صباح الورد الجوري

ماكأننا راح من بالنا ردة فعل التؤم على الي بتاخذ مكان امهم

الاكيد ان درر ماراح تتقبل الموضوع ببساطه وبتشعلها نار عليهم

اما الثانيه بصراحه نسيت اسمها فاعتقد انه بيكون من السهوله

السيطرة عليها لانها صفاتها هاديه ومنقاده عكس درر قياديه وتحب

تفرض شخصها ورايها حتى بطرد الام رغم ان درر ماكانت متعلقه فيها زي

الثانيه الا انها هي الي عانت وطالبت فيها بقوة والثانيه اقتنعت بشهد وجدتها

كبديل عنها


يعني امامك يالظبي مرحله موسهله واختبار صعب لازم تعديه بنجاح حتى تستقر حياتك


بانتظارك بكل الود والحب

صباح الورد

هموسه صحيح بدوشة العرس نسينا وسن ودرر بنات جسار

لكن هم اطفال اتوقع بيتقبلون الظبي

الظبي عاشت فراق امها عن ابوها

وحرمانها من الأمومه بيكون حافز انها تعاملهم بحنان اكثر

لا يخلو من التوجيه

لو ان الأم مافي من يحل بمكانها

صباح الخير ضمضم .............. كيفك وكيف رجلك طمنينا عنها ...............تسلم ايدك ياعسل على البارت الحلو

كل بارت يزيد شوقنا وحماسنا لوقت كشف حقيقة عناد ............ وبأي مناسبة واي وت بيكون ............ ومين الي بيكون له دور رئيسي بهالشي ...........ز اكثر من شخص مسك الخيط بس شخصيتين مسكو الخيوط اكثر والاثنين اذكى من بعض وهم جسار وياسر


الغيوض ربي عوضها بحب عبد المجيد لها بعد الظلم الي تعرضت له من ظلم من سطام وزواجه لها بس لغرض حقير وكملها عليها بحرمانها من ولدها بس ساعة العقاب قربت


ياسر اكثر شخصية مسكت خيوط قضية الطفل عساف وشاف الصور والاشخاص الي يشبهونها وعرف اصحاب الصور والاشباه والحين عرف انو سطام له واحد من هالاشباه وياسر ذكي واكيد مافاتته بس يمكن الحين من الصدمة ماركز بس لو بيفكر فيها راح يعرف ويمكن كلمته لرهف انو سطام هو الخاطف ومتستر على جريمته ماكانت من فراغ بس ياليت رهف تلقط بعض هالخيوط وتشغل مخها وتقرب المسافة على امها

آذن هو اخ مشترك بين رهف وعناد وجسآر..!

وانت الصادق ياياسر عناد هو الاخ المشترك بين رهف وجسار يعني عدوك اللذود اخو زوجتك وجسار بيصير زوج عمتك قريب بفضل مقرن العاجي


يآسـر يدلف الباب لـيجدها واقفه تنتظره لأنها رأته من الشباك..=)والله يارهف هذا الي فالحة فيه برج مراقبة من هالشبابيك اما الخيوط والحقايق تمر عندك وتتبخر زي الهواء


بدت له للوهله الاولى مبتسمه..!
من ثم..
آتضح له تلك الحاجبين المنعقدهـ ب انوثه تتقنها تلك الصغيره العابثه..
آستقبلته بنبرة جاده وهو يقترب منها\كنت طالعه الحين..ليش جاي..؟
يآسر بجديه\طالعه..!
كيف تطلعين من غير اذن منـي...؟
رهف\وليش اخذ الاذن منك انا مابيك خلآص وقلت لك هذا الشي..؟
يآسـر\نعمـ..لآ..ماسمعت هذا الكلام..والا يمكن سمعته بس مالفت انتباهي...يعني وشلون فهميني اكثر..؟
آقترب منها لـترتبك اكثر من قربه..
من ثم تحول ارتباكها لـوضع يدها على عنقها الـذي آبتل فجئه بقطرات من العرق المعطر من رائحة عطرها الدافئ..
همس\تبين الطلاق يعني..؟

والله هالرهف تبغي تفرض شخصيتها بس ماتجيد هالشي واول ماسألها ياسر اذا تبغي الطلاق اتحداها اذا مابغى قلبها يوقف والله انك موقليلة يارهوف بس ياسر كاشفك وعاف انك بتموتين ولا يتركك خخخخخخخخخ حاولي مرة اخرى


كادت تغتص بريقها وهي تشعر ب مرارة تلك الكلمه لتغمض عينيها لا شعورياً من ثم تفتحها ب اقل من ثانتين..
آبداً..لآتريد ابغض الحلال..
لكنها تريد قرصة لـ ذاك الياسـر ............... والله شكله هو الي بيقرصك مو انتي لانو فاهمك اكثر مماتتصوري بس حلو الدلع عاطي لحياة ياسر جو وهذا الشي الي الي حبب ياسر فيها وخلاه يفقدها لما غابت عنه ليلتين


آكمل ارباكه لها\مدري كيف هان عليك تقضين ليله كامله وانتي مانتي بجنبي ولآ بحضني..كيف نمتي البارح..؟
آرتفع حاجبها ب تقمص لـكذبة تحيكها فـ من اسوء الليالي كانت الليلة الماضيه لـها\عادي..تغطيت ونمت..!
آقترب لـيلامس خصلآتها ب انفه وهو يقترب من اذنها ويهمس\يانصابه..!
آنتفضت وهي تبتعد قبل ان تنهار ب قربه..\مافي نصاب غيرك ب حضنك كانت رهف وبعقلك كانت صاحبة الصوره..
شلون كنت توزن ها المعادله..!

الله يستر منك يارهف اذا عرفتي مين هي حبيبة ياسر السابق وانها بتدخل حياتك قريب ........... شكل الغيرة بتزيد اضعاف مضاعفة والله يعلم ردة فعلك الجاية


آبتسم بخبث\تعالـي معي..وبطلي عناد..لـنفرض ان انتي جاك النوم ونمتي انا مانمت من البارح تعال معي نوميني وارجعي..؟
رهف بجديه\ياسـر..اا
ياسر بخبث\عيونه..و..قلبه..و روحه...آمري...,
وضعت رهف آصابعها على جبينها وبوجع\خلآص..لآتقول هذي الكلمات وانت ماتقصدها تكفى ارحم قلبي شوي اذا كنت عابث ..,
شد اصابعها لـيغرقها ب القبل\والله العظيم قاصدها لـيش تحطين افتراضات مالها اساس..
الصوره ماضي..
خلآص رهف لآتكبرينها امشـي معي..آرحميني انتي..والله العظيم مشتاق..!!

الحوار الي دار هنا بين ياسر ورهف يعني انو الاثنين فعلا بدت حياتهم مع بعض تاخذ منحى ثاني وتعني تقبل ياسر لرهف بشكل كبير وبدى يتعلق فيها كشخص له دور بحياته بدت رهف بعفويتها تغير من روتين ياسر وخصوصا انها واضحة بمشاعرها له وحتى زعلها منه وعتابها ودلعها غير عن الي شافه من ملوك وهذا الي خلى يفتح ابوابه لها وشوي شوي كفة رهف هي الي بترجح

.
ب الفعل مشتاق..!
فـ ذراعي افتقد تلك الصغيره..
التي ترغمني على فتحه ليليٍ لها..
فتعبث ب آصابعي تارهـ ب رقة ونعومة اناملها..
وتارة اخرى تحتضن ذراعي..,
و آذني
مفتقدهـ لـ قرب انفاسها العطره مني..
و
المصيبه...,
أُنه لم يمر الا اسابيع على تلك الصـغيره وهي تزرع روحها
بين حنايا الجسد البالي..!

هل آنا اتذوق الحب لـمرة الثانيه..
من عابثة اخرى صغيرهـ..
بعد ان كنت ربان بتلك الكلمات العابثه فـ أُصدق ببساطه من قبل الجنس الناعمـ..
واليوم آسوق القسمـ بأنها حقيقيه لـتصدقني تلك الرهف..!

والله ياياسر حب رهف راح يكون مضاعف جدا وحب ماذقته ولا مر عليك من قبل ساعتها بتندم على عمرك الي راح بدون مايكون فيه هالصغيرة رهف وحب ملوك بيكون مرض وتشافيت منه


الجلسة العائليه بين فلك وملوك ومناف ذكرتهم بأيامهم السابقة وان كانو في السابق اكثر عدد بوجود فهد ويمكن ياسر ............ فلك احسها جدا تحسنت ببعدها عن بتال ومشاكله وغثاه والله احسن قرار بعدها عنه الين تولد بالسلامة لانها محتاجة راحة نفسيه اكثر منها جسدية .......... وولدها بيكون شاغل راسها اكثر من مشاكل بتال وحريمه يمكن لما تنقطع اخباره تهدى عن تفكيرها فيه وهو رايح او جاي او مسافر مع علة من علله

اما ملوك الى الان احس تركها لبيت زوجها ماله داعي وعتابها لعناد مو من حقها هالحق لجسار بس انو يعرف خياس حرمته اماهي مو من حقها تعرف اسرار وخراب بيوت غيرها لانو اذا الموضوع انتقل لاكثر من طرف راح ينتشر بين الناس وهنا جسار وبناته راح يلاحقهم العار لاخر نفس لهم ............

اما تهجمها وااعتراضها انو ياسر دفع الديون يمكن يكون معاها حق لانها كانت تحس انو من الاولى انو عياله هم الي يدفعون بس فلك بعد شاركتها بالمسؤلية ومااعترضت عليها وياسر مو غريب هو يعتبر الابن الاكبر لفهد يعني مثله مثل فلك وهي لساتها لاحقة دام فلوسها موجودة تسدد لياسر حقه وخلاص

بس هي بسبب حقدها الداخلي عليه الي تأثير لحد الحين على حياتها وهذا السبب الي خلاها حتى عناد تتهمه بالخيانة وتساويه بفعايل ياسر معاها ............ وبسسبب انها خايفة من عناد لما يعرف انو ياسر مسدد لابوها ديون بعد موته هي كل همها عناد وبس واتوقع لما تصر على عناد ياخذ فلوسه ويرفض وتحسه انو يشيل بخاطره بيكون رضاه عسل على قلبها بس ياسر لا والاسباب معروفة

فلك ب ابتسامه بارده\وليش فارضه ان ياسر مقهور من عناد..يعني بآقي على حبك الصاد منه مثلاً الى الان..
هذا هو متزوج ومبسوط مثلك الحين بحياته..
فليش ينقهر من عناد وانتي ماعاد صرتي تشكلين له شـي..

كلام فلك صحيح بس بيكون قهر ياسر بالمستقبل على رهف لانها بتكون قريبة لعناد والمصيبة انها بتقدر تحضنه وتبكي على صدره وتحتمي فيه اذا احتاجته وهو يبغي رهف تكون له وبس وبيزيد جنون غيرته من هالقرب وماعاد لملوك اهمية بقربها من عناد مثل رهف يعني لاتعطي نفسها اهمية كبيرة ولاتشيل هم ياسر عنده الي تفهمه وعطته حبها ومشاعرها مو مثلها اليس كانت تاخذ بدون ماتعطي وربي جازاها بعناد الي ماحسسها بحبه مثل ياسر بالعكس هي الي حبته وذابت فيه

ملوك بضيق\مشاكل ماهي كبيره..آقدر احلها بنفسي..عادي عميمه عادي..لآتقلقين..

المشكلة فعلا مو كبيرة بس صغر العقل وتكبي السالفة هي الي بتطول حل هالمشكلة ........... اما فلك مالها الا الانتظار والصبر الين بتال يحس على دمه ويحاسب على تصرفاته وكلامه ويعتذر عن اخطائه ساعتها بتنحل الامور وبتزين ........... بس ارتباك ملوك يجيب الريبة شكلها حامل وماتبغي تخبر احد بالوقت الحالي

بعد سآعتين ونصـف....

تقطع الـغرفه ذهابٍ وعودهـ..
لآ
تريد النومـ..
بل لآتستطيعه مطلقاً...
تريد ان تتصل به...
لكنها لآ تقوى..
وبنفـس الـشعور لآتقوى على النومـ من غيـر سماع صوته..
فقد كان غآضبٍ جداً منها..
جداً جداً..
لآتنكـر تغيـره هذه الايام بذات لـ أجلها...
ومن هم على شاكلة عناد...جداً صعب تغيرهمـ..!
فـهي تذكرهـ تماما يثور على آتفه الامور واصـغرها...
لكنه اصبح يتـحكمـ بزمامـ غضبه لـ اجلها..
بل
وآصبح ينسكب آنسكابٍ ب رومنسية خآصة بينهمـ..
لآتـجهلها أي أمرأهـ...
فـ المرأهـ..
لآيجهلها حآلة الـرجل اذا كآن عاشق مولعاً بها..
و
لآيـجهلها عناد ولآ خجله..
ولآ ارتباكه في ترتيب الكلمات الـعاشقه..
فـ تلك الكلمات تبعثره وتجعله كـ طفلاً صغير ب الكاد يتخطى خطواته الاولى..!
آنتظرت طويلاً كلمة [حبيبتي] منه..
لـتنساق لـها تلك الكلمه فـي موقف موجع لـروحها..
غآضبه منه..وغاضبة من نفـسها..
هذه الفتره فقط اختلاء لـروحها...
فـ
هي ب الفعل تريد القليل من الاختلاء..

والله ياملوك لو انك تملكين الحكمة كان حياتك صارت ولا اروع ظلمتي عناد الي تغير علشان رضاك وتخليتي عنه في عز حاجته وهو مجروح من اخوه وكملتيها عليه بـأتهاماتهك وهجرك له ............. تستاهلي هالحالة الي حبتيها لنفسك ...............ياليت ترجعين بيتك في اقرب وقت لانو مو حلوة تتركين بيتك وانت عارفة عناد واخلاقه


عناد شكله بدى يقدم تنازلات لملوك حتى لو من داخله مو راضي بس علشان يكسب رضاها بس ماحب يوضح لها انها تنازلات وخبرها انو مضطر بس مو راضي عنها وهي بكيفها تفضل رضاه او فرض الي براسها وماالوم عناد لو رجع جاف معاها لانها هي السبب وتتحمل نتيجة تصرفاتها لانو هو مهما كان رجل وله حق يفرض سيطرته على زوجته ..............ز


ياسر المسكين الظاهر مفتقد راعي الاقلام الي ماادري وين دلف لايكون عريس جديد ورايح البر شهر بصل مع المدام لانو هذا قدره خخخخخخخخخخخ والله عرف بزواج المغرورة وجاته جلطة وتنوم بالمركزي

المهم ياسر رمى كلمته وهي الي اكيد تصلها بربط الاحداث بس مايبغي يخدم غريمه ويصير نسيبه عن جد بس جاب الحقيقة كلها ......... ياترى بيعرف انو عريس الغفلة عندهم اولا وايش ردة فعلة من الملكة القريبة حيل


جسار ماصار له الوقت يفتح الموضوع مع ابوه وجدته والحين انشغل بزواجه السريع جدا يعني احسه مستعجل حيل على الملكة حتى بدون ماياخذ راي اهله وكأنهم مايعنون له شي وحتى مقرن مهما كان المفروض ينتظر وجود اهل جسار يمكن يكونو رافضين هالنسب بس هو كل همه يزوج بنته من جسار مهما تناسى الاصول

والظبي اسخف منها مافي الحين كلامها الي قالته مايقدر مقرن يخبر جسار فيه والله تبغي تحاجج جسار بالمستقبل لو ماقدرت تحمل وتخبره انها بنفسها خبرته مو ابوها ............ وبعدين جسار حتى موضوع حساس مثل هذا مااعطاه حقه بالتفكير يعني حتى لو عنده بنتين يعني مايبغي لهم اخوان وعزوة لهم بالمستقبل

هذا هو مقرن بنفسه زوج ولده من ثنتين وثلاث علشان هالولد مع انو منايروه بعدها تقدر تجيب عيال .......... وهذا هو شاف انو هالموضوع كان ممكن يخرب كل تفكيره وخطته لو جسار همه هالموضوع

وبعدين جسار حتى مافكر بردة فعل طارق الي ماقصر معاه وهو يلخذ طليقته على الاقل خبره قبل ملكته والله لازم يخبره يوم ملكته اكيد مهما كان طارق بيحز بخاطره هذي كانت بيوم زوجته الي حبها بالرغم انها قللت من قدره ومن احترامه واهانته بكل تجبر وغرور

ايش ردة فعل الظبي لما تعرف العلاقة الي بين الاثنين وانو طارق معطي فكرة عنها لجسار وهالفكرة ابد مو مثالية
والاعظم اذا عرفت مين صاحب فكرة زواجها من جسار وكيف انعرضت عليه


وسن اتوقع ممكن تتقبل الظبي بس درر راح تعلمها قدرها وفشلها انها تكون ام وهي عديمة الخبرة ومو بالساهل بين يوم وليلى بتكسب ثقة طفلة واعية مثل درر تذكر امها وعارفة انها موجودة وانو هذي مش امها ولا بتكون امها وراح تعطي الظبي كلام في الصميم

هذا غير مشاكلها مع جسار والحدود الي بيحطها لها والموانع الكثيرة والتنازلات الي بيجبرها عليها وانها ماكانت مشروطة عليه وهو مو ملزوم يقبلها لزوجته ومثل ماتنازل عن العيال منها هي لازم تتنازل عن عملها واقامتها الشبه دائما ببيت مقرن وانها لازم تكون بالقرب من بناته


شكل ملكة او زواج جسار هي ساعة ولحظة الحقيقة لانو عناد وعبد المجيد وسطام بيكونون حاضرين بوحدة من هالليلتين والاقرب الزواج لانو بيكون للرجال وببيت العاجي واكيد بيكون الزواج عائلي وبسيط للحريم بوجود الغيوض وفلك وملوك وام جسار والجدة هيا وبتكون في مواجهة ويمكن تكمل بتعب الغيوض وخروجها ولقائها الغير مسبوق بعناد وجها لوجه مع انو شوفة عبد المجيد لعناد بتحل كل هاللغز لانو الشبه هو الجواب لسكوت سطام عن ضياع عساف .......... ويمكن تكون ناك مفاجأة غير متوقعة وماتخطر على البال


ضمضم قلتي في ظهور لسيوفوه بزواج جسار واكيد انها ردة فعلها من خسارتها لزوجها وبناتها للابد وانها اكبر عقوبه مؤلمة لها انو جسار بيستأنف حياته من جديد بعيد عنها وبينساها الي الابد



ضمضم ماتتصوري قد ايش متشوقة اعرف الطريقة الي بتكشفين فيها حقيقة عناد متأكدة انها مميزة وماخطرت على بال احد وهذا دايم مايزيد شوقنا هو كبر المفاجأة والاحداث الغير متوقعة ............. في انتظارك بكل شوق

بسم الله الرحمن الرحيم
.
.
.
نظرة حقد 64
.
.
.
مدخل
.
.
.
مالي جدا والحظ هدم صروحي

والدرب عثر خطوتي والفضا ضاق

ارجاك ياباب الفرج رجوا نوحي

مفتاح بابك با الهوا يعتق اعناق

هات الفرج ياباب رجوا هو انت توحي

رد الكسير الي على ضيعته ساق

قدمه غصب ماقال من طيب روحي

ولاكان لعروق المتاهات تواق

واوصيك يامواج البحر لاتروحي

الا معك من محجري ملح الاحداق

واسالك ياغيمة حشاي وشحوحي

ياوين ابلقى ف الظما بلة ارياق

من يستفز بداخلي كل جموحي

اليا صهلتي وامتطي فيك الافاق

فصل الجفا قد حان واجتاح روحي

والله يعين الروح في موسم فراق

مثل الشجر صارت بقايا جروحي

يبست حزن ودموعها صفر الاوراق..
.
.
.
.
بدايه..,
آوقاتكمـ نفحه رحمانيه تحفكمـ من ربـي..
.
.
آشتقتمـ لتواجدي..=)>تسئل عن غلاهـا^^
وربـي انا اكثر آشتياق..ان شاء الله وعـد آكون بقربكمـ آكثر بعد حل مشكلة اتصالي ..

.
.
.
رابطة عناد..
بزوغ فجر قادمـ وآبتعاث قطرات مطر تبلل الـخطوات الـمنزلقه تحت وحل الفـراق..
آتسعت دائرة الأبطال الذين يحملون خيوط خطفه..!
هل انتمـ مستعدون لـ البارتات القادمه الحاسمه بحياته..؟
.
.
.
رابطة ياسـر..
بدايات آيناع عاشق ...!
فـ هل الـقلب يعشق اثنتين..؟
دعوهـ لنقاش جاد من فـضلكمـ...
النقاش مفتوح بين بارت السبت والاثنين ..=)
موضوع نقاشنا ...
[هل القلب يعشق لـ مرتين]..!>>الحب الصادق يا الـ بعض العيون =)
الـسؤال حساس يا اخوات..
والنقاش يجب ان يكون له جانب مصداقيه كما عودتموني..
بمعنى تجربه خاصه او من حولكم...=)
.
.
.
بمناسبة الحديث عن ياسر..
قصة ياسـر كما هي بوجعها آجمل..
أن يتعذب من الحب...
لأنه ب الفعل هناك اشخاص كـ حالته ب الضبط...
فـ هناك احباب..يلوموني ب شخصيته..
خفي عنه...شوفي لك غيره..أنتي ليه كذا معه>>=)
حبكة قصة ياسر ماتجي الا كذا يا اخوات...
خيط رفيع من الوجع..و..خيط اخر من الوجع=)
حتى لو بنى له حب جديد...=)
آستمتعو فقط بشخصيته فـ آلآكيد ختامها حبتين مسك..,
.
.
.

رابطة جسآر والـظبي...!
قصه جديده راح نبدأ فيها ...
.
.
.
من غآب من متابعاتي من ثم عاد لنا..وبين خطواته..
سؤال عذب ..
فقدتيني ضمضم..و..الآ..لآ..
آنا بصدق..
آفقد كل قلب ينبض بين حنايا هذا المتصفح..وكل عين عانقة حروفه المتواضعه..
لكن بصدق آضع عذر لـغيابكمـ..فـ الحيآهـ لآتخلو من [ آلآعباء]..
والكتابه و الـقراءه...هي هوايه لـنا..بجانب حيآهـ عريضه تشـغلنا..,
فـ التمس لـكم آلآعذار..فـ...لآ...يـحز بخاطر البعض على ان عدم سؤالي عنه هو تجاهل او عدمـ آهتمامـ..

.
.
.
كل من سئل عن صحة الوالده ب الخاص او ب العامـ..
وكل من يجدد السؤال دائماً لـي لـ الاطمئنان عن الغاليه...,
الله يجزاكمـ خير ويخلي لكم امهاتكمـ ويرحم من تركنا منهم لـ دار الحق
الوالده بصحه وعافيه والحمدلله ..
وهذا ب فضل الله من ثم الدعاء...
الدعاء ياخوات لآ حد يستهين فيه..سبحان الله..والله انه مثل مشكاة النور ب الظلامـ..
حبل متين بينكم وبين الله...فلآ احد يترك او يهمل هذا الحبل المتين...
الوالده هي بصحه وعافيه من كذا شهـر...كنت اطمن الاخوات الي يسئلوني عنها ب الخاص وماحصل لـي فرصه الا اليوم اطمن جميع الغوالي عنها...
عسى ربي يطمن كل قلب عن حبيبه يارب.. و..لآيشغل قلوبنا الا بطاعته..
وهذي هي منورتنا ب بيتاً الله لآيخليني من نورها..,
.
.
آبشركم بارت اليوم طويل=)

و

هديه صـغيره في جعبتي اذا سـهل ربـي اتصالي..,
.
.
.

ومضه\
يظـن..!
حين أتحدث عن ذكرياته أنني لا زلت أحبه ..... ؟
ويظـن حين أكتب عنه بعين
الرضا ...
أني لا زلـت أتمنى عودته ..
ولا يدرك أنني منـذ أن فارقته عددتـه
ميتا...!
فحديثي الأبيض عنه لايعد إلا إمتثالاً لقول المصطفى صلى الله عليه وسلم...
اذكرو محاسن موتاكم ..!
.
.
.

لآتلهيكمـ الروايه عن الصلاة في وقتها..,
.
.
.
جلـست ب الأريكه وهي تنزع غطاء وجها وقفازتها...
مناهل ب استغراب\وين كنتي..!
الـظبي\قريب لـيش..؟
مناهل \شـفتك رايحه جهت المجالـس و عمي شكل عنده رجآل..
آردفت ب استفسار\خوالك..؟
آشارت الظبي برأسها ب النفـي\لآ..
مناهل\من..؟
الظبي رفعت كتفيها\خاطب جديد..و..طلعت له..
مناهل بصدمه\طلعتي له...ليش..؟
الظبي\انا ابي كذا...عندك مانع..؟
مناهل وهي تلتقط تهكمـ الظبي\الظبي وش ها الخطبه متى صارت وكيف طلعتي يعني الامور كلها صارت جديه وماهي مثل أي خطبه تخبين عني..؟
الظبي وهي تحرر شعرها\لآوالله..وليش اخبي عنك بس ماصار شي..آذا صار شي انتي اول من يدري عنه...!
وقفت الظـبي وصعدت لـ الطابق الثاني ..
مناهل لـ مناير \خطبه يامناير وها الـظبي ماتقول شي..مكتمه على كل شي..يمه منها يمه..
مناير ببرود\خطبه..؟
مناهل\ايه خطبه ماتشوفينها جايه من مجلس الرجال اكيد اكيد موافقه عليه والا كان والله ماتطلع لـو ايش ماصار...
بنت ابوها صدق..مايطلع منها الخبر الا اذا هي تبيه يطلع...
يآقو راسها..!
مناير\كيف يفرحون وبنتي توها مدفونه...هم مالهم احساس ومايحسون بشي..؟
ارتفعت حاجبي مناهل\يامنير ياقلبي...قوي قلبك..ايه والله بيفرحون وبيرقصون وبياكلون وبيشربون بعد..هذي الدنيا...يوم تغدى فينا ويوم تعشا في الي جنبنا...
ومامات احد عقب فراق خليله..
مناير بوجع\انتي تقولين هذا الكلام عشان قلبك ماشال ضنى..لو قلبك شايل له ضنى ماكان هذا ردك وهذا كلآمك...روحي روحي...حظك كبير ماذقتي الي ذقته...!
تركتها مناير...
لـتغلي مناهل من وقع تلك الكلمات الجارحه لـ الروح..
.
.
.

تدري هـ الليله / طويله : وإحتياجي لك عذاب
.
.
.

بسيارة يآسـر..وهو يدخل الـحي المحبب لـروحه...
رهف \وين داخل..لك احد هنا..؟
ياسـر\ايه خالـتي فلك هنا..بنسهر معهمـ سهره خفيفه ونطلع ..كلمتها قبل شوي وكأن صوتها ضايق..
شكل هي ومناف ماهم متفقين ..ومضيق صدرها...
رهف ب شجن\انت حنون كذا دايم..والا..بس على ناس وناس..؟
آبتسم\تبين الصدق...الحنان مني شـرق وانا منه غـرب...بس انا كل شـي يخص خوالـي اعشقه..
حتـى الشقوق الي بجدران بيتهمـ حافظها من كثر ما آغلـي الي ساكنه..
رهف\غـريب امرك..اول مره اصادف شخص يحمل لـ خواله هذا الحب والاحترام كله..
شد اصابعها الموضوعه ب حجرها لـيعانقها ب انامله وكفه\خـوالي..!
آردف بعد زفره ثقيله على روحه\عشت معهمـ ثلاث انصاف العمر...تدرين خط الشنب وانا عندهمـ..!
آنحنى ب انظاره بتجاها..
لـيبتسم على معانقة انظارهـ
لـمحياهـ..
يآسر بشجن\اساساً ابوي عبد العزيز كان عايش تقريباً في هذا البيت..بعده توفى الله يرحمه..
وكان بين ابوي وجدي تحدي قديم وزعل كبير ماانحل الا بعد وفاة ابوي الله يرحمه..
وجدي مقرن آنهار بعد وفاة ابوي مع انه ماوضح هذا الشي لكن السنين وضحته اكثر واكثر..
لأنه كل سنه يقول السنه الجديده بيجي لي عبد العزيز يعتذر ويطلق الي خذاها والي كانت سبب هذا كله...
بس ابوي كان راسه مافيه الا العناد والكلمه اذا قالها مايثنيها..ومايرجع من طريق مشاهـ..
يعني تقريباً عاجي ولد عاجي..
آبتسمت رهف لـفضفضت ياسـر ..و..بحذر\ليش بقصتك ماتقول ابوي مقرن..
الظاهر انها آول مره اسمعك تقول جدي..
باقي لك احقاد قديمه عليه صح والا انا غلطانه وها القصه تألمك وانت تحكيها؟
تجاهلها ب ابتسامه بارده\وفي ها البيت الي مقابلك تربيت..!
آشاحت ب انظارها لـ البيت وآبتسمت بتلقائيه..
اردف بوجع\فيه الان خالتي فلك.. و..ولد خالـي مناف..و..بنت خالي ملوكـ..
طبعاً فلك وملوك مايجون هنا الا زيارات لانهم متزوجات..
آردف والابتسامه على محياه وهو يقف لـيلمح مناف ب القرب من الشجرهـ المتلعقه ب السور..\وهذا الخبل ولد خالي...يحبني بشكل ماتتصورينه..!
رهف راقبت قفز مناف والابتسامه تعانقه ليرحب ب ياسـر
ياسر يفتح الشباك وبتهكمـ\منيف ترى أهلي معي عطني عرض مقفاك مابيك تشوف محارمي ..!
ماان اتم يآسـر كلماته...
الا
ومناف مبتعد ب الكليه عنه...!
وعلى بعد خطوات كثـيرهـ..
آبتسم..على تقريع رهف الرقيق
رهف\وربي مالك داعي ليش احرجته بشكل هذا..ياربي منك..
آبتسم وهو يسابقها على الباب ..
وهي تأخرت قليلاً ب السياره...
.
.
دلـف الباب..!
.
.
.
ملوك بوقتها كانت ب الباب الـداخلي المطل على السور..تنتظر دخول مناف لـ تعتذر له..
فقد شدة عليه بأكثر من المعتاد...
وفلك كانت ب وقتها بدورة المياهـ...
.
.
.
آرتفعت انظار ياسـر لـيجدها واقفه ب الباب..!
ب
حلة موجعه لـروحه..!
.
.
.
آلتهمـ الملامح الـمدفونه ب اضلعه..!
كـ
الضرير الذي ما ان رئ بصيص النور الا وتخبط من فرط مفاجئته..!
لم يستطيع منع عينيه المتمرده..!
وان منعها..
عصته..
و..
اعلنت ثورتها عليه...!
.
.
.
ثواني كـ انفاسٍ متسارعه..!
.
.
وآختفت..كـ رماح غائره...!
.
.
وآقف بمكانه..
كـمن انسكب على قمة رأسه آكاليل من الـوجع..
لتعانقه..!
.
.
.
رهف بهمس\ادخل لـيش واقف..؟
آلتفت وبنفسٍ منقطع\آدخلي شكل عندهم ناس كأني سمعت حس حريم..انا بوقف مع مناف شوي وبدخل..
دخلت رهف...وتركته..
يتراجع بخطواته حتى اغلق الباب وخرج..
وجلـس على العتبه الخارجيه...!
.
.
.
يآرب..
آغثتني ب قمراً منير بعد ان حرمتني من بدر مكتمل..
فـ
آمطر على روحي نسيان ذاك البدر فما عاد ب الروح حصون..!
.
.
.
صداع اجتاحه..
لـيقتلع..
كل نبضٍ بين جنباته..
.
.
.
من منكم تذوق الحب..!
لوعته..؟
جمرته..؟
حرقته..؟
آختناقه...!
طعم الدمع ب غصته...!
بتأكيد سـ يتفهمـ معاناتي ألآ آنف ذكرها..!
.
.
.
مناف ب استغراب وفزع \يآسـر تشكي من شي..وش صار ؟
يآسـر بنهيار\يآخي حرام على اختك ها الي تسويه فيني والله العظيم حرام..
هي ليش هنا الليله..
ليش ماقالت لي فلك انها هنا...ليش ماقالت لي لآتجي ..
سمك ودواك هنا...!
حسبت اني داله وسالي مع حبٍ جديد..
مادريت ان القديمـ يقول صبرك علي من قال لك اني عتقتك..؟
آختنق مناف\يآسـر...لآتجلس تخبص الامور وتقط خيوطها..ملـوك عند رجال ..
تدري لو غيرك يتكلم بهذي الطريقه عنها قسم بالله مايخلصني شرب دمه..
آشار بيده من دون اهتمام\انت خبل..رح بس عني بعيد..
مناف\آنت ماتزوجت...ماهو مفروض الي خذيتها تحبها..وتنسى الماضي خاصة ان ها الماضي مايبيك وغارق بحبٍ مايبي غيرهـ...
داري ان عناد عند ملوك يسوى عيونها...
مع انه في بعض الاوقات احسه قاسي معها لكن تعشقه عشق..!
.
.
تعمد مناف الضغط على مكان الـم حتى وان حصل نزيف
فـلآبد لـذاك ألم ان يلتئمـ...
.
.
.
يآسـر وهو يتلقى خناجر ب صدراً عاري تماماً\وليش قاسي معها ولد سطامـ...
مايشكر فضل ربه..انه حرم غيره وعطاهـ؟
آبتسم مناف بتهكمـ\ماجاوبتني انت تحب زوجتك..؟
يآسـر\..أنت وش تحسب الحب..!آبعد بس خلني ادخل..؟
.
.
.

تدري هـ الليله / طويله : وإحتياجي لك عذاب
.
.
.

ملوكـ ..و.. وجها محتقن تماماً ب الأحمرار
وهي تستأذن من رهف...
لـتدخل المطبخ...
وتتجه لـ الماء فـ تبلل وجها المحتقن ب قطراته...!
.
.
.
انا ليش طلعت ..؟
لو جلست داخل وانتظرت مناف..
يآرب وش سويت..
ماتوقع زوجته انتبهت لـهذا الشي...
هذا ياسـر ماتغير...
مبقق عيونه على النسوان...
الله يعينها عليه...
والله العظيمـ اذا حبته بجد..بتتعب معه...
يآرب اغفر لي..
والله انها نظرة الفجئه..
مادريت ويمكن هو بعد مادرى...
بس على الاقل.. الله يهديه يغض البصر
ماهو يطلقه..
يآسر
انت
ياسر ماتغير فيك شـي..
بآقي على اكبر عيوبك..!
.
.
.

تدري هـ الليله / طويله : وإحتياجي لك عذاب
.
.
.

ب المجلـس
فلك ب ابتسامه\ايه هذي زوجة عناد الي هو اخو صديقتك شهد...
آختنقت بوجع وهي تتذكره ..\ماتذكرها او ب الأحرى ماشفتها زين...
آقبلت ملوك بخطوات مرتبكه لتجلس ب القرب من فلك
ملوك ب ابتسامه\اخبارك رهف ان شاء الله بخير..
رهف برقه \بخير ياقلبي..
آبتسمت رهف\ترى حضرت زواجك..
آبتسمت ملوكـ\لآتسأليني عن من حضر ومن ماحضر مع انه عائلي بس وربي ماشفت الا مسكتي ورجولي..ورجول زوجي...
غرقت ب الضحك فلك ورهف..
لـتبتسم رهف وهي تخرج من محفظتها صوره قديمه لـ احمد غير تلك الصورهـ..
لـتبتسم وهي تمد الصوره لـ ملوك\هذا زوجك...ترى قبل زاوجي كنت لافه عليه مع اخته شهد بس الله يهديك تعلق فيك وتركني...!
.
.
.
كادت ملوك ان تغتص ب آنفاسها من كلمات رهف..
فـهي.. و..ان كانت واثقه من دينه ..و.. اخلاقه.. و..حيائه...!
الا
ان الماضي يرهقها لـ حد الأختناق...!
.
.
.
ما ان اطلت ب الصوره..حتى ابتسمت\تمزحين هذا مو عناد..!
آردفت وهي تشد الصوره برفق\بس سبحان الله لو له نسخه كان هذا الشخص نسخته..يشبه حيل...من وين لك ها الصوره..؟
آبتسمت رهف بوجع\ماشاء الله عليك..كيف فرقتي بينهمـ ..؟
ملوك بغمزة عين\انا زوجته وحافظته..فيه اختلاف..بس مو كثير..
رهف بألم\بس انا احسهم نسخة بعض ..كربون..!
ملوك\لآ بجد..من وين لك الصوره..؟
رهف بشفافيه\هذا اخوي الله يرحمه..احمد...يشبه اخو شهد ..عناد..!
.
.
آنصدمت ملوك تماماً وهي تلتهم تفاصيل الصوره..
وحكاية الشبه الاكثر من غريب..
سبحان الله
ايعقل..؟
.
.
.
ملوك برقه حانيه\الله يرحمه
من ثم اردفت\ممكن آخذ منك الصوره بس عشان عناد يشوف النسخه الثانيه لـه...و..برسلها لك مع فلك اول مااخلص منها...
آبتسمت بألم\مو مشكله...
صوت هاتف رهف يعلن عن آبيات شعريه عذبه
بصوت [السامر]
لفتت آنتباهـ ملوك وفلك..
لـتبتسم \هذا ياسـر يمكن يبي يسلم عليك فلك وبعدها نمشي..
ردت بلطف لـتبتسم بعدها وتغلقه\قلت لك...يالله ياقمر...
آبتسمت فلك وهي تقف بثقل\شوفي هو انا قمر بس بعد شهور ان شاء الله الحين قولي بطريق..فيل..دب قطبي...كل الي يخطر على بالك بس قمر..كثري منها ..!
آبتسمت رهف \والله انك حلوه ماشاء الله ماتحتاجين شهاده مني...
آحاديثهم الوديه غابت عنها ملوك
وهي تتأمل الصوره ب استغراب شديد..,
.
.
.

تدري هـ الليله / طويله : وإحتياجي لك عذاب
.
.
.

يآسـر متمدد على ارضية المجلـس ..و.. مستند رأسه على [ المركى..]
بـشجن موجع آطلق صوته ب خفوت..
و
عينيه مطبقه ب هدوء..\
يلي تجيب الخبر لآهنت له ودهـ..

مرسول من خاطري قد سكر الحالي

قل له صحيبك حزين طول ها المده

انته نسيت الخوي والا يورالي

يابوحمد صاحبك حال الهوى هده

الله ياما اكبر همومي وغربالي...

آبتلع ريقه\لآو..و جودي على الي ناعم خده

شهانة تطرق الاول على التالي...

في الزين مقياسـها ماحداً وصل حدهـ

ماهي خرافه ولاهو قول جهالي

بنت الدلع في دلعها ماحداً قده

مدلعه في ذرى من يحتمي التالي...

يوم عيني لـصوب الحزن ملده

مافي غيره يخلي خاطري سالي

انا اشهد انه سكن وسط الحشى وده

ياوجد حالي على ما شوفه قبالي

اثر المفارق عذاب نعنبو جده

وانا كما تايه في وسط الخلا الخالي..!

فلك ب ابتسامه وهي تقف على قمة رأسه\الله الله...كله ها الآجواء الشعريه والشجن في الـزين هذا..!
آبتسم بخفوت وهو يقف لـيحتضنها بهدوء\آفآ عليك ونصـير لـعيون رهوف شعار...!
فلك وهي تفلت من احضانه برقه\شدو حيلكم اجل نبي نشوف لـ عزوز عروس...!
غرق بضحك هادئه\خلـي المعرس الحين يشرف...
.
.
.

تدري هـ الليله / طويله : وإحتياجي لك عذاب
.
.
.
متمدد على الآريكه...
و
فكره تماماً مشوش على ملوكـ..
ب اتصاله بها..
قفز النوم بعيداً عنه منذو ان سمع ذبذبات صوتها
الذي يحمل كمية عتبٍ تغلغل لـروحه..
لـم ينتبه..!
او
ب الآحرى مشوش ولـم يكن تأهب عناد الـمعروف عنه..!
لـيلآمس جبينه...
جسم بآرد...
ويخترق آذانه صوتٍ جامد\كش ملك..!!
فتح عينيه..
لـيصدم تماماً ب الشخص الواقف امامه والذي رفع آداة حاده معه وبتهكمـ\عندهمـ حق لما استبعدوك..تفقد كل مميزاتك وحده ورى الثانيه..!
قفز عناد ب غضب..
لـيشد الجيب العلوي لـيوسف..
ويـقذفه بقوهـ على الحائط ويضغط على صدره وبحده\انت كيف دخلت لـهنا...
ماتدري ان للبيت حرمه....
بدوسك الحين برجلي وبدفنك بمكانك ..!
سعل يوسف وهو يحاول التخلص من ايدي عناد\والله العظيم مادخلت الا انا عارف ان زوجتك ماهي هنا..
مستحيل ادخل وزوجتك هنا...
حبيت افاجئك لآ اكثر ..و..اسوي فيك مقلب مرتب...
آتركني بتخنقني..!
تخلص من عناد لـيلقي جسده على الاريكه وانفاسه المتحلاقه يحاول استردادهـا لصدره ويضحك بجلجله\كنت بتذبحني..منت بصاحي..!
عناد بغضب شديد\واشرب من دمك اذا رجعت لـهذي الحركه السخيفه مره ثانيه..من أي شباك دخلت..يآ شبيه القطو..!
غرق بضحكه خبيثه\لآ..دخلت من الباب..بابك ماعليه امان..آنتبه له مره ثانيه..
لآتعصب كذا ترى كنت مراقب طلعتك انت وزوجتك من البيت ورجعتك لحالك..
وشفت معكم شنطه خفيفه قلت اكيد بتبات عند اهلها..!
القى عناد بجسده ب الكرسي القريب وهو يسب يوسف من اعماقه..\لآترجع لـهذا الشي مره الثانيه اذا انت تبي روحك..صدقني بذبحك بيدي بيوم من الايام..؟
ابتسم\ماتقدر انا صديقك وانت ماتخون في الرفيق..آعرفك..!
آردف بخبث\تخون..!
نظرات عناد المحتدهـ...آشاحها عنه ب قرف...
.
.
.

تدري هـ الليله / طويله : وإحتياجي لك عذاب
.
.
.


.
.
.
بعد عقد القران..
.
.
.
سطام يهمس\لولآ مستشفى ابوك يآ جسآر مآصآرت الفحوصات بهذي السرعه العجيبه...
جسآر بنفـس الهمس\حافظين لك حقك..آشوف الواسطه دخلت معي حتى بملكتي...
ماهي دنيا غريبه يبه...!
.
.
آشاح سطامـ ب انظارهـ الشبه غاضبه على جسآر...
فـ لو لآ...
الوضع الحرج الذي يرى جسآر يغرق به لـ اذنيه
لما وافق ابداً على جنونه...
فـ
لو كان جسآر بوضعه الطبيعي...
ماكان
اليوم هنا..!
.
.
.
مقرن ب ابتسامه مثقله \الف مبروك عليكم الله يتمم لكم ب الخير ويسعدكمـ..
بتال\ الف مبروك يابوسطامـ...
جسآر\الله يبارك فيكمـ جميع...
سطام ب استغراب\وين ياسـر ماشوفه..؟
مقرن\طلعت له شـغله ضروريه وماقدر يأجلها لكنه لاحق على خير ان شاء الله...
آبتسم سطام بتشكيك وهو يبعد نظراته ويهمس لـ جسآر\عاجبك كذا حفيده ماهو راضـي وعناد واخوك الثاني ماحضرو ملكتكـ..آستعجلت كثير..
آبتسم بثقل وهو يتجاهل همس والداهـ الموجع...
لـيفاجئهمـ مقرن\وين بقية الاهل يا ابو جسار..؟
آبتسم سطامـ\لآحقين خير...ملك جسار على الـسريع واخوانه مسافرين...ومرتبطين..لكن ان شاء الله بنعوضها بلمه اكبر ان شاء الله بعرس..
مقرن\على خير..
.
.
.

تدري هـ الليله / طويله : وإحتياجي لك عذاب
.
.
.

منآهل\لآوالله...آجل خاطب والسلآم اشوف الخاطب ملك...والا بعد ملكه والسلآمـ..
الظبي بضيق تجلـس ب احد الكراسي وهي تشد سنا لـ آحضانها\طيب قولي مبروك...!
مناهل\مبروك ياحبيبتي بس ترى الحركه الي سويتيها مو حلوهـ..وماتليق فيك...على الاقل صرنا عشرة عمر...
وكبار...
وكبيره بحقي ها التجاهل وكأني مو موجودهـ...
الظبي تجاهلتها لـتبتسم بوجه منايـر\وانتي يابنت العم...مافيه بعد مبروك...مثلو على الاقل..!
مناير\والله ياعميري من طق الباب سمع الجواب...ماحد منكم عبر ان لي ضنى توه ميت...
ماهو ناقص فرحكم الا عقود...لآتنسون تحطونها...!
آشارت برأسها \فال خير..ها الملكه ان شاء الله ..وش بعد يا الوجيه الطيبه..!
آردفت بخبث عاجي\والله ماراح اقعد اقنع فيكمـ او في غيركمـ...الي ماعجبه شـي يعد الجدران وب آحسن جدار يعجبه يفضي الدوشه الي براسه فيه...!

. .
.
.

تدري هـ الليله / طويله : وإحتياجي لك عذاب
.
.
.

.
.
يوم جديد..,
.
.
.
ب مبنى جريدة [صوت المواطن]..,
مترئس لـ الطآوله الدائر بين جنباتها الحوارات الساخنه..
المرتفع بها سقف الـحريه ب النقاش وابداء الرأي واحترامه من الجميع...
نآصـر\يا استاذ جسآر...آسمح لـي اعترض على هذا الـشي..
مع ارتفاع الـرواتب ب المكرمه الملكيه..
هذا شي كافـي واذا ماقلنا كافي فهذا معناته تبطر على النعمـ..
جسآر\ اخ ناصـر...انت اخذت محور اخر ب الموضوع ...المكرمه الملكيه الي نزلت..هذي مكرمه من كريم لـ مستحق..
لكن تنزل المكرمه من هنا..
وكل باب منفتح لـ المواطن العادي ويطالبه ب السداد فواتير كهرب تليفون بيت مدارس مستشفى بقاله كل شـي..؟
انت معي ب الصوره...؟
نبي نحل المشكله..مانبي نلف حواليها..؟
نشـكر الملك على هذي المكرمه ومقدرين جداً حسه الآبوي لـنا...لكن نبي حل جذري لـ المواطن لـ العاطلين عن العمل..
الحين التسجيل ب جدارهـ..
هل انفتح...والا رسيفر الموقع اصلاً ضعيف وماهو قادر يتحمل الضغط الي عليه..؟
كيف يغفلون هذا الشي المسؤلين....ليش مايتحاسبون...؟
انا متأكد تماماً انهمـ مو قاعدين يوصلون لـه الوضع الحاصل...
يبقى الدور على من في رفع الـصوت حتى يوصـل لـ الملك..؟
علينا معشـر الاعلام..؟
ليش...؟
لأنه مسؤليتنا في توصيل صوت المواطن...لنا صوت الشعب صوت الشارع..؟
آضـرب لك مثال..
في سرعة تحرك الجهات العليا..في مصلحة المواطن..
الـمواطنه الي كانت بمصر الـي كانت تحاور سفيرنا هناك..وكان يرد عليها بصفاقه وتهكمـ...؟
وتصور ب الكاميرا من سوء حظه وحسن حظنا..
..وقع المقطع بيد الامير سعود الفيصل..
وتم اعفاء السفير فوراً بعدها..؟
تدري وين العيب ..ألعيب فينا..مانساعد حكومتنا على درء الفساد الحاصل..
والا الحكومه ماهي مقصـره وتبذل كل شي تقدر عليه..,
سآمي\صحيح استاذ جسآر..ليش مانفتح زاويه ب الجريدهـ ونسميها [آنين الشارع..]؟
ونترك هذي الصفحه لمشاركات المواطنين..,
آبتسم جسار\معك حق...آعتمد هذا الاقتراح لـ التجديد الشهري لـ الجريده بعددها الجديد..,
.
.
.
خرج الـكادر..
لـيطرق الباب بطرقات خفيفه السكرتير..
ويفتحه بعدها آقتحمـ المكان طفلتين..
درر.. و.. وسـن..
جسآر آبتعد عن مكتبه لـيخطو الخطوات لهم
وينخفض ب آبوه حانيه ويضع ركبتيه على آرض..
وهو يفتح ذراعيه لـهم ليحتضنهم بقبلات خفيفه دافئه..
آبتسم\آخبار حبيباتي..
وسن \كويسين بآبا...
قبل آنف درر الصامته لـيهمس\واليدي..؟
درر\عادي..!
كشر بتمثيل\شلون عادي..يعني كويسه والا العكس ..؟
آرتفعت اكتافها ب طفوله لـتركن لـصمت..
وهي تحاول آنزال [الطوق] من شعرها..
حملهم جسآر لـيضعهمـ على طاولة الاجتماعات ويشد الكرسي لـقربهمـ..
جسآر\شـوفو يا حلوت...انا اليوم بعاملكم مثل الكبار..يعني زي عمه شهد وزي عمه ملوك..يعني كبيرات وعاقلات...
آرتفعت آعين الصغيرات لـيشهدهمـ الحديث الساحر ..
جسآر ب بعثرهـ\انا وانتم بنطلع ب بيت جديد بروحنا فيه جناح اكبر من جناحكم الي عند بابا سطام بحط فيه كل الي تحبونه ..وبجيب لكم كل الي نفسكم فيه..
.
.
آلآعين الطفوليه مأسوره تماماً بتلك الشفتين الي تتحدث ..
.
.
.
آردف ب بعثرة اكبر\وبعدين بتسكن عندنا وحده تهتم فيكم وفي بابا..وترتب حاجاتي الخاصه..وتطبخ لـنا اشياء حلوهـ..تحبكمـ و بتحبونها..
وتكونون صديقات لـها لن ماعندها صديقات..
شو رايكم ب الفكـره الحلوه..!
آبتسمت وسن بتلقائيه طفوليه بحته\وتصير عندنا حديقه صغيره احط فيها الارانب حقتي و البط الصغنون الي قالت لي امي هيا انه لـي..!
آشار برأسه ب الموافقه\ونحط لك ولـحيوانتك حديقه صغنونه..
قآطعته درر \ليش ماما ماتجي وترتب ملابسك وتهتم فيك...ليش تجيب وحده تصير صديقتنا واحنا نبي ماما...
انا مابي ارانب ولآ ابي بط يروح معي...انا ابي ماما تسكن معي..؟
.
.
آكثر بكثير
من نزف الكبرياء
المخترق من الخاصرهـ..!
.
.
.
قبل جبينها ب شفافيه\يابابا ...طيب نجرب نصادقها ..يمكن نحبها...يمكن تصير صديقه حلوه لكمـ..و..تحبونها...!
آبعدت خدها عن معانقة شفتيه..
لتعبث وسن ب قلمه الفخم الموضوع ب جيبه العلوي\بابا عادي اخذهـ..
قبل شعرها المعطر وعينيه تعانق بحيره تلك المتمرده الصغيرهـ\فدوه يابابا...

.
.
.

تدري هـ الليله / طويله : وإحتياجي لك عذاب
.
.
.



فلك بـصعوبه وهي تقف من ثم تعود لـتجلس ماعادت استطاعة الوقوف مجدداً..
الم تشعر به..
ب اسفل بطنها و بحوضها..
يكاد يمزق من شدته قـلبهآ....
لآ
تدري كيف تحملته الليله كامله..
ولم
تخبـر به ملوكـ..
مازلت محتفظه ب اسوء آطباعها...
التحامل على الـ ألم...!
شدة هاتفها فما عادت تطيق...
لـتتصل على منآف...
.
.
.

تدري هـ الليله / طويله : وإحتياجي لك عذاب
.
.
.

ب الـشركه...
مناف واقف ب الـقرب من يآسـر يناوله آلآوراق كي يتم التوقيع علـيهآ...
وبتال ب المقابل يرتشف بقايا الـشاي ب اوراق النعناع ..
آبتسم مناف على آسمها بشاشته لـيستأذن\عمتي بعد اذنك برد عليها هي لوحدها ب البيت..؟
.
.
آسـتل وجعٍ مـتشبث بثياب الـتصبر..قلبه..!
لـوحدها وهي حامل..!
.
.
.
يآسـر بهدوء\رد على خالتي او اختك حتى لو كنا ب اجتماع وهم يدقون عليك رد فوراً...!
آبتسم\يعني اف أي بي..من قدنا...؟
آبتسم ياسر ابتسامه جانبيه هادئه وهو يغلق الدوسيه..
.
.
آحتدت ملآمح مناف وهو يهمس\طيب الحين جايك...لآتتحركين كثير....!
آغلق هاتفه على نظرات بتال ويآسـر المترقبه...
عآجله بتال بسؤال مترقب\وش فيها...؟
مناف ب آرتباك\تعبانه...وصوتها اكثر...تبي اوديها لـ المستشفى...!
قفز بتال بـرعب حقيقي..
وهو يفتح الباب لـيخرج ويصرخ ب مناف\بوديها انا..!
ما ان فتح الباب ...
الا ومقرن يـدخل متفاجئ من تجاهل بتال لـه ومن سـرعته ب الخروج وملآمحه الـمتكهربه تماماً...
مقرن ب استغراب\وش فيه..صآير شـي..؟
يآسـر وهو يقف لـيهم ب الخروج\خالتي فلك..تعبانه وداقه عليه...
مقرن برعب\تعبانه وشلون...؟
يآسر ارتفع حاجبه ب استغراب\والله مدري وشلون يبه...يعني اكيد حملها..الله يهديك!
مقرن بحزم\تعبانه خالتك الحين..وعيونك تلاقط يمين ويسار عندي هنا..قم اسبق عمك وجهز لـهم سرير ب المستشفى ..!
.
.
منصـدمـ تماماً
وعينيه تنتقل لمناف..!
بل
كاد ينفجر من شدة مايقاوم الـضحك..!
.
.
آهذا مقرن العاجي...!
من لآيرتضي الا ب غمام الاصول..!
يقلبه صـغيراً منتظر رأس على عقب..
كيف وان شـرف ذاك الـصغير..
كيف سـ يكون حاله..!
.
.
آبتسم ياسر بثقل\يبه الله يهديك الحريم يتعبون بحمالهم دايم..وخالتي بذات من يوم شآلت ها العاجي ببطنها وهي تعبانه..
مناف ب ارتباك وهو يحاول التدخل بلطف\ان شاء الله تكون بخير...بنطلع لها بعد اذنك..؟
مقرن\آيه اطلع آطلع...وانت بعد يا ياسر...روح شف خالتك لآتجلس هنا..!
.
.
.

تدري هـ الليله / طويله : وإحتياجي لك عذاب
.
.
.

بعد نصف ساعه
دلف الباب لـيجده مفتوحاً...
دخل وهو يسابق الخطوات لـيتوجه لـ غـرفتها...
ماهي الا ثواني وهو يشرع الباب...!
.
.
آرتفعت اعين فلك المتعبه...
لـتتبعثر بقايا انفاسها فجئه...!
.
.
شـهقت ب عنف وهي تشد نفـسه لتحاول الجلوس وتلم بقايا الـغطاء الخفيف على جسدها...
فـهي كانت ترتدي قميص نومٍ بلون الكريمي..
يصل لمنتصف الساق..
ولم تكن تتوقع آبداً دخول بتال عليها....
كانت تتوقع مناف او ياسر...
وكانت لـتو تهم ب الوقوف لـ آرتداء جلابيه محتشمه ...
.
.
بتال برعب وهو يقترب\الحين بآخذك لـمستشفى ..أنتي وش تاعبك بضبط..!
.
.
مرتبك..!
مبعثر...
هو...
عينيه تحمل تعبٍ يتلف روحها...!
وهو
ب
الاصل..
متلفٍ لـ الروح..!
.
.
.
وضعت يدها بتعب آسفل بطنها..
وهي ب الفعل تشعر ب وجع لآيحتمل..
تريده ب قربها الان..
فـ ان لم يكن ب القرب منها في هذا ألم...
سـوف لن تقاومـه ابداً...
.
.
تحت انظاره...
وهي تتوجع ب اكثر بكثير من احتماله هو...
شد عبائتها من قربها...
لـيساعدها بصمت على ارتدائها...
بعد ان آرتدتها...
هم
بحملها بين ذراعيه...
.
.
فلك \لآ...آقدر امشـي..
همس بوجع وهو يحملها \آرحميني من عنادك شوي...
.
.
.

تدري هـ الليله / طويله : وإحتياجي لك عذاب
.
.
.
نقف هنا..,
.
.
.
همسة محبه\وقفة تأمل بتلك الكلمات الـدافئه..
.
.
يآرب
كلما فكرت بكتمان حزني آرعبني قولك..
[وابيضت عيناه من الحزن وهو كظيم]
وكلما فكرت ب البوح بصوت مرتفع تذكرت قولك
[وبشر الصابرين]
فيرعبني ان يضيع بوحي اجر بشارتي..
.
.
لقاءٍ الاثنين او السبت اذا كتب الله لي عمر=)
.
.