السلام عليكم ورحمة الله وبركاته
كيف الحال ضمونة والله يساعدش في هاذي الظروف ويفرج كربتش وييسر لش كل صعب>>>الهم آآآآآآآآآآآآآميييييييييييييين
واهم شي رآآآآآآآآآآآآآآآآآآآآحتش
بصراحة فريتي راسي بالتوقعات ذلحين الصورة اللي مع رهف ماهو عناد معقولة في شبه كثييييييييير بينهم لدرجة ان شهد مافرقت بينهم اتوع ان عناد هو الطفل الضايع وان من عائلة الجواهرجي ويكون اخ احمد
واتوقع ان يوسف شاف شبهها بعناد

وياسر المصيبة راح تحل عليه والطلاق بيتم لان الضبي تكتكت عدل وواضح انها متفقة مع منى واكيد انهم مكلمين ملوك ومتواعدين عشان تشوف المصيبة لانها من نظرها ان مكالمات ياسر خيانة بالنسبة لها فمابالش بانها تشوف البنت اللي طالعة من شقته وراح تطلب الطلاق ولا محال للنقاش
والظبي ذكية جدا بانها كشفت مناير ومناهل وخبيثة للخطة اللي عاملتها لياسر
وضي ماتوقعت اصولها بتكون شيرازية ابدددددددددددآآآآآآ

واسمحيلي على الردود البسيطة
وتقبلي مروري
#دهن العود#

بسم الله الرحمن الرحيم..
..
نظرة حقد ~10~
..
مدخل..
ياصاح أنا قلبي من الحب مجروح...
جرحٍ عطيبٍ مالقَى له مداوي
لو ينشرِى قربه شريناه با الرّوح...
مير البلا شوفه غدا به هقاوي
أهلّ دمعٍ فوق الاوجان مسفوح...
على الذي ماهوب للغدر ناوي
أنا ادري إنّه مثلي اليوم مطروح...
لاشك مايقوى ولاني بقاوي
لولاي أداري سرّ الاحباب لابوح...
وابيع بيعات الهبيل الفدواي
لكنّي اجحد فيه عن كل مفضوح...
خوفٍ عليه من الحكي والدّعاوي
حسبي على الّلي حط في الدرب ساموح...
العاذل الّلي جر كل البلاوي
من أوَلٍ باب المواصيل مفتوح...
يوم ان عذّال المودّه خلاوي
واليوم سدّ الباب لوحٍ على لوح...
وامسيت أنا ياصاح قلبي شقاوي
..
المدخل...من آبداع..ألامير...خالد الفيصل...
..
بدايه...
مساء الخير جميعاً..
كل الشكر لردودكم المتميزه
..كان ..لي ..تواجد مرتين في الاسبوع الماضي..لكن للأسف ..الوقت والاتصال
كانا آعدائي....
..
بارت اليوم..له عدة جوانب...
وكثيره جداً التوقعات راح تطرح بعده ..
دسم جداً..على الرغم من أقتصاره لكذا شخصيه...
وثلاث شخصيات فقط تصدرت البطوله في هذا البارت..وراح يشهد غياب عدة شخصيات..بارت اليوم آحداثه جداً مستفزه..
رابطة ياسر انصحهم بربط الأحزمه...لتواجدهم في خانة الدفاع
من بداية هذا البارت...أجزم ... الهجوم راح يكون شرس,,
-شوشو..هدى...زعماء رابطة الآسر ..
آشوف العلاقه بينكم صايره تقوى^-^..لبى الثنائي الي مسوي جوى..بس
لاوصيكم ..خلو اعصابكم...قوالب ثلج ها اليومين...~فيس متضامن معكم =)
..
كل توقعاتكم حملة ان يكون الطفل تؤم لعناد..!
لآيوجد تؤم با الروايه غير درر و وسن...^_^
لاتؤم غيرهم..
...
كذا متميزه آبدعت في التحليل..وآغلبية توقعاتكم صحيحه..
لكن جداً استغربة من توقع بعض المتابعات في موت الشخصيه الفرعيه ..
وضعهم لشهد في المرتبه الاولى ..؟؟؟
وتئكيدهم..على موتها..!!
مستغربه منكم يا صاحبات آعذب حضور..يفوتكم شي مهم..كيف نعطي آمل..ونزرع في مكانه..بعد مانقتلع
الامل من جذوره..نضع شتلة الموت..!
نبني..ونبني..من ثم ننزع الطوب فآينهدم جهدا وتعبناً...
شخصية شهد..من أجمل الشخصيات..تحاكي واقع...ومرض..يحمله آحد اغلى القلوب التي تنبض
بحبنا.....او..نصادفهم...في رحلة الحياه...
آحاول توضيح هذا المرض...وكيفية التعامل مع اصحاب هذا المرض...وآيضاً نعطيهم فسحه من الأمل...
بجوانب متعدده مشرقه..في هذا الحياه...
هم حساسون..مرهفون...فلا نجرحهم...فقلوبهم حقاً...تستحق السعاده...
آقسم اني تئثرة جدا بتوقعكم شديد القسوه عليهم...
سبق واخبرتكم ..آوراقي لشهد مكشوفه..
فآتواجدها بينا...لعدة اسباب...
آولا-ً تسليط الضوء على اصحاب هذا المرض ومعانتهم..
ثانياً- علاج هذا المرض...ومراحله...لنستفيد...ونفيد...من يقرء...او..من يمر في يوماً من هنا...
...
آرحب...
بتواجد متابعاتي السابقات...
ماما...أم ربى..
دنيتي دونك ظلام..
..
وايضاً..آرحب..بصاحبات التواجد الاولى في بعض العيون....ياهلا وغلا فيهم..
ربيع البراري..
qwer
..
بوح قلم...الزائره..
الف الف مبروك يا الغالين الاشراف...تستاهلون...والله يقدركم على ها الشي ويوفقكم...
وآعتذر منكم يا الغالين والله حاولت كذا مره ادخل اهنيكم لكن الاتصال كان ينقطع...
آتمنى ان آجد في قلوبكم الطيبه ..خانه صغيره اطرح بها عذري =)
...
..
..
..
{لاتلهيكم الروايه عن دخول وقت الصلاه..}
..
..
..
نزل من السياره وترك الباب مفتوح ابتعد عنها مو كثير..
وبدى يرجع....
حس ضلوع صدره بتطلع من مكانها مع حالة الترجيع الي صابته فجئه..
وكتمه قويه جثمة على صدره بقوه...
آنتبه ليد...تمتد له وتحضن ذراعه ..
شهد بشبه بكاء\عنــاد وش فيك ..؟
عناد يشير لها تركب السياره ...
لكن شهد رفضت ومدة له قارورة مويه كانت معها...\آنا عارفه فيك شي من يوم
قلت لي اطلعي بسرعه...بنمشي...
آبعد الكاب من راسه واخذ القاروره وبدى سكبها على راسه ووجه...
ببحه وصوته تكاد شهد تسمعه\شهد دقي على جسار يجي...مآقدر اسوق...؟
تجمدت الدموع بعيون شهد...
وحاله من الرجفه..تغتال خلاياها..
و..
عناد ..وحاله غريبه جداً تصيبه..
و..لأول مره...تلمح عيونها
ذاك الجبروت ينهااااار..
من دون حتى أشارات لنهياره...
او حتى من دون سابق انذار لهذا الشي...
كا السد العالي...ينهار فجئه ...
آوجبل ..لآمجال آبداً..لبعاده..
وفجئه...
يتهاوى...
وعليك انت فقط...مشاهدة هذا الانهيار ..
تجتاحك حالة صمت مطبق..
لم تعهده في يوم با الضعف الغريب الذي تراه الان ...
ولا...
حتى في حالة اصابته بئي مرض..
..عناد..لآيحب العيون تراقبه في آوقات ضعفه..
غريب..
نعمـ..
لكنه..دائماً..يشعر الجميع بحضوره...ويصعب عليها..تخيل فقط..مجرد..تخيل..فكرة ضعفه..او حتى..
آنهياره..
شهد بخوف ممسكه ذراعه وتساعده لركوب السياره...
سارعت شهد بخطواتها لباب الثاني..
واناملها تتحرك بسرعه لرقم جسار...ثانيتن وسمعت صوت جسار
ثانيتن..مرت كا سنه..
بآشهرها الاثنتى عشر...
ساعتها...
آيامها..
آسابيعها..
آشهرها...
صوته المثقل بالفخامه..\شهد قلبي المزعجهـ..آكيد نآقصها فلوس...؟
شهد ببحه آغتالتها الدموع\جسار..تعال..عناد مدري وش فيه...
جسار بصوت مرعوب\وش فيه..حآدث...؟.تكلمي ...حي...؟
شهد \لآ...ماسوينا حادث..بس مدري..جسار مدري يمكن آعراض سكته قلبيهـ...!
آرتعب جسار.. و..وقف بسرعه\وينكم..آي سوق...آطلبي الاسعاف..آنا جاي...
شهد..\مقابل الفيصليهـ...لآتتئخر تكفى...
سكرت الباب...و...كانت يتسكر جهازها لما آشار عناد بيده لها...
شهد \تبي جسار...
عناد بتعب\هاتيه...
شهد \جسار ...عناد معك...
جسار برعب\لأيتكلم...آنا جايكم خلاص انا مع الدرج الحين..
بتعب\جسار..مآفيني شي...بس..شوية تعب..
جسار بصراخ\آنا جايكم...لآتتكلم...
سكر جسار الجوال ..وهو يركض مع الدرج وشماغه بيده...وسيوف وراه ..
سيوف بنهيار تام..\وش فيه وش قالك...؟
جسار بخوف \مدري...شهد تبكي ..وهو يقول مافيني شي..ياخوفي بس اني مالحق عليه..لآتخبرين احد..
طلع جسار بسرعه من الفله..
سيوف رمت نفسها على الاريكه ودخلت بنوبة بكاء هستيريه...
وكلمات جسار ترن بآذانها...
(يآخوفي مالحق عليه...)
بيروح..؟
بيرحل...؟
بهذي السرعه...!
وانتظاري..؟
وتضحياتي...؟؟؟؟
.مالها أي ثمن عنده..!!
وين يروح...وين ..؟
لآزم يدفع حق..كل ..دمعه ..نزلة مني..
لآزم يدفع فآتورة حب من طرف واحد..
لو..ينهدم كل شي بعدها...
مايروح...ويتركني...
..
آنا..و..آنت
قـلب شـ / ـاري ..
و
قــلب بـ / ــاع ..
..
في ها الوقت...
عناد منزل مرتبة السياره...
شهد تمسح بخوف قطرات العرق الكثيره على جبينها..\طيب ليش منعتني اطلب الاسعاف..انت مانت بخير ابد..
عناد يضغط بصابعه على صدره ويفتح ازرة القميص\مآفيني شي...لآتخافين...
آغمض عيونه بهدوء...
شهد بخوف \عناد ..عنــــآد..عنآآآآآد لآتموت...عناد...
فتح عيونه وبتعب\شهد..ولي يرحم والديك...مو وقت خبالك...غمضت عيوني يعني مت..قلت لك انا بخير..
بس صدري مكتوم..
شهد تضغط على ازرة الجوال من جديد ..ليفاجئها جسار بتصالهـ
جسار برعب\هآ شهد..طلبتي الاسعاف..
شهد ونظراتها على عناد\لآ,,
جسار بعصبيه\وش تنتظرين..؟
شهد\والله العظيم هو رفض..يقول بخير..بس مو قادر اسوق...
ماتمت شهد جملتها ..حتى اعلن صوت الهاتف رحيل صوت جسار.. بقفاله للخط...
..
آنا..و..آنت
قـلب شـ / ـاري ..
و
قــلب بـ / ــاع ..
..
بيت العاجي..
با الصآلهـ..
الظبي تمد فنجان القهوه لياسر\تو مانور البيت بسلامة الي فيه..ياشيخ العاجي والله مانقوى زعلك..
مقرن بفرح حقيقي\ايه والله ياولدي..والله ان البيت مظلم وماله حتى طعم ولا لون.حتى هواه ماهو هوى..حتى
صدري وخاطري ضاق...
يآسر من دون مبالهـ آبتسم..من ثم انتزع ابتسامتهم ببحه\بس آنا جاي شوي ورايح...
آنكمشت الوجوه المبتسمه للعبوس..
ياسر يتدارك كلامه\ماعندهم احد..مآراح آخليهم ها اليومين لحالهم..
الجد وجه آنظاره لشاشه المثبته على قناة العربيه..وساد الصمت للحظات...
ياسر بخبث ونظره آنكمشت منها الظبي\وين طارق لاحس ولاخبر ..لأيكون بس متخانقين ومخبيه علينا..
الظبي تحرك كاسة النعناع\لأ..وش ها الحكي..متملل مني..!
ياسر بخبث\لا بس مستغرب...
الظبي بضحكه\آشترينا بيت با الرياض..بنسكن هنا...
نزل فنجانه على الطاوله..\ماخبرتيني قبل..؟غريبه..!وشغل طارق..؟
الظبي\شغل طارق راح يديره أخوه ..وهو يبي يوسع شغله برياض..وهنا احسن بكثير..بكون قريبه من ابوي
ومنكم..
ابتسم الجد\والله يا الظبي من يوم خبرتني دقيت على طارق..وحلفت مآيئثث البيت غيري..لكن الله يهديه..
رفض..والظاهر انه بعد زعل..وخذى على خاطره...
ابتسمت الظبي برتباك...\هو شوي حساس من ها الناحيه يا بوي..ماصار لك تعود على اطباعه...
ياسر بضحكه\ الا يا الظبي هو كيف آطباعه..!
استغربة الظبي من طريقة ياسر المتهكمه..لكن ردة بعجاله\الاكيد..ماتشبه اطباعك..!
آنقبضت معالم وجه ياسر..لكن..آبتسم..
الظبي موجه انظارها لكاسة النعناع\حكيت كلامك لبوي...وهو انبسط منك حيل..ها يا راس مالي..
مقرن بهدوء\هذا الي يونس خاطري..وبيونسه اكثر لآشفت مكتبه جنب مكتبي..عيد الكلام الي قلته لعمتك..
ياسر بضيق \وش آقول...كل شي قالته الظبي...!
مقرن بستغراب\آبي آسمع ها الشي منك...آبي اشوفك وانت تحكي بشغل الي ابيك فيه..؟مجالك..وابوك وجدك وعمك..ماهو ها الي داخله..!
الظبي وجهة كلامها لياسر\ياسر..آبوي من طبعه بشغل..يحب صاحب الفكره يتكلم عنها..ماهو يوكل احد غيره
يشرح كئنه موكله..!
يآسر آبتسم وبتهكم..\يعني بتعلميني كيف آتعامل مع جدي..!
الظبي ماردة عليه وانشغلت بوضع الخداديه ورى ظهرها متجاهله حديثه..
ياسر موجه كلامه لجد وبنبره مغايره تماماً لطبيعته الدائمه\الظبي..البارح كانت عندي با الآوتيل...خبرتني
عن جسار الراسي...آنا...بصراحه ماقرى جرايد ابد..وماعرف عنه شي..غير انه ولد..صاحب المستشفى الي اشتغل فيه..
قلت لها وش تعرفين عنه بشكل عام..
وخبرتني أشياء عامه...وماحصلنا لنا مدخل ابد عليه..
صار كئنه قلعه حصينه..من المستحيل..أن نحنى ندخل..ونقتل صاحبها..!
لكن مره..عرفة من زميله لي...انها راحت لزوجة ولد سطام الراسي في مشغل خاص فيها..
بلع ريقه ياسر...من ثم آكمل كلامه...
والدكتور سطام الراسي..ماعنده الا ثلاث اولاد..ومافي احد متزوج منهم على حسب علمي الا الكبير..
الي هو جسار..
سوينا انا والظبي جرد على اهم المشاغل المعروفه با ارقى 3 احياء با الرياض...بحكم اسمهم ومركزهم
راح يكون ها المشغل فخم ومعروف..وعرفنا المشغل ..
آتفقت مع الظبي ترسل وحده من الي تعرفهم..تشوف المشغل بصفه عامه وتصير زبونه عندهم وتجس نبض
مستخداماتها..الا مايكون ..فيه ثغره هناك...وساعتها..نقضي على جسار...وماراح يفيده لا..كتابته..ولا..مقالاته الناريه..
كل شي ماهو كويس ..يعلق بروس الناس...ومهما كنت نظيف طول عمرك...لو تتعثر..
ماراح...يتذكرون لك شي...
مقرن بستغراب وعيونه تنتقل لعيون الظبي..بستغراب من حكي ياسر..
تغيرة ملامح ياسر في طريقته السابقه في الكلام..وتقمس للحظات شخصيه اخرى..يمقتها..
ودائماً يقمعها...ويجبرها تظل..ببئر اعماقه..
جاهد كثيراً على احكام اغلاق..تلك البئر...
لكن الايام..دائماً..تحاول القاء آحجار في تلك البئر..
آتسعت ابتسامة مقرن..\آيه..كذا الحكي...!بس بتال لايعرف ها الكلام مايعرف فيه الا الثلاثه الموجودين..
الظبي \آكيد فديتك مايبي لها..كان بيدق الصدر ويروح يعلمه علينا...
يآسر يهرب من الكلام\وين عمي ..مآشوفه..
الظبي \بجناحه الخاص..مدري وش فيه من الصباح وهو كذا..
قآم ياسر مسئذن وآتجه لجناح بتال..
الظبي بضحكه\والله يابوي..مخه نظيف...
مقرن\نظرتي ماتخيب في احد ياسر مقرن ومقرن ياسر..
ابتسمت الظبي وبحب\ايه والله عساني ماعدم زولك وزوله
..
آنا..و..آنت
قـلب شـ / ـاري ..
و
قــلب بـ / ــاع ..
..
جسار بخوف يفتح باب عناد..
-عناد..طيب..؟
عناد رفع المرتبه بهدوء\آيه..طيب..خفت الكتمه الي بصدري شوي...
جسار آمسك يد عناد ونزله من السياره...وآركبه سيارته..
شهد تنزل بسرعه وتطفئ سيارة عناد ومن ثم تقفلها.. وتتوجه لباب الخلفي لسيارة جسار..وتركب..
جسار كآن بيسكر باب عناد لما استوقفه عناد...
عناد ببحه..\بعد بستفرغ...
آبتعد جسار خطوتين فقط..لكن ليس للخلف..بل للامام..
آدخل نصف جسمه وآمسك بصدر عناد ..
عناد كان الكيس بحضنه...لكن مآقدر يستغرغ...غير الماء ..
كانت يد جسار ترتفع وترتخي بهدوء على صدر عناد..الذي احتقن با الدم...
جسار يقرء بصوت واطي المعوذتين..بهدوء...
عناد ببحه..\خلآص جسار..ودني للبيت..آبي ارتاح..
جسار..\البيت..لآ...بنروح لمستشفى والحين...
سكر باب عناد..وتوجه بخطوات سريعه لبابه...
ركب وعيونه تحتضن بخوف عناد المتعب بهذا الشكل ولأول مره...
عناد ببحه\قلت لك ابي البيت...والله العظيم اذا وديتني المستشفى ان آتركك وآركب لي سيارة اجره..
آسترجع جسار وحرك السياره..
..
آنا..و..آنت
قـلب شـ / ـاري ..
و
قــلب بـ / ــاع ..
..
بجناح بتال...
فتح الباب المردود..
الغرفه ظلآم دامس...
ببحه\لأحول...الحين انت صاحي ولآنايم...
بصوت متعب\واحد مطفي النور..يعني نايم..
كبس النور ياسر\خبري في واحد اذا شفته مطفي النور والغرفه ماتشوف فيها حتى ايدك تحصله قآيم...ويفكر..تعرفه ياعمي..!
بتال آغمض عيونه من النور...\آطلع وسكر الباب وش تبي انت وجهك..وراي شركة جدك بكره وبنامـ..
جلس ياسر على طرف السرير وسحب المفرش\قوم بس خبرني وين ذلفت مناف فيهـ...
بتال جلس بتعب \ليهـ..؟تبي تذبحه بعد..مابردت صدرك فيه..
ياسر\لآ ..بس اذا سئلتني اخته..أقولها...هي با الاول والتالي بتدري آنه مو مسافر..خاصة اليوم يوم
عرفت فتحت لخالتي سين وجيم وخالتي مو ناقصتها
بتال \وديته بمستشفى خاص لعلاج الادمان..
ياسر بتهكم\الي مثل هذا مامنه فايده بيطلع من الحشيش يطيح في الهروين..وها الشنب مب على رجال
ان كان مناف طلع متعافي..آعرف ها النوعيه وانا ابخس فيهم..
بتال بضيقه\وش تبيني اسوي اخليك يعني تذبحه..صاحي انت..تبتلي فيه...؟
ياسر\والله بعد اشرب من دمه ها الي ماعنده نخوه ولا ناموس براسه..غير وش نقول..الماء لاتكدرة ماعاد تصفى..!
آدار بتال وجه للجه الثانيه..مظهر ضيقه من كلام ياسر..
لما امتلئة الغرفة بصوت نغمة اتصال ملوك..
لايصير قلبك اناني..
ولاينسى طيبي وحناني..
واذا غبت مابي
احد بغيابي ياخذ مكاني..
خذا راحتك في كل شي..
الا قلبك خله لي..
كل شي ادري يهون
الا الحبيب الاولي...!
مابيك انا تنسى غلاك..
وابغاك انا تذكر وفاي...
وبوعدك كل مهما تغيب..
بتخيلك دايم معاي..
اشتاق لك في كل حين
وبذوب لك شوق وحنين..
بتال بضحكه\ياليل البعارين لاتعلمو الحب..
آبتسم ياسر ورد بئآغضه لبتال
بصوت أشبه بدندنة على وتر عود \أنا .. من .. كثر .. مآ .. أحبك ..
وصلت .. لـ .. مرتبة ..

" أفدآك "

وصلت .. لـ .. قولة ..
الحين .. كل .. النآس ..

" يفدونك "
غرق بتال بضحكه مبحره في قارب الوجع ..
ياسر\لبيه سمي..فديت الي جابك ..الميت والحي..
سمي..
آجي..يآشيخه والله لو آني ضرير...والله اتلمس طريقي بعصى..
بتال بصوت ضاحك\آخذي وخلي ياملوك..آخذي وخلي..
سكر ياسر الجوال..ووقف\يالله عن اذنك يارجل الثنتين انا في وحده وماني بخالص..
بروح ..لها ..عن اذنك..
بتال بسخريه\طف النور معك يا الضرير..ولاتنسى تلمس طريقك بعصى..
..
آنا..و..آنت
قـلب شـ / ـاري ..
و
قــلب بـ / ــاع ..
..
بعد ساعه ونصف..
بمستشفى..
ملوك تنزل البالطو الابيض.....
نآظرة الساعه...تئخر..قآل لي عشر دقايق..وجاي...غريبه..!
بروح لمكتب نوال..بنتظره..وبدردش معها آشتقت لها...
..
آنا..و..آنت
قـلب شـ / ـاري ..
و
قــلب بـ / ــاع ..
..
بخطواتها الهادئهـ..كانت بتفتح الباب الشبه مردود..لمـ..توقفت يدها بصدمه على الباب..
والاصوات الشبه عاليه تصل الى آذانها برقصه غريبه..وكئنها رقص جنائزي..
يخترق اذانها..بكلمات اشبه برصاص...
بشعه..قاتله...تقود الى الموت بوجعها...
بلعت ريقها بصعوبه..
ودوار يصيبها...
وهي تستمع للحوار..القاتل...
بين آثنين...تقدمت بخطوات..
لتكذب آذانها..
نوال بعصبيه\يآسر..وبعدين يعني..نقضيها غزل ومكالمات..آظن كبرنا على ها الشي..ياتترك ملوك
وتخطبني مثل العالم والناس ..ونتزوج..يآتتركني وترجع لها...آظن ها الحلين هي الوحيده..
يآسر بهمس \مآكنا حلوين..وش تغير...ولآ..منى الحين حكت لك لما جتني على الاوتيل...
نوال بصراخ\بعد..منى و آوتيل...ها البنت مايحتاج تقول لي شي..آساساً سمعتها ريحتها فايحهـ..بس
آنا وها الوضع الشاذ مآقبلهـ..يآتخطبني بشكل رسمي ..يآكل واحد بطريق...
ياسر بتريقه\بآلله ماتستحين على وجهك..وانتي تبين خطيب آعز رفيقه لك..!عجيب ها الزمن..
نوال والدموع تحتقن بعيونها\يآسر..لآتكلم عني بها الاسلوب..مين الي لحق الثاني...مين...
ياسر بهدوء يجلس على الكرسي..\آكيد..آنا..بس هذا راجع للبنت..آذا عندها اساساً قبول لها الشي..
وآنا مثل اي شاب..يحب يكون ملفت ومحط آنظار..وخاصة الجنس الناعم..
نوال\يعني..؟
ياسر\يعني انتِ خبله والا غبيه..يومياً..تشوفيني اتغزل وآحب ملوك..يعني بالله بشوف غيرها..؟
نوال بصراخ\آنت كل العالم تتغزل فيهمـ,,ليه طيحتني في حبالك..مثل غيري..وانت تعرف ان ماعندي
اي تجارب سابقه ولاحب ولاخرابيط..ماحبيت غيرك..ليه تجرحني...
ياسر بهدوء\آوراقي كانت لك بذات مكشوفه..ماكنت مخبي شي...شئ طبيعي انو في اخر المطاف بتزوج الي
خاطبها...واترك الي اكلمها..ماعمرك سمعتي تحذيرات عن نهاية المكالمات..وبعدين اقولك احمدي ربك
غيري ياشاطره..سحبك على وجهك با الكلام الرومنسي وعيشك بجوك..وخذاك على شقه مستئجره..وبعدها
سحب عليك..وحليها يا عسل يتزوجك!!!
انخرطت نوال في موجة بكاء مرير...
رفع راسه ياسر لجهت الباب المردود...
ياسر حس ان المكتب يدور فيه..
ماقدر يستوعب ها الشي...
درات عيونه في الفراغ من هول الصدمه عليه...
كيف نسى انها بئي لحظه ممكن تدخل...
وقف برتباك..
تقدم بخطوات مرتبكه وشرع الباب المردود..
واقفه بصمت...
عيونها تلتقي بها آهداب حبست دمعها...
آخر آنسانه توقعت ...ترميها في لهيب الخيانه ..
نوال...!!
رفيقة الدرب...
مقاعد الجامعه..والامتياز..من ثم ممرات المستشفى..
رفيقة الدمع والصدر الحنون..
نوال...!
من آشكو لها..مرارة الايام..وقسوة الاقصاد..وخيانات ياسر..!
نوال..!
آبتسامة صباح العيد..!
من تقاسمنا فرحة الراتب الاول..!
نوال و ياسر..!
ليه..!
ياسر..ليه ماتركت لي ها الصديقه...ليه..!
من آرتمي في حضنه الحين..واشكي لها خيانتك...
من يخفف عني غيرها...
من يسليني برسم آبتسامة في عز الوجع...
ليه خذتها معك..!
ليه.
ليه.
ليه..
آدارت عيونها ملوك في ياسر المتغير لون وجه..للون آخر لآتعرفه آبداً..خجل..آم عار...آم ثقه زائده بئنها لن تتركه..
ونوال وقفت والرجفه تملكتها تماماً....
لماذ بعض العيون تخفي حقدها في نظرها...!
آنتبهت لبحة صوته المخنوقه برجفه احتلة اوتاره الصوتيه تماماً\ملوك..آنتي فآهمه غلط..
ملوك بصمت مطبق...آنسحبت من المكان...
بخطوات سريعه..
الى خارج كل هذا المكان...
..
آنا..و..آنت
قـلب شـ / ـاري ..
و
قــلب بـ / ــاع ..
..
دخلت ملوك البيت وهي مو قادره تضبط نفسها ...نزلت النقاب بسرعه وصعدت لدور الثاني....
فلك كانت با الصاله لما شافت رجعت ملوك السريعه..استغربة ولحقتها...
ملوك رمت نفسها على السرير بئلم ..شهقاتها كانت كفيله بنهيار تام لكل شي...
فلك بصدمه من شكل ملوك المنهار\مليك شفيك...
ملوك رفعت راسها بئلم والدموع تبلل كل جرح مفتوح بداخلها\خلاص عمتي آنا راح اتركه... خاين خاين ...
كل ذنب عندي ينغفر الا الخيانه...حاولت اتغاضى عن الهمس واللمز..حاولت اكذب كل الدلائل الي قدامي..همساته وضحكاتهم
..ساره..جميله..فاتن..منى..كل الي اعرفهم خاني معهم..كل زميلاتي ..كلهم خانوني معه..
مثل عليهم الحب مثل ما يمثله علي...يارب يارب يارب..كثر ماخانني ينخان..كثر ماخانني ينخان...
آسكتتها للحظات صوت شهقاتها المجروحه با العمق...
نوال..نوال..نوال ياعمتي نوال...!!
هم الاثنين..شفتهم..وسمعت كل شي...
متى خانتني معه..متى صدقت كلامه..
وليه ياسر بذات..ليه ضاقو رجال ها العالم عليها..
ليه ياسر ماكفاه كل البنات الي يعرفهم علي وآرتبطو بقذراه مع بعض..
ليه...متجاهلين وجودي..
متجاهلين مشاعري..
متجاهليني كلي...
ليه قتلووووني بها البشاعه..
منى متى..؟
مده طويله ..؟
او
من مده قصيره..؟
ها العلاقه الى وين وصلت...؟
ليه..!!
ليه ...!!
حطموني ياعمتي حطمو كل شي في داخلي..
الحب...و..قدسيته.. وطهارته..وعالمه الابيض..
والصداقه ...والتضحيه...و..عالمها البريئ..
ماتركو لي شي...؟
مثل ماعطوني خذو مني..!وبقسوه مارحموني...!
القلوب الي تنبض بجسداهم ماهي بقلوب...والعروق الي يجري فيها دم...ماهو بدم...
قلوبهم..مو مثل قلوب ها البشر..تحس ...و..تتوجع...
كيف..آغلى ثنين على قلبي..يطعنوني من ظهري..وبها الغدر..!
حتى الغدر نفض..ثيابه ..من ان يوسخه..سواد..قلوبهم...
اكتسى وجه فلك الحزن وهي تشوف اخر خيط من ها العلاقه يتئرجح معلن انقطاعه..
تعرف حب ياسر لملوك وبمقابل تعرف انه
شاب يعشق وسامته بعيون الجنس الناعم ..
وما يعرف يقاوم الكلمات المنبهره به...
يعشق افتتانهم به...
ويتلذذ بشكل غريب...
بمعرفته بمدى جاذبيته...
وعدم..كسر غروره...او..صعوبة مقاومته..
جلست بجنب ملوك حاولت تحتضنها ..لكن انصدمت ...!
بـ
ملوك تنطوي على نفسها وبصوت ضعيف\اطلعي وسكري الباب وراك...آنا بخير...!
قدرت فلك طبع ملوك الدائم في حالة الحزن..
الانطواء الغريب على النفس..
وتكره ان يشاركها احد حزنها..
او..
حتى..
يكون شاهد عيان على نزول دموعها...
طلعت بصمت وسكرت الباب..
مشت بخطوات متوتره...تمسك جوالها..تبي تكلم ياسر تعاتبه ..ماستغرقت كثير...
ردت وهي معصبه\ياسر شسويت!
-وين..؟؟
-طالع الدرج....!!
-بسم الله من فتح لك الباب...
رفعة عيونها وشافت ياسر بخطوات مرتبكه قدامها...\حصلت الباب مفتوح...وينها...؟
فلك وهي معصبه\كل الي حذرتك منه الحين شفه...قدامك..ها شنفعتك ها العلاقات..؟فوق ماهي حرام..وماتجوز...احصد الحين...!
حطمتها..ذبحتها..كسرتها..ليه ياياسر..ليه...ملوك ماتستاهل منك ها الشي...
ملوك ماتستاهل منك ها التغافل..وها التلاعب من وراها..
ملوك ماتستاهل منك ها الجرح الي سببته لها..
اصح على نفسك...
آذا انت فاكر..ان ملوك بترضى بها الشي فآنت غلطان..
وصدقني ..آذا ضاعت منك ملوك..ألف واحد غيرك يتمناها...
وانت ولوحدك الخاسر الاكيد...
ياسر بعصبيه\خالتي مو ناقصك..قلت لك وينها..هي فاهمه غلط....
فلك بعصبيه\لا مو فاهمه غلط الااذا حبيت انت تفهمها غلط....!
ياسر طنش فلك واتجه لغرفة ملوك....
بخطوات سريعه...
فتح الباب ودخل بهدوء...
ملوك بين الدموع مسحتها بسرعه\عمتي طلعي برا..مابي اشوف احد...؟
دخل بخطوات مرتبكه...
كبس النور,,
رفعت عيونها الغارقه بدموع...
آبتسم بحزن لعيونها... الي تنفيه لمكان بعيد..مافيه احد غيره يتئملها....
رجعته لأرض الواقع شهقاتها المرتبكه..
والمتمتمه بكلمات خالجت نفسه بدلالات ماهي مفهومه...\ملوك تكفين والله مالي عذر
غير اني احبك....
صدت ملوك للجه الثانيه بقرف....
تقدم بخطوات متعثره وجلس على طرف السرير..بصمت مطبق...... بهدوء..
.ضوق عيونه بحزن وهو يشوف وجها المحمر من الدموع..
ملوك بئلم\اطلع برا...
ياسر مرر عيونه على تفاصيله المجروحه بئلم...حس بخناجر مسمومه ...
بئوردته وشراينه..مافي اي جمله بيقولها...
كل شي انكشف...
مايقدر يستوعب الموقف الي قدامه...تبكي...
وهو السبب...
ملوك ببحه وهي تمسح دموعها بقسوه\ياسر...من ها اللحظه..انت بطريق وانا بطريق..
ياسر ماقدر يكتم العبره التي تشبثة بعناد في بحة صوته\ملوك ..والله العظيم الي شفتيه طيش شباب..والله العظيم ياملوك مافيه
من الصدق ذره...ملوك بـ,,,
قاطعته ملوك بئلم\من يوم ارتبطت فيك ماشفت لصدق بعلاقتنا مكان...
ياسر في ها الوقت تمنى الموت وماطالها... آخر شي يفكر فيه ان ملوك تطلع من حياته\ملوك انا اخطيت عارف ها الشي...
... بس ملوك انا احبك..احبك..
لا انا...تعديت حدود الحب وجسوره...الي بصدري لك شي اكبر من الحب..
شي متعلق فيني متمسك فيني...شي غصب عني وعنك...
ملوك بصمت مطبق ...اجتاح حواسها...الم..لايمكن ان تطيقه..او..ان تصبر على تجرعه...
شئ اكبر من طاقتها..اكبر من تحملها..
دخوله لعالمها من البدايه...فرض ..!!
تملك...!!
الجميع يجبرونها تعلق احلامها وقدرها على شخص خائن ..؟
لم يلتزم با اهم بند من بنود الحب ..وهو....الاخلاص....
اصراره يستمر لتصغي من جديد أذانها...
ياسر يحضن ايدينها البارده ...كا..قالبين ثلج..بداخله..بتلات ورد ذبل...,,\ملوك ,,من يوم صغري وانا احبك....
من لما كنتي
بلفه...من يوم حطك خالي بحضني..ومازح ابوي..انك لي..تعلق قلبي بطفوله..
بمخلوق الصغير الي بين ايدينه...ملوك انتي
في ها الوقت ملوك بعصبيه\بــــــــــس...آسكت مابي منك حكي...اسطوانه تعيدها وتزيدها على حب كذاب وخاين..
اسطوانه ادمنت عليها
حب..
حب..
حب...
انت آيش مفهومك عن الحب..؟؟
الحب..
يكون فيه اخلاص.. ياسر اخلاص..!!
انت ذبحتني من كل وريد ينبض بجسمي..خنتني مع كل انسانه اعرفها...
كرهتني بحياتي بخيانتك وحده ورى الثانيه..وكلماتك عن الحب الكذابه..
انا اكرهك..اكرهك..اكرهك...
واكره دنيتي الظالمه الي حطتك بطريقي...الكل كان متحكم بحياتي من صغري...
ربطوني بشخص انا ماخترته...
ولما بديت اتئقلم معه..حصلته اكبر خاين صادفته عيوني...!
تدري من متى عرفت بخيانتك...مو من ها
اللحظه....؟
من سنتين عرفتها...من لما دخلت المستشفى...
ياااااه...مدري كيف قدرت اتحمل واضغط على نفسي........
مو عشانك صدقني...
عشان ابوي الي ربطني
بشخص كان يعتبره قد الثقه..وتوسم فيه انه يحفظني...بس للأسف..طلع اكبر كاذب وخاين...ياسر انا مابيك بحياتي ...ولا..
ان تبقى ذكرى حتى بحياتي....ابي اتحرر منك...ابيك تفك قيودي...ابيك تتركني اعيش..بهواء نقي..مو يخنقني بخيانتك ..ياسر
اطلع من حياتي..تكفى..يكفيني الم..لاتزيد..علي اكثر...
حتى نوال ياياسر..استكثرتها علي..تبقى لي صديقه وحيده ماطالتها خيانتك.
ياسر.. في ها الوقت.. حس البروده الي سكنت يدينها.. اجتاحت جسمه بسرعه اكبر من ان يتخيلها....ماكان شي يعبر عن الي سمعه اي ملامح تقدر
ترسم على وجه الحائر من هروب التعابير الي سمعها...
ماقدر يفهم حكيها...تنفصل عنه..!
تتركه من دونها..
مايسمع صوتها كل صبح..
مايضحك على ابتسامتها الغارقه في الم..
ما يسمع صوتها المبحوح اذا ضايقها شي...
مايشوف تعابير وجها اذا كانت مبسوطه
شفافيتها ..
خجلها...
ملامحها..
كل شي فيها يعشقه بهدوئه وضجيجه....تبيه ينفصل عنها!!!
آنا خاين!!!
كيف خاين!!
وحبها يسكن قلبه ومافي يوم احد يقدر ينافسه او حتى يتجرئ...؟
آنا خاين!!
مــــــــــــــاخــــــــنة والـــــــلـــــــــــه مـــــــــــــاخــــــنـــــــــة..
هاذي هي تسكن كل نبضات الحياه في جسمي...
انا خاين..وانا تحديت جدي وخذتها..!!انا خاين....!
ياسر بحده\اطلع من حياتك...!!حياتك هي حياتي..كيف تبيني اطلع من حياتي..
ملوك قولي اي شي عني..انا استاهل...بس ياملوك
افهميني..حبي لك كان كله حراره وحبك كان كله جمود..كيف يمتزج الضد...وهو كله صدود..
ماقدرت اعاند قلبي واتركك..وماقدرت اعاند
طبيعتي واتجاوز حدود متطالباتي كانسان..آنا ماخنتك....الا با الكلام..وربي ..
ما تجاوزت حدود اللسان....ملوك دايم اكون
انا الطرف الي يشد بطرف ها العلاقه..احاول احتويك كلك ومو بعضك..احاول اكون لك كل شي..
احاول اخطف الضحكات وارسمها
بحنان على شفاتك...وبنهايه تقولين لي خاين....!!
ملوك بقهر وهي تطالع عيونه الغارقه في بحر عيونها\ انت خنت كل طهر الحب الي صنعته..
وحتى لو باللسان..الخيانه عندي مالها
اي مقياس..تبقى خيانه..بكل بشاعتها..
طالعها ياسر للحضات ...ملامحها القاسيه المرتسمه بمراره على وجها الخجول..اجبره على الصمت..
وهو يشوف ارتجاف شفايفها..
طلعت منه تنهيده بالغ في ان تضل حبيسة لصدره لكنها تمردة وخرجت...
ملوك ببحه\مابي منك شي ابد...آبي ننفصل وبهدوء..مابي ابوي يتعب آكثر..
ياسر لاحظ ايديها وهي تبتعد بصمت عن ايديه...يحس بمرارة البعد..بتبكير كبير تزحف لصدره..
لترفع اعلامها بنتصار...
لحظات معدوده..
ياسر ببحه\وآنا..آسرك..تتركينه ..ماله اي عذر ..لكن عذره انه آسرك الي يبيك...وانتي دوم تبعدين..
ها السنين كلها...ماتشفع لي عندك..بعذر...
ملوك بحده\ها السنين كلها صارت ضدك..وخصمك ..واليوم هي ندك..كيف تعلقني كل ها السنين وانت
تخونني في ساعاتها الاربعه والعشرين...آنا آحفظك حاضر وغايب..واصونك..وانت تستغل حتى التفافتي عشان
تخوني...آنا اعرف بخيانتك..لكني انتظرت حتى اقطع الشك با اليقين وعيوني تكون هي الشاهد..لئني
ماكنت آرضى بكل الهمس واللمز والتلميح والتصريح الي حولك..اي ضمان على صحة كلامهم عنك الا عيوني..
كذب عيوني ياياسر..وهي خصمك اليوم..
آنا..وعيوني..والسنين الي حطيتها تشفع لك..وحتى الشعر الابيض الي براسك...كلها ضدك..وخصمك..
لاترافع في قضيه خسرانه..وماعندك حتى دليل براءه....
ياسر..آبي طلاقي...
وقف ياسر وبعصبيه ..\طلاق ماراح اطلق...وكل الخرابيط الي تحكينها..كل العالم يسون ها الشي لكن منهم من
تكشفه زوجته ومنهم من تسوي نفسها ماهي شايفه شي..ودامك كاشفتني من زمان...ليه ماقبلتي اني
اخذك با الحلال واتزوجك وكل الي براسي يطيح.. ليه ماقدرتي اني شاب..ومحتاج يفرغ عواطفه ومشاعره هذا
غير حاجتها الجسديه...وبا الحلال...! انتي حتى الحلال استكثرتيه علي..كل يوم تئجلين...آنتي
من زرعتي ها الشي...ومافي غيرك يتحمل ها الشي ويحصده...
ملوك وقفة وبحده\تبيني اتزوجك في آي سن..!ها..؟اي سن..؟ليه تطالبني دايم بفوق طاقتي وفوق احتمالي...
تسئلني ليه آئجل ها الزواج... كيف ارتبط بواحد يعرف علي عشره وعشرين..اي امان ..اي زواج ناجح ومتكافئ تدور عليه...با العكس انا عطيتك فرص لو تعدها غلطت..كل هذا
ابيك تغير من طبعك الي الظاهر انت انجبلت عليه...كل يوم أمني ها النفس ان الي يوصلني ماهو صحيح..كل
يوم أكذب نظراتك ..ماهو بمزاجك ياياسر..ماطلق...!
صدقني ماهو مزاجك...؟
آنت يمكن فزت على جدك وعلى عمتك..
بئنك طلعت من السيطره الي كانو فارضينها على عمك وابوك...
لكن علي ...؟
ماراح تربح شي..القرار بيدي اليوم ماهو بيدك..
وطلاق لأزم تطلق...
آنا مو بنت شوارع..ومو رخصيه..حتى ترضى باهانه مثل هذي
في حقها...
ضرب اصآبعه بخفه راسها..وبصوت عالي\ انتي بنت خالي...كيف تعتقدين اني آرخصك بها الشكل..وطلاق
ماراح آطلق...
دفعت يدينها الرقيقه..صدره العريض المقابلها وتراجع للورى قليل...\ياسر صدقني ماراح تطلع من البيت وانا لسا على ذمتك..؟
آبتسم بوجع\مثلاً بتحطين المسدس براسي...وتخيريني بين الموت..والحياه...آذا ماطلقتك...؟
ملوك بهسترياء آنثى مجروحه\لآ...آنت ماسوت ها الشي...الا انت متئكد مالي ظهر قوي اقدر استند عليه
واخليك تطلقني...آنت ماسويت ها الشي..الا انت متئكد مالي الا انت...!
لفت ملوك على تحفة زجاجيه على راس الكومدينه القريبه...مسكت طرفها وضربت فيه بقوه الكومدينه..وانتثرت
بقايا التحفه على ارضية الغرفه وبقت قطعه حاده بيدها...
ملوك وهي ترفع القطعه لوجها المورد\وها الوجه...الي خنته ...وساويته بوجوه قذره...راح يكون وجه مشوه
ماتقدر حتى تشوفه...
وجهت القطعه الحاده على وجها...لما سبقتها خطوات سريعه سبقت على عجاله القطعه من آن تصيب وجها
آنتثر الدم...لطخ وجه ملوك..ونزلة قطراته على صدرها...المحمر...
آصابع ياسر الغارقه بدم..تحكم با القطعه الحاده ..وابعدها ..
في ها الوقت فتحت فلك الباب بخوف....وانصدمت من المنظر....
خد ملوك الايمن وصدرها غارق بدم....وحالة نحيب آصابة ملوك...
ويآسر واقف بصمت..بتقطيب حاجب..ووجه لايبشر بخير..واصابعه السبابه والوسطى..تنزف...
فلك بحده\تعوذو من الشيطان..تعوذو من الشيطان....وش صار..وش ها الدم...وش فيه...
ياسر بصراخ\شوفي حتى لو اخذك جنازه ...بتزوجك...لو تشوهين جسمك كله...مايهمني...آنا ابيك انتي...
وياسر مايجي بئي تحدي او اي تهديد..فآهمه يآ بنت فهد..
التفت لفلك وبعصبيه\خذيها وغسلي وجها...ماصار فيها شي...وفهميها..طلاق ماراح اطلق...قآآآآعدين نلعب
كل ها السنين..؟؟؟
طلع ياسر من غرفة ملوك....
توجهت فلك لجهت ملوك وحضنتهآ...
ياسر نزل بسرعه لجهت المطبخ..فتح الحنفيه...وحط اصابعه تحتها...
شاف الدم...يزيد...
التفت لجهت درج الصغير الأسعافات الاوليه...
خذى له معقم على السريع عقم اصابعها ولفها بشاش..
راح لكرسي القريب وجلس عليه بعصبيه..
آنفاسه الغاضبه..
و
آنخفاض صدره وارتفاعه...
كانت المجنونه بتشوه نفسها....
مآتوقعها كذا...
ماعمره شاف ملوك بها الجنون...وها الهستيريا الغريبه الي دخلت فيها...
كيف وصلها لكذا بغبائه...
وصله لمحطة الا عوده..بغبائه..
آنتبه لتواجد فلك..با المطبخ...ماحكت معه..آكيد متعمده..
واضح من حركاتها العصبيه في سكب الشاي في الكاس الصغير..
حطة الكاس بعصبيه قدامه...
بحركه سريعه رمى الكاس من الطاوله ليستقر على الأرضيه ويملئها با القطع...
ياسر بعصبيه \مآطلبت شاي...آطلعي لها وقولي طلاق ماني بمطلق...
فلك بحده\وبعد لك عين..تنافخ وتهاوش...آنت مخطي..فاهم..مخطي...آعترف في ها الشي...مخطي...وهي طردتني من الغرفه...كلكم مخطين ..
سحب السيجاره من البكت بعصبيه...وحطه بفمه..
فلك بعصبيه سحبت السيجاره من فمه وبحده\لاحشيمه ولاتقدير..!من متى وانت تدخن قدامي...!
رمت السيجاره بقرف على الارض....
قآم بعصبيه وتوجه لجهت المجلس...وسكر الباب بقوه...
..
آنا..و..آنت
قـلب شـ / ـاري ..
و
قــلب بـ / ــاع ..
..
بفلة الدايس..
رهف تمد يدها برقه وتلف اصابعها با التعليقه الماسيه ..
عيون مليئه با الحزن..
تتئمل توتر رهف..
والتفاف اصابعها على تعليقتها الماسيه التي تحمل صورة آحمد...
آم عساف بهمس\وش فيك ..آشوف توترك بآين ومايحتاج مني سؤال..
رهف تمدد جسمها على الاريكه..وتضع رأسه بحضن آم عساف..
رهف بهمس\ماما عيدي لي قصة خطف عساف..
تيبست الابتسامه المرسومه على فمها الصغيره..قطبة حواجبها وبتعب\يمه رهف..وش لك بها السالفه..قلناه لك
عشرين مره..ترى ها السيره تعور قلبي فوق ماهو تعبان....
رهف جلست من جديد\ماما طيب ..آنتي وقتها ...ليه تركتيه..حتى لو انك عروس..كيف تتركينه...
والحين هو كم عمره اذا كان حي...
آم عساف بحده\حي...أييه حي ..ومن قال ميت...حي...قلبي يقولي لي..آنه حي..وفي يوم بشوفه لو حتى
آنتظرت عمري كله..بشوفه..
رهف بخوف\خلاص ماما..ان شاء الله انه حي...بس يمه آبوه وش سوى يوم آنخطف ولده..
آم عساف بحزن وتلك الليله تنعاد الى ذاكرتها ..\مدري..ماتذكر الي كان حولي..كيف تبيني اتذكر ردة فعله..
لكن كنت اتذكره يصارخ...
رهف بهمس\بعدين ماما تزوج..
آم عساف بهدوء\لأ..رجع على حرمته الاوليه..ويقولون الله عطاه عيال..ومدري بعدها يمه...آنقطعت عني اخباره...
رهف\ماما طيب هو ليش طلقك...
ام عساف \والله يابنيتي صار زعل بينه وبين مرته ..وخذاني الظاهر يغايضها.. خذاني كم شهر وحملت في عساف
لكن انا ماجزت له وماحبني ..وطلقني وعساف له كم شهر...
صار بينا مشاكل وشد وحط..لكن ابوي الله يرحمه كان رجال مواقف..وقفهم عند حدهم ورفض يعطيهم عساف
بعدها بسنه خطبني ابوك ..وقال له ابوي انه يتزوجني بسكات.. وعرس مختصر.. ويسافر فيني عشان ماياخذون الولد
مني..لكن الله كتب لنا شي ثاني...وآبوه حط اللوم كله علي...وتحسب علي..ودعى علي تنرد في عيالي...وانا والله
قلب آم...ماهان عليها تخلي ضناها...
والظاهر دعوته انصابة في آحمد...
رهف بحزن\ماما...آستغفري....آحمد مات قضاء وقدر..حادث...ماهو بسبب شي ثاني...وانتي ماكان في يدك
شي يوم آنخطف عساف....ماما..انتي قلتي ان اخره مره شافو عساف كان معه خال..؟هالخال من عبيد جدي..؟
كشرت ام عساف..وادارت وجها للجه الثانيه...\خلاص رهف..مابي آتذكر شي..
لمحت رهف دمع تسللت بوجع..لمحجر عيونها المتعبه...انكسرت وتذللت للخد المجعد...
..
آنا..و..آنت
قـلب شـ / ـاري ..
و
قــلب بـ / ــاع ..
..
شهد برتباك تحط المفرش على عناد...
جسار على طرف السرير..بقلق شديد...يتفحص ...لون عناد المتغير تماماً..
عناد بتعب\شهد آطلعي ..بنام...و ..جسار بيظل معي..
شهد طالعت جسار....والي اشار لها تطلع...
طلعت من جناح عناد بخطوات مرتبكه...
وسكرت الباب وراها...
جسار بهدوء\خلني اخذك لمستشفى او اكلم ابوي...انت منت بخير ابد..
عنآد بهمس\جسار تذكر لما كنت آقولك..آذا كنت بعز نومي...يصحيني
ريحه غريبه آحسها بصدري مو بئنفي..ريحة مثل العطر..عجزت اشمها
في آحد..آو اعرف ها العطر وارتاح...تذكر..؟
جسار بستغراب\وش دخل ها الحكي في حالتك الحين...
عناد بتعب\اليوم شميتها...صادفت لي بنت ..وها الريحه الغريبه
جثمة على صدري..
قطب حواجبه بستغراب\بنت!!انت ياعناد..!تدري لما شميت عطرها
كئنها زانيه...عليها اثم وذنب عظيم..؟
عناد بقهر \ماهو بعطر..ماهو بعطر..شي ثاني...يشبه ريحه عندي احساس
انو ..اعرفها من سنين..ريحه ماآجهلها..
جسار آستغرب الحاله الغريبه المتلبسه عناد بغرابه\قريت آذكارك اليوم..؟
عناد \ماتركها...
جسار \طيب الحمدلله ان السالفه مجرد ضيقة صدر...آنا بنام عندك الليله
وبقرى عليك...آنت بس شكلك من الهم والتفكير الزايد براسك...
عناد يدس اصابعه بشعره ويسحبها بشده \راسي بينفجر..وصدري
احسه ثقيل...تكفى جسار لأ تخبر احد بكلامي ...
جسار بهدوء وابتسامه مرسومه على وجه\من سنين يا عناد وانا اعرف
بهذا الموضوع وماخبرت احد..انت بس ارتاح ونام..وتعوذ من الشيطان
..
آنا..و..آنت
قـلب شـ / ـاري ..
و
قــلب بـ / ــاع ..
..
شهد بغرفتها تنزل العبايه وتستعد للاستحمام...
سيوف وهي تدخل بهدوء\شهودي...
خافت شهد \خوفتني سوسو وش فيك كذا داخله..
سيوف بخوف\سوري...بس كيف عناد ...الحين...
شهد تاخذ الروب والشامبوهات\بخير ..بخير...قطو..لأتخافين...
سيوف ببحه\طيب ليه كان تعبان
شهد\مدري يقول صدري مكتوم..شكله يمكن فقر دم حايشه او شي...
سيوف بهمس\يعني هو الحين بخير...
شهد بستغراب\سيوف قلق صايره..وش يهمك...آكيد انه طيب...شوفيه
بجناحه..لما يطلع جسار اسئليه...يالله بدخل اتحمم عن اذنك..
آبتسمت سيوف..\آسفه..
طلعت من الجناح....بخطوات مرتبكه...
نزلت بهدوء مع الدرج...
آبتسمت لوجه جسار..طالع من جناح عناد..
جسار بهمس\سيوف...فيه عندك عزايم...او مويه مقريه فيها...
سيوف \لأ..بس عند شهد...رايحه آجيبها...بس هو كيفه ..
جسار \بخير..هاتيها وحطيها عند الباب انا بنام عنده الليله..
..
آنا..و..آنت
قـلب شـ / ـاري ..
و
قــلب بـ / ــاع ..
..
يوم جديد...
ملوك تنزل الدرج بخطوات متوتره....بشرشف صلاة طويل...
آنتبهة لخطواتها فلك..
فلك بستغراب وهي تطل من المطبخ...\ملوك....!وش فيك لابسه كذا..؟
ملوك بهدوء\عندك آحد...
فلك..\لآ...
دخلت ملوك المطبخ...آخذت لها مويه تسخنه...وآخذت كوب..حطت
فيه كم ملعقة نسكافيه...وملعقة سكر...
فلك \آبوك بيتغدى معنا...جاي في الطريق...
آبتسمت ملوك وهي تحرك الكوفي...
فلك تقطع الدجاج...وتحط الكشنه آستعداداً للتحضير الغدى...
بهدوء\آنتي معزمه على الطلاق....
ملوك تمت ساكته
فلك \ترى الطلاق مو لعبه...بس ياسر يحبك...ويستاهل من يتجاوز خطاه
لآتظلمينه..فوق الحياه الي عاشها...
ملوك ترتشف القهوه\شي..وانتهى خلآص...ماراح يفيد فيه كثرة تقليب المواجع
ياسر كسرني بزياده...
التفتت فلك لها\ياسر ماراح يغصبك على نفسه...هو اكبر من كذا...لكن آلاكيد ماراح يتركك الا هو ماهو بياسر..!
ملوك بثقه\صدقيني بيتركني......انت يمكن ماتعرفين الآم الي سببه لي..ِشي فوق الاحتمال..
فلك بستغراب\تصدقين يا ملوك ماكنت اتوقع انك تحبينه لهذي الدرجه توقعتك حبيتي بس قربه منك...
ملوك نزلة الكوب\حب..!الي بصدري لياسر ماهو بحب..شي ثاني..آسمى...واكبر...من مصطلح مثل الحب..
تقدير...آو...آحترام...آو...شي كبير تحسينه بقربك دايم ومستعد يضحي عشانك بئي شي.....لكن حب...قلت
يمكن احصله..بعد الزواج..وماكنت حتى افكر فيه او مستعجله على الحب..لكن ياسر جرح قدسية الرابط الي كان يجمعنا حتى لو ماكنت احبه..مفروض يحترم ها الشي...يحترمني على الاقل حتى في الخيانه..مايصغرني
عند الي يعرفوني حتى اعز صديقاتي ماتركها لي ياعمتي........!لاتدافعين عنه لئنه حتى مايستاهل احد يدافع عنه..
فلك\شوفي ياملوك لاتستعجلين بقرارك...ماراح تحصلين احسن من ياسر لشي بسيط انه فعلاً يحبك...واذا كان على خطاه اتركي له الفرصه ..وهو بنفسه بيصلحه حتى لو كابر.. وقال انا ماخطيت اكيد انه في قرارة نفسه عارف ومتئكد انه مخطي...مين بتزوجين يعني بعده...من الي بيرضى ياخذ ناس مثلنا..على قد حالهم وفوق كذا الديون راكبتهم ..والاخ راعي مخدرات ..وحتى انتي وظيفتك الرجال هنا مايحبون يتزوجون من الدكتورات يحسونهم
متفتحين وجريئات بزياده...ومجبولين على الاختلاط...
رفعت راسها ملوك وبتعب\انا عزمت..واستخرت...والخيره بيكتبها الله...
فلك\وهو من البارح محرق نفسه با الدخان ماطب فمه شي...اشوفه من شباكي طالع داخل...حالته حاله...وقام وماطلب الاقهوه بزعفران مدبول قلت مافيه ..راح وتعنى وجاب له ..وصلحت له...واعوذ بالله رجع لي الترمس فاضي....
الي اعرف ان المسمار هو الي يحبون الناس ان يثقل بقهوه هذا لا ..أذا مزاجه زفت قال لي حطي زعفران وكثريه...
تكفين يا ملوك اذا فيه مجال لصلح لاتخلين الشيطان يدخل بينكم..ترى والله ركبني هم البارح مايدري فيه الا الله..يعني حتى هو ماراح يقدر يدخل زي اول علينا وانتي بعد راح تضيق فيك الدنيا صدقيني اذا تركك..
ملوك آكتفت بصمت..
آضفت الشرشف على وجها وهي تسمع صوته مقرب والاكيد انه يكلم وباين عليه العصبيه...
طلعت بسرعه من المطبخ..
لكن لسوء حظها..التقت فيه وجه لوجه...
عقد حواجبه بعصبيه....
سكر الجوال ودخله بجيبه...\لحظه..
قالها هو يسكر باب المطبخ ويده الثانيه ماسكه معصمها بقوه...
ياسر بعصبيه\راسك فيه شي..!وش ها الحركه
حرك بعصبيه الشرشف وابعده عن وجها...
طالع وجها المحمر...واثار السهر واضح عليها....
ياسر\صاحيه..!تتغطين من من..؟
ملوك \منك..حتى لو ماطلقتني...مستحيل اسمح لك تطالع وجهي بعد اليومـ...
آكملت جملتها وهي تحاول تغطية وجها....
ياسر بعصبيه\قسم بالله مايمنعني عنك الحين الا مايقولون ياسر ضرب حرمه...
قالها وهو يشير بصابعه المجروحه آمام وجها...
ملوك باابتسامه\آيه..!ومن الي بيخبر الناس..؟ماحد...آضرب..ماظن ضربك بيكون
اقسى علي من الي شفته امس...عادي...تطمن ماحد يعرفنا عشان يعيبون الناس عليك...
ياسروشرار يتاطير من عيونه..تعوذ من الشيطان..
طالعها من جديد..
ملوك\تدري انت ليش ماتبي تطلق..لئن عندك عقدة نقص وتبي تخفيها...آنت حاطني وسيلة انتقام من جدك
لأآكثر ولا آقل...
ياسر بقهر..\آنقلعي من وجهي...ماقدر اتحكم بعصابي الحين...ملوك فارقي لفوق..قبل اوريك الحين
خرابيطك الي تقولينها على ارض الواقع....

ملوك طالعته بقهر..وطلعت ...
..
آنا..و..آنت
قـلب شـ / ـاري ..
و
قــلب بـ / ــاع ..
..
جناح سيوف...
طلعت من دورة المياه تمسح وجها با الفوطه الصغيره..
آبتسمت لجسار الواقف يتعطر ..
آبتسم ..وهي تحيط بئيدها رقبته...
جسار بضحكه\تصدقين..قليل اشوفك من دون مك اب..شكلك حيل حلو كذا...
كشرت بدلع \لآ..حرام عليك..ماثقله ..مكياجي حيل ناعم...
آبعد يديها عن رقبته بحنان..\حلوه سوسو بكل حالاتك...
تخصرت بغنج\يعني بعد مازعلتني مسوي تراضيني....آيه عاد حيل رضيت...
طبع قبله على خدها...\هآآآ..رضيت يا الغالي...
سيوف بتقطيب حاجب\الحين بعرفك بوسة الخد...رضاوه..!
آدار ظهره لها..راسم ابتسامه عذبه على شفايفه...
سحب محفظته الانيقه ...وآخذ الكارد..ونزله على الطاوله القريبه...
جسار\ خذي الي ناقصك..وكمان سوي تعديلات لمشغل..قبل ايام خبرتيني ونسيت...هاااا
رضاوتي ها المره جايزه لك...
آبتسمت سيوف بخبث وهي تسحب الكارد..\مشكور...جسار..والله قلت نسيت..
جسار وهو طالع برا الجناح\معقول سوسو..آنسى لها طلب...بس آنشغلت..يالله
حبي ..آشوفك المساء...
آشارت سيوف برقه تودعه
..
آنا..و..آنت
قـلب شـ / ـاري ..
و
قــلب بـ / ــاع ..
..
آبعد الشرشف عن وجه..والملاك الثرثار يصيحيه..
-قوم قوم..كلشي نوم نوم..قوم يالله..
سحبها بحضنه ولخبط لها شعرها\يامزعجه...
درر تعض اصبعه \آحسن عشان ثاني مره تقوم بسرعه.
بعد اصبعه وبضحكه\فار حشى جسار جايب له فار..ماهو بنت...درر ..لأتعضين انتي وجهك قبل والله لاارويك العض على اصوله...
درر بعصبيه\عمو ماما عورتني شوف شعري مره مو حلو شوف..
آنتبه عناد لشعر درر بتسريحه مشدوده وملفوفه بشكل غريب ...
جلس على السرير وهو يتحسب على سيوف بصدره..وطريقة شدها لشعر ..
سحب الفرشاه من الكومدينه...
عناد بضحكه\قومي قومي زمان اقشر.. بقعد افكك الحين ها الخرابيط الي في شعرك...عسى بس ماحد يدخل علي...
درر مافهمت عليه كثير لكن جلست ...
وبدى عناد يفك البنس بشعرها ويرمي دايركت لزباله =اكرمكم الله..
درر ببحه\عمي شوي شوي..عورتني...
عناد\اقول ليدي...ممكن تسكتين ترا انا على اعصابي لايدخل الحين احد...أسكتي...
درر بعصبيه\لاتقول لي آسكتي..عيب..
عناد بضحكه\آكلي تبن لا..بفرشه على وجهك بعد ناقصك انا تعلميني احمدي ربك قاعد افكك من الخرابيط الي بشوشتك..
آكتفت بزعل وتكتيف أيدينها بطريقه جداً مضحكه...
فتح الباب جسار ومعه الخادمه تسحب صينية الفطور..
جسار بضحكه\عشنا وشفنا العجب...!
عناد يطالعه بخجل..\آنت ليه مارحت لجريدتك..!
ترك عناد شعر درر مفكوك وصار يلف خصله على اصبعه ......
جسار \لآ ..اليوم بروح لجريده بعد الظهر...
عناد ضرب ظهر درر خفيف\روحي يالله ..خلاص انهينا المهمه بنجاح..تام...
توجهت درر لحضن جسار المبتسم..
درر بزعل\بابا صح عمو عناد..غريب اطواط...!!=(اطوار)وبعد مو حلو..
بضحكه \الله يابابا..غريب اطواط مره وحده من الي مخبرك فيها..
درر\عمومتي ..دايم تحكي انه عمي غريب اطواط...
عناد بعصبيه\أقول ياعجوز النار..خلاص من اليوم وانا ماحبك ومافي ليدي..ومافي الا الادرير او عجوز النار..الحين تسمعين منهم يتكلمون في حبيبك الي كان يحبك وتبوسمين انتي وجهك لا وتجين بعد تعلميني..
روحي انا دراي ماهي بمخليتك شهد من عرقها الي جعله القطع..
غرق جسار بضحكه \يووووه خربت بقوه بينكم...لآزم آحد معطيكم عين...
عناد قام من السرير متوجه لدورة المياه\عجوز النار لاعاد اشوفك بجناحي والله ماتعرفين الا ولدي بحجر عليك لما تزرعين في راسك الخوخ...
دخل وهو يكتم ضحكته...
جسار بنظره مهدده لدرر\الحين ليش تكلمين عمومك الي تحبينه بها الاسلوب..
درر بعصبيه\شوف شعري شوف..أنا قلت له بس يفكه شوي...هو خرب شعري كله..ماحبه ..
جسار بعصبيه نزلها\عيب ..ها الكلام تقولينه..ماتعرفين الادب..يالله اطلعي فوق..
آمتلئة عيون درر با الدموع..من وجه جسار الغاضب..
في ها الوقت طلع عنااد من دورة المياه..
آنتبه لدرر ووجها المحمر..
تطلع بسرعه من الجناح..
بتهكم\احسن يادرير..قديمك نديمك..خلي الحين احد يفزع لك ياعجوز النار...
...
نقف هنا...
...
قال صلى الله عليه وسلم
مامن عبد يذنب ذنباً..فيحسن الطهور..ثم يقوم فيصلي ركعتين ثم يستغفر الله الا غفر الله له..
..
دمتم بحب ضمني بين الاهداب...
..

السلام عليكم

واخيييييييييييييييييييييييرا عرفناا السالفه >>حريم مايرتاحن الين يعرفن كل شي خخخخخ
ضمضم ..الجزء اليوم احسه ربط لناا كل خيووط القصه ببعضهاا يعني عرفناا راسنا من رجليناا ..هههههههههههه
اجل طلع عناد هو عسااف ...؟؟>>فيس تفاجئ من السالفه اللي ماخطرت على الباال !!!!
مبدعه ياضمضم ..تدرين انك مبدعه مو بس برسم الشخصيه حتى في اسماء الابطاال ..اجدتي الاختياار ..احيانا الاسم يعطي القصه شكل اخر ..>>وجه نظر هههه
دائما وابدا اقول ان قصتك من القصص المتميزه عندي قلبا وقالبا ..
الله يحفظك ويرفع من قدرك ..يااااااارب

نجي لأهم حدث عندناا اليوم وهو اصرار ملوك على الطلاااق ..شف ياياسر انا من الاساس قايله لك ملوك ماتنفع لك ..لاتقول مو بكيفهاا الا بكيفهاا ونص ..ملوك لعنااااااد ..ودام لك احزااب فحزبناا هو المنتصر بإذن الله ....راجع ردي قبل كم بارت بتشوف اني معلمتك ان اللي تحس فيه ملوك ناحيتك مو حب ..مجرد شخص تعلقت فيه وهي صغيره واصبح لهاا الاماان ..بس غرورك وكبريائك مو متخيل ان فيه احد ممكن يرفض هالولد الوسيم التاجر الطبيب ...
بس ملوك برفضهاا لك راح توقف سيل الغرور وحب التملك اللي مغرقك ..

شهد ...بصراحه وقفتك اليوم مع عنااد وخوفك عليه كبرك في عيني ..حسيت وش كثر انتي تحبينه بس تغالطين نفسك احياناا ..بس تظلين الانسانه الحساسه اللي كل شي يأثر عليهاا حتى في اضعف الحالات تتلاشى الكبرياء ويحل قلبك الطيب في ملكوت سماؤك ليكون المحرك لك دون شعور ..
اتمنى ان اللي حصل اليوم يكون بدايه انقشااع الغيووم المتلبده بينك وبين عناااد ...

شهد ..ويااسر ...ليش لا ..!!!>>فيس بيجمعهم غصب عنهم
احتمال ان ياسر هو اللي يعالج شهد ..وبكذا ماراح ينفذ مخططات جده وعمته الا بتنقلب السالفه عليهم دام انهم رافضين ملوك علشاان العائله فشهد ..مالهم عذر لو تمسك فيهاا ياسر ..طبعا بعد مايطلق بنتنا ملوك ..>>فيس قرر خلاااص خخخ


ضمني بين الاهداااب ...
ورب البيت انك مبدعه بكل حرف تكتبينه ...الله يسلم لناا هالابدااع ياارب ..
بالنسبه للشخصيه الفرعيه اللي راح تموت ..مادري بالضبط مين راح يكون ..اممممم
احتماال انه رياان ...والاحتمال الاكثر انه ممكن يكون من عائله ملوك ...؟؟؟

ضمضم ..تسلم الاياادي يامبدعه ...والله يجزاك خييير على التنبيه باخر كل بارت ..
الله يجعله في موازين حسناتك ...
نلتقي بإذن الله ...

هاااي ضمضم

بارت كشف لنا السر

عناد هو نفسه عساف

والشبه اللي بينه وبين احمد
هوالاثبات وبما ان امهم وحده

واتوقع من كلام عناد مع جسار
انه يدري ان امه غير

وشهد حتى وهي شايفته
منهد حيله وتعبانه خافت
عليه بس لحظتها ورجعت
عقبها حليمه لعادتها القديمه


وملوك انفجارها مؤلم
كانت ساكته متجاهله هالشي
هي عارفه انه كذا بس ما
شافت بعينها
بس صدمها ومع اعزصديقاتها
واتوقع في كلامها شي من الصحه هو اكيد يحبهابس بعد
بياخذها وفي هدف غيرحبه
ان يفرض قراره وارتباطهم
على جده والظبي



وياسر طلعت منتب هين
خطتك لتدمير جسار خطيره
وش طرا عليك مشغل سيوف
يالداهيه
بس من كلامك ونغزاتك على
الظبي
بينت انها متمشكله مع طارق
وتحاول تبين انها العكس
والا ان ياسر صايد شي من
طرفها هي ورجلها مو قضيه
او اجرام بس اتوقع في شي
بس البارتات الجايه بتكشفه








والبارت هذا احسه ريح النوري
ماعاد تحوس وتوقع من الولد
الضايع





ايه صح نسيت ترا انا مع وضد
تصرف ملوك
وياسر غامضني بس اتمنى
ردة فعلها تكون قرصة اذن
له
مع انه في بعض اسبابه معه
حق هو بغاها بس هي صدته




وبس ان جا في خاطري شي
اقوله برجع


وتسلمين عالبارت الراااائع