بسم الله الرحمن الرحيم..,
.
.
نظرة حقد 33..,
.
.
.
مدخل..,

امسح الدمعه ترى ضعفك قوي

أنهزم قدام ضعفك يا غلاي

امسح الدمعه بعمري لـو تبي

عطني احزنك وخذ مني هناي

امسح الدمعه قبل تقضي علي

دمعتك تغرق صباحي في مساي

لا تروع مثــل روعات الظبي

روعتك ياروعة ايامي بلاي

كل ليـــل مع نهارك ينجلي

يابدايات الهوى يا منتهاي

ياوطن قلبـي وغربة ناظري

يااحتياري يا صوابي ياخطاي

يابنات الفكـر غني وارقصي

عند خلي وانشدي له من غناي

وسعي صـدر الحبيب واطربي

طريتي له كلما ذعذع هواي

لـدايمـ السيف..,
.
.
.
بدايه..
رقّة ملوك تأسُرُني .. واسمها أنشودةٌ عذبةٌ تستهويني ..
هالةٌ من نور تحيطها في فرحها وحتى الحزن ..
سحرٌ كهذا لن يتكرر ..
فلْتحفظها ياعناد في سُويداءِ قلبكْ .. إنها فريدة ...
غِيرةُ فلك تبكيني ، وأعذرُها ..
تعلمُ يقيناً أنها تملك قلبَه لكن تشاركها اثنتان ..
احساسٌ كالعلقم .. أعانك الرب فقهركِ لامسَ شغاف قلبي ..
وعشق بتال حكايةٌ تُكتَب بالذهب ..
قويٌ برحمة ..
يعشق بتضحية ويستحق كثيراً من احترام ...
-عذوبة الحروف ورنة وقع الحرف الجميل مقتبس من الرقيقه [كان حلم ورحل]
.
.
.

صباح الأرواح المحبه والمحببه الى قلبي..,
رجعنا لآوقاتنا الصباحيه هذي المرهـ بطلب من العذبه سهامـ الليل..
مع انه مآوعدكمـ بـ بارتات دافئه صباحيه فيما بعد..
فـ الرومنسيه راح تشهد آشتعال من نوع آخر من بعد هذا البارت وعلى جميع الابطال..
حدث تنتظرونه من بدء الروايه يقترب لكم[مو الطفل المفقود]..سعيد لكمـ..و..موجع لغيركمـ..
آيضاً همسة المحبه تحمل لكمـ سؤال جميل ورابط لـ روايه مميزهـ هنا..,
.
.
.
لآتلهيكمـ الروايه عن دخول وقت الصلاة
.
.
.
بعد ربع ساعه..,
دلف باب مناير وبهمس\مناير..!
كانت قابعه والاضائه خافته جداً ..وصوت بكائها فضحها..!
آشعل الانوار لـيتفاجئ بـمسح دموعها بـشدهـ..
مناير بعصبيه\وش تبي ياولد مقرن..؟تراك مطلقني ولآعاد يصلح لك تدخل الجناح هذا..؟
بتال بجديه\جيت آرجعك..عشان خاطر بناتك وخاطر ابوي..
مناير بـصدمه\يعني ما تبي ترجعني لنك تبيني..ولآ عشان العشرهـ..؟
بتال\وبذمتك الي يطلع من شور زوجه يستاهل يرجع لـسواد عيونه..؟
مناير\مآبيك دامـ هذا الي بيرجعك..عفناك..!
بتال \آنتي ها اللسان الي عليكـ مايبي له كنترول وبس.. الا ..قص..عشان يحرمـ يتكلمـ كلامـ مثل قلته..
مناير تقف وبرتباك\وليش تقص لساني ..عشان اقول الي بخاطري..وآنا صادقه عفتك ياولد عمي ماعاد لي خاطراً فيك..
دامـ الغريبه خذت كل شي..فـ مالنا فيك حاجه..؟
بتال بتهكمـ\آنتي صاحيه والا آنهبلتي..!
وش عافك الخاطر واالغريبه ومالنا حاجه...اذا السالفه فيها عتب ومشاريه فـآنآ راعي العتب الاولي والتالي..
لكن عليك ماهقيت فيه مشروه...!
والا فيه حرمه عاقله تخاف ربها ومحافظه على فرضها تروح تدور على كل شي يزعل زوجها وتسويه...؟
آنتي مافيه آحد علمك بحقوق طاعة الزوج...؟
جآهله يعني..؟
والا تستهبلين..!
صدقيني مليت منك يامناير ومن كل شي فيك مايخلص..إعقل..و..أغفر الزلآت..و..آكتم غيضي..وآقول عشان البنات..عشان الرحمـ..
وآنتي الا تختبريني في صبري وفي سعة بالي...؟
لحد ماوصلتيني لنقطه مآفيه بعدها شي...!
مآراح آعيد وآزيد يامناير في الكلامـ...
آنتي وحده بتعقلين وتشوفين صالح زوجك وبناتك وتمشين عليه...
آو
الله يستر عليك ومعززه مكرمه في بيت ابوي اذا تحبين..وآذا تحبين آشتريت لك فله لك ولبناتك ومصروف كامل لكمـ كل شهر..و..الوجه من الوجه ابيض..وكل راس يرتاح من وجعه..!
آنا ماعاد فيني طاقه لـصبر على حرمه ماتسمع كلآمي..ولآ..تراعي واجباتي وحقوقي..
آردف بجديه\ها..يا مناير وش قلتي..؟
صمت لدقائق معدوده..
من ثمـ آنهيار تامـ..و..آعترافات ..!
مناير ببكاء\آنا ماكن قصدي هذا الشي..كنت ناويه لها الخير...مآكان مقصدي اطلع من غير شورك...
آنا مابي آتطلق ولآ آبي بناتي يتفرقون.. مآبي آحد يتشمت بطلآقي من جماعتي ومن الي يكرهوني..
وآخر شي ابيه انك تطلقني...آنا عارفه لساني متبري مني..
لكن والله مقصدي دايمـ آبيض...آنت بعد تخطي في حقي..
وماتراعيني في شي..دايمـ آشوفكـ مآتبيني ولآتبي بناتك..!
ولآتبي البيت بكبرهـ..آنت يابتال آنت ماتبينا..!
بتال بجديه\هذا الكلام ماهو بصحيح.. بناتي وآنتم مقدمين على كل شي..بـ العكس كل طلباتكمـ مستجابه..كل شي تبونه يجيكمـ..
و..آنا موجود عندكمـ..مافيه نعمـه مثل الي انتم عايشين فيها...شكر النعمه تدومـ والكفر فيها يزول يامناير آفهمي وآعقلي ان كان يرجى لك في عقل..
ولآتنسين حقوق الزوج..فـهو جنتك وناركـ...حطي على لسانك وآفعالك كنترول..والمويه ترجع لمجاريها..
حركت رأسها بموافقه\ترضيني قدامـ آهلك ..!
حرك آكتفافه بيأس\مآهمك الا الرضوهـ..وبناتك مايهمونك...!
آردف بهدوء\آنا مازعلتك عشان ارضيك.. والي صار فيك مني هذا بس ردة فعل فلي سويتيه... والي سويتيه ماهو بسيط طلعتي من غير اذن ورحتي بمناهل لـمعالجه شعبيه وسقطتي حمله الي تنتظره من سنين وسنين..تعوذي من الشيطان واذا عقلتي آبشري بالي يرضيك..
مناير بهمس\عشان خاطر بناتي ..بس برجع لك......!
.
.
.
ولك با[ القلب] خفقه وانتفاضه
تلوعني ولآودي[ تطيب]
.
.
.
ملوكـ في حال يرثى لها من البكاء..!
فلكـ\يابنت أستهدي با الرحمان انتي وش جاك..؟
ملوكـ\عمتي تدرين كمـ الساعه..؟
الساعه الحين عشرهـ وماجاء..؟
وهو قال لي ساعه وآمرك..من الصبح وانتي تصبرين فيني وتقولين لي يمكن يبيك تاخذين راحتك يمكن يبيك تنبسطين..
طيب وموعد طيارتي الي فات..؟
آكيد صاير له شي..آكيد حادث..
ليه مايرد على جواله..وبعدين تقفل فجئه...
ماقدر ماقدر..
قلبي احسه بيطلع من مكانه هديني..!
فلكـ بـشده\وين بتروحين في هـ الليل..ماراح اتركك بدق على بتال..بيجي ويشوف وينه ..؟
ملوكـ\بروح بيت عمي سطام انا آدله..لآتدقين على احد..
آحكمت ملوكـ لبس عبائتها وخرجت بـشهقات مكتومه..
لتلحق بها فلكـ من دون غطاء..
لـتوقفها بمنتصف السور..\ماراح تروحين يابنت وش بيقولون الناس عن آهلك..؟
ملوكـ\يقولون الي يقولونه..! آهم شي ان آحصل زوجي بخير ومافيه شي..
فلكـ\مآراح تطلعين.. فآهمه..
ملوكـ تفلت يدها\آقولك هديني..
لـيتوقف الاثنتين تحت صوته الجاد المتسائل..\وش فيه..؟
فلكـ بـشدهـ\ياسر زين انك جيت..
لتردف \زوجها نزلها وماعاد رد لآ على تليفون ولآ آتصل..وهو قالها لما نزلها الصبح انه بعد ساعه بيمرهـا
وطيارتهم كانت الظهر وهو من الصبح لآحس ولآخبر..؟
والحين هي تبي تركب لها تاكسي وتروح لبيت عمها سطامـ..
وهذا انا آهدي فيها لما يجي عمها بتال..
.
.
.
تبحثين عنه يـآ حوريتي..؟
آقسم اني أتمنى ان يكون بين الاموات..!
كي تعود الحياهـ
لقلباً يحتضر..!
.
.
.
ياسر بستغراب وتسائل رقيق\ليه..وهو..ما قال بيروح..؟
ملوكـ كبتت مشاعرها فجئه وبتلعثم\ قال لي بيروح لولدهـ رعد..
ياسر رفع حاجبيه بـمفاجئه وصدمه\وبعد عنده ولد..؟
لـيبلغ ملوكـ تحملها من برودة الآثنين ..
و..
اشتعالها حد الانفجار..
فـتتركهم بخطوات
واسعه لـتترك المكان وتتوجه لـباب..
.
.
آستدآر ياسر بـجديه لها\آصبري...آصبري...ملوكـ...آوقفي..
ملوكـ متجاهله لياسر وفلكـ..
وتشرع لباب للخروج ..
فـتخطو خطوات قليله..
لتنصدمـ بـنزوله من سيارته وتوجه لـباب..
عناد بـرقه\آعذريني تأخرت عليكـ كان آآآ..
لتنخرط ملوكـ بنوبة بكاء شديدهـ بـ القرب منه..
ليشد يدها بحنان.. \تعالي معي لسيارهـ..
توقفت كلمات عناد بـشفتيه لتعلن آنتحارهـا
وهو
يراهـ
يملئ الباب بطوله الفارع..
وعلآمات الاستغراب..
وشيٍ يجهله يـملى وجه..!
وآذنيه تلتقط آسمها على شفتيه وندائه لها..,
.
.
.
آنت مرة آخرى..!
تقف حاجزاً بيني وبينها..!
لتذكرني بـقترانها بك..؟
لمـا انت هنا الان..
وتنادي بأسمها..!
شي ما يقتلني..
عندما تعانق شفتيك آحرف أسمها..
فكيف عندما آنظر اليها..
و
آتذكر ان تلك الملامح..
قد
آحتضنها بين آهدابه..
تواجد شخصاً آخر غيري..
.
.
.
يا
آرواحاً تتصارع الان بداخلي..
لـتفوز بـ شرف تقطيع قلبي ونحرهـ..
آقسمـ ..
آنه لمـ يعد يعي شيٍ
و
لآ نبضه بـنبض..
ولآخفقاته بـخفقات..
هو آختناق يعيشه..
وساعات احتضار..
لآهي التي تنهيه فـ يرتاح..
ولآهي التي تتركه فـ ينطلق
كـ طيراً نال من سجانه مـا يكرهـ..!
.
.
.
يآسر بتماسك\سلآمات..خوفتنا عليكـ يابو رعد من الصبح..!
عناد الـمشتعل لمـ ينتبه لـحتضان ملوكـ ليدهـ..
و..
لآ لـقربها الشديد منه مآان التقط الكلمات الاخيرهـ..!
لـيرد بـجديه\الله يسلمك..آخوي الصغير صاير له حادث..و نسانا كل شي حادثه..
ملوكـ بمفاجئه ومن بين شهقاتها الخفيفه\ريان...!
عناد يشدها لـ السياره وبحفيف وصوت منخفض\حسابك بعدين آركبي الحين..!
آغلق الباب عناد بـهدوء ظاهري وآشتعال براكين داخلياً..
ليلتقط هدوئ الطرف الاخر..
ياسر بـآبتسامه|لآآآآ..مايشوف شر..وانت الله يهديك ماعندكـ جوال ثاني عشان نتطمن عليك؟
تصدق كنت بدق على جسار آتطمن عليكـ عشان آطمنها..؟
عناد ببرود\الشر مايجيك..للاسف ماعندي الا واحد لـئني مو راعي مكالمات كثيرهـ..فـ واحد يفي بـ الغرض..وعموماً ماصار الا الخير..هي عند آهلها ماكانت عند غريب..!
ياسر بـوجع\صآدق..عند آهلها..!
آشار عناد بعينيه لـيد ياسر\سلامتك..!
ياسر يشير بـبيدهـ\حادث بسيط..
فتح باب السيارهـ وبهدوء\عن آذنك..سلآمي لراعي البيت..!
ابتسم ياسر بخبث\يوصل..الله الله بـملوكـ ..!
آشار عناد ببرود لهـ
وآبتسامه منمقه ومرسومه بعنايه..
لآ
تنبئ بستاراً يخفي غضباً لاحصر له..
من ذاك الذي حبه مفضوحاً لـزوجته..
آقسمـ ان لآتعود لـهذا البيت ابداً..
آقسمـ..!
.
.
مآ..آن خرجو من الشارع الذي يسكن فيه بتال..
حتى ملوكـ آنزلت نقابها ..
ودموعاً حارهـ كانت تتعلق بـآطراف آهدابها..
بعد ..
رحلة طويله من البكاء القلق.. و..الموجع لها..
التقطت آطراف نظراتها لـتنفسه الغاضب..
وكلمته تلك آرعبتها..
كما ان تواجد ياسر جعل الامر صعبٍ جداً ولآيطاق الان..
فـضلت الصمت على الومـ او السؤال عن حال آخيه..
لكنها فجئه آنخرطت في بكاءٍ مرير..
لمـ يجعلها تتوقف..
الا كلماته الصارمه..
عناد بحده\تراك ازعجتيني..بس آسكتي..!
ملوكـ بـوجع تجبر آنفاسها على لملمه\آنا كنت خايفه عليك..كنت آعتقد انه صاير لك حادث او صار لك مكروه ماكنت آعتقد ان انت بخير وعافيه..
كل شي شين زارني اليوم فيك..
لآتلومني اذا بكيت..
لآتلومني..حتى جوالك كان مقفل..!
مآصدق الان ان مافيك شي..؟
لـتقلي رأسها برقه على كتفه من دون آذن منه..,
لتفرغ ما في محاجرهـ من بقية الدمع..
وتسكبه..خآرج روحها...
.
.
عناد آدخل سيارته في شارعٍ آخر ..
لـيوقفها على طرف الشارع..
ولـيلتفت لـتلك التي القت رأسها على كتفه
فـ
جعلت قشعريرهـ تسري بـجسدهـ
لآ
تهدئ..
شيٍ من الارتباك يسكنه بـقربها..
ويجعله يستشعر الاصوات الخافته وهمس النبضات..,
.
.
ملوكـ مسترسله\الشيطان آخذ فيني بـ الوسوسه انه صار لك مكروهـ..من بعد الظهر لما تأكدت من الوقت ان موعد الطياره راح علينا تأكدت ان فيك شي..
عناد بتعب\خلآص مافيني الا العافيه..!
.
.
.
آساساً الغلط غلطي انا..!
انا الي تركتها ها الوقت كله هناك..
الى ان جاء هـ الياسر
بس ملحوقه بـخير..
يحرمـ عليها ذاك البيت..!
.
.
.
لامس برقه رأسها لتحتضن آصابعه نعومة خصلآت من غرتها متمردهـ..
لـتعانق سرمديته..
ظلآمـ الليل الذي يحيط بـمكان..
فـتعبث بـ انفاسه المنتظمه الاجواء الساكنه..,
وبكائها الهادئ..
الذي يشبه تراتيلٍ روحيه..
او..
آغنيه بـوتراً حزين
على غصن حل الخريف عليه بعجاله فـجعل آوراقه تتساقط بـوداع..!
آربكه..!
و
لآمس روحها قربه ..!
.
.
عناد بـهدوء وجديه\لآتبكين..حتى لو فيني شي لآتبكين كذا..!
ملوكـ مازالت متسلحه بـقربه \خفت عليك قسم بالله خفت..مآعاد فيني خلق آحبس هذي الدموع ..ببكي..
والا بختنق بمولحتها..
مآترك لي الموت آحد الا آخوي و اليوم آنت..
آول مره يخلف ظنوني فيه..!
.
.
.
يريد آحتضانها ..
ودسها خلف آضلعه..
لـتهدئ روحها هناكـ..
يكرهـ بكاء شهد لأنه يظهرها برقه شديده..
وتلك الرقيقه..!
ماذا يفعل بي بكائها..!
.
.
.
آطفئ السيارهـ..
وآمال جسدهـ ليرتاح جسدهـ المشدود من قربها..
فـ آنحنئة بـ القرب من صدرهـ..
آنتظرها قليلاً لتفرغ مافي صدرها من الخوف الغير منطقي بنسبه له..
لكنه آحب قرب آنفاسها الباكيه..
بعد مدهـ قصيرهـ..
شد هدوء المكان ملوكـ..
كي تهدئ ويهدئ مافي قلبها من خوف..
.
.
.
آبداً
لمـ آتصور ان آخاف عليه بهذا الشكل..
آعتقدت لوهله..ان مكروهـاً أصابه..
ليختنق مني الصبر..
وينفض ثيابه بوجهي..
ويأمرني بفتح ذراعي
لـدموع..
كي تأتي محاجر ي ..
وتعلن آعراسها الكئيبه..
.
.
قربه..
يشعرني بـرجولة يمتلكها..
فـبقت حكراً له..
لمـ آشعر بها مع غيرهـ
آمان يحتويني معه
لمـ يشعرني بها تؤمي مناف..!
نعمـ مناف..!
فـعربدته آفقدته هالة الاخ الذي بقربه نشعر بـمساحات للامان..
و
لآ..مع ياسر زير النساء الذي لآيتوانئ عن جرح آنوثتي بـقربه...
فـينحر الامان من وريدهـ..
معه فقطـ وبقربه..
آشعر بـه ..
عدة ساعات كان قربي منه وقربه مني..
ومن آستشعر حلآوة الامان في تلك الساعات..
عذرني..!
.
.
.
رأسي سـينفجر..
لآ
آقبل بفكرة ان ذاك المتملق قد يكون في يوماً ما
كانت تلقي رأسها على صدرهـ كما هي الان..!
وبقربه..
كما قربها يعانق قربي..
و
لآ
آتصور ان تكون اصابعه عانقة خصلاتها كما كنت قبل قليل..
شيٍ ماء بداخلي يهذي بـألمـ..!
.
.
.
رفعت رأسها برقه وبصوتٍ خالجته بـحه\كيف ريان الحين..؟
عانق يدهـ طرف طرحتها ولفه برقه بيده\بخير..هو الحين بخير..
تأملها بوجع..
وشد الطرحه بـرقه لتتساقط بقية خصلات شعرها على اكتفافها..فـتوجعه الصورهـ الى حد المرارهـ
ملوكـ بـخجل\الحمدلله على سلآمته ..الله يخليه لكمـ..
عناد\ملوكـ..ياسر من متى وهو عندكمـ..؟
آلتقطت ملوك وهي تلم شعرهاسؤاله لترتبك\قبل عشر دقايق من وصولكـ..ماكان موجود لما جيت!
عناد\كان يقول لكـ آصبري..وناداني بسم ولدي..!
ملوكـ تبتعد عن خطوط غيرته بـرتباك\عمتي كانت موجودهـ وكانت تقول له عن سبب تأخرك لانه توه دخل..وكانت تقول له ابو رعد زوجها وكذا..!
حرك رأسه بعدمـ أقتناع لـيسرح قليلاً من ثم تعيده ملوكـ برقه\والحين آبي آكلم اهلك او آزورهم..
عناد \اساساً بنروح عندهم..ـ انا الغيت شهر العسل بوقت الحالي.. بسبب ظروفهم ماراح اروح انبسط واخوي مسوي حادث ..
بنسكن عندهمـ هـ اليومين على مانشوف بعدين وش بيصير..
حركت رأسها ملوكـ بمسايرهـ\ماعندي مشكله آخوك آهم من يومين مالها طعمـ في هذا الظرف..
عناد وهو يحرك السياره\هو بغيبوبه الحين..و..زوجته..!
ملوك تفتح عينيها بصدمه\زوجته...!
عناد بأبتسامه\سالفه طويله..المهم..أنا جوعان ماكلت شي من الصبح تاكلين معي ساندوتشات من سلة المنجا..!
آبتسمت ملوك\وانا بعد ماذقت شي...وجوعانه حيل..
غرق عناد بضحكه هادئه رجوليه\يخسي الجوع..خليني أكلك مع ها الجوع هـ الساندوتشات عشان آربك لك معدتك آسبوع هههههه.. مجربها انا واجد!
ملوكـ تلبس نقابها\لآتنسى ان انا دكتوره يعني ماعلي خوف الخوف عليك..!
آبتسم برقه لـها..و..فضل الصمت..,
.
.
.
ولك با[ القلب] خفقه وانتفاضه
تلوعني ولآودي[ تطيب]
.
.
.

بـفلة الجده هيا..
الجده هيا \لآحول ولآقوة الا بالله..البنت هذي مالقيتو لها علآج..
جسار بـضيقه\يمه يعني حصلنا لها علآج وجلسنا..مثل ماتشوفين..آكيد السبب الحين الخوف الي صايبها على ريان..جتها الحاله مرتين..وصعبه حيل اول مره اشوفها كذا!
سيوف \مره عورة يدها لما طاحت..وفيه دمـ كثير طلع من فمها انا اشوف الخادمه لما تساعدك..كانت تمسح فمها ..
ماقدرت صراحه آقرب اذا جت شهد الحاله انا ماحب اشوفها كذا قشعريره تصيبني..
الجده\آقول ياسيوف تحمدي لآيبلاك ربي..والله ماقلتي ها الحكي الا من زود النعيم الي انتي فيه..
والا لو ان الله باليك..كان متي من شوف الي يحكي هذا الحكي...
ياكلون في ارض الله ولآيحمدونه ولآيشكرونه..!
سيوف\غصب عني ماقدرت..الله يشفيها ترى ماحكيت شي..لآتزعلون..
جسار بمقاطعه\خلآص ترى راسي مصدع..المهم شيكي عليها كل شوي ...آمي هناك ومافيه الا انتي...لآتنسينها..زيدي الجرعه الي تآكلها..شوفي الخدامه تعرف جرعاتها..
الجدهـ\انتم وراكمـ ماتاخذونها لـ آم فهد الي بخرج الي تعالج..خلوها تكويها وتعطيها صبغه على راسها..
كود ربي يشفيها على يدين هذي العجوز يوم عجز ابوك وربعه يجبون طبها...!
جسار\الشفاء من الله يا الغاليه...فيه دكتور بـ البحرين اول ماتتحسن ظروفنا بناخذها له ونشوف..وقبل ايام سمعت بمصر واحد...
وقف جسار يهمـ بـ الخروج لـما آستوقفته سيوف
بصوت خافت\لآتنام بـمستشفى بليز آرجع هنا لو متأخر..
جسار بستغراب\سيوف من جدك..ترى مو وقتك آبد..
آبعد يدها عنها وآستئذن بـ الخروج..
الجده بتهكمـ وخبث\يمه منكمـ يا الحريم..شفني تراني ماستغني عنك ولآابيك تروح..الله يقطع اللي ماهو لله بس..!
آذا هواكمـ الراجل ماعاد كلمتوهـ بأسمه..!
واذا ماعاد طق لكمـ خبر رفعتوه من الارض وحطتوهـ فوق راسكمـ..!
الملحق أدبك يامي..!!!
عيني سيوف كادت تخرج بصدمه\وش ملحقه..!
الجده بخبث\الله اكبر..علي وانا امك..يمك انا حتى صوت النمله اسمعه..!
كيف ماتبيني اعرف ان جسار ساحباً عليك..؟
سيوف برتباك\لآماصار مانامـ بملحق ابد يتخيلك هو بس صار مكتبه هناك عشان الصوت والازعاج وا..
الجدهـ\[جاء عقبي فـ عقبني].. يآمك الي بينكمـ كايد وآلبارحه الظاهر طاح الحطب مانام بملحقه>>يعني آصغر مني وكذبني..
ارتبكت سيوف جداً\يالله تصبحين على خير..!
الجدهـ\وانتي من آهله..آنتبهي على فروخك وانا امتس بس غطيهمـ بليل والا الرجال ماهو بنافعك..!
.
.
.
ولك با[ القلب] خفقه وانتفاضه
تلوعني ولآودي[ تطيب]
.
.
.
بعد آسبوع..,
الاحداث على آبطالنا..,
ريان آستفاق من الغيبوبه منذو يومين..
ضي تتماثل للشفاء..
لكن لمـ يزرها آحد وآنتقلت مع ريان لمستشفى والدهـ..
ملوكـ تتحاشى سيوف ..ولمـ تدخل معها في آي أحتكاك..
بينما عناد يترافق هو وجسار بـ المستشفى..
ساعات قليله جداً يحضرون فقط لـستحمام وتبديل الملابس..
و الأهمـ ..ملكة ياسر الليله..
.
.
.
بفلة فلكـ..
ياسر مبتسمـ..وهو ينزل الدرجات تحت آنظار فلك الغارقه في فرحه لآتنتهي..
يآسر\ها خالتي..جاهزه..؟
فلكـ\بسم الله عليك..لآاله الاالله ..الله يخليك لكل عين تدعي لك وترجيك..ماشاء الله..
ياسر\ههههه خالتي ترى ماسويت شي بس سويت تنعيمـ وحركات بس..!
فلك بتقطيب حاجب\ليه مالبست البشت الي جبته لك..هذي ملكه..
ياسر\قلتيها ملكه..وانا انسان ماحب البشوت ولآ آصحابها ههههههه
فلكـ\الله يسامحك البشت رزه وهيبه لرجال..
ياسر\الله الغني عن رزة وهيبة قماش..!
فلك تكزه برقه\مو فاضي لخزبقتك في ملكتك..ما..توتر انت..!
ياسر ببرود\تصدقين لآ..وبعد جوعان وودي آكلك عسى بس مأكلها اذا شفتها..!
فلك تقطب حاجبها بشدهـ ليغرق بضحكه صاخبه..
فلكـ\ياسر الخبر الي قلته لي الصباح اكيد..؟
ياسر \ايه مناف طيارته بكرا..ان شاء الله..
آبتسمت بفرحه كبيرهـ...
من بعدهاآدار عينيه بخبث
وبنبره ترمي لشي آخر\الا تعالي انتي وش ها الزين وش ها الملح اش اش اش ياقمرهم ارحم.!
آحمرة فلك بـتوتر\قسم انك ماتنعطى وجه قليل ادب..ماتحترمني...أف منك..!
ياسر\ وانا وشقلت ياشينه..يالي مافيك ذرة زين ولآمكان ابرة ملح.. زين حكي كذا..حريم تقلبونها في شوي!
فلك بجديه\ياربي متوتره انا مالي خلق اقابل اهلك ودي احضر وماودي..وش اسوي..؟
شد ذراعها ليعانق ذراعه\حطيهمـ صفر على الشمال يـآقمرهمـ ..ياويل قلبك يا عمي وش بيدق الليله والله يسمعه جدي وابو عروسي..!
فلك تسحب ذراعها لتشد عبائنها المعلقه\مو وجه واحد بيروح يتملك ..مدري وش آنت ياهـ الانسان..!
ياسر يغمز لها لـغاضتها ورفع مستوى التوتر عندها ..
و..هو يحرك اصابعه بـقرب من خصرها لـيدفعها لضحك\ياكيداهمـ ..ياكيداهمـ..ياقمرهمـ..
آغلقت عبائتها وشدت طرحتها وهي تحاول الابتعاد عنه\ياسر..ياسر..لآتسوي هذي الحركات..آتركني..آف..ياسر استح..لآتخليني آدعي انها تكون شينه ويزوجك جدك غصب!
تركها ياسر وبقلق\شينه..!
هدئت فلك\آيه يعني مو شينه يعني مقبوله ..!
ياسر يرفع آكتافه\والله ماوهق عمري بشينه ولآمقبوله..يآجميله تخلي عيونك ماتنشال منها يا عزوبي طول عمري..
انتي ماسمعتي المثل الي يقول اذا سرقت اسرق جمل واذا حبيت حب قمر..!
بتال يدخل بهدوء\لآسمعت المثل الي يقول..
.
.
.
تجمدت فلك بمكانها..
وقلبها
يعلن عن تراقصه لدخوله..!
سـ
يقتلها..
طيلة الاسبوع الماضي..
يحضر بشكل ليلي..
ويطرق باب جناحها مراراً وتكراراً حتى يمل..
من ثمـ ينسحب..
ولآ
يأتي طيلة الصباح..!
.
.
بتال وعينيه متجه بـتهديد لـفلك\يالله يامعرس عطنا عرض مقفاك جدك ينتظرك ومرتي انا الي باخذها وانت الله يشغلك بـالي بتاخذها وتفكنا من خشتك ..
ياسر حرك يديه بمكر\آجل عن آذنك خالتي بشوفك عند قمري الي هناك..!
فلك برتباك\آصبر بروح معك انت آصبر ياسر..
ياسر تجاهلها وهو يودعها بآبتسامه..
ليغلق الباب بتال
.
.
.
آسبوع يا الظالمه..
مآشوفك..
آسبوع..
بـ الصباح يصبرني الصبر..
وبـ اليل يحرقني جمر الشوق..
ومع كذا ماتفتحين الباب..؟
تجلدين بـ الصبر..!
وآنا..
عارفكـ..وحافظكـ..
يـآ شوقي وجمري..
.
.
.
بخبث\يعني مسويه فيها منتصره علي وانا كل ليله اطق الباب عليك كأني حرامي ..ولآتفتحين الباب لي..!
فلك بـوجع\انا قلت لك ماراح تستفيد من ترجيعي لك شي..لو سمحت آبعد عني..ولآ..تقرب..!
بتال يبتلع الخطوات \ماقلت شي انا كنت بعيد وانتي الي قلتي لي لاتقرب وانا انسان يحب المعاند..!
بحركه خفيفه حرر منها عبائتها ..
لـتدور بشوق
عينيه على تفاصيلها الانثويه
بفستانها الاخضر..
الملتف بـآنثويه باذخه الى حد الوجع على جسدها المترف..
فـمعلن عن تفاصيل آنثى...
بكل معاني تلك الكلمه..
و..بكل تفاصيلها الصغيره والكبيره..,
شعرها الخمري ..
تناثرة خصلات منه على نحرها الابيض العاري ..
آنثى باذخه أنتي يافلك..
ومدمرهـ لـشوقاً جارف يحتويكِ مني..
.
.
.
بـخبث\مآترحمين القلوب آنتي..!
بوجع سنين\حفظت درسك..وصرت آستاذه فيه..؟
آقترب منها لتعانق آصابعه الحنطيه ذراعها الابيض العاري وبرقه\وش هي دروسي غير الحب ..؟
فلك\قصدك الوجع..وتقوية القلب..!
بتال يقترب آكثر \حرامـ عليك..لآتكذبين..ماتخافين ربك..؟
فلك\وآنت ليه ماتخافه في القلوب الضعيفه الي مالها غيره..
لتردف بكذب\آرتاح مني ومن عذابي وطلقني آحسن لقلبك؟
قبل خدها بعذوبه ويده تعانق بطنها\هذا الي هنا يربطنا..تحللي من شرطي ولك الي تبينه..!
جفلت بوجع لتصده بقسوه\آنت ولآشي عندي ..و..لآانت مستفيد من حركات وكلامك شي..؟طلق بنت البراق الي مسببه لكمـ آزمه مع نسبكم العاجي..
وآرتاح وريح ابوك..
يابتال انت ليه ماتفهم مآحس معك ب الامان ومآعاد تجذبني تفاصيلك!
ليشد معصمها بقسوه\بس ولآكلمه..لآبكف على وجهكـ..!
فلك بـصدمه\كف..!ههههه هذا الناقص..آضرب..آضرب..خل الجراح تكمل..
بتال يبتعد خطوات وهو يتحكم بآعصابه بصعوبه\تبين تحضرين ملكة ولد آختك آخلصي..لآتزويدنها حرفين فـتشوفين ماتكرهين..!
التزمت فلكـ الصمت القاتل لروحها لأجل ياسر فقط..
كي ينعمـ بليله هادئه..وجميله..
لآ
من آجل ذاك الجارح لروحها ولـسكينتها..!

.
.
.
بـ مستشفى..,
شهد تغلق الباب بهدوء وابتسامه مخنوقة بحزن\الحمدلله على سلآمتك..
طبعت قبلتين على خدي ضي ..
من ثمـ جلست ويدها تعانق يد ضي المليئه بـ الضمادات..\الله يسلمك..
آردف ببحه مخنوقة بدمع\تو آحد منكمـ يطل علي..
شهد بـوجع\والله العظيمـ هذا الاسبوع طايحه بفراشي ماقدرت حتى آزور ريان وآتطمن عليه الصرع صار يجيني بـستمرار..و هذا انا اول ماتعافيت جيت..
ريان بخير..فايق من الغيبوبه بس ممنوع من الكلامـ..لأن الكلام يتعبه فيه كدمه على صدرهـ ..وهي الي متعبته..
ضي تنخرط في البكاء ..
شهد\لآتبكين هو بخير..آهلي بيتقبلونك بس يبون يسمعون القصه كلها من ريان آبوي هادي جداً ومافيه اي مؤشر انه ماراح يتقبلك..وبعدين عناد معنا الحين بقصه..هو دافع عن زواج ريان لما صار نقاش بيني انا وجسار..
ضي بتعب ودموع\آنا مايهمني احد..المهم ريان يقومـ لي بسلامه غير ه مايهمني آغلى شي كان الي ببطني وراح..مابي بعد آبوهـ يروح..
قطبت حاجبها شهد\لآ..ان شاء الله..هو بخير..
ضي\آنا كنت أسئل الممرضات وهمـ كانو ينقلون لي آخبارهـ أول بأول..آبي اشوفه شهد ابي اشوفه..
شهد بـستغراب\كيف تشوفينه وحالتك كذا...مسئلة وقت ..آصبري بس..وبعدين حتى آهلي كلهم بيجون يتطمنون عليك...بس هم في مرحلة الصدمه..أنا اليومـ أستئذنت بزيارتك وماحد عارض..هذا دليل انهمـ راح يتقبلونكـ..
صمتت ضي بألمـ...
لتقلبها شهد وتستئذن..
.
.
.
نقف هنا
.
.
.
همسة محبه \ماهي السوره التي قال عنها الرسول صلى الله عليه وسلم.. " لقد شيع هذه السورة من الملائكة ما سد الأفق ..؟
رجاءٍ ياحلوين مانبي غش من السيد قوقل..نبي ثقافه دينيه..^_^
الجواب يتضمن الرد على البارت حتى مآنطلع برى الموضوع..=)
.
.
كآتبه جميله ومميزهـ بذن الله سـ تحلق بيننا بـحروفها التي تحمل عبق آخر..
واستيقظت من سباتي لأجلهم
.
.
.
اللقاء السبت القادمـ آذا كتب لنا الله عمر=)

رائعه ضمضم كعادتك
ياسر على البركه العرس اجل لازم حلوه
متشوقه لارى ردة فعله عندما يعلم ان العناد هو النسيب
وايضا متشوقه لارى حب رهف يتغلغل في اعماقه ماحيا حب الملوك وتبقى الذ كريات
ريان وضي ان الاوان للحساب
ضمضم يعنى الحين زي مافهمت انها سقطتت معد فيه شيء يربطها به كنت متامله انو البيبي يساعد اهله في تقبل ضي
ولكن متشوقه لارى ردت فعل سطام فانا اتوقع انها تماما عكس ردة فعل العاجي عندما علم بزواج عبد العزيز وبتال لنرى اراء اخرى لذات القضيه تكافؤ النسب
ملوك هل ذلك العناد اصبح متغلغلا في اعماق قلبك يبكيك فقده ام مجرد تعلق يسقط باخف نسمة هوا تمر به
ايها المتجسر االى متى تجهل طعنات السيوف اخدرك الحب ام تنتضر تلك الطعنة القاتله
استيقظ ايها المتجسر استيقظ اما ان الاوان اما ان لصدها لردها لتجعلها تلتف حو ل نفسها وتعلم مقدار عمق جرحها
ان تغيبت عن يوما فاعلمي ان جمال مايسطره قلمك يجعلني عاجزة عن جمع الكلمات التي يستحقها

تحياتي
دمت بوود