ضمضم حرام عليك اثرتي الشوق حتى وصل لاعلى القمه
نهايه مرتقبه ونزف قلم تنوين ايقافه
ورساله من غاليه فقدتها جنبات ليلاس ولازال مكانها فارغ
انتظر بدايه النهايه بشوق
ولي عوده برد مفصل بعد الجزء الاخير
باذن الله
ونبي وعد حتى لو القلم ابى الا ان يرتاح ان تكون همسات ضمني بين طيات ليلاس مستمره ولو بعد النهايه للنظرات

شكراً شكرا شكرا ضمضم على الرواية الجميلة والي استمتعنا بتسلسل احداثها انا مش مع ان الانسان يغير اسمه بعد ما اصبح كبير ومعروف به عند الجميع فالأسم لا يغير من شخص الأنسان شياً توقعاتي ان غناد بيسامح جدته بعد زيارة جسار له وتوضيح الأسباب له من أن يعامله زوج امة بقسوة وان تذهب به امه لمكان لا يعرفون عنه شي والدليل عمل زوجها بالاردن والأقامة بها ,والدليل عودتهم من اربع سنين فقط وكل هذا من حبهم له فسبحان الله كلٌ له طريقة بالحب . ايضاً سيعود لأمة فتسعد هي ورهف بحياتهم الجديدة ,اتوقع ان فلك تييب ولد وملوك بنت واتوقع ان كل من رهف ومناهل يحملون وان ياسر تتغير نظرته لملوك ولعناد بعد ان حبه لملوك لم يكن حب رجل لمرأة بكثر اهو شفقة وعطف وتحمل للمسأولية تجاههم هي وخالتة وابو ملوك خصوصاً مع ادمان اخوها وكبر سن ابوها , اتوقع حمل مناهل اما جسار والظبي فيعيشوون حياة زوج وزوجته بالاحترام والمودة وحب متبادل بين الظبي ووسن ودرر وفي الحتام شكراً كلمة قليلة بحقك ومجهودك على الرواية

وداعيه ياآخر ليله تجمعنا
وداااااعيه
وداعيه لبعض العيون
تذرف منها العيون
شوق وحب وود


مادري الحروف هربت مني وماني ملاقيه حرف يعبر عما في نفسي


ادخل بالبارت احسن صحيح اني كنت برد عن الاثنين الي قبل فاتوني
بس الحين الوقت مايسعفني الا على هالبارت

ياسري ( ذآك الـرجل.... آمقته.... و بمنتصف روحي آحترمه...! )
منذ البدايه وهو منشطر داخليا ربما لان اساسه متزعزع بين تربية العاجي والبراق
ففيه الخير والشر باوضح صورة عكس الجميع الي حقدهم مخبا بعيونهم
يالبى يسوري وين الاقي زيه

( آهو عقاب اخر من نوع جلد الـذات...ان يدخل هذا العاجي هنا..! )
الا والله انه كف يفوقك من التوهان الي عايش فيه

( ورب البيت ي صاحب الأسمين.. )
الحمدلله تم العدل اخيرا بينهم عناد ابو اسمين ويسوري ابو قلبين


(لثواني معدودهـ..عكس ياسر الاتجاهـ.. ليكون عساف على الحائط بدلاً منه ويد يآسر على صدر عساف... )
والله والله اني لما قريت هالمقطع افتكرت توم اند جيري واهم يتقلبون بالجدار وبصراحه لابق
على عناد وياسر شخصيتين توم وجيري لانهم متلازمين ومايتفارقون وبينهم كره مبطن بشوي حب او احترام


كل الي وقفوا وشالوا وحطوا بياسر المفروض اليوم يتحدون ويصفقون له لانه قام بمواقف جبارة
وتحدا نفسه فيها قبل الكل وهنا كان نعم الولد للدايس ونعم السند لملوك وقبل كان الحامي للبراق والابن
البار للعاجي فديتك وفديت كل من يقرب لك ياياسر ولد ضمضم

(أطلعي شوفي قدامي احد...واذا شفتيها قولي لها تروح ... )
طالعوا بس عنادكم شلون جبان قابل مجموعة ارهابيه وماقدر على مقابل مرة عجوز


ٍ(لـيصدم تماماً بتعلق فتاهـ برقبته..وتطويقها لـعنقه...وصوت آنتحاب...و...قبلات كثيرهـ...!)
ايه هذي الناس الي يليق عليها الدلع مو الدلخه شهيد
الا على طاريها شكله اليوم بيكون جزء كبير عنها دام بيتم شفاها فيه

ياحياتي ياياسر ضغط على نفسه اليوم كثير وجات ختمتها عليه رهف عدل زين مسك نفسه وماعطاها
طراق على وجهها

ٍ( عساف\لآ...لـ امي هيا... )
تنعم بهاللقب لدقائق معدودة وبعدها
ٍ( كذبتي علي ي هيا.... )
بالبدايه تنعم بحضنها لاخر مرة لانه داخليا كان متاكد بهالمصيبه الي طاحت عليه بس كان يكذب نفسه
ثم تصرف التصرف الي كان متوقع منه لصدمته منهم جميع وضمن الغيوض معهم فالخير يخص والشر يعم


الدور الحين على ملوك تهديه وترجعه لو مبدئيا لحضن الغيوض وبعدها الايام كفيله بتطبيب الجراح

شهد وريان ضايعين بين الكبار


جسار والظبي ٍ:كان رد فعل الظبي عقلاني وحكيم جدا ولانها تدري بخبث سيوف فتصرفها
الاخير كان نابع عن قلقها لتوريط جسار ببلوى مايطلع منها بسهوله


سيوف لعبت ورقتها الاخيرة كسبت كان بها خسرت ماراح تخسر اكثر من الي راح
وبعينها شافت ان الجمال جمال الروح والاخلاق مع الجمال الرباني هو الي يدوم واقتنعت بهزيمتها وانسحبت

( مناير\ي عمي الخبله هذي بتولد وتقول مافيني شي...لآتجيب ولدنا ب القاع...! ٍ)
بداية تقبل من مناير لواقعها وبعدها بيتعاملون كاخوات وضراير بنفس الوقت

( فلك بتلعثم\مافيني شي..نادوي لي ياسر....مابي الا ياسر...! )ٍ
ياحبي يافلوكه واخيرا بتجيبين عبدالعزيز وبتحيين ذكرى ابتدت باول الروايه وبتنتهي بها

( شهد ب ابتسامة ألم\يوم الاثنين موعداً مع اخر فصول بعض العيون حقدها في نظرها...! )ٍ
والله معي حق من اول الروايه ماحبك ولا اطيقك حتى اخبارك زي وجهك

ادري ردي سخيف وسريع بس والله عندي ضيوف وهاربه منهم عشان الحق اكتب الرد

ضمضم كل الحب والود لك

رابطٍــــ ياســــــــــــــــــــر ــــــــــة

بسم الله الرحمن الرحيمـ..,
.
.
.
نظرة حقد..[ آخيره...]
.
.
.
مدخل
.
.
.
..
المشكله لاصرت .. محتاج .. لإنسان ...
بالحيل محتاجه وهو ماشقى فيك
والمشكله (وأكبر مصيبه) إلى الأن ...
إذا عشقت إنسان يرفض مباديك
والمشكله لأشقيت نفسك على شان ...
إنسان مايسوى تعبك ومماشيك
والمشكله لأعطيت قلبك لخوان ...
همه كذا يلعب .. وثم ٍ يخليك
والمشكله لاصرت بالحب ربّان ...
والموج (خانك) ثم خيّب هقاويك.
والمشكله لاكنت .. مانمت سهران ...
لجل ألذي أصغر طموحه .. يبكيك
والمشكله لاكان هو قرّ الأعيان ...
تشتاق له دايم وتلقاه جافيك
والمشكله وأكبر قهر إن الاحزان ...
ماتلفي إلا من يحبك ويغليك
والمشكله خلك تجازيه بإحسان ...
ثم تكتشف انه (بغدره) يجازيك
والمشكله لاقال أنا وأنت خلان ...
ولا دار ظهره .. أعرف الخل ناسيك
والمشكله لاطحت بإنسان وإلسان ...
يزعلك مره ثم يرجع يراضيك
والمشكله ياناس لاكنت غلطان ...
ودك تصحح موقفك بس ينهيك
والمشكله لازاد صبرك بالأزمان ...
ولاقلت هانت منه كثرت بلاويك
والمشكله (موقفك) من صاحب ٍ بان ...
أتفه سبب خلاه يركض يخاويك
والمشكله لاكنت بالحيل مرضان ...
وإدواك مع خلك ويرفض يداويك
والمشكله لاكنت بالحيل ولهان ...
ودك بقربه.. بس !! ماوده يجيك
والمشكله لاكنت لي حيل شفقان ...
وتلومني ومدري انا كيف أداريك
والمشكله (وأكبر جريمه) إذا كان ...
خلك يحب إنسان دايم يعاديك
والمشكله لاغنّو الناس يادآآآن ...
والحزن مآلي بالليالي (مخابيك)
والمشكله لاكنت في بعض الاحيان ...
تلقى من يشوّه بفكره معانيك
والمشكله حظك إذا كان تعبان ...
أكيد يظلمك ... ثم يشقيك
وياشينها والله اذا طحت يا (,,,,) ...
بين المشاكل كيف تثبت خطاويك
بس الأكيد أصبر .. ترى الصبر عنوان ...
وأعرف ترى لابد في يوم ينجيك
.
.
.
بدايه...,
.
.
.
مرتبكه..و..متعثره..بـ صف حروف البدايه اليومـ...!
لـانها اخر بدايات بعض العيون..,
بودي والله ان آبث لكمـ كل غصة حرف غاصة اليومـ ب آضلعي..,
بودي والله ان اخبركمـ بحق عن مدى تقديري واحترامي ومحبتي المصفاهـ لـكمـ..
بودي والله آن آشكر كل عضوه فيكمـ شآركتنا في رحلة العبور هذه..,
التقـينا في هذا المتصفح آخوات وامهات...تناقشنا بـ امور كثيره وامتدت النقاشات لـ تفرعات عدهـ...
آتفقنا...آختلفنا...!
لكن ملتقين بنقطة الاحترام المتبادل..,
وسـ نفترق اليوم بمحبه يتخللها اغتصاص وداع جميل ..,
.
.
جميعكم صـنعتو هذا العمل..فـ ان نجح ف بفضل الله من ثم آنتم..وان دوى ب القآع فـ بعثرآتي الكثيرهـ..
ومن لم يقرأ الردود الراقيه...في كلا المنتدين...هو بفعل سـيفقد المتعه الحقيقيه لـ الروايه...

.
.
.
آشكر المراقبات والمشرفات على محبتهم واهتمامهم الدائم...وي عسى قلوبكم الطاهره ماتمسها النار..لـو..آمتلئ المتصفح شكر وعرفان لكم مآ اوفيتكمـ ولـو الربع..,
.
.
.
و
آشكر الناقلات لـبعض العيون لمنتديات اخرى..
و
آشكر الجامعات لهآ ولروابطها آو اضافتها ب أي صيغه لتسهيلها على القراء..,
.
.
.
[..قبلة..] شكر خآصه جداً ومرهفه لـحد تبلل الاهداب بـ رذاذ الـمحبه على جبين ام الوليد..
.
.
.
و
قبلة احترام على جبين كل متابعه منكمـ عطرت هذا المتصفح المتواضع بردودها..,
.
.
.
و
تنبيه هآم\آذا تصادف ان تواجد مدخل شعري في الروايه مغنى فـ آنا بريئه منه...
انا وضعته بـ المداخل بعدما سمعته من الشاعر وهو يلقيه.. او.. وجدته مدون بـ المنتديات او كتب الشعر..,
.
.
.
و
الغوالي
الي معترضين على توقيت النهايه..
هذي هي النهايه...اذا تبونها واقعيه..آذا تبونها خاليه من المط الغير مبرر اذا تبونها انفتحت غاليه وآنتهت غاليه....آنتمـ اعتراضكمـ بس من محبتكمـ لي...
والا اذا حركنها من زاويه ثآنيه....تهآدت لنا النهايه...وشفنا ان كل بطل اخذ حقه واكثر...ومآبقى الا المسكـ...
وهذا هو المسك..بين ايديكمـ=)

.
.
.
لآتليهكم الروايه عن الصلاة في وقتها...,
.
.
.
بـعد سآعه ونصف..,
.
.
.
دلـف الباب..
وبهدوء\قفلي الباب عليك...بروح مشوار...,
آمسكت يديه بهدوء وتهادت الى ان جلس ب طرف الـسرير\وش مشاويره ي عناد....تبي تفضفض للهواء والليل وكل من ماله روح وانا هنا...
زفـر بضيق وعينيه تراقب ألم توجعها عليه..لـيجلس بقربها...\ي ملوك ..عنآد زوجك كذبه كبيرهـ...بس انتي الـحقيقه الوحيدهـ بحياته...
.
.
.
آرتبكت اهدابها...
.
.
.
عسآف\حبكـ قلبي بصدق..ومآكذبتي عليه...مشآعرك بيضاء..مافيها لي تلفيق ولآتزوير...آنتـي الحقيقه الي بحياتي..
شدت انامله..\آمك الغيوض مالها ذنب..لآتلغيها من حياتكـ..وانت بدرها..؟
آبتسم بنحيب..\ي كثر امهاتي...مآعادت تفرق معي..,
آخرج خآتمـ قد اهدته الجده له لـيعطيها ملوكـ...
فضل ان يهديها لها عندما يشعر ب الفعل بدقات القلب العنيفه..
وعندما شعر بها....
خآنته صآحبة الخاتمـ...
لـيفقد رغبته في آهدائه لملوكـ
فـ
يعيد دسه بجيبه من جديد..
من دون ان تنتبه له ملوك...!
وضع رأسه على الـوسآده المتعبه لـروحه لـتندس هي ايضاً بقربه وتحتضن عطرهـ...
.
.
.
غِبْ , مَآشِئْت !
فـ . سيجلِبُك الحنين .. ~
.
.
.

دلف الباب لـيجد الجميع متحلقين حول الجده..
المنهاره تماماً...
آرتفعت انظارهـ...
لـ ريان المتنحي عن المكان و وجه مسود..,
.
.
.
نآدى الخادمتين لـيحملون درر و وسن عنه..,
.
.
.
ولحقت بهم الظبي بخطوات سريعه..راقبتها عينيه المشتاقه..,
.
.
.
انحنى للـجناح الجانبي لـيتسائل ببرود ..\وش فيه...صآير شي..؟
.
.
.
فترة صمت سآدت لـينقلب المكان بضجيج صوت ريان..\عناد ماهو بعناد...آقصد طلع اخونا عناد اخونا من الاب بس....
وامه هي الغيوض الي هي زوجة ابو حرمة يآسر...!
عناد خطفه ابوك من حضن امه...
بحجة ان امه كانت هي الي بتخطفه لو ماخطفوه هو قبلها...
والمشترك في هذي الجريمه هو جدتي وامي ساره ...,
.
.
.
تـزلزل الارض من قسوة الخبر الذي شطر روحه...
لـ ألف قطعه و قطعه...,
شكـ صغير كان يخالجه بعدما بثت له الغيوض وجعها...
لـينشغل بمشاكله الخاصه...و...ينسى بث الغيوض...
آيعقل ان عناد...شقيق الروح...لـيس الا اخ من أب...!
يتوجع و يتألم ويتقلب بيننا...مظلومـ مسلوب الحق...
ولمـ يـرد حقه سوى كتله كبيره من الاكاذيب انكشفت..,
.
.
.
تدحرجة الـغصه الى ان وصلة لمنتصف حنجرته...,
منذو متى وانا مبتعد عن شقيق الروح...؟
منذو عثرتي الكبيره..
و
انا مقصيه من شرياني الذي آعلن شنقه على منصة الـ آه...
.
.
.
وضع يده على الحائط القريب..وصدره يزفر انفاس مختنقه..,
لـيردف ريان بـصوت هادئ\ترى عناد راح قبل فتره في مهمه سريه وانت كنت ب اسبوع العسل بجنيف....واختفى عنا وسبب رعب..لنا...وزوجته دخلو عليها ثلاثة ارهابيه يبون يمسكونها ويضغطون على عناد فيها...وعناد بوقتها كان مخطوف من آرهابيين يقودهم يوسف صديقه القديم الي خان الوطن وخان كل شي....وذبحه عناد وآنصاب بنفس الوقت ودخل غرفة العمليات و جلس لـ اكثر من اربع ايام ب المستشفى بس ماخبرناك لنك جيت الرياض على وقت خطف بناتكـ...فـما حب ابوي يزيد الوجع عليك اكثر..!
آرتفعت اعين جسار ب اختناق روح تتراقص على حافة الـنار...\انت وش تقول.....آخوي عناد صآر فيه كل هذا وماحد يقول لـي...أنت اخوه لـحالك..أذا كنت اخوه...فـ انا كنت له بـ اكثر فتراته آبوووووو...آبــــــوووو..,
.
.
.
دخل الجناح وهو يـشق صدر الوجع لـيخرج بـ قلب ممزق ب أهـ..
.
.
.
جسآر بألم\وش سويتو انتم....يبه.....أنت مثال الاخلاق والرفعه...تخطف طفل صغير من امه....؟
سطام يبعد يده عن جبنيه لـيواجه بحراً من العدل عجز..ان.. يسكته لأنه من صنعه\جسآر...هفوة ماضي..ندمنا عليها لكن فات وقت الندم....لآ..تزيد الجرح انفتاح....
هيا\تكفى ي جسار..روح لـ اخوك...قل له لو ماخطفناه كان خطفته امه الغيوض...خله يسألها اذا قالت له لا فله هجرنا....
خله يغفر لنا جرمنا ب ان حنا مافرقنا في معاملته ماظلمناه ب العكس الا كبرنا فيه حب العلم حب الوطن..
ابو جسار\صآر كبير الكل يفتخر فيه اليومـ...لآيدير لنا ظهره بعد ماانحنت ظهورنا وطيحنا الشيب..قله يرحم ضعف ابوهـ الي هو نظر عينيه...ماهربت منه طفل صغير وتركته هنا عند امي الا عشان اهرب من نظرت عيون ضعفه...
هيا ب انكسار\صآر طير كبير بريش يطير..قله يرحم الي مثل الفروخ اليوم...لآيهجرني مآني على هجر ابوي عناد طاقه..
جسآر بألم\وش تبوني اقول له...ليه ماعلمتوني بطيحته في المستشفى..هو مالي حق الاخو يعرف....وش اعتذر له واقول...مايكفي هجري له عشان الخسيسه....
ي كثر الشروخ والوجع الي يفصل اليوم بيني وبين عنآد...ي كبرها...!
.
.
.
غِبْ , مَآشِئْت !
فـ . سيجلِبُك الحنين .. ~
.
.
.

يدلف الباب يآسر
لـيجد المكان خآلياً...آبتسمـ لـرهف بخبث\القصر مافيه احد...؟
رهف وهي تمسح انفها المحمر..\يآسـر انا موجوعه حيل...؟
زفر بضيق\وش موجوعه منه ابو اسمين حصلناهـ...وكلها كم يوم وتشوفينه مرتز قدامكـ..وش موجوعه منه...انتي بس تحبين النـكد....
رمى نفسه ب الكرسي المواجه...
رهف\ي ربي ي القلب الي بين ضلوعكـ...ماهو بقلب..
يآسر\يمكن حديد..!
رهف ترفع حاجبها\يجوز....!
تجاهلها يآسر...لـيفتح لـه حلوى بصندوق الفاخر الموجود على الطاوله...ويلتهمها من ثم يفتح الاخرى...وينادي الخادمه بصوت مرتفع\هاتو لـي قهوه...ي جنيت...ي ريحانه...وين القهوه...؟
رهف\انت جوعان...أطلب لك شي تاكله...ماهو قهوه...ببدل عباتي وانزل اسوي لك شي خفيف...
يآسر\ابي شي يعدل لي راسـي...ولآتبدلين عباتك شوي ونطلع لـمطعم قريب وناكل فيه...
جلـست بقربه لـتزفر\ي ربي يريحته مثل المسك ..,
آنتفض\من هو...؟
رهف ب استغراب\اخوي عساف...ريحته مثل المسك..؟
يآسر ب ضيق يلتفت لـ الجهه الاخرى لـيظهر له اللصقه الصغيره التي ممتده من جانب شفته السفلى الى منتصف فكه..متورمه قليلاً..
رهف\اخاف مايتقبل وجودنا بحياته..؟
يآسر\من هو..؟
رهف بضيق\وش فيك...؟اخوي عساف..؟
يآسر بعصبيه وحده وهو يقف\آقلقتنيي...و...فلقتيني بـهذا الاخو ان تقبلكمـ زين وان ماتقبلكم في الي مايحفظه...بتموتون برجاهـ مثلاً...؟
هذا انتم عايشين كل ها السنين ماهو بمعكمـ...
رهف بـضيق\لآتتكلم بهذي الطريقه...أنت مدري وش فيك على اخوي...حاط دوبك ودوبه.
يآسر\انا....أنتي اكيد جرى لـعقلك شي...
ريحانه\القهوه سير..؟
يآسر استدار بـحده\آشربيها زين...!
ريحانه\انا مافي معلوم انتا قول جيب قهوه...,
يآسر\وين بابا كبير...وين مدام فلك وين هذا اثنين مجنون..؟
ريحانه\آوووه...بآبا...هذا مدام فلك...سوي اه اه...ممكن هي في جيب بيبي...بابا مقرن اخذ هو لمستشفى..مع هذا مدام اثنين مناير مناهل...!
قفز يآسر \متى ها الحكي...
ريحانه\ممكن سآعه...ساعتين مافي معلوم...
شد مفاتيح سيآرته من الطاوله...لـتلحقه رهف بـ خطوات متعثره بفعل الكعب العالي.,
.
.
.
غِبْ , مَآشِئْت !
فـ . سيجلِبُك الحنين .. ~
.
.
.

.
.
.
ب
المستشفى..,
.
.
.
بعد ثلاث ساعات..
.
.
.
بتال بضيق\حيل تأخرت ...انا وش يصبرني...اخاف فيها شي الحين...؟
يآسر يطمئنها وقلبه يرتجف لـخالته\مافيها الاالعافيه ولآده وبتتأخر...الا انت وين كنت ليش ابوي الي جابها..؟
بتال\كنت عند صآحب لي قديم من ايامـ قديمه...مادريت الا الجوال يدق علي وابوي يقول لي تعالي في المستشفى الفلاني انا خذيت مرتك له...
وصوت مناير في السياره وهي تكلم فلكـ...طيح قلبي ..
يآسر ب ابتسامه خبيثه\ليه..؟
بتال\تعرفهم مايتفقون..صح مناير معدنها طيب لكن ماتتحكم بنفسها الله يهديها..
ياسر\لآ فيهم الخير...ترى هم بمواقف بنات حمايل...قلوبهم طيبه...وماهي بمثل الي على لسانهمـ...
.
.
.
غِبْ , مَآشِئْت !
فـ . سيجلِبُك الحنين .. ~
.
.
.

مناير\ي بنت الحلال انا ميته جوع..ماكليت لي شي...قومي شوفي لكـ شي مفتوح جيبي لنا منه..
مناهل\وش اجيب لكـ..اصبري لين ماتقوم هذي..
مناير\ايه ضعيفه..بكريه وماتدري وين ربها حاطها....
غرقت ب الضحك\انتي شفتيها يوم دخلت على الدكتور..؟
مناهل تكتم ضحكاتها\مآهقيت انها كذا...أحسب انها على مظهرها...قامت تمسك فيك وفيني....
مناير\انا يوم جبت سحاب...تمسكت بعمي في الممر وقلت ماراح ادخل لو اولد هنا...ي قليبي ي عمي ماهو على جبروته وقسوته في ها المواقف يصير قلبه ارق من قلب الحمامه..,
مناهل\ايه اشوفه ماغير يسمي عليها ويقرا...ي لبى قلبه الله لايخلانا منه...
مناير\والا بتيل...داري ان مرته على وجه ولاده ويروح يمين ويسار..حسبي الله على عدوينه سبع التحاسيب...؟
مناهل\رياجيل مايقدرون النسوان ضعفوف مساكين حنا مالنا الادمعتنا والاهمـ...تسلآب عليها ثياب..!
مناير\تصدقين اني رحمتها...!
مناهل\والله انا بعد...ي ختي يوم تمسك بيدي ..تذكرت اختي الصغيره...فيروز يوم تولد..؟
مناير غرقت بضحكه\ي آختي ابوتس وش يحس فيه يوم سمى بنته فيرزو...
مناهل\كان الله يرحمه يحب بنت جيرانا المصريه.. اول وسما عليها
مناير كشرت وجها\الله يقطع الرياجيل ..
مناهل\استغفر الله تراه ابوي..لآتدعين ولآتقولين له شي..
صمت قليلاً لتردف...
مناير\ي ختي شكل بنت البراق..غصبن عنا نرضى فيها ونتقبلها رضينا والا ارضينا...
مناهل\ان رجعنا فيها تراها كانت زوجته الاوله...وبتيل مافرق في معاملتنا مع ان الكل يعرف انها تسوى عيونه المركبه..,
مناير\ايه والله يحبها عسآهـآ اخر الطيحات...!
مناهل\ي وخيتي وشرايتس نفتح صفحه جديده والله ماعاد ينفع الصياح والـعظم مكسور..؟
مناير\هقوتس تسذا..؟
مناهل\اي والله...الحين خلاص الحرمه بتولد وبتجيب اخو والا اخت لعيالك...وصآرت منا وفينا...شكوانا لله...
مناير\وعمي ماعاد يسمع ولآيشوف الا هي....
مناهل\عشان كذا وانا اختكـ...خلينا نبدا معهم في صفحتهمـ الي فتحوها لآنصير منبوذين من القريب والبعيد..,
مناير\يجيب الله خير...خليها على ربتس..!
.
.
.
غِبْ , مَآشِئْت !
فـ . سيجلِبُك الحنين .. ~
.
.
.

بـ
المقابل..,
.
.
.
فتح باب فلته...
ليقف بـ الباب الخارجي...وينظر لشآرع الخالي تماماً من المارهـ...
لآ
يدري لما بضبط خرج وبمثل هذه التوقيت..
شعوراً بضيق يتحكم بـصدره ويمزقه..
يريد ان يتنفس لـه هواء خارج عن جدران ذاك المكان...
يريد له هواء اخر..حتى لو كان برصيف احد الشوارع..لآيهمـ...,
.
.
.
يريد ان يبتعد عن ملوكـ...ولآ يؤلمها اكثر..
يريد ان يقاسي ألم النبذ والاكاذيب وحده...
فـهي آرق من ان تتحمل اوجاعه..
يريد ان تعيش معه بـمحبه دافئه وهدوء
فـ
قد دنى منه الموت للحظه...
وانعرض له شريط ذكرياته معها...
يريد لها السعاده الابديه معه الان..
حتى وان شعر بـ ان صدره ينقبض ويتفتت...
.
.
.
ما ان نامت بين ذراعيه الا وتسحب منها كـ اللص..لـيخرج..
فـ بين اضلعه ناراً متوقدهـ...
يريد شيٍ يطفئها...
و
يريد هواء يتنفسه قبل ان تفقدهـ...
فلو بقى بمكانه...
لـ آشعل الجناح ب انفاسه الساخنه جداً..
,
.
.
.
سمع صوت آغلاق باب سيارة بـ اخر الشارع...!
.
.
لفـته صوت فرقعت الـباب بـ اجواء الهدوء الليليه التي تسكر الرياض بـهدوئها وهبات النسيم المنعشه ل آرواح متعبه..
.
.
.
آرتفعت عينيه...لـيقلص آنظاره....
لـشخص الـطويل الذي يتهادئ بخطوات ملكيه لآيشبه تلك الخطوات... الا..هو...
ذاك الانسان الذي صنعته بعيني من البياض..
و
نسجت حوله اساطير من الـفخر..و..ألاعتزاز..,
.
.
.
جسآر...!
.
.
.
لما الجرح ي جسار يتفاقم ويكبر ويكبر حتى لآينفع معه طب ولآ [كي..]..؟

لما الاكاذيب ي جسار اصبحت كـ فقعات هوائيه احاطت بـ محيطي..؟

لما تلك الـهامات العاليه...بـ نظري...أصبحت هامات من الكذب والـقهر والظلم..؟

لما ذآك الوجع الكبير...يريدون من صدري احتماله..وحمله على اكتافي...كأن لم يحصل شي قط..؟
.
.
.
جسآر...!
آخبروك عن سر تلك الرائحه الطيبه..؟
سـرها ي جسار فضح خيوط العنكبوت الضعيفة النسج..,
.
.
.
لـي عجوزاً صرخ الشيب برأسها وهي تبحث عن من لقم صدرها لـ اكثر من سنتين..,
وحملته بـ بطنها لـ تسعة اشهر..
وصرخ ب حجرها لـ شهور كثيرهـ...؟
.
.
.
آه
ي جسار...
نزعوني من احضانها كـ اللص الذي يخطف الثمين من ثم يمضي..
لآ
يلتفت وراءه ولآ يستيقض له ضمير..!
.
.
.
آه ي جسار..
ليتك رئيتها...!
.
.
.
آنتظرته لـساعات...
و
انا بـ سيارتي ..و...الم فراق يعتصرني..وتأنيب شموخ يكسرني...
انتظركـ..
وكأني على موعد مع خروجكـ المجروح هذا...,
و
كأني على علم مسبق بأنك سـ تخرج...,
.
.
.
عنآد...
او
عساف..!
أي كان الاسم الذي يدون لكـ...أنت تؤم لـروح...وعضداً لـي ..
ان تمايلت كنت لـي عكاز..
وان وقعت حملتني على ظهركـ..,
.
.
.
ي
تؤم الروح..,
آحدثت النساء بروح شرخ بينا...,
لا
آتهمكـ ب تدنيس عرضي..,
ولا يتبادل لـذهنك ان اتهم روحي بـتلك التهمه الجائره..,
عتبي كان فقط على الشموخ الذي تهاوى امام عيني كـ قطع من الزجاج الذي كان منحوت ..
من ثم أصابته حجراً صغيراً جداً...
فـ
تهااااوى...ب القاع...,
لملمته ي تؤم الروح...
لملمت ذاك الشموخ...
آدمى اناملي ..وجرح كبريائي...
لكن لملمت ذاك الـواقع ب الارض..,
.
.
.
وقفا بمنتصف الـشآرع....,
وكل
جرحه هنا...
ينوح....
.
.
.
همس جسآر بوجع\بأي اسم تكون..تـراك انت الوحيد الي لي اقرب من الروح..مـعكـ...آنا...لـحفرة الموت آروح...,
.
.
.
آبتلع جسار طعم العلقم بـ اخر كلماته..وكأنه يدفع الاوجاع التي اثخنتهم بكلتا يديه..
.
.
.
عسآف بـألم \جيـتك بدال المره ثلآث واكثر...قلت لكـ ي اقرب لي من الروح انا ماخونكـ في عرضكـ...انا اصون عرضكـ مادنسه...وصدتيتني..وانا الي مارجع عقب صدهـ...[رجعت لك..] مرات ومرات...,
جسارتعثر في كلماته\آنقسمت روحي ي اخوي لـ قسمين..حسيت ب احتضار الروح وانا حي...امشي واقومـ...
جرحتني ي اخوي بـأنكـ كنت تدري وماعلمتني...وذبحتني هي يآخوي بخيانتها...وانا الي مااستاهله منها..,
عسآف بـتهكمـ منتحب\وفرقتنا مره...!
جسآر بـضجيج ألمـ..\كنت اجمع اشتاتي..أجمع بقايا اوجاعي...كنت آبي اوقف....مايفرق الروح من الجسد الا الي خلقها..,
عسآف\وجيت اليوم تعتذر عشان انا الي اليوم منكسر ومتشتت لـمليون قطعه...؟
جسآر\اجمع آشتاتكـ ولو تجرحت اناملي آو انقطعت اصبع اصبع...!
آنا اخوكـ اذا كشر الـوجع نآبه...!
انا اخوكـ اذا آمسى بكـ الضيق عنوانه..!
انا اخوكـ اذا زفرت الغصه..,
ي بو رعد....آقبل معاذيري ماعاد لـروح طاقه...!
.
.
.
آختنق عساف بـ اخر جمله الـقآهـا جسآر...
وهي التي بفعل ظهرت تحشرش صوته...
لـيضم عساف جسار لـصدره ويهذي بألمـه...
وكلاهما يقبل معاذير الاخر ب اشتياق لـرجوع..
بعد ان اثخن كلاهما
مر الـكبرياء ,!
.
.
.
غِبْ , مَآشِئْت !
فـ . سيجلِبُك الحنين .. ~
.
.
.

فجراً جديد..!
.
.
.
وقف بتال ب ارتباكـ..\خلآص تلفت اعصابي....
.
.
.
يآسر بقرب من جده...\يبه الله يعز مقداركـ..ماودكـ تروح للبيت...
مقرن \لآ...ليش..؟
يآسر\تعبت...ماهو بمعقوله من البارح انت هنا...
مقرن\اذا تعبت رحت لبيتي...خالتك طلع لكم احد يطمنكمـ..؟
يآسر\بخير....خلآص ان شاء الله هانت..,
مقرن\الله يهونها..عليها..,
.
.
.
يآسر يقترب من بتال المتضح عليه القلق الشديد..
.
.
.
بتآل بـ آرتباك شديد\خلآص بدخل عليها هم عادي عندهمـ زوجها يدخل..خلاص انا زوجها وبدخل...بس مابي ابوي ولآ احد يشوفني وانا ادخل..,
يآسر بتهكمـ\بتال العاجي...يدخل على مرته في ولآدتها ي عمي كبيره بحقكـ...الحين بتال الي كلامه يهز المجالس..قلبه مايتحمل على مرته شي..؟
تبي تجلط ابوي لو دخلت عليها..؟
بتال\وش فيها..مافيها شي...زوجها...وبدخل..
يآسرابتسم بتهكمـ\ي حسافه التربيه العاجيه..أبد...ماكنك عاجي...من متى العاجي يدخلون على حريمهم في ولآدتهمـ...هزلت ي عمي هزلت..!
بتال بغضب\اقطع واخس...تراني عمكـ ي الخسيس..لآ اتوطى ببطنك هنا...الا عاجي.. و.. ولد عاجي...وغصبن على هذا الشارب..!
جلس بتال بغضب على كرسيه...,
ويآسر يحاول كتمـ ضحكاته الخبيثه..!
.
.
.
غِبْ , مَآشِئْت !
فـ . سيجلِبُك الحنين .. ~
.
.
.

مناير..\ي آختي دامتس على كلامتس الدوره غايبه عن موعدها روحي حللي الحين...يمكن ربتس عطاتس..!
مناهل وهي تفتح علبة عصير الـبرتقال\لآتخليني احلم بس احلام اليقضه..ماينفع معي علاج...خلآص رضيت بكتبت ربي..,
مناير\هو..وراتس ي الخبله..أنتي ماقلتي ان انا ادهن آرحامي بزيت مقري عليه كل ليله..يمكن ربتس حطه سبب لـتس...قومي جعلتس الـحمل الوكاد..!
.
.
.
غِبْ , مَآشِئْت !
فـ . سيجلِبُك الحنين .. ~
.
.
.

بـعد سآعه ونصف...,
.
.
.
يآسـر بصوت رجولي فخمـ...\يبه ابشر بعبدالعزيز العاجي ...!
مقرن بثورة فرحه غامره..\ونّعــــــــــــــــــــــمـ...ونّعمـــــــــــــ... !
بتال قفز بفرحه غامره\وهي خالتك وشلونها هي بخير طيبه فيها شي...؟
ياسر بفرحه حقيقه\بخير الدكتوره طمنتني عليها وعلى عبدالعزيز الصغير...يقولون كلهم بخير...و عزوز وزنه ثلاثه كيلو ونص...!
مقرن بـفرحه حقيقه\الحمدلله الحمدلله...ي الله انك تطرح البركه فيه والعوض...ي الله ي كريم.ـ..
يآسر\شوي وبيطلع لكمـ تشوفونه...
بتال بشوق غامر\وخالتكـ...فلك..متى تطلع...
ياسر\شوي وتشوفها ي قيس زمانكـ..,
.
.
.
مناير مقاطعه الـفرحه الغامره بصوتها الذي امتلئ به المكان...\آبشــــــــــرك ي عمـــــــــــــــــــــي منيهل حآآآآآآآآآآآآآآآمل...!
يآسر الذي كاد ان يتعثر والاعين الفضوليه تتضاحكـ و تنقل لـتلك المرأهـ الفرحه بشده...
والتي تكاد تتعثر بـمشيتها السريعه وتشد ورائها امراءه اخرى...تبكي...!
يآسر بـحده\قصري صوتس لعنبوبليسكـ...قصريه فضحتينا..!
مناير\الله اكبر عليك ي ولد العاجي..فضحتكـ..وانت وصوتك الي يلعلع...مآنقدت على عمركـ...!
آبشرك منيهل حامل وبتجيب ان شاء الله توم عيال...وهين هين..!
يآسر\طيب ..أسكتي قصري صوتكـ...
يآسر التفت بـفرحه\الله الله...بدت خيرات عبدالعزيز تهل...وجهه حلو..الف مبروك مناهل..,
مقرن ب ابتسامه\صدق كلامتس ي منير...
مناير\ايه والله ياعمي صدق...الخبله حامل ومادرت...الله من الخبال الي معشش فيها..!
مقرن\مبروك ي بنتي عوض ربك صبرك خير...شفتي اجر الصابرين..
مناهل بدموع \الله يبارك فيه ي عمي...الى الان ومو مستوعبه صدق...او حلم..!
بتال الذي ضمها بـ ذراعه الايمن..غير مبالي بـ اعين المتطفلين...ليقبل قمة رأسها..بعذوبه..\الف الف الف مبروك ي الغاليه...
وضعت راسها على صدره لتنتحب ب الفعل..
مناير بـغيض\الله اكبر بس..اذا قلنا خبر زين صحتو وذا قلنا شين صحتو حريم..ماتنعطون وجه...!
يآسر بتهكم\وانا اشهد يا بنت الرجال...!
.
.
.
غِبْ , مَآشِئْت !
فـ . سيجلِبُك الحنين .. ~
.
.
.
على الرصيف...
احد اغصان الـشجيرات المزينه بسوره بيدهـ...
آحتبس الـ ألم لثواني من ثم زفر\انت وريان وشهد مالكم ذنب في ها الحكايه كلها ..بيتي لكم وصدري لكمـ واهدابي لكم لحاف..,
لكن البقيه...يعتبروني مت...لآعاد يسألون عني ولآعاد بسأل عنهمـ..,
جسآر\مالومك في هذا الكلامـ...لكن همـ ب الاخير اهلك..لو جرحوك وذبحوكـ...ي اخوي...آدفن الزله..
آبتسم\وش تقول ي جسار...زلة عمر كامل كيف ادفنه...؟
.
.
راقب عساف تسلل الصبح من بين الابنيه المواجه لهمـ...\حتى هذيـك مابي اسمع عنها شي...!
جسآر\بيتها مواجه لـبيت العاجي..جيتها مره...بس ماتأكدت من شكوكي...حتى لو تأكدت بستبعد هذا الشي لنه بـعقلي الباطن من سابع المستحيلات...الله يروف بحالها هذيكـ الام...توجع القلب بـشوقها لك..!
.
.
.
آهتز قليلاً..,!
.
.
لـيردف عساف\تعيش...بآقي...العمر بلا ولدها افضل لها...!
آسكت جسار ب آبتسامه\آقلط ي ابو درر افطر...واذا تبي تسهل بعدها براحتكـ...
وقف جسار\لآ...وراي الف شغله وشغله..,
انحنى انظاره لـ جنب عساف\كيفها اصابتكـ..!
عساف \بخير..لآتشيل هم..,
جسآر\عن آذنكـ اجل...,
عساف\الله يسهل دربكـ..!
.
.
.
غِبْ , مَآشِئْت !
فـ . سيجلِبُك الحنين .. ~
.
.
.

بـجناح فلكـ..
.
.
.
يشد خصلها المبعثره لـيرتبها للخلف..يمسح قطرات العرق التي تبلل جبينها...
ويبتسم بعبق وحب...و تهكمـ\ي لبى قلب خالتي والله انها فلقة قمر حتى وهي تعبانه وحالتها قشر...واقول من انا طالع له طالع لزين هذا..!
مناير مقاطعته بتهكمـ\ب الحيل ..والله ان الزين ماطقك انت وخالتكـ..وان جاكم ف تراه مضيع...
رفع حاجبه الايسر\ي ليل الـضراير بس...وش تبين انتي ولد اخت يتغزل بخالته...وش حاشرك بينهم ها وش حاشركـ..!
رهف بمداخله وهي تكز ياسر بنعومه\خف على الضعيفه..وش فيك..
يآسر\بروق عليها..وش تبين انتي...,
مناير\حآشرني الزين الي تقوله ابي اغرف منه...
يآسر\مايلوق لكـ...مآركه مسجله...,
مناير تقبض اناملها من ثم تفتحها بـتهكمـ\ قصدكـ تقليد ماركه..بروح ازين لخالتكـ هـ الي تقول يتكبكب منها الزين يمين وشمال شي يرم عضمها...أبرك لـها من زين ماله قيمه..!
يآسر بخفة دم\لآتحطين لها شي فيه...ترى عندي جهاز يمرر على الاكل يكشف مكوناته..ها تراني نبهتكـ ديري بالك..!
مناير\فوق شينه قوات عينه..آنقلع لابارك الله فيك ولآفي خالتكـ..وش الي جابرني عليكمـ..غير طيب اخلاقي وبياض قلبي...غير ان المعروف فيكمـ ضياع...
خرجت مناير غاضبه ليلحق بها ياسر يسترضيها...
.
.
.
غِبْ , مَآشِئْت !
فـ . سيجلِبُك الحنين .. ~
.
.
.

امام زجاج الحضانه..,
.
.
.
مقرن\ي حليله يحليله..مزيون والله انه مزيون...
مناهل\ايه الله يخليه لكمـ ماشاء الله ياعمي...نسختك..!
مقرن بـتقطيب حاجب\انتي ماتعرفين الملامح...الا نسخة ولدي عبدالعزيز شوفيه زين وش يعرفك انتي...!
آردف بغضب\الا هم متى يطلعونه ويخلونا نشيله..؟
مناهل\شوي ي عمي هم الي يضبطون اشياء كثيره تعال نجلس شوي...,
مقرن\اجلس..أنتي منتي بصاحيه...شوفي عبد العزيز ي زينه وي زين وجه...دقي لي على الظبي ...ماحد بشرها ولآعلمها..علميهاا قولي عبدالعزيز جاى...!
.
.
.
غِبْ , مَآشِئْت !
فـ . سيجلِبُك الحنين .. ~
.
.
.

بـ جناح فلك..,
.
.
.
دخل بتال بـ بوكيه من الورد الابيض بشكل كبير وغريب بتنسيقه المبدع..,
خجلت رهف لـتستأذن بهدوء..وتخرج تلحق ب ياسر الذي آختفى مع مناير..,
.
.
.
وضع الورد ب القرب منها..,
و
اقترب بهدوء..يحاول ان يوقضها بهمس..
ماهي الا لحظات وفتحت كلتا عينيها بألم..,
بتال بهمس\الف مبروك ي حبيبة العمر...
فلك بتعب\ي ربي تعبانه ماقدر..,
بتال وهو يطبع قبلات عديده على وجها\الحمدلله على سلآمتكـ...
فلكـ ببحه\هو بخير...كامل صح..
بتال ب شوق\ايه كامل ومثل فلقة القمر...الحمدلله والشكر...
آردف\هذا..هو تفسير حلمي...كأنه الي كان بحلمـ...بس بـقى الولد الثآني..تهقين يكون ولد عبدالعزيز..؟
فلك بتقطيب حاجب\كيف ولد عبدالعزيز..,
بتال\يكون على ياسر....؟
آبتسمت\ان شاء الله... الله يكتب لهم الخير..,
آردف بهمس\ابوي واقف عنده هناك يحسب انه في حلم ماهو حقيقيه..
فلك\الحمدلله..تكفى بتال دق على ملوك بشرها..,
وضع انامله على كلتا عينيه\من عيوني..وابشرك انا....مناهل حملت وجبر الله بخاطرها...
ابتسمت بغصه\مبروك..الله يجبر بخاطرها..,
بتال\ودي اقولك شي....!
فلك ب هتمام\وش يكون...؟
بتال\آحبك فوق مآيتصورون...!
.
.
.
غِبْ , مَآشِئْت !
فـ . سيجلِبُك الحنين .. ~
.
.
.

بعد سآعه..,
.
.
.
دلف باب الجناح لـيجدها مستيقضه..و...الفرحه تخرج من وجهها..,
آبتسم لـ آبتسامتها \وش فيه...؟
الظبي..\آخوي بتال..رزقه الله بولد...وزوجته الثانيه حامل..
آبتسم\الف مبروكـ...
حركت اناملها بـ ابتسامه\تكفى ي ابو درر...بروح مع السايق لهم مافيني حيل انتظر..الله يخليكـ..,
شرع الباب وهو يفتح ذراعه الايمن..\آوديك انا..!
الظـبي\لآ..أنت اكيد تعبان...بروح انا والسايق..,
جسآر\..لآ...مو تعبانه..ي الله البسي عباتك انا تحت..,
.
.
.
بـ
السيارهـ..,
.
.
.
كآدت تقفز للـجانب الاخر عندما وضع يده الدافئه على كفها...
بـ ارتباكـ وهي تحاول ابعاد يدها...\معليش بلبس قفازي....
حركت حقيبتها لتـخرج قفازها...
فـيشد كفها لـه...\البسيه قبل ماننزل بشوي ...والحين خلي كفك هذا يحضنه شوي كفي...لآتبخلين مآعرفت العاجي فيهمـ بخل..!
همست بـ آرتباك \كل واحد فينا حط لثاني حدود..آنت خذتني مربيه لبناتكـ..وكررت هذا الشي على اذوني الف مره...فـ لو سمحت ب كرر انا بعد ان انت عندي واجهه وبس..!
.
.
.
صمت...وهو يبتعد بكفه عنها...,
و
هي ب الفعل تريده ان يرفض الابتعاد ويقول لها....
لآ
آريد ان تكونين مربيه بـل حبيبة عآجية اعشقها..!,
.
.
.
لآتنكر كمية الوجع التي انسكبت على مشاعرها..
وهي
تلمح حسن وجمال أنثى كانت بين احضانه يوماً..
قد آشبعها بكلمات الحب و بـغيره الكثير..,
.
.
.
شعرت بـ لهيب لـفح وجهي..
لولآ لمـ تصمت بعد كلماتي تلكـ...
لـحطمت وجها ذاك الرخيص...!
.
.
.
آيعقل بأن رجل بـمثل هذا يـخان..!
آي قلباً كنتي تحملينه ي تلك بين اضلعكـ...,
.
.
.
فـ
حضوره الكاسح كفيل ب ارتعاش أي انثى كـ طيراً بلله المطر..!
.
.
.
جسآر بـصوت هادئ\ي الله ننزل...!
آرتفعت عيني الظبي ب استغراب\هذا مو المستشفى...؟
جسآر\آيه عارف انه مو المستشفى...بس ي الله انزلي...!
صمتت وهي تنزل معه بـ غضب داخلي...
كيف يتجاهل رغبتها الجامحه بـ مقابلته اهله وفرحة ابن اخيها ..,
مآلذي يريده بضبط..!
.
.
.
اجلـسها بـ اللوبي قليلاً...
لـيأتيها بعد ثواني معدودهـ...\قومي معي...!
الظبي\جسآر...وش عندكـ هنا...؟
جسآر\بـس بنفطر على ماتفتح الـمحلات وناخذ بيدنا شي لهمـ..مو حلوه بحقنا..وبعد ابي اريح لنا شوي قبل ماروح لهم...,
الظبي بغضب واستغراب اكثر\طيب كان نمت ب الفله وتركتني مع السايق او اتصل ب ياسر يجي ياخذني..وانت ارتاح...يعني حاجز جناح عشان بس اقل من ساعه..!
جسآر بـ ابتسامه\ايه....!
.
.
.
لحقت به بـضجر...
وفتح لهم الموظف بعد ترحيب حار ب جسار...وكلمات اعجاب قصيره..أبتسم هو بتواضع لها...
لـيدخل الجناح..!
.
.
.
آنزلت النقاب منها وجلست ب الاريكه القريبه ب ضجر حقيقي...,
هو ب المقابل انزل شماغه ووضعها ب منتصف الاريكه الاخرى...!
.
.
.
استدار ببطئ\نزلي طرحتكـ...وعباتك..!
الظبي\لآ...أنت بس اطلب لك فطور وارتاح عشان اصحيك بعد شوي..؟
.
.
.
آرتبكت من اقترابه منها..
.
.
.
آنحنى ببطئ لـيحرر الطرحه من عنقها الـمبلل بقطرات خفيفه من الارتباكـ...\آبي اشوف شعرك ينثر مثل الليل يغطي الـصبح...!
.
.
آرتبكت وهي تدرك بأن اقتراب رجل كـهذا الاقتراب ونبرة الاشتياق التي تلمحها بين ثناي حروفه الـتي تقطرشوقٍ هي مخالفه تماماً لكلماته الدائمه لها...
همست بمكانها \ي جسار...كل واحد فينا له اتجاه معين لـو تداخلت الاتجهات مآآآ..
آسكتها وهو يرفعها بقبضته التي قبضت على ذراعيها ..وشدها لتقف ...\تذكريني كلام كنت فيه مثل الي يهذي وهو في الاحتضار..خلآص..اليوم لملمت كل شتاتي ..و.. وقفت...وحطك ربي في طريقي عشان يجبر كسري ويخليني اوقف من جديد..
همست برعب من آقترابه\انت قلت بلسانك ان انا ماشفيت من حب طارق..صدقت...انا ماشفيت من حب طليقي....!
بـ آقتراب اكثر وانفاسه تدنو منها\كذابه...آنتي اليومـ غارقه لـ اذنيك بحبي انا..
بحب جسار الراسي...!
كذبي غيرتك الي فضحتك في حضور سيوف لما كانت تبي تغويني من جديد...!
والاكذبني انفاسك الثايره ب السيارهـ...وكفك الي حضن كفي من دون شعور منك..!
كذبيني..اذا انا بكلامي كذب او انعدام حقيقه...!
تحبيني انتي اليوم ي الظبي...لآ....الا تعشقين كل ذره فيني بس مبعثره وانا الي بلم شتاتك ...!
.
.
.
آخترقت كلماته الصادقه...
قلباً اضناه التعب في البحث عن حب جديد صادق يتعلق به..
آضناها تكذيب خفقات قلبها بحضوره..
و
تصفيق اضلعها بعد كل كلمة يقوله لها..
أه
ي
صآحب القلمـ...عاشقة لك ورب القلم..!
.
.
.
بكلمات صآدقه...\على قلبي انتي اليومـ حبيبه..واميرهـ...و..مثقله بـكل غالي....
حبيت فيكـ طهرك وعفافك....قبل ماحب فيكـ حسنك الرباني الي كملك فيه ربكـ...
آبيك حبيبه...أبيك عفيفه.. و...ابيك عاشقه...ابيك رفيقه مخلصه قبل تكونين..ام تربي بناتي....
آختنقت من كلماته الملتهبه...
لـتسقط كل جموحها تحت رايات حبه الـوليد..!
.
.
.
غِبْ , مَآشِئْت !
فـ . سيجلِبُك الحنين .. ~
.
.
.


بـ المساء..,
.
.
.
بـ جناح فلكـ...
بـ صآلة الاستقبال...,
.
.
.
الظـبي على الاريكه الطويله وآذرع بتال وياسر تحيط بها...وعبد العزيز الـصغير بين احضانها...
تقبله بـ فرح حقيقي لـقدومه..
وتشتم رائحته كأنها تشتم عبق اخ ب الماضي...
رحل ولن يعود ابداً...,
آبتسمت وهي ترفع عينيها لـهمس والداها\رجع عبدالعزيز ي الظبي رجع..؟
آبتسمت الظبي الله يخليه لـ ابوه...
شدة حقيبتها لـتودعه بين مفرشه وجلده الابيض النقي...شيك مدون به مبلغ ضخمـ..
بتال بتجهمـ\لآ ي الظبي لآ..
الظبي ب ابتسامه\ماهو بكيفك عسى عيني ماتبكيكـ...هذا لـشيخ العاجي...
ياسر بتهكمـ\الله الله...خذا ها الفصعون الالقاب كلها مني....
بتال\خلآص ي ياسر اطلب العوض..وارض ب الغبينه...
تجلجلت الضحكات لـيهمس...مقرن لـ الظبي\ادخلي سلمي على ام عبد العزيز واطلعي لـزوجك الي له فتره ينتظرك برى الجناح...,
الظبي انتفضت من ذكر جسآر...
فـ
آسمه اصبح مرادف لتيارت كهربائيه تصعقها..!
.
.
.
وقفت لتـشد الخطوات..
للخارج...
قبل ان يشد ذراعها مقرن\وش قلت..؟
انحنى رأسها بتذلل\آبشر...!
رفع ذقنها ب انامله...ليقبل جبينها\تبشرين ب الجنه...
آرتفعت لتقبل جبينه...
وتشد الخطوات لـداخل الجناح..,
.
.
.
توسطت الجناح...
لتبتسم مناهل لها..و..ترحب بدخولها...
و
عينيها تنتقل لـمناير
مناير بعصبيه\اقولتس اشربي هـ الحليب بطيب ب الغصب ماهو بكيفتس ي الخبله انتي توتس ظاهره من ولاده يبي لتس مشوار طويل معي...رمي عظمتس ي الرفلا...!
.
.
.
الظبي بهدوء\مبروك ماجاك ي ام عبد العزيز...!
.
.
.
سآد الصمت وآنلجم ضجيج مناير..
.لتتعلق عيني فلك بـ تلكـ الـتي لآتساوم ابداً على حدود العاجي...!
.
.
.
آرتبكت\الله يبارك فيكـ..
تقدمت بخطوات قليله...
لتنحني وتقبلها...\والحمدلله على سلآمتكـ...!
نزعت اسواره ماسيه كانت مطوقه بها معصمها لـتضعها على معصم فلكـ..\واعذرينا على القصور...,
فلك ب آرتباكـ\ماله داعي ي الظبي...
الظبي ب هدوء\عن اذنكمـ...,
.
.
.
و
رحلت ب أسرع من حضورها...,
.
.
.
صعب جداً على العاج ان يتظاهر بـ تجاهل الحدود...!
هم من يضعون تلك الحدود
و
ينمقونها...
شئنا ام ابينا...العاج ....همـ مرادف لكل شخص بيننا..!
.
.
.
غِبْ , مَآشِئْت !
فـ . سيجلِبُك الحنين .. ~
.
.
.

بـعد ثلاثة اشهر...!
.
.
.
الـغيوض ب استغراب من تهلل وجه عبد المجيد...\وش فيه..؟
عبد المجيد يمسك بمعصمها لـيشدها...وتلحق به رهف...
رهف ب استغراب وصوت ضحكه مكتومه\شكل فيه حركات رومنسيه منكمـ ي حلو ابوي يجنن ي ناس...!
.
.
.
دلف عبد المجيد الباب لـيدخل الغيوض المبتسمه بـ استغراب من صمت عبد المجيد وشده لها بـذلك الشكل..

توسطت المجلـس وهي تبحث بعينيها عن سر شد الغريب لها...,
.
.
.
آنحبست انفاسها لـثواني..
وهي تقع على ركبتيها بـفرحه حقيقه وتفتح كلتا آذرعها....!
شد خطواته المتعثره لها...!
لـيرميها هو بـ آحضآنه المشتاقه لها...
ويحتضنها كـ طفله بين اذرعه....
تنتحب بشوق جارف....
تأخرت تلك الموانئ ي عسآف....!
تأخرت حتى علقنا باب الصبر بـ اليأس...!
تأخرت حتى اضحت المواقي بياض..!
.
.
.
الغيوض بألم وهي تشتمه وتقبله بكل اماكن وجه...\ي ريحة اهلي...ي الغالي ي نور عيني ي روحي الي استقرت اليوم بضلوعي...ي رب احمدكـ..ي رب احمدك واشكرك...هو بـداخل ضلوعي اليومـ...
عساف بألم\يمه سآمحيني يمه...لآزم استوعب وش الي انا فيه عشان اجيك اليومـ واطيح عند رجولكـ...وآحضنك بضلوعي...
يمه تكفين لآتبكين....ترى صدري ماعاد يقوى...
.
.
.
انتحبت انتحبت وهي بين اضلعه....,
وتلك
الرائحه تتراقص فـ يشتمها كـ مدمن....يتلذذ بها لـ اول مره..!
يـشعر ب انها تتراقص طرباً بين اوردته...!
كأنها عروسٍ تزف بـ دمه...
[ي حلوها ريحة آمي....]....!
.
.
.
رهف التي كان صراخها الهستيري يسيطر عليها ب الفعل...
لـيضمها عبد المجيد ويحاول تهدئتها...
لكنها ب الفعل دخلت بنوبة صراخ هستيريا...أشبه ب البكاء الغير متوقف...!
.
.

.
عبد المجيد بصوت حاد\بسم الله عليكـ...رهف...رهف..بسم الله عليكـ...رهف ماهو زين هذا الشي...سمي ب الرحمن سمي ب الرحمن..!
آستيقض عساف..من سكرته...على صراخ تلك الرقيقه...الهستيري...
وقف بتعثر وهو يشد نفسه ب الابتعاد قليلاً عن تلك المتشبثه به....
وغير منتبه بما يحل بـ طفلتها الاخرى....
شد عساف رهف ....لـيودعها احضانه...بعد ان شد عبد المجيد الغيوض لتهدئتها...
.
.
.
عساف بألم\بس....خلاص اهدي...الله يرحم غاليكـ...لآيصير فيك شي...!
ضمها لـصدرهـ....
لتتحول تلك الهستيريا في البكاء....
لـشد لـ اضلعها...كاد ان يوقف تنفسها...
وآغتص عساف بعبرته...
من تلك الكتله الكبيره من الـ ألم التي ماان تنفك تصفعه..,
الغيوض ايضاً ضمتهم كليهما لـصدرها...
لـترتوي من مر الفراق اخيراً...!
.
.
.
غِبْ , مَآشِئْت !
فـ . سيجلِبُك الحنين .. ~
.
.
.

بـعد خمسة اشهر..!
.
.
.
جسآر \لآ هي منتظمه على برنامج علاج ناسبها وماعاد جتها نوبات الصرع الحمدلله..
آردف بعتب\لآزم تحضر زواج شهد...مآهو بكيفكـ مآتحضرهـ...خلآص عسآف ماشبعت من الـ بعد....!
من ثم
آغلق هاتفه بعد رد عساف وهوغاضب جداً..
الظبـي ب استغراب\وش صآر...بيحضر زواج شهودي الليله والا لا؟
جسآر\يقول نجوم الثريا اقرب لكم من هذا الطلب...ومن بعدها قال سكر على هذا الموضوع..,
الظبي\الله يهديه..ويصلحه ي رب...تصدق استغربت انه ماغير اسمه ب الاوراق الثبوتيه...!
جسآر بألم\سألته قال خل الورق لهم والحقيقه لي انا ابي الكل يناديني بـ عساف وب الورق عناد..الي علموه وكبروهـ....مايضرني لو نادني غريب ب عناد..لكن القريب ما ارضى يناديني الا ب...عسآف...!
آردفت\ يعجبني عساف آشوفه شخصيه قويه وكبيره على الرغم من الوجع الي بداخله ويكابر فيه..
آردفت بهمس\جسار الي خطب شهد تعرفه زين ...صح..؟
جسآر ب ابتسامه واثقه\اعرفه زين شاب مؤدب وخلوق وتحت عيني من يوم تخرج من الجامعه واشتغل معي ب الجريده....ينحب وينحط على الجرح يبرى..ماعندهـ حركات الشباب ها اليومين...و{..لآ عندهـ خرابيط..ماشي مثل المسطرهـ...
الظبي\الحمدلله كويس..
جسآر\كيف درر معكـ....ان شاء الله احسن..,
الظبي ب ابتسامه\اوووه...احسن بكثير وتقدم ملحوظ..هي اعجبها ان انا اتركها على راحتها آذا حضرت انت...وبعد يعجبها سوالفـي لها دايمـ...
جسآر ب استغراب\سوالفك لها...؟
الظبي اشارت براسها\ايه...خبرتها ان انا مثلها آنفصل ابوي عن امي وانا صغيره...كنت ابكي كثير وكنت لوحدي كثير...بس هي عندها اختها وسن..وعندها ريان وشهد عندها جدتها وامها الكبيره وابوها الكبير...ٌقلت لها انا ماكان عندي الا آبوي واخو مات وثآني كان يشتغل كثير..
اول شي شفت انها شوي استمعت لي...بس بعدين اشوفها تجاوبت لما تشوفيني ادلع وسن واحط لها لوحه بغرفتها فيها نجوم كل ماسوت شي حلو...اول شي كانت تكسر اللوحه تبع وسن وتقهرها بس لما شافتنا نتجاهلها ماصآرت تتعرض للوحه من بعدها قالت لي وسن ان درر تبي مثلي لوحه...وجبتها لها ومن بعدها بدت علاقتنا تتحسن يوم عن يومـ...مع انه لساتنا ب اول الطريق....بس الحمدلله ماتوقعت ها التجاوب ابد...؟
آبتسم جسار بحب وامتنان...رفع اناملها لـيقبلها بـ ابتسامه لها معاني كثيره وبـصوت اشبه بـ العذوبه\وهـ الحلو كم باقي له ويشرف..؟
آبتسمت الظبي\شهر واحد بس....
جسآر\الحمدلله.....شفتي ثبات حملك كان حاجه بسيطه تهاونتي فيها...لو انك مداومه على القرايه عند الشيخ ماكنتي عرفتي هـذا الشي..
ابتسمت بحب\كتبت الله...
جسآر\صدقتي كتبت الله..!
.
.
.
غِبْ , مَآشِئْت !
فـ . سيجلِبُك الحنين .. ~
.
.
.

بعد سآعات عده وب المساء..,
.
.
.
زوآج شـهد...,
.
.
.
طرق الباب..جسار وب أبتسامه\فيه نآس جاين مخصوص يبون يصورون معكـ...!!
آرتفعت اعين شهد ب استغراب...\مين...!
دخل بخطوات خجوله مع الباب...
لـتظهر على محياه ابتسامه \انا ي المزعجه...!
.
.
.
آختنقت الحناجر بـطعم الفراق...!
.
.
.
شـهد وهي تضع كلتا يديها على اطراف فستانها... لتركض له..
.
.
.
عساف بخطوات سريعه يستقبلها بـ ذراعيه\الله يهديك الرجال قريب لآتفضحينا فيه..بيقول مزوجينا مطيوره...
عانقته بألم...لـيسكتها\ولآ كلمه تبكين والله ماعاد تشوفين وجهي...
ريان تدخل\دافعين فيه فلوس ها المكياج تبكي نعلقها الحين بـ المروحه...
رفع راسه عناد بتهكمـ\وش مروحته ي الاعمى ...ماتشوف...مافيه مروحه قول نعلقها برجلينها في خلفية التصوير...
ريان\فكره حلوه والله ي قناص...!
آبتسمـ وهو يشهد ابتسامة جسار الثقيلهـ...تتلمع على محياهـ..
.
.
.
سطام دخل هو والجده وسآره بدعوه من جسار....
لـيستدير عساف لهمـ...
الجده تفتح ذراعيها بوجع له...
لـيصد بنظراته عنها...!
جسآر بهمس\لآتكسر عجوز ماعاد لها في الدنيا رجوة احد..,
آهتزت بعبراتها المتهدجه\عســـــــآف...تعال لـحضني...
.
.
.
لحظات صمت مترقبه قاتله للارواح
.
.
.
من ثم
تقدم بخطوات مجروحه...مقتوله....
لـيطوقها بذراعيه ويقبل رأسها تحت جنح وجعه...
وهي تهذي بجنون الفراق\والله ي ولدي ماقصدي آظلمك عثره كبيره ودفعنا ثمنها مر الفراق...ي ولدي سآمحيني على خطاي سآمحني....والله انك تسوى عندي الـنظر..,
قبل رآسها مرة آخرى...
و
الصمت يخنقه...
.
.
.
مهما اوجعني الظلم ونحر روحي...!
بقت همساتكـ التي صنعة مني رجل...!
رجولته قتلته بـ تعسفها....!
اهـ ي [جدتي...]
لـيتني اعود لـمنادتكـ ب [يمه...]
لكن [ الخنجر ] مازال يعبث بـ آضلعي..
و
مازال سمه يعلن انتصارته بـ [دمي...]
لكن
تلك الاضلع الخاويه...!
ما
زالت تأخذني لـ [ الحنين ] لـ [ حنآئكـ و بخوركـ..]
.
.
.

من ثم يستدير ويقبل رأس والداه وسآرهـ...
ولـحظات بقى فيها متوجع...
آستئذن بعد ان قبل شهد...وبارك لها...
شهد بـ خجل\وين رعودي ب ابوسه...واصور معه...؟
ابتسمـ\مع خواته...تحت ب القاعه..!
الجده بـرغبه جامحه ب البكاء\الغيوض و شهد تحت....؟
آردفت ب اختناق\آبي اشوفهم لو مره ي ابوي...لآتحرمني ..
سطام بألم\عساف ي ابوي..جب بناتكـ التؤم لنا...مايصير تقطع في ابوكـ واهلكـ...
سآره \تكفي ي حبيبي...خلآص نبي نلم الشمل من جديد..,
.
.
.
نلمـ الشمل
الي آتعبه كثرة الـفراق..!!
تعال
نلمـ شملنا اليومـ...
ترى القلوب الرهيفه ماعاد تحتمل مر الفراق..!
.
.
.
جسآر قآطعهـ\انا بدق على الظبي تطلعهم مع الخادمات لنا...
هيا بشوق عارمـ\ايه ايه...دق عليها...
آستدار عساف لـيجلس ب الاريكه الاخرى....
ويتذوق لم الشمل الجديد..
مع ان بصدر غصة...
الا
ان الـسنين القادمه كفيله بـ آندمال الجروح المتقيحه..,..!
.
.
.
غِبْ , مَآشِئْت !
فـ . سيجلِبُك الحنين .. ~
.
.
.

بـ قـصر العاجي...,
.
.
.
مقرن يـشد عربة عبد العزيز ويهمس له بكلمات ضآحكه ليبتسم عبد العزيز وينطلق بضحكاته..
مقرن بـفخامه\تدفن عيني ان شاء الله ي عزوز..عسى يومي قبلكـ..
بتآل بفزع\عسى عمرك طويل ي ابوي...
مقرن بحب خالص\شف عيونه...بجيك رجال كلهم يجون عند نآره...!
بتال ابتسم\ان شاء الله يبه الله يكتب له العمر الطويل بطاعة ربه....
آبتسم مقرن\وش صآر على المشروع الي فتحه يآسر ...؟
بتال ب ابتسامه\آوراقه كلها بمكتبك ي ابوي...اشوف المشروع اكثر من ناجح وفي ظرف سنه بيرجع راس المال الي انحط فيه
مقرن\ايه...يآسر عقليته نظيفه..وتجاريه..لكن لو انه يترك سآري عنه كان هو بخير..
بتال بتهكمـ\يبه ساري وياسر مثل الزيت والنار...مايجتمعون..
مقرن\سآري شريك واخو افتخر فيه...تحصله ب المواقف الكبيره والقويه..جذوره ب الارض..مايـنكرها....لآيغرك منظره وضحكه وكلماته ..ترى عقله مامر علي في احد..واكبر دليل...وقفته معنا في محنتنا الي راحة وقفة رجال..ينشد فيه الظهر ومانلتفت ندور لنا عكاز دامه معنا
بتال\ايه والله يبه..دايم سآري يفاجئني...آشوفه مرتدي ثوب ماهو ثوبه..مثل الي يقولون سيد القوم هو المتغابي..,
آردف مقرن بخبث\كان لازم لك انت ويآسر قرصة اذن عشان ترجعون لـ الشغل بعقل نظيف..ماتفصلون انتم البيت عن الشغل...هذي كانت فكرة ساري..!
بتال ابتسم\والله ي يبه نركض بيدينا ورجلينا ان شاء الله نرضيكـ...وسآري تكفى خله على جنب..في هذي الامور...,
مقرن\تركضون لـ انفسكمـ..ولكمـ...عشان مايروح تعب سنين وجهد سنين..ابيكم من عآج...!
مافيه شي يهزكمـ ولآ يهدكمـ..!
.
.
.
غِبْ , مَآشِئْت !
فـ . سيجلِبُك الحنين .. ~
.
.
.

بعد سنـتين...!
.
.
.
يآسر بشوق\تعالـي ي كتكوته...!
شهد تبعد خصلاتها عن جبينها لتضعها بطفوله خلف اذنيها...!
يآسر يحملها لـيقبلها بشوق ويحتضنها ويطبع على جبينها قبله..\انتـي حلوه..تدرين..!
من ثم اردف\تشبهينا بشكل يوجع..!
شهد شدت القلم الانيق الموضوع بجيب يآسر العلوي لتحاول العبث معه....
تفتحه ..!
تغلقه...!
تفتحه..
وترسم على يديها بطفوله...!
.
.
.
صمت وهو يتأملها بشكل دائم كلما دخلت هذه الطفله...!
جددت وجع يسكنه ويخرسه..!
نعمـ تعايش مع رهف...
و
يعشقها بجنون...كما هي تعشقه بـ شراسه..!
الا
ان للحب الاول المدفون ب الاعماق كهرباء تسري...لآيستطيع ان يطفئها...,
وتلك الطفله الـصغيره التي تشبه ملوكـ بجميع تفاصيلها....
تقلب عليه ماضي يدفنه...آو...دفن وانتهى..!
.
.
.
رهف بـ ستغراب\شـفت آحمد...؟
رفع كتفيه بـ استغراب\لآ ماشفته...؟
آرتفعت اعين رهف بعد ان وجدت صغيرها احمد نائم بـ زاوية المكان....
لتردف بعصبيه\لآ...وش يهمك ولدكـ فيه...أهم شي تبوس شهودي بنت اخوي وتضمها لـصدركـ...
سبحان الله تذكرك ب الذي مضى...!
اسمعني زين ي ياسر...لآتحدني على اقصاي..!
لآ
تخليني ارتكب جريمه..والله مايهمني شي...بذبحكـ وارتاح..!
آنزل شهد من آحضانه..\ي رهوفه ي روحي انتي...هدي اعصابك يعني لآزم ها الموشح كل ماشفتي ها الصغيرهـ اشيلها وابوسها...ترى والله بعد صعبه تشوفين لكـ صغنونه كذا وحلوه وماتبوسينها وتشلينها بحضنكـ..والله لو قلبي حجر..!
آردف وهو يشدها ب احضانه\انتي بس الي افكارك سوداء ومانسيتي الماضي...
ألف مره قلت لكـ انت حبيبتي اليوم وبكرا ولـ اخر العمر...!
آبتسمت بعد ان آغرقها كـ دأبه ب الكلمات التي يتقنها..!
وهو
بفعل يحبها..!
.
.
.
غِبْ , مَآشِئْت !
فـ . سيجلِبُك الحنين .. ~
.
.
.

رعد يشد الغيوض الصغيره ب احضانه...
لـتردف ملوكـ\لآ ي رعودي بتعورها كذا..روحي ي قلبي انا شوف وين شهودي اختكـ...يمكن هي داخل عند عميمه...
آبتسم رعد لـيذهب يبحث عن شهد كـ يحملها ويشد شعرها كما يحب ..!
عساف بـغيض\الف مره قلت لك يمه اذا جيت مابي التقي مع ها الياسر...أعزميني في وقت ماهو بموجود فيه...صعبه هذي..!
الغيوض بمحبه\ي نظر عيني انت ليش ماتحبه بهذا الشكل..ياسر محترم ويحب اختك ويغليها ...وبحسبة ولدي...ترى والله يحز بخاطري اسلوبكمـ ي الاثنين مع بعض..
كل واحد فيكمـ كأنه شآيف الموت ان شاف الثاني...الله يهديكمـ بس...!
عساف بحدهـ\هو وش يحشره بينا...خلآص ينزل اختي ويتوكل على الله الا ينحشر ب اضيق الزوايا..!
الغيوض بألم\ترى ياسر بحسبة ولدي...والله ان غلآهـ كل يوم يزيد...ي بوي لآتوجعني ب الحكي من صوب ياسر..
آبعد انظآره بحقد عن الغيوض...
.
.
.
فـ
هو
لن ولم يتقبل يآسـر..
طآلمـ يشعر ببعده براحه...و..بقربه ب الاحتراق...
خآصة
اذا تذكر مآضي انه خطيب لملوكـ..
و
عندما يظهر حبه وتودده لـ اخته الصغيرهـ...
يحترق تماماً...!
.
.
.
آبتسمت ملوكـ وهي تشد كفه وبهمس \هد اعصابكـ مايسوى عليك العصبيه الي دوم كل ماشفت ابو احمد..,
آحتضن اناملها بـحب\مآ اواطنه بعيشة الله وانتي سيدة العارفين فلآ تتجاهلين...
آبتسمت\الله يهديكـ...,
الغيوض ب ابتسامه\وش اخبار اخوكـ مناف وش احواله مع عروسه الجديدهـ..
ملوكـ ب ابتسامه\لا ابشرك بخير...ومبسوط بعروسه وطآير فيها..,
الغيوض \الله يوفقه ي رب..
عساف بـ همس بقرب من آذنيها\وش رايكـ نعيش عرسان ونسافر...ترى ماذقت طعمـ العريس بمعناهـ ..!
آبتسمت بخجل..!
لـيغدق عليها اكثر\بنترك الـبنات ورعودي عند امي..وبنسافر لنا كمـ يومـ...وش رايكـ ي حبيبتي..؟
آرتفعت حاجبيها\الي تشوفه..!
آبتسم\ي خجول انت...تدرين اروح فـيهآ اذا شفتكـ تخجلين وكأنكـ هذيك العذراى الـي دخلت عليها بفستانها الابيض...ي زين الخجل على اهله...
ملوكـ بـخجل شديد\تكفى عسآف..خلآص مو قدام امكـ..انت من بعد آصآبتك القديمه وانت لسآنكـ ..
قآطعها بهمس وهو مستمتع بحمرارها\لساني ينقط عسل داري...هو احد يشوف هـ المبسمـ ويظل جدار بآرد مايتكلم ولآيقول شي...!
ملوكـ\فديت قلبكـ..الله لآيحرمني منكـ...
عساف..\ولآ من ها القلب الحنون.........
.
.
.
الغيوض تتأمل همسهم الدافئ وهي مستمتعه بـ الراحه النفسيه التي تحيطـ به..
لتقف وتبحث عن حبهآ الـمتجدد...[عبد المجيد..]

.
.
.
غِبْ , مَآشِئْت !
فـ . سيجلِبُك الحنين .. ~
.
.
.

بتآل ورأسه موضوع بحجر فلكـ...وروان على بطـنه يـحاول ان ترقص ..\رونه...حبيبتي...
فلكـ ب ابتسامه\بنت مناهل وجها متجهم لآتضحك ولآشي دوم زعلانه...؟
بتال\آموت على الي يغارون...
فلكـ\ماهو غيرهـ بس صدق...شف من متى تبي تضحكها وهي مآدهـ بوزها..
بتال\بنتي ومعجبتني بكل حالاتها..لآتدخلين في الموضوع...
فلكـ\يربي منكـ تدخل اشياء مالها داعي في امور ثانيه...أنت بس تبي تـحرك غيرتي لآ اكثر ولآ اقل...
جلس بتال بضجر\الحين انا الي ابي احركـ غيرتكـ..أنتي الـي...!
قآطعته فلكـ بـهدوء\ايه خلاص..أيه نعم اغار ومابيك ترقص احد بحضنكـ ولآ تمدح..غصب عني...بس مو مشكله اعتبر نفسك ماسمعت شي...,
شـدها لـحضنه برفق\حالتكـ صعبه...مآنزل مؤشر الغيرهـ عندكـ آبد...آحبكـ ي بعد كل غالـي...آتركي الغيره لـغيركـ...أنتي سمآي وآرضي ونجومـي وكواكبي..!
تبين آكثر..!
آبتسمت بـرضى\آبي اكون الروح الي تختلج بين ضلوعكـ...أنفاسكـ...و...زفرات روحكـ...!
بتال يشد اناملها ويقبلها\وآنتي عندي الروح...و....الجروح النازفه...!
.
.
.
غِبْ , مَآشِئْت !
فـ . سيجلِبُك الحنين .. ~
.
.
.

مناهل بـ استغراب\ي ويلي عنك بتال عندها وش بتقولين لها..؟
مناير وهي متهكمه\بقول لها سيري معي على بنت خالتي والد...!
مناهل\واذا طلع لك بتال وهاوشكـ....ي اختي خلينا نروح وآتركيها تراه يومها...
مناير\ولو....مآجابت له الا ذاك القريد الي ماخذ عقل عمي...ومرفعينها لـ السماء...خليني ابرد بخاطري اشوي..!
طرقت مناير الباب بـقوهـ...
ليأتيها صوت بتال\نعمـ....؟
مناير بصوت تجره للانوثه\آبي فلكـ تروح معي لـبنت خالتي والد ..نبي نوجب الحرمه...معليش ي عميري ازعجناكمـ...لكن الواجب واجب..!
.
.
.
لحظات ليفتح الباب بتال بشعره المبعثر..ويترك الباب شبه مفتوح...
ويخرج...
بعد ان سئل عن والدهـ...
مناير وعينيه تراقب الـجناح العابق برائحة الورد...
وتهمس لمناهل\شفتي هذيك الشموع ...الي بطرف...من وين تجيبها ؟
مناهل\شفتها والله بمحل كبير لكن ضيعت اسمه...
مناير\جعلتس تضيعين عقلتس هذا الي ماله فود..لعنبو بليسس..ماتشوفينها وش مسويتن برجال..
مناهل\وانا وش عرفني عن خرابيطها كل شوي شايفين عندها شي ورايحين نتراكض نجيبه...
ترى بعد ماهي بزينه لنا تقولين هي الماركه وحنا التقليد...!
مادام بتال معاملنا بما يرضي الله ويخافه فينا...وش علينا من الباقي..مافي يدينا حيله...
مناير\شوفي مافيه...تبين تحطميني تبين تقهريني بحكيك انا ابداً ابداً مااتحطم...بيجي يومـ وتشوفين بتال ينط ب الليل يهذر بسمي...هين...هين...!
فلك تفتح الباب لـيتضح نصف جسدها\سمـو...بغيتو شي فديتكمـ..؟
مناير برتباك..\ي عميري...ودي تروحين معي لـبنت خالي والد وتسذا يعني نبي نروح جمعه وحده احسن وانا اختس نعمي عيون العدوان...!
فلك بلطف\خلآص ابشري عطيني ساعه البس واحط مكياج وانزل لكـ...
مناير ب ابتسامه عريضه\خلآص ي عميري خذي راحتس...!
آغلقت الباب فلك ب لطف ...
لـتهمس مناير\شفتي وش هي لآبسه...و..خزياهـ...؟
مناهل بضجر\ي ربي منك ي مناير...ترى تعبتيني معكـ...أمشي بس واتركيهمـ...لها يومها ولنا يومنا...تلبس هي الي تبيه ونلبس حنا الي براحتنا..كل واحد عنده قدره ومحبته عند بتال...خلآص...!
مناير بـ ابتسامه عريضه\هو انا مآفرجتكـ على حفلتي الرومنسيه الي بسويها لـبتال...تعالي معي تعالي...ماحد ابد سبقني على افكارها...!
.
.
.

الـظبي ب ابتسامه..\وش تسوي ي الغالي..؟
جسآر ب حب\آكتب مقال بكره..,
الظـبي\آوووه صآحب الـقلمـ الرنان...آعشق حروفكـ ي فآرس الكلمه..!
جسآر يشدها من كفها لـيجلسها بجانبه\فآرس الكلمه...على قولتكـ...آنتي بدعمكـ وتشجيعكـ ووقفتكـ الكبيره معه...وقفتيه من جديد...
مآ
آخطى من قال وراء كل رجل عظيمـ امرآءه....
واذا كنت بـ اليومـ رجل كلمه حرهـ وصآدقه...فـ انتي الي ورآئي بـكل شي جميل..,
الظبي ب ابتسامة حب\آنت ي جسار...رجل بمعنى الكلمه حبيت فيكــ صدقتكـ وشخصيتكـ الحرهـ...
آي آنثى تعشق رجل بـمثلكـ....
مآ
سويت شي غيـر ان مسـحت غبآر ترسب ...وآتضحت بعدها الـرؤيه عندكـ...
.
.
قبل خدها بحب...لـتقاطعه بأن شدة المسوده لـمقاله...!
الظبي بحب عميق\لحظه شوي آبي اقرا مقالكـ..ي حبيبي..,
.
.
.
آلآيآمـ...!
تسـير لنا بمنعطفات كثـيره....في كل انعطافه من دربها الطويل...
تـنجلي بها ملآمح اشخآص كنا نعظمهمـ...
و
نرفع من شأنهمـ...
قد يدوي سقوطهمـ المفاجئ بـ قآع الـمجهول...
و
تترسب ب آنفسنا...آوجاع تحبطنا...
و
مع سقوطـ تلك الاقنعه....
تصبح الجروح عرضه لـ الالتهاب...و...آلتقيح..
قد
تتضح لنا...
آسرآر مخفيه...!
و
حقائق مـرعبه...!
و
آدله قآتله...!
قد نسقط...نتعثر....نحبطـ...وننهزمـ.....!
لـكن
لآيعني ان نبقى ممددين بـ قآع الاستسلامـ...
وندب حظنا الذي وضع تلك العثرات الكثيره بـ طريقنا الوعر..!
آنما النجاح لآ يأتي الا بعد ان نلعق الـصبر...!
و
قد نصادف....
نظرات لآتصنف تحت أي نوع...!
غير انها قد تكون...
[ بعض العيون حقدها في نظـرها...,]...!
.
.
.
بــــقـــلمـ\جســـــــــــــار الــــــــراســـــــي...,
.
.
.
همسة محبه..\اللهمـ آغفر لمن عآنقة آعينهم هذا المتصفح...ولآتدع لنا ذنب الا غفرته..ولآ هم الا فرجته...آمين..,
.
.
آنتهى...,
.
.
.
ام اليـزيـد...
.
.
.

ض
شكرا جزيل على هذه الروايه اللتي رافقتنا وكانت متنفس لنا ومثار الشوق لنتظار الاحداث
ضمني سدد الله قلمك ونفع بعلمك فيما يحب ويرضا.
احداث رائعه ليست عندي قدرة التحليل لكن الاخوات وفو وكفو
ودعا بعض العيون
ولن اقول وداع ضمني اتمنيى ان نرئ ابداع اخر.
دمتم بحفظ الرحمن