بسم الله الرحمن الرحيم..
.
.
.
نظرة حقد 22..
.
.
مدخل
.
.
.

قالت قدر,,؟

قلت يومك تبيني..!

غصباًعن الدنيا يدك في يديني

لاتظلمين الوقت وش ذنب الايام

لاتظلمين الحظ لا تظلميني

غديت مابين الرجافيك والياس

هذا يبي مني وهذا يبيني

ان قلت شنت وخاطري طاب كذاب

وان قلت ابيك ارخصت نفسي بعيني

خيرني امري بين اصعب خيارين

موتي انا او موت الاحساس فيني

لكن زماني المر علمني اني

اموت ماحني لجل قلبي جبيني

والله ماتلقين حبي مع الناس

روحي وهالايام بينك وبيني ..!





(طلال الرشيد..الملتاع),,رحمه الله
.
.
.
بدايه
سَلامٌ تغار من شذاه الـ عَبيَر

‏ وَ رَحمَاتٌ ترفرف على قلوبُكمْ الطَاهِرَه
‎
‎َو بركاتٌ تعانق بياض تلك الارواح...

تحت آحدى الغيومـ يحلو هناك الاعتكاف..
على بساط ورقاً وقلمـ..
هُنْا فنجان قهوة سَـ يَنسَكبَ..
لينتثر معه..آحاديث طال صمتها..,,
شكراً..مداد قبائل من بياض الارواح..
لمعانقة قلمي لعذوبة تقديركمـ لبعض العيون..
شكراً لكل من مر.. و.. آهتمـ.. او.. ناقش ..او ..وضع بصمته هنا..لترتقي بعض العيون فـ ينسكب عليها تميزكمـ آنتمـ..ولمشرفاتنا كل التقدير لـدعمـ.. الا..محدود ..لـ ضمني بين الاهداب..
بارت اليومـ خفيف..قليل الدسمـ=)
كما يميز دائماً بارتات يومـ الاثنين لبعض العيون..قصيرهـ لكن تحتل آروقتها آحداث كثيرهـ..
.
.
لآتليهكمـ الروايه عن دخول وقت لصلاهـ..
.
.
.
طارق بـآبتسامه صافيه وعذبه\الله يسلمكمـ الحال يسر كل غالي..
ام الظبي بحب\وصحتك آن شاء الله انها بتمام وعافيه..
طارق يقلب نظرهـ في المتواجدات بحثً عن الظبي \بخير ياخالتي..
آم عروب \ماتجينا وماتزورنا ياخالتك وراك ..؟
طارق \بآقرب فرصه يا الغاليه..آهم شي الحين ان نحن سلمنا عليكم وتطمنت على كل غالي..
آم هنادي بـمداخله صغيرهـ\الله يطمن قلبك على غواليك..!
آبتسم طارق بـمجارهـ..لم يفلح في معرفة مكان الظبي..فبرغم تقليب عينه بمتواجدين لم يفلح..فـ المتواجدين با الاستراحه ماهم الا خالاته وبناتهمـ..الذي أغلبهم دخلو الى غرفه آخرى ..وتركو المجال فقط للمتزوجات من بنات الخال و الخالات الا ان شخص اخر تمكن من التمركز بمكان
هنادي بهمس\كيفك طارق..و..كيفها آمورك..ماصرنا نشوفك ابد..!
طارق \الله يسلمك..هذا انا قريب..
ام هنادي\لا والله مانتي بقريب مانشوفك الا بلمحات البصر ماتجينا وتسلم وناخذ آخبارك وتاخذ آخبارنا
طارق \قريب بذن الله لما يحصل وقت او فرصه...
ام هنادي\ عاد لآتخلينا تعرفنا نحبك ونغليك...
دخول الظبي في تلك اللحظه..
والتقاطها للطرف الحديث..
جعل ظاهرها قلعة لاتقهر..
و
داخلها
آعلاماً منكسه من الغيرهـ و..التوجس من تلك المراهقه و والداتها..!
آبتسم طارق وآعينه تلتقط دخول الظبي..
بـ آبتسامه\عن آذنكمـ..
ودعوهـ الخالات ..بدعوات قلبيه برزقه بـ الذريه عاجلاً غير آجل..
وتلك الدعوات ..
ماهي الا خناجر..
قتلة الظبي في كل وريداً ينبض..
عيني الظبي التي التقطت..آبتسامه خبيثه..جالت وصالت في وجه هنادي بعد خروج طارق
وهي ترفع طرحتها عن وجها..
آجبرتها تلك الابتسامه على دق ناقوس الانذار..
وهو الذي لمـ يهدئ لحظه..
فآحساسها دائماً يصدق..
وتلك الهنادي..
طارق هو فارس أحلامها..
تباً لها..
و
تباً له..

.
.
عطيتك × وطــن × "
" وعطيتني × منفــى ×"
.
.
البراق..
ماهي الا لحضات بعد خروج بتال من المكان...
للتتوسط هي المكان برتباك وآضح...
وصوتها الهامس المتضح له بأنه القاء سلام..
وقف برجوله تعشق تشبثها به \وعليكمـ السلامـ...
جلست بطرف المجلس بهدوئها..
والهدوء يخيم على المكان..
وصوت آنفاسها ..
يتضح له بمراقبته لها
سحابة آرتباك ..
تخيم عليها ..
وتمطرها..
بـ مئات الحبات من غيثها...
مآجمل الخجل..
حين يستوطن الانثى
ويرتسم بتهادي على تقاسيمها..
لكنه هنا..
يجهل سبب ذاك الخجل..!
لمـا تخجل..؟
اليست طبيبه..؟
ومعتادهـ على مخالطة الرجال..!
لما الخجل اذن..؟
آبتسم بخبث\كيفك ملـوك...؟
آبتسم على همس الرد الذي لآيكاد يصل الى آذانه...
عدة خطوات فاصله بينهم...
آبتلعها هو..[بـــ
ركل ( المركى )بخفه ليتدحرج بتجاهـا..
ويقبع بـقرب منها..
دقات قلبها تكاد تقف..
ولآتشعر بها...
ركلته في
المركى..!
آثارة جنون الخوف..
لم يعد خجلاً الان..
فـ
ذاك العناد
آقُسم
انٌه به مس من
الجنون..!
.
.
.
جلس على طرف المركى..
لتكون هي تحت آنظارهـ تماماً...
طرف الخجل منسدل..
فلآيبدى له من تفاصيلها سوى..ذاك الانف الشامخ ..
وتلك الشفتين الصغيرتين المكتنزتين..
آبتسم على شدها لشفتيها من شدة آرتباكها..
من ثم ظهور تلك الغمازهـ..الجميله بخدها الأيسر...
بشرتها آشربة بحمرهـ جميله..فاتنه..وحزن مخيم على التفاصيل..
وذاك الليل السرمدي المحتضن وجها وكتفيها ..
ولمـ تفلح تلك..< البنس بلمه>...يحتضنها ذاك السرمدي بحريرية قاتله...
آنفاسها المرتبكه..
كـ معزوفة آتقنها عازف ..
.
.
.
نظرات ذاك المجنون...
آوقفت دقات قلبي كلها.....
ماعدت آحتمل آسهمها ..
كيف للوقت يمضي ويفلتني...
آشعر برتباك جامح يأسرني هو بتلك العينين الغريبه...
يالهي لم آتوقع آن آكون في يومـٍ ماء بقرب منه بتلك الشدهـ..
شي ماء يفلح في جر آنفاسي لتكون..آسيرة لديه...
.
.
.
بهدوء\ملوك طالعيني...؟
.
.
.
لآجواب..
.
.
حماقه..!
آدخلت نفسي بها..!
وفلتان لسان ماعدت آتحكم به..منذو...
أن حجب ذاك السرمدي صف الرموش
القاتل والفتنه التي تسكن تلك العيون...
تدراك الوضع الان ضروره لآبد منها يـا لساني...
.
.
آبتسم بهمس\آسمك غريب..؟
من ثم آردف برقه يجهلها\من سماك..؟
.
.
كدت آختنق...
وذاك السؤال كاد جوابه ينفلت مني..
فتسقط كارثه..
على رأسي..!
فيمطرني بأسلئه ..
قد تجرح روحه آلآجوبه...
وآنا في غنى عنها..؟
.
.
لآجواب..
.
.
بطرف عيني راقبت حركاته المدروسه...
وهو يخرج من محفظته عملات نقديه من فئة الخمس مئه..
من ثم يطوق معصمي بيده العريضه المائله لسحنة أشبه بـ السمراء..
ويودع ذاك الكف تلك العملات النقديه..
برتباك مؤجج بـ الخجل\معااااي..
عناد غرق في ضحكه بسيطه\لو كنت آدري...كان قبل آسلم عليك عطيتك فلوس..عشان تتكلمين...؟
.
.
آغرقت نفسي في حرج آستحقه..

.
.
وقف و بهدوء\ماراح أخركم..حبيت آسلم عليك ..وآتطمن..
وقفت ملوك تتبعه بـ الخطوات المرتبكه لباب المجلس..
آلتفت بهدوء\ملوكـ..جوالك معك..؟
ملوك برتباك\فوق..
آدخل يده بجيبه من جديد وآخرج قلم، آنيق...آبتسم وهو يشد كفها البارد ويدون الرقمـ وآصابعها الرقيقه تحاول بتلقائيه ان ينالها باباً للهرب وبهدوئ عنادي بحت\شوي بس ..ترى ماآعض..؟
آنهى الرقم والابتسامه لاتفارق ثغرهـ..\هذا رقمي اول مااطلع دقي علي يتثبت الرقم..آشوفك على خير...
آبتسم مودع\لآتنسين..!
آبتسمت بهدوء وخجل\الله معك
.
.
عطيتك × وطــن × "
" وعطيتني × منفــى ×"
.
.
خارج الاستراحه بسيارة طارق..
عاصفه من التجريح دخلا فيها الاثنين..
وعندما يدخل التجريج المصحوب بغيرهـ..
فـ الوداع يكون من نصيب الاحترامـ المتبادل..!
الظبي بحدهـ\لآ..والله..وصل هذا والا ايش..ليه ماناديت خالاتي عند باب الاستراحه دام صلة الرحم فيك ...
طارق بحدهـ\تراك جننتيني يا الظبي بزر لآطارت ولآجلست في الاخير ..التفت لها ليش..؟
الظبي بتهكم\وش بزرهـ ..؟ماهي ببزر ولآآنت بجاهل..وحركات الاستغفال ماتجهلني ولآهي بجديدهـ علي...وهي ذابحها حب الزواج واي واحد والسلام..وانت ماعندك الظاهر اي اشكاليه..آرض خصبه ونفسك خضرا..!
طارق بعصبيه\ظبببببببببي..لآتجلسين تزنين على راسي وآدخل ها الفكره براسي بس عناد...ترى والله بسماه ساعتها ماتهميني..!
آبتسمت بمكابرهـ\وآنت ساعتها مانت بـ آكبر خسارتي..!
التفت بـحدهـ\لآتجربين صبري..؟
الظبي بعناد\ولآتجرب غيرتي...آنا ماهو نقص فيني آغار..لكن النقص فيك تلتفت لغيري..؟
طارق بعصبيه ومن بين اسنانه \والله العظيم لآندمك يا الظبي على كل كلمه الحين قلتيها...اذا ما آعتذرتي..والحين..؟
التفت الظبي بـ تعالي لشباك الجانبي..
والصمت خيم فجئه بعد تهديد طارق..
وطآرق اصبح كتله من الغضب تتحرك..
.
.
عطيتك × وطــن × "
" وعطيتني × منفــى ×"
.
.
آنطوت الايامـ ليمر أسبوعاً كاملاً على الجميع..,,
.
.
عينيه تتقلب في المكتب الفخم..
وبـأحدى يديه..أيطار صورهـ..ثبتت في مكانها في المكتب منذو اسبوع..
وبين عينيه في كل حين..صورة عبد العزيز..!
بأبتسامه\لو آعطيكم فصل نهائي..بصير شي..؟
البرود المتملك الشخصين القريبن منه\لآطال عمرك..مايحصل شي..لكن نرجع لوضعنا الطبيعي مع الوالد الله يطول بعمرهـ..
آحداهم هو ضخم البنيه..ليس بنيه رياضيه..
لكن طبيعة جسدهـ ضخمه..والاخر يميل لنحافه لكن بنيته الرياضيه تجعل جسدهـ ذا عضل...
لم يرفع عينيه الماكره فيهما آبداً..
بل بدى لهمـا وكأنه متشاغل بألاوراق آمامه\كم لكم مع جدي..؟
آحدهم\من سنين..من طلعتنا لها الحياهـ..
آبتسم\حسين..و..مترك..وبعدين..؟
مترك صاحب البنيه الضخمه\بعدين ..طال عمرك..آوامرك لنا..
ضحك برجوله \لآياشيخ..؟بتقنعني ..!
حسين بأبتسامه خفيفه قريبه من الدبلوماسيه\طال عمرك..ماظن تشوف منا الي مايعجبك..
آغلق الدوسيه ورفع نظره لهم\وانتمـ حاطين في بالكم مثلاً يحصل لكم تسون شي مايعجبني..!
حسين\آلعفو طال عمرك
وقف ياسر وبهدوء\على العموم..آساساً انا آحتاج لمرافقين آثنين معي دايم..ويكونون يعرفون آجواء الشغل..لكن معلومه صغيره وبسيطه حبيت ان تكونون تعرفونها..الي يحصل بـ المكتب يظل فيه..خيره لكمـ...!
مايدري عنه آحد...؟
ماظن آنكم بتخالفون كلآمي..!
ختم جملته الامره بـ آبتسامه غريبه جداً...
آشارة يدهـ للخارج ..
رساله وصلت للمرافقين بخروج..
.
.
مرة لحظات وهو قابع لا حراك في ذاك المكتب الواسع..المخملي...
عينيه لآتتحرك..
لآتدور ..
مثبته..في شيٍ ماء
غرق في ذكرى قريبه..لمـ..تتعدى الايامـ..
.
.
.
بمكتب العاجي بفلة...
مقرن ينزل فنجال القهوهـ..وبصوته الرخيمـ\بتال راضي انت بها الشي آو {لا}..
آبتسم بهدوء\وليه مآرضى..!حمل ثقيل ونزل نصه..!
مقرن بسخريه\الحين شغل آبوك حمل ثقيل ونزل نصه..؟
بتال\ماقصدة الي فهمت..قصدة يـ الغالي..الشغل كبر..وآنا ماصرت الحق على الشركات كلها ويالله قايم بشركه الام..دخول ياسر معنا في ها الوقت..آعتقد قرار مناسب جداً..مع انه تنقصه الخبرهـ..لكن بذن الله ماراح نقصر معه في الوقوف بجنبه والمشورهـ..آذا احتاجها...
مقرن\لآ..تشيل هم الخبرهـ..ياسر ..دم العاجي يجري في شريانه..
الظبي بخطواتها الهادئه\آقترح يترئس الشركه الام..ويمسكها سواء الادراه او التنفيذ..يكون هو مسؤال عن كلآ الفرعين في الشركه..وكمان..ترجع له القرارات المهمه .. بشركات الفرعيه..تكون كل خيوط الشركه الام او الفرعيه بيدهـ...خاصة ان ياسر ماراح يكون وحدهـ..وراح تكون آنت يا آبوي بظل..اومن وراهـ..
بتال بمقاطعه لتلك المتجاهله وجودهـ منذو دخوله\ آظن..يلغى وجودي آحسن..من الشركات..الحين ياسر
يمسك الشركه الام والشركات الفرعيه...ويرجعون له الموظفين في الشارده و الوارده والقرارات الادرايه
تصدر من جنابه..وانا آحمد الله اذا صرت بشركات المقرن كومبارس..!
الظبي تجلس بهدوء بجوار مقرن\آنت الي حددت مكانك يـ آبو سنا..ماحد حدده لك..
آدار عيونه بتال مستفهم من آضغاث احلام الظبي\والحكي هذا موافق عليه يبه...
مقرن بـهدوء\لآ..الحكي هذا من الظبي ماهو بمني..انت بمكانك.. آما ياسر خذا مكاني..وعطيته كل الصلاحيات..
بتال مقاطع\لكن ماتقاطع مع صلاحياتي..؟
الظبي مقاطعه بتال\شلون يعني..أنت تغار من المكانه الي بيعطيها آبوي لياسر ولد عبد العزيز..
وقف بعصبيه وآشار بيده لظبي\لآتقعدين تحطين شي ماهو بموجود..آنتي عارفه زين من بتال..وياسر..مابي صلآحيته تتعارض مع صلآحياتي عشان ماتخرب الدنيا..لأنه بيكون المارد الي طلعتوه من الفانوس..
وبيوقف الشركات وماراح يقعدها...السوق يا يبه ماتتحمل مقرن جديد..الناس تعبو من النهب الي يصير..والناس ماعاد فيهمـ حيل لمعارك جديدهـ بينا وبين التجار هم الضحايا فيها...
يا يبه..آترك صلآحياتي آكبر من صلآحيات ياسر..عشان آقدر آوقفه في الوقت المناسب وآعدل مساره في الشي الي آشوفه صالح لنا وللكل...
آبتسم مقرن وبتهكم\آيه ..شايف شغلك..يابتال ها التجار اذا ماكسرت روسهم كسرو هم راسك...وها الناس لو ماتعطيهم على قفاهم حطوك تحت نعالهم..لآمعلين الاسعار شاكرين ولآمخفضينها حامدين..هم كذا..السنتهم تعودت على الشكوى..لآجزاء ولآشكورا...
الظبي بنظره مستقبليه \ياسر بيحقق نجاحات جديده لشركات العاجي كلنا نطمح لها..دم جديد يدخل..خط مسار بيتجدد..آشوف ها الخطوه مهمه جداً على جميع الاصعدهـ..سواء بمجال الشركات والشغل والربح او بمجال الداخلي في شخصية ياسر وآنجذابه آكثر وآكثر لنا...
مقرن بآبتسامه خفيفه\آنا متأكد من ياسر..ولو مو متأكد ماغامرة بأسمي وشركاتي وحطيتها تحت آيده من اليومـ...وهو قد ها المغامره وها الرهان...وكل من يشكك بها الشي..بكرا هو الشاهد على كلآمي...
جلس بتال وهو يحكم زمام آعصابه..\وهو وينه..؟
.
.
آبتسمت آنا من وراء الباب...وصوتهم وحديثهم وصل الي..!
طرقات الباب آذنت بدخولي..!
.
.
عطيتك × وطــن × "
" وعطيتني × منفــى ×"
.
.
-شراااايكمـ...!
عيني ام جسار كادت تخرج من مكانهااا...
وآبو جسار آنزل الكتاب الذي بين يديه..وفمه مفتوح لأخره..
ريان بصوت مبهور\بيتوفل ...بيتوفل...ِشهودي آنتي ستآآآآيل السنه...
آم جسار بحدهـ\آيش ستايل..؟الا مسخرهــــ...وش ها المسويه بروحك وانتي على وجه خطبه وزواج..؟
وجه آم جسار المحمر لم يكن آقل من آبو جسار الذي وقف بصدمه وآنهال عليها توبيخ..
-وش ها القصه وش ها الستايل الجديد الي تتكلمون عنه...وين شعرك..؟كيف آخفيتي الانوثه منك الحين..؟
شهد \يبه ..هذا الستايل الي بيكتسح الجامعه وبكون انا الرائده فيه...وش فيكمـ..آول مره يعني آقص شعري يعني...
آبو جسار بحدهـ\آول مرهـ يصير ها التخبيص...
التفت لجهت آم جسار وبحدهـ\شفتي آخر آرخاء الحبل...والتدليع المالغ...
ام جسار بعصبيه\من الي مرخي الحبل آنا آو آنت...آنت الي دوم تقول كله ولآبنتي لآحد يجرحها آو يكدرهآآآ..
شهد مقاطعه\مآآآصار شي...شعري وقصيته بمزاجي وهواي..وش صار يعني..لآتحطون هوشه بينكم وتقيم لتربيه..ماسويت شي خلى كل واحد منكم يقط على الثاني كلآم...
آبو جسار رمى الكتاب وترك الجلسه...
في نفس اللحظه كان دخول عناد ومن ورائه كان بـصدفه جسار...
آم جسار بصوت عالي\كيف نقدر نحط لك تسريحه ناعمه آو نقدر نسوي لك شي الحين..؟وش نسوي بخطبتك..وش بنهبب بها الكم شعره الي حاطته بجنب..الله يغربلك مثل ماغربتيني الحين...
جلست آم جسار بعصبيه على الاريكه..
دخل عناد بهدوء...وعلآمات الاستفهام تدور على وجه بصراخ الكائن..
توجه لجهت والداته وطبع قبله على رأسها وكذلك كان جسار من خلفه..
جلس عناد بقرب منها...وبهدوء\وش صار صوتكم طالع...؟
آم جسار بعصبيه \شف آختك وش مهببه بشعرها..
آرتفعت عيني عناد لتتوقف عند شعر شهد..
ذاك الناعمـ القصير..
المضفي على وجهاا نعومة آكثر وآنوثة مشبعه بطفوله يحبها ..
آنصدم بشعر قصير جداً جداً بل..لم يقص..
ماكينة حلآقة هي تلك التي مشت عليه لتجتث تلك الشعيرات الناعمه فتحولها لشكل رجالي بحت...
لكن عدة خصل متساقطه من جهة اليمن من غرتها والجه اليمين..الى حد ذقنها...من ثم ملونه شعرها بلون ترابي ..!
فتح فاهـ...!
هذا ردة الفعل التي تملكة عناد لم يوقضه من صدمته سوى صوت جسار الهادي\لآحول ولآقوة الا بالله الله يهديك شهودي وش ها الستايل..؟
ريان مقاطع جسار بأدب ومحتضن كتف شهد\بآالعكس ستايلها حلو ..ولآبق لها...لآيهمك شهودي شوفي بس اذا نزلتي للجامعه شلون البنات بيستخفون على ها القصهـ...
تراجع للخلف..
ووضع يده على خدهـ..
آجبر نفسه على الصمت..
وهو يرى لمعة دمعه في عيونها..
قاطع الحديث برمته...بتوجه حديثه لوالدته\يمه...ترى الاهل يسلمون عليك..قابلتهمـ اليومـ..
آم جسار توجهة له\ليش قابلتهم اليومـ..
عناد\آيه...
كلآم عناد كان مجرد كذبه مفتعله فقط ليجعلهمـ يصمتون عنها..!
-بسم الله الرحمن الرحيم..وش هـ الشوشه..!
التفت الجميع للجدهـ الخارجه من غرفتها...
آلابتسامه اعتلت وجه جسار وعناد وكتم الضحكات بدى الان..
الجدهـ\يـ عزي لها القلب..آنتي وش مسويه بشعرك يا ملآ العرس الي يفكنا من خبالك..غير والله ماظنتي مع ذاك المطفوف كود يزيدهـ..!
شهد تسابق الخطوات لدرج\أساساً مايعجبك الا عناد..لآ..تقولين غير ها الحكي ياجدهـ...
الجدهـ تراقب هروب شهد ونظراتها لام جسار\لآبالله كدينا خير يا سطامـ في عيالك وآحد ماسكه الكهرب وحده مطيره الشوشه بمقص..الله يجبر قليبي وقليبك..
آردفت \عنيد..تعال يامك..
آبتسم عناد على كلمات الجدهـ التي تصيب دائماً في الصميم وسارع الخطى لغرفة الجدهـ المتوجه لها..
.
.
عطيتك × وطــن × "
" وعطيتني × منفــى ×"
.
.
ملوكـ الواقفه آماما باب الفله..
تذكرت ان المفاتيح قد نستها بمكتبها..
بحثت عن هاتفها ..لتجدهـ منتهي الشحن..!
كادت تبكي..من حرارة الجو..
ووقوفها الذي سوف يطول...
آستغرقت في آحكام آصابعها على الجرس..لكن يبدو ان فلك..نائمه..وهولآء الخادمتين..آموات لآأحياء..
صوت آخر خلفها آرعبها لثواني معدودهـ..
من ثم آشعرها بآلآرتياح بعد التفاتها له..
بتال بهدوء\آآآوهـ...بنتي ملوك سابقتني ..؟
ملوك بـ ربتاك\عمي بتال كيفك ـ..
آرتبكت آكثر وهي تلمح طيف ياسر خلفه..
بتال بحب\بخير...لآتقولين ناسيه مفاتيحك..
بخجل\ايه نسيتها بـ المكتب..
آبتسم وهو يفتح الباب بمفتاحه \خيرهـ..
دخل بتال من ثم دخل ياسر بعد ان القى سلآم خفيف جداُ بكاد سمعته..!
.
.
.

فلك تنزل الاطباق على الطاولهـ..
ياسر بـ هدوء\وش طابخه لنا خالتي..! ولآ الخدم خربوك علي..؟
فلك بآبتسامه\آفا عليك..مسويه كل الي تحب..ومصلحه لك الحلى الي تحبه فطيرهـ بـ القشطه والجبن..
آبتسم بـ هدوء\اوووهـ..مدري ها الدلع حصري لي ولأ مشاركني فيه آحد..!
آبتسمت بخجل وركنة لهدوء الجميل...
وهي تدس خصلات الشعر المتشبثه بـ خدها للخلف..
بتال بـتعقيب\لآ..كرتك محروق من يوم خذيتها لآتطالب ولآتعاند في شي ماهو لك..حتى هي يوم خبرتها انك بتغدى معنا قالت يوووه هذا وش يبي..؟
شهقه بسيطهـ خرجت من فم فلك وبـحراج\لآ والله يا يسوري ما قلت كذا..بتآآآآآل الله يهديك..؟
آبتسامة ياسر آرتسمة عليه\مشكله الي يغارون ..ترى انا عارف مكاني عندها ماهو انا الي ينحرق كرتي وبـ الواسطة وحب الخشومـ يالله نلنا الرضا..
آهتز قلب فلك من مقصد ياسر..
آما بتال فـستغرق بضحكه صافيه ..
آردف ياسر\تغدين معنا..؟
فلك\لآ ياقلبي ..لآزم اكل مع ملوكـ ماتحب تاكل لوحدها انت تعرف..
تغيرت ملآمحه\خليها تاكل بلحالها بيصير لها شي..!جيبي لك صحن بس من زمان عنك..يالله..؟
فلك آتنتقلت عينيها بستغراب لصحن بتال وهي تنزله آمامه..
بتال بمقاطعه وهـو يتلاحق الموضوع \لآ...الرجال مع الرجال والحريم مع الحريم ..لآ..لختلآط والمسواهـ..!
القى مزحته لآمتصاص تلك الشخصيه البغيضه التي اصبحت متلبسه لياسر..
ومربكة العائله بـأكملها..
يآسر تراجع بظهرهـ للكرسي\بسرعه علينا جيبي لك صحن جنبي وآتركي عنك الدلع الماسخ لـ ملوك..؟
بتال بـ آستغراب\لآ آسمع هـ الحكي منك مرهـ ثانيه..والله بسماهـ لعيش ملوك دامها عندي مثل آسمها ولآ يجرحها آحد ولآ يجبرها احد..وآنا عايش ..؟ماهو بس دلع..!
ياسر تجاهل كلآم بتال وهو يآخذ قطعه من المخلل وبـ آبتسامه\ لآتكثر حكي يابو فلك..آنا آقرب لها منك..!
.
.
.
بـ المطبخ..
و
ملوكـ متوجه لطابق الثاني خارجهـ من المطبخ وبيدهـا كأس عصير..
فلك تهم بدخول لمطبخ\وينـ والغدى..
أبتسمت بخفه\مالي نفس..عليكمـ با العافيهـ..فيني نومـ ماهو بطبيعي..
آبتسمت فلك وقلبها مشتعل دقاته كـ الطبول ..
شكرت ربها بداخلها..الف مرهـ..
ولآتدخل بمواجه مع ياسر..من جديد..\طيب ياقلبي بخلي لك غدى لما تصحين..
ملوك تصعد الدرجات\مو مشكله..
.
.
عطيتك × وطــن × "
" وعطيتني × منفــى ×"
.
.
آبتسم عناد وهو مستمر في تقليب آدراج الجده\يمه وش آدورين الله يرضى عليك..تراني ادور على عماها...
الجدهـ\مالك شغل..أنت بس اذا حصلت كيس صغير قديم مخمل عطني الكيس..دور بس لآتهذر على راسي..
آبتسم على مشاكسته المحببه للجده\يمه..وش مخبيه فيه ها الكيس..؟مر ه و عنزروت مثلاً>>لغير الناطقين بـ النجديه هي آدويه شعبيه..=)
الجده من غير اهتمام\مخبيه الي مخبيته انت دور بس..
عناد بضحكه\هذا هو..لغيت آعشابك يمه...الله من الريح الخايس..؟
الجدهـ تأخذ الكيس\آعشابي..!يازينك مقلل هذرتك الي على غير سنع..
عناد بضحكه\آفا ..كنها سبه..؟
تجاهلته الجده وفتحت القماش ليسقط منه خاتم فخمـ قاعدتهـ فص فيروزي اللون ..
غريب جداً..
وجميل جداً..
وشرقي التصميم جداً..
عناد متفاجئ من الخاتمـ\ايه والله ياهويا تعرفين والله تخبين الغالي..وش ها الخاتم يمه..؟
آبتسمت\عناد جدك مهديني آياهـ ..ياعسى عضيماته في الجنه ويشرب من حوضها وينال شفاعة رسوله مصلي مسمي ياعساهـ بنعيمها اليومـ..
غرق بضحكه صافيه على الدعاء المحبب للجدهـ لزوجها الراحل منذو سنوات بعيدهـ..
الجدهـ تمد كفهاا المجعد ليعانق كف عناد وتودع الخاتمـ يدهـ\هذا لمرتك..آهدها آنت ها الخاتم ..
عناد برتباك\لآيمه واا..
الجدهـ بعصبيه\ترد هديتي لك..؟لآبو ها الشنب =)
عناد \يمه هذي ريحة جدي ..خليها ..وبكرا بدخلك السوق آختاري آنتي هديتها على كيفك..
الجدهـ\آبداً..خاتمي لبنت فهد بن مناف الله يرحمه مايلوق الا عليها..آقصر الهرج..
آحتضن بعدها عناد الخاتم..
غريب شكله..
وجميل جداً..
آدخله بصبعه الصغير بقوهـ..
من ثم آرتفع ليقبل راس الجدهـ\الله يطول بعمرك يمه..
الجدهـ ببحه..\الله لايخلاني منك ياعنيد..
آبتسم وهو يطبع على كفها قبله \ولآمنك يا كل عناد..
.
.
عطيتك × وطــن × "
" وعطيتني × منفــى ×"
.
.
بعد الغد..
فلك تنزل طبق الفاكهه امام ياسر المبتسمـ من دون سبب..!
جلست با القرب منه وقطعة التفاح وآمتدت يدها
بخجل الى بتال المستغرق في مشاهدة التلفاز..
آبتسم بتال بحب لها وهو يتلقف قطعة التفاح...
ياسر بـستفهـآمـ\من كم سنه و عبد الرحمن اليعقوب مع آبوي مقرن ..؟
بتال من دون آهتمام يذكر\عبد الرحمن عشرة عمر..حتى آتفاقياتهمـ آغلبتيها شفهيه..ثقتهم في بعض متبادله ..
ياسر بستغراب\آتفاقيات شفهيه.......!آبوي مقرن ماهو بأي واحد يعتمد عليه وشلون صار كذا..؟
بتال التفت له وبستغراب\يعرفه معرفه قديمه..آتوقع من طلعتهم على سوق الحديد..بس ليه تسئل..؟
ياسر يأكل قطعه من البرتقال\جالي اليومـ ..
بتال بستغراب\عبد الرحمن..؟
ياسر\آبو ابراهيم..
بتال بهتمام\وش صار..؟ماهو من عادته يسوي زايرهـ لشركه اذا آبوي ماهو موجود فيها..؟وآساساً زيارته تنعد على الاصبع بعد ماكبر في العمر...
آبتسم ياسر من جديد ونظراته كانت متوجه لصحن الفاكهه..
نظراته لم تكن خفيه على بتال الذي توقف فجئه عن آكل التفاح وآنزل طبقه \فيه شي جديد آنا مادري عنه..
ياسر\لآ..
فلك بهمس\ياسر ياقلبي ماتسمع..
آبتسم ياسر على همس فلك وتعلقها بذراعه منذو مايقارب العشر دقائق\لبى روح ياسر..
غرقت فلك بضحكه هامسه\آزعجتونا با الشغل..آنا آبيك بشغله مهمه..
التفت لها ..
اردفت\مناف متى بيطلع...
همس\قريب ها الاسبوعين..
آردف بعد صمت\خالتي..؟
فلك بحب\سم ..
ياسر بهمس\منهو خطيب ملوك..؟
فلك برتباك\واحد..من..عيال الحمايل..؟
آبتسم بخبث..\وعيال الحمايل مالهم اسم..؟
فلك\آظن مايهمك كثير..
تجاهلها وآنتقلت آنظاره الى الشاشه..
.
.
آرتباكهآ...
ولفها ودورانها ..
حول نقطه معينه..
لآ..
يعجبني أبداً..
من يكون ..
ذاك الرجل..
الذي ترفض..خالتي آخباري..؟
آيكون..
آعرفه..؟
آو
معرفتي لأسمه..
تغضبني..؟
لما هـذا الغموض..؟
.
.
عطيتك × وطــن × "
" وعطيتني × منفــى ×"
.
.
العاجي..
بتال يدلف الباب بهدوء ويتوسط المكان..ليتلقى ترحيب خفيف من مناهل..
مناهل \ماقلت لنا آنك اليومـ بتجي..؟
بتال ينزل شماغه من ثم يناوله مناهل\ماصار شي..هذاني جيت بريح شوي وراجع لشركه..
آستقبلت الظبي الصغيرهـ بعربتها وهي تنطق اسمـه بطفوله غامرهـ..
بتال بحب\روح بابا..آشتقتي لي مثل ماآآآ انا مشتاق..؟
الظبي تحرك ايديها الصغيره برقه ليحملها بتال ويتوجه للاريكه...
مناهل \آجيب لك شي..؟عصير ..؟قهوهـ..
بتال\لآ...بريح وبطلع مابي شي...
جلست مناهل بقرب منه..
بتال يبتسم على ملامسة الظبي لشعيرات الصغيره بذقنه...
بتال\هــا آمس قلتي لي بيطلع تحليلك ..؟وش صار..؟
مناهل بضيقه..\نفس النتيجه قبل سنه..
صمت لدقائق..من ثمـ اردف\لآتضيقين خلقك..آهم شي صحتك وانتي بخير..
آبتسمت بـ مجامله..لتلتقط ضيقها عيون بتال..فـ يحتضن خدهـا بكفه بلطف\كل شي من الله زين..
آبتسمت بـ حب..
مناير بـتهكمـ\وش بيضرك ياحظي..مااا بنت الاصول هي الي بتجيب لك مقرن والا ها الضعيفه في الي مايحفظها عساها ماتحمل..آكبر همومك يعني...!
بتال آنصدم من تواجد مناير..فـ آكتفى بملاعبة الظبي متجاهلها..
مناير بـغيره ناريه\غريبه فاك الاستلام اليومـ .معطتك آجازهـ..؟
بتال بـخبث\وآنتي وش يهمك..آنتي طلبتي الطلاق عايفتني..والا يمكن هذي تبعات غيرهـ..!
مناير بهجومـ ووجها اصتبغ با الاحمر\غيرهـ..لآ...وش آغار شايب ماخذ له عجوز..!جمال يوسف كاسيك...!شابعه منك ها السنين وماخذتك هي ياحظي الا في تالي شبابك..خلها تشبع فيك دام شبابك كان معي...
بتال بمقاطعه ومرادهـ يلعب مع مناير بملعبه\وش عجوز..آنتي ورى كلامك كله دش..آنتي شفتيها..؟
مناير بحقد\وش آشوف..؟من زينها اعني عمري في شوفتها ابد عجوزاً شعرها كاسيه الشيب بعد..
بتال بضحكه خبيثه\لآآآآ..لو شفتيها ..آشهد انك بتقولين للخلق شفت القمر بينا يمشي..
مناير بقهر\ياعساني اسمع ونينها من ورى سلك المغذي ماهمتني ولاهمني شوفها..
تجاهلها بتال تماماً ليصعد لطابق الثاني وصوته من هناك\مناهل ..لآتنسين تصحيني بعد ساعه والظبي بتنام معي..وعلى فكره يامنير تراها اصغر منك..
مناير بحنق وصوت منخفض\آيه..بنت آبليس كاذبه عليه حتى بعمرها والا هي تشوفينها الحين مجدله الشيب..الله يوريني فيها ماتكرهـ..
مناهل بـخجل\الله يهديك عليك الفاظ تشق القاع..!
.
.
عطيتك × وطــن × "
" وعطيتني × منفــى ×"
.
.
في المساء..
العاجي..
ياسر آوقف سيارته خارج سور القصر لأستعجالهـ الشديد..لكن لفت آنتباهـ خروج سيارة طارق ويبدو ان التي بجانبه كانت عمته الظبي
لم يعجبه حال عمته هذا اليومين..
يبدو واضحاً خلاف حاد يستطون عش الزوجيه ذاك..
والظبي..من النوع الكتومـ جداً..؟
ولآ
تحب ان يطلع آحد على مشاكلها الخاصه..
تكرهـ الثرثرهـ...
بـ عكس زوجات عمي..
فـ برغمـ حبه لهمـ
لكن
ان جلست معهم دقائق فقط..
لم آنم تلك الليله من الصداع..؟
آنتبه الى وقوف الجد آمام البوابهـ...
آبتسم ياسر وهو يسارع الخطى لجدهـ ويقبل رأسه\مساك الله با الخير يا الغالي..
آبتسم بـ حب \مساك طاعة لربك ولنبيك..
ياسربستغراب\وين الظبي رايحه مع طارق..؟
مقرن\عزيمة كبيره لواحد من معارف طارق..
آبتسمـ\يالله ندخل ...
مقرن\لآيآبوك..بتمشى في ها الشارع تمشي معي..؟
ياسر آبتسم\مع اني مشغول لكن مافيه خلآف معك يا بوي آمشي لي ربع ساعه او آقل...
آبتسم ياسر وهو يسير مع الجد..وعكاز الجد يعلن رناته على الارصفه..
مقرن\وش علوم عبد الرحمن يوم جاك...؟
ياسر\مافيه علوم تذكر..قال لي ان التجار والاعلانات الي كانت بـجريدة جسار سحبها وانه الان جالس تقريباً يمول الجريده من جيبه الخاص..
مقرن\زين زين..!
ياسر وجه نظراته للجد وبـبرود\وش زينه يابوي..بقعد آنتظر لما يطيح الي في راسه..وذا ماطاح وذا حصل معه من يوقف ويبنون قدامنا جدار طوبه من العناد..؟
مقرن\هذا الي قدامنا وش نسوي..؟
ياسر\لآ يابوي..شبلك آسد...قدرت الف لك ذراعه لكن آنتظر الفرصه الي آكسر لك ها الذارع..
مقرن بستغراب\ليه وش فيه..
ياسر ببرود\زوجته...عطتنيها باردهـ مبردهـ وعلى طبق من ذهب...مرته يابوي تدير لها مشغل *****ـ..وفوق هذا تصور بنات الناس بلآه الله بحيه من تحت تبن..والا هو بس واجه اعلاميه ومن داخل منتهيه صلآحيته..
نطق تلك الكلمات ياسر ووجه مظهر التقزز والقرف..
مقرن بـصدمه\لآحول ولآقوة الا بالله ..الله يستر علينا ولآيبلانا..آنت وش مأكدك..
ياسر\وشهد شاهد من آهلها..موظفتها تحت ايدي الحين ومستعده تشهد بكل شي..وهو عاد وذمته وضميرهـ...سكت كان بها ..يوقف ها الطوفان الي شايله ضدنا..ويقلب ها الطوفان لماء صافي...آو يفضح نفسه ويطيح من عيون الناس وكل الي كرهم فينا بيشككون في كلآمه...وبكذا..او..كذا..جسار الراسي آنتهى ..
آبتسم ياسر ورافقته آبتسامه من الجد مقرن...
آردف الجد...\شفت ها القصر...
رفع رأسه ياسر لجهه المشار لها من عكاز الجد\وش فيه يابوي....؟
الجد بحبور\هذا بيت الدايس...جواهرجي معروف ولد حموله وآصولاً عروقه طيبه...ماعندهـ الا بنت وحده..وعمرها في بحر العشرينات او على شواطئها... ساكنين هنا من اربع سنين او اقل..والله مدري...وش رايك يابوي...
آبتسم بذبول\راي في آيش..
الجد \في كلآمي..!
.
.
.
نقف هنا..
.
.
همسة محبه..السنن الرواتب..لفائدهـ..
الذي ثبت في الصحيح عن النبي صلى الله عليه وسلم أنه كان يصلي مع المكتوبات عشر ركعات أو اثنتي عشرة ركعة؛ ركعتين قبل الظهر أو أربعاً وبعدها ركعتين، وبعد المغرب ركعتين، وبعد العشاء ركعتين، وقبل الفجر ركعتين‏.‏

وكذلك ثبت في الصحيح أن / النبي صلى الله عليه وسلم قال‏:‏ ‏(‏من صلى في يوم وليلة ثنتي عشرة ركعة تطوعا غير فريضة بني الله له بيتا في الجنة‏)‏، ورويت في السنن‏:‏ ‏(‏أربعاً قبل الظهر وركعتين بعدها، وركعتين بعد المغرب وركعتين بعد العشاء، وركعتين قبل الفجر‏)‏‏.

‏ وليس في الصحيح سوي هذه الأحاديث الثلاثة‏:‏ حديث ابن عمر وعائشة وأم حبيبة‏.‏
.
.
دمتم بحب..موعداً السبت اذا الله كتب لنا عمر =)