مساء الخير ضمضم صراحه بارت اكثر من رائع اتوقع تحسن علاقة جسار وعناد قريبا بسبب اصابة عناد خطيره

الـسلآم عليكمـ..,
.
.
.
ان شاء الله وبحوله وقوته..بآرت شيق ينتظركمـ غداً..>>البارت الي وعدتكم فيه امس..,
آتمنى تبلغون الاخوات ب البارت=)

هلا وغلا اخر شى توقعته الله يعين بتال على المصيبه رايح يعالج وحده عشا ن العيال وتموت بنته وفلك تعبانه

والله يستر مناير اتوقع بعد موت بنتها تتغير تغير كلى وتصير اهداء من اول وتبعد عن الكل


مناهل وعلاجها اكيد بيتاجل


سفر ياسر ورهف يتاجل


ملوك اكيد بتجى تعزى هى واهل عناد وبيشوفون ام وهف بالعزاؤ وبيبداء الماضى يرجع


ياسر بعد ما شاف الصوره اكيد بيكتشف بعض الحقائق من سارى لانه هو الى يعرفهم اكثر ويعرف ان ام وهف كانت متزوجه قبل من ابو عناد


مشكوره ضمضم على البارت القادم الهديه بنتظارك

البارت ضمضم يقطع معاليق القلب يضيق الصدر وعلى قولت ام الوليد ولله اني رجعت اقراه ثانيه مادري ليش يمكن ماستوعبت المره الاولى
تدرن ضمضم بسم الله على وليدي الرحمن الرحيم ولله عقب ماقريت البارت وانا كل دقيقه ضامته الله يكفيه الشر يارب
فعلن الصغار آمانه برقابنا ولا قبل كم يم وانا طايره فيه المستشفى بس كان غاص ومدري وش غاص فيه ومن الربكه ماعرفت وش اسوي بس اضرب ظهره حتى اربكت ابوه ومجرد ماطلعت السياره من البيت الا والولد مطلع حبة فصفص من ثمه ورجع يتنفس
الحين بسنه كل شي في الاثم الدرجة انه يطلع اشياء من الارض ماشفناها مع ان وقته كله على العربيه ولا مرجيحه يعني مابنزل الا للنوم
تصدقين قبل فتره جلسين بجمعه مع العائله وكان فيه طفل عمره 8شهور كانت امه معطيته علبة مويه فارغه قامت فتحتها وحطت الغطا بيد والعلبه بيد ولولد دخل الغطا بثمه وتعالي شوفي مافيه احد من الموجودين مادخل يده ولا ضربه مع ظهره خلاص الولد صار ازرق لين جت احد لشغالات ومدري وش سوت معه لين طلع وجنابس نخبط في الولد ماشاءالله عليهم يعرفون اكثر منا


على كثر ماكانت ماير تقهرني الا اني بكيت الحالهم يقلبي عليها فقد الظنا غالي وخاصه انها تموت بين يديها وربي ان الموقف صعب الله يربط على قلوبنا يارب ولا الدنيا مافيها الا المصايب ولابد ان المؤمن يمتحن من رب العالمين
اصبري مناير هذا اختبار من رب العالمين لتس وقدرة صبرتس وغير كذا ذا السان اللي ماخلا احد
وعرفي ان السان هو الحصان ان صنتيع صانتس ياما وياما سبب مشاكل وستهزء بالناس ودعيتي على خلق الله الدعوه ترد الصاحبها مافيه احد سلم متس انا ماقوله شماته بس المفروض ان الواحد يلين قلبه والحقد والكره ليش سبحان الله كثيرناس يتغيرون اذا صابتهم مصيبه توعيهم وهذا اللي حسه انه بيصير المناير راح تتغير بعد اللي صار 180 درجه بتطيح على ربها وبتترك عنها مراقبة الناس وبتصير هاديه اكثر وراح يصيبها اكتائب نفسي
وماراح تطلع منه الا اذا حملت بطفل واتمنى انه يكون ولد يارب يجازيه على مصابه بحمل عاجل ويكون ولد ماعليه بيكون ولد فلك البكر وهو الثاني



ياكبر مصيبك يبتال بصراحه سفرتك ذي مافيها خير رحت وفلك وضعها سيء حمل وتعب وضغف ومخلي اشغالك وغير كذا بنتك اللي راحت يتارا بتلوم احد على اللي صار للظبي بتقول السبب مناهل هي اللي ضغطت علي اروحبها ولا بتقول السبب امها واهمالها لها ولا بتحمل نفسك انت السبب وهو تركك لزوجتين وحده ام الثلاث اطفال والثانيه حامل وتعبانه وحالتها ماتسمح بتركها خاصه انه تركها وهو في خلاف بينهم
ولا بتقول كتب رب العالمين وبترضى بقضاء الله وزيك زي اي رجال بتصبر وتحتسب الاجر عند المصيبه خاصه انا نعرف ان الرجال اكثر صبر وقوه من الحرمه وتاقف مع زوجتك لمسكينه اللي فقدت ظناها وبينفطر قلبها عليه وخاصه الصغير سبحان الله له رحمه غير شكل



اكيد ان موقف فلك من بتال بيكون الصمت ماراح تعاتبه او تزعل عليه بسبب اهماله وعدم سؤله عنها لان الوضع اللي فيه بتال صعب وصععب جدا في الحاله هذي بيبين معدنتس فلوك شوفي انتي لاتعاتبينه ولا طالبينه بشي وصدقيني وقفت الناس معه في مصابه كوم وقفتس انتي كوم ثاني راح تخففين عنه كثير
واسمعي مهوب معنى هذا انتس ماتاخذين حقتس منه لا اذا هدى الوضع طالبي بحقتس وعاتبيه واشعريه باهمية اهتمامه فيتس ومافيه احد يحل مكانه فعشان كذا لازم لك قرصه يبتال



تبين من الخبر يياسر قبل ماتظلم المسكينه وبعدين انت شفت صورته وهو صغير مهوب يشبه رعد ولد عناد فكر فيها قبل ماتظلمها
وبعدين مهوب انت في ايطاليا وشلون وصلت المستشفى وانت بايطاليا
بصراحه الى الان ماتقبلنك



جسار سبحان الله انت غلطت ولانك ماعترفت بخطاك حبيت تعلق خطائك على غيرك
انت اهملت سيوف وعطبتها الحريه والثقه وبعدين الحين تقول ان عناد هو السبب الرجال ردعها وحاول انه مايقوله حفاظ على بيته
وبعد تعال ليش المعامله هذي البنتك يعني ليش البنت الصغيره تعرف الامور هذي بعنب معقوله الخلاف اللي بينك وبين عناد وصلها هل سمعتك وانت تتكلم عن عمها اللي تشوفه ابو لها
مادري جسار موقفك من عناد مهوب حق ابد الغلط راكبك وعناد ماهوب مليوم



الله يستر ماطلب عتاد من ملوك تجبه الا الموضوع صعب وفيه انه
ماتوقع انه مصاب يمكن يبي الملوك دور معه في العمليه


الف شكر ضمضم على البارت وماراح اقول اي كلمه لان فعلتس باين والشكر قليل بحقتس

بسم الله الرحمن الرحيمـ..,
.
.
.
نظرة حقد 54
.
.
.
مدخل

نفضت من حبك وقربـك يدينـي


واعتضت عن حلو الرجا فيك بالياس


قويت نفسي عنـك يانـور عينـي


من يوم شفت انك تسمع للأنجـاس


في الحب عز النفس شرعي ودينـي


من لارفع راسـه فملـزوم ينـداس


مانيب عبـدٍ بالذهـب مشترينـي


أنا طليق أشكار ياظبـي الأطعـاس


ماهوب ذا ممشـاك يومـك تبينـي


يومك تجي وارد ولو حـط حـراس


جزيت من شفتك بوصلك ضنينـي


بغيتها روزه وطحته علـى الـراس




لـ\الامير عبدالله الـفيصل[يرحمه الله]
.
.
.
بدايه
صباح
الـياسمين و الجوري على العيون الي تعانق هذا المتصفح المتواضع ..
بآرت اليوم صـغير بس فيه احداث كثيره وكشف اوراق كبيره وكبـيره حيل=)
يمكن نطلق على هذا البارت الـصغير..
نقله نوعيه ب الاحداث..؟
.
.
ام المزاين قريت ردك وانا داخله انزل البارت
ولـفتني آستغرابك ان ياسر با ايطاليا ونط فجئه وصآر ب المستشفى=)
النوفي..آساساً ياسر ماسافر..هو ب السعوديه
ب مطار الملك خآلد...
آذا رجعتي تقرين البارت بتشوفين انه فعلاً مآسافر من الاساس..
وانهم كآنو جالسين ينتظرون الرحله لما جتهم مكالمة الظبي..,
.
.
.
البارت أستثنائي بحسب طلبكمـ...وآلآ فـ نحن باقون على..موعداً الدائم [سبت واثنين]...>>فيس ضمضم الصارمـ
.
.
.

لآتليهكم الروايه عن الـصلآة في وقتها..
.
.
.

.
.
.

آغـلق الهاتف لـيقف بتوتر...
منآهل تنزل كوب الـقهوه ب استغراب\وش فيك قـلبي...ليش انخطف لونك كذا..يآسـر فيه شي..؟
بتال \يآسـر يقول لآزم تنزل لـسعوديه..آبوي مقرن تعبان شـوي..!
مناهل\يآسر مو المفروض طيارته اليوم لـ آيطاليا...
بتال يمسح جبـيبنه ب آطراف اصابعه\آلآ...وآلآكيد الغى رحلته...آجل ابوي خطيره حالته وآلآ كيف يـبلغني وانا بسفر..؟
مناهل\تأكد من الـظبي..دق عليها وشوف اذا الوضع يحتاج ب الفعل نزولنا..يمكن الوضع شوي مكبر من ياسر...؟
بتال بنظره مستنكره\شآيفه ياسر خفـيف ولآ مطفوق عشان يـدق علي بهذا الشكل..؟
مناهل\لآوالله ماهو هذا المقصد..بس..يـعني..والله مدري وش اقول لك..
بتآل بـحزم \جـهزي آغراضنا على مآشوف فيه لنا رحله او لا..,
منآهل بضيق\تـكفى بتال الله يخليك..مآهو والله العظيمـ قل محبه مني لـ عمي مقرن لـكن آنـآ آبي آتعالج..
مآبي آنزل لـ رياض...
دق عليهم وشوف الوضع اذا يستدعي نزولنا نزلنا..وآذا لآ...
فـ بربك تخليني اكمل علآجي هنا..
آرتفع حاجب بتال وبـحزم خآلطه غـضب جآمح\علآجك ملوحق عليه...لكن ياترى ابوي مـلحوق عليه..!
.
.
.
دخــيـلـــك] مــا بـــقــــى وســط الـــظــلام الا انـــــــت مـــثـل الــنــور
[تــــرفــــق]ثـــــوب صــــــبـــــــري لاتــــشـقـــــه وانـــت مــــأساتـــــه؟
.
.
.
دلفت الـبآب الداخلي للفله الـذي كان من الاسآس مفتوح..
لـكن بـشكل [مـردود]
لـتنفجع ب تمدده على الآريكه و ملآبسه كُلها ملـطخه ب الدم..
رمت حقيبتها ب الارض لـتشد الخطوات المرتبكه والمرتجفه له..
لـتسقط على ركبتيها ب جانبه..
ب ارتجاف خانق\وش فيك..وش صآر..؟
تحرك ب بطئ لـيفتح عينه \مآفـيه شـي كبير.. شـوفـي رجلي من الـفخذ..
فـيها جرح مو غآير...عقـميه وضمديه..
ملوك بـ غضب جامح وهي تقترب من فـخذه\آنت لـيش ماتنتبه لنفسك...وش ها التدريبات الي في يوم بتروح مني بسبتها..
لـيه كذا..
مآكئن وراك زوجه.. و.. ولد...مآعندهمـ غيرك..
قـطع عناد الـبنطلون الذي مرتديه من الـفخذ بـ مشرط صـغير كان بـجيبه..
لـتصـعق ملوك من الجرح الغائر\عناد هذا مو سطحي هذا غآير..لآزم لك خياط..
عنآد بحزمـ\آلحين عقميه وشوفي الازمـ
من ثم آردف\عندك آبره وخيط طبـي خيـطيه..؟
ملوك بـغضب\لآزم تخدير على الاقل موضعي عشان مآتحس ب ألم...
من ثم اردفت بجموح\كيف انصبت كذا...وش ها اللبس الي انت لآبسه...ماهو لـبس تدريبك ...كيف تيشرت اسود وبنطلون جيـش..!!!
عناد\مو مهـم..بتحمل الـ ألم...بس خيطي الجرح..وفـكيني من كثـرة الآسئله ياملوكـ..
زفرة ملوك بـضيق..وهي تلمح جمود وجه..
مع
ان ألم لآيطاق..
لكن لآتعرف كيف تحمله لـه بتلك الطريقه..
وعدمـ رغبته بذهاب لـ المشفى...!
.
.
.
دخــيـلـــك] مــا بـــقــــى وســط الـــظــلام الا انـــــــت مـــثـل الــنــور
[تــــرفــــق]ثـــــوب صــــــبـــــــري لاتــــشـقـــــه وانـــت مــــأساتـــــه؟
.
.
.

لآ شـي..!
يـصف قـطعه.. قـطعة من مكان نبضها..
لـتودع آطنان التراب..!
لآشـي..!
يـصف الحزن هنا..
لأنه ببساطه..[حزن]..
بكل صوره و ابسط معانيه وتفاصيله الـصغيره..!
.
.
.
آغمض عينيه وهو يتذكر ذاك الخيط الرفيع من[ الخبر]..!
قبل عدة ساعات وهو ب المطار مع مناهل..
لـيستقبله يآسـر بوجه مسـود...
من ثم تـعظمـ صدمته مآ ان وصـل الـمنزل ..
ورئ والداه والظبي ب استقباله..!
لـيتأكد بأن المكروه اعظم ب كثير من تصـور وخيالاتٍ آخذته ب الطائره..!
.
.
.
فـتح عينيه
و
آبتلع ريـقه الجآف...
وهو يـتوقف آلآن ب الـبآب الـمشرع...
لـ آول مره ..!
يرى التفاصيل الدقيقه لـنقوش ذاك الـبآب..!
لمآ
ذاك الـبذخ الذي غمس ب ترف ب نقوشٍ لآ تكاد العيون
تبصرها..!
.
.
.
آسـند ذراعه لـيهمس\يآعمـ آنت بخير..!
لـييجب بتال \آيه بـخير..آبعد آيدك عنـي وش يـقولون الرجال لو يشفونك سآندني كذا...!
حرمه مآقدر آصـلب طولي في هذي المواقف..؟
آفلت يده يآسر بعد ان نفـضها بشده عنه بتال...
لـيدخل بـتصبر لـ داخل المجـلس الواسع..
لـيستقبل الـمعزين ب فلذة كبداً غآبت...
.
.
.
لـم يـفتني غـصآتك ب الـصلآة عليها اليوم..
وآبتعدت عيني مجبره عن تقبيلك لـها ب [ المغسله]..
وزفرة الوجع بعد رؤيتك وآنت تنزلها ب ذاك القبر
من ثم آقتربت منها ب غفلة عن العيون...
آعتقدت انك تودعها لـ
آلمرة الاخيره.. بقبله آخيره..!
لكن نحرت الروح المتوجعه عليك بعد تأكدت من انها لـيست قبله..
بل
هي محآولات جآهده ان [تشتم] رائحتها الاخيره..
لـتبقى بـصدرك عبير طفولتها الراحله..!
آه ي عمـ..
لمـا بعالم الرجال لآيسمح لنا ب الترنح من الحزن..!
لآ
يسمح لنا ب التنفيس...!
التصبر والتصبر والتصبر...وآلآ لـست ب رجل...
بل
من آشباه الرجال..!
.
.
.
آرفعوني ..
.............. يآحمآمآت آلسسلآم ..
بترك آلعآلم بعيش آليوم غير ..

طيروني ..
................ فوق موج من آلغمآم ..
وعآملوني مثلكم
بَ
كون طير
.
.
.
ب المجلـس الواسـع
عبد المجيد ب نظرات متـوجسه لـ ذاك القابع بمنتصف المجلـس..
طوقته نظراته له..منذو مايقارب الساعه..!
سـ يقطع الشك ب اليقين...
فلآ بد لـ مقرن يعرف ذاك الـشخص..
بصوتٍ خافت\آبو الظبي..تعرف الرجال الي بصدر المجلس..؟
آرتفعت عيني مقرن لـ الشخص المعني..
لـيردف بـخفوت\آيه آعرفه..لـيش تنشد عنه..؟
عبد المجيد\مشبه عليه بـرجال آعرفه...وآلآ شفته ومآتذكر وين..؟
مقرن\يمكن شفته...هو يكتب ب الجرايد..له جريده كبـيره وهو صآحبهآ...
عبد المجيد مشكك\تعرفني مآ آقرا الجرايد كثير..واذا قريتها آروح لملحق الآقتصادي ولآ اهتم ب الكتاب وآلآ اصحابها..
لكن آلرجال هذا اعرفه زين..آنا متأكد..؟
مقرن بعدم اهتمام\يمكن تعرف واحد من ربعه..وتعرف الدم يشد ب عيال العم..,
عبد المجيد\هو وش اسمه..؟
مقرن \جـسآر الـراسي..
عبد المجيد ب اهتمام\من أي فخذ ب الراسـي..؟
مقـرن\من الـ عناد...جدهمـ عناد بن راسـي..مآتعرفه..!
عبد المجيد بتوتر\ولد سـطام..؟
مقرن\وصلت خير...
آغتص الاسم بصدر عبد المجيد لـيتراجع لـ الخلف..
ب
صدمه كبـيره من صـغر تلك الدنيا..!
.
.
.
دخل بتال الـمجلـس لـيجلـس ب آحدى الامكنه..
بـعد سلم عليه عدة معـزين..
من ثمـ آطرق ب صمتٍ ..
لم تغفله نظرات مقرن ..,
. .
.
.
دخــيـلـــك] مــا بـــقــــى وســط الـــظــلام الا انـــــــت مـــثـل الــنــور
[تــــرفــــق]ثـــــوب صــــــبـــــــري لاتــــشـقـــــه وانـــت مــــأساتـــــه؟
.
.
.

يآسـر\جـبت خآلتـي..؟
منـآف\آيه من نص سآعه وهـي داخل...مآكنت ابيها تجـي هي آصلن متعبها ها الحمال..
وبتنشد اعصابها مع العزا واهلك الي مايبون رقعة وجها..؟
يآسر\مآحد بيقول لها شي انا مكلم عمتي وموصـيها مآتسمعها كلآم يـزعلني انا ..
منآف يرفع كتفيه بتهكمـ لطيف\والله مآتتركون عادتكمـ ي العاجي..الا بتسمع لها كلمتين تسم بدنها..آلآكيد بيقولون جايه تشمت ,
يآسر ب حزم\وتسمع..وش بيصير يعني...لآ الافضل انها ماتحضر عز بنت رجلها...
سآعتها صدق بتسمع مني انا الكلام الي يسم البدن..
رمى الـسيجاره لـيحكم آطفائتها ب مقدمة جزمته\آبـوي شآفك..قآل شي..؟
منآف\لآ مآقال شي..عآدي...لـيش متوقع يقول شي..هذا انا موظف عنده وشآفني قبلها بمره..وماقال شي...
يآسر بهدوء وهو يتجه لـ مجالس\زين..زين!
.
.
.
دخــيـلـــك] مــا بـــقــــى وســط الـــظــلام الا انـــــــت مـــثـل الــنــور
[تــــرفــــق]ثـــــوب صــــــبـــــــري لاتــــشـقـــــه وانـــت مــــأساتـــــه؟
.
.
.

فـلك قآبعه ب آلـجلـسه المفتوحه..
تراقب بـعيني رحمه منآير التي تضع يدها على صدرها..
وبعد فترة هدوء و آخرى..
تعود وتنتحب بألم خآنق جداً..
من ثم تـدور عينيها لـ الـظبي..
برصانتها وحضورها تمسك بـ كأس ماء من ثم تمسح وجه مناير
وصدرها ب ذاك الماء وتمتمة ب آيآت ..
.
.
آلحزن الشفاف يستوطن تلك الملآمح..
لـكن آمسكتِ بزمامه كـي لآ تهتزي ولآتترنحي بذاك الحزن..!
مآزال مقرن يستوطنك يا الظبـي..!
بـشكل غريب..
كل شـي تشبهينه به..
حتـى ب الحزن..
جذوراً لآتقبل حتى الانحناء لـ الحزن!
.
.
رهف بـصوتٍ خآفت\حـبيبتي فلك..آذا تبين ترتاحين بفتح لك جناح يآسر فوق...
هو أكد لـي قبل شوي ب الجوال ان ترتاحين بجناحه..؟
فلك بـصوت خآفت\لآ اذا تعبت يا قـلبي ب آطلع لـبيتي..مآ اقدر ارتاح الا فيه...لآتعبين روحك...آجلـسي..,
آبتسمت رهف ب خفوت
من ثم جـلست بجانب والداتها..
آلغيوض ب اشفاق \لوعة الفقد تذبح..آلله لآيذوقها حتى الغريمـ..
آرهفت فلك سمـعها لـ والدة رهف..
من ثم التفتت لها برقه\كيفك ي ام عساف ان شاء الله بخير..
الغيوض ب آهتمام عذب\الله يـسلم حالك..آنتي الي كيف وضعك بحملك..
فلك\شوي تعبانه..بس الحمدلله..,
رهف مقاطعه\بجيب لـ آمي قـهوه راسها شوي مصـدع عشان مآشربت القهوه الـيوم..عن اذنك..
الغيوض ب حزن رقيق\ رهف ماقدر ابلع حتى المويه يآمك لآتجيبن شي..
من ثم اردفت\الله يعين قلوبهم والله مايحس بهذا الشي الا الي فيه..
وضعت يدها تلـقائيٍ على صدرها..
وكأنها
تعتصر وجع يسكن حنايا ذاك الـصدر..
و
يرتطم بجدارن تلك الاضلع..
و
دمعاً تسلل من بين تلك الاهداب..
لـيعلن توقفه بها..!
.
.
فـلك وهي تراقب حركاتها الـمتضح ب تلك الحركات حزن دفين وعميق جداً
.
.
ب صوت خافت\ليش هو مر عليك حزنها..؟
آشارت بعد فترة صمت برأسها\آثنين...!
من ثم اردفت\واحد تحت التراب و واحد من عمره سنتين مدري وين ارضه من سماهـ..!
فلك ب استغراب\الله يـصبر قلبك ...
من ثم اردفت\الي تحت التراب الله يرحمه...لكن الي ماتدرين وين ارضه وش قـصته..؟
وبرقه آردفت\تدخلت بـشي مايعنيني آسفه والله..
آبتسمت بخفوت\لآتعتذرين ..آشوف الحكي في بعض الاوقات راحه لـ النفس...
قـصة ولـدي الثآني انه انخطف من حضـني من اكثر من ثلآثين سـنه..وآذا كان حي اليومـ..
فـ هو رجال..الله يكحل عيوني بشوفته..
وان كانه تحت رحمة ربه..آلله يبلغني جميل الـصبر..
آنحنت فلك ب تأثر لتعانق يدها يد الغيوض\آلله يـصبر قلبك والله ماكنت ادري..
الغيوض\هو آخو رهف من غير ابوها.....!
ارتبكت فلك\وليش يا ام رهف هو انتي كنتي مآخذه قبل عبدالمجيد رجال..؟
الغيوض ب حزن\آيه..كنت مآخذه سـطآم الـراسي اذا تعرفينه..وهو آبو عساف ولدي الي انخطف..
من ثم اردفت\كلن راح بحاله هو خذى نصيبه وانا خذيت نصيبي..الله يصبر قلبي ويصبر قلبه...
والله العظيم ان عساف غصة بصدري مابردت..
آرتفعت حاجبي فلك بـصدمه وهي تتأكد من آسم سطام\سطام ولد عناد..؟
آنتبهت الغيوض لـتغير ملآمح فلك\آيه..تعرفينه..؟
فلك بستغراب\زوج بنت اخوي..يعني عساف هو آخو زوجها..بس ماعمرها جابت لي سيره عن هذا الموضوع..؟
الـغيوض بصدمه و وجع\من هو من عياله الي متزوج الحين مآشاء الله..!
فلك بحزن شفاف\آلله يبلغك عيال رهف...كل عياله متزوجين...
الكبير جسار وعنده بنتين..لكن الله يهديه مطلق حرمته الحين
وعقبه عناد الي هو زوج بنت اخوي ..
و
له ولد من حرمة طلقها قبل زواجه من بنت اخوي..
و
الـصغير ريان ومتزوج...
و
شهد توها متملكه الـبآرح..
.
.
.
حـزن شـفاف جداً..
لآمس قـلبها الـمـكتوي ..
لـيعبث به...!
مآ
آصعب العبث ب آوراق السنين هكذا..!
.
.
.
آهتزت شفتيها ب وجع\ولـدي عساف بين جسآر وعناد...
آردفت ب ابتلاع ريق\سطام يوم طلقني ماكان عليه من زواجه من سآره الا جسـآر وكان توه صـغير..,
يآقو قلوب الرجال..عقب هذي الـسنين عاش حياته وكمل..
ولآ كأن له ولد ضآيع..
تصـدقين يابنت الرجال..آنه قآل عقب سنه من خطف ولدي آنه ميت ومافيه فايده من التدوير عليه..!!
ببساطه كذا وقف تدوير...
يحسب قلبي مثل قلبه...!
الله لآيـحلله ولآيبيحه يوم قصر بحق عساف ومادور عليه..
ماكنه قطعه من قلبه ولآ من روحه..
آختنق صوتها بـ طعم الدمع لـتصمت..
و
تربت على يدها فلك بحزن وصدمه كبيره من تلك الدنيا..!
.
.
.
دخــيـلـــك] مــا بـــقــــى وســط الـــظــلام الا انـــــــت مـــثـل الــنــور
[تــــرفــــق]ثـــــوب صــــــبـــــــري لاتــــشـقـــــه وانـــت مــــأساتـــــه؟
.
.
.

سآري ب القرب من مقـرن و بـصوتٍ خآفت\وش عند نسيبك جآلس الحين يوطوط مع جسآر..؟
مقرن بـهدوء وعينه تنشد لـ آخر المـجلس\الظاهر ان ابواحمد يعرف جسار
أو يعرف واحد من آهله...قبل شوي يسئلني عنه وشفت قام له..
سآري بتهكمـ\لـيه ماتعرف انهم يقربون لبعض..!
مقرن ب استغراب\كيف يقربون لبعض..!
سآري\ يآ اخوك عبد المجيد وسطام مآخذين نفـس المره..و سطام كان عليه منـها ولـد...
وآنخطف مدري ضآع مدري خفس فيه جن..!
وخذاها نسيبكمـ عقب ماطلقها...و..وجه نسيبكمـ ماهو ب زين عليها..يوم عرسهم هو اليوم الي انخطف فيه ولدها...
آستدار مقرن ب آنفعال\آنت تـحكي من جدك..؟
سآري\آسئل نسيبك ابو كرش..مآكئن وجـه منخطف يوم شآف ولد ضرته اليوم..!
مقرن ب جديه مطلقه\يـعنى آهل يآسـر لـهمـ آخو من الـراسي..و..آم اهل يآسر هي مرتك يآسطام..!!!!
سآري\آقضب العلم الوكاد..!
.
.
.
دخــيـلـــك] مــا بـــقــــى وســط الـــظــلام الا انـــــــت مـــثـل الــنــور
[تــــرفــــق]ثـــــوب صــــــبـــــــري لاتــــشـقـــــه وانـــت مــــأساتـــــه؟
.
.
.

بتآل يدلف الباب لـيعلن صوته قرب دخوله..
بعد ان بدى المكان يخلو من النساء ...,
الـظبي بصوت هادئ \آدخل يا بو سنا مآفـيه آحد..,
.
.
.
دخل بتال بـخطوات هادئه للمكان
لـتقع عينه على مناير وهي قابعه على احدى الكراسي..
و
محتضنه لـ قطعة ملآبس تخص الـظبي الـصغيره..
بدت له للوهله الاولى
سآهيه..
تسبح في ملكوتٍ آخر..!
.
.
,
وقفت الـظبي لـتقابله وتحتضنه ب رقه بالغه..
من ثم تقبل جـبينه وبهمس\الله بيعوضك ب آجر تصبرك على حزنك ياخوي..
آبتعدت برقه وهي تهمس\مآفيه احد غريب حريمك و مرة يآسر..و..امي....
وخآلآتي ب الجلـسه الثانيه...خذ راحتك..,
تقدم بخطوات هآدئه لـيجلس ب القرب من مناير..
من ثم شدها برقه لـه..
لـتنتحب على صدره من جديد..
و
كأن الخبر الان يـصلها..,
.
.
.
تمزقت فلك تماماً..
وهي
ترى تلك الحميميه المطلقه بينهمـ
ب آرق صورها و اوجعها..
.
.
.
نقف هنا
.
.
.
همسة محبه\قراءة سورة الـبقره لها فـضل عظيمـ ..
فـ اخذها بركه وتركها حسره ولآيستطيعها البطله..
طريقه بسيطه وسهله لـقراءة السوره كل يوم بجدول بسيط..
صفحات السوره 49 صفحه..
بعد كل صلآه..
يتم قراءة عشر صـفحات...
وبنهاية الـيوم تـكوني قد آنهيتي السوره بيسر وسهوله..
فـهي كـ الغمام تحاجج عن صاحبها يوم القيامه..
فـضلاً عن راحه نفـسيه مطلقه بين ثنايا ختمها اليومي..
فلآ يفوتكمـ غمام الخير=)
.
.
.
لقاءٍ اذا كتب الله لي عمر يوم الـسبت ..,
.
.
.