صباح الخير يالغالية

(تكفين )زودينا بمفاتيح الرموز التي تستخدمينها في الردود
تحمست زود بتأكيدك:ويا سلوة الايام موعدك الحشر(اموت في الحب العذري) يعني سأستمتع بقصة ياسر ولا لسلواه عن ملوك ومو لازم يتزوجها بس لا يترك حبها
تحت تأثير روايتك أعدت قراءة جميل بثينة مرة أخرى
تفيضين رقة تجاوزت شخصياتك(بتال،وياسر)الى ردودك على القراء فاضفت تميزا في متصفحك لم تقرأه عيني من قبل
لك مني كل ود

بسم الله الرحمن الرحيم..
.
.
.
نظرة حقد44

.
.
.
مدخل...
البارحة ربي كتب لي ومريت ..
..دربٍ عليه بروق الأحباب لاحت


جيت المكان اللي جمعنا وخفيت ..
.. وقامت جروحي للجوارح وصاحت


ياليتني في لفة الدرب زليت ..
.. كان العيون من الدموع استباحت


التم غيم الدمع من يوم لفيت ..
.. وورقا القصيد لشوفة الغيم ناحت


وضحكت ماأبغي الناس تدري يبالفيت ..
.. لكنها غصبٍ على العين ساحت


حارت دموعي في عيوني وصديت ..
.. وأرمشت مابيها تبين .. وطاحت


وعقبه برق في العين براق .. واسقيت ..
.. خدي ووناتي بصدري تلاحت


وأنا أحسب إني في فراقه تشافيت ..
.. وان عبرتي من مدخل الزاد زاحت


اللي يحسب إني على البعد سجيت ..
.. والا ان عيوني للرقاد استباحت


ياليتني من قبل لا أحبه اقفيت ..
.. والا ان دروبي عن دروبه تناحت


أهون علي من البكا والتناهيت ..
.. وأشلا من سدودٍ على الناس باحت


عرفت كيف الحي يفرق عن الميت ..
.. وعرفت قيمة نعمتي يوم راحت


قولوله اني عقب بعده تدانيت ..
.. ورجلي عن دروب المعافين شاحت


البعد نار وطاعة العذل كبريت ..
.. يقصر على بعده .. ترى الكبد فاحت


\\من ذائقة سـهامـ الليل..^^
.
.
.

بدايه
صبآحكمـ بـطعمـ السكر..و..بياضه...
بآرت الـيوم..
يحمل بين طياته..بدايات ظهور شخصيه..لآآقول رئيسيه..لكنها سـ تلعب ب آثنين من الابطال الرئيسين كـ خيوط الدمى بين يديها..
ليـست محوريه..لكن...لآتقبل التجاهل..!
طرحها فيه من الفكاهه..!
و
فيه شدة الدهاء والتندر ب عقول من هم اثقل المتواجدين من ابطال على ساحة بعض العيون..!
.
.
.
آغـلب المتميزات خـمنو مايحتويه الـبارت...
.
.
.
آيضاً
راح آخذ فترة آجازه عن تنزيل البارتات مابين اسبوع..أسبوع ونصف..اسبوعين ونصف^^...
لعدة اسباب..
آختبارات الاخوات الـمتواجدون ب الروايه لـيتمـ له المذاكره ب عقل صآفي لآيشغله احداث ولآ ابطال...
و
تعب مرافق عيوني من 3 اسابيع ...
وكل يومـ والثآني آحس الضغط عليها يزيد.. الى ان احسه من قبل اربع ايام وصل لـراسي=(...
.
.
بس فترة راحه قصيرهـ...وآن شاءالله مآنطول عليكمـ...
.
.
.

.
.
.
لآتلهيكمـ الروايه عن الصلاة في وقتها..,
.
.
.
آطلت ملوكـ وبهدوء\رعد قوم ضيوفك على العشاء...
بتال بـثقل رجولي\لآ..آبو رعد هنا هو الي بيقومنا على العشاء..
.
.
.
قـشعريرة سرت ب الجسد..
ماان رئيته متوسط ب رجوله الـمجلس ورعديحاول التشبث به..
والصعود الى احضانه..
وهو..
محتدة نظراته لـي...
يكاد يقتلني بتلك النظرات...
ويحكمـ تقطيعي الى قطعٍ صغيرة جداً...

.
.
.
ربآهـ...!
لمـآ..تلك المصادفة القاتله لـ آرواح..
.
.
.
وتـقتل الحياء بدخولها الي بمجلس الرجال..
بزعمها..
انها متجاهله لـوجودهـ..
و
موجبه لـ ذاك البتال؟
لـو لمـ آتي..لما رئيت تلك المسخرهـ التي مسرحها منزلي..
وآبطالها ملوك ويآسر..
وضيف الشرف بتال..!
.
.
.
يآقآتله...
مرغتِ فؤادي حتى آستبحتِ آوردتي برماحكـ..
بقدمي آتيت لسآحات محكمتكـ..
كي آكوي ذاك الحب هنا..
وآدفنه هنا..
وآنوح على قبرهـ هنا..
لـم يبقي لي شي..
لآعطراً سكن الضلوع..
و
لآ
طيف آحباب ضمني بين آهدابه..!
لمـ يبقى سـوى..رماداً تذروه الرياح...
و
قلبٍ آقسمـ لكِ ان اقتله في يومـ مآ...
سـ آقتله..!
بـل...قـتلتيه..وآنتهى..!
ملوكـ..!
خسرتي خائن متسربلاً ب جلباب الحنين لـ آهدابكـ...
.
.
.

آبتسمـ عناد بـصعوبه و وقف \حـيآكمـ الله..آقلطو على الي ماهو بحقكمـ...
.
.
.
ترآجعت خطوات ملوكـ بـرتباك لـدآخل..
لـم يفت ياسر ذاك الارتباك ...
لـيتتبعها بنظراته خطواتها...الى ان غابت...
و
لمـ يفت عناد..نظرات يآسر الملتهمهـ...لـرحيل ملوكـ...
بتال بـممازحه وهو يهمـ بغسل يديه\الـنسوان يقربون البعيد يآولد سطامـ..
آبتسمـ عناد \الـي مثلك..ينشرى قربه بذهب..؟
بتال بـمحبه\ماعليك زود...!
فـتح عناد المجلس الجانبي لـتسقط عيني بتال على سفرهـ ممدوده.. منسقه.. و..
مرتبه بـ آطباق مرصوصه..
مزينه بـ آلآيدامات وابخرتها المتراقصه..
وصواني تخفي مابداخلها آغطيتها..
وآصناف آرز بـآكثر من نوع...
سـلطات منوعه..ومقبلات..
وآصناف الحلى بـ ركن قصي..
يـتخلله نافورة شكولآ صغيرهـ ب آخر طرف من سـفرة الحلا..
سفرة متكامله ومنسقه..
بتال بـخفة دمـ وتودد\ماشاء الله على بنتي ..هذي الي آبيك تـثقلها ب الذهب..
آبتسمـ عناد بـصعوبه..ولمـ يرد عليه...
بتال وهو يأخذ مكانه\الله لآيهينها ويرحمـ شايبها...
يآسر بمداخله خفيفه وقارصه\كل شي من بنت خالي زين..
.
.
.
أذكر إنيّ كنت بين إيدك وصنت..؟
وإذكر إنّك في جروحي " حاآتمي..!
.
.
.
ملوك بـخوف\عمتي هو هنا..هنا..عناد ب المجلس..
فلك كادت ان تشـرق ب العصير وقطعة الكيك\وشو..وش رجعه..؟
ملوك تـحبس آنفاسها وتعتصر اصابعها\مدري مدري..قرادة حظي الي رجعته...الحين وش اقول له وش ابرر له..
مارح يصدق انه جاء من غير مآعزمه..؟
وش اسوي عمتي وش اسوي..؟
فلك\وش تسوين..ماعليك منه..وش هـ الرعب الي مسويه لك...قولي له جاء مع عمي بتال انا ماعزمته والآتبيني اطرده يعني..؟
وقصة غيرتك هذي ترا مالها سنع..رجال وكان خاطبني ومتملكني وماحصل نصيب وطلقني..
هذي غيرتك منه وهو ماتزوجني مثل اي زوجين ..؟
كيف عاد لو انه زوجي بحق وحقيق وش كان بتسوي فيني..!
آردفت\آسمعيني..قولي له ياهتلر..اما تسنعت وقضبت آرضك وتركت عنك الغيره الي ماهي في مكانها..
والا تراني بروح مع عمي وعمتي..ماهمـ عجزانين فيني...ايه والله..!
آكملت فلك آكلها لكيك وشربها لـ العصير..
ملوك \والله انك ماعندك الا بتال عمي يحوفك حوف..ليتك بس تشوفين هتلري لو ليل..والله لو اقول له هـ الكلامـ...
ان يمسكني الباب قبل آخلص..تعشي بس ...تعشي..!
غرفت ملوك العشاء لـفلك..ووضعته آمامها..
فلك\عطيني بس آتعشى..ماهو حاس ب الجوع الا انا..والا بس ابو غيرهـ يدور للمشاكل وبس..وان كان فيه خير يسوي لك شي الليله..؟
أنا بنامـ هنا..ماعلي منه جاء والا آنقلع..
صدق والله هـ الرجال مآعندهـ شي اسمه ماضي وانتهى..!
.
.
.
أذكر إنيّ كنت بين إيدك وصنت..؟
وإذكر إنّك في جروحي " حاآتمي..!
.
.
.
دلـف الباب الرئيسي لـ الفله..
لـتسقط عينيه على العائله متواجدون ولـثواني معدوده توجهت الانظار اليه جميعها..
الـقى سلآماً خفيفٍ لآيكاد يـسمع..
من ثمـ همـ بصعود الدرج...ف..آستوقفه صوت سطامـ...
سطامـ\آبو درر تعال لي ب المكتب..
جسار بصوت آشبه ب الهمس\مرهق وابي انامـ..آلسموحه منكـ..
سطام بصرامه\آنتظرك..!
دخل سطامـ المكتب لـيتبعه جسار بخطواتٍ ثقيله حتى دخل المكتب..
ام جسار\والله العظيمـ من الفشله والـوجع الي بقلبه..ماحتى سلمـ علي وبآس راسي مثل عوايدهـ...الله ينصفني في سيوف يارب..
شـهد \حتى ريان تعبان حيل من بعد السالفه..اليوم طلعني انا وضي من الغرفه وعطوهـ مهدئ ثاني لن المهدئ الاول ماخذ مفعوله...
يقول احس الوجع بعظامي يزيد احس جسمي يـشتعل نار علي...
رحمته..والله العظيمـ..رحمته هو وضي الي ذبحت نفسها من البكا...
ام جسار\بنت الأبالسه...ذبحت نفسها من البكا...تقتل القتيل وتمشي في جنازته..وش تبي برجال اهله مايدرون ب زواجه...؟
ها...وش تبي...؟
وين آهلها..مايضفون بنتهمـ..من الشوارع...وش هـ الاهل الي رامين بنتهمـ بهذا الشكل..؟
شهد بدفاع\يمه الله يهديك..البنت محترمه وخلوقه وبنت عالم وناس..لآ..تقولين هـ الحكي عنها...
الجده هيا\ماعلينا من البنت..لكن العيب فيتس يا شهيد..اجل صاحيه انتي شايفتن الـضعيف متكسر ومجمعين عظيماتها يا قليبي ولآفين عليها تقولين عوداً متكسر..وتروحين تعلمينه بسواد وجه ..!
آلمرض وانا امتس ماهو براستس..المرض في قلبتس هـا الي غاطس مامنه فود..ولآمنه رجا...!
آبشرتس ..آبشرتس يآم جسار..ب
تفضحتس عند الرجال الي بتاخذه..هذي وجه عرس..!
بتزوجين هذي..؟
المهر فيها خسارهـ..وانا اشهد..!
شهد\يمه هيا..وش ذا الكلامـ..وش الي المهر فيني خساره ليش تتكلمين دايم كذا عني..ترى والله عقدتييني من طريقة كلآمك هذا..
الجده\آقطعي وآخسي ترادين جدتس بعد..بكرا يآمي بكرا اذا اعرستي..بتفضحينا بعد برجال بتعلمينه بعلومـٍ حنا في غنا عنها...
وبيقضبتس الباب عاد شناط عرسس مافتحيتيها..!
شهد وقفت بعصبيه وتركت المكان ..
الجده\آيه ..آيه..روحي آرقدي الحين ..ولآ انتي برافعة ذا الراس الا اليوم الثاني المغرب..ماقول ليتس مانتي بنتٍ لولدي..!
ام سطام مقاطعه\بس ياخالتي والله كثرتي عليها في شيٍ مايسوى..آول العلم او تاليه..بيدري فيه ريان..ليش تنرفزينها بها الشكل...لآحول ولآقوة الا ب الله..
الجده\آبي ابرد حرتي في آي احد..ان جلست كذا انهبلت..آسكتي بس خليني اسمع وش سطام بيقول لـولدهـ..يالله حسبي عليها...قلبت الرجال..
شفتي وجهه يوم دخل علينا..!
يآلله ياكريمـ ترفع عنه وتجبر قليبه..
.
.
.
سطام بحده\تترك شي صنعته بنفسك مال احد عليك منّه فيه...تترك شي انت بنفسك ذقت طعمـ العلقمـ لين كبرته..؟
شفته طفل من لحمه..
اي شي يـ آذيه وكبرته لـين صار رجل له كلمته و يستظلون بظله..!
انت مابنيت جريده..كلامها حرف ..وسايسها قلمـ..!
انت بنيت جيل كامل....فيه الطفل والرجل والمرأهـ..والعجوز والشايب..؟
كيف تترك هذولا كلهمـ..عشان وحده ماتسوى مواطي رجليك..؟
جسآر\بس يبه..بس..
سطامـ\جريدتك اسمها صوت المواطن..ماهو صوت جسارالراسي..صوت المواطن...!
تفهمـ...صوت المواطن..!
يعني ماهو انت بلحالك...
هذا صوتي..صوت امك ..صوت جدتك..اخوانك بناتك..اختك..
جارك...
الشارع..
المباني..
الاسوار...!
الارض...!
كلنا ..صوتاً..ماهو صوتك وبس..
جسآر بمراره\بس يبه بس..!
سطام بحزمـ\وجع امه...وجع دوله...وجع آرض...مالنا حدود في الحرف..ولانسمح ب القمع..
ولآ التكميم...
مانسمح ب انكسار اي قلم من اقلامنا..صغير او كبير..دامه قلم شريف ومايقبل ب الحق لومة لآئم..ماسمح لك ياجسار ماسمح لك..
جسآر\بس يبه بس..
سطام بصرار\مادرستك وربيتك وصرفت عليك وسهرت معك الليل...عشان من هزه تطيح...كبرتك ودخلتك معترك الرجال..عشان ترفع راسي وانا حي او ميت...؟
ماسمح لك تضيع تعب وحلم السنين عشان وحده ماتسوى مواطي رجليك...!
ماسمح لك قبل لآتكسر نفسك تكسرني معك عشان وحده ماحفظتك حاضر وغايب!
ماسمح لك تهد كل الي بنيته عشان حقيرهـ..ومريضه...وماراعت لها ذمه..!
مآسمح لك تهد لك صرح..عشان حفنة تراب..!
جسآر بـ حده\كيف تبيني آشق صدر الـتلاعب والانحطاط والـفساد والظلام..وصدر ثوبي مشقوق..!
كيف تبيني اوقف..ورجليني الثنتين مبتوره..!
كيف تبيني امسك القلم وانا من غير اصابع..!
العب على الناس..؟
اكتب عن الشرف والحقيقه و الصدق..وآنا آكبر كذاب..!
ماترضاهـا نفسي علي ...ماترضاهـا نفسي علي...لآ..ماترضاها
انا
اليوم
وبكرا
وبعدهـ
وسنين طويله...!
رجل أمي..!
لايقرا...ولآيكتب...!
ويمكن بعد آصم وآبكم!
.
.
وقف جسآر وخطى الخطوات ...لترك المكان..
تحت آشتعال سطامـ وكلماته المتهكمه الخارجه بمرار\لـيتني ماسميتك جسار لـيتني سميتك خاذل!
.
.
.
جسآر...!
آي وجعاً تريد ان تهرب منه...
لآ
ليس ذاك الدور..ولآ..ثوب التراجع والخذلان ثوبك...
آنت لـنا صوتٍ ومتنفس...
آي صرحاً ينهد وهو صرحاً من القلوب النابضه بحب تلك الحروف التي تخطها اناملك..!
قصرك ليسٍ من الرمال...حتى تذره الرياح..!
قصرك كل شخصٍ يعشق ثوب الحريه..
لآتركن لـ الكواليس...
.
.
.
أذكر إنيّ كنت بين إيدك وصنت..؟
وإذكر إنّك في جروحي " حاآتمي..!
.
.
.
بعد ساعه ونصف
.
.
فلك بآبتسامه صفراء\آحس شكلي غلط بينكمـ انا ومناف...
مناف بـخبث\انا على الاقل ماتزوجت..آنتي الي زوجناك ومافتكينا..
فلك بتمتمه\زوج الثلاث لآيرتاح ولآنسوانه يرتاحون...خلها على ربك..وانت خلك عزوبي احسن لك من وجع القلب...
مناف بتهكمـ\ليه يا ابليس تحسد ادم على الجنه..!
فلك تشير بكلتا يديها له\كش عليك..اجل عساك ماتقومـ بعد..آشبع بجنتك..
ملوكـ\غرفة الضيوف لكمـ فديتكمـ...طبعاً كنت فارشه لك فراش بغرفه ثانيه لكن الـسندريلا ينقال لها تخاف تنام لحالها..فـ رأفه بحالها لك فراش معها ..
مناف\ليه عشان تقوم تنشب بحلقي آخر الليل تحسب اني بتال..لآحبيبتي...آفرشي لي بغرفه الثانيه..
فلك بـتهكمـ\بسم الله على بتولي..انت من جدك ترفع عمرك تشبه فيه..آسكت بس لآ آحد يسمعك ذاك المبسمـ ولآريحة دهن العود الي فيه...بـتخليني آضيعه ..
ولآآآ...من فيه ..؟
فيك...!
ماقول الا الله يعينك على نفسك واثق بعمرك بزيادهـ...!
آقصر الحكي بس وفراشك بغرفه الي بنام فيها...لآتسمعين حكيه بس يامليك روحي لـرجلك الهتلري.!
آستدار مناف بستغراب\ليش مسمينه هتلر..؟
فلك بتهكمـ\وانت وش دخلك..ويقولن الحريم ملاقيف...آجل انتم وش نقول عنكمـ؟
ملوك برتباك\تصبحون على خير ...البيت بيتكمـ..المكان الي يريحكم نامو فيه ..
تركت المكان وصعدت الدرج...
ماهي الا لحظات ودلفت الباب...
.
.
.
مستلقي على فراشه ممدوده آحدى سآقيه..
متوجهاً ب آنظاره...لـرعد النائم بملآئكيه..على الرخامـ البارد..
بعد ان مل من اللعب وآستلقى بجانب العابه من ثم نام بهدوء..
لمـ ينتبه له...!
ملوك بـهدوءٍ مرتبك..
تدخل بخطواتٍ قصيره لـتحمل رعد من الرخامـ وتلفه ببطانيه ناعمه..
وتضعه ب طرف السرير...
.
.
.
هدوءٍ تآمـ جداً...
لآشي...
سو آنفاسٍ ثائرهـ كـ براكين..
حان وقت آثآرتها..!
.
.
.
مسحت قطرات العرق من جبينها...
بلمسه رقيقه..
وشدة شعرها لـينسدل على جانبها الايمن..
بهدوء..
.
.
.
صآمت..!
بل
بحراً هائج..!
.
.
.
وقفت بهدوء..
وفتحت دولآب ملآبسها..لتشد بجامة بلون السكري..
دخلت دورة المياهـ...
من ثم خرجت وهي مرتديه له..
ورآئحة عطرها تسـكر الاجواء...
.
.
.
يآلله..
وكأني غير موجوده..
آيعقل آنه لم يشعر حتى بدخولي...
نظراته مازالت مسلطه على المكان الذي كان رعد يلعب به..
لمـ يحرك سآكن من دخولي..
مآبه..؟
آهذا..مطراً خفيفٍ يخبئ ورائه الطوفان..!
ام
ماذا بضبط..؟
.
.
.
حرك عينيه لـثواني معدوده ب المكان...
من ثم جلس ب استواء..
لـتجلس هي بقربه..
همسة بعذوبه\والله العظيمـ هو جاء من غير عزيمه ومن غير حتى آدري...وكنت بخبرك اول مآتوصل لـ البيت..
بـكلماتٍ هادئه كـ السمـ آو اشد بنصلها..\بعزمـ عمي وبعزمـ عمي..؟..قولي ب عزمـ هـ الكلب راعي الحب القديمـ..
الي انامادري عنه شي..وبيتي هو ملتقى العاشقين..!
.
.
لم يسمح لها ان تتراجع لـبضع خطوات..
.
.
حـتى شد ذراعها بقسوه\آخر انسان تفكرين ياهانمـ انك تستغفلينه هو انا...فاهمه انا....هـ الكلب الي اسمه ياسر...مآراح يوصلها لبر الا لما اقطع له لسانه...
وانتي ياهانمـ آشكالك مارين علي كثير...
لآتفكرين في يومـ من الايام انك ممكن تستغفلين عناد...فآهمه..لآتفكرين...
.
.
آفلتت ملوك نفسها من عناد ب قوهـ...
وتوجهت لـدورة المياهـ لتقفلها بـشده على نفسها..
عناد ب باب الحمام\آفتحي الباب ...آفتحيه لآ اكسره على راسك...آنا ..بيتي يـلتقون فيه الاحباب...!
انا....
تسغفليني ياملوك...تسغفليني...!
لآآآآ
آذا ماربوك اهلك آربيك...وآمشيك على الخط الـصحيح ...
ملوك بـ بكاء وصوت مبحوح\مآقدر احلف وانا بها المكان النجس...ليش كذا تظن فيني...ليش ياعناد....مافكرت الافيك...مافكر في ياسر...
آنا استغفلك..؟
ليش...وعشان ايش..؟
انت مـــــــالي عـــــيني ليـــــــش ادور غيرك ليـــــــش...
عناد\آفتحي الباب نتفاهمـ آفتحيه...
ملوك بتهدئه\مآراح افتحه ...آذا فتحته راح تمد يدك علي...وانا مستحيل اقعد معك ليله بعد ماتمد يدك علي مستحيل...
آنت آقصر الشر...
وآدحر الشيطان وهـ الافكار الي ماهي بصحيحه براسك آتركها...!
عناد بحده\آفكار ماهي صحيحه...جيت البيت وهو مترئس مجلسي..؟كيف تدخلين بيتي شخص مابيه يدخله..آطلعي عشان نتفاهمـ آطلعي..!
ملوكـ بحده\نتفاهمـ..!..تبـي تمد يدك علي ..صرت آعرفك...آنت ماتقدر تمسك نفسك اذا عصبت...؟
وانا مو بنت رجال اذا جلست معك فوق ضربك لي...
آهد ياعناد آهدى..الي براسك ماهو صحيح..هو جاء من غير ماعزمه وصعبه اطرده كيف اطرده..؟
عناد بحفيف بقرب من باب الحمام\نامي بمكانك لكن بكرا راح تشوفين شي مايسرك يابنت الرجال..!
.
.
.
أذكر إنيّ كنت بين إيدك وصنت..؟
وإذكر إنّك في جروحي " حاآتمي..!
.
.
.
آغلق ياسر باب سيارته ب استغراب ...
بتال وهو يخطي الخطوات بعد آقفاله لمكالمة بينه وبين فلك..
وبستغراب\نسابتك فيهمـ شي..؟
يآسر وعينيه تراقب وقوف سيارة عبد المجيد ..
من ثم آتكاء والدة رهف على عبدالمجيد و رهف تسآعدها هي الاخرى بمشي..
يآسر بـتمتمه وهو يشد الخطوات لهمـ\مآدري الله يستر...
شد الخطوات السريعه لهمـ...
ماهي الا ثواني وهو يقترب...
وبهتمام صآدق\سلآماااات...سلاماااات يمه....
عبد المجيد ب ابتسامه هادئه\بسيطه بسيطه...السكر آنخفظ معها مرهـ..وتوني مطلعها من المستشفى...
لآتقلق يابو عبدالعزيز..هي بس تشوف غلآتها عندنا...
قبل يآسر رأسها\الف سلآمه عليك يا الغاليه الف سلآمه...
لمــ ترد..
فقط مجهشه بسكب العبرات الموجعه...
تخـللتها فقدة ولوع...
ليت الايام تمضي....لـ للقائها.. او ...لـ آنتهاء الوجع ب الموت..!
دلف الباب ياسر ب آهتمامـ..
لدخولهمـ...
عبد المجيد\الله لآيهينك ...
آبتسمـ\يآالغاليه...ان شاء الله بخير..
آشارة ام عساف برأسها لـتمضي لـداخل الفله بمساعدة عبدالمجيد..
لحظات..و...
آنتقلت عينيه لتلك التي تحرر وجها من الـغطاة السوداء التي كان يختبئ خلفه بدراً مستدير بتمامه واكتماله...
دموعٍ صآمته هي من كانت
تغدق على ذاك البدر...
آبتسم بستغراب\لآآآآ...كذا مايرضينا..تعبها بسيط ان شاء الله...
عانقة اصابعه البارده حرارة وجنتيها..
لـيمسح ذاك الدمع المنسكب
رهف بألم\هي تعبانه...و..الي فيها بيزيد التعب عليها كل يومـ..
.
.
صمت..فقد تكون آموراً عائليه لآتعنيه..
.
.
خطى الخطوات خلفها وهي تفتح لـه باب المجلس من ثم ..\تفضل...
يآسر دخل بخطوات هادئه ..
فجلس بركن هادئ ب المجلس...
يراقب خطواتها الراحله..
.
.
.
شيٍ صغيراً جداً من الراحه النفسيه يجدها هنا...
بين ثنايا ابتسامات تلك الامـ..
وبين ترحيبٍ صآدق من ذاك الاب..
شيٍ صغيراً سـ يولد هنا..
.
.
.
قلـب عينيه ب المكان..
لتسقط مرة آخرى على ركن الصور...
ذاك الركن يشدهـ اليه لمرة الثانيه...
ف يقف بهدوء ويشد الخطوات له..
يتأمل الصور ويقلبها...
لـتسقط عينيه من جديد على تلك الصورهـ..
لـ الطفل..
آبتسمـ..!
.
.
.
رهف وصوت كأس العصير يوقضه وهي تضعه على الطاول الـزجاجيه..الملونه ب الالوان الـغامقه..\شـكل هـ الركن معجبك بزياده..؟
الـتفت بهدوء لها..وخطواتها تقترب منه...
لـتشير لتلك الصور برقتها..
هذي انا..مع بابا...
وهذي..!
آبتلعت ريقها\هذي صور آخوي عسآف..وفيه صور ثآنيه لـ آخوي آحمد بس امي ماتحب صور احمد تكون ب اي مكان..!
يآسر ب تسائل\آخوانك..أحمد وعسآف...وين عساف..وليش احمد امك ماتبي صوره ب المكان..بينكمـ خلاف..أو شي..؟
آبتسمت \لآ...آحمد توفى الله يرحمه قبل كمـ سنه...عشان كذا امي ماتحب صوره ب البيت...
شدت ب آصابعها الرقيقه ايطار صورة عساف منه\وعساف توفى وهو صـغير..!
لتعيد تلك الصوره ب مكانها..
قطبت ملآمح يآسر مآ ان سمع ب موت صاحب تلك الصورهـ...
وتلك الصور تتزاحمـ برأسه...
لتعانقه ضحكات ذاك الطفل رعد..
الذي يشبه صاحب الصورهـ ب شكلاً كبير...!
يآسر بهمس\توفى..توفى من ايش..؟
رهف بضيق\توفى وخلآص...يآسر لآتفتح لي سيرة آخواني...خلآص...
يآسر بستغراب\طيب ليش صور احمد ممنوعه تطلع ب المكان وصور عساف مسموح فيها..كل الاثنين متوفين..و...
رهف بضيق..
وعلآمات ذاك الضيق آرتسمت بحمرار وجها..
لـتصاحبه تزاحمـ دموعاً ب عينيها...فتقاطعه..
رهف\يآسر الله يخليك آرحمني من فتح مواضيع اخواني..
جلـست ب الـاريكه..
تبتلع كميه كبيره من الـلعاب المالح جداً
لتدسه ب وجعاً ك السم
بجوفها..
الموت صعب ذكرهـ
فما بالكمـ
بذكر آشخاص آقرب من الوريد
آختطفهمـ..!
.
.
.
آحمد مآت..!
و
عساف مات آيضاً
وماتعيشه امي ..بضعاً من الاحلامـ..و..الكوابيس..
وهمهمة آكتئاب..
وتبعاته..!
آكثر من ثلآثين سنه...هو مختفي..
وتبني الامال لـ لقائه...
لن تجدهـ...بتأكيد...
فـ هو مرافقاً لـ آحمد في عالمـ النائمون تحت التراب..
ربآهـ..
بضعاً من الصبر آغث قلوباً الملتهبة من الفراق به..!
.
.
.
يآسر برقه ويدهـ تعانق يدها...وترفع فكها قليلاً له\ماكان قصدي..بس كنت بتعرف عليكمـ..والمصادفه اليومـ شفت طفل يـشبه عساف حيل..لآ آكثر ولآاقل...الله يرحم ميتكمـ..
هزت رأسها بوجع..
لـتترك ذاك الخيط ينفلت من جديد من بين اصابعها..
كـ
السراب..
.
.
.
آبتسم يآسر ممازحٍ لها\صـلحـتو الشباك والآ..آرسل عمال يـصلحونه لكمـ..!
آرتبكت وهي تـهرب بعينيها عنه\هـآآآ..اي شباك..؟
يآسر\شـباكك...؟
رهـف\آيه قآلت لي الخادمه ان فيه نآس من الشارع همجين يرمون حجر بطيش مراهقين..وب الـخطأ صآب شباكي..!
يآسر آبتلع كلمة الهمجين والمراهقين..\ودفشين بعد..!
آبتلعت ريقها ب خجل...
لـيردف\ويغارون فـ..لآتجربين تـختبرينهمـ...
آبتسمـ\تصبحين على خير...بـتطمن على الوالده اذا قدرت بكرا...
.
.
.
أذكر إنيّ كنت بين إيدك وصنت..؟
وإذكر إنّك في جروحي " حاآتمي..!
.
.
.
آبتسم بتال على ترحيب مناهل الـحميم له...
لـتسابقها مناير بـأخذ شماغه ..مبتسمه...
بتال قصد مكان مناهل التي ذهبت بخجل لـتجلس فيه..
لـيجلس بجانبها مبتسمـ...
وهامساً لها بعدة كلمات جـعلتها تبتسمـ ببرود..!
تـلقى اشارة الـبرود بـ آستغراب..فضل الصمت بعدها قليلاً...
لـيرى مآورائه..!
الـظبي مبتسمه..لمـ ينتبه لـ آنحائتها له\مساك الله ب الخير ياالغالي..
رفع رأسه بمفاجئه لتفاجئه بقبله رقيقه على رأسه..
بتال بـ آبتسامه\هلآ وغلآ..بنور البيت ..شخبارك يا الغاليه...,
ممسكاً بطراف اصابعها الناعمه ويشدها لـجهة الاخرى بجانبه لـيحتضنها بذراعه..ويشدها لـقربه آكثر..
الـظبي ب آبتسامه \بخير ..وين ياسر مآكان معك في العزيمه الرجال الي رحتـو لها..؟
بتال مبتسمـ وبخبث\عند حبيبة القلب الحين..؟
الظبي بفرحه\عند بنت عبد المجيد..!
آردفت\غريبه..الوقت شوي متأخر..
بتال\شآفـهمـ راجعين وشكل امهـا تعبانه..وشفته دخل معهمـ..آذا جاء سـئلنه..
مناير مقاطعه\الـرجال الـي رحـتو لهمـ..ماعزمو عمي..وش هـ الرجاجيل لي مايعرفون السنع..
بتال \بلآك ماتعرفينه هذا الرجال..والله انه اطيب من الف شنب..!
مناير بـتقطيب\الله يكفيني شر رجالكمـ..!
غرق بتال بضحكه رجوليه سآخرهـ...
من ثم آردف\وليه..؟
مناير بـتهكمـ\لو انه اطيب من الف شنب..مانسـى الـعود..سآس الطيب...وربعك قليل وكلهمـ يعرفون عمي كيف مايعزمونه!
آردفت\لكن آلآكيد انها مرهـا ماهي برجال راعية هذي العزيمه..
بتال \ذكيه..بس ماراح اعلمك من هي راعية العزيمه..؟
مناير\لآتـكون رابعه بس..أنتمـ يا الرجال اذا فتـحتو باب ماعاد تسكرونه...
الـظبي بهمس\حـكي مناير صدق..؟
بتال بنظره جانبيه\وش تبين بعد يا الظبي تـحقيق زيادهـ ..؟
الظبي بخجل\لآفديتك بس مستغربه..عزيمه ومن مرهـ..من قرايبنا يعني..ومحرم لك..؟
بتال\قريبه ..و...بعيدهـ...
الـظبي ب آبتسامه\من..؟..شـوقتني..؟
بتال \مآهو لآزمـ تعرفون....
لـحظات وتوسط ياسر المكان...
صآحب دخوله..خروج الـجد من مكتبه...
لـيقبل رأسه ب ابتسامه\مساك الله ب الخير ...
مقرن\مساك ربي ب الرضا..
بتال بهمسٍ ضآحك لـظبي...لـيحمر وجه الـظبي بخجل...
فـ
يـتلقى ياسر الاشاره ويجلس ب كرسيٍ اشبه ب البعيد عن مكان الظبي وبتال..
وب القرب من مقرن..
يآسر بتهكمـ\وش تحش فيه ياعمـ..ترى كله من حسناتك...
بتال بتهكمـ\ماحش بس آقول وجهكـ نور فجئه...تـهقين يا الظبي من ويش..؟
يآسر بـسخريه\صـل فرضك ينور وجهكـ..الموت لو تروح حياتك مطامر في رضى الثلاث..بيضيع العمل وبيضيع الـعمر..!
بتال غرق بضحكه ..و..صمت ...
مقرن\وش صآر ب آجتماعكمـ...مع سآري..
يآسر بـتقطيب\آسمح لي يبه..الشخص الـهـزلي..الي ماهو ماسك الشغل جد..وجالس بس ينكت ويقط خيط وخيط..ولآهو محترمـ شي...
مادخل معه في اي شغله..!
قضب بتال آوراقه..وحوله عليه..
انا وذاك المريض النفسي..مانجتمع بعد اليومـ على طاوله وحده...
واذا تبي...آحجز له سرير ب شهار على حسآبي الخاص...حجزت له
حالته متطوره مع جنون العظمه..مادري جنون الخبال الي في راسه...ماينسكت عنه ماينسكت مادري كيف هادينه ب الشارع..!
.
.
ملآمح وجه يآسر كانت متقرفه الى ابعد حد..!
بـل
مشتعله جداً...من ذاك الـشخص.!
.
.
.
مقرن\لآ..لآ..لآ...وهذا وهو بيناسبك..؟
وقف يآسر بـغضبٍ لآ آرادي\يناسبني..يناسبني في من..في من..؟
الـتفت يآسر بشكلاً لآ آرداي في المكان\مافيه الابنات عمي بتال..احذفهمـ للشآرع ولآ آحذفهمـ لذاك الـشخص...؟
مقرن\آجلـس..آرتاح...لآآسمعك تتكلم عن سآري بهذي الطريقه مره ثآنيه...
يآسر مهتز بشكل كبير من الغضب\يبه..من يخطب فيه..
قآطعته الظبي بـستغراب\فـيني....؟
يآسر بـغضب\فــــــــــــــــــيك...!
آردف لـمقرن\في الـظبي...يخطب في الظبي..والله لـو يجي عند عتبة ها الباب ان البسه ثوبه ب المقلوب...
ترك المكان ب غضباً جامح...
مقرن ابتسمـ\بتال..هو سآري مثقل العيار على ياسر..؟
بتال بضحكه جانبيه\طـلعه من ثيابه...
.
.
.
أذكر إنيّ كنت بين إيدك وصنت..؟
وإذكر إنّك في جروحي " حاآتمي..!
.
.
.
فـتحت بآب الـحمامـ لـتطل برأسها..
فـ وجدته متمدد على السرير ...نائمـ..!
خرجت على رؤؤس اصابعها...
لـتشد لها مفرش من الدولآب..
مآان التفتت الا آطلقت شـهقة مكبوته..
كآن ورأئها مبآشرة...
ولـم ينطفئ غضبه لـو قليل..
يـغـلي جداً..
وهذا متضح تماماً من آنفاسه الثائرهـ...
تراجعت خطوتين لـخلف تحت حفيف صوته\وش صآر من وراي..؟
سـئلك مثلاً مبسوطه بحايتك الحين بعدي..؟
والا قـآلك..حـلو بيتكـ...؟
والا يمكن قآل باقيه على الـحب القديمـ..يمكن الجديد ماعجبك..؟
آشارة برأسها بـنفي تماماً\لآتـكلمني بهذا الشكل..عناد لآتسوي كذا انت ترعبني بـ شخصيتك هذي..
حشـرهآ بـزواية المكان..
لـتنفلت من بين يديه وتتوجه لـ زواية الاخرى من الغرفه
بـحده\آنتي تعرفين ان انا انسان يغار ومع كذا مصرهـ الا تقابلينه او هو يقابلك...و ..سبحان الله...صدفه..و..وين بـبتي..!
خطى خطوات وآسعه لـيحكمـ امساكه بـكتفيها..\آقسم لك بالله كل الـي براسك وسواس شيطان...يآسر مايتكلم بأمور صارت من الماضي...وحتى لو تكلمـ آنا ماسمح له...
عناد انا زوجتكـ..والله الـعظيم مع معاملتك القاسيه والجافه معي آحبكـ...
لآ..تـجبرني على كرهكـ...
دفعها عناد عـلى طرف الـسرير بـحدهـ..\تـحبيني..تستهبلين انتي..قصدكـ تشديني لـك وتغرقيني بسمك..
عشان ماشوف الا بعيونك ولآ اسمع الا ب اذونك..وتلعبين بعدها على مزاجك..
آتكئت ملوكـ على كلتا يديها لـتتراجع للخلف\لآآآ..انت مـتعقد من شي...آصآبعك ماهي مثل بعض..
بـحفيف انفاسه\بضبط متعقد..وبطلع العقد هذي فيك..و..شرايك..؟
شـد سآقها..
لـتحاول آبعاد احكام يده بربلة ساقهاـ..ب آنتفاضات متكررهـ..
وصوت مبحوح مرتجف\عناد..لآ..ترجع تضربني...بـوجه كل غالي عندك..لآتضربني...
.
.
صوت رعد هذه المرهـ...!
كآن الـمنقذ..
لـيعلن تواجدهمـ بساحة عدل طفلاً باكي...
هو ..
قآضيهمـ الذي فصل اليوم بينهمـ...
.
.
ترك عناد بقرف سآق ملوك..\قسم بالله لو ما رعد موجود كان شـفتي شي مايعجبك..شـيلي هدومك وآنقلعي مع آخوك...
.
.
.
ضمت ملوك بعد رحيله..ذاك الطفل الباكي لـيهدئ بعد لـحظات على صدرها...
بآكيه..
متوعدته بتأديباً لـه..
وترويض شكوكه..
لمـ..
آتي لـهذا البيت لـ آخرج منه ..
آتيته لـتوج مـلكه..
ورغماً عنه سـ يحترم قوانين مملكتي..وينبذشكـه..وتجبرهـ..وعنادهـ..!
.
.
.
آغلق الباب بـ آحكام...
وفتح آزرته العلويه لـثوبه\وش في خاطرك ضايق..
آبتسمت بهدوء\ولآشي...؟
بتال برقه\بتقعيني عقلي..وعيوني تقول فيه..؟
مناهل بـصوت متحشرج وهي تجلس على طرف السرير\قـلت لك مافيه شي...
جلـس بقربهاوآطراف اصابعه البارده تعانق فكها لـتميله له\محتاجه شي..آهـلك فيهمـ شي..مضايقك احد ب شي...
.
.
مآ
ان ذكر الجميع..
ب
استثنائه..
الا
وانخرطت ببكاءٍ شديد...
و
غطت بـكفيها وجها...
.
.
.
آنصدمـ بتال بـ بكائهـا..ليزداد قلقه بشدهـ..\وش صاير..؟
مناهل بـتماسك مسحت وجها بكفيها وتصنعت التماسك قليلاً
لتقف تريد التوجه لدورة المياهـ..\مافيه شي..
آجبرها ب الوقوف والرجوع لمكانها بـقبضة يده المطوقه لـمعصمها..\وش فيك..تبكين وتقولين مافيني شي..وش صاير...؟
مناهل بـتماسك\آبي آتطلق منك...؟
آشتدت تقاسيمـ بتال ..\وليش...بدر مني شي ضايقك بهذا الشكل..؟
مناهل بـنحيب وصوتٍ من اعماق الوريد\آنا تعبت مابي قربك البارد ..ولآابي هـ البيت الي كل شي يذكرني فيه اني ماحملت ...وش تبي في وحده ماتحمل ولآلها فايدهـ...
مناير بنت عمك وام بناتك...فلك الي تحبها من سنين رضينا والا ارضينا...هذي هي بصدرك وبعينك وب آنفاسك و واقفه بينا في كل شي...وزيادهـ على كل هذا حامل وكلها كم شهر ويشرف طفل جديد...
وانا...انا...أنا....وين مكاني بضبط في هذي المعادله...؟
مركونه ب اقصى مكان مظلمـ...ماتشوفه ..ولآ...حتى تلمح طيفه...مآبيك يابتال ..مآبيك...
آوجعته الكلمات الـمتعبه آخترقت آقصى وريداًينبض لـضعفها
برقه حانيه جداً\لآ...يامناهل...لآسمع هـ الحكي منك اذا انتي ماتبيني انا ابيك..واذا على هـ الحمل الي تاعبك...آي مكان ب العالم بنسافر انا وانتي وآعالجك...كيف بركن مظلمـ...
الله يهديك بس..
شدها لـصدرهـ...
لـتحرق دموعها الـملتهبه...صدرهـ..!
.
.
.
نقف هنا..
.
.
.
همسة محبه\أرقام قرآنية
في القرآن الكريم "114" سورة واكثر من ستة آلاف آية- 6236 آية- كل ذلك في "30" جزءاً ينقسم كل منها الى "4" اجزاء يسمى كل جزء منها بـ"الحزب"، وبذلك يضم القرآن الكريم "120" حزباً
1-
عدد النقاط في القرآن الكريم "1015030" نقطة- تقريباً- اما حروفه فيبلغ عددها "323670" تكوّن بمجموعها "77934" كلمة قرآنية
2-
كل سورة تتكون من جمل او مقاطع يسمى كل منه آية
3-
سور القرآن الكريم "87" منها مكية و"27" منها مدنية
4-
كل السور تبدأ بالبسملة سوى سورة "التوبة" المباركة ، وسورة النمل المباركة فيها بسملتان
5-
سبع سور من القرآن الكريم تحمل اسماء سبعة انبياء ، وهي سورة : يونس- هود- يوسف-ابراهيم- محمد- نوح
6-
اطول السور سورة البقرة المباركة بـ"286" آية واقصرها سورة الكوثر بـ"3" آيات
7-
سورة التوحيد- الاخلاص- هي السورة الوحيدة التي تحتوي على كسرة واحدة ، هذا بغير البسملة
8-
سورة الحمد المباركة : هي اول سورة فيما سورة الناس آخر سورة ، وفقاً للترتيب المعروف في المصاحف الشريفة ، لاوفقاً لنزول السّور .. ففي هذه الحالة ستكون العلق اول السور النازلة على صدر نبينا محمد"صلى الله عليه وسلم" ، فيما كانت سورة النصر آخرها
9-
لفظ الجلالة "الله" جل وعلا، ورد في القرآن الكريم "2707" مرات، "980" في حالة الرفع و"592" في حالة النصب و"1135" في حالة الجر
10- اسماء الحيوانات الواردة في القرآن الكريم
البعير- البقر- الثعبان- الجراد- الجوارح- الحام- الحمولة- الحية- الخنازير- القردَة- القمّل- المعز- الناقة- النحل- الهدهد- الابابيل- الانعام- البحيرة- البعوضة- الدابّة- الذباب- الصافنات- الطائر- البغال- الجمال- الجياد- الحمار- الحوت- الفيل- القسورة- الكلب- الموريات- النعجة- النمل- الوصيلة- الابل- البُدن- الخيل- الذئب- دابّة الارض "الدودة"- السائبة- الضأن- العاديات- العجل- العشار- الغنم- العرم- العنكبوت- الغراب- الفراش.

اسماء الملابس في القرآن الكريم
الاستبرق- الثياب- الحرير- السندس- القميص- الجلابيب- العبقري- كسوة

اسماء السّلع في القرآن الكريم
الآنية- الاثاث- الاقلام- الاوتاد- الجفان- الخياط- الدِّهان- السراج- السرُر- صحاف- الفخّار- ! القدور- القلائد- الكأس- المسد- المهد- الموازين- الاباريق- الاقفال- الاكواب- الاوعية- الجواب- الدّلو- الرّفرف- السرادق- السُّلّم- الصواع- العصا- الغطاء- الفراش- القسطاس- القوارير- الكرسي- الماعون- المصباح- المنسأة- النمارق.

.
.
.
لقاءٍ قريب اذا كتب الله لي عمر..=)
.
.
.

يسعد قلبك ضمضم

على البارت يالغلى أبداعك


حضورك ردودك كلك على بعضك حلوو


************

عسااااااااااااااااااااااااف


تصدقين من بديت أقراء مشهد

ام رهف وهم داخلين على البيت على طوول عرفت مين يقصد ياسر

في تشبيهه لرعد خخخخخخخخخخخخ تمنيتي ما تكشفين السالفة في هالبارت

بس موو مشكلة بكتب كل شيء طرى في بالي وانا اقراء

بسوي نفسي ما قريت هالمقطع خخخخخخخخخخخخ


احم احم احم فيس على عيونه نظراات برائة الطفولة

((اتوقع ضمضم ان ياسر لما شااف رعد شبهه بواحد بس كان ناسي

وهذا الشخص هو صورة عساف في مجلس رهف ..........مممممممممممممم))


اقوول جييللو يا شين ثقالت الدم ضمضم افصحت عن تفكير ياسر

وانت صح النوووم ..........أه أه أه أه فيس يعيط و يبكي بعنف


**********


ساااري يعني هوو الشخصية الجديدة ؟؟


احلى لا تقولين بعد انه بيتزووج الظبيه لا لا لا ووووووووواااااااااااااااااووووووووووو


ضمضم تتعبين انتي ترى من هالأبدااع



مدري مدري بس لو صار هذا الترتيب صبر


اول شيء لازم نحن رابطة الظبي بقيادتك طبعا

نتطلع على فيس هالسااري ونسوي له شوية فراااسه

الي توصلت له من حكي ياااسر ومقرن ((انه شمالي غربي ))

يعني من وصف مقرن بااين الرجال يشتغل بذمةو بسيطرة و تملك


ومن الغربيين الغرابة في التصرف و الخرووج عن النص


بس صبر ذحين ضمضم يعني مافي بارت عقب بكره موو مشكلة


اهم شيء سلامتك يالغلا شوفي وحده عندها خبره بمشاكل العيوون


حاولي تكمدين عينك بكمادات قطن مبلولة بمويا بارده اكثر من ثلاث مرات في اليوم

واذا عندك ضعف نظر اعملي عملية الليزك انا سويتها ولي 15 سنةوامووري عال العال


او اكشفي على نظرك يمكن النظارة مسوية صدااع لانها موو نظرك الحالي


**************

ملووك كويس انك دخلتي الحمام ولونه السالفة شلها مطوولة


من فتره سمعت على لساان الدكتور العلامة :صلاح الراشد


انه اتعس ناااس واتعس مهنة في الحياة هي مهنة عناد السابقة

يعيش الواحد منهم في حالة شك وترقب مخيف حتى ان الدكتور قالها بصحيح العبارة

لا تصاحب واحد مثل عنااد بعيشك جوو من الرعب والشك وهذي كلها طااقة سلبية


طيب شوو الحل الحمدلله الحل هو الي سوواه عنااد بتركه للعمل

وحبه حبه و أنشاءالله يلتقي مع امه قريب و تهدى النفووس


اعجبني كثير نية ملووك في المكووث في البيت وانها ما بتطلع منه


واتمنى كل البنات يكوون تفكيرهم وااعي و يشتغل على المدى البعيد

و ماتخلي شعاارات شيطانية زائفة تهدم حياتها



سلمتي مره ثانية ضمضم