مبارك لك كاتبتنا الرائعة سعدت بتألقك واتمنى لك المزيد
بانتظار رائعتك

السلام عليكم ورحمة اللة وبركاتة

شخبارك ضمضم

انا متابعة من خلف الكواليس بس حبيت ادخل وابدي اعجابي بقلمك الرائع

حقاتستحقين التميز

روايتك من اروع ما يكون اللة يوفقك وما يحرمنا من ابداعاتك


نعلق عا الابطال


عناد الي هو عساف

احب الشخصية هاذي من الرجال شديد وخجول وعصبي وهادي في نفس الوقت
ونشاء اللة تلتقي برهف مرة ثانية وتعرف وش سر ها الريحة

جسار

كاتبنا المبدع انا معجبة بقلمك الرائع والمميز
ويبدو ان قلمك سيسقط على يد زوجتك

سيوف

امراة خبيثة وغبية تحكمها عاملة لبنانية وخائنة

شهد

انسانة مريضة وحساسة ولكن تخفيها تحت قناع القوة والامبالاة

الظبي والجد

سخصية اكرهها تستاهل يوم طاح حملها هاذا من عمايلها في الناس وعقاب من اللة في الي تسوية هي وابوها

ياسر
لاتعليق
الموقف الي حطيت نفسك فية تستاهل الي جاك والي بيجيك

ملوك

لعبتيها صح ياملوك انتظارك كل ها السنين كان لعبة منك
ما تبي تخسر الامان والحماية والشخص الي بيساعدك في تكميل دراستك

وتحسين وضعك المادي هذي ماتتسمى انانية او مصلحة ذاتية




كوني بخير وساكون با القرب

بسم الله الرحمن الرحيم..
..
..
..
نظرة حقد..12..
..
..
..
مدخل..
تغيب ..وثم تغيب ..وثم تغيـب ...وأخرتهـا معـك

تعبـت أستقبـل غيابـك ..بعـد مـا أودع غيابـك

تعبت ..اسابق اللحظة جنـون ..بعالمـك ..واتبعـك
واغني لك لحن جرحـي ..علـى موتـي واحيابـك

تعبت اجفف إحساسي معـا غيـرك ..لاجـل انبعـك
كفايه ..كل نبع ..نش ..مـن هالغيـم ..ينـدى بـك

تعبت أجوع شعـوري معـا غيـرك ..ولا اشبعـك
كفايه جوع لشعـوري ..مدامـي ..مانـي نصابـك

تعبت أطرحك في حلمي ..وأضرب بك ..ولا اجمعـك
كفايه ..ماتسوي بي ..وانا الميـت ..مـن اقرابـك

تعبت ..أمر من ذيك الزوايا ..وارسمك ..و ابدعـك
واغني لك على بابـك ..فقيـر ..ومـات بحرابـك

تعبت ..أمني اللحظـة ..بلحظـات اللقـاء واقنعـك
بانك ..كل مـا اهـوى ..مـن الدنيـا ..ولا جابـك

تعبت ..أكتب على الجدران ..لجل تشوف ما اشنعـك
بعـد ماكنـت لـي كلـك ..فقدتـك وانقفـل بابـك

تعبت ..أتأملك يوم ..تجي ..واصافحـك ..واصفعـك
من اللهفه على خـدك ..واضمـك بعدهـا ..مابـك

حرام أوفي طعوني ..بصفعه مـن غـلا ..والسعـك
بعد ..ماوسمت قلبي..مياسمـك ..وصـرخ ..نابـك

غريبه ..يعني لامني صفعتك ..حتى لو مـا اوجعـك
تعـال وجـرب الصفعـه ..ولـو بالحلـم لعتـابـك

تذكر ..في زمان ..اول ..يوم إني اقصـد واسمعـك
بعض ماينزفه قلبي ..عليـك ..ويطـرب اصحابـك

أنا المجنون .. يا(...)نثرت الروح لجل أجمعـك
وجمعت ..أشلائي الغبـراء رمـاد ..طـاح بترابـك

أسافر ..للغيوم اللي ..تسليني ..واجـي ..وأرجعـك

على لحن الوصال اللي ..صرخ لي مـوت ..لحبابـك

وأكن الغيم ..في صدري ..وازفر ..مابقى ..وارفعـك
لعل ا ليت ..ياعمري ..بقايا ..الزفر ..يصحـى بـك

واشوفك ..صح ..بعيوني ..خيال ...وأنبهر ماشجعك
قتلتنـي ..وجيتنـي ..خيـال ..وقلبـي ..هلابـك

تعالي ..شوفي جروحك ..على قلبي ..واذا ..أوجعـك
دخليك ..اضحك منـه ..وقولـ قلـي وش جابـك


لعل أحـس بالدنيـا ..واعيـش الواقـع ..بواقعـك
واغنى للطيور ..الماء ..سماء ..والعـد ..ماروابـك

تعبت ..أعاند العبـره ..واعانـدي أطبعـي لطبعـك
واقول ..الحلم ..يتحقق ..ولـو بعديـن ..واسلابـك

واشوفك ..غير ..في حلمي ..معاك أطفال وب اصبعك
سواد الخاتـم بعينـي ..مـن الفضه ..يحلابـك

حزينه ..عقبك أيامي ..واحاول أنسى ..لكـن دعـك
من اللي باقي بعمري ..مدام بموتـي.. أهنـى بـك

اناديلك ..من الشرفه ..وانا بحلمي ..تعال ..أطلعـك
هنا ..في داخل ضلوعي .. واموت ..بنبض يحيابـك

ذبحتني ..وانا الميت ..حياتـي وخايـفٍ ل أدمعـك
أخاف تطيح بك دمعه ..من عيوني ..ولا اشقى بـك

حبيبي ..بالمفيد أفهم ..تعبت أمشي علـى شارعـك
تعبت أعدد ارصفته ..واضوائه ..وانـا أهـذى بـك

حبيبي ..مايصير ثنين ..يانا ..ياهو ..قلـي سامعـك
انا مليت أعيش الظل ..وغيـري ..وسـط جلبابـك

تغيب ..وثم تغيب ..وثم تغيـب ..وتاليتهـا ..معـك
تعبت أودع غيابك ...واجهـز نفسـي ..لـ غيابـك

..
..
..
بدايه...
اخجلني والله..كرمكم لـ بعض العيون...
دعمكم..اللآ محدود لروايه..يُعطيها نكهه وتميز...آخر..لآيضاهي الا...تواجدكم ومتابعتكم لها...
البارت قدمته عن موعده المعتاد.. اهداء لكم ...
ولو بارت الاثنين جاهز بشكل كامل...لأضفته مع بارت الليله...
فآنتم تستحقون..كل التقدير و الحب..والتجاوب ..
..
..
..

طيف الاحباب...يأخت..قبل متابعه...بارت الاثنين اهداء...لـصقورك الناجحين^_^الف مبروك نجاحهم..

..
..
..
آرحب..بـ
ريم..فلور ارث..خجولة المبسم..بعيش بدونك..بكل بساطه ملك..فور ايفر..
هلآ وغلا فيكم بين حنايا روح بعض العيون..
..
..
..
{لآتلهيكم الروايه عن دخول وقت الصلاه}
..
..
..



يآسر بهمس..\هذا..و..هذا...
قالها وهو يشير لصدره وراسه...
آنكمشت ملامح الجد..تراجع لخطوتين...وجلس على حوض مزروعات مزينه واجهة الحديقه..\يآسر..
لأتحكي لي حكيٍ منعاج..آحكي حكي رجال...وش بلاك...؟
مسح وجه بكفوفه...\صايبني آرق..بس...لأتهتم..!
قالها وهو يوقف...
اشار بعكازه\آنثبر..ماخلصت كلامي..
آبتسم\يُبه..والله تعبان..مافيني..آسمع شي..
آشار بعكازه بئن يجلس...
بشموخ ..جاهد كثيراً ان يحفظه\اذا تبي ها منهوبة الجد..تزوجها...بس لا شوف وجها..أبن لك ملحق
هنا..وخلها تنثبر فيه..لآبارك الله فيها..ولأ في يوماً عرفنها واهلها فيه..
آنقلب وجه ياسر..للون قاني..من العصبيه..\يُبه...ليه ماقلت ها الكلام لعبد العزيز...!ليه تقوله لي...واليوم
بذات ليهـ...؟
تراجع عدة خطوات..من ثم...
ضجت مشاعره..بصراخ...وارتمت ..تحت آقدام..الذكريات..!
آمال.. قد علقت... ثم... أعلنت انتحارها...
آفئده...قاست الحب..من ثم...أعلن ذاك الحب تخليه عنها...!
تراجع لخطوات..
يرسم في كل خطوة واخرى...ذكريات...ويدفنها مع الوجع...
آبتعد..!
بقدر ابتعاد روحه عنهم..
غربته بينهم...
أشتياقه الجامح للبعيد..
.وانتظاره الكسير...
وتحطم أشرعته..على شواطئها....
تصاعدت الكلمات في الفضاء البارد..وبصراخ
\ليه..؟كل ها السنين ماتراجعت عن كلامك وقرارك..وكئن لك ثار و دم...ليه ..؟
ليهـ...كل ها السنين انت الي صح والكل خطى...
طردت عبد العزيز...وش فادك ها الشي...؟
علمني وش جنيت..مات ولدك...!
مثل اي شخص..حالته الماديه..
تحت خط الفقر؟
وعدم..
وحضيض..
وبجانب الثاني من حياة ها الفقير...!
أرصده...ومبالغ...ضخمه...
في البنوك...
ولمن..!
لمن...
لبوه...!
وعشان ايش..انحرم...؟
عشان شي تافه
مايوصل...لنك تبرى منه..!
.
.
.
الذكرى المحرمه...تطفو من جديد..
على القلوب المقفله...
تشرع أبوابها...
وتصرخ..بمن فيها...
لم تستطع السنين ان تمحو شيٍ..
ولو..لقدرا بسيط..
عاد..بعد ابتلاع ريقه وغصت الم عانقة ذاك الريق الجاف\ســـــــــاويته با التــــرااااب حتى قبل يندفن فيه..
ذبحته قبل حتى تطلع انـــــفاسه..
وش استفدت يابوي وش استفدت..!
وش ها الخطى الي سواه عبد العزيز عشان مايلقى لها عندك غفران..!
.
.
.
آنفاس ياسر المضطربه...تجعل حركاته غير متزنه...
وتدفعه لثوره جنونيه...كبتها سنين..
حتى آن.. لها..ان تقبع في صدراً غير صدره...
فصدره..ماعاد يستطيع..
ماعاد يطيق...
وليس له طاقه..
من ذكريات..يريدها ان تغيب..
الجميع..آقسم على غيابها..
و
خالف جميع توقعاتهم..
فهي..مازالت..
كسحابة ماطره..
تمطر على روحه كل ليله..بسيلاً...من ...اه..والوجع..
و..
الفقد..والغربه..
الحقيقه..هي غربة روح..عن ارواح ..لم يئلفها...
وأجبرته...
الظروف..
على تواجده معها...
وحتى ان أدناها..من روحه..
فهي...مازالت...
غريبه..عنه...؟
التقطت تلك الثوره العارمه...قلباً جزع...من تلك النظرات الغامضه...
التي سلطت على قلبه..
قبل وصول تلك الكلمات...
فقتلته..!
مقرن بحده\خذا له آرمله.. وفوقها ..مالها فصل ولانسب ولاحسب...لعبت عليه..وخذت عقله..طلعته من شور ابوه.. صغر ابوه..ما حط لرضى ابوه وزن..
ماحط لي حشيمه ولاتقدير..
تركني..ومشى..
صغرني عند الرجال...
عبد العزيز..قبل لايكون ابوك هو ولدي...
سقيته الماي البارد وانا ضميان..!
دفيته وانا بردان...!
مانامت عيني وعينه سهرانه...!
ماطاب لي العيش..وهو في ضيقه...!
لكن ...يصغرني بين ربعي..؟
يحط كلامي تحت رجلينه...؟
تهابني رجال...
وتمشي على امري سريه..بسم ولبيه...
و..
ولدي...
ولدي..
ولدي..
يظهر من شوري...
ويطلع من تحت
جناحي...ويحط راسه براسي...ويوطي راسي ..آقطع اسمه من اسمي...ولا يرف لي جفن..
مآآآآتقولي ابوك هو الي وش استفاد...؟
شعر بكلمات جده...كا ..حمم بركانيه..وصدره المكان التي تقذف له
سمٍ يتجرعه...ويجبرونه على الركون للصمت..
والقبول ..بفكرة...ان عبد العزيز أخطى ..وخطئه لآ..يجر له الرحمه او الشفقه..
حتى...وان كانت تلك الروح صعدة الى بارئها..
وذاك الجسد الحبيب تحت التراب..
قد أصبح عظاماً باليه..
لآينتظر منهم سوى الترحم والسماح...
بحدهـ وملامح قاسيه..تظهر على وجهـ..\أبوي ..طلع من ثوبك..ِ
شاف الدنيا بعيون غير عيونك...
كسر نفسه الشامخه..لكن مانسف
ورى ظهره وعد وعده..!
ولا..تراجع في يوم عن كلمه قالها...
ولاينقذ وعد...!
ولاينكث عهد...!
ثارت الذكريات الموجعه بوجه مقرن...
وتوسلات اهدت له طول تلك السنين ارق الليالي و رحيل النوم معها...
وعبد العزيز..سرق منه.. قلبه..
من ثم رحل..من غير ان ينظر ورائه..
كيف لجسد ان يعيش..من دون قلبٍ ينبض..!
ببحه وغصة أستحلت روحه\اللهـ يرحمه..وش ذكرك فيه الليله..؟
ابتسم\وش ذكرني...اقولك يا بوي وش ذكرني..؟
ها العائله الي ماتشرفك..!
ها العائله الي طماعنين في فلوسك..!
ها العايله الي منت معترف بوجودهم .أساساً...
بنتهم رفضت حفيدك...!!
بنتهم تتمنى تموت وتحترق..؟؟
ووريث كل ها الاملاك والخير..
مايقترن فيها...
صمت لثواني...من ثم...اكمل بصوتٍ خنقته
الحقيقه\تدري ليه..؟مايشرفها..؟
تحس كرامتها معه تنهان!
حفيدك...يامقرن العاجي...؟
ياسر بن عبد العزيز بن مقرن العاجي..
اليوم..
واليوم بذات...
مايشرف بنت ماطلعت من البيضه...!
صارت تامر وتنهى عليه ...!
وهو ساكت...ومن ورى خشمه مايتكلم...
طول 24 سنه وهو يبيها..
وينتظرها ..ويحتريها..
تكبر...ولما كبرت..!
وتفتحت مثل الورد....؟
وصار بس مسئلة وقت ويقطفها..!
ضاع كل شي بلمح البصر...
ضآآآآع...فاهمني يبه ضااااع...!
الحين كرامتها ماتسمح تاخذني...؟
وانا...؟
وسنين عمري الي ضاعت...؟
اداريها مدارت الهدب للعين..لأيصيبها شي...من يعوضني فيها..؟
ليه ماتغفر لي الزله...؟
كل البشر يخطون...
شايفتني يعني ملاك..!
يعني تبي تقنعني انها تقدر توقف وانا ماني بجنبها..؟
تقدر تسوي شي من غير ماتستشيرني..
غلطانه ...والله...غلطانه....
انا لها..نور...وانا لها روح...
انا لها زوج..
واخ...واهل..و..وطن...
كيف تتخلى عن هذا كله عشان زله...؟
زله ..؟
زله...!!!
مقرن يمتص عصبية ياسر\ياااااسر..
ياسر بعصبيه\متغيره..حيل.. حيل..حيل... ماهي الي اعرفها ماهي الي ربيتها وحده ثانيه..وحده ماتبيني وماتطيقني
ووصلت لمرحلة القرف..!
يبه...!
تكرهني..!
تكرهني..!
كذابه...تكذب على نفسها بس ماتكذب..علي..ماتكذب علي..
مقرن\ياسر...!
ياسر\مالها غيري...مالها غيري..لأخوى صاحي..ولا..أبو تعتمد عليه...كيف ببساطه تترك كل شي
وراها وتواجهني مواجه ماهي بقدها...؟
هي تعرفني..
ليه
تنكرني...ليه...
مقرن بعصبيه وقف وهز كتوف ياسر بقوه\ياسر...انت صاحي...وش بلاك..وش سوت فيك بنت ابليس..
وش ها الحكي والخرابيط الي اول مره اسمعها منك..؟
ياسر ببحه خننقته...واوجعته ..وقتلته..\يبه..طلقتها...طلقتها...طلقتها..هذا الي بلاني...!
طلقتها...؟
ايه هنتها...
لكن هي ذبحة روحي..
ذبحتها...
..
..
وش فـايــدة قــربــه وكــنــه ضــلالــي

دايـم مـعـي لـكــن عـجــزت اسـتـضـلــه
..
..
صباح جديد..
..
..
بمكتب الخاص
ناصر\هذا امر يا عناد ماهو طلب...انت من ضمن التشكيلات الجديده..وهذي الفرقه للمعلوميه لك.. سريه
وماهو بكيفك ترفضها...؟
عناد \انا ماقلت رافضه واوامركم تنفذ سيدي..لكن طال عمرك..انا مو لهذي المهمه ...وهذي المهمه بذات
ماهي بلي..
ابتسم\عناد..كل شي عنك عندنا..ملفك من الابتدائي..الى الكليه..وخدمتك ها السنوات القليله..وحتى
اكلك في البيت نعرفه ...عناد..نحنا ..مو قاعدين نلعب ولانختار عبث...
عناد\لكن..؟
ناصر بعصبيه\لكن ايش...تتقاعس عن خدمة وطنك..؟قول..! ليش معلق ها النجوم..وداخل ها التخصص الحساس
داخله تقدم رجل وتئخر ثانيه..!
تتردد وهذا المكان ماهو بمكان يمكن ..و..لا ..و..ياليت...و..لكن..!
اذا انت مو قد ها المكان..ليش دخلته..واقحمت نفسك فيه..؟
خبرني..تكلم...؟
ليه ماتركت المجال لغيرك..؟
عناد بعصبيه كبتها بداخله\سيدي...انا مو من الي يقدم رجل ويئخر الثانيه..وانت اكثر واحد تعرف ها الشي..
وجميع الأوامر والمهمات الي نفذناها ...خير مثال على صدق كلامي...
ناصر بعصبيه\طيب ليش متردد..؟ممكن توضح لي ها الشي...
عناد بصمت مطبق...\...
ناصر\عناد..صدقني صمتك هذا ماهو بمكانه...اذا ..ها المهمه تعتذر عنها...قدم لنا طلب اعفائك عن وظيفتك..
اشرف لك من مهمه يحتاجها وطنك وانت ترفضها...
عناد بعصبيه\فرفة الموت الي مشكله ماهي بلي..ولا انا لها...وهذا ماهو خوف من الموت..نحنى بعملنا
تعلمنا نشرب الموت بفنجال نشربه مثل الماء القراح...مانتردد وما نشاور..نهاجم وندافع
..ولابد ..من النجاح..ومافي مجال
في مهمتنا للفشل..لكن...انا ..راح اقدم لكم طلب اعفائي من الخدمه العسكريه..
انصدم ناصر ..\عناد..!
عناد يوجه التحيه العسكريه للؤاء ناصر..معلن خروجه عن المكتب...
آستوقفته كلمات اللؤاء..
ناصر\عناد...الحين بعطيك آجازه...مرضيه...فكر في الموضوع..انتم سبعه من خيرة من خدم عندنا من الضباط الشباب..لأتخيب ظنى فيك...مافي مجال انهم يكونون سته..سبعه..وراح يظلون سبعه...ياليت تخبرني
السبب الحقيقي..يمكن اقدر اساعدك..؟
طلع عناد بحترام من المكتب وتوجه لمكتبه..
..
..
وش فـايــدة قــربــه وكــنــه ضــلالــي

دايـم مـعـي لـكــن عـجــزت اسـتـضـلــه
..
..
با المستشفى...
الظبي وكوب الحليب الساخن بيدها يتراقص بجوائه البخار..\يبه وش تقول..؟
مقرن بهمس \الي سمعتيه..؟
آرتسمت ابتسامه على وجه الظبي المتعب\والله يابوي..فرحة قلبي بها الخبر..الله يسعد ايامك..
مقرن بتكشيره \الظبي...ياسر البارحه ماهو بطيب..؟الولد ان كانه ماستخف زين..
قطبت حواجبها الظبي\يبه ..انت ..من تتكلم عنه..عن ياسر..ههههه..يمكن صح بيتوجع..بس ماراح يطول طايح..مسئلة جرح ويبرى...عطه وقت..
مقرن واصابعه على عصاه\آنا..بروح لها..ياسر ماعندي غيره آثنين..والله لو يصير فيه شي..
قاطعته الظبي ببحة صوتها المتعب\يبه..!وش ها الكلام..تروح لمن..؟للي فرقوك من عبد العزيز..راعين
السحور...اكيد انهم مسوين له شي...
اذا ماهو بطبيعي نعالجه..
اذا ماهو بصاحي نصحيه..
اذا ماهو بعاقل نعقله..
اذا جاهل نفهمه..
لكن تروح لهم..لآ..تفهم يبه..لآ...
مقرن بعصبيه\ياسر البارحه قط الاولي والتالي..كل الي في خاطره وراسه وتفكيره من يومه صغير ماقصر
علي فيه البارحه قاله لي مثل الرصاص..من كل صوب يضربني...
يا الظبي..حتى حفيد ثاني ماجاني...انا مابي يروح مني ياسر...
الظبي بحده\تروح وش تبي..؟ها علمني مثلا وش ناوي عليه..؟ الرجال طلقها ثلاث طلقات من غير رجعه..
والبنت مالها عده..
اصبر عليها يومين... اذاماجاك خبر عرسها ماني با الظبي...
يبه انت من صدقك ها الاشكال تنعطى وجه...
واذا على ياسر...تطمن...
ماهو من الي يطرحه حب..
قلبه قاسي..وماظن ..سكنته بنت..؟
آهم شي طلقها..
والله مافكرة في يوم بنخلص من ها الكابوس...الي جثم على صدورنا سنين وسنين..يالله لك الحمد والشكر..
مقرن حرك السبحه بيده بهدوء..\الظبي اتركينا من ياسر..انتي الحين طيبه..متى قالو بيطلعونك..
الظبي \انا بخير...ها اليومين بطلع..
مقرن\وين رجلك...
الظبي\رايح يقضي له كم شغله وجاي..
..
..
وش فـايــدة قــربــه وكــنــه ضــلالــي

دايـم مـعـي لـكــن عـجــزت اسـتـضـلــه
..
..
مكتب جسار الراسي......
ابتسم\كم لك من سنه..؟ماتقول..كنا رفقه واحباب...!
جسار بحراج\حقك علي لكن مثل ماتشوف..حتى وقت لعائلتي ماحصل..بس زين يا الغالي...انك صرت احسن
مني وسئلت..
بهدوء\هههههه هو انا احسن منك في كل شي..ماتذكر...؟
جسار \ايه..والدليل تفوقك في الدرجات..درست سنتين اعلام وسحبت..
غرق في ضحكه\تدري اني مو وجه اعلام..لكن ماحصلت قدامي الا هو...
جسار بهدوء\والله ايام..كئنها امس واليوم..تزوجت..؟
-ايه..من كم سنه..
جسار مبتسم\ايا القاطع..لأتقول عليك احد..اذبحك..اذا عليك وماخبرتني..
-مالله كتب...
جسار يحرك الصوره الي على مكتبه بتجاه\درر ووسن..تؤم...
ارتسمت على شفايفه ابتسامه\والله الي يبي الذبح انت..ماشاء الله...الله يخليهم لك..خذيتها..؟
جسار بضحكه\خذيتها...ههههه...هي امهم..
ابتسم\الله يهنيكم ببعض...وعناد وريان..بشرني عنهم وعن الوالد..
جسار وهو يرفع التليفون\عناد عليه ولد..وانفصل عن اهله من كم سنه..وريان..على حاله..تخرج من الجامعه وفاتح له
محل...
جسار\جيبو لنا ضيافه...
سكر التليفون وهو يستمع لـ الشخص..البعيد القريب..بنسبه له..قريب من قلبه..لكن ابعدتهم الحياه وفرقتهم
طرقها..
..
..
وش فـايــدة قــربــه وكــنــه ضــلالــي

دايـم مـعـي لـكــن عـجــزت اسـتـضـلــه
..
..
تتقلب على فراشها...والم يتعصر قلبها...ويستطون خلاياها..ويكشف اللثام عن قلباً أمتلى..الى حد توقف
دقاته عن النبض..
سعيده ..نعم...حزينه..نعم...
كلا الحالتين سكنتها...!
فقدة صدراً حنوناً...
ويداً تمسكها دائما عن السقوط والأنزلاق...
فقدة أبتسامات تشعرها با الامان..
فقدة حباً..استوطن قلبه..اشعرها دائما با النضوج...
و
كسبت كرامتناً...أمعن في اذاقتها الهوان..
وحباً مزيفاً اعتقدت في يوماً..انه الحب الذي يتكلمون عنه
ويحلمون ..ويتراهنون..به...
لم يحتاج الكثير..و..خابت كل افكارها في انفصالها عنه...كانت تتوقع هذا الشي..لكن استبعدته..
لقرب طفولتها من روحه..أوجعها الانفصال...كاوجع كل انثى تنفصل عن رجل...بغض
النظر..عن حب او عدم حب..لهذا الرجل..
دموعها ..آعلنت..ساحت حرباً في عيونها..كشف غبار معركتها..عن تعلق تلك الدموع في محاجرها..
ورفضها التام...ان تسترسل في سقوطها...وتعلن مع سقوطها انتحار الصدق...في كل علاقة
حب ..
فتحت الباب بهدوء فلك\ملوك...آبوك ..ينادي عليك...
أبعدة اللحاف برتباك..وقفت بهدوء...ولحقت فلك...

..
..
وش فـايــدة قــربــه وكــنــه ضــلالــي

دايـم مـعـي لـكــن عـجــزت اسـتـضـلــه
..
..
ابو جسار..مبتسم\الحين انت ياريان من كم يوم ماتكلم ولاتسئل ..
ريان باابتسامه\العذر والسموحه يادكتورنا..لكن نعرف انك مو فاضي حتى تحك شعرك...
ابو جسار يحرك نظارته الطبيه\ماهو بعذر...لأتغيب اكثر من يوم وليله عن البيت...ترى راح يكون
لي تصرف ثاني معك...
الجده بتهكم\آمحق والله ياسطام..خذى العصى واضرب ها الاشهب..أجل..هذا هواشك له...الله
يرحم عناد الي مربيك على الطاعه..
ريان بستغراب\يمه الله يخليك وش..شايفتني...عاصي...!
الجده\ يا الاشهب ما تقولي وش ها الشوشه..على احد من اخوانك والا جماعتك اخوانك رياجيل
عنيد عسكري^_^..و...جسير وظيفته في الاخبار..وابوك دكتور..انت علمني...شفت ها الشوشه
على احد..يوم تصلي في المسجد المطوع مايقول لك شي..فضحتنى عند الجماعه والرياجيل الي يعرفون
العلوم الغانمه والسلوم..ماكئنك من ذرية عناد..ولأ ...ضاربك عرق منهم...انت ماتستحي ماتشوف شوشتك في
المرايه...ماتروع..!
انا قلبي يقولي بتجيب لك علماً ماسبقك عليه احد من ال عناد ومن وراهم الراسي..
يمك...حلق ها الشوشه..ترضي جدتك وترضي ربك..يمك..تسنع..اظهر رجال...
ريان قطب حواجبه \آبشري..آبشري...
سطام \يمه الله يهديك..أتركيه..
الجده\ماخربه الا انت..هو وطويلة اللسان الي بمدرستها..مدري في قريح يقرقحها...
سطام بهمس\يمهـ..
الجده بعصبيه\وصمة تصمك انت وعيالك
معك...
لأعيشتنا اشوفكم مجتمعين عليها ولاقهوة اشوفكم حولها..
كل واحداً لاهي لي بعمره..وكنه يقول السلامه السلامه...
سطام يوقف بحترام ويقبل راس امه\العذر
والسموحه يا راس المال...انا والله ادري اني انشغل عنك ومالي أي عذر...اسمحي لي يا الغاليه...
اشارت الجده بيدها\وش اشغالك..ماتعلمني..
مرتك وينها...الحين ها المره يوم ماتقضب بيتها وتقابل عيالها..ألي كل واحد مايدري عن الثاني..ليه..؟
سطام بحترام\يمه الله يهديك..ماهو من كثر طلعاتها وانتي تعرفين ...والعيال رياجيل..تقابلهم ليه..
صدت الجده بعصبيه وتجاهلت كلام سطام وحركة الردايو الصغير..
ريان بهمس\ياليل الليل ..امك مطنقره..جب
لها عنادها...
خزه سطام بنظره أرعبته...من ثم استئذن ريان برتباك..
وطلع...
سطام بهدوء\يمه الله يحيك..وش فيه خاطرك..زعلانه..احد مضايقك بشي...
الجده \مافيني الا العافيه والي يطول لسانه علي بقطعه..بنتظرك يا سطيم...قم اظهر..
بصلي وبنسدح...
ابتسم سطام..وقف..بهدوء..وطبع قبله على رأسه..وودعها بحترام...
..
..
وش فـايــدة قــربــه وكــنــه ضــلالــي

دايـم مـعـي لـكــن عـجــزت اسـتـضـلــه
..
..
بجناح ياسر..
مسح وجه.. وابعد بيده الثانيه طرف الستاره عن الشباك....
كم لي على ها الكرسي...
مدري..؟
بس الاكيد غفيت..عليه..
حط راسه بين ايدينه..وهو يحس انه بينفجر...من كثر الصداع..آنتبه لدخول لخطوات شخص داخل الجناح..
من دون مايرفع راسه\مابي تنظيف اليوم..اطلعي برا...
بتال بضحكه\انا عمك طال عمرك..مو الفلبينه الي تنظف جناحك..الله يكرمني منك ومنها..!
قال كلامه وجلس على الكرسي القريب منه...
مارفع راسه...ظل بين ايديه..وكثر ضغطه عليه...
بتال وعيونه على جوالات ياسر الثلاثه..مفتوحه..والبطاريات مطلعها ومكسر ثلاث شرايح كل شريحه
فوق جهاز...
بستغراب\عسى ماشر..بطره..والا..فسقه..يوم تكسر ها الشرائح..وكل رقم فيها شاريه غالي..
ببحه رفع راسه\خلآص..
بتال رفع حاجبه\وش خلاصه..
وقف ياسر...وسكر أزرة ثوبه وترك الياقه مفتوحه..خذى بيده الثانيه..الأجهزه...ورماها..با الزباله القريبه
من عنده\مابي اشيل جوالات بعد اليوم..
مشى بخطوات متعبه لجهت السرير ورمى نفسه عليه بتعب...
بتال \ياسر من جدك..!واذا بغيناك بشي..أنا كم مره اكلمك في اليوم...منهبل..
ياسر ضغط على راسه بقوه\مكالمتك لي مو بذيك الاهميه..تنتظر لما تشوفني..
بتال \انا جايك بموضوع غير هذا..ومن ناحية الجوال..عساك ماتشله طول عمرك شي وانا عمك راجع لك
لأعليك قاصر فلوس..ومافيك الا..الفسقه...الي ذابحتك...
جلس ياسر وناظره ببرود\بتال..ممكن يا عم تئجل مواضيعك الي بتصدع براسي ..وهو ماهو بناقص...
بتال\لأ..وانا عمك بتسمع الموضوع ورجلك فوق راسك...قال اذا لطمك الحر فا اللطم الرخمه..!!
ناظره بنص عين\الحين ياسر ولد عبد العزيز رخمه..!!وتبيني اسمع موضوعك..ترى مابينا الا خمس سنين..لأتخليني
احذف انك عمي واكبر مني ورى ظهري..! واخليك تشوف لطمة الحر والرخمه..!
نفث اكمامه بتال وبتهكم\خل ها القومه بعد موضوعي..
تجاهله ياسر..وفتح الكومدينه القريبه من السرير وطلع بنادول..آخذ له حبتين وقام متوجه لثلاجه الصغيره..
طلع قاروة مويه..قبل لايفتحها التفت لجهت بتال\تكلم..ياعم..والله العظيم ماني بمروق لك..اذا هو ضروري
قوله واذا لا الله يخلي لك بناتك..قوم اطلع وخلني انام وارتاح..
بتال بعد صمت للحظات\آبي خالتك فلك...
بعد قارورة المويه القريبه من شفايفه...وناظره ...
بتال ببحه\انت اكثر واحد داري اني آجبروني اتركها...وانا الحين ابيها وشاريه..واناوالله مابعتها ولارخصتها
في يوم..
لكن الظروف وجدك اجبروني...والحين ابيك تكلمها...اذا هي موافقه...بتزوجها من جديد...
وآكد عليها بتال يبيها..ومابعها ومارخص فيها...
ابتسم.. و..غرق في ضحكته...جلس على طرف الكرسي...\والله العظيم الدنيا هذي تلعب فينا مثل الهوى والمراجيح..
..
..
وش فـايــدة قــربــه وكــنــه ضــلالــي

دايـم مـعـي لـكــن عـجــزت اسـتـضـلــه
..
..
ابو مناف وملامحه مرتسم عليها الغضب\ملوك...ليه ياسر طلقك..؟
انزلت عيونها للارض\يبه الله يخليك هذي قسمه ونصيب...
اشار بصابعه النحيله\أنا مارضى با الخطى منك او منه...لكل مشكله حل..لكن انتم تهاونتو با الطلاق..وفوق
هذا ماحسبتو لوجودي بينكم حساب ولارديتو لي راي ولاخبر...لها الدرجه تهاونتو بوجودي...
ملوك ببحه\الله يطولنا بعمرك..لكن يابوي..
ابو مناف صد بوجه عنها\قومي من وجهي...لآاني ابوك...ولآني بخالهـ...
انكمشت ملوك على نفسها...والغصه تتحارب لتغتال بدموع عيونها...
تراجعت خطوتين....
-يبه الله يخليك لاتسوي فيني كذا..انت ماتبي سعادتي..؟ماتبي راحتي..؟هي ماهي مع ياسر.هي ماهي بمعه...
ابو مناف تجاهلها تماماً...
ادارت عيونها لفلك...
ملامح فلك ماقرائتها ملوك..اصبحت طلاسم..آمامها...
انسحبت بوجع....
و
احتقان ذل بئوردتها...
و
دموعاً..لم تمهلها...
...
الجامعه...
مكتبة الجامعه.....
هدوء المكان...ورائحة القهوه تنبعث من الممرات الضيقه..كتب كثيره مصفوفه بنتظام وتسلسل...
لأتسمع الا الهمس..
شي يثير الرائحه..ويبعث على النوم..!
كانت تضع رأسها على مرجع ضخم...أصابها بصداع قبل ان تقفله...!
رفعت رأسها بتثاوب...
من ثم ابتسمت بخبث....
تئملت ملامحها الناعمه الجذابه..بشره بيضاء مشربه بحمرة ورد..!
آيدي رقيقه ناعمه تشبه رقة اجنحة فراشه..تتصفح الكتاب..بهدوء..
شعرها الحريري...يتراقص بخفه على جبينها من قوة التكيف القريب منهم...
ذوق..ذوق..ياعنيد..وربي انك ذوق وخقق..!
ماتلام يوم انك مسوي فيها تستحي ومدري ايش..اتاريك ..بس..عايف البنات بعد هذي..
اعطيك خمس علامات...على اختيارك..مع انك اكيد معلل بقلبها..
اخوي..واعرفك..انت والرومنسيه والكلام الحلو..بينكم حرب داحس والغبراء..!
كيف تعامل مع هذي..
باين على دلوعه..لو اقولها...ياحلوك..بكت..!
كيف افتح معها حوار..؟
ابي اسحب فيها..!ياليل الليل..صدق..؟
-عفواً..شفتك قبل كذا...؟
رفعت عيونها رهف وبا ابتسامه\ماظن...
ابتسمت شهد بخبث\مممم شكل الدكتور راحمك في المرجع الي بين ايدك..بمقارنه مع مرجعي...
رهف ابتسمت وعيونها تسقط على المرجع\الله يكون بعونكم...
شهد\اي قسم..
رهف\لغات وترجمه
شهد باابتسامه\سهل..؟
رهف \يعني مو ذاك الزود...
الجوري تجلس على كرسي قريب من رهف وبصوت شبه عالي\-رهوف ماحصلنا احد يساعندنا في طباعة بحث بطريقه الي نحنى نبيها..خاصة الوقت مره زانقنا والدكتور
يبي البحث بعد بكره باالكثير...؟
رهف عفست وجها..وهي تناظر ..جوري...\ياربي يا الجوري عمرك ماجيتي لي بخبار زينه..آيش نعمل الحين..
الجوري باابتسامه\نحمل الماده بصيف...خاصة الدكتور شديد...
رهف..\ياربي منك واي عليك...
شهد باابتسامه\آقدر اساعدكم..اخوي يطبع لكم با الطريقه الي تبونها وبا الوقت الي تحددونه..
الجوري بفرحه\ايه وينك عنا يا شيخه....هااا رهف..؟
رهف بخجل..\عفواً..بس والله مانبي نتعبك خاصة مافي بينا علاقه...و..
شهد بخبث\افا..عليك بس...عطوني بحثكم..وحطو لي الاشياء الي طالبينها بورقه..ومالكم الا الي يرضيكم...
رهف\مشكوره ياقلبي..والله تكونين خدمتينا...
شهد ونظراتها المتراقصه بمكر على الورقه بين ايدي رهف..وهي تدون كل شي فيها...من ثم تذيلها
برقمها...
رهـــــف الـــدايــــس...
..
..
وش فـايــدة قــربــه وكــنــه ضــلالــي

دايـم مـعـي لـكــن عـجــزت اسـتـضـلــه
..
..

با الجناح المشترك..
مناير قاعد تقطع فواكه بصحن صغير..وتمدها لبتال...
مناير\ابو فلك يعني هي بتجي هنا عندنا والا بتروح عند رجلها في بيتهم الجديد..
بتال ياخذ الصحن\لا يامناير بتجي هنا ترتاح كم يوم...مانبيها تروح قبل لاترتاح..خلي
الخدم يرتبون جناحها..طارق اكيد بيجي هنا كم يوم..
مناير \ابشر..فديتك...تامر امر...
ابتسم\الله يرضى عليك...
التفت لمناهل باابتسامه\نهول...تعبانه..؟
مناهل با ابتسامه\لآيا الغالي..ليه...
اخذ قطعة التفاحه\آشوفك ساكته...
مناهل بحب\لئن ماعندي شي احكيه...
ابتسم\بكرا ترى حاجز لك موعد عند دكتوره ...جهزي نفسك على العصر...خلآص...
ابتسمت على اهتمامه الدائم..\صار..
آنتبه لجوال يهتز على الطاوله ورقم غريب يظهر ..على الشاشه..
مناير تمد يدها على الجوال \عميري...جوالك...
بتال ببحه\لآ..لآ...الله يهديك...
آنتبه مناير..ليدها المبلوله من البرتقال والجوال...كان الضحيه..
سحب بتال من الكلينكيس ومسح اطراف الجوال وعيونه على مناير ...\ماتنتبهين..؟
مناير بضيقه\عآآآد شسوي مانتبهت...
رجع الرقم من جديد...يتصل على بتال...
انتبه لرقم غريب..
بتال بثقل الرجول الفخمه...\مرحبااا.....
ببحه\وعليكم السلام والرحمه..آيه آنا بتال...
تغيرت ملامح بتال لملامح اخرى تماماً..وابتسامه ترتسم على شفايفه..من ثم تعلو لتبعث شي ٍ اخر
على عينيه...
وقف..\هلآ..فيكِ...
طلع من المكان..بخطوات سريعه...تحمل معها علامات استفهام عن هوية المتصل...
مناهل\الظبي..!
مناير ترمي السكين بصحن\لآوالله ماهي بظبي...الظبي تسئل هو الجوال جوال بتال...
وقفت بسرعه ..
مناهل\سلامات وين بتروحين...
مناير بخطوات سريعه لخارج الجناح\وين بروح...ورى الي يبي الثالثه..
با المقابل..
بتال بصوت رجولي اشبع بحنان\كيفك وكيف ابوك...انتي بخير..
ملوك بخجل\انا بخير..عمي والله انا اسفه ازعجتك..و...
بتال بهمس\لاتعتذرين..كيف تزعجيني والله انك من معزة بناتي ...
ملوك برتباك\عمي اعذرني..والله العظيم انا خجلانه منك ومايعرف ها الشي الا الله..لكن انا
كنت ابي ياسر في شغله ضروريه وجوالاته كلها مقفله..وانا ابيه ضروري...
بتال بخوف\فيكم شي..؟يابنتي قولي لي...اذا فيكم شي...
ملوك بخوف\لآ..مافي شي..لكن...آبي اكلم ياسر...لو سمحت...
بتال \طيب لحظه انا مقابل جناح ياسر...خليك شوي معي
بخطوات متقاربه..فتح باب الجناح...
ياسر في ها الوقت لاف على نفسه روب الاستحمام وينشف شعرها بفوطه صغيره
ببحه\انت ماتعرف تطق الباب..؟
بتال يمد الجوال له..وبهدوء\خذ كلمها..تبيك..؟
نظرات بتال الموجها بعصبيه لعيون ياسر...أمر...
ياسر من دون اهتمام..\قلها ماهو بموجود...
قال جملته وهو ..يرمى الفوطه واخذ له عطر...واغرق كفوفه..من ثم مسح خديه...
بتال بحده\قلت لك..كلمها..
قال كلامه... وهو يقرب الجوال من أذن ياسر...بصيغه امر نهائيه...
كان ياسر راح يتجاهل بتال...
ومكالمة ملوك...
لما التقطة اذانه صوت عبراتها...
أخذ الجوال...
وببرود\وش فيك..؟
لملمت..عبراتها وحبستها خلف قضبان صدرها..\ياسر...أبوي منخفض معه السكر..ورافض اني اقرب منه او اعطيه شي..ابوي مايكلمني..آخاف يصير فيه شي وانا السبب...
ببرود اكبر..\وين خالتي عنه..؟
ببحه\عنده..بس مايكلم احد...ياسر تعرف انه يحبك ويقتنع منك..تعال له..وقله انا الي مابيها..وطلقتها عشان جدي مابي ازعله..
تكفي ياياسر ماعندي الا ها الانسان في حياتي..
لأتخليني اخسره...
بصقيع كلمات بلبها لهيب نار أحرقته\مسئلة وقت ويقتنع..؟ليه اسوق له مبرارت..!واكذب عليه..ليه ماخبرتيه با الحقيقيه..!
يعني بيحبني اكثر من ضناه..؟
انصدمت واختفى صوتها..المعانق لشيٍ ينبض بداخله..
صدمها...
لكن هي قتلته...
والبادئ أظلم..
في كثيراً..من رداة الفعل..!
لكن من البادئ...انـــا..ام ..هـــي...؟
ببحه عجزت اوتار صوتها تخفيها\الله أكبر عليك...خذيت من مقرن كل شي...!
كان بيرد...لما سمع صوت اخر غير صوتها..
الذي يشبه صوت مطر يتساقط على الأرصفه..
رحيل صوتها..وأعلان اقفالها للخط..!!
امتلى وجه با احتقان الدم..
وعروق يده.. اتضحت من قبضته للجوال...
رمى الجوال..على سرير بعنف..
وبحده\سكرة الخط بوجهي ها الي ماتستحي...!!!!
بتال بعصبيه ونظراته تلتهم ياسر بلوم\الي مايستحي..انت...وقليل خاتمه..ومالك أمان...يعني ارتباطك بها العايله بس عشانها..؟
بينكم دم في عروقك..
نشف..؟والا وين راح..!
يــــاســــر....البراق..مب ملوك وبس...؟
البراق خال ..
وخاله..
وام ...
وبنت خال...
و
ولد خال..
كلهم اهلك والدم الي بعروقك بعروقهم...
لآيعميك شي عن شي..
لاتتبدل عليهم...
ولاتوجعهم...
اوجاعهم الي فيهم من جدك ومن عمك ومنك تكفيهم وتزيد..
لأتصير مقرن ثاني..خلك مثل ماانت...
ظلهم في الصيف..
و
دفاهم في الشتا..
لآ...تدوس جمايل ابوك فيهم تحت رجلك..
لآتخرب..شي..غيرك تعب فيه...
التقط ملابسه الداخليه وثوبه وذهب لغرفة التبديل بخطوات سريعه وصمت احاط بتلك
الخطوات وصاحبها
..
..
وش فـايــدة قــربــه وكــنــه ضــلالــي

دايـم مـعـي لـكــن عـجــزت اسـتـضـلــه
..
..

بيت الراسي..
دورات مياه الرجال...قسم المغاسل ..>>اكرمكم الله ..
عناد من عشر دقايق ..فاتح المويه على ايدينه...
والبروده تخلل اصابعه..
غارق في التفكير...
وصور وخيالات..
طفلاً..يسقط...
من ثم يقوم..
لكن يعاود السقوط من جديد...!
فتح موية الحنفيه اكثر...
مسح وجه ببرودة الماء...
استسلم للماء..
ورأسه ادخله تحت الحنفيه والماء ..ينسكب بقوه على رأسه..
ابعد رأسه..ورفعه ..
لتعانق قطرات الماء...شعره ..وتتساقط على رقبته وصدره..
آنعكسة المرايا.. لصورتها..
تلك..الأنثى..المتسربله..بجلد افعى..
تلدغ..
ولدغتها مميته...
ناكره...
وجاحده..
ومخادعه بقناع لآبد في يوماً..ان يسقط..
لكن ..
لآيريد..ان يكون هو من يسقطه...
التفت بسرعه لجه الثانيه..وبحده\وش تسوين هنا..!!!
سيوف بعيون دامعه\ماقدرت اتطمن عليك...الا هنا...انت بخير...؟
تقدم بخطوات واسعه آمسك ذراعها بعنف...و..قرف\آطلعي برا مغاسل الرجال..
ابعد يده بتدارك سريع \آطلعي..
سيوف بعصبيه\آنت ليه ها الصدود منك القاه...عشان ايش..تكلم..ليه ماتزوجت مره ثانيه..تكلم ليه
وزواجك الاول..ماقعدت معها الا فتره بسيطه...اشرح لي..؟ ليه...
عشاني...!
انت بقرارة نفسك تحبني...!
بس جسار واقف لك بنص..
حتى ..درر..وحبك لها...
اكبر دليل على كلامي...
كذب كلامي يا عناد اذا مو بصحيح...؟؟؟؟
حس بغثيان ..تكلم بصوت حاد ..ويبعد جسده..وانفه..عن استنشاق ذرات عطرها النتنه..\الله يشغلك
بنفسك...انتي تبين تذبحين رجلك وهو حي..؟
تبين تقهرينه...!
ليه ربي يجازي جسار فيك..وحطك بطريقه...
ليه ماعطاه..بياض..مثل بياض فعوله...
يمتحنه..ولا يبتليه...
انتي علميني وش تبين..؟
شيطانك الي براسك وش يبي مني..؟
تبيني..!
انا مابيك..
مابيك..
ماطيق حتى اشوفك..حتى لو جسار ماتزوجك...
انتي مو من الي يجذبوني لهم..
انا مابي وحده بجرئتك..
ولا...بتفتحك..
ولا ببعدك..عن دينك...
آقرفتيني في الحريم..وعفتهم..
والله العظيم بعدك عفتهم...
كيف تخونين رجلك في اخوه...كيف..؟
آبعدها بقرف عن طريقه وطلع برى المكان...,,,
كيف يتحكم بأعصابه..لآيعرف..
لكن..بتئكيد...من
اجل قلباً....
اقسم القدر..ان يذيقه...كأس من الوجع...ليس ببعيد..
..
..
وش فـايــدة قــربــه وكــنــه ضــلالــي

دايـم مـعـي لـكــن عـجــزت اسـتـضـلــه
..
..
طارق بابتسامه حانيه...
ينزل علبة شوكلاه فخمه..ومغلفه بطريقه ناعمه...\جبت لك الشوكلا الي تحبينها...
ابتسمت..
جلس على الكرسي المقابلها..سحب مجله قريبه..تصفحها بهدوء..
الظبي بعتب\وين كنت ..ابوي كان هنا..وطلع ماشافك...
طارق رفع عيونه عن المجلهـ\مشوار..قضيته ورجعت....
الظبي تمسح طرف حاجبها برتباك\مشوار..؟مالهـ..اسم ها المشوار..؟
طارق نزل المجله...وقف بهدوء..وبخطوات هادئه..ابعد الستاره الفخمه من الشباك..\كيف ماله اسم..لهـ..؟
بس انا ماحب طريقتك في الاسئله..احسها تحقيق..وانتي تعرفين طبعي وماتجهلينه..؟
الظبي \وانت ..ليه تجهل طبعي...؟
طارق بنظره حانيه\طول عمري اروض ها الطبع...والظاهر انه ماراح يتروض..
الظبي \مافي احد من اهلك دق يطمن علي...
طارق \امي وسهام..دقو...تنتظرين احد ثاني..؟
الظبي \وخلود وفهده..وبدريه..كلهم مايعرفون اني با المستشفى...
طارق\ظبي..!وش يهمونك..فيه...؟
الظبي بعصبيه\الاكيد انهم مايهموني ولابشي..لكن هم الي يبون هنادي ..حبيبة قلبهم...تلقاهم مبسوطين
بتسقيطي..والعالم الله انهم مجتمعين الحين ومسويه لهم حفله..
عفس وجه\لآحول ولاقوة الابالله..وليه ها التفكير يا الظبي...انتي ليه صايره حساسه بزياده...
المهم امي وسهام...وش دخلك بخواتي الي من ابوي..يجون معززين ومكرمين ويروحون معززين مكرمين
غيره مافيه..لآيتدخلون بحياتي الخاصه..وماسمح لهم بعد يتدخلون...
الظبي\آحلف انهم مايبونك لهنادي..أحلف انهم مافتحو لك الموضوع..ماتبيني اكرهم وهم يبون يهدمون بيتي
ويفرقوني من الرجال الي احبه...
اقترب طارق..سحب راسها..وطبع على جبينها...قبله استمرت ثواني\غيرتك هي الي الظاهر..بتفرقنا..
الحين اقولك مابي غيرك..وانتي مصره تفتحيت عيوني على غيرك...
تحركت شفايفها بـ...لما اصابعه لامستها\يا ظبي...انتي تعبانه..ريح نفسك شوي..
..
..
وش فـايــدة قــربــه وكــنــه ضــلالــي

دايـم مـعـي لـكــن عـجــزت اسـتـضـلــه
..
..
مناير والمبخره بيدها..تبخر فيه الدور الارضي...آنتبهت لدخول مقرن وتوسطه المكان..
مناير\يامرحبا يا عمي...شلونك اليوم..طيب..
ابتسم مقرن وهو يشوف مناير تقرب منه وتبدى في تبخيره وابعاد طرف الشماغ وتصاعد رائحة العود من الجمر\بخير جعلك بأكثر منه..وشلونهم بناتكم..طيبن..
مناير\بخير..يا الغالي...
جلس مقرن على الكرسي\طاب طيبك طاب طيبك...
ابعدت المبخره منه...نزلتها على الطاول القريبه..
مقرن \كمبوديا زين..من وين جاك..شاريته..؟
مناير\لآ والله ..امي الله يخليها لي مرسلته لي..زان حظ ها العود يوم اعجبك..
مقرن باابتسامه\زانت ايامك...ها..مالقيتي لي بنات زينات في العرس الي حضريته قبل يومين..
مناير \والله ياعمي لاحلا ولا قبله..ورقصهم ان ضحكنى عليهم والا والله مامداحنهم...
تجيك الوحده ضاربت لك المكياج الي في اخر القاعه يشوف برقة عيونها تقول اكباس...وتجيك الفستان
متبري منه الستر ان قلت مشقق فهو والله وصفته وكفيت ووفيت..مشخلع..ومايستر..ضيق
والفتحات من كل جه..ومايذبحك الا ها المكياج وها الفستان داقة عليه البرقع وتجيك مدرعمه من اول باب القاعه لين المنصه
ترقص..وترقص..وترقص..ويهتز كل شي فيها...
من ثم تحذف لك البرقع في المنصه..وازتنزلي يا زيران..
ويالله وهات ..وصفقو..ودان..وليل..واشر لي با المنديل..وحياة شقيه...
والا الي ترقص بزرها..ياويلي سبدي ياعمي البزر يتقطع سبده من البكى وهي ماغير ترفع لسماء وترقصه..
وكله بلحاله والي تطلب لها مدح في عمرها..ياعمي والله ان الاغنيه في ديره وهي في ديرتنا لحالهـ
ايه..والله يوم رحنى ماخذينا الا الذنوب...
غرق مقرن في ضحكه مصفاه على تعليقات مناير..\وانتي يامناير وش طلبتي اغنيتك..
مناير بحماس\طلبت قول بسم الله على غزالاً طب قولو بسم الله...
مقرن بضحكه عاليه\الله يقطع سوالفيك العوج..اجل ناشبة في حلوق الخلق ومحللتنن ها الشي عليك
مناير \وش فيك ياعمي والله اني غزال..الله يسامحك بس..
سكت مقرن ..لكن مازالت الابتسامه مرسومه على ثغره..
مناير بعد لحظات صمت.,,
مناير\عمي..صحيح العلم الي سمعته..؟
مقرن بستغراب\وش علمه..؟الله يجعله خير.
مناير\ان ياسر طلق الي منهوبين الجد..والله ياعمي..والشاهد الله..انه ابرك الساعات الي سمعت
فيها ها الخبر..ابرك له..واحسن..الله استجاب لدعواتي..والا وش بيجنا منهم غير البلا ..والسحور..
الله كريم الله كريم..هي نيتك ياعمي نيتك البيضاء الصافيه..عطاك ربي على قدها..مارضى ربي
انك تنقهر في ياسر بعد..الحمدلله الي صرفهم منى..جعلهم مايعودون..ولاتعود سيرتهم في ها البيت..
وابشرك..ابشرك..البنات واجد..وبندور له بنت ها اليومين..وبنزوجه..والله ان يحذفهم وراه..ياسر
فديت قلبه..رجالاً ماينخاف عليه..هو بس الله يخليه لنا خذاها معاند..ويوم شاف ان حنى مانبي له الا الخير..
هذا هو تركها الله لايردها ولاعمتها من وراها..يالله انك تثبت عقله ودينه ياكريم..
مقرن تجاهل مناير تماماً...لكن ملامحه..أرتسمت عليها ...علامات الغضب..
آنتبهت مناير لتجاهل مقرن التام..التزمت الصمت بسرعه..من ثم اسئتذنت برتباك..
..
..
وش فـايــدة قــربــه وكــنــه ضــلالــي

دايـم مـعـي لـكــن عـجــزت اسـتـضـلــه
..
..
جلس با القرب من خاله...
ياسر\تو ماتعدل السكر عندك..صحتك ياخال غاليهـ علي..الله يحيك..لآتحسب انك رخيص...
ابو مناف \الا رخيص..وارخصتني..وعطيتك بنتي سنين وسنين...وهذا انت مثل ماسوى عمك سويت..؟
ماسويت فيني خير يا ياسر ماسويت فيني..خير...انت عارف ما امنت على ملوك الامعك..وما..خليتها
على كيفها الا عشانها تحت جناحك..
وهذا انت..رجعتها لي..وكئنه ماصار شي..وما..آمنتك عليها..
تطلعون وتدخلون وبلحالكم..اذا ماحكيت شي..الناس ماتسكت..وحتى لو هي حلالك ولك..عند الناس
ماهي بحلالك وعيب حتى تلمس ايدها...قولي ياسر..وجهي وين اوديه..وانت ترد بنتي بعد سنتين متملكها
وسنين وسنين وهي لك وانت لها..علمني وش اقول وش ابرر..علمني وش اقولهم يوم يقولون وش في ولد عمتها
ردها لك...شايف عليها شي..والا ..
آنتفض قلب ياسر قبل جسمه...بصوت ظهر من عروق جسمه قبل ان يصل الى اوتاره الصوتيه..
بجزع\اقطع لسان الي يحكي عن بنت خالي..واعلق راسه عند بابها...من الي ببيع عمره ومهديه ..من الي
مال من حياته ويتكلم عنكم با الشينه..؟
والله..والله..ماتبسط عليه الشمس ليوم ثاني...
يشهد علي ربي..اني ما ..لمستها..وماخنت امانتك لي...
ويشهد علي ربي..انها تربيه رجال..ماتخون ثقة ابوها..
ويشهد علي ربي..لو ابيها من وراك وطعت نفسي ان اقطع يدي الي خانتك فيها..
ياخال..بنتك بنت شيخاً على سجادته ساجد..
كيف تبي تغلط..و الي رباها..على الصلاه ..وخوف الله تخونه ولو هو حلالها..
لكن يابو مناف..يعلم الله اني ماتركتها راغب..وماطلقتها وانا بايع..
والله العظيم ان ملوك تنوزن عندي با الذهب والماس..وكفته هي الي ترجح على كل غالي ونفيس..
لكن القدر والمكتوب..من الي يهرب منه ومن الي يحاربه..ويوقف بوجه..
اثناء كلمات ياسر المتغلغله في قلب ابو مناف..كانت عينيه الصغيره المرسومة حولها التجاعيد..تخفي
دمعاً..اعلن..نزوله...
فجع ياسر...واهتز جسمه ..وقف بصدمه...وابو مناف يمسح بطرف شماغه...عيناه المتتلئه دمع..
..
..
..
نقف هنا...
..
..
..
همسة محبه..




قال المصطفى عليه الصلاة والسلام
( رفقاً بالقوارير ) وما أجمله من وصف

فالأنثى كالقارورة لا تتحمل العنف والقسوة
وإن حصل ذلكـ فهي معرضة لـ (التحطم)

وبعض القوارير إذا تحطمت أصدرت صوتا ً خفيفا ً .. ..
وبعضها الآخر تتحطم بصمت .. .. وهذا مؤلم .. ..

ونوع يتحطم بألم فتصدر إزعاجا ً لا مثيل له .. ..
كما هي حال الإناث .. .. ولكن هناكـ فرق .. ..

فالقوارير إذا تحطمت لا تصلح للاستخدام .. ..
فهي لا تتجمع وتتلاحم بل تبقى مبعثرة .. ..

أما الأنثى إذا تحطمت تستطيع أن تلملم جراحها .. ..
وتجمع أشلائها وقد تسامح من سبب تحطمها .. ..

وذلكـ لرقة قلبها وعاطفتها التي لا تضاهيها عاطفة .. ..
بوركن ما أروعهن فأرجوكم رفقاً بالقوارير
اذا فقد شبه الرسول الكريم النساء بالزجاج لانهن مثله قلبا وقالب ، فهي مثل الزجاج في تشكيله تحب ان تعامل باحترام وان تراعى مشاعرها ، فان احببت ان تحبك النساء فعاملهن باحترام، ويكفي ان الرسول الكريم قال رفقا بالقوارير وهذا مفتاح صغير القاه الرسول الكريم لكم يا معشر الرجال..،
..
لقاء يوم الاثنين..اذا كتب الله لنا عمر=)
دمتم بحب ضمني بين الاهداب..
.
..
...