كاتب الموضوع :
ضمني بين الاهداب
المنتدى :
القصص المكتمله من وحي قلم الاعضاء
بسم الله الرحمن الرحيمـ..
.
.
.
نظرة حقد 63
.
.
.
مدخـل
.
.
.
لو وفيت وجيت يومٍ زرتني
لو صدقت افنيت روحي في هواك
لو سمحت بنظرتك وامهلتني
احضن عيونك بقلب مانساك
لو لمست الوجد بي ولعتني
واهتديت بنور قلبي وافتداك
لو نظرت بعين قلبك شفتني
مامعي مخلوق يستاهل غلآك
ليتم من الحب ماخوفتني
كان اعيش الفين عمر في رجاك
ياقليل الحظ لو رغبتني
كان اخجل كل بدر من ضيآك
لـ دايمـ الـسيف..
.
.
.
بدايه..
صبآح\مساء
الـعبق الذي لآينتهي وانتمـ ب القرب من حنايا بعض العيون..,
.
.
.
.
دآر تساؤل ..حول ضمـة جسآر لـ الغيوض..؟
بعض الغوالي وضحو هذا الاشكال..,
لكن زيادة توضيح لـ يعم التوضيح الجميع..
آحبتي..
الغيوض تكون زوجة سطام وبذلك يكون ابناء سطام محآرم لـ الغيوض.
.وكذلك الغيوض ب ابنتها رهف لـسطامـ..
بمعنى
جسار وريان محارم لـ الغيوض
سطام محرم لـ رهف...
.
.
.
من ناحية كيف فات جسآر صورة عناد في المجلس وهو صـغير..
يآ الغوالي
المجلس الي دخله جسار غير المجلس الي دخله ياسر...
فـ جسار دخل المجلـس الخارجي...,
اما ياسـر فكان ب المجلـس الداخلي ب داخل الفله ..
بمعنى ان المجلس الداخلي الذي يكون فيه تجمع الاهل والاقارب الخاصين اما
الخارجي فـ هو يكون اكبـر وآكثر فخامه لـ استقبال الضيوف المهمين وغيرهـ..
آغلبية آلـعائلات وخاصة ب الرياض متبعين هذا الـشي..في نظام المجالس خاصة انه مريح من ناحية استقبال الضيوف =)
صح ياربعنا=) >>الفيس النجدي
.
.
.
نظام القفلات ماراح اتبعه ها اليومين بسبب الاتصال...بس ان شاء الله مشكلة الاتصال ماراح تطـول..=),
.
.
.
.
لآتليهكمـ الروايه عن الـصلآة في وقـتها..,
.
.
.
ألم..
آعمق بـكثير من ألمـ..
وهي تـراقب تلك التفاصـيل الـرجوليه الـتي يتمتع بـه ذاك الـشآب..
آختلط حبه منذو النظره الاولى بين الـعروق والـدمـ..!
و
آنتهى...
.
.
.
خـرج عبد المجيـد من المكان..
يعشق الغـيوض منذو معآنقة آسمها ب أسمه..
و
يكآد يتمزق عندما يـرى ذاك الوجع يعصـر قلـبها..
فـكيف ب اضعافه الان..
وهـي تسـرد الـقصـه لـ جسآر...
.
.
.
ما ان خـرج حتى تنبه لـ ترجل ياسـر من سـيآرته..
يآسـر ايضاً كان منتبه لـخروج عبد المجيد من المجلـس الخارجي..
لـيتوجه ياسر بخطوات متزنه لـ عبد المجيد ..
سـلم بـ حترام..
عبد المجيد ب ابتسامه\جآي تاخذ اهلك..
يآسـر ب ارتباك\آيه..بس هذي السياره كأني مشبه عليها..؟
عبد المجيد\سيآرة جسآر الراسـي..هو داخل عند ام عساف..,
.
.
آنصدمـ..!
بل
كاد ان يـغتص ب انفاسه التي كادت تتوقف ب صدره..!
.
.
جسآر..!
ماذا يفعل عند ام رهف...!
.
.
.
بصدمه خالطها آستغراب\عند آمي داخل..وش يسوي...وليش داخل...؟
آبتسم عبد المجيد وهو يتدارك الامر\هو محرم لها..ولد طليقها سطام الراسي...شكل ماعندك خلـفيه عن الموضوع كله..!
.
.
.
عبث..!
الذي يعيشه الان..!
البعثره تلك...!
ماهي الا خيوط عنكبوت احكمت خيوطها علي..
لتقتلني..!
.
.
.
كيف ابن زوجها السابق..!
جسآر...!
آذن...
عناد ايضاً محـرم لـها..
سـ آجن ورب السماء..!
.
.
.
آبتلع ريقه..\عمي هو عندها داخل...!
آشار برأسه\ايه..موضوع عساف...جآلـسين نفتحه من جديد..و..ان شاء الله خير؟
آرتفع حاجبه وهو يلتقط اسم الطفل المتوفى\عسآف.. !..
ابتسم\ايه عساف..لآتقول بعد رهف ماحكت لك عنه...هذي عاد يبي لها محاسبه اذا صدق..
آشار بنفي والغضب يتضح ب احتقان الدم بوجه\لا..ماقالت لي شي..قالت ان لها اخ توفى وهو صغير والثاني الي هو احمد وتوفى كبير..؟
ابتسم بألم\لو عساف لـحق ب احمد صدق وتوفى من ايامها يمكن تقدر ها الضعيفه الي داخل ترتاح مع العباد ..
لآ يابوك..
عساف على سطام الراسـي..
وكان صـغير بين السنتين او فوقها يوم خذيت الغيوض..
وفي نفس لليلة عرسنا..آنخطف عساف...
والى يومك هذا وحنا نمني النفس بشوفته ورجعته لنا...
والحين هذا جسار مع ام عساف داخل يتكلمون عن ها القصه لن سطام ماحكى شي لـ عياله بعد..
وهذا الي مستغرب منه انا حيل..!
.
.
.
صداع..
صداع..
صداع..
.
.
.
كيف مقترنه ب سطآم..!
وبينهمـ ابن وايضاً له قصة خطف..!
آذن هو اخ مشترك بين رهف وعناد وجسآر..!
.
.
.
هز رأسه من دون شـعوراً منه
وكأنه يرفض التصديق..او..حتى مجرد الاستيعاب..!
.
.
.
بـصوت غآئم\طيب استئذنك بدخل لـرهف..
آبتسم\بيتك ومكانكـ يابو عبد العزيز..
.
.
.
يا..[حضرة] جناب الضيق..مآ للصدور [أزرار]..!
.
.
.
مـفترشين فـرشة صـغيره بـلون الأحمر الغامق..ب السور الصغير...
و
بينهمـ عشاء من مطعمـ قريب..
بروستد..بطاطا..مقبلات..و..مشاوي...وعلبة بيبسي واخرى سفن والثالثه عصير برتقال طازج..
مناف بحس فكاهي سآخر\لماذا ياعمتي الموقره سُمي السفن اب بهذا الاسمـ..!
فلك ب حس فكاهي يجذبه لـها مناف\لوجود سبع فوائد به ياحضرت الاستاذ..!
مناف بذات السخريه\ولماذا الميرندا رفضت خطبة السيد بيبسي وكادت ان تدفل في وجه ذلك اليوم ..؟
فلك بتفكيرعميق\والله مدري عنها بنت الاكابر...ليه رفضت خطبت ولد الاصول..لآيكون ماعجبها ولآهو بمقامها..؟
مناف ب خفة دم \لآ بس مأجله الزواج عشان الدكتوراهـ الي تحضرها ..و..بيني بينك سمعت انها قليلة ادب و تبي ولد سيزر!
فلك انزلت البطاطا من يدها\سبحان الله السماجه فيك وش كبرها..تدري اسايرك من طفشي ماهو من حلآة نكتك البايخه..
مناف\الحين شفتي عصير الدكتوره ..شي طبيعي وشي صحي ماهو حنا مياه غازيه...
فلك\الله يستر بس من مطعمك هذا لآيجيب فيني العيد..والله والله يامنيف لو يصير فيني تسمم والا شي مايكفيني ذبحك...
أذكر الايام الخوالي كمـ مره تسممت والسبه انت..آمحق ولد اخو..
مناف غرق بضحكه هادئه..\لآ تطورنا جايب لك ها العشاء من مطعم محترمـ..
ملوكـ بمداخله\مناف وش سويت ب الفلوس الي عطيتك هي قبل فتره سددتها والا بقى على ابوي شي..,
مناف برتباك وهو ينزل علبة البيبسي\ تبون الصدق فتحت لكل وحده منكم حساب فيها ونزلتها لكم..
ماندري وش بيصير في الايام الجايه آتركوها لمستقبلكم آحسن..!
آنفجرت ملوك ب حده\وش قاعد تخبص..آبوي الحين بقبره..وعليه دين تفهم..دين...؟
سدد وسخ ها الدنيا والغني الله ماهو محوجنا لـ احد....
مناف\ملوك...وانا قلت ماسددته..سددته خلآص..وفلوسكم لكمـ..
فلك بستغراب\من وين لك مسدد ها الدين...؟
مناف\رزقني الله..,
ملوك\ونعم ب الله..بس من وينك...لآتقول لـي...!
مناف ارتفع كتفيه\آيه..مافيها شي هو بعد بحسبة ولد لـ ابوي..عاش معنا نص عمره..
وبعدين انا قلت له بقصد هذا الشي من راتبي..
يعني ماله فضل ولآمنه بعدين...
آنفجرت تماماً ملوك وهي تلوم مناف\مناف لـيش كل شي ياسر يسويه لنا...
ليش يطوقنا ب معروف ورى معروف ورى معروف ..
انت ماتستحي على وجهكـ انه جالس يـفتح جيبه ومشرع رياله.. و..لآيعد ولآ يحصـي فينا..
مناف\ملوك لو سمحتي هو بعد مثل اخوي...وهو واعدني انه يقبله كا دين علي ..
وبعدين هو رفض نهائي يوم عرف ب الفلوس الي جمعتوها من مهوركمـ ومن راتبك ياملوك عشان تسددون الدين الي على ابوي.. و..بعد تشترون البيت لكم وبشكل كامل .
وبعدين حتى رجلك مسدد له ديان لـ ابوي...
يعني حلآل على عناد وحرام على ياسر الي مثل اخونا ومنا وفينا..!
وقفت ملوك بصدمه\اي ديان...وش قاعد تقول..متى سددهـ..؟
ارتفعت اكتافه\وش يدريني عنك آحسبك تعرفين بهذا الشي...او..انتي قلـتي له يسددهـ..
ملوك بصدمه\انا اقول ...!
ينقص لساني اذا قلت هذا الشي...وفلوسنا سلمها بيد ياسر...لآتلوم الا نفسك يامناف اذا ماعطيته بيدهـ..
وعناد انا بسدده بنفسي...عندي كم طقم و با ابيعها...وبعطيه ..
هذا غير ان انا من بكرا بداوم وبستلم راتبي وبيكون صافي لـي وبيدي...
مناف غضب بشده وهو يقف ويبتلع غضبه ويخرج..
زفـرت بضيق ملوك وهي تجلـس وتقومـ بجمع الـسفرهـ\ماراح يكبر..ماراح يفهمـ..ذبحني هذا الولد بتفكيرهـ...ذبحني...
فلك\هو صعبه والله حركة ياسـر..بس اذا رجعنا فيها..ترى فهد مثل ابوه ومن حقه يسدد دينه اذا كان بستطاعته هذا الشي..
و
ياسـر ماشاء الله عليه..ماهو قاصره فلوس...
وعناد زوجكـ..تحاسبي انتي وهو بهذي النقطه بس لآتجرحينه لأنه ماسوى هذا الـشي الا يبي يريحك ..لآنه يحبك...
جلـست على ركبتيها ب تعب..
وهي تشد السفرهـ ..\يآسـر ياعمه اعرفه آكثـر من نفـسه..رجال بمعنى الكلمه..
ماكان يعيبه الا شي واحد وهو انه مجنون نسوان...
والا ماشفت منه الا فزعة اخ..و..رقة اب..و..صدر عمـ..وقرب خال..!
بس خلآص خنقنا ب كثر ماهو حاجزنا ب اخنق الزوايا..
ب امكانا نسدد ديون ابونا..
خلآص يتركنا على راحتنا..ليش يسوي هذا الشي...
عشان يطوقنا ب اغلال اسمها معروف...
ياعمتي اكره ماعلى قلبي ان الواحد يكون له فضل عليك وانتي ماتقدرين تردين فضله..
وانا ماقدر..ماقدر ماقدر..من كثرها علي..
آردفت بعد ابتلاع ريقها\
يآسـر لو اقابله ب الشارع اشكره او اسلم عليه ويلمحني عناد متأكده تماماً انهمـ بيتذبحون..
هذا بيقول لـيش تتعمد تقابل زوجـتي ..؟
وياسـر بيزود قهر عناد لانه مقهور من عناد نفـسه..
فلك ب ابتسامه بارده\وليش فارضه ان ياسر مقهور من عناد..يعني بآقي على حبك الصاد منه مثلاً الى الان..
هذا هو متزوج ومبسوط مثلك الحين بحياته..
فليش ينقهر من عناد وانتي ماعاد صرتي تشكلين له شـي..
آبتسمت برقه\آن شاء الله ماشكل له شي..
آردفت بدفئ\ان شاء الله ماكون بنظره الا اخت..يآ كبر حظها من كان ياسـر اخو لها..
وصدقيني ياعميمه من كل قلبي اتمنى ان يذوق الحب مع زوجته ويتهنى بحياته معها,
فلك\وانتي..وعناد..كيفها اوضاعكمـ اليومين هذي..؟
ابتسمت بوجع\عادي...
آستندت فلك بتعب\وشلون عادي..بينكم مشاكل..,
ملوك بضيق\مشاكل ماهي كبيره..آقدر احلها بنفسي..عادي عميمه عادي..لآتقلقين..
ربتت ملوك على يد فلك \وعمي بتال يعني الى الان وانتي وهو شد وجذب..مارست سفينتكمـ..؟
عانقت فلك يد ملوك لـتضغط على اصابعها\الله ياخذهـ..!
ملوك بصدمه\من..!
فلك بوجع\حبه من صدري عشان اقدر انامـ مع الناس..تخيلي حامل وعاشقه وش بيطلع الجنين بضنك يا دكتورهـ...!
ملوك\ماعندك سالفه روعتيني فليك..ممم آقولك وش بيطلع...؟
آردفت بخبث\بيطلع اكبر مغازلجي ..و.. اوسم رجال..وعاجي لـ النخاع..!
ممزوج من ياسر وبتال ومقرن...وش رايك بهذا الـصغنون المعجزهـ..؟
آبتسمت ويدها تتداعب بطنها\يافديته وربي اعد الايامـ عشان اشوفه..
ماتصدقين حركاته وش تسوي فيني..الله لآيحرمك ها الشعور..
ابتسمت ملوك ب ارتباك..
لـتقف ب السفرهـ..وتترك المكان..,
.
.
.
يا..[حضرة] جناب الضيق..مآ للصدور [أزرار]..!
.
.
.
يآسـر يدلف الباب لـيجدها واقفه تنتظره لأنها رأته من الشباك..=)
بدت له للوهله الاولى مبتسمه..!
من ثم..
آتضح له تلك الحاجبين المنعقدهـ ب انوثه تتقنها تلك الصغيره العابثه..
آستقبلته بنبرة جاده وهو يقترب منها\كنت طالعه الحين..ليش جاي..؟
يآسر بجديه\طالعه..!
كيف تطلعين من غير اذن منـي...؟
رهف\وليش اخذ الاذن منك انا مابيك خلآص وقلت لك هذا الشي..؟
يآسـر\نعمـ..لآ..ماسمعت هذا الكلام..والا يمكن سمعته بس مالفت انتباهي...يعني وشلون فهميني اكثر..؟
آقترب منها لـترتبك اكثر من قربه..
من ثم تحول ارتباكها لـوضع يدها على عنقها الـذي آبتل فجئه بقطرات من العرق المعطر من رائحة عطرها الدافئ..
همس\تبين الطلاق يعني..؟
.
.
.
كادت تغتص بريقها وهي تشعر ب مرارة تلك الكلمه لتغمض عينيها لا شعورياً من ثم تفتحها ب اقل من ثانتين..
آبداً..لآتريد ابغض الحلال..
لكنها تريد قرصة لـ ذاك الياسـر
.
.
.
آكمل ارباكه لها\مدري كيف هان عليك تقضين ليله كامله وانتي مانتي بجنبي ولآ بحضني..كيف نمتي البارح..؟
آرتفع حاجبها ب تقمص لـكذبة تحيكها فـ من اسوء الليالي كانت الليلة الماضيه لـها\عادي..تغطيت ونمت..!
آقترب لـيلامس خصلآتها ب انفه وهو يقترب من اذنها ويهمس\يانصابه..!
آنتفضت وهي تبتعد قبل ان تنهار ب قربه..\مافي نصاب غيرك ب حضنك كانت رهف وبعقلك كانت صاحبة الصوره..
شلون كنت توزن ها المعادله..!
آبتسم بخبث\تعالـي معي..وبطلي عناد..لـنفرض ان انتي جاك النوم ونمتي انا مانمت من البارح تعال معي نوميني وارجعي..؟
رهف بجديه\ياسـر..اا
ياسر بخبث\عيونه..و..قلبه..و روحه...آمري...,
وضعت رهف آصابعها على جبينها وبوجع\خلآص..لآتقول هذي الكلمات وانت ماتقصدها تكفى ارحم قلبي شوي اذا كنت عابث ..,
شد اصابعها لـيغرقها ب القبل\والله العظيم قاصدها لـيش تحطين افتراضات مالها اساس..
الصوره ماضي..
خلآص رهف لآتكبرينها امشـي معي..آرحميني انتي..والله العظيم مشتاق..!!
.
.
.
ب الفعل مشتاق..!
فـ ذراعي افتقد تلك الصغيره..
التي ترغمني على فتحه ليليٍ لها..
فتعبث ب آصابعي تارهـ ب رقة ونعومة اناملها..
وتارة اخرى تحتضن ذراعي..,
و آذني
مفتقدهـ لـ قرب انفاسها العطره مني..
و
المصيبه...,
أُنه لم يمر الا اسابيع على تلك الصـغيره وهي تزرع روحها
بين حنايا الجسد البالي..!
.
.
هل آنا اتذوق الحب لـمرة الثانيه..
من عابثة اخرى صغيرهـ..
بعد ان كنت ربان بتلك الكلمات العابثه فـ أُصدق ببساطه من قبل الجنس الناعمـ..
واليوم آسوق القسمـ بأنها حقيقيه لـتصدقني تلك الرهف..!
.
.
.
يا..[حضرة] جناب الضيق..مآ للصدور [أزرار]..!
.
.
.
بعد سآعتين ونصـف....
.
.
.
تقطع الـغرفه ذهابٍ وعودهـ..
لآ
تريد النومـ..
بل لآتستطيعه مطلقاً...
تريد ان تتصل به...
لكنها لآ تقوى..
وبنفـس الـشعور لآتقوى على النومـ من غيـر سماع صوته..
فقد كان غآضبٍ جداً منها..
جداً جداً..
لآتنكـر تغيـره هذه الايام بذات لـ أجلها...
ومن هم على شاكلة عناد...جداً صعب تغيرهمـ..!
فـهي تذكرهـ تماما يثور على آتفه الامور واصـغرها...
لكنه اصبح يتـحكمـ بزمامـ غضبه لـ اجلها..
بل
وآصبح ينسكب آنسكابٍ ب رومنسية خآصة بينهمـ..
لآتـجهلها أي أمرأهـ...
فـ المرأهـ..
لآيجهلها حآلة الـرجل اذا كآن عاشق مولعاً بها..
و
لآيـجهلها عناد ولآ خجله..
ولآ ارتباكه في ترتيب الكلمات الـعاشقه..
فـ تلك الكلمات تبعثره وتجعله كـ طفلاً صغير ب الكاد يتخطى خطواته الاولى..!
آنتظرت طويلاً كلمة [حبيبتي] منه..
لـتنساق لـها تلك الكلمه فـي موقف موجع لـروحها..
غآضبه منه..وغاضبة من نفـسها..
هذه الفتره فقط اختلاء لـروحها...
فـ
هي ب الفعل تريد القليل من الاختلاء..
.
.
عآجلها صوت هاتفها يـرن..
فـ اذا بـ اسمه يحتل الشاشه..
تنفـست بعمق...
لـتعيد تلك الانفاس الهاربه لـصدرها...
.
.
ملوك\هلآ عناد...
بصوتٍ ممتلئ ب النومـ\نمتي...
ملوكـ\لآ..بس انت شكل صوتكـ مليان نومـ..؟
عناد\لأني خلآص بنامـ الحين..بس تذكرت شغله ضروريه..
ملوك ب اهتمام \الي هي..؟
عناد\بكرا الـصبح بمرك اخذك لـ المستشفى.. آبوي نبه على كذا مرهـ وماراح اعصيه...؟
ملوك\يـعني خلآص......
عناد بضيق\بس انا مو راضـي للمعلوميه..
زفرة بضيق\عناد انا محتشمه بعملي وتحت نظر عمي سطام يعني بفهم كيف يجينا الرضى دامـ مانسوي خطا ولآ نتجاوز الشرع..
عناد\انا ماقلت انتي مو محتشمه او متجاوزه لـ الشرع بشي...انا قلت مو راضـي على طلعتك من البيت ولآ بشغلك ب المستشفى...آنتهينا خلآص..بنامـ..!
ملوك بضيق\آحلام سعيدهـ..!
آقفلت السماعه..
لـيصلها بعد ثواني مسج منه..
صدقيني راسـي مليان نومـ..وآلآ ..كان علمتك شلون تسكرين الخط من زوجك بطريقه هذي..بس حسابك بكرا!
.
.
عاد عناد لـ كما كان و آكثر..!
.
.
.
يا..[حضرة] جناب الضيق..مآ للصدور [أزرار]..!
.
.
.
يوم جديد...
.
.
.
كآن جسآر يريد مفاتحة والده اليوم ب الموضوع..
لـيجده قد غادر لـ المستشفى...
و
جدته ايضاً ليست ب الفله..
فقد حكت لـ الخادمه انها خرجت قبل اكثر من ساعه ونصف لـ احدى جاراتها ..
وآشغله كثـيراً..
مكالمة مقرن قبل قليل...
ورغبته ب حضوره..لـوجود شـيئ مهمـ يريد اخباره به ...
آستعجل بعدها لـيخرج بسيارته لـ موعده مع مقـرن وكم حدده مقرن
ب
قـصره..
.
.
.
جناح ياسـر ورهف...
كآنت مرتديه فستان قـصير من دون آكمام..
ظهرت له عندما فتح عينيه..
كـ ورده يآنعه...متفتحه ب أنتعاش لـ روح...
آبتسمت\تأخرت كثـير على الشركه ماتبي تقومـ ..؟
رفع يده لـيلقي نظرته لـ ساعته\مو كثير...أنا المدير ولآزم اتأخر حبتين..لزوم البرستيج..
آبعد مفرشه منه وهو يقف ويتوجه لـ دورة المياهـ..
رهف\مفروض تلتزم ب الموعد لأنك المدير..؟
يآسـر بخبث\تبين تعطيني محاضرات الصباح قبل الدوام ..؟
رهف\ولآمحاضرات ولآشـي...بنزل اجهز لك الفطور على ماتخلـص..,
يآسـر\لآتنزلين بشكل هذا ..بتال عمي تحت..و...آبوي مايحب القصير..!
آبتسمت\اولاً عمك بتال طلع لـ الشركه من بدري..ثآنياً ابوي مقرن ب المجالس الخارجيه..وشكله ينتظر له ضيف مهمـ..لأني اشوف الخدم مجهزين ضيافه ومطلعينها هناك...وكانت الظبي جايه من عندهـ..ولما سألتها قالت ضيف خاص لـ ابوي بيزورهـ..؟
آرتفعت حاجبي ياسـر..وهو يدخل ب استغراب لـ يتحمم من ثم يكتشف قصة ذاك الضيف..
فـ سينفجر تماماً اذا علم ان الضيف [سآري..] الـمفقود هذه الايامـ عن الشركه وعن المكان..!
.
.
.
خرج من الحمامـ..
وشعره المبلل يجففه ويتخلل اصابعه بين خصلاته لـيبعثره ..
رهف وضعت عربة الافطار بقربه..
لـتجلس وهي تسكب كوب من الحليب الساخن من ثم تدهن توست ب الزبده والمربى..
يآسـر \لـيش ماقلت لي قبل عن قصة عساف..؟
آنتفضت بتوتر وهي تنزل التوست بصحن الـصغير\قصه من الماضي..ماعتقد في يوم تكون حاضر..
وماشفت له داعي افتح اوراقها المبعثره بكل مكان..الموت في بعض الاوقات راحه لـ الماضي!
آرتفع حاجبه\تتفاولين على اخوك عساف الراسي..؟
آبتسمت\ما اتفاول..بس احتمال كبير ..
يآسـر\ ليه ماقلتي لي قبل ان امك كانت مرتبطه ب سطام بن عناد الراسـي..او حتى لمحتي لي..؟
رهف\واذا..ليش ضروري هذا الشي ينحكى...؟
آرتبك\بس بينا وبين واحد من اولاده.. الـصفحي جسآر عداوهـ قديمه...ومن فتره دخلنا بمشروع مع بعض وصرنا شبه متقاربين من بعض..و..شفته عند امك وانصدمـت...
ارتفع كتفيها بعدم اهتمام\ماتابع جرايد اولاً ثانياً مالي دخل ب عدواتكمـ وصداقاتكمـ...
ثالثاً انت مناسب الدايس مو الـراسي انتبه لـهذي النقطه ولآتخلط الامور ببعضها..!
آبتسم بعد ان افحمته...وتناول الكوب من يدها لـيهمس\الـغريب ان الصوره الـي تقولين لـ اخوك احمد...
هي نفـس الملامح لـ واحد من عياله..
آلقى كلماته بتهكمـ\لآيكون سطام خاطف ولدكمـ..و انتم تدورون في حلقه مغلقه من سنين!
آردف بجديه\لآتصدقين خرابيطي بوقت الصبح..ترى تكون الآجواء عندي غائمه وضبابيه..!
رهف بجديه\يشبه احمد كثير..؟
يآسر وهو يتذكر ملآمح وجه عناد البغيضه له\يآبنت الحلال يمكن انا مـشبه لا اكثر..او كذا يتهيئ لي..لآتحطين ببالك..
خرج بعد ان ناولها الكوب واعتذر بقبله عن اكمال افطارهـ..!
.
.
.
يا..[حضرة] جناب الضيق..مآ للصدور [أزرار]..!
.
.
.
بعد نصف ساعه
ب المجلس...
جسآر مترقب لـ دخول الـظبي...و...عقله متخبط بين ذاك الـشرط الذي تريدهـ..؟
آيكون عمل لها..؟
ام
بيتاً خاصٍ...؟
ام
تريد ان تسكن مع والداها..؟
ما الـشرط الذي تريدهـ..و...مربك لـ مقرن..كما ارى..؟
لآ
ادري لما انا ب الاصل متمسك ب ذاك الزواج...
لكن اصبح الامر الان حتمي ويجب ان اكمله..
.
.
.
مقـرن بهدوء...\جسآر...هذي الظبـي..؟
آرتفعت اعين جسآر..
لـتتوقف عند أمرأهـ واقفه بطرف الباب..
متوشحه ب السواد..
من قمة رأسها لـ اخمص قدميها...
لآيتضح منها شـي..
دع ذلك جسار فوراً لـ اخفاض نظره لـ الارض..!
.
.
.
لـ حظات متوتره كسرها صوت جسار الـهادئ الواثق ...
.
.
.
جسآر\يآبنت مقرن..طلبت القرب من ابوك وانا طامع في قربه ونسبه..وبلغني انك موافقه لكن عندك شـرط...آمري...!
جآء له صوتها الانثوي الكاسح لـ جميع تخيلاته..\مايامر عليك ظالمـ...شـرطي ماتقدر تطلق عليه مسمى شـرط..!
آردفت بثقه متأصله\هو توضيح..او..ورقه بيضا..بنسبه لـي قبل ان ابدى معك او مع غيرك حياه جديدهـ..
انا بزواجي الاول آستمريت سنوات معه وماالله كتب لي حمل تامـ كل ماحملت وتم له شهور اسقط...
وهذا الي الله كتبه لي وانا راضيه بهذا الشي...
هذا الشي انا وضحته لك الان وانت ب البر...
آذا شفت انت ان هذا الـشي مآيشكل مشكله بنسبه لك ولآ لـي بعدين..
وحتى ماتظن ان احد غشك او كذب عليك في شي..
.
.
صمتٍ امتد لـثواني...
زاد بها توتر مقرن الذي كان يعتصـر مقبض عكازه..
وهو يرى ملآمح الجمود على وجه جسآر..
.
.
.
جسآر\وانا علي بنتين من زواجي الاول...وامهمـ تخلت عنهم بشكل قطعي..
آذا بتكونين لـهم ام و حضن دافي هم محتاجين له..
فـ انا بكتفي بها البنتين ومآبي غيرهمـ..
الظبي وعينيها تلتقط ملآمح والداها \بكون لـهم ام بدل امهمـ اذا الله قدرني..
آنسحبت بهدوء بعد كلماتها..
لـيردف جسآر\الملكه الليله يا ابو الظبي...دام كل شي خلص..!
.
.
.
نقف هنا
.
.
.
همسة محبه\فل نصـلي عشر مرات على خير ألآنامـ...اللهم صلي وسلم عليه..عدد ماذكره الذاكرون..
.
.
.
لـقاءٍ السبت اذا كتب الله لـي عمر=)
.
.
.
|
28-03-11, 08:13 AM
جديد مواضيع قسم القصص المكتمله من وحي قلم الاعضاء
العرض العادي
