السلام عليكم..
واللله مالي خلق للرد الحين..بس اتوقع ان اللي يفكر فيها الليث غيث هي قوت.. بما انها حرااميه ولصه حريفه اتووقع انها سرقت منه شي وهوو يبي يرجع هاللي سرقته؟؟؟ يمكن هي سرقت الذهب والفلووس اللي كانوا ياخذونها من القباايل عقب مايغزونها؟ يعني هي اكتشفت المكان اللي يخبون فيه الغنايم وعشان كذاا لطشت اللي هناك وهو عارف انها حرمه وشايفها بس من اي عرب هو مايدري..
لي عوده بالرد اذا الله احيانا.. يختي ياا ودوم انا من اشووف هالغيث علوووووووووووووويم ترجع وراااء لثلاث سنوات مااضيه لغيثــ (ن ) ثاني.تهي تهي تهي...
اتمنى اننا نشووف نهااايه مفرحه لليث غيث . وهـ بس الله يعينه على مابلاه ويعني على مابلاني>>فيس مايدري وش صااير له هاليومين.

السلاااااااااام عليكم..
ياحي الله عيال العطااوي وشيختهم وديمه.. ياهلا ورحب وياهلا ورحب..تفضلوا تفضلوا لعندنا دووم ارجااكم ارجاكم ماتغيبوا عنا جثييييييييير .. اليوم وبجر نسمح لكم بس عقب باجر تكونوا هان حدنا .. خلاص حنا مانقدر نستغني عنكوا ...>>فيس تعب من كلام البدو..هخهخهخه
ودوووووووووووووووووووم.. مرحباااااااااااااا مليارااااااات بالحاااااااااااااااامل والمحمووووووووووووووووووووووول.. نوورتي ليلاااااااس انتي وعيال العطاااااااااااوي فرداا فردااا من جبيرهم لصغيرهم نسواانهم ورجالهم..
اعذريني ودووم على التأخير بالرد بس خبرتس اختبارات والمزاج مرررررررره فووووووووووق وعشر مراااااااات تحت واللي حظه حلووو ينزل اجزاائه ومزاااجي يكون حلوو>>فيس مزاجي..هخهخهخه
ادري الحين تقوولين زارا طالبه كسووله بس معليه السموحه ياا ابلااا النوبه هذي النوبه الجايه ياخيه بكون بحول الله اول الحظور ..>>فيس نوى خلاص..هع
اقووووووووووووول ودوم تعالي اقربي ..اقربي بعد شووي بوشوشتس باذنتس شوويه وماا ابي احد يسمعنا.. الحين انا مب قاايله شوق لغيث ليش بتخربين توقعاتي؟؟>>فيس يوشوش وهو ماهمه الا توقعاته..هخهخهخهخه
احلى شي بالجزء .. طووووووووووويـــــــــــــــل العمر الشيخ فهاااااااد وهو متصرووع من الخرعه على المهاا.. ههههههه .. هذا وانت تووك مالك الا يومين معها .اجل عقب اسبووووووووووووع وش بيصير لك.؟؟.هخهخهخهخهخه
نجي عاد للمهبول قماد.. اللي هو صراحه مهوووب امهبوول ابد.. الا هو الخبث بعينه وعلمه..
قماد: انت بيكون لك قصه مع وحده من قبيله الشيخ حماد.. بس مع من ما ادري للحين يااا العطاوي..
لكن الخوووف انك تتهور فعلااااا وتقعد تغزل ببنات الديره اللي انت فيها وهنا عاد بتفضح كل العيال اللي معك..بس اسلووبك اسلووب الفتنه هذاا يااهووو اقوووووى الف مرررررره من الف سيف ومليوون بندق..مو قلت انك خبيث وخطيييييييييير..>>فيس يغمز لك ..

قوووووووت : يااا البووااااقه علامج هيج مسوويه بالربع اللي اكرموج وحفظوج من الضياع.!!. علامج ماتصووني المعروف وتفعلي فعايلج هذي كلها.؟. انتي ماتعرفي ان اللي تسااويه مايدل الا انج قليلة اصل..؟>>فيس بدوي يهاوشها وتعب..هع
الحين انتي من العطااوي ؟.. والحرمه هذي اللي انتي عندها هي اخت اللي ربتس .. يعني هي ماتقرب لتس ؟؟ وانتي تعرفين ان انتي مب من هذي القبيله والا لأ؟؟ والاهم من هذا وذاااااك تعرفين ان انتي من قبيلة العطاااااااااوي والا بعد لأ؟؟؟ انتي صااحبه العيون القريئه اللي يشووفها الليث غيث بالفناجيل وبالسمااء وبالارض بالغدير وبكل مكان يروح له.. بس وشلوووووون شافتس؟؟ بقولتس انه ماشاافتس الا بموقف انتي لعبتي فيه عليه وسرقتيه.. وش سرقتي منه الله اعلم بس الرجال يبي حقه يرجع له؟؟ بالاول كنت اقوول انتس يمكن عرفتي المكان اللي يخبون فيه غناايم الغزو بس بعدين قلت لو انتي ماخذتها والا سارقتها كان بعد قماد وعتيبه بيعرفون هالشي وبيتفقون انهم يورونتس الويل..بس اللي شاايل الهم هنا هو الليث غيث برووحه..يعني انتي ساارقه منه هوو شخصيااا شي .!!. يكون قلبه..؟؟>>فيس يفكررررر..هخهخهخه
تدرين عاد ماراح استغرب لو كنتي بنت عم عيال العطاوي..يعني اتوقع يكون بينكم قرابه..وانتي بنت شيخ قبيلة العطاوي اللي مات ..
نجي عاد يااا الدبيه لتس .. انتي حراميه من الطراز الاول.. وبعد بحجة غيااااااااااااب من النوع الثقيل يعني من اللي بيشك فيتس ورااعيه الحلال اللي انتي لطشتيه موجوده عندكم وبعد تعطيتس وصفات لتخفيف الوجع..؟؟ياقلبي عليها.. حجيه ياحبة عيني انتي والله رووحي رووحي شووفي حلالج رااح .. الحراميه ام عيون كحيله لطشت ذهبج وانتي لاهيه بالسوالف مع العجوز..>>فيس سوى اللي عليه.. هع

شوق : اممممممم انتي حماره راكبه فرس.. هع.. شووفي ياا شووق دلوووووووع انتي دلووووووووع واجد بقوول الليث غيث.. وشكله ماجاب خبرتس يعني انتي مب تبع الليث غيث انتي تبع عتيبه هوو اللي بيكون لتس معه قصه.. شووفي يااا شووووووووق اتووقع والعلم عند الله.. انتس بتشوفين عيال العطااوي وهم رايحين يغزون وحده من القبايل وانتي بتسمعينهم وهم يذكرون انهم عيال العطااوي وهذيك السااعه انتي اللي بتطيحين بحب عتيبه وبتحاولين انتس تحسنين من اخلاقتس معه>>فيس مخرف..
المهم تعليم عتيبه لتس على الفرس هالشي بيكون له دور كبير بعلاقتكم مع بعض..

الليث غيث وعتيبه: للحين ماافيه شي واااضح من ناحيتكم غير انكم رجال حرب وغزوو وبس وفيكم حزن..الله يعجل بقصتكم لانها بتشعل لنا الروايه...هع

طوويــــــــل العمـر الشيخ فهاااااد والمزيووونه المها..
يااااااااااااجهد البلااااااا من حااااالك يااشيخ.. كل هالحوووسه وعشاان جمره صغيره لسعتها.. ؟؟ اجل الذيـــــــــــــــــــب وش بتسوووي لو شفته عندها؟؟هخهخهخهخه
اتووقع انك اذاا وصلت للمها بتلقى الذيب عندها صحيح بس بتلقاها ذاابحته وصالخته وجالسه تصووور معه..هخهخهخه او بتلقاه عندها وهي فاختها نوومه وماتدري عن هاللي يحووس جنبها..
او بتلاقهااا جالسه بزاويه الشق وهي ترااعد ومن تشووف انت الذيب بترميه وهي تنط بحظنك>فيس مخرج مسلسلات بدويه..هع هع هع
الحين انا اللي بي اعرفه انت متى بترووح تدور على سدحاان؟؟؟ وابي اعرف وش بااقي الشرووووووووط.. ؟؟ لاني حااسه ان باقي الشروط بترفع لك ضغط بس يمكن تووسع صدوورنا..هخهعهخهخهخه
وانتي المها هاتي اشووف عطيني فنجال عشان انا بعد احكم على قهوتس>>فيس يشرب قهووه..
أيــه زوييييينه مابلاها شي.... طيب تعرفي تسااوي كبتشينوووو؟؟هههههههه

شوفي يالمها شكل الشيخ حبتس وابوه وعمته بعد.. وهالاثنين ابوه وعمته شكل بينهم كلام كثييير واناا خاطري اسمعه..>>فيس ملقوف..
يمكن ابووه مبسووط باللي سواه وشااف ان خطته نجحت بسرررررررعه ماتوقعها من لما شاف اهتمام فهاد فيتس.. بس الحين الحل وش بيكون عشان سالفه الحلف اللي حلفه لما يذبح ذباح اخووتس؟؟؟ يمكن يطلقتس عشان حلفه ويرجع مره ثاانيه ويردتس بنفس اللحظه اللي طلقتس فيها...؟؟؟ ويمكن يلقى له شيخ ولد حلال يفتي له بحل لهالحلفه اللي ماكان لامها داعي..
المهم ان كل واحد فيكم قليبه يدقدق من يشووف رفيقه.. وهالشي بصالحنا ..هع

ودوووووووووووووووم مكثوورة الخير ياابنت الاجواد على هيج جزء..
تدرين ودووم في قناة فواصل يجيبون مسلسل بدوووي وفيه ممثل اردني اسمه روحي الصفدي>فيس جالس كم يوم يرصد مقدمه المسلسل عشان يقفش اسم هالممثل اللي ماقفشه الا بعد ثالث يوم لانه ما يلحق على المقدمه من اوولها....هخهخهخه .. والله الحين كل ماقريت مواقف فهاد اتخيل هالممثل.. مع اني حااسه ان فهاد احلى منه....
مشكووووووره يام حمد على هالاجزاااء الحلووه اللي من نقراها تنعووج السنتناا على طوووووول ونتكلم بدوووي..هخهخهخهخهخه
بانتظاااار باقي قصه وديمة العطاوي واخوانها عيال العطااوي اذاا الله احيانا بكل شوووق .فلا تتركين انتظارنا يطوووووووول يالشيخه يابنت الشيخ..

تسلم الايااااادي وديمممممممه مبدعه دوماَ
بااااارت خطير يعطيك العافيه..
غيث..والي دايم تطلع له وتختفي اتوقع انه قوت ويمكن هي دايم تطلع له على شان يكتشف انها حراميه وانها بعد بنت عمه او من بنات قبيلته الي مابغى منها احد..
قوت..ليه طيب تسرق وش المقصد من السرقه انتقام لقيبلتها ولا..!!
المها فهاد..احلــــــى اثنين ..حلاته تشتاق لشخص وهو قريب منك وهـ بس فهاد نار الشوق مولعه فيه حلاله مايقدر يطوله المها عجبته وخذت كل تفكيره وقلبه لكن هي صعبت عليه بشرطها ..
هذا لسعه صغيره وطرت لها ..! اجل صار شي كبير وش بتسوي..!
اتوقع الذيب يدخل خيمه المها لكن هي تكون مب موجوده فيها ريحه بيت العمه وهذا يطير عقل فهاد يخاف ان الذيب اكلها..
ابو فهاد وعمته عرفوا ان فهاد تصرفه يدل على محبه للمها..
شوق وعتيبه..هالبنت متهووره وبتجنن عتيبه معها ..بس ليه عتيبه يتلثم جنبها وهو يسوي نفسه راعي ..!!يمكن تكتشف انه من عيال العطاوي ..!؟ اتوقع ان يفتح الثام وشوق تنهبل عليه ويعجبهاا

ديمه تسلم الايادي في انتظارك بكل شوق غاليتي

محبتي للجميع وكل الشكر على تواصلكم الجزء اليوم صغير وارجو السموحه وان شالله معوضين الجزء الياي يوم الاربعا ان شاء الله

فرسان على جمر الغضى

الجزء الرابع



دخل فهاد الي كان يسابق الريح وشاف الي ماكان يريد ايشوفه المها لامه فراشها لصدرها والذيب على مسافة خطوتين منها وتشوفه وهي مرعوبه

صوب فهاد الباروده على الذيب وطخه طختين خلت الذيب ينرمى على ورا ميت وبدا حينها صريخ المها

فهاد بتردد قرب منها واخذها لحضنه يهديها وهي تصرخ تناديه باسمه ترتجف وهو يلمها اكثر ويقول الها ان الذيب مات خلااص

دقايق والمها ترتجف بحضنه ومتمسكه فيه بقووهو يحس انه بعالم ثاني من قربها وهي ناشبه بصدره وتحيط خصره بيديها....حس بعدها انها هديت اشوي والتفت للذيب وهو شاك ان المها وكاد سمعت دقات قلبه الي صارت صامه اذونه مثل ما يتخيل..حاول انه يقوم لجل ايطلعه للخارج الا انها تشبثت فيه بالحيييل

اهنيا حس بمشاعر ثانيه وهو يبتسم

فهاد:راجع يالمها ودي اطلعه للجماعه بالخارج

هزت راسها بلا وانها ماودها تتركه وهي بعدها ترتجف من الخوف

فهاد:ما هقيت انج تخافي هالكثر

المها برجفه:انت...ليييه ....تركتني ....لحااااالي

فهاد:ماكنت ادري ان الذيب موجووود والحمدلله اني لحقت عليييه

المها:لا تتركني يا فهاااد ارجاااك لا تتركني

فهاد وهو مايعرف وش الي يصير له رد عليها بصوت حنين:والله اني راااجع مير لزوووم اطلعه للخارج

وبشويييش بدت المها تتركه وهو يستعد يوقف...ناظر عيونها الخايفه وقام وهو ناوي يطلعه ويرجع لها

بالخارج كانو الرعيان والفرسان واقفين وطلع لهم فهاد وهو يسحب الذيب

تراكضو ناحيته خايفين من الي وده يقوله

فهاد:الحمدلله لحقت عليه قبل لا يتهجم عليها

الكل قال الحمد لله والتفت عتيبه يلوم الرعيان كييف انهم ما انتبهو للذيب يوم يدخل القبيله التفت لفهاد واعتذر منه وانها ان شالله تكون اخر مره

هز فهاد الهم راسه وبعدها خذو الذيب وراحو

التفت فهاد وده يرجع للمها لاكنه انتبه لحاله اخيرا

فهاد"انت وييين ودك تروووح يا فهاااد انت ناااسي الي بينك وبينها...ناااسي انك من بعد ماتاخذ بثارها ودك ترجعها لديرة ابوها...يا جهد البلا

بخطوات متردده دخل الشق عندها وناظرته وعيونها تحثه يقرب منها لجل ايحسسها بالامان

فهاد وهو واقف بعيد عنها:الذيب امره انتهى ومعاد تشوفيه مرتن ثانيه...نامي وانسي امر الذيب

التفت لجل ايروووح

المها:ودك تتركني يا فهاااد؟

التفت ليها:انا رايح المجلس اهنيا ودي انااام

المها:وتتركني لحااالي

فهاد:قلتلج الذيب انتهى امره

المها:كود انه يرجع مرتن ثانيه

فهاد:وشلون يرجع وانا ذبحته قدامج

المها:يمكن تكون له انثى تدور عليه ارجاااك يا فهااااد لا تتركني لحالي الليله خلك قريب مني والله اني احس بالخوف يرجف بعظامي ارجاااك

ناظرها وشاف نظرة عيونها الخايفه

فهاد:انا اهنيا ماني ببعيد

المها:اجل اجي واجلس جنبك ما ودي بالنوووم

فهاد:تعوذي من ابليييس خلاااص اجييب فراشي واجي

راح فهاد وهو متوتر من الي يصير معه ومع المها وش اخرتها يعني

فرش فراشه بعييد عنها وبدا يفك حزامه وسلاحه والمها بفراشها تناظره...تمدد بفراشه والتفت ناحيتها وكانت تناظر لجوانب الخيمه وهي خايفه اعتدل بجلسته

فهاد:المها لييه كل ذا الخوووف الذيب انتهى امره

ناظرته:مدري ما بحياااتي شفته ولا.......وبنبره قريبه على البكا..... كااان وده ياكلني يا فهااااد والله ان قليبي وقف يوم شفته

فهاد وقليبه هو الي وده يوقف"سلااامة قليبج

فهاد:تطمني اوعدج انج ما رااح تشوفيه مرتن ثانيه نااامي وامني

تمددت المها وعيونها تناظره وهو يناظرها من بعيييد حس انه ما يقدر يشوفها اكثر والتفت للجهه الثانيه يحاول يقنع اعيونه وقلبه ينامو

بعد ثواني نط فهاد وهو يحس بحركه جنبه ومسك السلاح لاكنه انتبه انها المها كانت جاره لحافها جنب لحافه

المها وهي تناظره:انا خااايفه يا فهاااد

كان وده انه يلمها لحضنه ويطمنها اكثر مير انه رجع وحط راسه وهو يناظرها وعن قرب اكثر من اول سحرته ازود وهي قريبه حييييل منه ظلت عيونه تناظر كل ملامح وجهها من قريب حس انه سكر من قربها

غمض عيونه ونام على صدره وهو صاد للجهه الثانيه وبعدها بشوي حس بيدها تمسك بواحد من اصابع ايده الممدوده جنبه ما يدري ليييه اختبص حاله شبك ايده بيدها وضغط عليها بالقو لجل ايحسسها بالامان وهو ينطبخ على جمر مادريت عنه المها


..............................................

في خيمة الرعيان كان الذيب متمدد جنبهم جثه بدون رووح وعيونه تناظرهم

قماد وهو يظرب الذيب على راسه ويكلمه

قماد:رايح لخيمة مرة الشيييخ يا المخبووول هاااه مرة الشيييخ ...انت وش مفكر حااالك هااه

اتحسب الديره مافيها رجاجيل هااه

ورجع يظربه على راسه ..عتيبه هزراسه بلاحول ولا قوة الابالله من حال اخووه

عتيبه:يا قماااااد اترك الذيييب عنك تراااك رجيتنا

قماد يناظر عتيبه وشعره من قدام مغطي عيونه:انت ليييه ما ودك اياني افهم المخبووول

عتيبه:هو لوكان حي جلست جنبه كذا؟

قماد:ولييه لا...... تحسب اني خايف منه

عتيبه :قمااااد ودك اذكرك النوبه الي فاتت يوم اتهج وتتركنا مع الذيييب

قماد التفت للذيب:تسمع يقول اني هجيييت يعني ثارك عندهم مهب عندي هم الي قتلو خويتك

قام عتيبه :قم قم انقلع من اهنيا انت ودك اترجني اليوووم قال خويته قال يحسب ان كل شي لابد له من خويه

زفر غيث الي كانت عيونه تناظر عيون الذيب وعيون كحيلة العين ترسم بعيون الذيب

قام وسحب الذيب لبعيد ورجع لجل ايحط راسه ويناام




.................................
اول ما قام فهاااد التفت للمها وشاف انها نايمه وهي تحضن طرف اللحاف تذكر ان النوم ما جااه الا بالساعهات الاخيره كان حاس بيها وهي كل شوي تجلس وتناظر اطراف الخيمه

تتوكد ان ماجا شي وكان يموووت يوم ايحس انه تقرب منه وتحضن ايده بالكامل بدال كفه

مير انه مسك حاله وتجاهلها لجل ما يصير شي يندم عليه

فهاد وابتسامه تلوح بشفايفه"هالحييين نايمه يالمها من بعد ما طلع الضو

رفع فهاد صدره وحيله متكي على ايدينه وهو يقرب منها وينفخ خصلااات شعرها الي متناثر على وجهها ظل ايناظرها من قرب اكثر ووده لو شفايفه تلامس خدها

فهااد"يا جهد البلا وش الي قاااعد يصيرلي

نط فهاد بسرعه وهو يطرد كل الي يتمناه واخذ سلاحه وحزامه وطلع بالسرعه للمجلس

.صحيت المها وماشافت فهاد جنبها اكيد ماحست به وهي طووول الليل صاحيه وخايفه


قماد كان يمشي يحوش الحلال وتلاقى مع الشيخ طايل الي نادا علييه

الشيخ طايل:انت يا ولد ترعى الحلال ذا

قماد:ايييه يا عمي

طايل:خويك عتيبه وين رااح؟

قماد:طلع مع الشيخ فهاد من طلعة الضو وهو جااي وكاد هالحيين

الشيخ طايل وهو يحك لحيته ومحتااار:ايييه ...اسمع يا ولد اترك الحلال اهنيا ورح مع بنيتي من الجهه ذي هي ودها تتدرب على ركوب الفرس ودي اياك تكون رفيق الها

قماد وحس بقليبه فز لاكنه تذكر ان عتيبه وكاد راح يانبه لو رااح:بس انا ياعمي الشيييخ رجال اخاااف ومقدر ابعد عن الديره اخااف يجينا حد من قطاعين الطرق

الشيخ طايل:مابه قطاعين طرق اهنيا انت بس رح وخلك متواجد قريب منها ما ودي اياك تسوي شي

قماد:وو والحلاال يا عمي

الشيخ طايل:الحلال ماعليه شر بالمرعى وانت تقول ان عتيبه بيعاود هالحيين

هي بس ساعه يا ولد وبعدها عاودو

قماد:الي تشوفه يا عمي

راح الشيخ طايل ونادى على بنيته شووق الي قربت منهم وهي على ظهر الفرس ولان شوق وحيدة ابوها كان مدلعها حيييل وكل الي تبيه يتنفذ

شووق:يبه انت كل يوم ودك تخليني اطلع مع واحد من الرعيان

طايل:يا بنيتي الرعيان ماعندهم وقت وكل اوقاتهم مشغولين والي احصله فاضي اطلعج معه

ابتسمت شوووق وهي تشوف قماد الواقف بثوبه القصير ومتلثم

شووق:يبه تدري اني من زمااان كان ودي اشوف وشلون هي النخله مير هالحييين الرويعي ذا وفا عن شوووفهااا ههههه

الشيخ طايل:يا بنيتي وش الهرج ذا؟

شوق وهي تدور بالفرس حولين قمااد وهي تضحك: وش بك يبا تراااه الا رويييعي خلنا نوسع صدورنا عليييه انت ماتشوووف شكله اقووول يا نخله الحقيييني ههههههه

ركضت الفرس بشوووق وناظر قماد الشيخ الي كان مبتسم وهو يناظرها تروووح

طايل:الحقها يا ولد

قماد وهو يلحقها"رويييعي ونخله هذا والله شين جديد مير بعدج ماعرفتي قماااد يا بنت الشيييخ"

ركض قماد وراها وكان ركيضه عجييب قدر انه يلحقها بالسرعه وقفت شوووق ودارت بالفرس حوليه

شوق:وكل ذا يطلع من رجيلاااتك وش السرعه ذي الي تركض بيها

قماد:اا ااا انتي امااانه يا عمتي ولزوووم الامااانه ما تغيييب عن عيييني

شوق وهي تضحك بصوت عاالي:ايييه ما دريييت اني مرافقه غزاله ...غزاله ولا نخله هههه الحقيييني الحقيييني ياغزاله

لحق قماد شوووق وصار يركض قريب منها وهي كل ما التفتت وراها شافت انه مهب بعيد عنها حاولت تسرع اكثر وتتركه

وقفت الفرس والتفتت له وكانت متضايقه انه ملازمها وما فارق عنها

شوق:اسمع انت ما ودك توقف من لحاااقي اتركني لحالي

قماد:للا يا عمتي ما اتركج لحالج انتي امااانه من عمي الشيخ

شوق:ايييه وش هالبليه..اسمعني زييين رح واجلس فوق التل ذا وانا ودي العب بالفرس شوي

قماد من اول ماشافها انهبل عليها وعلى ضحكتها ...هز راسه بلا

قماد:مقدر يا عمه لزوووم اكون معج

شوق انقهرت منه:ايييه انا ودي العب بالفرس خلك بعيييد عني

قماد:العبي يا عمه وانسي اني اهنيا

شوق:تراك مهبووول وماتفهم لحجيي انقلع اقعد فوق التل

قماد يهز راسه بلا:للا

شوق وهي تركض بلفرس:الله يوخذك

كانت تناظر على جنب وهيه معصبه حدها منه وهو يلحقها بكل مكان

وقفت الفرس الي رفعت حوافرها لفوق والتفتت له صرخت عليه

شوق:اسمعني زييين تراك اتعبتني والله ان ما تركتني لحالي اني اشكيك عند الشييخ تفهم

قماد :ايييه يا عمه انا خايف علييج ما ودي الفرس تاذيييج

شوق:وانت وش تقدر اتسوي؟؟هبيييل انقلع من قدامي

تركها قماد وراح عنها مسافه صغيره وجلس يناظرها

ابتسمت شوق :هالحييين ودك تشوف وش انا اقدر اسوي

فكت الشال الي على راسها ورمته لبعيد قماد انهبل ازود من زينها الي فتنه حييل

قامت شوق وحاولت انها توقف على ظهر الفرس لجل تخلي الفرس تمشي بها وهي واقفه قماد انجن من الي تسويه ووقف بسرعه وتداركها قبل لا توقع وطاحت بحضنه على الارض انقرفت شوق منه ومن ريحته الي كانت بسبب المرعى

اعتدلت شوق بسرعه وكانت معها جربة مي صغيره معلقه على طرف واحد من اكتافها نزلتها وبدت تضربه بيها

حط قماد ايديه حاجز من ظربها وهي تضربه وتسبه

شوق بقهر:كله منك انت..انت الي خوفت الفرس وش الي يخليييك تنط قدامها هاااه

قماد وهو يحاول يتفادى الضرب:يا عمه ياعمه هونج بي انا والله مقصدي انج ما توقعي

شوق:انت هبييل هبيييل ماتفهم والله اني اشتكييك عند الشيخ ابوي

قامت من بعد ما فكت حرتها بيه بالضرب ومشت للفرس

قماد كان نفسه يضحك بصوت عالي مير انه كتم ضحكته وهو مبتسم من تحت لثامه

ولانه كان قريب من الفرس وجالس على الارض اول ما شافها جت تركب الفرس ظرب برجله رجل الفرس الي رفعت حوافرها لفوق ورجعت شوق وطاحت مرتن ثانيه بحضنه وهو كان يريد ذا

ثارت عليه ازود وجلست وهي تضربه ازود بالجربه

شوق:الله يوخذك الله يوخذك

قماد ما زاال يحاول يصد الضرب الي يجيه:يا عمه هونج علي انا ما سويييت شي

شوق:انقلع انقلع من قدامي الفرس ما ودها فييك

قماد ولازال حاطط ايديه متفادي اي ضربه منها:زيين زييين يا عمه

قامت شوق وهي مقهوره منه وظلت تناظره بغيظ

قماد سحب حاله وهو يزحف على ورا

قماد"يا ويلي ويلااااه وش هالبنيه والله انها ناويه تهبلبي اجل انا قماد تضربني بنيه ...ماعليه اضربيني وسوي بي الي ودج اياه

راااضي يا بنت الشيخ

ركبت شوق الفرس وركضت بيها لبعييييد وقماد صار يلحقها حاولت انها تهلكه مير هي تعبت وهو بعده ماتعب

رجعت بالفرس وعاودت للديره وهو يركض وراها وقبل لا يوصلو الديره بمسافه وقفت شوق والتفتت له وهي مقهوره منه حييييل

شوق:شالي .....شفت شالي وييين

وقف قماد يلهث من التعب وهو متساند على ركبه بيديه:للا للا يا عمه

شوق:وشلووون وشلووون هالحييين ادخل الديره من غير شالي اسمعني زييين تعرف المكان الي وقعت فييه

قماد:ايييه

شوق:اجل عاود اهنااك وهاات الشال

قماد:ماقدر مقدر يا عمه انهد حيييلي

نزلت شوق من الفرس:خذ الفرس ورح جب الشال

قماد:ييييه يا عمه وانا وش يعرفني بركوب الفرس

شوق بغيض تحاول تكتمه:اسمعني زييين هالحييين تركب الفرس وتروووح تجيييب الشال

قماد:يا عمه

شوق وهي تضربه بنبته اقتلعتها من الارض:اركب الفرس اركب

قماد:ايييه زين زيين هالحييين اركبه مييير يا عمه وشلووون يركبووونه

شوق:اهنيا اهنيا حط رجولك وخذ ثقلك لفوق

قماد وهو متوهق كيف وده يركب الفرس..حط الرجل الثانيه وارتفع وركب الفرس بالعكس تحركت الفرس وانبطح عليها وهو متشبث فيها ورجوله واصله لرقبة الفرس

قماد بصراخ:يا ويلي ويلاااااه ياعمه ويييينج وش الي يصيرلي

شوق ما قدرت تمسك حالها من الضحك وصارت تنط على الارض وهي تضحك بصوت عالي والفرس رايحه به للمكان الي كانو بيه كان قماد يناظرها لانه جالس بلمقلوب ومبتسم

قماد"يالبي هالضحكه ...وش علييج اضحكي

من كثر ما ضحكت على شكله جلست على الارض

وصل قماد للمكان الي بيه الشال وخذ الشال وعاود وهو معتدل بالجلسه الا انه منبطح على الفرس ومتمسك بشعرها

اول ما وصل عندها رمى حاله على الارض وقعد يتوجع

شوق:والله انك مهبووول

خذت الشال واخذت تلفه على راسها بعدها ركبت الفرس وراحت تاركتنه وراها سند قماد راسه على ايده وهو يناظرها تبتعد للديره

قماد:يا ويلي ويلااااه والله انها دلوووع ويحق لها الدلع مير اصبري على وانا اورجيج الدلع وشلووون


...................................

في ديرة الشيخ حماد كانت العمه مع البدور تمشي رايحه ابها للغدير

البدور:يا عمه كااافي كااافي والله اني ماقوء

العمه:يا بنيتي حنا ما مشينا غير اشوي وشلوون تتعبي

البدور:يا عمه ماقوء احس بجسمي يرتجف ماقوء على السيير

العمه:هذا كله من جلوووسج بالبيت لزووم كل يوووم تمشي وتطلقي رجيلاااتج

البدور وهي تناظر حريم الديره باحرااج:يا عمه الحريم يناظرن بي

العمه:ما عليج انتي مرة الشييخ وما علييج من حد

البدور:للا يا عمه ماقوء على السير وما ودي اياهن يناظرن بي جذا ...وكاد هالحيين يناظرن بوزني وشكلي

العمه:يا بنيتي الحريم كلهن يحبلن وش الي يخلفج عنهن

البدور:نرجع يا عمه نرجع ارجاااج

العمه:الي تشوفيه يا بنيتي الي تشوفيه

..........................


دخل فهاد على المها الي قفزت من الخوف على دخوله

فهاد:بعدج خايفه؟

المها ونظرها لتحت:انت فاجئتني يا شييخ

فهاد:تعالي

قعد فهاد وجت المها وجلست قريب منه

فهاد:انتي تعرفين للسلاح يا المها

المها:وشلووون يعني

فهاد:تعرفي وشلون تستخدميه

هزت المها راسها بلا

فهاد:ولا للخنجر

المها:لا ماعمري استخدمت سلااح

فهاد:وشلوون ابوج واخووج ما علمووج على السلااح لو ما قدرت الحق علييج البارح وش تتوقعي يصير بج

ارتجفت وهي تذكر الذيب

فهاد ومن بعد ما حس انه رجفت لطاري الذيب وطى صوته معها:لزووم يا المها تتعلمي تمسكي السلاح

هزت راسها:ما اقدر اخاااف

فهاد:يوم تتعلمي لزوم ان الخوووف يروح

المها ظلت تناظر لتحتوهي تفكر بحجيه

فهاد:باقي لي يومين ثلاثه واروووح لجل اخذ بثار اخووج

وقف

فهاد:بالعصير ودي اخذج ونطلع للبريه بعيد عن الديره واعلمج كيف تمسكي السلاح وتستعمليه

رفعت نظرها له متفاجئه

المها:الذيب وده يعااود مرة ثانيه؟

ابتسم فهاد:لزوووم يا المها تتعلمي والدنيا مهب بس فيها ذياب

المها:مقوا على مسك السلااح....ارجاااك لا توجع راسك بي

فهاد:العصير خليج جاهزه

وقفت المها:ودك ترووح؟

التفت ليها:تريدين شي؟

المها:ا اا انت مترييد قهوه

تردد فهاد انه يجلس مير رجع والتفت وجلس:هاتي اقهوتج

ابتسمت المها وراحت للضو وين لقهوه وجابت الدله جلست اقباله وبعدها متبسمه فهاد حاول يصد بنظره من بعد ما هبلت فيه بسمتها

المها:لقهوه يا شيييخ

ناظرها ورجع يناظر لمكان ثاني واخذ الفنجال كان يدري انها تناظره وهو يشرب لقهوه

كانت اتشوف عيونه الي تلمحها اشوي وتصرف نظرها لمكان ثاني ..ما وده يناظرني

المها:ازيييدك يا شيييخ

انتبه فهاد انه شرب فنجاله وما اعطاها اياه وهو سارح

قام بسرعه وهو يذكر حاله بالي بينهم :ودي اروووح لمجلس ابوووي لا تنسي تكوني جاهزه

تركها وراح وهي تناظره لين ما غاااب



...........................................


غيث:يا عتيبه لزووم نغزي الديره باكر ولا ورااه

عتيبه:ما عليه بالاول نشوف احوال الشيخ فهاد لجل نقدر نطلع.....وبنية الشيخ طايل بعد ودها من يطلع معها كل يوووم

قماد:انا ما ودي اطلع معها من بعد اليوووم هلكتني ومعاااد بي حييييل

ابتسم عتيبه:اييييه انت تحجي جذا

قماد:ايييه وانا وش انا عندها راعي مغير رح اهنيا ورح اهنيا انا ما ودي اطلع معها نوبتن ثانيه

عتيبه:لااا ودك تطلع معها ومحدن راااح يطلع معها الا انت

قماد:يا خوووي اليوم مسكت حالي مير نوبتن ثانيه مقدر

عتيبه:والله انه يكون اخر يوووم بحياتك ان فكرت تسوي الي تريده

قماد:ما ودي اطلع معها

عتيبه:باكر نشوف من الي يطلع معها

......................................................


وقف فهاد فرسين قدام بيت الشعر ونادى على المها الي طلعت وتفاجئت بالفرس

فهاد:جاهزه

المها:ودك اياني اركب الفرس؟

فهاد:ليييه وش بيها

المها:انا يا شيخ مقد ركبت الفرس وانا اخاااف منها

التفت الها متفاجئ:وش اتقولي مقد ركبتي الفرس لييييه يا المها وشلووون كنتي عايشه ذي امووور لابد منها

المها:يا شييخ انا كل كائن حي اخااف منه ويوووم كنت بالهودج كنت ارتعد من الخووف

تقرب منها فهاد لين صار واقف قدامها وهو يناظر بعيونها

فهاد:وش الهرج ذا....لزوووم تكوني فارسه وتمسكي السلاااح الدنيا دواره

نزلت نظرها تحت مستحيه من قربه وكيف كان يناظرها

فهاد:وشلووون ودي ارووح وانتي ماتعرفي لركوب الفرس ولا السلاح

المها:انتــ....انت ليييه عاصب راسك بي يا شيييخ

فهاد:مهب مرتي؟

المها:اييه مير... انت.... قلت ....انه ودك ترحلني

فهاد:ايييه حنا اتفقنا على هالشي وانتي الي حديتيني عليه مير ما ودي تكوني جاهله بامر السلاح

التفت عنها وهو متوتر

فهاد:اسمعي ....

صعد على الفرس ومد ايده لها

فهاد:تعالي

هزت راسها بلااا

فهاد:هاتي ايدج ...اليوم اعلمج على السلاح وبااكر على الفرس هاتي ايدج

ترددت بالبدايه وبعدها مدت ايدها وجرها لفوق لجل تجلس قدامه ورجولها على جنب تشبثت فيه بالحيييل لين ما طوقته بيديها وراسها بحضنه

ابتسم فهاد ومشاعر دوخته صارت تعصف بيه وهو ينطلق بالفرس لوجهته


!! !!
!! !!
!! !!
وديـــــــــــــــــمه