير مايطل ليث على البدور الي كانت تغلي وتحس حالها متضايقه من احساسها انها مفتقده وجوده معها...هو زعل خله يزعل

ومرت الليله الثانيه والبدور تتقلب بفراشها وحتى انها تركت راكااان يبكي ودها تشوووف ان كان يقدر يمسك حاله بعيد عنه

لاكن ليث ماقدر وهو يسمعه يبكي قام وطلب من شوق تروووح معه

قربت شوق من البدور الي ناظرتها

شوق:الليث وده يشيييل راكااان تسمحي

جلست البدور وهي تحس بوجع بقليبها وناظرت شوووق:وش الي يمنعه!!!!!!؟؟؟؟؟

ناظرت شوق ناحية ليث الي كان واقف عند باب المغاره ونظره تحت

بلعت غصه كانت بحلجها وفهمت انه لجل انه اعطاها حريتها ماوده يتعدى على حرمتها وجاااي يستسمح لجل يشووف راكااان

حطت البدور ايديها على وجهها واخذت تبكي

ليث من سمع صوتها تبكي طلع من المغااره وهو مايدري وش صااابها

شوق حملت راكاان واخذت تسكته والبدور قالت لها انها تبكي لجل ان راكان من يومين مايرضى يتركها تناام

شوق:زييين اظل انا معج واشيييله عنج اشوي لجل تنااامي

تمددت البدور وغطت حالها وهي تحاول انها توقف من دموعها ..."لييييه صرت كذا ليييه صرت ماقوء على شي هذي مهي من طبااايعي كله منه هو الي خلا حااالي كذا"



........................................



على الصباااح وصل عتاب والكل كان نااايم ورااح للمغاره الي فيها الذهوب والسلاح انصعق من الي يشوفه الجراب الي كانت مليانه ذهوب خاااليه اما جراب السلاح بعدها موجووده

عتاب وهو يدور :ووين راااحت الذهوووب وين راااحت؟؟؟!!؟!!!؟؟؟؟؟

صار يدور مثل المجنووون ويقلب كل الجراااب ومالقي شي:وييييييين رااااحت من الي بااااقها؟؟؟؟؟

طلع بسرعه ورااح للمكان الي تنااام فيه قوت ومالقيها

صرخ على عبله الي كانت طالعه من المغاره:قووووته ويييييين بالمغاااااره؟؟

عبله باستغراااب:للا يا خووووي نايمه بفرااااشها

عتاب بغضب مقد شافه حد:مهي بفرااااشها؟؟؟

التفت واخذ يصرخ بصوووت عااالي :قمااااااااااد ليييييييث

عبله بخوف:قماد والليث خذو الرجال البارح للديره الي حولنا عند الطبيب كان مستوجع كثييير من راااسه

التفت ناحيتها:خذوووه للديره وقووووته ويييين؟؟؟؟؟؟؟؟

عبله:مدري يا خووووي؟؟


.....................................



كان سعد يرتجف من الغضب ومن وجع راااسه الي يحس فيييه ليلة البارح خبره قماد عن كل الي صااار للمها من اول يوم جت فييه للديره عن شرطها وعن رد فهاااد الي ماعجب سعد وخلااااه يغلي من الغضب وهو يردد ايخسي الخسييييس ايخسي الخسييييس والله انه مايسواااا ظفرها لجل ايردها كذا

حاول معه ليث وقماد يهدووونه لاكن ماقدرو وهو يصارخ ويتوعد لين ماحس ان راااسه وده ينفجر عليييه وطاح عليهم فاقد الوعي

المها كانت كل شي حلو بحيااة سعد كان يشوفها شي كبييير ولها معزه وغلا كبيربقلبه حس بوجع من الكلام الي سمعه ومن حالها الي صارت فيييه من بعده




وبالفعل كانت المها حينها تتجرع الوجع من الي يصير لها وهي تشهد وتسمع كل يوم هند الي من تدخل بيت العمه وهي تحجي عنها وعن فهاااد

كانت تسمع عن فهاد الي تتكلم عنه هند انه انسااان ثاااني غير الي عرفته...وكاد انه يتغير ومعه وحده بزييين هند ومايربطه بيها شروط وعهوود تبعده عنها.....لزوووم ترحل من الديره ولزووم تكلم عمها الشيخ ابو طااايل قعااادها مامنه فااايده وهي طليقة اولده لزوووم ترجع لديرتها وتبعد حالها عن ناااار حبها من فهاااد


....................................


اخذ عتاب يدور بالمغاااره مثل المجنون وبعدها سمع صوت قوت بالخااارج طلع لها وهو مايشوووف شي

عتاب بنظرات ارهبت قوت اول ماشاافتها:ويييين كنتي من الصبح؟؟؟؟

قوت:هااه كنن كننت عند الغدير

مسكها عتاااب من يدها بالقو وهزها:وييييين الذهووووب؟؟؟؟؟؟؟؟؟؟؟

قوت بنظرات متفاااجئه:ذهووووب ذهووووب وييييش؟؟؟

عتاب وهو يشد عليها بالحيييييل:اسمعييييني زيييين انا مهب هبيييييل لجل تااااخذيني على قد عقلي ..وييييين الذهوووووب؟؟؟

سحبت قوت يدها منه بالحيييل:اتركني انت وش قاااعد تقووول ؟؟؟

عتاب بصراااخ:وييين الذهوووب؟؟؟؟

قوت بصراخ:وانا وش يدريييني؟؟

حينها ماحست قوت الا بحراااره تلهب وجهها من الكف الي جاااها وطيرها لجل توقع على الارض كانت ضربه خلت انفها يسيييل من الدم

انقض بعدها عتاب عليها ومسكها وهو يسحبها لجل توقف مواجهه له

من بين اسناانه كان يكلمها:وييين الذهووووب تحجي ولا والله انج تشووفي شي ابد ماجا ببالج وييين الذهوووب؟؟؟؟

قوت:قلتلك مدري؟

عتاب هز قوت:لاخر مره اقووول لج وييين الذهوووب مابه حد نيته وبغيته من البدااايه الذهووب غيييرج ...انتي اتحسبيين اني غشيييم عن كل الي تسوييينه وتدبرييين لجله هاااه

قوت وهي تحس بالالم من مسكته:ارجاااك يا عتاااب

عتاب:من البدااايه ماكااان لج مطلب تلحقييينا الا لجل شي

هزت راسها بلااا

عتاب وغضبه يزيييد:وش مقصدج من انج توافقي على جيزه مهي بحقيقه هاااه وش مقصدج من تمثيييل دور الزوجه الي تحب وتغااار ودلعها كل حييين يزيييد

كانت قوت تتالم ودموعها بدت تنزل

عتاب:ولا تقوولي انج ماكنتي تدرييين انها جوااازه كذب لانج قدرتي من بعدها تحمييين حاالج مني وانتي تقدمييين لي كل حييين عذر لجل اتركج بلحااالج..اتحسبيييين اني مافهم للي تسوييينه

والي نااااويه تسوييينه ..انا كنت بكيييفي تااارك لج كل شي وودي اشووف لوووين ودج تاااصلي مير انج تستغفلينا بلمضة عييين واتسوووين الي تريدينه وبعدها تنكري للا يا قوووت مهب عتااااب الي انتي تحسبييينه

قوت وهي تبكي:انت ليييه ما ودك تصدقني قلتلك مدري عن شيييي

عتاب وهو يهزها بعنف:كذووووب انتي كذووووب وانا مراااح اخلي شقا العمر كله يضيييع بسباااايبج تحجي وقووولي وييين ارسلتي الذهووووب تحسبييين اني مدري عن الرجال الي لقيتيهم امس عند الغدير وماجبتي لحد طارييهم تحسبي اننا غااافلييين عن كل الي يدووور حوالينا
..
قوت:كانو يسالو عن عشبه تنبت بالجبل


عتاب :كذووووب كذووب ودي افهم لوين ودج تاصلييين معي بكذبك ...انتي بليه ابتليييت فيها من اول يووووم

وكنت داااري والله اني كنت داااري يوم انج انتشبتي فينا ومارضيييتي تتركينا لحااالنا قووولي وييين الذهوووب؟؟ وكاد انج استغفلتي الجميع يوم غابو

مير انا مدري وشلوووون قماااد وليييث يتركووون الجبل

ليث:عتااااب وش الي يصييير؟؟

التفت عتاب الي كان الغضب معميه:وش الي يصييير انهبنا انهبنا وام الخبث ذي ما ودها تقووول انها السبب بالنهيبه

ناظر ليث وهو يقرب بخطاويه قوته المنهاره على الارض

ورجع التفت لعتاااب:وش انهبت يا خوووي؟؟

عتاب:الذهوووب كلها انهبت ..وادري انها هي الي انهبتها كنت حاااسس من البدااايه بالي تريييد تسويييه مير تماااهلت معها كثييير

قماد وهو نازل من حصانه ونظره بعد عند قوت:الذهوووووب عندي

التفت الجميييع لقماااد ونظراات عتاب تهدد ان كان يكذب علييه

تقدم منهم قماد:اييه الذهوب انا نقلت مكااانه البارح لمكااان ثاااني مايقدر حد يوصل له خفت من سالفة الرجال الي يحوطو حوالين الجبل

عتاب وهو متفاااجئ:وش اتقووول؟؟؟ ....

رجع والتفت ناااحية قوووت الي كانت تمسح دموعها والدم الي يسيل بقو من خشييمها ومن ثمها اشوي

تقدم عتاب من قماد وصرخ عليه:انت متوكد من الي تقوووله؟؟؟

قماد وهو يشيير ناحية المكان الي يقصده:ايييه متوكد

ومشي قماااد وعتاااب يلحقه وهناك كشف قماااد عن الذهوووب وكانت بمكانها

ظل عتاااب واقف واحساااس بالراااحه انه الذهوووب موجوده وبنفس الوقت احساااس ثاااني خلااه متضااايق من الي سوااه

عاتب عتاب قماااد وقاله قماد الاسباب الي خلته ينقلها وهو اعتقد انه راح يقول له اول مايرجع

رجعو للمكان الي كان الكل واقف فيه قوته وعبله وشووق وليث

ناظرت قوت ناحية عتاب وقماد ونظرها للارض:لقيتو اذهوووبكم؟؟

سكت عتاب ومارد عليها وهو يحس باحساااس يخنقه

التفتت لقماد وهي تكتم عبرتها:لقيتووها ياخوووي؟؟

هز قماد راسه باييه

قوت وشفايفها ترتجف والدم يعاااود ينزل مرتن ثااانيه:زييين اجل انا بريه من ذهوووبكم

وانا ابد ما جيييت معكم لجل كذا ..انا كل الي جااابني معكم ذا

واشااارت لقليبها

قوت:اهنيا شي كان يقول لي ...اني راااح احصل الامااان معكم وبالفعل انا لقيييته ...انا حااالي من حااالكم مالي ديييره ولا اهل ولا عزوووه والديره الي كنت فييها مهي بديرتي وابد مافقدني حد فيها يوم اني مشيييت ورااكم...

ناظرت عتاب:ارجاااك تسمحلي ان كنت اشغلت بااالك بالي كنت تفكر فيييه عني ....من اليوووم ريح بااالك

تركتهم حينها قوت ومشت مبتعده وهي تعاااود تمسح الدم الي يسييل وكانت متوجهه للسيوووح

غمض عتاب عيونه وهو يضرب بقبضة يده جنبه مقهووور من حاله

عبله وهي تلحقها:على وييين يا خيه؟؟

قوت:ارض الله واااسعه معااد لي اقعااااد اهنيا

التفت ليث لعتاااب:ودك تتركها يا عتاااب ترحل؟؟

ظل عتاب ساكت وهو واقف بمكانه ويناظر عبله الي كانت تلحق قوت تحاول انها تخليها تعاااود لاكنها ماقدرت

حينها ركب قماد فرسه ولحقها واخذ يحاول معها وهي تمشي متجاااهله حجيه

عاود قماد من بعد ماقدر ليها واخذ ينتظر من عتاب يسوي شي وهو واااقف يناظرها وهي تبتعد

!! !!
!! !!
!! !!

ودمتم وديمه

ياريييييييييييييييييه والله بارت مؤلم مسكينة قوتة الله يصلحك ياعتاب قهر والله

اما قماد اكرهك والله رغم كراهيتي لشوق الا والله اني رحمتها عاد خلاص يكافيها اللي اها

احلى شي اللي صار بين ليث والبدور زين اللي عرفت قدر المسكين ليوث

هند اه يارب تاخذها

شكرا غاليتي ابدعتي

اخ الظلم شين
والاحسااس بالظليمه اشين

تشمر ورجعه يااعتاب

وع عبله وش ورا راسه

بنتظااارك عوفيتي